सुविचार

पापाची कबुली देणे म्हणजे मुक्तीचा प्रारंभ होय.

हसा आणि शतायुषी व्हा!

नवरा : काल रात्री माझ्या स्वप्नात एक सुंदर मुलगी आली होती… बायको : एकटीच आली असेल? नवरा : हो तुला कसं माहीत? बायको : कारण तिचा नवरा माझ्या स्वप्नात आला होता…

मुलांसाठी मेडिकल जनरल नॉलेज

साळूचे शस्त्र एका रानात एक लांडगा आणि एक साळू राहत होते. साळूचे मांस फारच रुचकर लागते, असे दुसर्‍या एका लांडग्याने सांगितले असता आपल्याच रानात राहणार्‍या साळूची आठवण लांडग्याला झाली. याच आपल्या शेजारणीला मारुन तिचे रुचकर मांस खावे, अशी अभिलाषा लांडग्याच्या मनात निर्माण झाली. एके दिवशी साळू आपल्या अंगावरील काटे उभारुन ऊन खात बसली असता लांडगा तिच्याजवळ आला आणि म्हणाला, “साळूताई, ना कुठे लढाई ना कुठे युद्ध. मग सदानकदा अंगावर अशी शस्त्रे बाळगून राहणे काही शहाणपणाचे नाही. म्हणून साळूताई, उगीच कशाला अंगावर काट्याचे ओझे वागवतेस? मी सांगतो तसे कर, अंगावरील हे काटे ठेव बाजूला काढून. आलीच लढाईची वेळ, तर ते अंगावर चढव. तुला काही कठीण नाही.” त्यावर लांड़ग्याचे कपट ओळखून साळूताई म्हणाली,” नको रे बाबा, सध्या सगळीकडे जरी शांतता असल्यासारखी वाटत असली तरी कोण कधी गनिमी कावा करुन अंगावर धावून येईल, त्याचा भरोसा नाही. तुझे म्हणणे मला पटत नाही. आणि हो, जोपर्यंत तुझ्यासारखे कावेबाज लांडगे माझ्या आसपास राहतात, तोपर्यंत तरी मला लढाई सतत चालूच आहे, असे समजून ही माझी काट्याची शस्त्रे अंगावर बाळगावीच लागणार.” तात्पर्य: शत्रूच्या कावेबाजपणाला, भूलथापांना बळी पडून शस्त्रे टाकणे म्हणजे जाणून बुजून जीव धोयात टाकणे असेच होय.

मुलांसाठी मेडिकल जनरल नॉलेज

आपण किती रक्ताचे दान करू शकतो रतदान हे सर्वश्रेष्ठ दान असे म्हटले जाते. पण त्या बाबतीत अनेक समज-अपसमज आहे. जेव्हा आपल्या कोणातरी अतिशय जवळच्या आप्तावर शस्त्रक्रिया होणार असेल तेव्हा डॉटर काही बाटल्या रताची सोय करायला आपल्याला सांगतात. त्या वेळी आपण आपल्या मित्रांना, ओळखीच्या व्यतींंना, काही वेळा अनोळखी व्यतींनाही रतदानासाठी प्रवृत्त करण्याचा प्रयत्न करतो. मग त्यांनी विचारलेल्या प्रश्नांमधून हे समज, बहुतांशी अपसमज उघड होतात. जखमेमुळे रतस्त्राव होणे शरीरस्वास्थ्याला धोकादायक आहे, ही समजूत तशी बरोबर आहे. त्यात चूक नाही. मात्र, किती रत शरीरातून वाहून गेले तरी शरीर ते सहन करु शकते, याची माहिती अनेकांना नसते. शरीरातून वाहून गेलेल्या रतामुळ झालेले नुकसान कायमस्वरुपी नसते. शरीर त्याची भरपाई करतच असते. मात्र, या भरपाईचा वेग मर्यादित असल्यामुळे एका वेळी आपण किती रताचा र्‍हास सहन करु शकतो, यावर मर्यादा पडतात. साधारणपणे एकूण रताच्या १० ते १५ टक्के रतस्त्राव झाल्यास स्वास्थ्याला फारसा धोका नसतो. त्या स्त्रावाच्या नंतर ताबडतोब काही रत देता आल्यास उत्तमच. पण तसे देणे शय झाले नाही तर काही दिवसांच्या विश्रांतीनंतर शरीर त्या रताची भरपाई करतच राहते. निरोगी आणि सुदृढ अशा तरुणाच्या शरीरात सरासरीने साडेपाच लिटर रत असते. त्याच्या दहा टक्के म्हणजे साधारण अर्धा लिटर रत तेवढ्या रताचा र्‍हासही शरीर सहन करु शकते. उलट रतदानाच्या वेळी दात्याच्या शरीरातून पाव लिटर एवढेच रत काढून घेतले जाते. त्यामुळे त्याची भरपाई होण्यास वेळ लागत नाही. साधारण २४ तासांत ही भरपाई होत असते. तरीही एकदा रतदान केल्यानंतर दोन महिने परत रतदान करु दिले जात नाही. त्यामुळे पाव लिटर रत देण्याने कोणतेही नुकसान होत नाही. अर्थात, ही झाली संपूर्ण रतदानाची प्रक्रिया. काही वेळा रुग्णासाठी केवळ प्लेटलेट्सची गरज असते. अशा वेळी डॉटर संपूर्ण रक्त काढून न घेता अफेरेसिस नावाच्या प्रक्रियेचा वापर करुन फत प्लेटलेट्स काढून घेतात. त्यांची भरपाई तर त्याहीपेक्षा जलद गतीने होते. त्यामुळे एकदा प्लेटलेट्सचे दान केल्यानंतर तीनच दिवसांनी परत त्यांच दान करता येते.

वास्तू

घरात देवांच्या शांत मुद्रेच्या मूर्ती वा तसबिरीच ठेवाव्यात. देवांचे रागावलेले, राक्षसांचा वध करतानाचे वा महाभारतातील युद्धाचे फोटो घरात लावू नयेत. संकलक ः अ‍ॅड. सौ. पूजा गुंदेचा, नगर.

सल्ला

जुन्या कपड्यांची बटने काढताना बटनाखाली कंगवा लावावा व कात्रीने धागे कापावेत यामुळे कापड फाटणार नाही.

