महाराष्ट्र शासनाच्या सांस्कृतिक कार्य संचालनालयातर्फे सुरु असलेल्या विविध उपक्रमांचे नगरकरांकडून कौतुक

नगर – महाराष्ट्र शासनाच्या सांस्कृतिक कार्य विभागाच्या, सांस्कृतिक कार्य संचालनालयाच्या वतीने कवयित्री बहिणाबाई  चौधरी यांच्या जीवनावर आधारित, ’मन  वढाय वढाय…’ हा कार्यक्रम २३ मार्च रोजी सावेडी उपनगरातील
देशभक्त रावसाहेब पटवर्धन सभागृहात सायंकाळी झाला. या कार्यक्रमातून कवयित्री बहिणाबाईंवर आधारित गाणी, एकपात्री नाटिका व नृत्यातून त्यांचा जीवनप्रवास हळुवारपणे उलगडत गेला. कवयित्री बेबीताई गायकवाड
यांच्या हस्ते दीपप्रज्वलन करून कार्यक्रमाचे उदघाटन करण्यात आले. यावेळी अखिल भारतीय मराठी नाट्य परिषदेच्या
मध्यवर्ती शाखेचे कोषाध्यक्ष सतीश लोटके, अखिल भारतीय मराठी नाट्य परिषदेच्या मध्यवर्ती शाखेचे नियामक मंडळ सदस्य क्षितिज झावरे, ज्येष्ठ कवी चंद्रकांत पालवे, नाट्यकर्मी अविनाश कराळे, निवेदक उद्धव काळापहाड आदी मान्यवर प्रमुख पाहुणे म्हणून उपस्थित होते.

अभिनेत्री तेजा पाठक हिच्या एकपात्री नाटीकेने कार्यक्रम सुरु झाला. त्यानंतर वैष्णवी कुलकर्णी यांच्या
बालचमूने सादर केलेल्या नृत्याविष्काराने उपस्थितांची मने जिंकली. उत्तरार्धात प्रा.आदेश चव्हाण, ऋतुजा
पाठक, रेणुका पवार, श्रुती चव्हाण या सदाबहार गायकांच्या मन वढाय वढाय, सदा जगाच्या कारणे, माझी
माय सरसोती, अरे संसार संसार, खोप्यामंदी खोपा, विठ्ठल मंदिर या सारख्या गाण्यांनी रसिकांच्या मनाचा ठाव घेतला.
यासाठी हर्षद भावे यांनी तबला, अँडविन पेरेपाडम यांनी कीबोर्ड तर रमेश कार्ले यांनी ऑटोपॅडवर
संगीताची साथ देत सूर, ताल अन लयीचा त्रिवेणी संगमाचे अनोखे दर्शन या कार्यक्रमातून नगरकरांना घडवले.
दीप्ती शुक्रे यांच्या दिलखुलास निवेदनाने कार्यक्रमात रंगत आली. सांस्कृतिक कार्य आणि माहिती
तंत्रज्ञान मंत्री आशिष शेलार, मुख्यमंत्र्यांचे अपर मुख्य सचिव तथा सांस्कृतिक कार्य विभागाचे अपर मुख्य सचिव विकास खारगे आणि सांस्कृतिक कार्य संचालनालयाचे संचालक बिभीषण चवरे यांच्या संकल्पनेतून या कार्यक्रमाची निर्मिती करण्यात आली होती. नगरकर रसिकांसाठी हा सांगीतिक कार्यक्रम विनामूल्य होता. या कार्यक्रमास रसिक प्रेक्षकांनी उदंड प्रतिसाद देत आयोजकांचे आभार मानले. सागर मेहेत्रे यांनी प्रास्ताविक केले. दीप्ती शुक्रे यांनी सूत्रसंचालन तर जालिंदर शिंदे यांनी आभार मानले.

नगर – मस्सा जोग येथील सरपंच संतोष देशमुख हत्या व सोमनाथ सूर्यवंशी मृत्यू प्रकरणी जनतेने दबाव निर्माण करावा
तरच या प्रकरणी या कुटुंबियांना न्याय मिळेल, असे प्रतिपादन माजी कुलगुरू डॉ.सर्जेराव निमसे यांनी केले. शहरातील कोहिनूर मंगल कार्यालयात आयोजित मराठा समाजाच्या बैठकीत ते बोलत होते. संतोष देशमुख हत्या प्रकरणात न्याय मिळण्यासाठी अहिल्यानगर येथे लवकरच सर्व जातीधर्मिय, सर्वपक्षीय महा जनआक्रोश मोर्चा काढला जाणार आहे. त्याच्या नियोजनासाठी या बैठकीचे आयोजन करण्यात आले होते. या बैठकीला मोठा प्रतिसाद मिळाला.

जिल्ह्याच्या विविध भागातून मराठा समाजासह विविध जाती धर्मातील कार्यकर्ते पदाधिकारी उपस्थित होते.
कार्यक्रमास प्रामुख्याने संजीव भोर पाटील, अ‍ॅड. अनुराधा येवले, जिजाऊ ब्रिगेडच्या जिल्हाध्यक्ष स्वाती जाधव, माजी नगरसेवक दिलीप सातपुते, अनिल शिंदे, डॉ.दिलीप पवार, डॉ.अविनाश मोरे, राजूभाऊ शेटे, भरत मोरे, वैभव लाळगे, नितीन पठारे, टिळक भोस, गणेश निमसे, उद्धव माने, लालाभाई शेख, शाहीर मुकुंदा भोर, सुनील साळुंखे, विनय भगत, ज्ञानदेव पांडुळे, शिवश्री दारकुंडे, अनिल शेटे, देवेंद्र लांबे, प्रकाश निपुंगे, बाबा भांड, सोमनाथ शिंदे, संदीप काटे, पांडुरंग पवार आदी उपस्थित होते.

यावेळी बोलताना डॉ.निमसे यांनी बीडमध्ये जो प्रकार सुरू आहे तो भयानक आहे. अनेक हत्या या
जिल्ह्यात घडल्या आहेत. बीडसारख्या जिल्ह्यात एक विशिष्ट जात पाहून अधिकारी नेमले जातात. गुन्हे करणारे
आणि त्यांना साथ देणार्‍या, बेहिशोबी संपत्ती असणार्‍या गुंड, या गुंडांचे पाठीराखे आणि भागीदार नेत्यांविरूध्द
अजूनही इडी का लावली जात नाही. आता जनतेनेच याविरूध्द उठाव करावा.

संजीव भोर यांनी मोर्चामागील भूमिका स्पष्ट करून कोपर्डी आंदोलनाप्रमाणेच हा महा जनआक्रोश
मोर्चा जास्तीत यशस्वी करण्यासाठी सर्वांनी प्रयत्न करावा असे आवाहन केले. सरपंच संतोष देशमुख हत्या प्रकरणात
ज्या ज्या बाबी दडपल्या गेल्या आहेत त्या या मोर्चातून चव्हाट्यावर आणल्या जातील, हा मोर्चा राज्यात पुन्हा
एकदा एक वेगळे उदाहरण घालून देईल असा आमचा प्रयत्न आहे असेही ते म्हणाले.

बैठकीत अ‍ॅड. अनुराधा येवले, भाऊसाहेब वाघ, गणेश निमसे, टिळक भोस, दिलीप सातपुते, भरत मोरे,
राजूभाऊ शेटे, गोरख दळवी, शिवशाहीर मुकुंदा भोर, आबासाहेब सोनवणे, श्रीपाद दगडे, लालाभाई शेख,
राजेंद्र कर्डिले, महेश घावटे आदींनी विचार व्यक्त केले. एक कोअर कमिटी बनवून त्यात प्रत्येक

तालुयातील प्रमुख दोन कार्यकर्त्यांचा समावेश केला जाईल. मोर्चाच्या प्रचार प्रसारासाठी प्रत्येक तालुयात
बैठका घेतल्या जाणार आहेत असेही आयोजन कमिटीच्या वतीने यावेळी जाहीर करण्यात आले. प्रास्ताविक निलेश
म्हसे पाटील यांनी मांडले.

नगर – भारतीय कम्युनिस्ट पक्ष, डाव्या प्रागतिक पक्ष व संघटनांच्या वतीने २३ मार्च रोजी व्यक्ति आणि संघटनांचे घटनात्मक
अधिकार संपूर्णपणे नष्ट करणारे, लोकशाहीविरोधी असलेले महाराष्ट्र विशेष जनसुरक्षा अधिनियम २०२४ विधेयकाची होळी करण्यात आली. शहरातील पत्रकार चौक येथील शहीद भगतसिंह उद्यानात शहीद दिनीच्या पार्श्वभूमीवर सदर
विधेयक मागे घेण्याची मागणी करत त्याची होळी करण्यात आली. प्रारंभी भगतसिंग, राजगुरू, सुखदेव यांना अभिवादन
करुन इन्कालब जिंदाबादच्या जोरदार घोषणा देण्यात आल्या.

या आंदोलनात भाकपचे राज्य सेक्रेटरी कॉ. अ‍ॅड.सुभाष लांडे, बन्सी सातपुते, सुधीर टोकेकर, स्मिता पानसरे,
महेबुब सय्यद, अशोक सब्बन, अजित कुर्‍हाडे, आनंद गोलवड, आबीद खान, बापू चंदनशिवे, संध्या मेढे, युनूस तांबटकर, श्याम शिंदे आदी सहभागी झाले होते. प्रस्तावित विधेयक हे लोकशाही विरोधी असून, अशा प्रकारचे विधेयक पब्लिक सेफ्टी बील म्हणून १९१८ साली ब्रिटिश सरकारने  आणले होते. शहीद भगतसिंग, बटुकेश्वर दत्त यांनी त्यावेळी असेम्ब्लीत मनुष्यहानी होणार नाही, सभागृहात आवाज होऊन लक्ष वेधण्यासाठी बॉम्ब टाकून आवाज केला
होता व विरोध दर्शविला होता. त्या वेळी ते बील रद्द करण्यात आले होते. तशाच प्रकारचे विधेयक महाराष्ट्र सरकारने आणलेले आहे. त्यामुळे सर्व प्रकारच्या घटनात्मक अधिकारावर दूरगामी परिणाम होणार आहेत. सत्तेला विरोध करणार्‍या राजकीय  पक्ष, व्यक्ती, संघटनांच्या हालचालींवर लक्ष ठेवून त्यांचा आवाज दाबण्याचा प्रयत्न केला जाईल. अर्बन नक्षलच्या नावाखालीश्रमिक, कामगार, कर्मचारी, शेतकरी यांच्या  चळवळींना मोडून काढण्यासाठी वापर केला जाणार आहे. सरकारचा उद्देश विरोधकांचा आवाज दाबण्याचा असल्याचा आरोप भाकपच्या वतीने करण्यात येणार आहे. अशा
जनविरोधी, घटनाविरोधी विधेयकाला सर्व स्तरातून विरोध व्हायला हवा व हे विधेयक कुठल्याही परिस्थितीत मंजूर होणार नाही, या साठी राज्यातील सर्व लोकशाहीवादी पक्ष, संघटनांनी एकत्र येण्याची गरज असल्याचे प्रतिपादन कॉ. अ‍ॅड. सुभाष लांडे यांनी केले. भारतीय कम्युनिस्ट पक्षाच्या वतीने २३ मार्च ते १४ एप्रिल केंद्र व राज्य शासनाच्या जनविरोधी धोरणाविरोधात बेरोजगारी, महागाई, सर्व सामान्यांच्या प्रश्नांसाठी, लोकशाही, समाजवाद, राज्य
घटना जनजागृती देशव्यापी मोहीम सुरू झाली आहे.  या मोहिमेचा प्रारंभ शहरात शहीद दिनापासून सुरु करण्यात आला आहे.

