नगर – कर्तव्यदक्ष म्हणून घेणारे आयुक्त यशवंत डांगे यांनी आपल्या दालनासाठी चक्क २० लाख रुपयांचा खर्च कामे करून एक प्रकारे नगरच्या जनतेची मोठ्या व प्रमाणामध्ये दिशाभूल केली आहे. अहिल्यानगर महापालिकेकडे महावितरण चे २०० कोटी रुपये बिल थकीत आहे, पैसे भरत नाही म्हणून वारंवार महावितरण वीज पुरवठा खंडित करतात. इतके कर्ज
महापालिकेकडे असताना स्वतः च्या दालनाला नुतनीकरणाला खर्च करणे कितपत योग्य आहे
असा सवाल नितीन भूतारे यांनी उपस्थित केला आहे. एकीकडे पाणीपट्टी, घरपट्टी भरली नाही तर सर्वसामान्यांचे
नळ कनेशन तोडायचे दुसरीकडे आपल्या ऐश आरामात बसण्याकरिता कार्यालयाला दालनाला करोडो रुपये खर्च करायचा अश्या बेफिकीर वागणार्‍या आयुक्तांची या प्रकरणाची तात्काळ चौकशी करावी कारवाई करण्यात यावी अशी मागणी विभागीय आयुक्त यांच्याकडे करणार असल्याचे नितीन भुतारे यांनी सांगितले.
महापालिकेच्या अवस्था अत्यंत बिकट झालेली आहे कर्मचार्‍यांना देण्यासाठी पगार नाहीत, तसेच पीएफ ग्रॅज्युटी साठी सुद्धा पैसे नाही तर पेन्शनसाठी आज कसेबसे सरकारी पैसे येतात त्यावर भाग भागव होते, आता तर अहिल्यानगर महापालिकेकडे पैसे नाही म्हणुन नगर शहरामध्ये थकीत घरपट्टी पाणीपट्टीच्या विरोधामध्ये आयुक्त यशवंत डांगे यांनी थेट कारवाई हाती घेतली आहे. आत्तापर्यंत हजारो थकबाकीदारांवर कारवाई करत वेळप्रसंगी थकीत मालमत्तांना सील ठोकणे किंवा नळ कनेशन बंद करणे असे प्रकार केलेले आहे सुरू आहेत. कारवाईमुळे सर्वसामान्य जनतेला आता या महागाईच्या
काळामध्ये पैसे कुठून आणि कसे आणायचे याची चिंता पडलेली आहे. त्यामुळे कोणत्याही परिस्थितीमध्ये आपल्यावर कारवाई नको म्हणून वेळप्रसंगी व्याजाने किंवा उधारीवर पैसे घेऊन आज सर्वसामान्य माणूस कर रूपाचे पैसे महानगरपालिकेमध्ये जमा करत आहे. एक एक रुपया महानगर पालिकेला महत्वाचा आहे.
महानगरपालिकेच्या आयुक्त डांगे यांनी आमच्याकडे पैसे नाही  लाईट बिल भरायचे कसे असा  प्रश्न महापालिकेच्या समोर आहे  असे सांगितले आहे जर आयुक्त अशा प्रकारची महापालिकेची बिकट अवस्था जनतेसमोर मांडत असताना दुसरीकडे मात्र त्यांनी त्यांच्या दालनासाठी जवळपास २० लाख व त्या पेक्षा जास्त रुपये खर्च करण्यास सुरुवात केली आहे. विशेष म्हणजे त्यांनी एक कोटी रुपयांचा खर्च आपल्या स्वतःच्या दालनासाठी केलेला
आहे. त्याबाबतच्या ठेका सुद्धा त्यांनी दिलेला आहे व सध्या हे काम प्रगतीपथावर चालू आहे.
एक प्रकारे शासकीय तिजोरीवर एक प्रकारे डल्ला मारण्याचा हा प्रकार नाही का? असा सवाल सुद्धा भुतारे
यांनी उपस्थित केला असून या सर्व प्रकरणाची चौकशी तात्काळ करावी, अशी मागणी सुद्धा त्यांनी केली आहे.
याकरता आपण मुख्यमंत्री, राज्यपाल तसेच विभागीय आयुक्त, जिल्हाधिकारी, यांना या प्रकरणाची चौकशी
करावी व दोषींवर तात्काळ कारवाई करावी अशी माग णी सुद्धा केली असल्याचे त्यांनी सांगितले आहे.

क्रीडा अधिकारी प्रियंका खिंडरे यांचे प्रतिपादन; शासकीय परिचर्या महाविद्यालयात विविध उपक्रमांनी महिला दिन साजरा, युवतींना स्वसंरक्षणासह कायदेविषयक, आरोग्य आणि विम्याचे मार्गदर्शन

