नगर – अहिल्यानगर येथील वसंत टेकडी जवळील सेवा शिक्षण प्रसारक मंडळाच्या डॉ. ना.ज.पाऊलबुद्धे कॉलेज ऑफ फार्मसीमध्ये नॅशनल फार्मसी एज्युकेशन डे साजरा करण्यात आला. कार्यक्रमाला बीएडच्या प्राचार्या कॅम्पस इन्चार्ज डॉ.रेखाराणी खुराणा, बी फार्मसी चे प्राचार्य डॉ. श्याम पंगा, डी फार्मसी च्या प्राचार्या अनुराधा चव्हाण, डॉ. वेणू कोला, डॉ.रोशनी सूर्यवंशी, डॉ. प्रसाद घुगरकर उपस्थित होते. या कार्यक्रमांतर्गत डी फार्मसी व बी फार्मसी च्या विद्यार्थ्यांनी पेशंट कौन्सलिंग मध्ये फार्मसी चा रोल किती महत्त्वाचा असतो हे दर्शविणारे नाट्यप्रदर्शन सादर करण्यात आले.
डॉ.रेखाराणी खुराणा यांनी आपल्या भाषणात विद्यार्थ्यांना यशस्वी जीवन जगण्याचा कानमंत्र देत पुढील कारकिर्दीसाठी मार्गदर्शन केले. डॉ.पंगा यांनी विद्यार्थ्यांना स्टार्ट अप अँड इनोवेशन प्रोग्राम अंतर्गत नवीन संशोधन करण्यास प्रेरणा दिली.
सूत्रसंचालन श्रद्धा मुंदडा यांनी केले. सुवर्णा येमुल यांनी आभार मानले.

नगर – महाराष्ट्रातील औद्योगिक विजेचे दर हे देशात सर्वाधिक असल्याने राज्यातील उद्योगधंद्यांवर मोठा आर्थिक ताण येत आहे. वाढत्या वीजदरांमुळे अनेक उद्योग अन्य राज्यांत स्थलांतर करण्याच्या तयारीत आहेत. यावर तोडगा काढण्यासाठी उद्योगांना स्वस्त, मुबलक आणि अखंडित वीज मिळावी, अशी मागणी आमदार सत्यजीत तांबे यांनी सभागृहात केली.
नाशिक येथील अंबड इंडस्ट्रियल मॅन्युफॅचरर्स असोसिएशन (आयमा) या औद्योगिक संघटनेच्या विनंतीवरून आमदार तांबे यांनी हा मुद्दा सभागृहात मांडला. महाराष्ट्रातील औद्योगिक विजेचे दर इतर राज्यांच्या तुलनेत अधिक आहेत, तर सेवा-सुविधांच्या बाबतीत राज्य मागे आहे. त्यामुळे महाराष्ट्रातील उद्योग टिकून राहावेत आणि अधिक सक्षम बनावेत,
यासाठी स्वस्त दरात वीजपुरवठा होणे अत्यंत गरजेचे असल्याचे आ. सत्यजीत तांबे यांनी म्हंटले. महाराष्ट्र देशातील प्रमुख औद्योगिक केंद्र असूनही, येथील उच्च वीजदरांमुळे उत्पादन खर्च वाढतो. परिणामी, वस्तूंच्या किमती वाढतात आणि उद्योगांना स्पर्धात्मक टिकाव धरणे कठीण जाते. यामुळे अनेक लघु, मध्यम आणि मोठे उद्योग इतर राज्यात स्थलांतर करण्याच्या विचारात आहेत. जर ही परिस्थिती कायम राहिली, तर महाराष्ट्राच्या आर्थिक प्रगतीवर नकारात्मक परिणाम होऊ शकतो. आमदार तांबे यांनी राज्य सरकारच्या महावितरण या वीज वितरण कंपनीने लघु व मध्यम उद्योगांसाठी
सहकार्याची भूमिका घ्यावी, अशी मागणी केली. उद्योगांना सवलतीच्या दरात वीज मिळाल्यास ते अधिक सक्षम होतील आणि रोजगारनिर्मिती वाढेल. तसेच, उद्योगांना पूर्ण दाबाची, अखंडित आणि विश्वासार्ह वीज उपलब्ध करून देण्याची गरज
असल्याचेही आ. तांबे यांनी अधोरेखित केले.
आमदार तांबे यांच्या या मागणीवर राज्य सरकारने सकारात्मक प्रतिसाद दिला आहे. उद्योगवाढ आणि वीजपुरवठ्याच्या समस्येवर अभ्यास करून आवश्यक उपाययोजना केली जाईल, असे आश्वासन देण्यात आले आहे. तसेच, राज्यातील उद्योगधंद्यांना अधिक चांगल्या सुविधा देण्यासाठी धोरणात्मक निर्णय घेतले जातील, असे सरकारने स्पष्ट केले.

उद्योगांसाठी वीजदर कमी करण्याची गरज का?
महाराष्ट्रातील वाढत्या औद्योगिक वीजदरांमुळे अनेक उद्योगधंदे अन्य राज्यांत स्थलांतर करण्याच्या
तयारीत आहेत. उच्च वीजदरांमुळे उत्पादन खर्च वाढत असून, त्याचा थेट परिणाम वस्तूंच्या किंमतींवर
होत आहे. तसेच, राज्याच्या आर्थिक प्रगतीसाठी उद्योगधंद्यांचा विकास महत्त्वाचा असल्याने उद्योगांसाठी
स्वस्त आणि अखंडित वीजपुरवठा सुनिश्चित करणे गरजेचे आहे.

नगर – जैन इंटरनॅशनल ट्रेड ऑर्गनायझेशन (जितो) च्या वतीने संपूर्ण भारतासह
आंतरराष्ट्रीय स्तरावर ९ एप्रिल रोजी ’विश्व नवकार महामंत्र’ दिवस भव्य स्वरूपात
साजरा करण्यात येणार आहे. नगर शहरात यादिवशी धार्मिक परीक्षा बोर्ड येथे सकाळी
७.०२ ते ९.३६ यावेळेत नवकार जाप केला जाणार आहे. तसेच यावेळी धार्मिक गीत
संगीत, सांस्कृतिक कार्यक्रमही रंगणार आहेत. या विश्वव्यापी उपक्रमात ७४ जितो
चॅप्टर्स, ९ झोन, ३१ आंतरराष्ट्रीय चॅप्टर्स, १०८ देश, १०८ पेक्षा अधिक धार्मिक
अनुष्ठान स्थळे, ६ हजारांहून अधिक जैन देरासर, उपाश्रय, स्थानकांतून भाविक
सहभागी होणार आहेत. एलईडी स्क्रीनच्या माध्यमातून सामूहिक नवकार महामंत्र
जपाचे थेट प्रक्षेपण करण्यात येणार आहे, अशी माहिती जितो अहमदनगरचे चेअरमन
आलोक मुनोत, सेक्रेटरी तुषार कर्नावट यांनी दिली.
या उपक्रमाच्या प्रचार पत्रकाचे अनावरण नुकतेच करण्यात आले. यावेळी
इंदिरा मुनोत, गौतम मुनोत, अमित मुथा, अक्षय नरेंद्र बाफना, अभिजित विनोद गांधी,
सुधीर, निलेश चोपडा, आलोक मुनोत, तुषार कर्नावट, विजय गुगळे, अमित पोखरणा,
सौरभ भंडारी, प्रितेश दुगड, पारस चुडीवाल, सुमंगला मुनोत, प्रणिल मुनोत, युथ विंग
चेअरमन चेतन भंडारी, सेक्रेटरी यश भंडारी, गौतम मुथा, खुशबू मुनोत, निखिल गांधी,
ऋबभ बोरा, रितेश पटवा, सूरज कर्नावट, लेडीज विंग सेक्रेटरी अंशु मुनोत, सोनाली
डुंगरवाल, वैशाली ओस्तवाल आदी उपस्थित होते.
या दिव्य आयोजनाचा उद्देश नवकार महामंत्राच्या अद्भुत शक्तीचा प्रचार व प्रसार
करणे आणि अधिकाधिक लोकांना या आध्यात्मिक साधनेसाठी प्रेरित करणे हा आहे.
प्रत्येकाने आपल्या शहरातील, गावातील प्रमुख धार्मिक स्थळे, समाज, प्रतिष्ठित व्यक्ती
आणि श्रद्धाळूंना या महान कार्यात सहभागी घ्यावे. स्थानिक पातळीवर जास्तीत जास्त
भाविकांनी नजीकच्या स्थानकात किंवा घरी बसूनही माळ जपावी.
या ऐतिहासिक प्रसंगी पंतप्रधान नरेंद्र मोदी नवकार महामंत्राचे महत्त्व संपूर्ण
भारतासमोर सादर करणार आहेत. याशिवाय देशातील दिग्गज राजकारणी, गौतम
अदानी, मुकेश अंबानी यांच्यासह मोठे उद्योजक, बॉलिवूड स्टार, दिग्गज खेळाडू,
सेलिब्रिटींही यात सहभागी होणार आहेत. अत्यंत अभिमानाची गोष्ट आहे की नवकार
महामंत्राची शक्ती आणि महत्त्व आज जागतिक स्तरावर मान्यता मिळवत आहे. या
ऐतिहासिक कार्यक्रमाचा भाग होण्यासाठी अधिकाधिक भाविकांची नोंदणी यु आर
कोड द्वारे किंवा ऑनलाईन लिंकवर करावी असे आवाहन जितो अहमदनगरच्या वतीने
करण्यात आले आहे.