नगर – जिल्ह्यातील जनतेने महायुतीला मोठा कौल दिला असून
१० आमदार निवडून आले आहे. त्यामुळे जनतेची अपेक्षा देखील
वाढली आहे. आता आपली जबाबदारी देखील वाढली असून मोठे
काम करावे लागणार आहे. नगर जिल्ह्यात ३ एमआयडीसी मंजूर
झाल्या असून औद्योगिक वातावरण निर्माण करायचे आहे. किमान
जिल्ह्यातील १० हजार भूमिपुत्रांना रोजगार निर्माण होईल. लवकरच
उद्योजकांशी बैठकीचे आयोजन केले जाणार आहे. एमआयडीसी
भागामध्ये खंडणीबहाद्दरांचा उद्रेक झाला असून त्यांचा बंदोबस्त
करणार. जिल्ह्यातील पाणी प्रश्न देखील तेवढाच महत्त्वाचा आहे.
जिल्ह्याचा विकास आपणच करू शकतो. बाहेरच्या पुढार्‍यांनी आपले
प्रश्न सोडवले नाही! भांडणे लावून स्वतःची पोळी भाजून घेण्याचे काम
केले आहे. अनेक वर्षापासून प्रलंबित असलेला साकळाई पाणी योजना
मंजूर केली आहे. आता आपल्या जिल्ह्याच्या हक्काचे पाणी मिळणार
आहे. ६५ टीएमसी पाणी गोदावरी खोर्‍यात आणल्याशिवाय स्वस्थ
बसणार नाही, त्यामुळे दुष्काळी भागातील पाणी प्रश्न कायमस्वरूपी
सोडविला जाणार आहे. नगर जिल्ह्याचे पर्यटन वाढवण्यासाठी पुढाकार घेतला असून
राजमाता अहिल्याबाई यांचे स्मारक उभे राहणार आहे. जनतेने टाकलेला विश्वास सार्थ
ठरविण्याचे काम केले जाणार आहे. आमदार, मंत्रीपद हे शोभेचे पद नसून जबाबदारीची
जाण असणारे पद आहे. आमदार शिवाजीराव कर्डिले यांना मंत्रीपदाची इच्छा आहे, आणि
त्यांना माझी सहमती देखील आहे. त्यांनी जिल्ह्यातील सर्व आमदारांना एकत्रित करून त्यांचा
सत्कार केला व चांगले काम करण्यासाठी ऊर्जा व प्रेरणा देण्याचे काम केले असल्याचे
प्रतिपादन पालकमंत्री राधाकृष्ण विखे पाटील यांनी केले.
नगर तालुयाच्यावतीने पालकमंत्री, विधान परिषदेचे सभापती व महायुतीचे नवनिर्वाचित
आमदारांचा सत्कार सोहळा झाला. यावेळी पालकमंत्री राधाकृष्ण विखे पाटील, विधान
परिषदेचे सभापती प्रा. राम शिंदे, आ.शिवाजीराव कर्डिले, आ.संग्राम जगताप, आ.मोनिकाताई
राजळे, आ.काशिनाथ दाते, आ.विठ्ठलराव लंघे, आ.विक्रम पाचपुते, आ.अमोल खताळ,
माजी खा.डॉ.सुजय विखे पाटील, भाजपचे युवा मोर्चाचे जिल्हाध्यक्ष अक्षय कर्डिले, बाबुशेठ
टायरवाले, नितीन दिनकर, अभय आगरकर, अनिल शिंदे, विनायक देशमुख, अशोक
सावंत, सुनील साळवे, शहाजीराजे भोसले आदींसह नागरिक उपस्थित होते.
विधान परिषदेचे सभापती प्रा.राम शिंदे म्हणाले की, जीवनामध्ये वावरत असताना ’श्रद्धा
आणि सबुरी’ ठेवावी लागते. विधानसभा निवडणुकीमध्ये आपल्या जिल्ह्यात सर्वात मोठे
बहुमत मिळाले आहे. पालकमंत्री यांच्या माध्यमातून मागील अडीच वर्षांमध्ये लोकभिमुख
विकास कामे झाले असल्यामुळेच महायुतीचे आमदार मोठ्या संख्येने निवडून आले आहेत.
आ. कर्डिले यापूर्वी राज्यमंत्री झाले होते आता कॅबिनेट मंत्री करण्यासाठी आम्ही प्रयत्न
करू. माझी निष्ठा आणि देवाभाऊंची पुण्याई यामुळेच मी सभापती पदावर पोचलो आहे.
शासनाच्या योजना शेवटच्या घटकापर्यंत घेऊन जाण्याचे काम आपल्या सर्वांना करावे
लागणार आहे. राजमाता अहिल्याबाई होळकर यांचा वारसा पुढे घेऊन जाण्याचे काम केले
जाणार असल्याचे ते म्हणाले.
आ.शिवाजीराव कर्डिले म्हणाले की, जिल्ह्यातील महायुतीचे आमदार, पालकमंत्री व
विधान परिषदेचे सभापती यांचा सत्कार सोहळा नगर तालुयाच्या वतीने झाला आहे.
विकासाची कामे पूर्ण करायची असेल तर सत्तेशिवाय होत नाही. पालकमंत्री राधाकृष्ण विखे
पाटील यांनी गेल्या अडीच वर्षांमध्ये मोठ्या प्रमाणात विकासाची कामे केली असल्यामुळेच
मोठ्या संख्येने आमदार निवडून आले आहे. आता जनतेच्या अपेक्षा देखील वाढले आहेत.
शेतकर्‍यांचा विजेचा प्रश्न गंभीर असून तो सोडवण्यासाठी सर्वांनी प्रयत्न करणे गरजेचे आहे.
जलसंपदा खाते पूर्वी पुण्याकडे असायचे त्यामुळे आपल्या जिल्ह्यावर
अन्याय होत होता! मात्र आता आपल्या जिल्ह्यामध्येच असल्यामुळे
पाणी योजना पूर्ण होतील. पालकमंत्री राधाकृष्ण विखे पाटील व माजी
खासदार डॉ. सुजय विखे पाटील यांनी दिलेला साकळाई पाणी योजनेचा
शब्द पूर्ण केला आहे. जिरायत भागाला न्याय देण्याचे काम झाले
पाहिजे. सुजय विखे पाटील माजी खासदार झाले असले तरी आता
त्यांना आपल्याला राज्यसभेवर पाठवावे लागणार आहे. मंत्रीपदाची
संधी मला दिली नसली तरी माझ्या मतदारसंघातील विकासाचे कामे
मार्गी लावावीत. सभापती प्रा. राम शिंदे यांनी जिल्ह्याच्या विकास
कामासाठी पुढाकार घ्यावा. राहुरी तालुयातील वावरथ जांभळी
पुलाचे काम मार्गी लागावे यासाठी प्रयत्न करणार आहे. लोकांची
अपेक्षा मोठी आहे. पुढील काही महिन्यात जिल्हा परिषद महापालिका
नगरपालिका निवडणुका होणार असून आपण महायुती म्हणून संघटित
राहिलो तर यश हमखास मिळणार आहे असे ते म्हणाले.
अहिल्यानगर जिल्ह्यातील जनतेने १० आमदार आणि एक सभापती
असे अभूतपूर्व यश मिळाले आहे. मागच्या निवडणुकीत ’मी आजी होतो मात्र हे माजी होते’
आता हे आजी झालेत आणि मी माजी झालोय आता मी एकटा माजी आहे तरी मला आजी
करा अजून ४ वर्षे बाकी आहे. तोपर्यंत लोक विसरून जातील माझा भाषनापुरता उपयोग
करून घेऊ नका! अहिल्यानगर जिल्ह्याचा विकास व्हावा यासाठी एमआयडीसी साखळाई
पाणी योजना घोडच्या प्रकल्पातून २ टीएमसी पाणी आरक्षित केले आहे. अहिल्यानगर
जिल्ह्याच्या विकासासाठी आम्ही कटिबद्ध आहोत आजी असणार्‍या पेक्षा मी ५० टक्के काम
जास्त करीत आहे असे मत सुजय विखे पाटील यांनी व्यक्त केले.
जनतेने टाकलेल्या विश्वासाला सार्थ ठरवीत विकास कामाच्या माध्यमातून जिल्ह्यालापुढे घेऊन
जावे लागणार आहे. पालकमंत्री राधाकृष्ण विखे पाटील यांच्या माध्यमातून विकासाची कामे पूर्ण केली
जातील असे मत आमदार संग्राम जगताप यांनी व्यक्त केले.
यावेळी मोनिकाताई राजळे म्हणाल्या की, मंजूर महाविद्यालय हे शेवगाव पाथर्डी विधानसभा
मतदार संघात व्हावे यासाठी सर्व आमदारांनी सहकार्य करावे. तसेच आमदार काशिनाथ दाते म्हणाले
की, साकळाई पाणी योजनेमध्ये पारनेर विधानसभा मतदारसंघातील गावांचा समावेश करण्यासाठी
सर्वांनी मदत करावी. यावेळी विक्रम पाचपुते, विठ्ठल लंघे, अमोल खताळ आदींची भाषणे झाली.
कार्यक्रमाचे प्रास्ताविक अक्षय कर्डिले यांनी तर स्वागत दिलीप भालसिंग यांनी केले.

पोलिसांनी ८ म्हशींची केली सुटका,९ लाखाच्या मुद्देमालासह एकाला घेतले ताब्यात

नगर – टेम्पोमध्ये म्हशी दाटीवाटीने कोंबून कत्तलीकरता घेऊन जाणारा टेम्पो कोतवाली पोलिसांनी पकडला. या कारवाईत
आठ म्हशींची सुटका करून एकास ताब्यात घेतले. ही कारवाई नगर पुणे रोडवरील केडगाव बायपास येथे २२ मार्च रोजी पहाटे अडीच वाजण्याच्या सुमारास केली.

कोतवाली पोलीस रात्री शहर हद्दीत गस्त घालीत असताना त्यांना माहिती मिळाली की एक  आयशर कंपनीचा टेम्पोमध्ये म्हशी दाटीवाटीने कोंबून कत्तलीकरिता पुणे रोडने नगर शहराकडे येत आहे. अशी माहिती मिळाल्याने कोतवाली पोलीस पथक तातडीने त्या ठिकाणी गेले असता एक आयशर टेम्पो (क्र. एम एच ०४ एच वाय ५५४०) नगर कडे येताना दिसला. पोलिसांनी टेम्पो थांबवून टेम्पो चालकास त्याचे नाव विचारले असता त्याने त्याचे नाव अमर इलाही शेख (वय ४० रा. उंदरी गाव, ता. हवेली जि. पुणे ) असे असल्याचे सांगितले. पोलिसांनी त्याच्या टेम्पोची झडती घेतली असता
टेम्पोत दाटीवाटीने बांधलेल्या आठ म्हशी मिळून आल्या.

पोलिसांनी ५ लाख रुपये किमतीचा आयशर टेम्पो व ४ लाख रुपये किमतीच्या ८ म्हशी असा ९ लाख रुपयांचा मुद्देमाल जप्त केला. याप्रकरणी कोतवाली पोलिसांनी सहाय्यक फौजदार लक्ष्मण बोडके यांनी दिलेल्या फिर्यादीवरुन अमर
शेख याच्याविरुद्ध प्राण्यांना क्रूरतेने वागविण्यास प्रतिबंध अधिनियम १९६० चे कलम ११ (च) (घ) (ड), सह महाराष्ट्र प्राणी संरक्षण अधिनियम १९७६ चे कलम ६, ९ प्रमाणे गुन्ह्याची नोंद केली.