नगर – आपत्कालीन परिस्थितीला तोंड देण्यासाठी महिलांना स्वसंरक्षणाचे धडे आवश्यक झाले आहे. यामुळे स्वतःचे रक्षण करुन समोरच्या व्यक्तीचा उद्देश हाणून पाडता येतो. स्वसंरक्षणाचे धडे घेतल्यास आत्मविश्वास वाढून शारीरिक आणि मानसिक क्षमता विकसित होतात. महिला-युवतींना कोणत्याही धोयापासून स्वतः चे संरक्षण करण्याची शक्ती आणि
क्षमता निर्माण करण्यासाठी स्वसंरक्षणाचे धडे घेणे, काळाची गरज बनली असल्याचे प्रतिपादन आंतरराष्ट्रीय खेळाडू व क्रीडा अधिकारी प्रियंका खिंडरे यांनी केले. जागतिक महिला दिनानिमित्त जिल्हा क्रीडा कार्यालय, नेहरु युवा केंद्र, अहिल्या  फाउंडेशन, उडान फाउंडेशन, जय युवा अकॅडमीच्या संयुक्त विद्यमाने आयोजित स्वसंरक्षण प्रशिक्षण, कायदेविषयक मार्गदर्शन, आयुर्वेदिक सॅनिटरी नॅपकिन, विमा संरक्षण मार्गदर्शनावर एक दिवसीय कार्यशाळेचे आयोजन करण्यात आले
होते. जिल्हा रुग्णालय संचलित शासकीय परिचर्या महाविद्यालयात झालेल्या कार्यक्रमाप्रसंगी क्रीडा अधिकारी खिंडरे बोलत होत्या. याप्रसंगी विशेष जिल्हा सरकारी वकील अ‍ॅड. सुरेश लगड, अ‍ॅड. विद्या शिंदे, आरोग्य मार्गदर्शक आशिष घायवात, प्रज्ञा चव्हाण, विमा सल्लागार कांचन लद्दे, आंतरराष्ट्रीय मेकअप आर्टीस्ट कावेरी कैदके, राज्य क्रीडा मार्गदर्शक प्रवीण कोंढावळे, वाबळे सर, रजनी ताठे, प्रशांत पालवे, प्राचार्य वैशाली कोरडे, सुवर्णा कैदके, आरती शिंदे, अश्विनी वाघ, अ‍ॅड.
महेश शिंदे आदीसह परिचर्या महाविद्यालयाच्या युवती उपस्थित होत्या.
आशिष घायवात यांनी सॅनिटरी नॅपकिन वापरताना कॉटन किंवा प्लास्टिक यातील फरक समजून घेतला
पाहिजे. सध्या कमी खर्चातील प्लास्टिकयुक्त सॅनिटरी नॅपकिन वापरामुळे कॅन्सरचा धोका वाढत आहे. तर इतर
अनेक आजार संभवतात. त्यामुळे महिलांनी पर्यावरण पूरक आयुर्वेदिक व कापूसचा समावेश असलेल्या
सॅनिटरी नॅपकिन वापरण्याचे त्यांनी आवाहन केले. सरकारी वकील अ‍ॅड. सुरेश लगड यांनी महिलांसाठी
असणारे कायदे, पोटगी, कौटुंबिक हिंसाचार, विनयभंग, अत्याचार, संपत्ती मधील हिस्सा आदी कायद्याबाबत सविस्तर
माहिती दिली. विमा सल्लागार कांचन मध्ये लद्दे यांनी कुटुंबाच्या स्वरक्षणासाठी आणि आरोग्यासाठी व जीवन मार्ग व्यवस्थीत
चालवण्यासाठी विमा संरक्षण प्रत्येकाने घेतले पाहिजे. कोणतीही घटना वेळ व काळ सांगून येत नाही, त्यासाठी विमा कवच असणे आवश्यक आहे. जीवन हे अमूल्य आहे, त्यासाठी प्रत्येक कुटुंबातील सदस्याला विमा कवच असणे गरजेचे असल्यचे स्पष्ट करुन त्यांनी विमा धोरण विषयी माहिती दिली. प्रशांत पालवे यांनी उपस्थित युवतींना स्वसंरक्षणाचे
धडे प्रात्यक्षिकासह दिले. कावेरी कैदके यांनी युवतींना सौंदर्याबाबत शास्त्रोक्त माहिती, त्वचेची व केसांची काळजी व
केमिकल विरहित योग्य सौंदर्य प्रसाधने याची माहिती देऊन, सौंदर्य क्षेत्रात करियर म्हणून उत्तम संधी असल्याचे स्पष्ट केले.
कार्यक्रमाचे सूत्रसंचालन महेश शिंदे यांनी केले. आरती शिंदे यांनी आभार मानले. कार्यक्रमासाठी जिल्हा क्रीडा अधिकारी
आमसिद्ध सोलनकर, भाऊराव वीर, क्रीडा मार्गदर्शक ज्ञानेश्वर खुरांगे, विशाल गर्जे, नेहरु युवा केंद्राचे जिल्हा समन्वय
अधिकारी संकल्प शुला, सिद्धार्थ चव्हाण, रमेश गाडगे, पोपट बनकर, दिनेश शिंदे, राजकुमार चिंतामणी, जयेश शिंदे,
घनश्याम सानप, जयश्री शिंदे आदींचे मार्गदर्शन लाभल

नगर – महाराष्ट्र राज्य साहित्य आणि संस्कृती मंडळाने ५१ पुस्तकांचे प्रकाशन मराठी भाषा गौरवदिनी २७ फेब्रुवारी रोजी गेटवे ऑफ इंडिया मुंबई येथे मुख्यमंत्री देवेंद्र फडणवीस, उपमुख्यमंत्री एकनाथ शिंदे, अजित पवार यांच्या प्रमुख उपस्थितीमध्ये केले. या ५१ ग्रंथांमध्ये नगर शहरातील इतिहास संशोधक प्रा.डॉ.नवनाथ काशिनाथ वाव्हळ यांच्या ’अहिल्यानगरचे मानबिंदू’ या ऐतिहासिक ग्रंथाचा समावेश आहे.
महाराष्ट्र राज्य साहित्य संस्कृती मंडळाच्यावतीने मराठी भाषा गौरव दिनानिमित्ताने राज्यातील निवडक लेखकांच्या साहित्यकृतीचे प्रकाशन करण्यात आले. प्रा.डॉ. नवनाथ वाव्हळ लिखित ‘अहिल्यानगरचे मानबिंदू’ या पुस्तकास मान मिळाला. प्रा.डॉ. वाव्हळ यांनी अहिल्यानगर परिसरातील ऐतिहासिक, सांस्कृतिक आणि धार्मिक मानबिंदूचा संशोधनात्मक, चिकित्सक अभ्यास करून ग्रंथरूपाने मांडणी केली आहे. अहिल्यानगर जिल्ह्यातून निवड झालेल्या ‘अहिल्यानगरचे मानबिंदू’ या ग्रंथाचा समावेश आहे. डॉ नवनाथ वाव्हळ हे न्यू आर्टस् कॉलेजमध्ये कार्यरत आहेत. ‘अहिल्यानगरचे मानबिंदू’ या ग्रंथामध्ये आहे आपल्या अहिल्यानगरच्या स्वाभिमानाचे व अभिमानाचे मानबिंदू अस्सल ऐतिहासिक दस्तऐवजाच्या मदतीने
प्रकाशमान केले आहेत. अहिल्यानगर परिसरातील ऐतिहासिक मानबिंदू म्हणजे अहिल्यानगरचा भुईकोट किल्ला, अहिल्यानगरचे गौरव चिन्ह चांदबिबी महाल, अहिल्यानगरचा ताज, फराहबक्ष महाल, अहिल्यानगर- मधील पूर्वीचे जलमहाल हस्त बीहस्त महाल, जगप्रसिद्ध ताजमहालासाठी अहिल्यानगरमधील या वास्तूची नक्षी वापरलेली आहे ती म्हणजे दमडी मज्जिद, अहिल्यानगरच्या (अहमदनगर) स्थापनेपूर्वीचे ग्रामदैवत विशाल गणपती, मुघल सम्राट औरंगजेब बादशहाची कान टोचणी करणारे स्थळ गुरुद्वारा, ब्रिटिश कालीन नावाजलेले चर्च यासारख्या दुर्मिळ धार्मिक वास्तूंचा इतिहास आणि महत्त्व अधोरेखित केले आहे. तसेच सांस्कृतिक विभागांतर्गत जगातील दोन नंबरचे आणि आशियातील एकमेव रणगाडा संग्रहालय, ग्रामीण भारतातील पहिले खाजगी मालकीचे ’तारांगण’, अहिल्यानगरकरांचे तंदुरुस्तीचे पार्क- वाडिया पार्क, आधुनिक निसर्ग सौंदर्यानं नटलेली अहिल्यानगरच्या माळरानाला पडलेले हिरवे स्वप्न साईबन. यासारख्या सांस्कृतिक स्थळांची सखोल माहिती व विश्लेषण दिले आहे… आपल्या मातीचा!., आपल्या गावाचा…, आपल्या गौरवाचा वारसा जाणण्यासाठी वाचलेच पाहिजे असा हा ग्रंथ आहे. एका हाडाच्या इतिहास शिक्षकाच्या ऐतिहासिक ज्ञानाचा अविष्कार अहिल्यानगरचे मानबिंदू या ग्रंथातून दिसून येतो.