नगर – जामखेड रोडवर नगर तालुयातील सारोळा बद्धी येथील प्लास्टिक ताडपत्री बनविणारी चंदन प्लास्टिक ही कंपनी १६ मार्च रोजी सकाळी अकराच्या सुमारास आगीच्या भक्ष्यस्थानी पडली. सुदैवाने कोणतीही जीवितहानी झाली नाही. आगीचे कारण स्पष्ट झालेले नाही. आगीत कंपनीची मोठी आर्थिक हानी झाली.
रविवारी सकाळी अकराच्या सुमारास सारोळा बद्दी येथील प्लास्टिक ताडपत्र्या बनविणार्‍या कंपनीस अचानक आग
लागली. काही क्षणातच धुराचे लोळ बाहेर पडू लागले. आगीने रौद्ररूप धारण केले. ही माहिती अहिल्यानगर महापालिकेच्या अग्निशमन दलास देण्यात आली. जवान तत्काळ दोन बंब व तीन मोठे पाणी टँकरसह घटनास्थळी पोहोचले व मदतकार्य सुरू केले. त्यानंतर एमआयडीसी,  राहुरी नगरपालिका, एमआयआरसीच्या . अग्निशमन दलाचीही मदत
घेण्यात आली. रात्री उशिराही आग आटोयात आणण्याचे प्रयत्न सुरू होते. यात स्थानिक ग्रामस्थांनीही वैयक्तिक पाणी टँकर आणून आग आटोयात आणण्यासाठी मदत केल्याची माहिती मनपाचे मुख्य अग्निशमन अधिकारी शंकर मिसाळ
यांनी सांगितली. आग आटोयात आणण्यासाठी अग्निशमन विभागाचे प्रमुख शंकर मिसाळ, वाहन चालक अशोक काळे, अंकुश कुटे, सिकंदर वाकरे, चंदू भांगरे, फायरमन मोहन रासकर, सागर जाधव, अशोक चितळे, करण राठोड, संदेश सांगळे, सूरज कारले, संकेत साठे, अविनाश साठे, धीरेश जावळे, शुभम साठे, प्रभात साठे आदींसह इतर जवानांनी प्रयत्न केले.

नगर – केडगाव मधील बायपास चौका लगत असलेल्या कांबळे वस्ती जवळील सलीम रंगरेज यांच्या शेतात १५ मार्चला रात्री बिबट्या दिसल्याने या भागात भीतीचे वातावरण पसरले आहे. याची माहिती मिळाल्यावर वनपारिक्षेत्र अधिकारी अविनाश तेलोरे यांच्या मार्गदर्शना नुसार वन विभागाच्या कर्मचार्‍यांनी तातडीने भेट देत पाहणी केली. तसेच बिबट्याला पकडण्यासाठी १६ मार्चला या परिसरात पिंजरा लावण्यात आला आहे. या भागात बिबट्या दिसल्याचा व्हिडीओ काही
नागरिकांनी काढला होता तसेच या ठिकाणी बिबट्याच्या पावलांचे ठसेही आढळून आले. या ठिकाणी दोन दिवसांपूर्वी बिबट्याने एका कालवडीची शिकार केली होती. याची गांभीर्याने दखल घेत रविवारी सकाळी वनरक्षक विजय चेमटे, चालक संदीप ठोंबरे, वन्यजीव अभ्यासक हर्षद कटारीया यांनी भेट देऊन पाहणी केली. तसेच परिसरातील नागरिकांना काही सूचना केल्या. बिबट्याला पकडण्यासाठी सायंकाळी या भागात पिंजरा लावण्यात आला आहे. केडगाव परिसरात बिबट्याचे वास्तव्य या आधीही  आढळून आले आहे. नागरिकांनी कोणत्याही आफवांवर विश्वास ठेऊ नये तसेच खोट्या भीती व गैरसमज पसरवणार्‍या व्हिडीओ लिप सोशल मीडियावर प्रसारित करू नये, असे आवाहन वनपारिक्षेत्र अधिकारी अविनाश तेलोरे यांनी नागरिकांना केले आहे.

नगर – केडगाव बायपास रोडवर स्क्रॅप गोडावूनला १२ मार्च ला रात्री ११.१५ च्या सुमारास भीषण आग लागली. या आगीत गोडावून मधील सर्व साहित्य जळून खाक झाले. महापालिका अग्निशामक दलाचे २ बंब आणि एमआयडीसी अग्निशामक दलाचा १ बंब यांनी २ तास अथक प्रयत्न करून सदर आग आटोक्यात आणली. परंतु तो पर्यंत आगीत मोठे नुकसान झाले होते.

केडगाव बायपास रोडवर नेप्ती कांदा मार्केटजवळ फिरोज खान यांचे प्लास्टिक स्क्रॅप गोडावून आहे. या गोडावूनला रात्री ११.१५ च्या सुमारास भीषण आग लागली. आगीची माहिती मिळताच महापालिकेच्या अग्निशामक विभागाचे प्रमुख शंकर मिसाळ, चालक ज्ञानेश्वर चाकणे, फायरमन संजय शेलार, भरत पडघे, पांडुरंग झिने, बाबा कदम, मच्छिंद्र धोत्रे हे घटनास्थळी दाखल झाले. आगीचे रौद्र रूप पाहून सावेडी विभागाची गाडीही बोलावण्यात आली. त्यानंतर एमआयडीसी अग्निशामक दलालाही बोलावण्यात आले. एमआयडीसीचे अग्निशमन अधिकारी जगतसिंग जाट, प्रमुख फायरमन नितीन जाधव, राकेश चौधरी, गणेश कदम, बालाजी ओव्हाळ, कैलास नांगरे, राहुल भालगावकर, निलेश भालेराव, चालक प्रकाश शिंगाडे यांचे पथकही घटनास्थळी दाखल झाले. या ३ बंबांनी आगीवर पाण्याचा मारा करत सुमारे २ तास अथक परिश्रम घेत आगीवर नियंत्रण मिळविले.

गोडावून मध्ये प्लास्टिकचे स्क्रॅप असल्याने आगीने काही काळातच रौद्र रूप घेतले होते. त्यामुळे आग नियंत्रणात येईपर्यंत गोडावून मधील सर्व स्क्रॅप जळून खाक झाले होते. या आगीच्या ज्वाला लांबूनही दिसत होत्या. त्यामुळे या ठिकाणी नागरिकांनी तसेच बायपास ने जाणाऱ्या वाहनचालकांनी गर्दी केली होती. आगीत किती नुकसान झाले याची निश्चित माहिती मिळू शकली नाही.

नगर –  संभाजी ब्रिगेडच्या नावाबाबत शिवधर्म फाउंडेशनचे संपूर्ण महाराष्ट्रात १८ मार्च पासून आंदोलन सुरु करणार असून अहिल्यानगर येथे २८ मार्च रोजी मोर्चा काढणार असल्याची माहिती शिवधर्म फाउडेशनचे संस्थापक अध्यक्ष दीपक काटे यांनी दिले.

धर्मवीर छत्रपती संभाजी महाराज हे अखंड हिंदुस्थानचे आराध्य दैवत व छत्रपती शिवाजी महाराजांचे वीर पुत्र तसेच स्वराज्याचे दुसरे छत्रपती आहेत. त्यांच्या पराक्रमाची, त्यागाची व धर्मरक्षणासाठी दिलेल्या बलिदानाची कीर्ती संपूर्ण जगभर प्रसिद्ध आहे. हिंदू धर्माच्या रक्षणार्थ दिलेल्या अतुलनीय योगदाना मुळेच संपूर्ण रयतेने त्यांना “धर्मवीर” ही उपाधी बहाल केली. परंतु, संभाजी ब्रिगेड ही संघटना आणि पक्ष सातत्याने छत्रपती संभाजी महाराज यांचा एकेरी उल्लेख करत असून, हा प्रकार महाराष्ट्रातील करोडो शिवभक्त आणि संभाजी महाराजांवर निस्सीम श्रद्धा असलेल्या जनतेच्या भावनांना गंभीर धक्का पोहोचवणारा आहे. याशिवाय, संभाजी ब्रिगेड संघटनेचे नाव ‘संभाजी’ या एकेरी शब्दाने प्रसिद्ध होत असल्याने महाराष्ट्रातील लाखो नागरिक अज्ञानात किंवा नकळत छत्रपती संभाजी महाराजांचा अपमान करत आहेत. यामुळे संपूर्ण महाराष्ट्राची ऐतिहासिक आणि सांस्कृतिक अस्मिता धोक्यात येत आहे.