माणकचंद कटारिया यांचे प्रतिपादन, उच्च रक्तदाब व मधुमेह व इतर सर्व आजारांवर उपचार व तपासणी शिबिरास प्रतिसाद

नगर – आनंदऋषीजी हॉस्पिटलमध्ये येणारा रुग्णास दवा बरोबर दुवाही मिळते. आचार्य आनंदऋषीजींच्या आशीर्वादाने
पावन झालेल्या हॉस्पिटलमध्ये येणारे रुग्ण बरे होऊन आनंदाने घरी जातात. आनंदऋषीजी हॉस्पिटलमध्ये हृदयरोग शस्त्रक्रिया, मोतीबिंदू शस्त्रक्रिया, डायलेसिस, जनरल सर्जरी, दंत चिकित्सा अशा अनेक विविध प्रकारच्या
आजारांसाठी हॉस्पिटलमध्ये उपचार केले जातात. आनंदऋषीजी हॉस्पिटलची एका छत्रा खाली मिळणारी आरोग्यसेवा कल्पवृक्षाप्रमाणेच आहे, असे प्रतिपादन हॉस्पिटलच्या स्थापनेपासून कार्यरत असलेले माणकचंद कटारिया यांनी केले आहे.
राष्ट्रसंत आचार्य आनंदऋषीजी म.सा.यांच्या ३३ व्या पुण्यस्मृती दिना निमित्त उच्च रक्तदाब व मधुमेह व इतर
सर्व आजारांवर उपचार व तपासणी शिबिराचे आयोजन करण्यात आले होते. याचे उद्घाटन माणकचंद कटारिया
व सज्जनबाई कटारिया यांच्या हस्ते दीप प्रज्वलनाने करण्यात आले. याप्रसंगी डॉ.मितेश कटारिया, डॉ.
निखीता कटारिया, वैशालीताई मुथा, अभय मुथा आदींसह जैन सोशल फेडरेशनचे सदस्य डॉ.प्रकाश
कांकरिया, निखीलेंद्र लोढा, सतीश लोढा, सुभाष मुनोत, अभय गुगळे, प्रकाश छल्लाणी, डॉ.आशिष भंडारी
तसेच शिबिराचे तज्ञ डॉटर डॉ.वसंत कटारिया, डॉ. गजेंद्र गिरी, डॉ.रविराज गवळी, डॉ.प्राजक्ता पारधे आदी
उपस्थित होते.

डॉ.निखीता कटारिया म्हणाले, या आनंदऋषीजी हॉस्पिटलच्या शिबिराच्या माध्यमातून रुग्णांची सेवा घडत आहे. आदर्शऋषीजी महाराज यांच्या प्रेरणेने व जैन सोशल फेडरेचशन यांच्या सहकार्याने खारीचा वाटा उचलण्याची संधी कटारिया परिवाराला मिळाली आहे. प्रास्ताविकात डॉ.वसंत कटारिया म्हणाले, माणकचंद कटारिया हे आनंदऋषीजी हॉस्पिटलच्या स्थापनेपासून आजपर्यंत जैन सोशल फेडरेशनचे कार्यक्षम सदस्य म्हणून कार्य करीत आहेत. तसेच तसेच डॉ.मितेश व डॉ.
निखीता कटारिया हे देखील आनंदऋषीजी हॉस्पिटलच्या रुग्णसेवेच्या कार्यात जोडले गेलेले आहेत. माणकचंद कटारिया व कटारिया कुटुंब तन-मन-धनाने निस्वार्थ सेवा करीत आहेत. समाजातील अशा दानशूर व्यक्तींमुळे अतिशय
महागडी असणारी उपचार पद्धती सवलतीच्या दरात व मोफत देण्यासाठी मदत होत आहे. बदलत्या जीवनशैलीमुळे मधुमेहाचे प्रमाण वाढले आहे. देशात पंधरा टक्के लोक वजन जास्त असल्यामुळे, मानसिक तणाव
असल्यामुळे मधुमेहा चे बळी पडत आहे. मधुमेह होऊ नये. यासाठी प्रतिबंधात्मक उपाय करणे
आवश्यक आहे. यासाठी प्रत्येकाने जीवन शैलीत बदल करुन योग्य तो आहार घेणे व व्यायाम करणे आवश्यक
आहे. डॉ.प्राजक्ता पारधे म्हणाले, मधुमेहाच्या रुग्णांनी डॉटरच्या सल्ल्याने औषधोपचार केल्यास रक्तातील
साखरेवर नियंत्रण मिळवता येते. मधुमेह होऊ नये. यासाठी प्रतिबंधात्मक उपाय करणे आवश्यक आहे.
वयाच्या चाळीशी नंतर मधुमेह ची तपासणी करणे आवश्यक आहे. डॉ.आशिष भंडारी यांनी सुत्रसंचलन
केले. स्वागत निखिलेंद्र लोढा यांनी केले. प्रकाश छल्लाणी यांनी आभार मानले. उच्च रक्तदाब व मधुमेह व ईतर सर्व
आजारांवर उपचार तपासणी शिबिरात २०१ रुग्णांची तपासणी करण्यात आली.

नगर – अहिल्यानगर शहरातील शासकीय विश्राम गृह येथे भीमशक्तीचे संस्थापक अध्यक्ष तथा खासदार चंद्रकांत हंडोरे यांच्या आदेशानुसार भीमशक्तीच्या पदाधिकारी व कार्यकर्त्यांची आढावा बैठक झाली. यात
शहराची कार्यकारणी जाहीर करण्यात आली. यावेळी भीमशक्तीचे प्रदेशाध्यक्ष भाऊसाहेब साठे, शहर जिल्हा
अध्यक्ष संजय जगताप, जिल्हा प्रभारी अध्यक्ष सुदामराव सरोदे, दक्षिण जिल्हा अध्यक्ष प्रल्हाद शिंदे, उत्तर जिल्हा
अध्यक्ष संदीप मतकर, कार्याध्यक्ष हुसेन देशमुख, जिल्हा सचिव पोपटराव जाधव यांच्या प्रमुख उपस्थितीत निवड
करून पत्र वाटप करण्यात आले.

यावेळी सुदाम सरोदे, विनायक साठे, सोमनाथ  भोसले, अभिजीत सिंग, यश गायकवाड, ओम अहिरे,  मयूर पांढरे, प्रथमेश वाघ, कौस्तुभ आडेप, पियुष वाघमारे, वेदांत थोरात, सुनील आडोळे, तेजस पांढरकर, तुषार साळवे, सनी गाढवे, प्रेम साठे आदी पदाधिकारी उपस्थित होते.

यावेळी शहर कार्यकारणी शहर जिल्हा अध्यक्ष संजय जगताप, उपाध्यक्ष अभय गायकवाड, शहर सचिव विशाल भिंगारदिवे, संघटक भाऊसाहेब भिंगारदिवे, संघटक रिजवान सय्यद, शहर जिल्हा संपर्कप्रमुख विनायक साठे, शहर संघटक सुनील ठाकरे, संघटक विवेक चंदनशिव, प्रसिद्धीप्रमुख अशोक खंडागळे अधिक पदाधिकार्‍यांची निवड करण्यात आली.

नगर – आजच्या व्हॉटसअप, फेसबुक, इन्स्ट्राग्राम- च्या जगातील एकही जण आपल्या अडीअडचणीत-दुःखद प्रसंगात
आपल्या जवळ बसून पाठीवर हात ठेवत आधार देत नाही की आपण  हॉस्पीटलच्या आयसीयूमध्ये उपचार घेताना आपल्या काळजीने भेटायला येत नाही. आपल्यासाठी डोळ्यांत पाणी येणारे मोजकेच मित्र आणि रक्ताचे नातेवाईकच आपले असतात, या वास्तवावर प्रवचनकार प्रा.डॉ.विनोद बाबर (कराड) यांनी बोट ठेवले.
राष्ट्रसंत आचार्य सम्राट श्री आनंदऋषिजी महाराज यांच्या ३३ व्या पुण्य स्मृतीदिन व १२५ व्या जन्मोत्सवानिमित्त जैन सोशल फेडरेशनने प्रबुध्द विचारक आदर्शऋषीजी महाराज यांच्या प्रेरणेने सुरू केलेल्या भगवान महावीर व्याख्यानमालेचे पहिले
पुष्प काही तरी चुकतंय आपलं या विषयावर गुंफताना आनंदधाममध्ये ते बोलत होते. सौ.मनिषा व निखिलेंद्र
लोढा यांच्या हस्ते वक्त्यांचा सन्मान करण्यात आला. सरोजताई कटारिया यांनी सूत्रसंचालन केले. श्री. बाबर पुढे म्हणाले, आज जग जवळ आले असे म्हटले जात असले तरी एका घरात रहाणारे एकमेकांपासून दुरावत चालले आहेत. घरातील आपल्या माणसांसोबत आपलेपणाने दिलखुलास संवाद झाला पाहिजे. तो न करता आपण मोबाईलच्या आभासी जगात वावरणे पसंत करत असू तर आपणास मानसोपचार तज्ज्ञास भेटणे अत्यंत आवश्यक आहे, हे लक्षात घ्या. मोबाईलचा
वापर आवश्यक कामापुरता केल्यावर मोबाईलपासून दूर रहाण्याचा प्रयत्न करा. झोपताना-झोपेमधून उठताना
मोबाईल पहाणे टाळा. आपल्या घरातील लहान मुलांच्या हाती मोबाईल ठेवून तो मोबाईलशिवाय रहात नाही, हा
खोटा मोठेपणा मिरवू नका. घरातील ५० वर्षांचा नवरा तुमचं ऐकतो मग २ वर्षाचा नातू का ऐकत नाही? त्याच्या
हातातून मोबाईल काढून घेवून त्याच्याशी बोलण्यासाठी सुसंस्कार करण्यासाठी वेळ द्या. आपण कष्टाने कमावलेल्या पैशांचा आनंद घ्या. अधिक संपत्ती, अधिक बचत, अधिक गुंतवणूक करण्याच्या नादात जगायचे राहून गेले असे होवू देऊ
नका. आपल्या शब्दाने आपल्या कृतीने कुणीही दुखावले जाणार नाही याची सदैव काळजी घ्या. जर असे घडले
तर लगेच भेटून माफी मागा. माफी मागण्यासाठी वाघाचं काळीज लागतं. आपलं जीवन कधी थांबणार हे माहिती
नसल्याने हे जग सोडून जाताना कोणाशीही वैर राहू नये, याची काळजी घेत देवाने दिलेल्या जीवनाचा
आनंद घ्या. आपले शरीर ही अनमोल संपत्ती आहे. ज्याचे शरीर उत्तम तो जगात सर्वात श्रीमंत. धाव-धाव करून
कोट्यवधीची इस्टेट कमवली तरी आपल्याला साथ फक्त शरीरच देणार हे विसरू नका. आपले आई-वडिल हेच आपले आयडॉल असले पाहिजेत. आपल्याला जन्म दिला हे सुंदर शरीर दिले. लहानाचं मोठं केलं. आपल्याला
जगवण्यासाठी अपार कष्ट घेतले तरीही आमच्यासाठी काय केलं? असं म्हणून आई-बापरूपी देवाला
कधीही दुखवू नका. भाड्याच्या घरात जीवन घालवलेल्या आई- वडिलांना बंगल्यात रहाण्याचा आनंद मिळवून द्या. माझी गाडी माझी माडी माझ्या बायकोची गोल गोल साडी या संकुचित विचारातून वेळीच बाहेर पडा. जर्मनीत
मृत्यू झाल्यावर रडण्यासाठी भाड्यानं माणसं आणावी लागतात. आपल्या मृत्यूनंतर असे होवू नये याकरिता
आपल्या मायेची माणसं मिळवा. खिशात पैसे असले तरच मैत्रीचे हात पुढे येतात, अशा मित्रांपासून दूर रहा. त्यांच्यासोबत जीवनातील वेळ वाया घालवू नका. आपली पारखं असलेल्यांसोबतच रहा. आज सर्व आजारांवर मेडिकलमध्ये औषधे मिळतात पण मनाचा आजार दूर करायला जीवाभावाचीच माणसं लागतात. ईश्वर संकट ज्यांच्या वाट्याला देतो ज्यांची
संकट पेलण्याची ताकद असते. ते येरा-गबाळ्याचं काम  नाही! झोपण्यासाठी झोपेची गोळी घ्यावी लागणे ही
दुर्देवाची गोष्ट आहे. स्वतःपुरता विचार करण्याचे सोडून द्या. आयुष्य खुप सुंदर आहे जगून घ्या, असे आवाहन
श्री.बाबर यांनी केले. सिमा मुनोत यांनी आभार मानले.