सौंदर्य

लिंबाच्या पावडरचा फेसवॉश * लिंबूच्या सालीत व्हिटॅमिन सी भरपूर प्रमाणात आढळले जाते. त्याच्या साली सुकवून त्याची पावडर बनवा. एक चिमूटभर पावडर फेसपॅकमध्ये घालून ती लावल्यास त्वचा उजळली जाते. * केळीच्या गरामध्ये मधाचे काही थेंब टाकून पेस्ट तयार करा. ही पेस्ट केसांना लावल्यानंतर अर्ध्या तासाने केस धुवून घ्या. केस चमकदार होतील.

पाककला

ब्रेड-बटाटा पकोडा साहित्य – ४ मोठे उकडलेले बटाटे, हिरव्या मिरच्या बारीक चिरून १ चमचा, कोथिंबीर बारीक चिरलेली अर्धी वाटी, मीठ, पाव चमचा हळद, ४ ब्रेडच्या स्लाईस, १ टेबलस्पून डाळीचे पीठ, १ टेबलस्पून तांदळाचे पीठ, आले पेस्ट अर्धा चमचा, धने-जिरे पूड, १ टी स्पून, तळण्यासाठी तेल. कृती – बटाटे उकडून हाताने कुस्करून घ्यावेत. बे्रडच्या कडा कापून थोडा वेळ पाण्यात बुडवून बे्रड पुन्हा हाताने दाबून पूर्णपणे पाणी काढून घ्यावा. पाण्यातून काढलेले ब्रेड हाताने कुस्करून भाजीत घालावा. त्यात डाळीचे पीठ, तांदळाचे पीठ, आले-मिरच्या, हळद व चवीप्रमाणे मीठ घालावे. चिरलेली कोथिंबीर व २ टी स्पून लिंबाचा रस घालून सर्व मिश्रण चांगले कालवून प्लॅस्टिक पेपरवर गोल चपटे वडे थापावेत, मध्ये छिद्र पाडून हे सर्व पकोडे तेलात खरपूस तळावेत. टोमॅटो सॉस किंवा खोबर्‍याच्या चटणीबरोबर खावेत. बे्रडमुळे पकोडे खुसखुशीत होतात.

आरोग्य

मधुमेहींसाठी सुर्यनमस्कार वरदान मधुमेह हा आजार ज्यांना आहे अशांना सुर्यनमस्काराचा व्यायाम वरदान ठरू शकतो. किमान १२ सुर्यनमस्कार केल्याने शरीरामध्ये इन्शुलिनचे जे प्रमाण आहे ते वाढते. जी इंजेशन्स इन्शुलिनची इंजेशन्स् मधुमेही घेतात त्यापेक्षाही चांगले नैसर्गिक इन्शुलिन शरीराला प्राप्त होते व तंदुरुस्तीही कायम राहते.

दैनिक पंचांग रविवार, दि. २६ मे २०२४

संकष्ट चतुर्थी, शके १९४६ क्रोधीनाम संवत्सर, वैशाख कृष्णपक्ष, मूळ १०|३६ सूर्योदय ०६ वा. २५ मि. सूर्यास्त ०६ वा. २९ मि. राशिभविष्य मेष : आर्थिक नुकसान संभव. कामात गुप्तता राखा. सहयोग मिळेल. संबंध बिघडतील. नोकरीत कुणावरही विश्वास ठेवू नये. शत्रुपक्ष हावी राहील. एखाद्या चुकीला पुन्हा करु नका. व्यर्थ ताण जाणवेल. पारिवारिक वाद वाढतील. खर्च होईल. वृषभ : आपल्या कामाच्या गोष्टी गुप्त ठेवा. मानसिक संतोष वाढेल. कामात अडचणी येतील. योजनेचे क्रियान्वयन आवश्यक. निश्चितेने काम कराल. मन रमणार नाही. विश्वास कमी राहील. अडकलेल्या कामात सुधारणा होईल. मिथुन : अव्यवहारिक कामांपासून लांब रहा. पारिवारिक वाद विकोपास जातील. मार्ग प्रशस्त होईल. अडकलेली कामे पूर्ण झाल्याने आनंद वाटेल. साथ लाभेल. व्यक्तिगत कामात उन्नति होईल. कर्क : वैचारिक असंतोष राहील. कामात मन रमणार नाही. तब्बेतीची काळजी घ्या. पारिवारिक वैचारिक मतभेद वाढतील. कायदेशीर कामात आत्मविश्वास कमी राहील. सिंह :  व्यावसायिक प्रकरणात अडचणी  येतील. आर्थिक जबाबदार्‍या वाढतील. शत्रुपक्षाच्या कारवाया वाढतील. आपल्या पावलांच्या खुणा दुसर्‍यांना मार्गदर्शक ठरण्याचा संभव आहे. कन्या: आत्मविश्वास वाढेल. कामात अडचणी येतील. आपली चूक स्वीकारावी लागेल. अडकलेला पैसा मिळेल. गूढ अनुसंधान करणार्यांरसाठी शुभ. गैरसमज दूर होतील. तूळ : आपली स्थिति, वास्तविकता वाढेल. पारिवारिकदृष्टया वेळ सामान्य. कामाचा ताण जाणवेल. आपल्या विवेक बुद्धिच्या उलट काम झाल्याने हानि होऊ शकते. नियंत्रण ठेवा. आपल्या इच्छा आकांक्षा पूर्ण होतील. वृश्चिक : अडचणी राहतील. मिळकती पेक्षा जास्त खर्च होईल. अनिश्चितता वाटेल. उत्साह, आत्मविश्वास वाढेल. गुंतवणूकीतून लाभ होण्याची शयता. आपल्या प्रयत्नाने उन्नति कराल. धनलाभ होईल. वेळ सत्कारणी लागेल. धनु :अडकलेला पैसा मिळेल. मनोरंजनात वेळ जाईल. खर्चाची चिंता राहील. सांगण्यावर विश्वास ठेवू नका. वरिष्ठांची मर्जी राहील. आपल्या प्रयत्नांमुळे व्यापारात वृद्धि होईल. नवीन कामांना चालना मिळेल. आपली दूरदृष्टि आणि बुद्धिने अडकलेली कामे पूर्ण होतील. मकर : खासगी कामाकडे जास्त लक्ष द्या. पैसा मिळेल. जबाबदारीची कामे पडतील. आपल्या यशाचा मूळ मंत्र कोणत्याच कामाला अशय न समजणे आहे. आपल्या कामांची समाजात चर्चा होईल. लाभाच्या संधी. कुंभ : नोकरीत नुकसानी संभव. कामात पारदर्शकता हवी. वैचारिक धारणेत राहू नका. कामे अपुरी राहतील. नवीन ओळखी संभवतात. आपल्या बुद्धि आणि तर्काने कार्यात यशाची शयता. अनपेक्षित फायदा करून देणार्यू काही घटना घडतील. सामाजिक यश. मीन : अडचणी येतील. सतत परिश्रमाने  आर्थिक लाभ होतील. कामाला वाव मिळेल. आपले निर्णय, विचार दुसर्यांयवर थोपू नका. वेळेच महत्व समजावून घ्याल. विरोधकांपासून दूर रहा. यश मिळणार नाही.                                                                                 संकलक: अ‍ॅड. सौ. पूजा गुंदेचा, नगर