नगर – हिंदवी स्वराज्याची शपथ घेऊन त्यासाठी जीवन समर्पण करणारे छत्रपती शिवाजी महाराज आपल्याला  राज्यासाठी काय करावे? हे सांगतात तर त्यांचा छावा छत्रपती संभाजी महाराज आपल्याला हिंदू धर्मासाठी मृत्यूलाही कसे कवटाळावे? हे स्वकृतीमधून दाखवून देतात, असे हभप योगेशबुवा कुलकर्णी यांनी नारदीय कीर्तनामधून सांगितले.
येथील बोरूडे मळ्यात नारदीय कीर्तन करताना ते बोलत होते. प्रवचनकार हभप मिलिंद चवंडके यांनी त्यांचा परिचय करून दिला. बोरूडे मळ्यात प्रथमच नारदीय कीर्तन होत असल्याने भाविकांनी मोठी गर्दी केली होती. योगेशबुवा कुलकर्णी यांनी निरूपणासाठी देव करील दया…हा तंजावर येथील भगवत् भक्त गोपाळपंत अरणीकर यांचा अभंग घेतला होता. सृष्टी निर्माण करणारे भगवंत अत्यंत दयाळू आहेत. त्यांच्या दयेमुळे आपल्याला मानवी शरिर फुकट मिळते.
निसर्ग देवतेच्या कृपेने आपण ऑसिजन मनमुराद फुकट वापरतो. डॉटरने व्हेंटिलेटरवर ठेवल्यावर आपल्याला
ऑसिजनची किंमत कळते. जीवनात ईश्वराची कृपाप्राप्ती, खरा आनंद, खरे पुण्य कशाने प्राप्त होते? याचे उत्तर या अभंगात मिळते. भगवंताने माझ्यावर दया करावी असे नेहेमी वाटते त्यासाठी मी काय करावं? याचा मार्ग हा अभंग दाखवतो.
असे अनेक दाखल्यांआधारे सोप्या शब्दात सांगताना योगेशबुवांनी केलेले गायन उपस्थितांची ब्रह्मनंदी टाळी
लावणारे ठरले. गर्भवती माता अन्न खाते त्या अन्नातील पोषणद्रव्य बाळाला कोण पुरवते? आईच्या शरिरात दुध कोण
उत्पन्न करते? आपण डोळ्यांनी बघतो. कानांनी ऐकतो पायांनी चालतो. तोंडाने मधुर बोलतो हे कोणामुळे?
आपल्याला मधुर बोलण्यासाठी तोंड कोणी दिलं? साखर झोपेचा आनंद घेत आपल्याला कोण उठवतो?
याचे चिंतन केल्यास देवाने केलेली दया आपल्या लक्षात येते.
आपल्या डोळ्यांवर, कानांवर, दातांवर, पोटावर, पायांवर अशा शरिरातील कोणत्याही अवयवांवर तज्ज्ञ
डॉटर वैद्यकीय उपचार करण्यासाठी फी आकारतात तेव्हा आपल्याला देवाने हे संपूर्ण शरिर फुकट दिले,
ही देवाने केलेली दयाच आहे हे पटते. भगवंत वस्तुत्वाने पहायचा नाही तर अस्तित्वाने जाणायचा असतो. जे मुख भगवंताचे
नाम घेत नसेल त्याला मुख का म्हणावे? जे कान भगवंताचे गुणगान ऐकत नसतील तर त्यांना कान का म्हणावे? आपल्या मनामधून आपपरभाव दूर झाल्यास भगवंत कोठे हे कळेल? जे भक्त ते सर्व भगवंताचे अंश आहेत. भगवंताच्या भेटीसाठी संत नामदेवांसारखा निर्मल भाव तयार होईल तेव्हा देव आपल्यावर दया करील. भगवंताला अगोदरच सर्व समर्पण
करावं तो आपल्यासाठी धावून येतोच. या डोळ्यांनी निज पाहिला देव जेवला गं देव जेवला…हे नामदेवांनी देवाला जेऊ घातल्याचे सांगणारे भक्तिगीत योगेशबुवा गाऊ लागले तेव्हा तल्लीनतेने कीर्तनाचा आनंद घेणारांनी संगीताचे  थीने चांगलाच
ठेका धरला होता. कीर्तनासाठी अच्युतराब घबाडे यांनी तबल्याची आणि कल्याण मुरकुटे यांनी हार्मोनियमची
सुरेल साथसंगत केली. विक्रम बोरूडे व सौरभ बोरूडे यांच्या हस्ते या कलाकारांचा सन्मान करण्यात आला.
कीर्तन सोहळ्यास दिनेश बोरूडे, सत्यम बोरूडे, गणेश दळवी, ओंकार बोरूडे, रमेश बोरूडे, अनिल शिंदे,
शरद बोरूडे यांच्यासह भाविक उपस्थित होते.

नगर – लायन्स लब ऑफ अहमदनगरच्या वतीने सावेडी, वाघ मळा येथील केशवराव गाडीलकर हायस्कूलमध्ये महिला दिनानिमित्त शाळेतील मुलींना चांगला स्पर्श व वाईट स्पर्श याबद्दल समुपदेशन करण्यात आले. अल्पवयीन मुलींवर सातत्याने होणार्‍या अत्याचारांच्या पार्श्वभूमीवर जागृती होण्याच्या उद्देशाने लायन्स लबच्या वतीने हा उपक्रम राबविण्यात आला.
डॉ. सिमरन वधवा यांनी मुलींना चांगला आणि वाईट स्पर्श यातील फरक तसेच आपल्यावर ओढवलेल्या प्रसंगामध्ये प्रसंगवधान राखून कुणाचीही मदत मिळेपर्यंत स्वतः काय करायचे?  याबद्दल माहिती दिली.
डॉ. अनघा पारगावकर यांनी आजच्या परिस्थितीत मुलींनी स्वतःला सुरक्षित कसे ठेवावे यावर मार्गदर्शन करुन आपल्याला आलेली प्रत्येक अडचण आपण घरात आई वडील किंवा शाळेत शिक्षकांना निसंकोच पणे सांगण्याचे त्यांनी
आवाहन केले. बदलत्या जीवनशैलीमुळे बळवणारे आजारांपैकी थायरॉईडच्या आजाराचे निदान करण्यासाठी सातवी ते नववीच्या मुलींची स्क्रिनिंग टेस्ट करण्यात आली. कार्यक्रमाचे सूत्रसंचालन अर्चना माणकेश्वर यांनी केले. आभार प्रिया मुनोत
यांनी मानले. कार्यक्रम यशस्वी करण्यासाठी मुख्याध्यापक अनिल गायकवाड, जयश्री देशपांडे, बाबासाहेब शिंदे आदींसह शिक्षक, शिक्षकेतरांनी परिश्रम घेतले.