रस्त्याचे काम अर्धवट, डिएसपी चौक मार्गे बस जातात निघून; प्रवाशांची गैरसोय, धावपळ, पूर्वीप्रमाणे एसटी स्थानकात येण्यासाठी योग्य नियोजन करा

नगर – शहरातील तारकपूर रस्त्याचे काम काही महिन्यांपासून अर्धवट असल्याने तारकपूर बस स्थानकात एसटी बसेस  येण्यास बंद झाल्या असून, बस स्थानकातील प्रवाशांची गैरसोय होत आहे. तर अनेक अडचणींचा सामना करुन प्रवाशांना एसटी धरावी लागत असून, तारकपूर आगार व्यवस्थापकाने पूर्वीप्रमाणे एसटी बसेस बस स्थानकात येण्यासाठी योग्य नियोजन करण्याची मागणी प्रवाश्यांकडून होत आहे. तारकपूर रस्त्याचे काम काही महिन्यांपासून सुरु आहे. तारकपूर बस स्थानक समोरील एका बाजूचे काम पूर्ण झाले असून, उर्वरीत बाजूचे काम प्रलंबीत आहे. मात्र वाहतुक कोंडी होत असल्याचे कारण पुढे करुन बस स्थानकात येणारे बसेस सकाळी ९ नंतर येण्याचे बंद झाल्या आहेत. मोजयाच काही बस येत असल्याने त्यासाठी प्रवाश्यांची मोठी गर्दी होत आहे. तारकपूर बस स्थानक येथून विविध कामानिमित्त गावाकडे आणि इतर शहरामध्ये जाणार्‍या प्रवाशांचे हाल होत आहे.

गावाला आणि विविध शहरात जाणारे नागरिक तारकपूर बस स्थानकात येतात, मात्र बस येणार की नाही याची शाश्वती नसल्याने हिरमोड होवून माळीवाडा बस स्थानकाकडे वळतात. परिणामी तारकपूर येथील प्रवाशांना ताटकळत उभे रहावे लागत आहे. तर काही बस आल्यास त्यामध्ये बसण्यासाठी प्रवाशांची झुंबड उडत आहे. एसटी बस गाड्या
तारकपूर बस स्थानकावर न थांबता माळीवाडा बस स्थानक किंवा पुणे बस स्थानकावर थांबून पुढे जात असल्याने बस धरण्यासाठी महिलांसह लहान मुले, शालेय विद्यार्थी व ज्येष्ठ नागरिकांची कसरत होत आहे.
पुणे, नागपूर, संभाजीनगर, मुंबई आदी ठिकाणी जाणार्‍या गाड्या तारकपूर बस स्थानकात न थांबता पुढे जात आहे. यासाठी नागरिकांना डीएसपी चौकात थांबून एसटी धरण्याची वेळ येत आहे. रस्त्याचे काम दोन ते तीन महिन्यांपासून सुरु असल्याने तारकपूर बस स्थानकातील एसटी सेवा विस्कळीत झाली आहे.

माळीवाडा बस स्थानकाचे देखील नुतणीकरणाचे काम सुरु असल्याने तेथे देखील एकाचवेळी अनेक एसटी बसेस येत असल्याने जागेची कमतरता भासत आहे. हा ताण पूर्णत: स्वास्तिक चौक येथील पुणे बस स्थानकावर येत असून, कमी जागा असताना तेथे मोठ्या  प्रमाणात गर्दी होत आहे.प्रवाशांची गैरसोय टाळण्यासाठी एसटी महामंडळ प्रशासनाकडून
योग्य नियोजनाची गरज आहे. तारकपूर रस्त्याच्या एका बाजूचे काम पूर्ण झालेले असताना एसटी बस गाड्यांना पूर्वीप्रमाणे तारकपूर बस स्थानकात थांबविणे आवश्यक आहे, ज्यामुळे प्रवाशांची गैरसोय कमी होणार आहे. परीक्षा कालावधी संपल्यानंतरच मोठ्या प्रमाणात सुट्ट्यामुळे एसटीला मागणी वाढणार असून याकडे एसटी महामंडळ प्रशासनाने लक्ष
देण्याची गरज आहे. एसटी महामंडळ प्रशासनाने या समस्येचे गांभीर्य ओळखून लवकरात लवकर उपाययोजना करण्याची मागणी प्रवाशांमधून होत आहे.

आमदार संग्राम जगताप यांची लक्षवेधी सूचना त्वरित मान्य करत मुख्यमंत्री देवेंद्र फडणवीस यांची घोषणा

नगर – गोहत्या व गो तस्करी करणार्‍यांवर कडक कायदेशीर कारवाई होणे आवश्यक असून त्यांच्यावर वारंवार गुन्हे दाखल होऊनही ते गो हत्या करतच आहेत. अशांवर मकोका सारख्या कडक कायदेशीर कायद्याने कारवाई करण्याची मागणी विधिमंडळाच्या अर्थसंकल्पीय  अधिवेशनात अहिल्यानगरचे आमदार संग्राम जगताप यांनी गुरुवारी लक्षवेधी सूचना मांडत केली. या लक्षवेधीला उत्तर देताना मुख्यमंत्री तथा गृहमंत्री यांनी सांगितले, जर एखाद्यावर गोहत्येचे वारंवार गुन्हे दाखल झाले तर आता त्याच्यावर महाराष्ट्र संघटित गुन्हेगारी नियंत्रण कायदा  मकोका अंतर्गत कारवाई करण्यात येईल, अशी घोषणा
करत निर्देश देत असल्याचे लक्षवेधी सूचना त्वरित मान्य केली. यावेळी गृह राज्यमंत्री पंकज भोयर यांनीही चर्चेत भाग घेतला.

आ. संग्राम जगताप यांनी अहिल्यानगर मधील श्रीगोंदा तालुयात घडलेल्या घटनेचा आधार घेत त्यांनी ही लक्षवेधी मांडली. आ. जगताप म्हणाले, २ नोव्हेंबर २०२४ रोजी अहिल्यानगर जिल्ह्यातील श्रीगोंदा येथे फटाके वाजवण्यावरून झालेल्या भांडणात गो तस्करी करणार्‍या अतिक कुरेशी याने केलेल्या मारहाणीत राम ससाणे यांचा मृत्यू झाला होता. गो हत्या व तस्करी तसेच गुटख्याची तस्करी करणार्‍या अतिक कुरेशी गँगची असलेल्या मोठ्या दहशतीमुळे कोणीही या विरोधात गुन्हा दाखल करण्यास पुढे आले नाही. पोलिसांनीही एव्हढ्या मोठ्या घटनेकडे दुर्लक्ष केले. या कुरेशीवर गो हत्येचे अनेक गुन्हे दाखल असूनही त्याच्यावर काहीच कारवाई झालेली नाही, असे सांगितले.

या घटनेचा दाखला देत आ.संग्राम जगताप यांनी अहिल्यानगरमध्ये गो हत्या व तस्करी करणार्‍यांची मोठी
दहशत अहिल्यानगर जिल्ह्यात असल्याचे सरकारच्या निर्देशनास आणून दिले. त्यामुळे गो हत्या व तस्करी करणार्‍यांवर वारंवार गुन्हे दाखल होऊनही ते जेलमधून जामिनावर सुटतात व पुन्हा पुन्हा हाच गुन्हा करत असतात. त्यामुळे अशांवर कडक कायदेशीर कारवाई होणे आवश्यक आहे. यासाठी शासनाने जसा लव्ह जिहाद साठी कायदा करण्याची प्रक्रिया सुरु केली आहे. तसेच गो हत्येचे वारंवार गुन्हे दाखल झालेल्यांवरही कारवाईसाठी मकोका, एम.पी.डी. या सारख्या कडक कायदे आणावेत. तसेच श्रीगोंदा येथे घटनेत सरकारने लक्ष घालून विशेष सरकारी वकिलाची नियुक्ती करावी, अशी मागणी केली. यावेळी गृह राज्यमंत्री पंकज भोयर यांनीही श्रीगोंदा येथे मारहाणी घटने संदर्भात गुन्हेगारांवर पोलीस कारवाई
करत असल्याचे सांगितले.