गुरुभक्तांच्या उपस्थितीत ‘गुरुआनंद तीर्थ’वर ‘भूमीशुद्धीकरण आणि वृक्षारोपण’ कार्यक्रम

नगर – महापुरुषांच जीवन पाण्याच्या धारेसमान असते, जी आधी एकदम छोटी असते, ती वाढत जाऊन पुढे सागर बनते. गंगोत्री गंगासागराचे रूप घेते त्याप्रमाणे महापुरुषांचे जीवन सुरुवातीला छोटे असते ते वाढत जाउन विराट होते व शेवटी – अनंत होते अशा महापुरुषांकडून झालेल कार्य विश्वव्यापी असते, त्यांनी केलेले चिंतन विश्वाला उपयोगी पडत व हे महापुरुष विश्वाचे प्रतिनीधीत्व करतात, विश्वाला मार्गदर्शन करतात. असेच आजच्या युगातील एक महान महापुरुष आचार्य सम्राट श्री आनंदत्रपीजी महाराज, ज्यांच कर्तृत्व हीमालयासारख व करुणा सागरासारखी. अशा महापुरुषाचा, श्रमण आचार्य श्री आनंदऋषीजी महाराजांचा जन्म ज्या गावी झाला ती चिचोंडी त्यांच्या पदस्पर्शाने पावन झाली. अशा पावन उर्जेने संपन्न चिचोंडीत त्यांचेच सुशिष्य महापुरुष उपाध्याय श्री प्रवीणऋषिजी महाराजांच्या प्रेरणा व कुशल मार्गदर्शनात ‘गुरु आनंद तीर्थ ’हे भव्य दिव्य तीर्थ उभारणीचे काम गुरु आनंद फाउंडेशनद्वारे सुरू झाले. यातील पहील्या टप्प्याचा लोकार्पण समारोह १७ डिसेंबर २०१७ रोजी सुमारे दहा हजारांहून जास्त गुरु भक्तांचा उपस्थित उत्साहात पार पडला. केवळ धार्मिकच नाही तर मानव सेवा, समाज प्रबोधन, शिक्षण, व्यक्ती व समाज विकास- कल्याण अशा अनेक प्रयोजनातून येथे सप्ततीर्थ निर्माती होत आहे. यामध्ये आत्तापर्यंत गुरुचरण तीर्थ, साधु भवन, साध्वी भवन, भक्तनिवास, भोजनालय पुर्ण झाले असून नवकार कलश – गौतम लब्धि पीठ, श्रुतपीठ गर्भसंस्कार केंद्र, संलेखना केंद्र, अष्टमंगल ध्यान केंद्र, भव्य दिव्य पुरुषाकार – अष्टमंगल कमलाकृती ध्यान केंद्र आदींचे निर्मीती कार्य प्रगतिशील आहे १८ मे रोजी चतुर्विध शासन स्थापना दिवशी साधु साध्वी केंद्र, आडीटोरीयम – कार्यालय आणि अर्हम तीर्थ या सर्वांचे भुमीशुध्दीकरण तसेच अर्हम विज्जा रिसर्च प्रकल्पाच्या नियोजित स्थानी वृक्षारोपणाचा कार्यक्रम हजारो गुरुभक्तांच्या उपस्थित झाला. साध्वी साधना केंद्र हे पुणे येथील उद्योगावती, निष्ठानंत गुरुभक्त रमणलाल कपूरचंद लुंकड़ वित्त सहयोग – समर्पणाने निर्मित होत आहे. अर्हम तीर्थामुळे ’बाराही महीने अर्हम विधीचा, तंत्राचा गुरुभक्ताना लाभ मिळेल हे तीर्थ देशभरातील समस्त गुगळे परीवारा वित्त सहयोग – समर्पणाने निर्मित होत आहे. श्रमण साधना केंद्र व ऑडीटोरीयम हे अनाम गुरुभक्तांचा समर्पणातून निर्माण होत आहे. अर्हम विज्जा फाउंडेशनच्या माध्यमातून क्रांतिकारी विचार उपाध्याय श्री प्रविणऋषीजींच्या प्रगल्भ, सखोल मार्गदर्शनात चालणार्‍या विविध साधनांचा लाभ आज भारतच नाही तर विदेशातील लाखो लोक घेत आहेत. या सर्व उपक्रमांचा अभ्यास, रीसर्च मार्गदर्शन करण्याहेतू अर्हम विज्जा युनिर्वसीटीचे निर्माण होत आहे. यासाठी सुश्रावक, समर्पित गुरुभक्त पोपटलाल ओस्तवाल व राजकुमार चोरडीया यानी सुमारे १५ एकर जागा गुरु आनंद फाउंडेशनला उपलब्ध करून दिली. येत्या ७ महिन्यात हे सर्व प्रकल्प पूर्ण निर्मीत होउन गुरुभक्तांसाठी सज्ज होणार आहे. अशा या तीर्थाकडे आज जगभराचे डोळे लागले आहेत व डोळ्यांचे पारणे फेडणारे असे हे तीर्थ लवकर समाज समर्पणासाठी सुसज्ज होत आहे. १६ एप्रिल रोजी चिचोंडी गुरु आनंद तीर्थ येथे दरवर्षीप्रमाणे हजारो गुरुभक्तांच्या उपस्थीत १३० वर्षीतप तपस्वींचे पारणे झाले. उपाध्याय प्रवीणत्रषीजी म.सा.च्या श्रीमुखाने तपस्वींची आलोचना व अतिशय दिमाखात शाही व्यवस्थेत तपस्वींचे पारणे झाले, या प्रसंगी उपाध्याय प्रवीणऋणीजी म.सा., उत्तम वक्ता श्री लोकेशत्रपवीजी म.सा., मधुरकंठी श्री तीर्थेशऋषीजी म.सा., साध्वीरमा श्री प्रीतीदर्शनाजी म.सा., श्री प्रशमदर्शनाजी म.सा. आदी ठाणा ५ चे मंगल सान्निध्य दरवर्षीप्रमाणे पारणोत्सवाआधी तपस्वीची शोभायात्रा स्थानकापासून आनंदतीर्थपर्यंत काढण्यात आली. शोभायात्रेची सांगता लेझीम,गरबा अशा अनेक सांस्कृतीक प्रस्तुतीने झाली. ११ ते १७ एप्रिल दरम्यान २४ वे तीर्थकर भगवान महावीरांचे अंतिम वरदान, अंतिम वचन असलेला ग्रंथ श्रीमद् उत्तराध्ययन सुत्राचे सविवेचन पारायण जिनेश्वरी पारायण सप्ताह या स्वरूपात करण्यात आले. ज्यांच्या रोम रोमात प्रभू महावीर वसलेले आहेत अशा उपाध्यायश्रीच्या श्रीमुखातून निरंतर सात दिवस सकाळी ७ ते १० व दूपारी २ ते ५ अश वेळेत अमृतवाणीचा लाभ ६०० पेक्षा जास्त बंधु-भगिनी घेत होते. सात दिवस प्रत्येकजण मंत्रमुग्ध होउन ऐकत राहीले, प्रत्येक अध्यायाचे साररूप भजन श्री तीर्थेशऋषीजी मसा व महासती श्री ओजसदर्शनाजी म.सा.च्या मधुरवाणीतून भजन रुपाने गायले जायचे. संध्या समयी प्रतिक्रमणानंतर भजन संध्याने कार्यक्रमाची मधुरता वाढविली. या पारायणात दिवंगत महासती डॉ. ज्ञानप्रभाजी महाराजांच्या शीष्यसमूहाने उपस्थीत राहुन कार्यक्रमाची शोभा वाढवली अशा या अभूतपूर्व, प्रथमच झालेल्या जिनेश्वरी पारायण सप्ताहात आलेला प्रत्येकजण आमृतपानाने ओतप्रोत झाला. या पारायण सप्ताहाचे नियोजन आकुर्डी येथील रोहन मुनोत व त्यांच्या टीम द्वारे अतिशय कुशलतेने करण्यात आले त्यामुळे आजच्या या तीव्र उष्णतेच्या दिवसात अमृतपानाचा थंडावा संर्वांना घेता आला. या सर्व कार्यक्रमात गुरु आनंद फाउंडेशनचे सर्व विश्वस्त, आनंदतीर्थ लोकल कमीटीचे सदस्य, पंचक्रोशी गुरुभक्तांचे सेवा-परीश्रम लागले.