संभाजी ब्रिगेड संघटना व संभाजी ब्रिगेड पक्ष यांनी धर्मवीर छत्रपती संभाजी महाराज यांचे नाव बदलावे. जर त्यांनी नाव बदलण्यास नकार दिला, तर या संघटना व पक्षांची नोंदणी तत्काळ रद्द करण्यात यावी. संभाजी महाराज यांचा सन्मान कायम राखण्यासाठी महाराष्ट्र शासनाने कठोर भूमिका घ्यावी व तातडीने योग्य ती कारवाई करावी. अशी मागणी दीपक काटे यांनी केली आहे.

शिवधर्म फाउंडेशनच्या या आंदोलनाला खासदार उदयनराजे भोसले यांनी जाहीर पाठिंबा दिला असून ते म्हणाले, “छत्रपती संभाजी महाराज हे संपूर्ण हिंदुस्थानचे प्रेरणास्थान आहेत. त्यांचा अपमान कोणीही सहन करणार नाही. प्रशासनाने तातडीने पावले उचलली पाहिजेत.

शिवधर्म फाउंडेशनने यास तीव्र विरोध दर्शवला असून या नावांमध्ये त्वरित बदल करण्याची मागणी केली आहे. या मागणी साठी पुणे येथे १८ मार्च, सातारा: २० मार्च, कोल्हापुर: २१ मार्च, सांगली: २९ मार्च, सोलापुर: २५ मार्च, अहिल्यानगर: २८ मार्च, जालना: २९ मार्च, छत्रपती संभाजी नगर: ७ एप्रिल, नाशिक: ९ एप्रिल , ठाणे, रायगड: ११ एप्रिल  रोजी आंदोलन केले जाणार असल्याचे दीपक काटे यांनी सांगितले.

बौद्ध धर्माची अस्मिता असलेल्या महाबोधी महाविहार बौध्दांच्या ताब्यात देण्याची मागणी

नगर – बिहार मधील महाबौध्दि बुद्धविहारचे नियंत्रण आणि व्यवस्थापन बौद्धांच्या ताब्यात देण्याच्या मागणीसाठी
जिल्हाधिकारी कार्यालयावर भारतीय बौद्ध महासभा आणि वंचित बहुजन आघाडीच्यावतीने जिल्हाधिकारी कार्यालयावर बुधवारी (दि.१२ मार्च) मोर्चा काढण्यात आला. शासकीय विश्रामगृह येथून निघालेल्या मोर्चात बौध्द धर्माचे
प्रतिक असलेले पंचशील ध्वजासह भारतरत्न डॉ. बाबासाहेब आंबेडकर व सम्राट अशोक यांच्या प्रतिमा
घेऊन समाजबांधव सहभागी झाले होते.
बौद्ध धर्माची अस्मिता असलेल्या महाबोधी महाविहार बौद्धांच्या ताब्यात देण्यासाठी जिल्हाधिकारी कार्यालया
समोर निदर्शने करण्यात आली. या आंदोलनात वंचित बहुजन आघाडीचे राज्य महासचिव प्रा. किसन चव्हाण,
राज्य प्रवक्ते अ‍ॅड. अरुण जाधव, जिल्हाध्यक्ष योगेश साठे, भारतीय बौद्ध महासभा जिल्हाध्यक्ष राजेंद्र साळवे,
जिल्हा महासचिव प्रसाद भिवसने, जिल्हा संघटक सुधीर ठोंबे, जिल्हा सल्लागार जे. डी. शिरसाठ, शहराध्यक्ष
हनीफ शेख, तथागत बुध्दीस्ट सोसायटीचे अध्यक्ष संजय कांबळे, राम गायकवाड, माधवराव चाबूकस्वार,
दिपक पाटोळे, लक्ष्मण माघाडे, संतोष गायकवाड, विजय हुसळे, सतिश ओहोळ, बाबाजी वाघमारे,
बाळासाहेब धस, गायकवाड आण्णा, भगवंत गायकवाड, संपत पवार, प्रवीण ओरे, अमर निरभवने, राजीव
भिंगारदिवे, रविकिरण जाधव, तेजस धीवर, बाबासाहेब धीवर, संजय कांबळे, अण्णासाहेब गायकवाड, गौतम
पाचारणे, मेहेर भिंगारदिवे, राम गायकवाड, दीपक पाटोळे, भाऊसाहेब देठे, पोपट शेटे, सोमनाथ भैलूमे,
गनी इनामदार, दीपक गायकवाड, संजय शेलार, रूपाली आढाव, लता भांड, प्रमिला शिंदे, पी.के. गवारे, दिलीप
साळवे, राजेंद्र करदींकर, प्रकाश कांबळे, धोंडिबा राक्षे, संतोष जवंजाळ, महेश पवार, संतोष कांबळे, दादासाहेब
पंडीत, नवनाथ रामफळे, शांताराम ऊबाळे, बाळासाहेब लहानसे, संतोष पटवेकर, पंडीत मोरे, भगवान बच्छाव
आदींसह फुले, शाहू, आंबेडकरी विचारांच्या समविचारी संघटनांचे प्रमुख नेते सहभागी झाले होते.
सम्राट अशोक यांनी इ.स. पूर्व तिसर्‍या शतकात महाबोधी महाविहाराचे बांधकाम केले. तथागत बुद्धाला
ज्या बोधीवृक्षाखाली ज्ञानप्राप्ती झाली तो बोधीवृक्ष याच महाबोधी महाविहार परिसरात आहे. त्यामुळे देशातील
नव्हे, तर जगभरातील बौद्ध अनुयायी भिखू आणि पर्यटक या स्थळाला भेट देतात; मात्र या महाविहाराचे
नियंत्रण आणि व्यवस्थापन आजही बौद्धांच्या ताब्यात नाही. महाबोधी विहार बौद्धांच्या ताब्यात देण्यात यावे,
यासाठी १९९२ पासून आंदोलन होत आहेत. तरी सुद्धा महाबोधी विहार व्यवस्थापन कायदा बदलण्यात
आला नाही. त्यामुळे पाच हिंदू धर्मीय यांचे प्राबल्य असल्याने बौध्द गया येथील महाविहारात पुजा आणि
कर्मकांड सुरु आहे. मात्र बौद्ध धर्म गुरुंना त्यांच्या विधीप्रमाणे पूजेचा अधिकार मिळत नाही. ज्या रूढी
परंपरांना तथागत गौतम बुद्ध यांनी नाकारले तेच कर्मकांड येथे सुरू असल्याचा आरोप करण्यात आला आहे.
आपला देश स्वातंत्र्य झाल्यावर २६ जानेवारी १९५० पासून घटना लागू झाली आहे. त्यावेळी भारतीय
राज्यघटनेचे कलम १३ नुसार घटना लागू होण्यापूर्वी केलेले सर्व कायदे आणि नियम निरस्त केले आहेत. मात्र तरी
देखील देशात १९४९ चा नियमबाह्य कायदा लावून बौध्द समूहाचे धार्मिक अधिकार काढून घेण्यात आले
असल्याचे स्पष्ट करण्यात आले आहे. महाबोधी महाविहार (बोधगया, बिहार) हे पवित्र बौद्ध धर्मस्थळ असून, बोधगया महाविहार कायदा १९४९ चा अन्यायकारक कायदा रद्द करावा, बोधगया येथील महाबोधी महाविहाराचे नियंत्रण आंतरराष्ट्रीय बौद्धांना सोबत घेऊन बौद्धांच्या ताब्यात द्यावे, जागतिक वारसा अबाधित ठेवण्यासाठी मोठ्या प्रमाणात विशेष विकास
निधी आणि सुविधा तात्काळ देण्यात याव्या, केंद्र सरकार आणि बिहार सरकारने आपले विशेष अधिकार
वापरून १९४९ चा कायदा दुरुस्त करण्याचे आदेश देण्याची मागणी करण्यात आली आहे. सदर मागणीचे
निवेदन निवासी उपजिल्हाधिकारी राजेंद्रकुमार पाटील यांच्या मार्फत राष्ट्रपती यांना पाठविण्यात आले आहे.