नगर – नागपूर येथे झालेली दंगलीची घटना सुनियोजित कटाचा भाग असून,
राज्याची कायदा व सुव्यवस्था पूर्णपणे ढासळल्याचे हे द्योतक आहे. त्यामुळे
याप्रकरणी दोषी असलेल्यांवर आणि सत्ताधारी पक्षाच्या वाचाळवीर नेत्यांवर कठोर
कारवाई करावी, तसेच नैतिक जबाबदारी स्वीकारुन राज्याच्या गृहमंत्र्यांनी राजीनामा
देण्याची मागणी भारतीय कम्युनिस्ट पक्षाच्या वतीने करण्यात आली आहे.
महाराष्ट्राची पुरोगामी परंपरा पुसून टाकण्यासाठी राज्यभरात महापुरुषांच्या बदनामीचे
कारस्थान रचून, तसेच बेताल वक्तव्ये करुन धार्मिक ध्रुवीकरण साधण्याचा कुटील डाव
देशविघातक प्रतिगामी शक्तींकडून सुरु आहे. मुख्य म्हणजे अशा देशविघातक प्रतिगामी
शक्तींना राज्यातील सत्ताधारी भाजपा महायुती सरकारचे उघड उघड पाठबळ मिळत
असल्यामुळे राज्यात धर्मांध शक्तींनी मोठा उच्छाद मांडला असल्याचा आरोप करण्यात
आला आहे.
महाराष्ट्रात औरंगजेबाच्या कबरीवरून राज्यभर वाद उकरून काढण्यात येत आहेत.
याचवेळी छत्रपती शिवाजी महाराज, छत्रपती संभाजी महाराजांच्याबद्दल बदनामीकारक
वक्तव्ये केली जात आहेत, त्यांच्यावर मात्र काहीच कारवाई केली जात नाही. भारतीय
राज्यघटनेची शपथ घेऊन सत्तेवर आलेले सत्ताधारी पक्षाचे आमदार व मंत्री बेताल वक्तव्ये करुन आणि
चुकीच्या इतिहासाची मांडणी करुन तरुणांना भडकवण्याचा प्रयत्न करत आहे. यामुळे दोन समाजात
धार्मिक तेढ निर्माण होऊन, राज्यात ठिकठिकाणी दंगलसदृश दहशतीचे वातावरण निर्माण झाले आहे.
याचाच विस्फोट होऊन नागपूर येथे झालेल्या आंदोलनाच्या घटनेचे रुपांतर पुढे दंगलीत होऊन त्यात
पोलिसांसह अनेकजण जखमी झाले आहेत. रमजानचा महिना सुरू असताना आणि
औरंगजेबाच्या कबरी वरून राज्यभर तनावाची परिस्थिती असताना नागपूर मधे विश्व
हिंदू परिषद व बजरंग दल यांना संवेदनशील परिस्थिती असताना एकत्र येण्याची
परवानगी देण्यात आली, त्यानंतरच वादाला सुरुवात झाली अशी माहिती आहे. पोलिसांनी
दंगल झाल्यावर जी तत्परता दाखवली ती अगोदरच दाखवली असती तर पुढील घटना
घडली नसती, असे भारतीय कम्युनिस्ट पक्षांसह डाव्या पक्षांनी दिलेल्या निवेदनात म्हटले
आहे.
वास्तविक नागपूर शहर शांत व धार्मिक सलोखा राखण्यासाठी प्रसिद्ध आहे. यापूर्वी
अपवाद वगळता यथे धार्मिक अथवा जातीय दंगल झालेली नाही. पण १७ मार्च रोजी
झालेल्या दंगलीमुळे याला गालबोट लागले आहे. सत्ताधारी पक्षाच्या वाचाळवीरांना वेळीच
रोखले असते, तर राज्यात अशी अशांतता निर्माण झाली नसती. त्यामुळे राज्य शासनाने
आतातरी तत्परता दाखवत, धार्मिक तेढ निर्माण करणार्‍या अशा व्यक्ती व संघटनांवर
तातडीने कडक कारवाई करावी अशी मागणी भारतीय कम्युनिस्ट पक्षाने केली आहे.
राज्यात सद्यस्थितीला श्रमिक, कष्टकरी, शेतकरी व गोरगरीब, सर्वसामान्य जनतेचे अनेक
गंभीर प्रश्न निर्माण झाले आहेत. याकडे जनतेचे दुर्लक्ष व्हावे, यासाठीच धर्मांध शक्तींकडून धार्मिक ध्रुवीकरणाचा
हा अजेंडा पुढे रेटला जात आहे. अशा परिस्थितीत महाराष्ट्रातील जनतेने कोणत्याही अफवांना आणि धार्मिक
विद्वेषाला बळी न पडता, संयमी व विवेकी भूमिका ठेवून आपापसातील सौदार्य वाढवावे, असे आवाहन
भारतीय कम्युनिस्ट पक्ष करत आहे, असे राज्य सेक्रेटरी कॉम्रेड अ‍ॅड. सुभाष लांडे म्हणाले.

नगर – राष्ट्रसंत आचार्य सम्राट श्री आनंदऋषिजी महाराज यांच्या ३३ व्या पुण्य स्मृतीदिन व १२५ व्या जन्मोत्सवानिमित्त जैन
सोशल फेडरेशनतर्फे आनंदधाम- मध्ये घेण्यात आलेल्या वैयक्तिक गायन स्पर्धेत सोहम भंडारी याने तर खुल्या गायन स्पर्धेत प्रियदर्शन ग्रुप आणि सुरीले आनंदयात्री ग्रुपने प्रथम क्रमांक पटकावला. सौ.मनिषा लोढा व निखिलेंद्र लोढा यांच्या हस्ते बक्षिस वितरण करण्यात आले.

याप्रसंगी बोलताना सौ.मनिषा लोढा म्हणाल्या, आचार्यश्रींना भक्ती संगीताची फार आवड होती. विविध भाषांमधील संगीताचा ते तल्लीनतेने आनंद घेत. त्यांच्या स्मृतींना उजाळा देण्यासाठी गेल्या अनेक वर्षांपासून आनंदधाममध्ये
भक्तीगित गायन स्पर्धांचे आयोजन करण्यात येत आहे. गायकांना व्यासपीठ उपलब्ध करून देत त्यांच्या पाठीवर
थाप देत आकर्षक पारितोषिक दिली जात आहेत. हा पारितोषिक वितरण समारंभ म्हणजे आचार्यश्रींच्या चरणी
अर्पण केलेली स्मृतीपुष्पेच होत.
स्पर्धेचा निकाल सरोजताई कटारिया यांनी घोषित केला तो असा:- वैयक्तिक भक्ती गीत गायन स्पर्धेतील द्वितीय क्रमांक रिध्दी मेहेर व रोशनी बोरा यांना तर तृतीय क्रमांक आयुष कासवा व रिध्दी सोनार यांना विभागून देण्यात आला. उत्तेजनार्थ पारितोषिक श्रावणी काळे, श्रृतिका दरेकर, अनायरा चोरडिया, श्रध्दा पालवे, हर्षदा औटी, रिया मुनोत व मोहिका भंडारी यांना देण्यात आली.

समुह भक्ती गीत गायन स्पर्धेतील छोट्या गटात द्वितीय क्रमांक भिंगार येथील छावणी परिषदेच्या शाळेतील विद्यार्थ्यांनी मिळवला. तर तृतीय क्रमांक सुरीले आनंदयात्री ग्रुप दोनने घेतला. उत्तेजनार्थ पारितोषिक श्री तिलोक आनंद जैन पाठशाळा, पार्श्वग्रुप भाऊसाहेब फिरोदिया हायस्कूल, आनंद संस्कार शिक्षा अभियान आणि सुमति ग्रुप भाऊसाहेब फिरोदिया हायस्कूल मधील विद्यार्थ्यांनी मिळवले.
खुल्या समुह भक्ती गीत गायन स्पर्धेत द्वितीय क्रमांक ब्राह्मी युवती मंचने तर तृतीय क्रमांक वर्धमान महिला मंडळाने मिळवला. कुंदन अ‍ॅटीव्ह ग्रुप, स्टार परिवार आणि त्रिशला ग्रुप यांना उत्तेजनार्थ पारितोषिक देण्यात आली. परीक्षक म्हणून कल्याण मुरकुटे आणि सौ.अमृता बेडेकर यांनी काम पाहिले. सीमा मुनोत यांनी आभार मानले. दोन दिवस चाललेल्या या
स्पर्धांच्या यशस्वीतेसाठी सपना कटारिया आणि सिमरन मुनोत यांनी परिश्रम घेतले.

झी टॉकीज फेम आणि स्टार प्रवाह वाहिनीवरील मी होणार सुपरस्टार छोटे उस्ताद सीजन १ चा विजेता कु.सार्थक
शिंदे याची भक्ती संध्या मैफिल उत्साहात पार पडली. आरोही बेडेकर हिच्या भावपूर्ण सुरातील आनंद धून आणि हम कथा सुनाते गुरू आनंद की या भक्तिगीताने भक्तिसंध्येचा शुभारंभ करण्यात आला. क्रांती शिंदे हिने णमोकार मंत्र म्हटला. सार्थक शिंदे याने वेडा रे पंढरी, कबीरा कहे जग ये अंधा, राम नाम के साबुनसे, ऐसी लागी लगन, छेडू नको रे नंदलाला, चढता सुरज ही गीते-गवळण गायिली. क्रांती शिंदे हिने चंद्रभागेच्या तिरी हे भक्तीगीत सादर केले. स्तुती वाकोडे हिने यही वो दरबार है, दमा दम मस्त कलंदर ही गीते म्हटली. ऋषी साळवे आणि विजय शिंदे या दोघांनी ये तो सच है की भगवान है हे गीत सादर केले. भक्तिसंध्येचे सुरेख सूत्रसंचालन आणि निवेदन प्रा. डॉ. सुनिल कात्रे यांनी केले. भक्तिगीतांना
निखिल ताकभाते (तबला), नकुल कोळी (पखवाज), सुशील सकट (ढोलकी), हर्षवर्धन मोरे (किबोर्ड),
अविनाश लांडगे (बॅन्जो) आणि रवी भोसले (आटोपॅड) या कलाकारांनी वाद्यांची सुरेल साथ संगत केली.

नगर – छत्रपती शिवाजी महाराज यांचा इतिहास समाजाला ऊर्जा व प्रेरणा देणारा असून तो सर्वांपर्यंत घेऊन जाण्याचे काम शिवशंभो गर्जना या कार्यक्रमाच्या माध्यमातून होत आहे. हनुमान तरुण मंडळ व बजरंग ग्रुप यांच्या वतीने शिवजयंती निमित्त शिवनेरी किल्ल्यापासून ते नेप्ती गावापर्यंत पायी ज्योत आणण्यात आली. त्यानंतर गावातून मिरवणूक काढली, गायक अभिजीत जाधव व अमोल जाधव यांनी छत्रपती शिवाजी महाराज यांच्या जीवन पटावरील पोवाडा सादर केला, त्याचबरोबर संभळ वादन करीत नागरिकांची मन जिंकली. या कार्यक्रमाला प्रमुख पाहुणे म्हणून जिल्हा परिषदेचे माजी सदस्य सचिन जगताप, भाजपचे अक्षय कर्डिले, आकाश बेग आदी उपस्थित होते.
छत्रपती शिवाजी महाराज यांनी रयतेचे राज्य निर्माण केले असून सर्वांना बरोबर घेऊन शेतकर्‍यांसाठी विविध योजना यशस्वीपणे राबविल्या आहे, युवकांनी छत्रपती शिवाजी महाराज यांचा आदर्श अंगीकारून समाजाप्रती चांगले काम उभे करावे, शिवशंभो गर्जना कार्यक्रमाच्या माध्यमातून पोवाडे सादर होत असताना अक्षरशा अंगावर शहारे निर्माण होत होते, असे मत सचिन जगताप यांनी व्यक्त केले.
समाजामध्ये वावरत असताना आपण समाजाचे काहीतरी देणे लागते या भावनेतून आपले कर्तव्य पार पाडावे छत्रपती शिवाजी महाराज यांचे विचार युवकांना दिशा देणारे आहे असे मत अक्षय कर्डिले यांनी व्यक्त केले.

नगर – औषध निर्माणशास्त्र क्षेत्रात होणार्‍या संशोधनाअंतर्गत डॉ. विठ्ठलराव विखे पाटील औषध निर्माण महाविद्यालयाच्या फार्मासुटिस विभागातील प्रा. डॉ. गणेश रावसाहेब गोडगे आणि फार्मास्युटिकल केमिस्टरी विभागातील प्रा.मनीष अशोक रासकर तसेच त्याचे संशोधक विद्यार्थी कु. अंकिता माशलकर, कु. ऋतुजा जाधव आणि कु. अनुजा चोभे, श्रीकृष्ण
भराट व त्यांचे सहकारी संशोधकांच्या सिटाग्लीपटिन ह्या मधुमेहावरील औषधाचे पॉलीमेरिक नॅनोपार्टिकल्स तयार
करण्याच्या पद्धतीचा पेटंट भारत सरकार पेटंट कार्यालयचे मार्फत जाहीर झालेले आहे.