‘प्रवरा’त एसडीआरएफ पथकाची बोट उलटून तीन जवानांचा मृत्यू

शोध मोहिम सुरु असताना घडली दुर्घटना अकोले – प्रवरा नदीत बुडालेल्या युवकाचा शोध घेण्यासाठी आलेल्या नाशिक येथील आपत्ती व्यवस्थापन पथकाची बोट आज सकाळी उलटून या पथकातील चार जणांसह एकूण पाच जण प्रवरा नदी पात्रात बुडाले. यातील तीन जणांचे मृतदेह सापडले असून अन्य दोन जणांचा शोध सुरू आहे. बुधवारपासून याठिकाणी झालेल्या अपघातात एकूण चार जण बुडून मृत्यू पावले असून बुडालेल्या अन्य तिघांचा अद्याप पर्यंत शोध लागलेला नाही. बुधवारी शोध मोहिम सुरु असताना घडली दुर्घटना (दि.२२) दुपारी अकोले तालुयातील सुगाव बुद्रुक येथे प्रवरा नदी पाञात पोहण्यासाठी गेलेले सागर पोपट जेडगुले (वय २५ रा. धुळवड, ता सिन्नर) व अर्जुन रामदास जेडगुले (वय १८ ,रा .पेमगिरी, तालुका संगमनेर) हे दोघे तरुण बुडाले होते. त्यातील सागर जेडगुले याचा मृतदेह कालच सापडला तर अर्जुन जेडगुले याचा शोध सुरू होता, पण काल त्याला यश आले नाही. या तरुणाच्या शोध घेण्यासाठी नाशिक येथील आपत्ती व्यवस्थापनाचे पथक गुरुवारी (दि.२३) सकाळी घटनास्थळी दाखल झाले. या तरुणाचा तपास सुरू असतानाच शोध पथकाची बोट उलटून पथकातील चार व स्थानिक युवक गणेश मधुकर देशमुख (वय ३७, रा.सुगाव बुद्रुक) असे पाच जण बुडाले. यातील तिघांचा बुडाल्यामुळे मृत्यू झाला आहे. बुडालेल्या पैकी प्रकाश नामा शिंदे, वैभव सुनील वाघ व राहुल गोपीचंद पावरा (सर्व रा. धुळे) या तिघांना बाहेर काढण्यात यश आले. दरम्यान, या सर्वांना पुढील उपचारासाठी अकोले येथील खाजगी हॉस्पिटल येथे दाखल करण्यात आले होते मात्र या तिघांनाही वाचविण्यात डॉटरांना यश आले नाही. तर वाचवलेल्या पंकज पंढरीनाथ पवार (वय ३३, रा.धुळे) या चौथ्या तरुणावर प्रारंभी अकोले ग्रामीण रुग्णालयात उपचार करण्यात आले. त्याची प्रकृती स्थिर असली तरी त्याला अंडर मेडीसीन ठेवण्यासाठी खाजगी हॉस्पिटल येथे दाखल करण्यात आले आहे. सुगाव बुद्रुक येथे प्रवरा नदी पात्रातील पाझर तलावामधून पडणार्‍या पाण्याचा दाब अधिक असून तेथे भोवरा असल्याचे स्थानिक नागरिकांचे म्हणणे आहे. त्यामुळे ही दुदैवी घटना घडली आहे. या घटनेमुळे सर्वत्र हळहळ व्यक्त होत आहे. दरम्यान घटनास्थळी माजी मंत्री आमदार बाळासाहेब थोरात, आमदार डॉ. किरण लहामटे,माजी आमदार वैभवराव पिचड यांनी घटनास्थळी भेट दिली. स्थानिक नागरिकांसह अकोले तालुयातील नागरिकांनी परिसरात मोठी गर्दी केली आहे.