१७ मार्च रोजी मुख्य कार्यालयसमोर धरणे आंदोलन तर २० मार्च रोजी देशव्यापी लाक्षणिक संप करण्याचा दिला इशारा

नगर – ऑल इंडिया बँक ऑफ महाराष्ट्र एम्प्लॉईज फेडरेशन संलग्न बँक ऑफ महाराष्ट्र एम्प्लॉईज युनियन अहिल्यानगर शाखेच्या वतीने महाराष्ट्र बँकेतील कर्मचार्‍यांच्या विविध न्याय मागण्यांसाठी बुधवारी (दि.१२ मार्च) लालटाकी येथील महाराष्ट्र बँकेच्या शाखे समोर धरणे आंदोलन करण्यात आले. बँकेच्या अधिकार्‍यांचे लक्ष वेधण्यासाठी बँक कर्मचार्‍यांनी घोषणाबाजी  रुन देशव्यापी लाक्षणिक संपाची हाक दिली आहे. या आंदोलनात ऑर्गनायझेशन सेक्रेटरी प्रकाश कोटा, उपाध्यक्ष बाळासाहेब गायकवाड, कार्यकारणी सदस्य वीरेंद्र भालसिंग, दत्ता म्याना, डिस्ट्रिक कॉर्डिनेशनचे अध्यक्ष कॉ. माणिक  अडाणे, जनरल सेक्रेटरी कॉ. कांतीलाल वर्मा, कॉम्रेड गुजराती, महाराष्ट्र ग्रामीण बँक जनरल सेक्रेटरी
सुजय नळे, हरिभाऊ गायकवाड, सचिन म्हसे, कॉ. उमाकांत कुलकर्णी, विनायक मेरगू, राहुल मोकाशी, योगेश सोन्नीस, विजय भोईटे, गणेश मेरगू, अमोल संत, भारतीय असुधानी, विजय साळवे, नाना उपाध्ये, कॉम्रेड नंदलाल जोशी, एन.डी.  तांबडे, वाल्मीक बोर्डे, सुभाष गर्जे, गोरख चौधरी, दत्ता खडके, सुनील शिंदे, सचिन राहींज, संदीप सुद्रिक, सोमनाथ मैड, प्रवीण उल्हारे, दिलीप कापसे, गणेश चितळे, सोमनाथ वावरे आदींसह संघटनेचे पदाधिकारी व महाराष्ट्र बँकेतील कर्मचारी सहभागी झाले होते. २० फेब्रुवारी रोजी ऑल इंडिया फेडरेशनचे सचिव कॉम्रेड धनंजय कुलकर्णी यांच्या नेतृत्वाखाली संघटनेचे प्रतिनिधी आणि व्यवस्थापन प्रतिनिधी दरम्यान औद्योगिक संबंध विषयक बैठक झाली. या बैठकीदरम्यान व्यवस्थापन प्रतिनिधींनी महत्त्वाच्या मुद्द्यांवर नकारात्मक व असंवेदनशील भूमिका कायम ठेवल्याने देशातील महाराष्ट्र बँकेच्या कर्मचार्‍यांनी आंदोलनाचा पवित्रा घेतला आहे.
टेम्पररी (हंगामी) पीटीएस ना कायम घेऊन पीटीएसची भरती करावी, सबस्टाफ आणि लिपिक संवर्गात पुरेशी नोकर भरती करावी, कराराप्रमाणे विशेष सहाय्यक पदे भरावी, द्विपक्षीय संबंध पद्धतीची पुनर्स्थापना व्हावी, संघटना कार्यालये संघटनांना पुन्हा उपलब्ध करून द्यावे, डी-ज्यूरे कराराचे काटेकोर पालन करण्याची मागणी बँक ऑफ महाराष्ट्र एम्प्लॉईज युनियनच्या वतीने करण्यात आलेली आहे.
संघटनेच्या प्रतिनिधींनी मांडलेली भूमिका तांत्रिकदृष्ट्या मान्य करण्यासारखी असली तरीही मागण्या मान्य न करण्यासाठी व्यवस्थापन प्रतिनिधींनी असमर्था व्यक्त केल्याचा यावेळी निषेध व्यक्त करण्यात आला. प्रत्येक तिमाहीच्या शेवटी विंडो ड्रेसिंग करून तसेच अनेक अनैतिक पद्धतीचा वापर करून आणि प्रोसिजरचे उल्लंघन करून ताळेबंद सजवला जात आहे. प्रगतीचे अभासी चित्र उभे केले जात आहे, तथापि हे चित्र टिकणारे नाही. कारण ते भ्रामक आहे, जे की बँकेच्या हिताला बाधा आणणारे आहे. कासा ठेवीमध्ये घट, किरकोळ एनपीएमध्ये वाढ आणि इतर काही बाबतीत काळजी करण्यासारखी परिस्थिती आकाराला येत असल्याचे धोके स्पष्ट करण्यात आले आहे. तरतुदीमध्ये बदल करून बँक अल्पावधीत चांगला नफा दाखवू शकते, परंतु हे तात्पुरते असेल. हे धोरण सध्या बँक प्रमुखांच्या कार्यकाळापुरते मेळ
घालणारे असेल. तरी या बँकेचे कर्मचारी म्हणून आपल्या संस्थेच्या दीर्घकालीन हिताचा संबंध आहे. ही सर्व वस्तुस्थिती प्रेक्षक म्हणून केवळ पाहू शकत नाही, म्हणूनच बँक ऑफ महाराष्ट्र कुठे घेऊन जाणार? हा प्रश्न उपस्थित करुन आंदोलन उभे करण्यात आलेले आहे. याविषयी संघटना म्हणून बँकेतील वरिष्ठ व्यवस्थापनाशी संवाद साधण्याचा प्रयत्न केला गेला. मात्र संस्थेतील महत्त्वाचे घटक असलेल्या कर्मचार्‍यांच्या प्रतिनिधींशी संवाद साधण्यासाठी वेळ नसल्यामुळे हे मुद्दे सार्वजनिक रित्या उपस्थित करण्यात आल्याचे म्हंटले आहे. या प्रमुख मुद्द्यांसाठी संघटनात्मक हस्तक्षेप करुन देशव्यापी
आंदोलन करण्याचा निर्णय घेण्यात आला आहे. बुधवारी सर्व झोनल ऑफिस समोर धरणे आंदोलन करण्यात आले आहे. १७ मार्च रोजी मुख्य कार्यालय (लोकमंगल) समोर धरणे आंदोलन केले जाणार आहे. तर २० मार्च रोजी देशव्यापी लाक्षणिक संप करण्याचा इशारा देण्यात आला आहे. बँक कर्मचार्‍यांच्या हिताच्या मागणीसाठी सर्व संघटनांनी एकजुटीने येऊन लढा देण्याचे आवाहन करण्यात आले आहे.

नगर – जिल्हा प्रशासनाला आंदोलनाची कोणतीही पूर्व सूचना न देता जिल्हाधिकारी कार्यालय येथे
आंदोलन करून घोषणाबाजी करणार्‍या निर्भया महाराष्ट्र पार्टीचे पदाधिकारी व आंदोलकांवर तोफखाना
पोलिसांनी गुन्हा दाखल केला आहे.
याबाबतची माहिती अशी की मोतीलाल ओसवाल होम फायनान्स लिमिटेड कंपनीचे कर्जदार
यांनी निर्भया महाराष्ट्र पार्टीचे पदाधिकारी यांच्या नेतृत्वाखाली ११ मार्च रोजी जिल्हाधिकारी कार्यालय
येथे धरणे आंदोलन केले. या धरणे आंदोलनाबाबत आंदोलकांनी जिल्हा प्रशासनाला जिल्हाधिकारी
कार्यालयाच्या आवारात धरणे आंदोलन करण्यासंबंधी कोणतीही पूर्व सूचना न देता मोतीलाल ओसवाल
होम फायनान्स लिमिटेड कंपनी यांच्या विरोधात घोषणाबाजी केली. व पोलिसांनी दिलेल्या सूचनाचे
पालन न करता आंदोलन केले.
याप्रकरणी तोफखाना पोलीस ठाण्यात पो. कॉ. गोकुळ वाघ यांनी दिलेल्या फिर्यादीवरुन निर्भया
महाराष्ट्र पार्टीचे पदाधिकारी जितेंद्र नरेश भावे (रा. नाशिक) व मोतीलाल ओसवाल होम फायनान्स
लिमिटेड कंपनीचे कर्जदार असीफ आयुब पठाण (रा. भेंडा, ता. नेवासा,) अरुण वैद्य व कैलास राजळे
(दोघे रा. शहर टाकळी, ता. शेवगाव) कचरू पठाडे व किशोर आरगडे (दोघे रा. नेवासा) राजेंद्र गवराज
हारदे (रा. टाकळीमिया, ता. राहुरी ) नवनाथ आढाव (रा. तपोवन रोड, अ.नगर), संगीता तिडके (रा.
नेवासा), शितल गोरे (रा. अकोला), रफिक गणी शेख (रा. तिसगाव) यांच्याविरुद्ध भारतीय न्याय
संहिता २२३ प्रमाणे गुन्हा दाखल केला आहे.