नगर – महाराष्ट्र ज्ञान महामंडळ, पुणे संलग्नित सरस्वती एज्युकेशन सोसायटीचे गिगाबाईट कॉम्प्युटर, केडगाव यांच्या वतीने केडगाव व उपनगरांतील महिला बचत गट, एकल महिला, तसेच सर्व युवती, माता व भगिनी यांच्यासाठी सायबर सियुरिटी याविषयी मोफत कार्यशाळा घेण्यात आली. आर्टिफिशल इंटेलिजन्स युगात महिला  वर्गांना जनधनचे खाते किंवा बँकिंग व्यवहार करताना कोणती काळजी घ्यावी. सध्या आर्थिक व्यवहारांमध्ये होणारे सायबर फ्रॉड हा सर्वांसाठीच चिंतेचा विषय आहे. वेगवेगळ्या प्रकारचे फ्रॉड आणि त्यापासून स्वतःला कसं वाचवायचं. सेसटॉर्शन काय असते, ओटीपी फ्रॉड, चेहरा बदलून फोटो व व्हिडिओ तयार तयार करून महिलांना फसविले जाते. अशा वेगवेगळ्या विषयाची जाणीव व त्यातून
महिलांनी कसे जागरूक राहावे याविषयी मार्गदर्शन केले. ही कार्यशाळा फक्त महिला दिनानिमित्त न करता कायमस्वरूपी परिसरामधील बचत गटातील महिलांना मोफत शिकवले जाईल, अशी माहिती संस्थेचे संस्थापक संचालक बाबासाहेब वायकर यांनी सांगितल

नगर – नगर शहरातील इम्पिरिअल चौक येथे बॉम्बे चिकन समोर लावलेली ऑमलेट-पावची हातगाडी चोरी करणारे
२ आरोपी कोतवाली पोलीसांनी पकडले आहेत. त्यांच्याकडून चोरीला गेलेली हातगाडी हस्तगत करण्यात आली
आहे. सागर दिनकर बोठे (रा. ओझर ता. अकोले), निशांत बाळासाहेब पाखरे (रा.अंबरनाथ, कल्याण, दोघेही
हल्ली रा. केदार वस्ती, सोलापुर रोड, अहिल्यानगर) अशी आरोपींची नावे आहेत.
याबाबत आलीम जाफर शेख  (रा. बुरुडगांव रोड, अहिल्यानगर) यांनी ६ मार्च रोजी कोतवाली पोलिस ठाण्यात
फिर्याद दिली होती. फिर्यादी हे माळीवाडा बसस्थानक उज्वल कॉम्प्लेस समोर आम्लेट पाव गाडी चालवतो. ४ मार्च रोजी
अतिक्रमण पथक आल्याने त्यांनी सदर गाडी इम्पिरिअल चौक येथे बॉम्बे चिकन  समोर लावली होती. ती चोरीला गेली
होती. याबाबत गुन्हा दाखल झाल्यावर सदर गुन्ह्याचा तपास व आरोपीचा शोध घेत असतांना कोतवाली गुन्हे
शोध पथकाने सदर घटनेचे तांत्रिक विश्लेषण करुन सदरची आम्लेट पाव गाडी आरोपी सागर बोठे व निशांत
पाखरे यांनी चोरी केल्याचे उघड केले. या दोघांना पकडून त्यांच्याकडून आम्लेट-पाव हातगाडी हस्तगत केली.
सदरची कारवाई पोलीस निरीक्षक प्रताप दराडे यांचे मार्गदर्शनाखाली स.पो.नि. योगीता कोकाटे, पो.हे.काँ.
योगेश भिंगारदिवे, सलिम शेख, योगेश कवाष्टे, महिला पो.हे.कॉ.रोहिणी दंरदले, पो.काँ. अमोल गाढे, अतुल काजळे,
दक्षिण मोबाईल सेलचे पो.काँ. राहुल गुंडु यांनी केली आहे.

बाळासाहेब भुजबळ यांचे प्रतिपादन; अहिल्यानगरच्या रामभक्तांनी घेतले अयोध्या व काशी धामचे दर्शन

नगर – साडेपाचशे वर्षाच्या संघर्षानंतर प्रभू श्रीरामाचे मंदिर निर्माण झाले आहे. लाखो हिंदूंचे स्वप्न पूर्ण झाले आहे. प्रभू  राम हे सर्वांचे आदर्श आहेत. प्रभू श्री रामचंद्र एक पत्नी, एक वचनी, प्रजा हित दक्ष, धर्म रक्षक राजा होते. प्रत्येकाने प्रभू श्रीरामासारखे आदर्श जीवन जगावे. आयोध्या येथे भव्य दिव्य असे राम मंदिर पाहून सर्व भाविक मंत्रमुग्ध झाले आहेत.
प्रभू श्रीरामाच्या दर्शनासाठी राम भक्तांनी मोठ्या संख्येने यावे.श्रीराम जन्मभूमी हिंदूंची पवित्र यात्रा आहे. पंतप्रधान नरेंद्र मोदी आणि उत्तर प्रदेशचे मुख्यमंत्री योगी आदित्यनाथ यांनी आयोध्या व काशीधाम येथे मंदिर मार्ग प्रशस्त करून
भाविकांना मोठ्या प्रमाणात सुविधा निर्माण केले आहेत. तसेच सर्व यात्रेकरूंची यात्रा सफल व होण्यासाठी रस्ते व रेल्वे सुविधा निर्माण केले आहेत. त्यांचे मी अभिनंदन करतो.असे प्रतिपादन भारतीय जनता पार्टीचे ओबीसी चे शहर जिल्हाध्यक्ष बाळासाहेब भुजबळ यांनी केले आहे. अहिल्यानगर येथील ६१ यात्रेकरूंनी आयोध्या  धाम व काशी विश्वेश्वर धाम यात्रेचे उत्साहाच्या वातावरणात प्रभू श्रीरामाचे व काशी विश्वेश्वराचे दर्शन घेतले. रामभक्तांनी अयोध्या येथे प्रवेश करताच जय
श्रीरामचा नारा दिला. प्रभू श्रीरामाच्या बालरुपाचे दर्शन घेऊन भाविक मंत्रमुग्ध झाले. प्रभू श्रीरामाचे मंदिर पाहून
सर्वांच्या डोळ्याचे पारणे फिटले. न भूतो ने भविष्यतीअसा दर्शनाचा सोहळा रंगला होता. प्रभू श्रीरामाच्या दर्शना नंतर हनुमान गढ़ी, कनक महल, दशरथ महल, शिप्रा घाट येथे गंगा आरती, तसेच श्री काशी विश्वेश्वर मंदिर, श्री कालभैरव मंदिर, श्री ढुंडिविनायक गणपती मंदिर, श्री माता अन्नपूर्णा मंदिर, श्री संकटमोचन हनुमान मंदिर, श्री महामृत्युंजय
मंदिर, राजा हरिश्चंद्र घाट, छत्रपती शिवाजी महाराज घाट, अहिल्यादेवी होळकर घाट, राजा महाराणा प्रताप
घाट, मणिकर्णिका घाट असे सुंदर घाटाचे दर्शन घेतले. श्री काशी विश्वेश्वर येथील गंगाघाट येथील महाआरती ने
सर्व घाट उजळून गेला होता. अतिशय सुंदर व आकर्षक विद्युत रोषणाई करण्यात आली होती. शंख नाद,
घंटानाद, मोर पीस फीरवून पंचारती करण्यात आली. घाटावरील गंगा आरतीने सर्वांचे डोळे दिपले होते.
यावेळी बाळासाहेब भुजबळ, विश्व हिंदू परिषदेचे जिल्हा प्रसिद्धीप्रमुख अमोल भांबरकर, प्रकाश इवळे,
विनोद पुंड, चंद्रकांत पुंड, नारायण इवळे, अरुण गाडळकर, मनोज भुजबळ, रोहित पठारे, निनाद
गायकवाड, सूर्यकांत कांडेकर, रमेश शेरकर, पोपट शिंदे, इंजि. बाबासाहेब ससाने, माजी नगरसेविका
सुनंदाताई भुजबळ, ताराबाई शिंदे, विजया भांबरकर, शितल भुजबळ, सुरेखा वाघ, वैष्णवी कराळे, जयश्री
सातपुते आदी उपस्थित होते. यात्रेचे उत्कृष्ट नियोजन नाना सावंत आणि भक्ती ताई साळवी, विश्व हिंदू परिषद व बजरंगदलाचे कार्यकर्ते यांनी केले होते.