झाडाला गळफास घेऊन वृध्दाची आत्महत्या

नगर – वृध्दाने त्याच्या शेतातील आंब्याच्या झाडाला गळफास घेऊन आत्म हत्या केल्याची घटना नगर तालुयातील चिचोंडी पाटील गावच्या शिवारात मंगळवारी (दि. २१) दुपारी घडली. मारूती बालाजी कोकाटे (वय ८० रा. तळेवाडी, चिचोंडी पाटील ता. नगर) असे आत्महत्या केलेल्या वृध्दाचे नाव आहे. याप्रकरणी नगर तालुका पोलीस ठाण्यात आकस्मात मृत्यूची नोंद करण्यात आली आहे. मारूती कोकाटे यांनी त्यांच्याच शेतातील आंब्याच्या झाडाला गळफास घेतल्याचे मंगळवारी (दि. २१) दुपारी उघडकीस आले. त्यांना उपचारासाठी त्यांचा पुतण्या संतोष नामदेव कोकाटे यांनी जिल्हा शासकीय रूग्णालयात दाखल केले. दरम्यान त्यांचा उपचारापूर्वीच मृत्यू झाल्याचे तेथील डॉटरांनी घोषीत केले. याबाबतची माहिती नगर तालुका पोलिसांना देण्यात आली असून पोलिसांनी आकस्मात मृत्यूची नोंद केली आहे. तपास पोलीस अंमलदार सरोदे करत आहेत.

शेअरमध्ये नफ्याचे आमिष दाखवत गुजरातच्या तिघांनी केली नगरच्या व्यापाऱ्याची ११ लाखांची फसवणूक

नगर – शेअर मार्केटमध्ये ज्यादा नफा मिळवून देण्याचे आमिष दाखवत गुजरातच्या अहमदाबाद येथील तिघांनी नगर जिल्ह्यातील व्यापार्‍याची ११ लाखांची फसवणूक केल्याची घटना समोर आली आहे. या प्रकरणी कोतवाली पोलिस ठाण्यात तिघांवर फसवणुकीचा गुन्हा दाखल करण्यात आला आहे. याबाबत अर्जुन विठोबा शिंदे (रा. सुपा, ता. पारनेर) यांनी बुधवारी (दि.२२) रात्री कोतवाली पोलीस ठाण्यात फिर्याद दिली आहे. फिर्यादी शिंदे यांचा ऑनलाईन शेअर ट्रेडिंगचा व्यवसाय आहे. या व्यवसायानिमित्त त्यांची अहमदाबाद गुजरात येथील आरव पटेल, निलेश पटेल, चिराग पटेल या तिघांशी ओळख झाली होती. या तिघांनी कायम शिंदे यांच्या संपर्कात राहत त्यांचा विश्वास संपादन केला. त्यानंतर त्यांना ऑनलाईन शेअर ट्रेडिंग पेक्षा ऑफलाईन शेअर मार्केट मध्ये जास्त नफा होत असल्याचे पटवून सांगितले. त्यांचा विश्वास संपादन केलेला असल्याने शिंदे यांनी १९ जानेवारी ते ११ मार्च दरम्यान नगर शहरातील माळीवाडा परिसरात दोन टप्प्यात ११ लाख रुपये या तिघांना शेअर मार्केट मध्ये गुंतवणूक करण्यासाठी दिले. त्यानंतर काही दिवस तिघेही शिंदे यांच्या संपर्कात होते. मात्र शिंदे यांनी केलेल्या गुंतवणुकीचा परतावा मागण्यास सुरुवात केल्यावर या तिघांनीही शिंदे यांच्याशी संपर्क बंद केला. तसेच वेळोवेळी पैसे मागूनही त्यांनी शिंदे यांना पैसे न देता त्यांची फसवणूक केली असल्याचे फिर्यादीत म्हंटले आहे. या फिर्यादीवरून पोलिसांनी तिघांच्या विरोधात भा.दं.वि. कलम ४०६, ४२०, ३४ प्रमाणे गुन्हा दाखल केला आहे. पुढील तपास स.पो. नि. योगिता कोकाटे या करत आहेत.

तरुण शेतकऱ्याची गळफास घेत आत्महत्या

नगर – तांदळी वडगाव शिवारात ठोंबरे वस्तीवर राहणार्‍या तरुण शेतकर्‍याने शेतातील आंब्याच्या झाडाला दोरीच्या सहाय्याने गळफास घेत आत्म हत्या केल्याची घटना बुधवारी (दि.२२) पहाटे घडली. किरण पोपट ठोंबरे (वय ३२, रा. तांदळी वडगाव, ता.नगर) असे मयत शेतकर्‍याचे नाव आहे. किरण ठोंबरे याने बुधवारी पहाटे १२.५० वाजण्याच्या सुमारास शेतातील आंब्याच्या झाडाला दोरीच्या सहाय्याने गळफास घेतला.हे समजताच त्याचा चुलत भाऊ लक्ष्मण शिवाजी ठोंबरे व इतर नातेवाईकांनी त्यास उपचारासाठी तातडीने नगरच्या जिल्हा शासकीय किरण ठोंबरे रुग्णालयात नेले. मात्र तेथील मेडिकल ऑफिसर डॉ.ढोरे यांनी त्यास तपासून उपचारापूर्वीच मयत घोषीत केले. ही माहिती दवाखाना ड्युटीवर असलेले तोफखाना पोलीस स्टेशनचे अंमलदार जठार यांनी पोलिसांना कळविली. या खबरेवरून पोलिसांनी अकस्मात मृत्यूची नोंद केली आहे. पुढील तपास पो.हे.कॉ. थोरात करीत आहेत. किरण याच्या पश्चात आई वडील, पत्नी, १ मुलगा, १ मुलगी, बहिण असा परिवार आहे.