१९ वर्षांच्या प्रदीर्घ कालावधीनंतर अहिल्यानगरचे नाटक अंतिम फेरीत द्वितीय

नगर – ६३ व्या महाराष्ट्र राज्य हिंदी नाट्य स्पर्धेच्या अंतिम फेरीत होप फाऊंडेशन, अहिल्यानगर या संस्थेच्या ’अम्मो’ या नाटकासाठी द्वितीय पारितोषिक जाहीर झाल्याची घोषणा सांस्कृतिक कार्य संचालक बिभीषण चवरे यांनी
बुधवारी केली आहे. सांस्कृतिक कार्य संचालनालयातर्फे आयोजित या स्पर्धेत सादर झालेल्या, अरविंद
लिमये यांच्या ’महापात्रा’ या मराठी नाटकाचे हिंदी भाषांतर श्रीनिवास नार्वेकर यांनी केले असून या नाटकाचे दिग्दर्शन शैलेश देशमुख यांनी केले होते. या नाटकासाठी सांघिक द्वितीय क्रमांक तसेच शैलेश देशमुख यांना दिग्दर्शन द्वितीय, वैशाली
गोस्वामी यांना ’अम्मो’ या मध्यवर्ती भूमिकेसाठी उत्कृष्ट अभिनयाचे रौप्यपदक तसेच शर्वरी अवचट यांना ’दाई’ या पात्रासाठी अभिनयाचे गुणवत्ता प्रमाणपत्र जाहीर झाले आहे. या नाटकात वैशाली गोस्वामी, श्लोक देशमुख,
पल्लवी दिवटे, देवीप्रसाद सोहनी, महीर कुलकर्णी,
शर्वरी अवचट, अजय लाटे, पूजा जगदाळे, मनुजा
देशमुख, अविष्कार ठाकूर, पुरुषोत्तम उपाध्ये, सागर अलचेट्टी यांच्यासह मंगेश जोशी,
हर्षदा वाघमारे, किरण गायकवाड यांनी भूमिका साकारल्या. गणेश लिमकर यांनी
प्रकाश योजना, नाना मोरे यांनी नेपथ्य, सोहम सैंदाणे यांनी रंगभूषा व वेषभूषा, शैलेश
देशमुख यांनी संगीताची जबाबदारी सांभाळली असून मोनीश ढाळे, प्रसाद भणगे व
शीतल देशमुख यांनी निर्मिती सूत्र सांभाळले.
२६ जानेवारी ते ९ मार्च या कालावधीत पुणे येथील पंडित जवाहरलाल नेहरु
सांस्कृतिक भवन, नागपूर येथील वसंतराव नाईक स्मृती सभागृह आणि मुंबई येथील
साहित्य संघ मंदिर, गिरगाव, या तीन ठिकाणी संपन्न झालेल्या या स्पर्धेत एकूण ५८
नाट्य संघांनी सहभाग नोंदवत सादरीकरण केले. या स्पर्धेसाठी परिक्षक म्हणून मदन
मिमरोट, मिलिंद दांडेकर आणि श्रीमती मेधा गोखले यांनी काम पाहिले. सांस्कृतिक
कार्य विभागाचे अपर मुख्य सचिव विकास खारगे,
सांस्कृतिक कार्य मंत्री अ‍ॅड. आशिष शेलार यांनी
विजेत्या नाट्य संघाचे आणि इतर पारितोषिक प्राप्त
कलाकारांचे अभिनंदन केले असून भविष्यातही
या संघांनी व कलाकारांनी सर्वोत्तम कामगिरी
करावी, अशी अपेक्षा व्यक्त केली. निकाल जाहीर
होताच नाट्य संघासह अहिल्यानगर मधील अनेक
नाट्यकर्मींनी माऊली सभागृह येथे एकत्र येत
फटायांच्या अतिशबाजीसह जल्लोष करत आनंद
साजरा केला. विजेत्या संघांचे सतीश लोटके, क्षितिज झावरे, संजय दळवी, अनंत
जोशी, प्रसाद भणगे, नितीन जावळे, सदानंद भणगे, प्रसाद बेडेकर, अविनाश कराळे,
चंद्रकांत सैंदाणे, श्रेणिक शिंगवी, संदीप दंडवते आदींनी अभिनंदन केले.
हिंदी राज्य नाट्य स्पर्धेत याअगोदर सन १९९१ साली डॉ. सोमनाथ मुटकुळे यांचे
’दीक्षा’ हे नाटक प्रथम तर १९९२ साली डॉ. मुटकुळेंचेच ’कैफियत’ हे नाटक द्वितीय
आले होते. त्यानंतर १२ वर्षांनी म्हणजे २००४ साली सप्तरंग थिएटर्सचे ’तर्पण’ हे
नाटक तृतीय तर २००५ साली सप्तरंग थिएटर्सचेच ’मृत्युछाया’ हे नाटक प्रथम आले
होते. आणि त्यानंतर आज १९ वर्षांनी शैलेश देशमुख यांच्या ’अम्मो’ या नाटकाने
विजयाची पुनरावृत्ती केली.

नगर – सावेडीतील रेणावीकर शाळेसमोरील डॉ. मगर डेन्टल लिनिक अ‍ॅन्ड इम्प्लांट सेंटरमध्ये नुकत्याच सुरू करण्यात आलेल्या अत्याधुनिक एस्थेटिक विभागाच्या लोकार्पण शुभारंभास शहरातील विविध मान्यवरांनी भेट देऊन शुभेच्छा दिल्या. संचालक डॉ. स्वरुपकुमार मगर, डॉ. सौ. रुपाली मगर व डॉ. सृजन मगर यांनी आलेल्या सर्व पाहुण्यांचे स्वागत
केले. केतन बल्लाळ, मंगेश जाधव, राजेंद्र डौले, अशोक बँकेचे व्यवस्थापक प्रदीप थोरात आदींनी कार्यवाहकाची
जबाबदारी स्विकारून हा कार्यक्रम यशस्वी केला. अत्याधुनिक एस्थेटिक विभाग येथे सुरू करण्यात
आल्याने आता येथील रुग्णांना पुणे-मुंबई वगैरे मोठ्या शहरांमध्ये जाण्याची आवश्यकता नसल्याचे सांगितले.
अत्याधुनिक विभाग डॉ. सृजन मगर हे नव्या पिढीचे डॉटर सांभाळणार असून त्यांनी एफसीएफए (फेलोशिप
इन लिनिकल अ‍ॅण्ड फेशियल एस्थेटिक) ही पदवी चेन्नई येथील सविता डेन्टल कॉलेज येथून घेतली असून
नगर जिल्ह्यातील ते एकमेव कॉस्मेटिक डेन्टल सर्जन झाले आहेत, असे सांगितले.
नगरच्या बदलत्या गरजांनुसार डॉ. मगर डेन्टल लिनिक अ‍ॅण्ड इम्प्लांट सेंटर येथे सुविधा पुरविण्यात येणार असून एस्थेटिक या नवीन विभागामध्ये सिरॅमिक लॅमिनेटेड आणि व्हेनिअर, स्माईल-डिझाईन, स्माईल-करेशन, एस्थेटिक कॉम्पोझिट, ब्लिचिंग (टूथ व्हाईटनिंग) यांसारख्या सुविधा पुरविण्यात येणार आहेत. आपले व्यक्तिमत्व सुंदर दिसण्यासाठी या अत्याधुनिक विभागामध्ये आर्टिफिशल इंटेलिजन्स तंत्रज्ञानाद्वारे दाताची ठेवण, आपले हसणे, जबड्याचा आकार,
चेहर्‍याची ठेवण व्यवस्थित करण्यास मदत होणार आहे, अशी माहिती डॉ. सृजन मगर यांनी यावेळी दिली.
८ मार्च रोजी महिला दिनाच्या मुहूर्तावर सुरू करण्यात आलेल्या एस्थेटिक विभागाच्या सेवांचा लाभ घेण्यासाठी येणार्या महिलांना ३१ मार्चपर्यंत विशेष सवलत देण्यात येणार आहे. याचा लाभ घ्यावा, असे आवाहन डॉ. स्वरुपकुमार व डॉ. सौ. रुपाली मगर यांनी केले आहे.