अलिकडच्या वर्षांत, नॅनोटेनॉलॉजी हे एक परिवर्तनकारी क्षेत्र म्हणून उदयास आले आहे, ज्याने आरोग्यसेवेसह विविध उद्योगांमध्ये क्रांती घडवून आणली आहे. नॅनोस्केल पातळीवर (मीटरच्या एक  अब्जवां भाग) साहित्य हाताळून, शास्त्रज्ञ आणि संशोधकांनी उपचारांचे परिणाम सुधारण्यासाठी आणि दुष्परिणाम कमी करण्यासाठी शयतांचे क्षेत्र
उघडले आहे. पॉलिमरिक नॅनोपार्टिकल्ससारखे नॅनोपार्टिकल्स औषधांच्या रेणूंसाठी कार्यक्षम वाहक म्हणून काम करतात. हे नॅनोपार्टिकल्स सिटाग्लिप्टिनसारख्या उपचारात्मक घटकांना कॅप्सूलेट करू शकतात, त्यांना क्षय होण्यापासून
वाचवतात आणि इच्छित ठिकाणी नियंत्रित प्रकाशन सक्षम करतात. याव्यतिरिक्त, त्यांचा लहान आकार ऊतींमध्ये वाढत्या प्रमाणात प्रवेश करण्यास अनुमती देतो, ज्यामुळे विशिष्ट पेशी किंवा अवयवांना लक्ष्यित वितरण शय होते.

सध्याच्या संशोधनानुसार, मधुमेहाच्या उपचारासाठी वरील वैज्ञानिकांनी बायोटीनय्आवरणयुक्त सिटाग्लीपटिन  नॅनोपार्टिकल्स विकसित केले आहेत. या नवीन तंत्रज्ञानात पॉलिमरिक संरचनेचा समावेश असून, ते औषध वितरण प्रणाली
अधिक प्रभावी बनवते. सिटाग्लीपटिन हे डीपीपी-४ इनहिबिटर वर्गातील एक प्रसिद्ध औषध आहे, जे रक्तातील साखर नियंत्रित करण्यास मदत करते. मात्र, त्याचा जैवउपलब्धता (bioavailability) आणि औषध प्रभावीपणा वाढवण्यासाठी वैज्ञानिकांनी नॅनोपार्टिकल फॉर्म्युलेशन विकसित केले आहे. या नॅनोपार्टिकल्सना बायोटीनचे विशेष आवरण
देण्यात आले आहे, ज्यामुळे ते शरीरात अधिक चांगल्या प्रकारे शोषले जातात आणि लक्ष्यित पेशींवर अधिक प्रभावीपणे कार्य करतात. या नॅनोपार्टिकल्सच्या निर्मितीसाठी प्रगत पॉलिमरिक नॅनो-इन्कॅप्सुलेशन तंत्रज्ञानाचा वापर करण्यात
आला आहे. यामध्ये: पॉलिमरिक मिश्रणाची निवड (औषधाच्या स्थिरतेसाठी योग्य पॉलिमर वापरणे), बायोटीन कोटिंग प्रक्रिया (औषधाच्या शोषणक्षमता वाढवण्यासाठी बायोटीनचा समावेश), नॅनोपार्टिकल तयार करणे (अत्याधुनिक तंत्रज्ञानाद्वारे नियंत्रित कणाकार आणि वितरण प्रणाली विकसित करणे) अशा विविध प्रक्रियांचा समावेश आहे. या संशोधनाचे संभाव्य फायदे जसे कि उच्च जैवउपलब्धता  (औषध शरीरात अधिक वेगाने आणि प्रभावीपणे शोषले जाते), लक्ष्यित वितरण प्रणाली (केवळ आवश्यक पेशींवर परिणाम साधतो), प्रभावी रक्तसाखर नियंत्रण (मधुमेहाच्या उपचारासाठी
अधिक सुधारित प्रभाव), साइड इफेट्स कमी (नियंत्रित वितरण प्रणालीमुळे अवांछित दुष्परिणाम कमी होण्याची शयता). या तंत्रज्ञानामुळे मधुमेह उपचारांमध्ये नवा क्रांतिकारी बदल होण्याची शयता आहे. भविष्यात, याच संकल्पनेचा उपयोग
इतर ड्रग डिलिव्हरी सिस्टीममध्ये केला जाऊ शकतो, ज्यामुळे औषधोपचार अधिक प्रभावी आणि सुरक्षित होतील.

डॉ.गोडगे म्हणाले की बायोटीन-आवरणयुक्त सिटाग्लीपटिन नॅनोपार्टिकल्स ही नवीन संशोधनात्मक प्रगती आहे, जी मधुमेहाच्या उपचारासाठी मोठा गेम-चेंजर ठरू शकते. वैज्ञानिकांचा या तंत्रज्ञानाच्या पुढील चाचण्या आणि लिनिकल स्टडीजवर काम करण्याचा मानस असून, भविष्यात याचा व्यापक वापर अपेक्षित आहे. ही बातमी वैद्यकीय आणि वैज्ञानिक दृष्टिकोनातून महत्वाची असून, मधुमेह नियंत्रणासाठी प्रभावी पर्याय उभारण्याच्या दिशेने एक पाऊल आहे.

संस्थेचे अध्यक्ष व विश्वस्त नामदार राधाकृष्ण विखे पाटील, विश्वस्त व मुख्य कार्यकारी अधिकारी डॉ. सुजय विखे पाटील, डायरेटर (अ‍ॅडमिनिस्ट्रेशन) डॉ. पांडुरंग गायकवाड, डायरेटर (मेडिकल) डॉ. अभिजित दिवटे, डायरेटर टेनिकल डॉ.सुनील कल्हापुरे, प्राचार्य डॉ.पी.वाय.पवार, फार्मासुटिस विभाग प्रमुख प्रा.डॉ.एस.झेड.चेमटे ह्यांनी उल्लेखनीय
कामगिरीबद्दल अभिनंदन केले आहे.

सौ. गायत्री गायकवाड यांचे प्रतिपादन; अजिंय फिटनेस लबमध्ये आगळी वेगळी शिवजयंती साजरी

नगर – छत्रपती शिवाजी महाराज हे रयतेचे राजे होते. लढवय्ये हिंदुधर्मरक्षक, आदर्श राज्य कारभाराची मुहूर्तमेढ त्यांनी रोवली होती. युध्दामध्ये शत्रु पक्षाच्या ताब्यात आलेल्या महिलांचा मान-सन्मान साडी-चोळी भेट देऊन परत पाठविले. अशा या संस्कारक्षम, उदात्त विचारसरणीच्या महानायकाच्या जयंतीनिमित्त त्यांच्या महान कार्यास अभिवादन करणे. हे आमचे परमकर्तव्य आहे, असे भावोद्गार अजिंय फिटनेस लबच्या संचालिका सौ. गायत्री गायकवाड यांनी काढले.

सक्कर चौकातील अजिंय फिटनेस लबमध्ये व्यायाम व फिटनेससाठी येणार्‍या सुमारे  १०० महिलांनी ’श्री शिवजयंतीचे औचित्य साधुन आगळे वेगळे कार्यक्रमाचे आयोजन केले होते. केशरी फेटा परिधान करून या सर्वजणींनी श्री छत्रपती शिवरायांच्या अश्वारूढ पुतळ्यास पुष्पहार अर्पण करून अभिवादन केले. व छत्रपती शिवाजी महाराज यांची महाआरती केली. यावेळी छत्रपती शिवाजी महाराज व छत्रपती संभाजी महाराजांचा जयजयकार करत परिसर दणाणून सोडला.

सुरुवातीला सुरेश व अभिजित गायकवाड यांनी उपस्थितांचे स्वागत केले. महिलांनी शिवजयंतीच्या केलेल्या आयोजनाचे  कौतुक केले. याप्रसंगी डॉ.निलोफर धानोरकर, डॉ.तेजश्री जुनागडे, डॉ.सौ.प्रज्ञा जोशी, प्रियांका पिसोटे, महिला प्रशिक्षक सुजाता पिल्ले, डॉ. मोहिनी येलुलकर, प्राजक्ता पालवे, लबचे जी. एम, योगिराज पाडोळे यांनी विचार व्यक्त करत छत्रपती
शिवरायांच्या कार्याचा गौरव करण्यात आला.

प्रथमच महिलांनी केलेल्या शिवजयंतीच्या उपक्रमाचे नियोजन हे गायत्री खुपसे, विणाताई जगताप, राजेश्वरी जाधव, श्रेया पवार, शिल्पा फुलसौंदर, विजया बिचकुले, ज्योती व तन्मयी गाली, शितल राजपुत, प्रिया मुनोत, कृतिका यादव, पलक नागपाल, इशिका कालडा, पायल व पुजा शिंगवी, श्रध्दा शिंदे, राजेंद्र सोनार, एम एच गायकवाड, वैभव दळवी, अ‍ॅड. संजय झव्हेरी, अजित व अभिमन्यु गायकवाड यांनी कार्यक्रमासाठी परिश्रम घेतले.

नगर – राज्य दुष्काळमुक्त करण्यासाठी शासनाने यावर्षी गाळमुक्त धरण व गाळयुक्त शिवार तसेच नाला खोलीकरण
व रूंदीकरण योजना राबविण्याचे निश्चित केले आहे. भारतीय जैन संघटना याकामी योगदान देणार असून अहिल्यानगर जिल्ह्यातही हे अभियान राबविण्यात येणार आहे. यादृष्टीने जिल्हाधिकारी कार्यालयात आयोजित बैठकीत जिल्हाधिकारी डॉ.पंकज आशिया यांनी आढावा घेतला. ५ एप्रिलपर्यंत गाळमुक्त धरण, गाळयुक्त शिवार योजनेच्या प्रस्तावांना प्रशासकीय मान्यता देण्याचे काम पूर्ण करण्याचे निर्देश त्यांनी दिले.

या बैठकीस जिल्हा परिषदेचे मुख्य कार्यकारी अधिकारी आशिष येरेकर, जिल्हा जलसंधारण अधिकारी पी.बी.गायसमुद्रे, जिल्हा अधीक्षक कृषी अधिकारी सुधाकर बोराळे, सहाय्यक वनसंरक्षक अश्विनी दिघे, जलसंधारण अधिकारी शिवम डापकर, भारतीय जैन संघटनेचे राष्ट्रीय कार्यकारिणी सदस्य आदेश चंगेडिया, बीजेएसचे अहिल्यानगर अध्यक्ष प्रशांत गांधी, अशोक पवार, मनसुखलाल चोरडिया, विश्वजीत गुगळे, संजय शिंगवी, अमोल पटवा, दर्शन गांधी, आनंद भंडारी, नरेश सुराणा, नयन पोखर्णा, संतोष गंगवाल, प्रसाद शहा, आदिनाथ पवार आदी उपस्थित होते.