भारतीय शेअर बाजारात अचानक तेजीचा उच्चांक

मुंबई – लोकसभा निवडणुकीच्या निकालासाठी काउंटडाउन सुरू निफ्टीने रचला इतिहास, सेन्सेसने नोंदवली जोरदार वाढ झाले असून निकालांच्या पार्श्वभूमीवर गुरुवारी (दि.२३) शेअर बाजारात जबरदस्त तेजी पाहायला मिळत आहे. गुरुवारी बाजाराची सुरुवात सपाट झाली पण दिवस जसजसा पुढे सारत गेला तसतसे दोन्ही निर्देशांकांनी वेगाने आगेकूच सुरू केली. यादरम्यान, निफ्टीने इतिहास रचला आणि सर्वकालीन उच्चांक गाठला. इंट्राडे दरम्यान निफ्टीने २२,८०६.२० अंकांवर उडी घेतली तर काही वेळाने निफ्टी २२८.४५ अंकांची झेप घेऊन २२,८२६.२५ अंकांवर पोहोचला. पूर्णपणे आश्वस्त आहे. निफ्टीने रचला इतिहास सकाळच्या सत्रात निफ्टीची २२,६१४ अंकांवर ओपनिंग झाली आणि काही वेळातच २२,८०० अंकांची पातळी ओलांडली. बुधवारी, शेवटच्या सत्रात निफ्टी २२,५९७.८० अंकांवर बंद झाला. तर सेन्सेसने गुरुवारच्या सत्रात ७४,९९१.०८ अंकांवर मजल मारली असून निर्देशांकात सूचिबद्ध ३० पैकी २७ स्टॉकमध्ये तेजीचा कल दिसून आला असून अ‍ॅसिस बँकेने सुमारे ४ टक्क्यांची झेप घेतली. दुसरीकडे, निफ्टी ५० मध्ये अदानी एंटरप्रायझेसच्या शेअरमध्ये सर्वाधिक ५% तेजी दिसून आली त्यानंतर, अ‍ॅसिस बँक आणि एल अँड टी कंपनीच्या समभागांमध्ये सुमारे ३% वाढ झाली, तर मिडकॅप विभागात रेल्वे स्टॉकनी पुन्हा वर्चस्व गाजवले ठतछङ च्या शेअर्समध्ये ८% वाढ दिसून येत असून खठऋउ शेअर्समध्ये ७% मजबूत झाली आहे. रिझर्व्ह बँकेचा सरकारला विक्रमी लाभांश गेल्या तीन दिवसांपासून शेअर बाजारात मंदीचे वर्चस्व राहिले मात्र गुरुवारी पुन्हा एकदा बाजारात तेजीची हिरवळ परतली. संथ सुरुवातीनंतर अचानक मुंबई शेअर बाजाराच्या सेन्सेस आणि राष्ट्रीय शेअर बाजाराच्या निफ्टीत जोरदार वाढ नोंदवली गेली. चौथ्या तिमाहीत शानदार निकाल आणि आरबीआयच्या सरकारला विक्रमी लाभांश बाजारातील तेजीमागील मुख्य कारण मानले जात आहेत. याशिवाय दुसरीकडे एका अमेरिकन तज्ज्ञानेही मोदी सरकारला भारतात मोठे बहुमत मिळेल, असा दावा केला असून भारतातही मतदानाचा शेवट जवळ आला आहे आणि विद्यमान सरकार आपल्या विजयाबद्दल भारतीय रिझर्व्ह बँक (आरबीआय) दरवर्षी केंद्र सरकारला लाभांश देते आणि यावेळी २.११ लाख कोटी रुपयांचा लाभांश घोषित केला जो सरकारच्या अंदाजापेक्षा मोठा आहे. आतापर्यंत इतका मोठा लाभांश रिझर्व्ह बँकेने भारत सरकारला दिला नव्हता. या लाभांशाच्या मदतीने सरकारची वित्तीय तूट कमी होईल, जे अर्थव्यवस्थेसाठी सकारात्मक संकेत आहे.

पोलिस अधीक्षक कार्यालयाच्या आवारात दिव्यांग व्यतीचा ‘आत्मदहनाचा प्रयत्न’

पोलिसांनी वेळीच हस्तक्षेप केल्याने मोठी दुर्घटना टळली नगर – लोणी पोलिसांनी आमच्यावर खोटे गुन्हे दाखल केले आहेत. आम्हाला जामीनही मिळू देत नाही. आम्ही गरीब असल्याने आमच्यावर अन्याय केला जात आहे. माझ्यासमोर आता मरण्याशिवाय कुठलाही पर्याय राहिलेला नाही, असा आरोप करत लोणी येथील सुधाकर त्रिंबक कोळगे (वय ५२) या दिव्यांग व्यक्तीने पोलिस अधीक्षक कार्यालयाच्या आवारात स्वतःच्या अंगावर रॉकेल ओतून घेत पेटवून घेण्याचा प्रयत्न केला. त्यामुळे एकच खळबळ उडाली. पोलिसांनी वेळीच हस्तक्षेप केल्याने मोठी दुर्घटना टळली. कोळगे यांच्यावर लोणी पोलीस ठाण्यात खोटा गुन्हा दाखल करण्यात आल्याचे त्यांचे म्हणणे आहे. त्यांना या गुन्ह्यात जामीनही मिळून दिला जात नाही. आम्ही गरीब असल्याने आमच्यावर अन्याय केला जात असल्याचा आरोप करत कोळगे यांनी स्वतःच्या अंगावर पेट्रोल ओतून घेतले. ते स्वतः ला पेटवून घेण्याचा प्रयत्न करत असतानाच पोलिस अधीक्षक कार्यालयाच्या आवारात असलेल्या भिंगार कॅम्प पोलिस ठाण्याच्या कर्मचार्‍यांनी धावपळ करून वेळीच हस्तक्षेप केला व त्याला रोखले. त्यामुळे मोठी दुर्घटना टळली. भिंगार पोलिसांनी कोळगे याला ताब्यात घेतले असून त्याला उपचारासाठी जिल्हा रुग्णालयात दाखल करण्यात आले आहे.