नगर – काँग्रेसचे विज्ञान तंत्रज्ञान विभागाचे संजय मोरे पाटील यांनी नुकताच राष्ट्रवादी काँग्रेसचे राष्ट्रीय अध्यक्ष आणि उपमुख्यमंत्री अजित पवार, आ. संग्राम जगताप आणि नगरसेवक संपत बारस्कर यांच्या उपस्थितीमध्ये मुंबई येथे राष्ट्रवादी
काँग्रेसमध्ये प्रवेश केला.
२५ वर्ष काँग्रेस काँग्रेसमध्ये काम करताना जनतेच्या प्रश्नांसाठी अनेक वेळा आंदोलन केली, मोर्चे काढले. पक्षानेही विविध पदांवर काम करण्याची संधी दिली. त्याबद्दल मी पक्षाबद्दल आणि नेतृत्वाबद्दल कृतज्ञता व्यक्त करतो असे यावेळी संजय मोरे म्हणाले. परंतु कार्यकर्ते आणि जनतेच्या भावनांची कदर आणि काळाची गरज ओळखून मी राष्ट्रवादी काँग्रेसमध्ये प्रवेश करतआहे.
एमआयडीसी येथील उद्योजक अजय सोनवणी, सावन शिंदे, राजेश भरेकर, महेश सुरसे, ओमकार खिलारी, संजय झोडगे, सुनील महाजन, आदिनाथ डोंगरे यासह अनेक कार्यकर्त्यांनी प्रवेश केला.

नगर – आचार्य श्री आनंदऋषीजी महाराजांच्या शिकवणीनुसार जैन सोशल फेडरेशनचे कार्यकर्ते आनंदऋषीजी हॉस्पिटलच्या माध्यमातून दिवसय्रात्र रुग्णसेवेचे व्रत जोपासत आहेत. माजी मंत्री स्व. अनिल राठोड आणि आनंदऋषीजी हॉस्पिटल
हे एक अतुट नात होत. मी सुद्धा विद्यार्थी दशेत असल्यापासून या हॉस्पिटलच्या कार्याची महती ऐकत आलो आहे, आज प्रत्यक्ष शिबीराच्या उद्घाटननिमित्त हे रुग्णसेवेचे कार्य  जवळून पाहण्याचा योग आला आहे. आधुनिक मशिनरी व आत्मियतेने रुग्णांची काळजी हे हॉस्पिटल घेत असल्याने पुणे-मुंबईला जाण्याची संकल्पना कालबाह्य झाली आहे. सर्वसुविधा
एकाच छताखाली मिळत असल्याने येथे आलेला रुग्ण पुर्णपणे बरा होऊनच जात आहे. मोफत व अल्पदरातील
सेवामुळे रुग्णांवर उपचार होत असल्याने त्यांचा आर्थिक भार कमी होत आहे. त्याचप्रमाणे शासकिय योजना,
मेडिलेम सुविधामुळे रुग्णांची मोठी सोय होत आहे. तज्ञ डॉटर आणि आधुनिक मशिनरी आणि दानशूरांचे
सहकार्य यामुळे हे हॉस्पिटल ‘रुग्णांसाठी वरदान’ ठरत असल्याचे प्रतिपादन शिवसेना युवा सेनेचे सहसचिव
विक्रम राठोड यांनी केले. जैन सोशल फेडरेशनद्वारा संचलित आचार्य श्री
आनंदऋषीजी म.सा. यांच्या ३३ व्या स्मृतीदिनानिमित्त आनंदऋषीजी हॉस्पिटल येथे मेंदूविकार व मेंदू शस्त्रक्रिया  शिबीराचे आयोजन करण्यात आले होते. त्याचे उद्घाटन विक्रम राठोड व श्रीमती शशिकला अनिल राठोड यांच्या
हस्ते झाले. यावेळी सौ.तेजस्वीनी राठोड, डॉ.प्रकाश कांकरिया, डॉ. वसंत कटारिया, बाबूशेठ लोढा, माणकचंद लोढा, सुभाष मुनोत, अनिल मेहेर, डॉ.अशिष भंडारी, तज्ञ डॉ.गौतम काळे, डॉ.अद्वैत गिते, डॉ. विशाल भस्मे आदी उपस्थित होते. याप्रसंगी श्रीमती शशिकला राठोड म्हणाल्या, आपल्या साधू-संतांनी जनसेवेचा दिलेला संदेश रुग्णसेवा
हीच ईश्वर सेवा मानून आनंदऋषीजी हॉस्पिटलचे कार्य निरंतरपणे सुरु आहे. या आरोग्य सेवेत जैन सोशल
फेडरेशनचे कार्यकर्ते, डॉटर, स्टाफ देत असलेले योगदान हे कौतुकास्पद असेच आहे. स्वागत डॉ.आशिष
भंडारी यांनी केले. शिबीरात ८१ रुग्णांची तपासणी करण्यात आली.

नगर – शाळेतील ३५ मिनिटांच्या तासिकेमध्ये प्रत्येक विद्यार्थ्याला न्याय देणे केवळ अशय असते त्यामुळे ज्या विद्यार्थ्यांना खरोखरच व्यक्तिगत मार्गदर्शनाची गरज असते. त्या विद्यार्थ्यांसाठी पास अकॅडमीचा उत्कृष्ट पर्याय अहिल्यानगर मध्ये उपलब्ध आहे, असे प्रतिपादन विवेकानंद हायस्कूलच्या प्राचार्य गीता तांबे यांनी केले आहे. महिला दिनाचे औचित्य साधून पास अकॅडमीमध्ये काम करणार्‍या सर्व होम ट्युटर्सचा सत्कार करून त्यांना पुरस्कृत
करण्यासाठी अकॅडमीने कार्यक्रमाचे आयोजन केले होते. याप्रसंगी प्राचार्या गीता तांबे
प्रमुख पाहुणे म्हणून बोलत होत्या.
सध्या शैक्षणिक संस्था मध्ये झालेली गर्दी आणि नवीन शैक्षणिक धोरणामध्ये
सांगितलेल्या अभ्यासक्रमानुसार one to one शिक्षण ही काळाची गरज झाली आहे.
त्यामुळे या अकॅडमी चा पुढील प्रवास अतिशय चांगलाच होणार आहे, अशा शुभेच्छा
त्यांनी यावेळी दिल्या. मागील दोन वर्षापासून अहिल्यानगर मध्ये पहिल्यांदाच प्रा. डॉ.
सौ. आश्लेषा भंडारकर यांनी होम ट्यूटर अकॅडमी ची स्थापना केली आहे. शिक्षणाची
मूलभूत गरज पूर्ण करण्याकरता निर्माण झालेल्या शाळा आणि महाविद्यालय प्रत्येक
विद्यार्थ्यांच्या गरजेनुसार आवडीनुसार व क्षमतेनुसार शिक्षण देणे हे बर्‍याच वेळा अतिशय
आव्हानात्मक ठरते. एकाच वेळी अनेक विद्यार्थ्यांना अध्यापन करताना ते प्रत्येक
विद्यार्थ्याला समजेलच असे नाही ही वास्तविक परिस्थिती आहे. अशावेळी पालक
शिकवणी वर्गाकडे धाव घेतात, शिकवणी वर्गामध्ये देखील शाळेप्रमाणेच गर्दी झाल्याने
विद्यार्थी वैयक्तिक मार्गदर्शनापासून लांबच राहतो. अशा परिस्थितीत हतबल झालेल्या
पालकांना व शिक्षणासाठी उत्सुक विद्यार्थ्यांना आशेचा किरण म्हणून पास अकॅडमीची
स्थापना केली आहे, अशी माहिती अकॅडमीच्या संचालिका डॉटर आश्लेषा भांडारकर
यांनी याप्रसंगी दिली. ट्युटर्स विद्यार्थ्यांना त्यांच्या घरी जाऊन मुलांच्या आकलन शक्ती
प्रमाणे त्यांना मार्गदर्शन करतात. त्यामुळे
विद्यार्थ्यांमध्ये मोकळेपणाचे वातावरण
निर्माण होऊन त्यांच्या शैक्षणिक
विकासाचा आलेख उंचावला आहे.
मागील दोन वर्षात ही बाब निदर्शनास
आली आहे, असेही त्या म्हणाल्या.
तसेच वेळप्रसंगी संचालिका डॉ.आश्लेषा
मॅडम मुलांना व पालकांना समुपदेशनही
करतात. त्यामुळे पालकांनाही त्यातून
दिलासा मिळत आहे अशी माहिती
पालक म्हणून सौ. जुही काळे म्हणाल्या.
पास अकॅडमी चा हा व्याप सांभाळताना
संचालिका आश्लेषा मॅडम यांना त्यांचे पती अविनाश भांडारकर यांचे सहकार्य असते.
पास होम ट्यूशन अकॅडमीचा हळूहळू विस्तार होत आहे. पारंपारिक शिकवणी वर्गा
ऐवजी वयक्तिक होम ट्यूशन कडे पालक वळताना दिसून येत आहेत. अकॅडमीच्या या
यशाचे श्रेय होमट्युटरकडे जाते असेही सौ. भांडारकर म्हणाल्या.
होमट्युटर्सच्या कामाची पावती म्हणूनच महिला दिनाचे औचित्य साधून त्यांचा
कौतुक सोहळा अकॅडमीमध्ये आयोजित केला होता.
याप्रसंगी ट्यूटर प्रियंका येवले आपले मनोगत व्यक्त करताना म्हणाल्या, लहान
मुलांपासून ते मोठ्या विद्यार्थ्यांपर्यंत शिकवण्याचा अनुभव आम्हाला मिळाला शिक्षक
म्हणून आपले काय स्थान आहे याची जाणीव होऊन आम्ही पण खूप काही शिकलो,
त्याबद्दल अकॅडमीच्या संचालकांचे त्यांनी आभार मानले. शिक्षणाबरोबरच समुपदेशनामुळे
मुलांचे मनोबल वाढण्यास खूपच मदत झाली हा खूप मोठा फायदा या अकॅडमीमुळे
आम्हाला मिळाला, असे पालक म्हणून सौ.जाधव बोलत होत्या.
कार्यक्रमात होमट्युटर् महिमा शिंदे, स्नेहल देवचक्के, पुजा टिमकर, निलिमा
निचित, संजय निचित, व्ही.व्हि.वाघमारे, झोहा बहलोली, वैष्णवी पाल, साक्षी गहलोत
इ. चा प्रमाणपत्र व पुष्पगुच्छ देऊन सन्मानित करण्यात आले. सूत्रसंचालन कुमारी
महिमा शिंदे यांनी केले. साक्षी गहलोत यांनी आभार मानले.