२ मार्च रोजी मोर्चा काढणार, महाबोधी टेम्पल अ‍ॅट १९४९ रद्द करून व बुद्धविहार बौद्ध धर्मगुरूंच्या स्वाधीन करा, पूजेचा अधिकार नाकारणे अन्यायकारक

नगर – बिहार मधील महाबौध्दि बुद्धविहार मुक्तीसाठी बौद्ध समाजाच्या शहरातील मार्केटयार्ड चौकातील डॉ.
बाबासाहेब आंबेडकर यांच्या पुतळ्यासमोर धरणे आंदोलनकरण्यात आले. या आंदोलनात भन्ते, बौध्द भिख्कू,
उपासक, उपासिका आणि समाजबांधवांसह युवक सहभागी झाले होते. आंदोलकांनी बुद्धविहार मुक्तीसाठी निदर्शनेकेली. मधील महाबौध्दि बुद्धविहार येथे द बौद्ध गया टेम्पल अ‍ॅट १९४९ लागू आहे. त्यामध्ये पाच गैर
बौद्ध सदस्य असून, बौध्द धर्मगुरुंना आपल्या बुद्धविहारात  विधीवत पूजेचा अधिकार मिळत नसल्याने हे एक प्रकारे बौद्ध धर्माचा अपमान आहे. संविधानानुसार सर्व समाजाला व धर्माला त्यांच्या धर्मा नुसार आपल्याधार्मिक स्थळात पूजा करण्याचा अधिकार आहे. मंदिरामध्ये ब्राह्मण पुजारी, मस्जिदमध्ये मौलवी,
चर्चमध्ये पादरी आणि गुरुद्वारामध्ये शिख धर्मगुरू आपल्या धर्माप्रमाणे पूजा करत असतात. मात्र परंतु या
बौद्ध विहार मध्ये बौद्ध धर्मगुरुंना विधीवत पूजेचा अधिकार दिला जात नसून, हा एक प्रकारे अन्याय असल्याचे बौद्ध1
समाजाच्या वतीने स्पष्ट करण्यात आले आहे. बौद्ध समाजाच्या दृष्टीने अत्यंत महत्त्वाचा असलेला हा धार्मिक स्थळ बौद्ध धर्मगुरूंच्या ताब्यात देण्याची गरज आहे. त्यामुळे तेथे दररोज बौद्ध धर्मगुरु विधीवत पूजा  करु शकतील. बौद्ध धर्माची ही राष्ट्रीय धरोवर असून, ती बळकावण्याचा प्रयत्न सुरू असल्याचा आरोप करण्यात आला आहे.
महाबौध्दि बुद्धविहार मुक्तीसाठी देशभर आंदोलन होत असून, केंद्र सरकारने याकडे तातडीने लक्ष द्यावे.
महाबोधी महाविहार टेम्पल अ‍ॅट १९४९ रद्द करून नवीन कायदा तयार करावा व महाबौध्दि बुद्धविहार
बौद्ध धर्मगुरूंच्या स्वाधीन करण्याची मागणी शहरातील बौध्द समाजाच्या वतीने करण्यात आली आहे. या
प्रश्नावर १२ मार्च रोजी मोर्चा काढण्याचा इशारा देण्यात आला आहे.

नगर – राज्यातील ट्रिपल सीटचे सरकार हे जुलमी सरकार असून ते औरंगजेबाच्या विचाराने चालत आहे. आता आपल्याला
छत्रपती शिवाजी महाराज यांच्या मावळ्यांसारखे लढायचे आहे, या माध्यमातून पुन्हा काँग्रेसचे गत वैभव निर्माण करून दिल्याशिवाय गप्प बसणार नाही, असे प्रतिपादन काँग्रेसचे प्रदेशाध्यक्ष हर्षवर्धन सपकाळ यांनी केले. काँग्रेस पक्षाचे प्रदेशाध्यक्ष हर्षवर्धन सपकाळ अहिल्यानगर शहरात आले असता त्यांचे शहर व जिल्ह्यातील पदाधिकार्‍यांनी स्वागत केले. त्यावेळी ते बोलत होते. यावेळी काँग्रेसचे जिल्हाध्यक्ष जयंत वाघ, दीप चव्हाण, सुनील क्षेत्रे,संपतराव म्हस्के, बाळासाहेब भंडारी, आबासाहेब कोकाटे आदीसह कार्यकर्ते उपस्थित होते. यावेळी काँग्रेसचे प्रदेशाध्यक्ष हर्षवर्धन सपकाळ यांनी पत्रकारांशी संवाद साधताना म्हणले की’ माणसाने माणसासारखे वागावे, मानवतावादी भूमिका काँग्रेस पक्षाने मांडली आणि इंग्रजां विरोधी लढा पुकारला. महान संविधान निर्माण झाले. दुसरीकडे’मुख्य तत्व बाजूला ठेवून सत्ता मिळवण्यासाठी भाजपने सामाजिक तेढ निर्माण केला. पैशाचा गैरवापर, पारदर्शकतेचा अभाव या माध्यमातून खुर्चीवर बसले, यातून गुन्हेगारी-फुटीरवादी निर्माण झाले. पूर्वी क्रांतीसाठी चळवळ निर्माण व्हायच्या मात्र आता कोयता गँग, आका गँग, मुरूम गँग, वाळू गँग तयार झाले आहेत. हे सर्व नष्ट करण्यासाठी सकारात्मक संदेश  घेऊन काँग्रेस जनतेमध्ये जात आहे, समाजामध्ये द्वेष, गुंडागर्दी पसरली असून संवाद नाहीसा झाला आहे. भयमुक्त समाज निर्माण करण्यासाठी सद्भावना
यात्रेचे आयोजन केले असून मस्साजोग ते बीड अशी सद्भावना यात्रा ८ ते ९ मार्चला संपन्न होणार असून बीड येथे सांगता होणार आहे.
ही सद्भावना यात्रा निवडणुकीसाठी नाहीतर काँग्रेसचे विचार जनतेपर्यंत घेऊन जाण्यासाठी आहे, येणारा काळ हा काँग्रेसचा  असणार आहे, सत्तेसाठी आम्ही हपापलेलो नाही, ट्रिपल इंजिनचे सरकार दररोज एकमेकांमध्ये भांडताना दिसत
आहे हे काय जनतेचे काम करणार असे ते म्हणाले.