नगरच्या मल्लखांब स्पर्धेवर राहणार ‘बालहक्क आयोगा’ची ‘करडी नजर’

नगर – राज्यभरातील १२ व १४ वर्षांखालील मल्लखांब खेळाडूंसाठी महाराष्ट्र हौशी मल्लखांब संघटनेने अहमदनगर येथे आयोजित केलेल्या मल्लखांब स्पर्धेवर आता राज्य बाल हक्क संरक्षण आयोगाची करडी नजर असणार आहे. २५ व २६ मे रोजी ऐन उन्हाळ्यात ही स्पर्धा मोकळ्या मैदानात घेत असल्याबद्दल संघटनेच्या काही सदस्यांनी ही स्पर्धा पुढे ढकलण्यात यावी, असे म्हणत राज्य बालहक्क संरक्षण आयोगाकडे तक्रार केली होती. याबाबत आयोजक, अहमदनगर जिल्हा क्रीडा अधिकारी, जिल्हा महिला व बालविकास अधिकारी, अहमदनगर यांच्याकडून अहवाल मागवून त्यांची सखोल तपासणी केल्यानंतर बालहक्क संरक्षण आयोगाने ही स्पर्धा भरवण्यास परवानगी दिली आहे. मात्र या स्पर्धेसाठी घालतेल्या अटींचे पालन होतेय की नाही, यावर देखरेख करण्याच्या सूचना जिल्हा महिला व बालकल्याण अधिकारी व बालकल्याण समितीच्या पदाधिकार्‍यांना दिल्या आहेत. महाराष्ट्र हौशी मल्लखांब संघटनेच्या सूचनेनुसार अहमदनगरच्या मल्लखांब संघटनेने राज्यस्तरीय मल्लखांब स्पर्धा २५ व २६ मे रोजी आयोजित केली आहे. १२ व १४ वर्षांखालील मुलांसाठी होणार्‍या या स्पर्धेसाठी जिल्हा क्रीडा अधिकार्‍यांनी वाडिया पार्क क्रीडांगणाची जागाही मंजूर केली आहे. मात्र ही स्पर्धा ऐन उन्हाळ्यात रणरणत्या उन्हात मोकळ्या मैदानात घेण्यावर महाराष्ट्र हौशी मल्लखांब संघटनेचे सदस्य अभिजित भोसले यांनी आक्षेप घेत राज्य बालहक्क संरक्षण आयोगाकडे धाव घेतली होती. राज्य बालहक्क संरक्षण आयोगाच्या अध्यक्षा अ‍ॅड. सुशीबेन शाह यांनी याबाबत जिल्हा महिला व बालविकास अधिकारी, जिल्हा क्रीडा अधिकारी यांच्याकडून अहवाल मागवला. १२ आणि १४ वर्षांखालील राज्यस्तरीय मल्लखांब स्पर्धा : लहान मुलांना उन्हाचा त्रास होणार नाही, याची काळजी घेण्याचे निर्देश तसेच महाराष्ट्र हौशी मल्लखांब संघटनेच्या पदाधिकार्‍यांकडूनही या स्पर्धेबाबतचा अहवाल मागवण्यात आला. या सर्व अहवालांमध्ये ही स्पर्धा मोकळ्या मैदानात होत असली, तरी उन्हापासून संरक्षण करण्यासाठी प्रशस्त आणि आच्छादित मंडप उभारणार असल्याचे म्हटले आहे. तसंच मुलांच्या सोयीसाठी मंडपात कुलरची आणि पिण्याच्या थंड पाण्याची सोयही केली जाणार आहे. त्याशिवाय स्पर्धेच्या ठिकाणी वैद्यकीय अधिकारी आणि इतर सुविधा तैनात असतील. स्पर्धा सकाळी आणि संध्याकाळी याच वेळेत खेळवल्या जातील. खेळाडूंच्या राहण्याची सोय स्पर्धेच्या ठिकाणापासून पाच मिनिटांच्या अंतरावरच केली असून भोजन व नाश्त्याची व्यवस्था खेळाडूंच्या सोयीसाठी मंडपातच करण्यात येणार आहे. या सर्व बाबी समाधानकारक असल्याचे सांगत अ‍ॅड. सुशीबेन शाह यांनी बालहक्क संरक्षण आयोगातर्फे ही स्पर्धा भरवण्यास कोणतीही हरकत नसल्याचे म्हटले आहे. मात्र, या सर्व सूचनांचे तंतोतंत पालन होत आहे, याची खातरजमा करण्यासाठी अहमदनगर जिल्हा महिला व बालकल्याण अधिकारी आणि बालकल्याण समिती यांना या स्पर्धेवर करडी नजर ठेवण्याच्या सूचना देण्यात आल्या आहेत. त्याशिवाय दिलेल्या सूचनांचे पालन होत नसेल, तर स्पर्धा जागीच थांबवण्यात येईल, असेही अ‍ॅड. सुशीबेन शाह यांनी स्पष्ट केले. बालकांची सुरक्षा महत्त्वाची खेळणे किंवा स्पर्धेत सहभागी होणे, हादेखील मुलांचा हक्कच आहे. त्यामुळे स्पर्धेला परवानगी नाकारणे हे त्या हक्कांची पायामल्ली करण्यासारखे आहे. स्पर्धेच्या दोन दिवशी नगर जिल्ह्यातील तापमान सरासरी एवढेच आहे. तसेच आयोजकांनी खबरदारी घेण्याचेही कबूल केले आहे. तरीही बालसुरक्षेला महत्त्व देत आम्ही या संपूर्ण स्पर्धेवर नजर ठेवून असू असे अ‍ॅड. सुशीबेन शाह यांनी म्हटले आहे.