नगर – प्रत्येकाने किमान एक तास मैदानी खेळ खेळावा. खेळामुळे सकारात्मक हार्मोन्स तयार होऊन तुम्ही आनंदी राहता. खेळाच्या माध्यमातून शिस्त लागते, एकाग्रता वाढते. अपयश पचविण्याची ताकद निर्माण होते असे प्रतिपादन बालरोग तज्ञ डॉटर श्याम तारडे यांनी केले. अहमदनगर एज्युकेशन सोसायटीच्या बाई इचरजबाई बाई फिरोदिया प्रशालेच्या वार्षिक
खेळ मेळावा संस्थेच्या रुपीबाई बोरा न्यू इंग्लिश स्कूलच्या मैदानावर पार पडला. शाळेतील इयत्ता पहिली ते चौथी मधील विद्यार्थ्यांनी विविध क्रीडा प्रकारात सहभागी होऊन आपले क्रीडा कौशल्य दाखवले. विद्यार्थ्यांचे ध्वजसंचलन, तसेच त्यांनी
सादर केलेली कवायत लक्षवेधी ठरली. डॉ. तारडे म्हणाले की, या पुढील काळात जागतिक पातळीवरती स्थूलता ही गंभीर समस्या निर्माण होण्याची शयता आहे. जागतिक आरोग्य संघटनेने केलेल्या अभ्यासानुसार सुमारे २.७ कोटी
स्थूल बालके राहण्याचा अंदाज व्यक्त केला जात आहे. स्थूलतेमुळे रक्तदाब, मधुमेह, सांधेदुखी, नैराश्य यासारखे अनेक दीर्घ आजार सुरू होतात असे सांगितले.
कार्यक्रमाचे प्रास्ताविक शाळेच्या मुख्याध्यापिका ज्योती सिसोदिया यांनी केले. पाहुण्यांचा परिचय वैभव वाघ यांनी करून दिला. कार्यक्रमाची माहिती विशाल तांदळे यांनी दिली. सूत्रसंचालन शकुंतला देसरडा व कांचन नेहुल
यांनी केले. सविता शेळके यांनी आभार मानले. पालक हे मुलांचे आदर्श आहेत. पालकांनीही खेळासाठी वेळ द्यावा. दोन वर्षापर्यंतच्या मुलांना मोबाईल नकोच. मुलांनी एक तासापेक्षा जास्त वेळ टीव्ही मोबाईल यासारख्या साधनांचा वापर करू
नये असेही डॉ. तारडे यांनी सांगितले.

आदिनाथ जोशी यांचे प्रतिपादन; श्री शुल यजुर्वेदीय माध्यंदिन ब्राह्मण संस्थेच्या सर्व शाखीय वधू-वर परिचय मेळाव्यास प्रतिसाद

नगर – मुला-मुलींचे विवाह योग्य वयात करणे ही सध्या फार मोठी सामाजिक समस्या निर्माण झाली आहे. मुला मुलींच्या आपल्या जोडीदारासाठीच्या अवास्तव अपेक्षा, नोकरी करणार्‍या मुलींच्या अपेक्षा, मुलांचे वाढते वय, या बरोबरच सामाजिक
परंपरा आणि समाजातील पोटजातींना दिले जाणारे अकारण महत्व. या सर्व परिस्थितीचा विचार करता ब्राह्मण समाजात
लग्न जमवणे हे अतिशय कठीण होत चालले आहे. त्यातच पूर्वी असलेली मध्यस्थ ही व्यवस्था लोप पावली आहे. या परिस्थितीचा विचार करून आणि सामाजिक बांधिलकी लक्षात घेऊन मध्यस्थाच्या भुमिकेतून संस्थेने या परिचय मेळाव्याचे आयोजन केले असल्याचे प्रतिपादन संस्थेचे अध्यक्ष आदिनाथ जोशी यांनी सांगितले. अहिल्यानगर येथील श्री शुल यजुर्वेदीय माध्यंदिन ब्राह्मण संस्थेच्या वतीने चालवल्या जाणार्‍या शुभयोग वधू-वर सूचक केंद्राच्यावतीने ९ मार्च रोजी सावेडी येथील
ज्येष्ठ नागरिक मंचाचे सभागृहामध्ये ब्राह्मण समाजाच्या सर्व शाखीय ब्राह्मण वधू-वर परिचय मेळावा आयोजित करण्यात आला होता.
संस्थेचे अध्यक्ष आदिनाथ जोशी, उपाध्यक्ष रत्नाकर कुलकर्णी, सचिव विलास बडवे, सहसचिव मोरेश्वर मुळे, विश्वस्त
नंदकुमार निसळ, दत्तात्रय (मयूर) जोशी, किरण वैकर, व्यवस्थापिका सौ. अबोली वैकर आदींच्या हस्ते विधीवत  मंत्रोच्चारात  श्रीगणेश पूजन करून परिचय मेळाव्यास सुरुवात झाली. या मेळाव्यास प्रथम वधू-वरांबरोबर घटस्फोटित,
तसेच दिव्यांग अशा ४८ मुलांनी आणि १७ मुलींनी सहभाग नोंदविला. उपस्थित वधूय्वरांनी स्वतः आपला परिचय
करून देत आपल्या कौटुंबिक आणि आर्थिक परिस्थितीची माहिती दिली तसेच आपल्या जीवनसाथी बद्दलच्या अपेक्षा
विषद केल्या. मेळाव्यास उपस्थित नसलेल्या मुला-मुलींची सविस्तर माहिती संस्थेचे वतीने श्री मोरेश्वर मुळे यांनी उपस्थितांना
दिली. सर्वांना या प्रसंगी अल्पोपाहार देण्यात आला. वधू-वरांच्या पालकांनी या मेळाव्यासंदर्भी समाधान व्यक्त केले. संस्थेने
अशाप्रकारचे संवादात्मक मेळावे सातत्याने घ्यावेत अशी मागणी बहुतेक पालकांनी संस्था विश्वस्तांकडे केली.
मेळाव्यानंतर अनेक पालकांनी एकमेकांच्या माहितीची देवाणघेवाण केली.