आदेश चंगेडिया यांनी सांगितले की, जलयुक्त शिवार अभियानात जिल्ह्यातील ३६८ गावांची निवड करण्यात आली आहे. जिल्हा प्रशासनाच्या सहकार्यातून सर्व गावांचे प्रस्ताव मंजूर करून प्रत्यक्ष काम सुरु करण्यात
येणार आहे. भारतीय जैन संघटनेचे संस्थापक शांतीलाल मुथा यांच्या मार्गदर्शनाखाली संघटनेने दुष्काळमुक्त
महाराष्ट्रासाठी सातत्याने योगदान दिले आहे. आताही अहिल्यानगर जिल्ह्यात दुष्काळमुक्तीसाठी भारतीय जैन
संघटना सक्रिय सहभाग नोंदवणार आहे. तलावातील गाळ काढण्याचा संपूर्ण खर्च राज्य शासन करणार आहे.
त्यासाठी पूर्ण राज्यात एकच दर निश्चित करण्यात आला आहे. कोणत्याही स्वयंसेवी संस्था किंवा ग्रामपंचायतीला
अर्ज करून जिल्हा प्रशासनाने दिलेल्या पध्दतीनुसार काम करता येईल. तलावातून काढलेला गाळ शेतात टाकण्यासाठी अल्प, अत्यल्पभूधारक शेतकरी, विधवा, दिव्यांग शेतकरी व आत्महत्याग्रस्त शेतकरी कुटुंबांना शासनाकडून
निश्चित दरानुसार अनुदानही दिले जाणार आहे.
शासनाच्या या योजनेची गावागावात जागृती करणे, शेतकर्‍यांना गाळ नेण्यासाठी प्रोत्साहित करणे, मागणी अर्ज
तसेच गाळमुक्त धरण हे टेनॉलॉजी पोर्टल तयार करण्यासाठी भारतीय जैन संघटना व महाराष्ट्र शासन यांच्यात सामंजस्य करार झालेला आहे. या योजनेत सहभागी होण्यासाठी सरपंचांनी आपल्या गावांचा मागणी अर्ज बीजेएस डिमांड पवर ऑनलाईन भरावा. बीजेएसचे जिल्हा प्रतिनिधी तसेच कार्यकर्ते स्थानिक तसेच जिल्हा प्रशासनाशी सहयोग करण्यास
सज्ज झाले आहेत. जिल्ह्यातील जास्तीत जास्त गावांनी तलावातील गाळ काढण्यासाठी, नाला खोलीकरणय्रूंदीकरणासाठी त्वरित अर्ज भरून द्यावेत असे आवाहन जिल्हा प्रशासन व भारतीय जैन संघटनेच्यावतीने करण्यात आले आहे. अधिक माहितीसाठी www.shiwaar.com या वेबसाईटवर संपर्क साधावा.

नगर – काहीतरी गैरकृत्य करण्याच्या उद्देशाने धारदार तलवार शर्टाच्या पाठीमागे लपवून संशयित रित्या फिरणार्‍या तरुणास
कोतवाली पोलिसांनी पकडले आहे. त्याच्याकडील धारदार तलवार जप्त करण्यात आली. ही कारवाई नगर पुणे रोडवरील स्वास्तिक चौकाजवळील पुणे बस स्टँडच्या बाजूला असलेल्या काटवनात २० मार्च रोजी सायंकाळी पाच वाजण्याच्या सुमारास करण्यात आली.

कोतवाली पोलीस शहरात गस्त घालत असताना त्यांना माहिती मिळाली की पुणे बस स्टँड परिसरात एक तरुण शर्टमध्ये पाठीमागील बाजूस धारदार शस्त्र लावून फिरत आहे. ही माहिती मिळताच पोलिस पथक तेथे गेले. पोलिसांना पाहताच तो पळू लागला असता त्यास तत्काळ झडप घालून पकडण्यात आले.त्याचे नाव सचिन चंद्रकांत काळे (वय २४, रा.सदाफुले वस्ती ता. जामखेड) असे असल्याचे त्याने सांगितले. पोलिसांनी त्याच्याकडून तलवार जप्त केली.
याप्रकरणी कोतवाली पोलिस ठाण्यात पो. कॉ. सचिन लोळगे यांनी दिलेल्या फिर्यादीवरुन सचिन काळे यांच्याविरुद्ध भारतीय हत्यार कायदा कलम ४ /२५ अन्वये गुन्हा दाखल करण्यात आला आहे. ही कारवाई पोलीस निरीक्षक प्रताप
दराडे यांचे मार्गदर्शनाखाली स.पो.नि योगिता कोकाटे, पोलिस उपनिरीक्षक देशमुख, पोलीस अंमलदार विशाल दळवी, संदीप पितळे, दशरथ थोरात, दिपक रोहकले, तानाजी पवार, अतुल कोतकर, शिरीष तरटे, सुरज कदम, संकेत धीवर,
सोमनाथ राऊत, राम हंडाळ आणि सचिन लोळगे यांनी केली आहे.

नगर – नगर तालुयातील देहरे गावातील महिलेशी इन्स्टाग्रामवर ओळख झाल्यानंतर तिला ब्लॅकमेल करून लैंगिक
अत्याचार करणार्‍या दोन संशयित आरोपींना स्थानिक गुन्हे शाखेच्या पथकाने पुण्यातून ताब्यात घेत अटक केली आहे. तन्वीर शफीक शेख (वय २९, रा. हनुमान मंदिर, देहरे) आणि सोहेल रियाज शेख (वय २५, रा. देहरे) अशी त्यांची
नावे आहेत.

१४ मार्च रोजी पीडितेची इन्स्टाग्रामवरून तन्वीर शेख याच्याशी ओळख झाली. या ओळखीचा गैरफायदा घेत तन्वीर याने पीडितेच्या बदनामीची व तिच्या मुलाला जीवे मारण्याची धमकी देऊन तिला संगमनेर व भंडारदरा येथे नेले.
तेथे इतर संशयित आरोपींच्या मदतीने तिच्यावर लैंगिक अत्याचार केला आणि नंतर तिला अकोले येथे सोडून दिले. या घटनेनंतर पीडितेने एमआयडीसी पोलीस ठाण्यात फिर्याद दिली होती. त्यावरून पोलिसांनी तिघांच्या विरुद्ध गुन्हा दाखल केला होता. एका आरोपीला एमआयडीसी पोलिसांनी अटक केली होती. मात्र गुन्हा घडल्यानंतर दोघे
संशयित आरोपी पसार झाले होते. घटनेचे गांभीर्य ओळखून पोलीस अधीक्षक राकेश ओला यांनी स्थानिक गुन्हे शाखेच्या पोलिसांना समांतर तपास करण्याचे आदेश दिले होते. त्यानुसार पोलीस निरीक्षक दिनेश आहेर यांच्या
मार्गदर्शनाखाली उपनिरीक्षक अनंत सालगुडे, तुषार धाकराव, पोलीस अंमलदार ज्ञानेश्वर शिंदे, संतोष
लोढे, अशोक लिपणे, बाळासाहेब नागरगोजे, आकाश काळे, प्रमोद जाधव, किशोर शिरसाठ, ज्योती शिंदे आणि उमाकांत गावडे यांच्या दोन विशेष पथकांनी संशयित आरोपींचा शोध सुरू केला. तांत्रिक विश्लेषण व गोपनीय माहितीच्या आधारे तपास केला असता आरोपी गोव्यात असल्याची माहिती मिळाली. पोलिसांचे पथक गोव्याकडे रवाना झाले. मात्र त्याआधीच आरोपी पुण्यात पळून गेले. त्यानंतर पुण्यातील चंदननगर परिसरात शोधमोहीम राबवून आरोपींना ताब्यात घेण्यात आले. पुढील तपासासाठी त्यांना एमआयडीसी पोलिसांच्या ताब्यात देण्यात आले आहे.

राहुल बांगर यांचे प्रतिपादन; पेमराज सारडा महाविद्यालय येथे महाज्योती तर्फे सॉफ्ट स्कील कोर्स सुरू

नगर – भविष्यात केवळ पदवीधारक नव्हे, तर रोजगारक्षम स्किल असलेले तरुण-तरुणीच चांगल्या नोकर्‍या मिळवू शकतील. त्यामुळे विद्यार्थ्यांनी अशा प्रकारच्या मोफत कौशल्य विकास प्रशिक्षणांचा लाभ घ्यावा, असे आवाहन कार्यक्रमात मार्गदर्शन करताना महास्किल टेकचे संचालक आणि सहसंस्थापक राहुल बांगर यांनी केले.

आजच्या स्पर्धात्मक युगात रोजगार मिळवण्यासाठी केवळ शैक्षणिक पात्रता पुरेशी नसून कौशल्य विकास अत्यंत महत्त्वाचा ठरत आहे. याच पार्श्वभूमीवर हिंद सेवा मंडळाच्या पेमराज सारडा महाविद्यालयात कार्यालयीन व्यवस्थापन आणि रोजगारक्षम कौशल्य या प्रशिक्षणपर अभ्यासक्रमाचा शुभारंभ करण्यात आला. ही संकल्पना महाविद्यालयाचे प्राचार्य डॉ. माहेश्वरी गावित यांची असून, विद्यार्थ्यांना गुणवत्तापूर्ण पदवी शिक्षणासोबतच व्यावसायिक कौशल्ये प्राप्त करून रोजगारक्षम बनविणे हा या उपक्रमाचा मुख्य उद्देश आहे.

महाराष्ट्र शासनाच्या महाज्योती या स्वायत्त संस्थेमार्फत ग्रेस एज्युनेट व महास्किल टेक इनोव्हेटिव्ह फाउंडेशन यांच्या संयुक्त विद्यमाने हा कोर्स राबविला जाणार आहे. विशेषतः इतर मागासवर्ग, विमुक्त जाती-भटया जमाती आणि विशेष मागास प्रवर्गातील विद्यार्थ्यांना याचा लाभ होणार आहे. या अभ्यासक्रमाद्वारे विद्यार्थ्यांना कार्यालयीन व्यवस्थापन, संवादकौशल्ये, डिजिटल कौशल्ये, नेतृत्वगुण, बायो डाटा तयार करणे आणि नोकरीसाठी आवश्यक असलेल्या विविध तांत्रिक कौशल्यांचे प्रशिक्षण मास्टर ट्रेनर गिरीश कुकरेजा यांच्या मार्गदर्शनात दिले जाणार आहे. या प्रशिक्षणामुळे विद्यार्थ्यांच्या रोजगार क्षमतेत वाढ होईल आणि त्यांच्या व्यक्तिमत्त्वाचा विकास होईल. कार्यक्रमाच्या . अध्यक्षस्थानी महाविद्यालयाचे प्राचार्या डॉ.माहेश्वरी गावित होत्या. यावेळी महास्किल टेकचे संचालक व सहसंस्थापक राहुल बांगर, मास्टर ट्रेनर गिरीश कुकरेजा, उपप्राचार्य मिलिंद देशपांडे, संगणक विभागाचे प्रमुख  प्रा. राजेश पाटणी व प्राध्यापक उपस्थित होते. संस्थेचे मानद सचिव संजय जोशी, कार्याध्यक्ष डॉ. रमेश झरकर यांनी कार्यक्रमाला शुभेच्छा देत विद्यार्थ्यांनी याचा फायदा घ्यावा असे आवाहन केले. कार्यक्रमाचे प्रास्ताविक प्रा. सुवर्णा धर्माधिकारी मॅडम यांनी केले. सूत्रसंचालन अपर्णा धर्माधिकारी यांनी केले, तर आभारप्रदर्शन प्रा. क्षितिजा जोशी यांनी केले. इतर महाविद्यालयांनी सदर मोफत प्रक्षीक्षणाचा  लाभ घेण्यासाठी संस्थेच्या ९०१११९३७०० या क्रमांकावर संपर्क करण्याचे आवाहन करण्यात आले. या उपक्रमासाठी महाज्योती, महास्किल टेक आणि ग्रेस एज्युनेट या संस्थांचे सहकार्य लाभले. सदर कौशल्य विकास अभ्यासक्रम विद्यार्थ्यांना पारंपरिक शिक्षणाच्या पुढे जाऊन व्यावसायिक कौशल्यांची जोड देईल. त्यामुळे महाविद्यालयाच्या या पुढाकाराचे परिसरात विशेष कौतुक होत आहे.