नगर – येथील लेखिका डॉ. सुधा कांकरिया यांचे ‘स्त्री जन्माचे स्वागत करा’ या पुस्तकाच्या २५ व्या आवृत्तीचा प्रकाशन सोहळा जागतिक महिला दिनी अर्थात ८ मार्च रोजी होत आहे. मानकन्हैय्या ट्रस्ट, आयोजित कार्यक्रम सकाळी १० वाजता पुणे येथील महाराष्ट्र साहित्य परिषदेच्या माधवराव पटवर्धन सभागृहात होणार आहे. लोकशिक्षण आणि जनजागृतीच्या हेतूने प्रकाशित करण्यात येणार्‍या या पुस्तकाचे प्रकाशन भाजपा महिला आघाडीच्या राष्ट्रीय उपाध्यक्षा, खासदार प्रा. डॉ. मेधा कुलकर्णी यांच्या हस्ते होणार असून, महाराष्ट्र साहित्य परिषदेचे कार्याध्यक्ष प्रा. मिलिंद जोशी अध्यक्षस्थानी असणार आहेत. अखिल भारतीय मराठी साहित्य संमेलनाचे माजी अध्यक्ष, विचारवंत डॉ. श्रीपाल सबनीस, महाराष्ट्र साहित्य परिषदेच्या प्रमुख कार्यवाह सुनिताराजे पवार, यशोवाणीच्या प्राची गुर्जर, अखिल भारतीय महिला जैन कॉन्फरन्सच्या माजी अध्यक्षा
विमल बाफना यांची प्रमुख उपस्थिती असणार आहे. कार्यक्रम सर्वांसाठी खुला आहे, अशी माहिती ट्रस्टचे अध्यक्ष डॉ. प्रकाश कांकरिया यांनी सदर पुस्तकाला भारताच्या पहिल्या महिला राष्ट्रपती श्रीमती प्रतिभाताई पाटिल, महिला व  लविकास मंत्री महाराष्ट्र राज्य आदिती सुनिल तटकरे, महाराष्ट्र विधानपरिषदेचे सभापती प्रा. राम शिंदे, महाराष्ट्र शासनाचे माजी मुख्य सचिव डॉ. नितिन करीर तसेच कुंदनऋषीजी म.सा. यांचे संदेश लाभले असुन, पद्मभूषण अण्णा हजारे व विचारवंत, माजी अध्यक्ष अ.भा. मराठी साहित्य संमेलन डॉ. श्रीपाल सबनीस यांनी प्रस्तावना लिहिली आहे. स्त्री जन्माचे स्वागत करा हे पुस्तक हा चळवळीचा भाग असुन त्यातील अनेक नाटिका, कविता, इत्यादी आकाशवाणीद्वारे प्रसारित झाल्या असुन गावागावातुन त्याचे शेकडो प्रयोगही गेल्या २५ वर्षात झाले आहेत. सदर पुस्तकात सहा मराठी, तीन हिंदी नाटिका असुन काही पथनाट्ये, कायदा व त्याचे स्पष्टीकरण देणारे लेख, ११ कलमी कृती कार्यक्रमाची माहिती, आठवा फेरा स्त्री
जन्माच्या स्वागताचा तसेच नकोशीला करूया हवीशी बाबत लेख, अनेक कविता तसेच घोषवायांचाही समावेश आहे. २५ व्या आवृत्तीसाठी कविवर्य चंद्रकांत पालवे, महाराष्ट्र साहित्य परिषद पुणे चे विभागीय कार्यवाह, शासनाच्या भाषा सल्लागार समितीचे सदस्य जयंत येलूलकर यांचे सहकार्य लाभले आहे. प्रकाशन सोहळयास साहित्य रसिकांनी उपस्थित रहावे, असे आवाहन ट्रस्टच्यावतीने करण्यात आले आहे.

वाहतूक नियमांबाबत विशेष मार्गदर्शन : संचालिका पूजा देशमुख

नगर – आंतरराष्ट्रीय महिला दिनाच्या निमित्ताने येथील आय.एस.डी.टी. या संस्थेत ८ मार्च रोजी सकाळी १० वा. संवाद या कार्यक्रमाचे आयोजन करण्यात आले असून त्या अंतर्गत वाहतूक शाखेचे पोलीस निरीक्षक बाबासाहेब बोरसे हे विद्यार्थ्यांना  वाहतूक नियमांबाबत मार्गदर्शन करणार आहेत, अशी माहिती संस्थेच्या संचालिका पुजा देशमुख यांनी दिली.
याबाबत बोलताना संचालिका पुजा देशमुख म्हणाल्या, प्रामुख्याने शहरी भागात वाहतूक व्यवस्था हा अत्यंत महत्त्वाचा व गंभीर विषय बनला आहे. याबाबत पोलीस प्रशासकीय यंत्रणा आणि नागरिक या दोघांनीही समन्वयाने काम केल्यास वाहतूक व्यवस्था सुलभ होऊ शकते. त्या दृष्टीने आय. एस.डी.टी. या संस्थेतील विद्यार्थ्यांसाठी जागतिक महिला दिनाच्या निमित्ताने वाहतूक नियमांची व नागरीकांनी काय दक्षता घ्यावी,  याबाबतची माहिती देण्यासाठी आय.एस.डी.टी. सभागृहात संवाद कार्यक्रमाचे आयोजन करण्यात आले आहे. वाहतूक शाखेचे पोलीस निरीक्षक बाबासाहेब बोरसे हे यावेळी मार्गदर्शन करणार असुन विद्यार्थ्यांनी विचारलेल्या प्रश्नांचे शंका निरसन देखील करणार आहेत. कार्यक्रमाच्या अध्यक्षस्थानी संस्थेचे संस्थापक विनायक देशमुख हे राहणार आहेत.
याप्रसंगी एस.एन.डी.टी. महिला विद्यापीठात मागील वर्षी इंटेरियर डिझायनिंग या अभ्यासक्रमात विद्यापीठात सर्वप्रथम आलेल्या आकांक्षा गाडे या विद्यार्थिनीचा तसेच संस्थेत सुरू असलेल्या अल्पमुदतीच्या एम्ब्रॉयडरी व आरि वर्कचे प्रशिक्षण घेऊन उत्कृष्ट काम केलेल्या महिलांचा सत्कार करण्यात येणार आहे, अशी माहिती प्राचार्य आर्किटेट अरुण गावडे यांनी दिले.