वाडियापार्क क्रीडा संकुलात रंगणार राज्यस्तरीय मल्लखांब स्पर्धा

नगर – अहमदनगर जिल्हा मल्लखांब असोसिएशनतर्फे ४० वी राज्य अजिंयपद मल्लखांब स्पर्धेचे आयोजन करण्यात आले असून, ही स्पर्धा महाराष्ट्र हौशी मल्लखांब संघटनेच्या मान्यतेने व जिल्हा क्रीडा अधिकार्‍यांच्या सहकार्याने वाडिया पार्क क्रीडा संकुल येथे २५ व २६ मे रोजी रंगणार आहे. शहरात होणार्‍या या मल्लखांब स्पर्धेत राज्यातील मल्लखांब खेळाडूंचे क्रीडाकौशल्य अनुभवण्याची संधी व चित्त थरारक क्षण अनुभवता येणार आहे. १२ व १४ वर्षे आतील मुले व मुली या स्पर्धेत सहभागी होणार असून, वाडिया पार्क क्रीडा संकुल येथे स्पर्धेची तयारी अंतिम टप्प्यात आली आहे. महाराष्ट्रातील तब्बल २६ जिल्ह्यांमधून मल्लखांब स्पर्धक यामध्ये सहभागी होणार आहेत. उन्हाळा व पावसाळ्याचे वातावरण गृहित धरून मुख्य मैदान व बैठक व्यवस्था पूर्णपणे आच्छादित व प्रशस्त स्वरूपाची करण्यात येत आहे. राज्यातून संघाचे आगमन शुक्रवारी (दि. २४) होणार आहे. स्पर्धेसाठी येणार्‍या मुला-मुलींची निवास व्यवस्था मैदानापासून पाच मिनिटांच्या अंतरावरील सर्व सोयीयुक्त कार्यालयांमध्ये करण्यात आली आहे. चित्तथरारक मल्लखांबाच्या कसरतीचा रंगणार थरार, राज्यातील ६०० खेळाडूंचा सहभाग यासोबतच खेळाडूंसाठी वैद्यकीय सुविधा उपलब्ध असणार आहे. मुलांची गैरसोय होऊ नये म्हणून मैदानावर दोन्ही वेळचे नाश्ता व भोजनाची सोय करण्यात आली आहे. १२ व १४ वर्षाखालील मुले आणि मुलींचा पुरलेला मल्लखांब आणि दोरीचा मल्लखांब यांच्या स्पर्धेमध्ये साधारणतः ६०० खेळाडू सहभागी होणार असल्याची माहिती संघटनेचे सचिव अनंत रिसे यांनी दिली. स्पर्धा यशस्वीतेसाठी संस्थेचे अध्यक्ष राजकुमार धोत्रे, उपाध्यक्ष नंदेश शिंदे, उपाध्यक्ष राजाभाऊ अवसक, सचिव अनंत रिसे, सहसचिव मोहिनीराज लहाडे, सहसचिव अजित लोळगे, खजिनदार होनाजी गोडळकर प्रयत्नशील आहेत. स्पर्धेचे नियोजन स्पर्धा प्रमुख अमित जिनसीवाले करत आहेत, तर तांत्रिक बाजू तांत्रिक समितीचे अध्यक्ष नीलेश कुलकर्णी, सतीश दारकुंडे, दिलीप झोळेकर व विष्णू देशमुख व सर्व संघटनेचे सदस्य काम सांभाळत आहेत.

महिलांच्या गळ्यातील सोन्याचे दागिने चोरणारी टोळी जेरबंद

१७ लाख २० हजारांचा मुद्देमाल हस्तगत; स्थानिक गुन्हे शाखेची कारवाई नगर – कोपरगाव, संगमनेर, शिर्डी, श्रीरामपूर, शेवगाव तालुयात महिलांच्या गळ्यातील सोन्याचे दागिने (सोनसाखळी) चोरणार्या टोळीच्या मुसया आवळण्यात स्थानिक गुन्हे शाखेच्या पथकाला यश आले आहे. सहा जणांच्या टोळीतील तिघांना जेरबंद करण्यात आले आहे. त्यांच्याकडून २१५ ग्रॅम दागिन्यांसह १७ लाख २० हजारांचा मुद्देमाल हस्तगत करण्यात आला आहे. दरम्यान, तिघांकडे चौकशी केली असता १४ गुन्ह्यांची उकल झाली आहे. विनोद उर्फ खंग्या विजय उर्फ धैल्या चव्हाण (वय २६, रा. मोहटादेवी मंदिरामागे, अशोकनगर, ता. श्रीरामपूर), सुनील शानिल पिंपळे (वय ३७), विशाल सुनील पिंपळे (वय २२, दोघे रा. वसु सायगाव, ता. गंगापूर, जि. छत्रपती संभाजीनगर) अशी जेरबंद केलेल्या तिघांची नावे आहेत. त्यांनी साथीदार राजेश राजू सौलंकी (रा. सुहागपूर, जि. हौशीगाबाद, मध्यप्रदेश), ऋषीकेश कैलास जाधव, रंगनाथ ऊर्फ रंग्या युवराज काळे (दोघे रा. श्रीरामपूर) यांच्यासोबत गुन्हे केल्याची कबुली दिली आहे. त्यांचा पोलिसांनी शोध घेतला असता मिळून आले नाहीत. रूपाली सुधीर कदम (वय ३२, रा. दत्तनगर, श्रीरामपूर) या बाभळेश्वर रस्त्याने जात असतांना दोन चोरट्यांनी दुचाकीवर वेगात येऊन त्यांच्या गळ्यातील १० ग्रॅम वजनाचे सोन्याचे मिनीगंठण बळजबरीने हिसकावून नेले होते. या गुन्ह्यासह जिल्ह्यातील इतर सोनसाखळी चोरीच्या गुन्ह्यांचा तपास करण्याचे आदेश पोलीस अधीक्षक राकेश ओला यांनी स्थानिक गुन्हे शाखेच्या पोलिसांना दिले होते. पोलीस निरीक्षक दिनेश आहेर यांच्या मार्गदर्शनाखाली उपनिरीक्षक सोपान गोरे, पोलीस अंमलदार दत्तात्रय हिंगडे, मनोहर गोसावी, रवींद्र कर्डिले, सचिन अडबल, संतोष लोढे, विजय ठोंबरे, संतोष खैरे, रणजित जाधव, रोहित येमूल, बाळासाहेब गुंजाळ, सागर ससाणे, प्रशांत राठोड, अमृत आढाव, उमाकांत गावडे, चंद्रकांत कुसळकर यांचे पथक तपास करत होते. पथकाने संगमनेर, श्रीरामपूर, शिर्डी, कोपरगाव, शेवगाव या ठिकाणी झालेल्या सोन साखळी चोरीच्या घटनांचे सीसीटीव्ही फुटेज तपासून संशयित आरोपींची गोपनीय माहिती घेतली. सदर गुन्हा रेकॉर्डवरील संशयित आरोपी विनोद ऊर्फ खंग्या विजय उर्फ छैल्या चव्हाण याने साथीदारांसह केला असल्याची व तो साथीदारासह चोरी केलेले सोन्याचे दागिने विक्री करीता श्रीरामपूर – नेवासा रोडवरील अशोकनगर फाटा येथे येणार असल्याची माहिती निरीक्षक आहेर यांना मिळाली. पथकाने सापळा रचून दोघांना व नंतर एकाला ताब्यात घेत अटक केली आहे.