पोलिसांनी दोघांना ठोकल्या बेड्या, १० कोटींच्या खंडणीसाठी खुन केल्याचे उघड

नगर – शहरातून २४ फेब्रुवारी पासून बेपत्ता असलेले उद्योजक दीपक लालसिंग परदेशी (वय ६८, जि.प. शाळेजवळ, परदेशी मळा, बोल्हेगाव) यांचा मृतदेह पूर्णपणे कुजलेल्या अवस्थेत निंबळक बायपास रोडच्या कडेला असलेल्या सिमेंटच्या बंदिस्त नालीत १७ मार्चला आढळून आला आहे. त्यांचा एका बडतर्फ पोलिसाने त्याच्या एका सहकाऱ्याच्या मदतीने १० कोटींच्या खंडणीसाठी दोरीने गळा आवळून खुन केल्याचे पोलिस तपासात आढळून आले असून पोलिसांनी दोघांना अटक करत त्यांच्यावर खुनाचा गुन्हा दाखल केला आहे.

किरण बबन कोळपे (वय ३८, रा.विळद,ता.नगर) असे या बडतर्फ पोलिस कर्मचाऱ्याचे नाव असून कोळपे याने त्याचा साथीदार सागर गीताराम मोरे (रा.ब्राम्हणी ता. राहुरी) याच्या मदतीने परदेशी यांचा खुन केला असल्याचे पोलिस तपासात समोर आले आहे. याबाबत पोलिस उपनिरीक्षक अमोल गायधनी यांनी तोफखाना पोलिस ठाण्यात फिर्याद दिली आहे. त्यात म्हंटले आहे की, उद्योजक दीपक लालसिंग परदेशी हे २४ फेब्रुवारी पासून बेपत्ता झाले होते. याबाबत २५ फेब्रुवारीला तोफखाना पोलिस ठाण्यात मिसिंग ची तक्रार दाखल झाली होती. त्याचा तपास पो.हे.कॉ. दिनेश मोरे यांचेकडे देण्यात आलेला होता. त्यानंतर शहर विभागाचे पोलिस उपअधीक्षक यांच्या आदेशानुसार मिसींगचा पुढील तपास ३ मार्च पासून आमचेकडे वर्ग केल्याने बेपत्ता परदेशी यांचा शोध घेणेकामी माझेसह स.पो.नि. उज्वलसिंग राजपुत, पो.हे.कॉ. सुरज वाबळे, पो.हे.कॉ. दिपक जाधव, पो. कॉ. सतिष त्रिभुवन असे करत होतो.

सी.सी.टी.व्ही फुटेजने पोहचवले आरोपीपर्यंत

बेपत्ता परदेशी यांचा शोध घेत असताना या पथकाने २४ फेब्रुवारी रोजीचे नायरा पेट्रोल पंप, बोल्हेगाव, एक घर, जिल्हा परिषद प्राथमिक शाळा, बोल्हेगाव येथील सी.सी.टी.व्ही फुटेज प्राप्त केले होते. सदर सी.सी.टी.व्ही फुटेजची बारकाईने पाहणी करताना दिपक परदेशी हे त्यांचे मोटार सायकल वरुन घराच्या दिशेने जात असल्याचे दिसुन आले. त्यामुळे दिपक परदेशी यांच्या पाठोपाठ येणाऱ्या वाहनांची बारकाईने पाहणी करता दुपारी २.३० ते ३ वाजे दरम्यानचे नायरा पेट्रोल पंप येथील सी.सी.टी.व्ही फुटेजमध्ये पांढऱ्या रंगाची टाटा इंडीका कार परदेशी यांच्या पाठोपाठ जात असल्याचे दिसुन आले. परंतु त्याच रोडवरील पुढील एका घराचे सी.सी.टी.व्ही फुटेजमध्ये पांढऱ्या रंगाची इंडीका कार दोन ते तीन मिनीटे उशीराने येत असल्याचे दिसुन आले. तसेच सदर कार जिल्हा परिषद प्राथमिक शाळा, बोल्हेगाव येथील सी.सी.टी.व्ही फुटेज मध्ये संशयास्पद रितीने बोल्हेगाव गावठाण जाणाऱ्या रोडने गेल्याचे दिसुन आले. त्यामुळे सदर इंडीका कारचा अधिक शोध घेतला असता इंडीका कार ही विळद येथील असुन सदरची कार ही किरण बबन कोळपे हा वापरत असल्याची खात्रीशीर माहिती मिळाली.

ही माहिती मिळाल्यावर स्थानिक गुन्हे शाखेच्या पथकाने किरण बबन कोळपे व त्याचा साथिदार सागर गिताराम मोरे, या दोघांना तपासकामी ताब्यात घेवुन त्यांचेकडे सखोल व बारकाईने चौकशी केल्यावर त्या दोघांनीही गुन्ह्याची कबुली देत मृतदेह निंबळक बायपास रस्त्याच्या कडेला असलेल्या सिमेंटच्या बंदिस्त नालीत टाकल्याचे सांगितले. पोलिसांनी तेथे जावून पाहणी केल्यावर त्यांना परदेशी यांचा पूर्णपणे कुजलेला मृतदेह आढळून आला.

आरोपींनी असा केला परदेशी यांचा खुन

उद्योजक परदेशी यांची आरोपीकिरण कोळपेशी ओळख होती. काही दिवसांपूर्वी परदेशी यांनी कोळपे यास बोलावून त्यांचे विळद गावातील काही लोकांकडे पैसे आहेत. ते वसूल करून देण्याचे काम सांगितले. याबाबत कोळपे याने त्याचा साथीदार सागर मोरे यास बोलावून घेत सांगितले. परंतु विळद गावातील लोकांकडून पैसे वसूल करणे अवघड असल्याने त्या दोघांनी परदेशी यांनाच उचलून त्यांच्याकडून अधिक पैसे मिळवायचा प्लान केला. त्यानुसार २४ फेब्रुवारीला दोघांनी इंडिका कारने परदेशी यांचा घरापर्यंत पाठलाग केला. त्यांना त्यांच्या घराबाहेरून कार मध्ये बसवून निंबळक च्या दिशेने व पुढे नगर मनमाड महामार्गावर घेवून गेले. त्यावेळी कार कोळपे चालवत होता.

परदेशी त्याच्या शेजारी पुढील सीट वर बसलेले होते तर सागर मोरे पाठीमागे बसलेला होता. ठरल्याप्रमाणे कोळपे याने परदेशी यांना १० कोटी रुपये मागितले व मोरे यास त्यांचे हात पाठीमागून धरून ठेवायला लावले. त्यावेळी परदेशी हे झटापट करायला लागले असता, अगोदरच कार मध्ये असलेल्या नायलॉन दोरीने त्यांचा गळा आवळला. परदेशी यांनी झटापट करत कार चा दरवाजा उघडला असता कोळपे याने त्यांचे हात पाय दोरीने घट्ट बांधले. परदेशी यांनी पैसे न दिल्याने विळद घाटाजवळ सागर मोरे याने त्यांचा गळा दोरीने घट्ट आवळून त्यांना जीवे ठार मारले. त्यानंतर कोणाला कळू नये म्हणून त्याच दिवशी रात्री ८.३० च्या सुमारास दोघांनी परदेशी यांचा मृतदेह  निंबळक बायपास रस्त्याच्या कडेला असलेल्या सिमेंटच्या बंदिस्त नालीत टाकला.

पोलिसांची दिशाभूल करण्यासाठी मोबाईल ट्रक मध्ये फेकला

परदेशी यांचा खुन करून मृतदेहाची विल्हेवाट लावल्यावर अगोदरच पोलिस खात्यात असलेल्या बडतर्फ किरण कोळपे याने पोलिसांची दिशाभूल करण्यासाठी परदेशी यांचा मोबाईल सुरूच ठेवला. विळद घाटातून एमआयडीसी कडे येत असताना कोळपे याने त्यावरून काही मेसेज सेंड केले. त्यानंतर बोल्हेगाव फाट्याजवळ सागर मोरे याने परदेशी यांचा मोबाईल नगरच्या दिशेने चाललेल्या ट्रक मध्ये फेकला. तो ट्रक पुढे नागपूर येथे एमआयडीसीत गेला तेथे माल खाली करत असताना ट्रक चालकाला मोबाईल  दिसला. त्याने तो बंद केला व तेथून नगरला आल्यावर चालू केला. त्यावेळी पोलिसांना त्याचे लोकेशन मिळाले. पोलिसांनी त्या ट्रक चालकाला ताब्यात घेवून चौकशी केली. मात्र त्याच्या कडून काहीच माहिती मिळाली नव्हती.

मात्र तब्बल २२ दिवसांनी पोलिसांनी या खुनाचा छडा लावत बडतर्फ पोलिस असलेला आरोपी किरण कोळपे व त्याचा साथीदार सागर मोरे यांना बेड्या ठोकल्या. पोलिस उपनिरीक्षक अमोल गायधनी यांच्या फिर्यादी वरून दोघांवर खंडणीसाठी अपहरण आणि खुन असा गुन्हा दाखल केला आहे.

मृतदेह शवविच्छेदनासाठी घाटी रुग्णालयात

परदेशी यांचा मृतदेह पूर्णपणे कुजलेल्या (डी कंपोस्ट) अवस्थेत असल्याने त्या कुजलेल्या मृतदेहाचे शवविच्छेदन करण्याची अत्याधुनिक सुविधा नगरच्या जिल्हा शासकीय रुग्णालयात नसल्याने शवविच्छेदनासाठी मृतदेह छत्रपती संभाजीनगर येथील घाटी रुग्णालयात नेण्याचा निर्णय पोलिस प्रशासनाने घेतला आहे. त्यासाठी दुपारी उशिरा तो पाठविण्यात येणार असल्याचे सांगण्यात आले.

दरम्यान आरोपींनी ज्या ठिकाणी मृतदेह लपवून ठेवला होता. त्या निंबळक बायपासवर जिल्हा पोलिस अधिक्षक राकेश ओला, तोफखान्याचे पो.नि. आनंद कोकरे यांच्या सह पोलिस अधिकाऱ्यांनी भेट देवून पाहणी केली. मयत परदेशी यांच्या पश्चात पत्नी, २ मुले, १ मुलगी, १ भाऊ, पुतणे असा परिवार आहे.

आरोपी किरण कोळपे वर लागलाय मोक्का

आरोपी किरण बबन कोळपे हा २००८ मध्ये पोलिस दलात भरती झालेला होता. त्याच्यावर एमआयडीसी पोलिस ठाण्यात एक अत्याचाराचा गुन्हा दाखल आहे. तर २०२३ मध्ये राहुरी पोलीस ठाण्यात दरोड्याचा गुन्हा दाखल झाला होता. या गुन्ह्यात त्याला मोक्का लावण्यात आला होता. त्यामुळे त्याच्यावर पोलिस दलातून बडतर्फीची कारवाई करण्यात आलेली आहे. या शिवाय मोक्काच्या गुन्ह्यात त्याला जामीन मिळवून देणाऱ्या महिला वकिलाच्या घरात घुसून घरातील सोन्याचे दागिने, रोख रक्कम व मोक्का कोर्ट केस कामकाजाचे मुळ कागदपत्र असा १लाख ९२ हजार ७०० रूपयांचा ऐवज बळजबरीने नेल्याचा गुन्हाही कोतवाली पोलिस ठाण्यात दाखल आहे. आता त्याच्यावर तोफखाना पोलिस ठाण्यात खुनाचा गुन्हा दाखल झाला आहे.