उद्योजक सतीश बोथरा यांचे प्रतिपादन; प्लास्टिक सर्जरी शिबिरास प्रतिसाद

नगर – आचार्य आनंदऋषीजींच्या आशीर्वादाने व आदर्शऋषीजी महाराज यांच्या प्रेरणेने आनंदऋषीजी हॉस्पिटलमध्ये अतिशय मोठ्या पद्धतीने आरोग्य शिबिरे भरविले जातात. मानव सेवा हीच खरी ईश्वर सेवा आहे. हे समजून या आरोग्य
शिबिरांच्या माध्यमातून समाजातील गोरगरीब रुग्णांची सेवा घडत आहे. या शिबिराचे आयोजन करण्याची संधी बोथरा परिवाराला मिळाले आहे. हे मी माझे भाग्य समजतो. आनंदऋषीजी हॉस्पिटल मधील महाआरोग्य शिबिरे ही रुग्णांसाठी
मोठी पर्वणी ठरत आहे, असे प्रतिपादन उद्योजक सतीश बोथरा यांनी केले आहे.
राष्ट्रसंत आचार्य आनंदऋषीजी म.सा. यांच्या ३३ व्या पुण्यस्मृती दिनानिमित्त मोफत प्लास्टिक सर्जरी शिबिराचे आयोजन करण्यात आले होते. या उद्घाटन उद्योजक सतीश बोथरा, सौ.अपर्णा बोथरा, परेश बोथरा, सौ.कोमल बोथरा, प्रबल बोथरा व अर्णव बोथरा व बोथरा परिवाराच्या वतीने दिपप्रज्वलन करुन करण्यात आले. याप्रसंगी सुनील कोठारी, सौ.सुरेखा कोठारी, जैन सोशल फेडरेशनचे सदस्य डॉ.प्रकाश कांकरिया, संतोष बोथरा, मानकचंद कटारिया, सतीश
लोढा, अभय गुगळे, सुभाष मुनोत, प्रकाश छल्लाणी, डॉ.आशिष भंडारी, शिबिराचे तज्ञ डॉटर डॉ.माया
मरकड, डॉ.आदित्य दमानी आदी उपस्थित होते.
सौ.अपर्णा बोथरा म्हणाले, आनंदऋषीजी हॉस्पिटलमध्ये सेवाभावी पद्धतीने रुग्णांची सेवा केली जाते. येथील डॉटर्स, नर्सेस, तसेच सर्व स्टाफ अत्यंत तळमळीने, निस्वार्थपणे व काळजीने रुग्ण सेवा करीत आहेत. हॉस्पिटलचे रुग्णसेवेचे कार्य कौतुकास्पद आहे. या शिबिराच्या माध्यमातून बोथरा परिवाराला खारीचा वाटा उचलण्याची संधी उपलब्ध करून दिली आहे. प्रास्ताविकात संतोष बोथरा यांनी केले. स्वागत डॉ.आशिष भंडारी यांनी केले. प्रकाश छल्लाणी यांनी
आभार मानले. प्लास्टिक सर्जरी शिबिरात ७७ रुग्णांची तपासणी करण्यात आली

नगर – श्रीमंत बालाजी गणेश मंदिरम्च्या १४ वा वर्धापनदिन उत्सवानिमित्ताने पंचरंग युवक मंडळाने विविध सामाजिक आणि धार्मिक कार्यक्रम राबवुन साजरा करण्यात आला. मुख्य दिवशी ५ मार्च रोजी गणेश पुजन, होमहवन, अभिषेक, महाआरती
आणि महाप्रसाद असे धार्मिक कार्यक्रम झाले. यावेळी पंचरंग गल्ली भागातील ज्येष्ठ नागरीकांच्या हस्ते भाविकांना प्रसाद वाटप करण्यात आले. यावेळी भाविक महाप्रसादाचा व विविध कार्यक्रमांचा लाभ घेतला.
या वर्धापन दिनानिमित्त ४ ते ५ मार्च दरम्यान पंचरंग युवक मंडळाच्या वतीने विविध सामाजिक उपक्रम राबविण्यात आले. यामध्ये नुकताच प्रसिद्ध झालेला चित्रपट छावा मोठ्या एलईडी स्क्रिन वर दाखवण्यात आला. तसेच हनुमान चालिसा
पठण कार्यक्रम घेऊन हा वर्धापन दिन उत्साहात साजरा करण्यात आला.
यावेळी बोलताना धनंजय जाधव म्हणाले कि, मंडळाच्या माध्यमतून वर्षभर विविध कार्यक्रमाचे आयोजन करण्यात येतात. यामध्ये सामुदायिक तुलसी विवाह, १५ ऑगस्ट आणि २६ जानेवारी रोजी विद्यार्थ्यांना शैक्षणिक साहित्यांचे वाटप, नवरात्र उत्सवामध्ये महिलांसाठी सामुहिक दुर्गापाठ, गणोत्सवामध्ये तरुण आणि लहान मुलांच्या कलागुणाना वाव मिळण्यासाठी विविध स्पर्धाआयोजित करण्यात येतात. तसेच या उत्सवांच्या माध्यमातून गरजू नागरीकांसाठी विविध शिबीरांच्या माध्यमातून मदतीचा हात देण्याचा प्रयत्न करण्यात करतात. त्यांचे धार्मिक आणि सामाजिक कार्य कौतुकास्पद असल्याचे त्यांनी सांगिलते.
त्याप्रसंगी प्रमुख उपस्थिती तोफखाना पोलीस स्टेशनचे एपीआय मंगेश गोंटला, धनंजय जाधव, अजय चितळे, पद्मशाली पंच कमिटीचे अध्यक्ष श्रीनिवास बोज्जा, श्री मार्कंडेय देवस्थानचे अध्यक्ष गणेश विद्ये, प्रकाश भागानगरे, विष्णू कलागते, पो.राहुल गुंडू, पो.अभिजीत अरकल, दिनेश सुळ, सुरज जाधव, अक्षय डाके, सागर मुर्तुडकर, धिरज पोखरणा, लंकेश हरबा यांचा योगेश मिसाळ, बाळासाहेब आगळे, भाजपाचे सौ. श्वेताताई झोंड सत्कार मंदीराचे संस्थापक अध्यक्ष राजेंद्र
बोगा यांचा हस्ते करण्यात आला. वर्धापन दिन सोहळा यशस्वीतेसाठी अनिल बोगा, शंकर दंडी, चंद्रकांत दंडी, देविदास चिलका, शाम बोगा, सतिष चिलका, सागर गोंधळे, हर्षद आडेप, संजय बोगा, सागर दंडी, अमोल दंडी, महेश रोल्ला,
संतोष बोगा, गौरव चिलका, नरेश कोडम, प्रणव बोगा, शौनक बल्लाळ, आदित्य बोगा, संतोष आडेप, लखन कोटा, चंद्रकांत अल्ली, व्यंकटेश दंडी, यशवंत दंडी, जंयत बोगा, आनंद दंडी, पुरूषोत्तम बोगा, राकेश बोगा, चेतन दंडी, देवाक बोगा, अक्षय दंडी, ओम बोगा, रुद्राक बोगा, सिध्दू गोंधळे, निहाल बोगा, अर्थव कुंचन, गोरख बोगा, ओमकार बोगा, अथर्व येमुल, अभय रंगा, मुरली बिल्ला, निशांत गुरुड, साई बोगा, सोहम दंडी, अमन बोगा, अनुज बोगा, युवराज बोगा, सार्थक गोंधळे, भाजपा ओबीसी जिल्हा उपाध्यक्ष विनोद बोगा आदींसह परिसरातील महिलांनी परिश्रम घेतले. हा उत्सव यशस्वी साजरा करण्यासाठी सर्व मंडळाचे हितचिंतक व वर्गणीदार यांच्या सहकार्याने सर्व  शय झाले असे मंडळाचे सदस्य सागर गोंधळे यांनी सांगितले