नगर – १०० वर्ष जुना वारसा असलेले काळूराम मंगळचंद कोठारी यांचा ’वर्ल्ड ऑफ आयुर्वेदा’ हा ब्रँड असून, आतापर्यंत लाखो लोकांचे आरोग्य सुधारण्यासाठी या ब्रँडने योगदान दिले आहे. आता वर्ल्ड ऑफ आयुर्वेद चे सर्व उत्पादने
ऑनलाईनही उपलब्ध आहेत. उन्हाळ्याच्या तीव्रतेला तोंड देत नागरिकांसाठी अहोरात्र कर्तव्य बजावणार्‍या आरटीओ पोलिस
अधिकार्‍यांसाठी ’वर्ल्ड ऑफ आयुर्वेद’ तर्फे सामाजिक उपक्रम राबवण्यात आला. या अंतर्गत पोलिसांना ’समर केअर किट’ वाटप करण्यात आले.
या किटमध्ये उन्हाळ्यातील थकवा आणि उष्णतेपासून आराम देणारी आयुर्वेदिक उत्पादने देण्यात आली आहेत. पोलिसांचे आरोग्य आणि तंदुरुस्ती कायम राहावी यासाठी हा उपक्रम हाती घेण्यात आला आहे. वर्ल्ड ऑफ
आयुर्वेद, काळूराम मंगळचंद कोठारी परिवार आणि मंगलभक्त सेवा मंडळ यांच्या संयुक्त विद्यमाने हा उपक्रम यशस्वीपणे पार पडला.
हा उपक्रम वैद्य. कुणाल कोठारी, ऋषभ कोठारी आणि रजत कोठारी यांच्या मार्गदर्शनाखाली पार पडला. कार्यक्रमादरम्यान पोलिस अधिकार्‍यांनी हा अनोखा उपक्रम कौतुकास्पद असल्याचे सांगितले. ’वर्ल्ड ऑफ आयुर्वेद’ ने अशाच प्रकारचे समाजोपयोगी कार्य पुढेही सुरू ठेवावे, अशी अपेक्षा व्यक्त करण्यात आली.

नगर – छत्रपती संभाजीनगर खंडपीठाच्या आदेशाने ठेकेदारांकडून कामगारांच्या माथाडी मंडळात प्राप्त झालेल्या रकमेचा तपशील कामगारांना उपलब्ध करून देणे, ठेकेदारांकडून शंभर टक्के थकीत रक्कम तहसील कार्यालयाच्या वतीने आरआरसी अंतर्गत वसूल करून कामगारांच्या खात्यावर जमा करणे, कामगारांचे मंडळाकडे जमा असलेले थकीत वेतन तात्काळ अदा करणे या मागण्यांसाठी शिवसेना ठाकरे पक्षाच्या वतीने शहरप्रमुख किरण काळे यांच्या नेतृत्वाखाली सहाय्यक कामगार आयुक्त यांच्या दालनामध्ये ठिय्या आंदोलन करण्यात आले.
यावेळी शिवसैनिक, कामगारांनी कामगार एकजुटीचा विजय असो, कामगारांना न्याय मिळालाच पाहिजे अशा घोषणा दिल्या. यावेळी सह जिल्हाप्रमुख राजेंद्र दळवी, कामगार नेते विलास उबाळे, डॉ. श्रीकांत चेमटे, रेवजी नांगरे, किरण बोरुडे, महावीर मुथा, उषाताई भगत, शैलाताई लांडे, शंकर आव्हाड, किशोर कोतकर, आकाश आल्हाट, विकास भिंगारदिवे, मनोज चव्हाण, विनोद दिवटे, रोहिदास भालेराव, पोपट लोंढे, जयराम आखाडे, बाबासाहेब वैरागर, दिपक काकडे, देवराम शिंदे, सचिन लोंढे, आतिश शिंदे, संजय गंगावणे, विनोद शिरसाठ, दत्तात्रय कळमकर, विजय कार्ले,
संजय माळवे, योगेश कार्ले, परसराम इजगज, ज्ञानदेव कदम, भगवान शेंडे, मंगेश एरंडे, बापू शिंदे, संतोष वाघमारे, गणपत वाघमारे, बाळासाहेब अनारसे, कौतिक शिंदे, क्रुष्णा शेंडे, सतिश शेंडे, अंबादास शेंडे, मारुती बनकर, मारुती शिंदे, अंबादास कोतकर, बाळु बनसोडे, महादेव ठोंबरे, सोमेश कापुरे, लखन पांढरे, मच्छिंद्र पांढरे, निलेश सोनवणे, संतोष पोळ, संतोष सुसलादे, सुमित पळसे, अंगद महारनवर, गोरख पुलावळे, विशाल केदारे, गणेश बनसोडे आदींसह कामगार सहभागी झाले होते.

यावेळी बोलताना किरण काळे म्हणाले की, कामगार त्यांच्या हक्काचं दाम मागत आहेत. मात्र प्रशासन जाणीवपूर्वक वेळ काढूपणा करीत आहे. कामगारांच्या हितासाठी वेळप्रसंगी शिवसेनाही संघर्ष करायला तयार आहे. प्रशासनाने दिशाभूल करणे थांबवावे. कामगारांचे प्रलंबित प्रश्न मार्गी लावावेत. अन्यथा भविष्यात शिवसेना स्टाईल धडा शिकवावा लागेल.
विलास उबाळे म्हणाले की, डिसेंबर महिन्यापासून आम्ही सातत्याने लेखी पाठपुरावा कामगार मंडळाकडे करत आहोत. तरी देखील मंडळ दखल घेत नव्हते. म्हणून या ठिय्या आंदोलन छेडावे लागले. प्रशासनाने आठ दिवसांमध्ये कारवाई करण्याचे आश्वासन दिले आहे. दिलेला शब्द त्यांनी पाळावा. अन्यथा कामगार आघाडी तीव्र आंदोलन छेडले. मागण्यांवर आठ दिवसांमध्ये कारवाई करण्याचे आश्वासन सहाय्यक कामगार आयुक्त यांनी दिल्यानंतर ठिय्या आंदोलन स्थगित करण्यात आले. प्यायला पाणी देता का ? आंदोलन सुरू असताना कामगार संतप्त झाले. उन्हा-तान्हात आम्ही ओझ
वाहतो. घशाला कोरड पडते. तहान लागली की पाणी पिण्यासाठी दोन किलोमीटर पायपीट करावी लागते. कामाच्या ठिकाणी साधी पिण्याच्या पाण्याची व्यवस्था होत नसेल तर माणुसकी संपली आहे काय ? आम्हाला पाणी प्यायला कधी देणार आहात? असे संतप्त प्रश्न कामगारांनी विचारत अधिकार्‍यांना घेरले. लवकरच समक्ष पाहणी करत पिण्याच्या पाण्याचा प्रश्न मार्गी लावण्याचे आश्वासन प्रशासनाने दिले.

अनुरीता झगडे यांचे प्रतिपादन; स्त्री भ्रूणहत्या, महिला अत्याचार थांबवा पथनाट्यातून अनिष्ट विचारांची होळी, सामाजिक संदेश

नगर – होळी सण ही आपली संस्कृती आहे. होळीचा सण साजरा करताना प्रत्येकाने समाजातील अनिष्ट रुढी परंपरा
व विचारांची होळी करावी. सकारात्मक विचार करावा. महिलांना योग्य तो सन्मान द्यावा. वाहतूकीच्या नियमांचे पालन करावे. रस्त्यावर कचरा टाकू नये, आपले शहर आपले गाव आपले शाळा व आपले घर स्वच्छ ठेवावे. नकारात्मक विचार सोडून सकारात्मक विचार समाजात रुजवावे, असे प्रतिपादन प्राचार्या प्रा.अनुरिता झगडे यांनी केले. मेहेर इंग्लिश स्कूल तर्फे होळी चा सण अनोख्या पद्धतीने साजरा करण्यात आला. दिल्लीगेट येथे स्कूलच्या विद्यार्थ्यांनी व शिक्षकांनी पथनाट्य
सादर केले. या पथनाट्याद्वारे अनिष्ट विचारांची होळी करण्यात आली. यातून सामाजिक संदेश देण्यात आले. महिलावरील
अत्याचार, बलात्कार थांबवा, हुंडा देणे घेणे बंद करा, स्त्री भ्रूणहत्या  थांबवा, स्त्री जन्माचे स्वागत करा, देश भ्रष्टाचारमुक्त करा, कचरा  रस्त्यावर टाकू नका, भुत, मंत्र, जादुटोणा या गोष्टी करु नका, महिलांकडे पाहण्याचा दृष्टिकोन बदला, नवस करणे बंद करा, शिक्षणाचा व्यवसाय बंद करा, अन्न वाया घालवणे, नकारात्मक विचार काढून सकारात्मक विचार ठेवा,
मोबाईल मुळे बालपणी हरवलेले खेळ, दुसर्‍याला हिणवणे, इतरांची तुलना आपल्या पाल्या सोबत करु नका, स्पर्धा करु नका अशा सर्व अनिष्ट विचारांची होळी पथनाट्यातून शिक्षिका व विद्यार्थ्यांनी केली. या कार्यक्रमासाठी हिंदसेवा मंडळाचे सर्व
पदाधिकारी व स्कूलचे चेअरमन जगदीश झालानी यांचे मार्गदर्शन लाभले.