नगर – अहिल्यानगर शहरात सर्वप्रथम अहमदनगर महाविद्यालयास ‘अ’ दर्जाचे सेंटर ऑफ एसलन्स म्हणून प्राप्त झाले. यशवंतराव चव्हाण सेंटर मुंबई येथे करिअर कट्टा अंतर्गत राज्यस्तरीय बक्षीस वितरण आणि सेंटर ऑफ एसलन्स प्रमाणपत्र व निधी वितरण कार्यक्रम घेण्यात आला. त्यामध्ये महाविद्यालयास सेंटर ऑफ एसलन्सचे प्रमाणपत्र व निधीचा धनादेश (चेक) महाविद्यालयाच्या वतीने करियर कट्ट्याचे अहिल्यानगर जिल्हा समन्वयक (शहर) प्रा.डॉ.भागवत परकाळ व अहमदनगर महाविद्यालयाचे ग्रंथपाल डॉ. प्रशांत फुगनर यांनी स्विकारला. या सेंटरच्या माध्यमातून ग्रामीण भागातील स्पर्धा परीक्षेची तयारी करणार्या विद्यार्थ्यांना त्यांना आवश्यक असणार्या सर्व सोयी सुविधा या सेंटर मार्फत उपलब्ध होणार आहेत. ग्रामीण भागातील विद्यार्थ्यांनी या सुविधांचा उपयोग करून घ्यावा. तसेच करिअर कट्ट्याच्या माध्यमातून औद्योगिक स्पर्धात्मक वातावरण निर्माण व्हावे, विद्यार्थ्यांमधून उद्योजक निर्माण व्हावे, या उद्देशाने स्टार्ट- अप कंपन्या सुरु करून स्वतःचा व्यवसाय स्वतः सुरु करण्यासाठी प्रोत्साहनात्मक निधी सेंटरला प्राप्त झाला आहे. प्राचार्य डॉ. आर. जे. बार्नबस यांनी महाराष्ट्र राज्य उच्च व तंत्र शिक्षण विभाग व महाराष्ट्र माहिती तंत्रज्ञान सहाय्यता केंद्राचे संस्थापक अध्यक्ष यशवंत शितोळे यांचे आभार मानले. या यशाबद्दल उपप्राचार्य प्रा.दिलीपकुमार भालसिंग, विनाअनुदान विभागाचे समन्वयक प्रा.डॉ. सय्यद रज्जाक, उपप्राचार्य डॉ. नोयाल पारगे, उपप्राचार्य डॉ. प्रीतमकुमार बेदरकर, महाविद्यालयाचे प्रबंधक
पीटर चक्रनारायण यांनी धन्यवाद दिले.

उपायुक्त विजयकुमार मुंडे यांचे प्रतिपादन; अहिल्यानगर महापालिका क्रीडा विभागाच्या वतीने अधिकारी-कर्मचारी क्रीडा स्पर्धेचे पारितोषिक वितरण

नगर – महापालिकेतील अधिकारी कर्मचारी यांना एकत्रित येण्यासाठी विविध क्रीडा स्पर्धेचे आयोजन केले जाते, त्या माध्यमातून विचारांची देवाण-घेवाण होत असते, व आपल्या बालपणीच्या आठवणीला उजाळा मिळत असतो. क्रीडा स्पर्धेच्या माध्यमातून  एकोप्याचे दर्शन घडले जाते, या धकाधकीच्या जीवनामध्ये अधिकारी कर्मचारी अक्षरशः आपल्या
आरोग्याकडे दुर्लक्ष करत असतात, व्यायामाच्या माध्यमातून आपले आरोग्य सदृढ व निरोगी राहण्यास मदत होत असते, व
आपल्या दैनंदिन कामकाज करत असताना उत्साह व आनंददायी दिवस जात असतो तरी प्रत्येकाने व्यायामाकडे वळावे असे प्रतिपादन उपायुक्त विजयकुमार मुंडे यांनी केले.

अहिल्यानगर महानगरपालिका क्रीडा विभागाच्या वतीने अधिकारी कर्मचारी क्रीडा स्पर्धेचे पारितोषिक वितरण करण्यात आले. यावेळी विजयकुमार मुंडे, उपयुक्त प्रियांका शिंदे, सहाय्यक आयुक्त सपना वसावा, उपायुक्त निखिल फराटे, आस्थापना विभाग प्रमुख मेहेर लहारे, लेखाधिकारी डॉटर सचिन धस, क्रीडा अधिकारी फिलिप्स ह्विन्सेंट, संगणक विभाग प्रमुख ए.डी.साळी, अनिल लोंढे आदीसह अधिकारी कर्मचारी उपस्थित होते.

महानगरपालिका क्रीडा  विभागाच्या वतीने अधिकारी कर्मचारी यांच्यासाठी विविध स्पर्धेचे आयोजन केले जाते. या स्पर्धेमध्ये मोठ्या संख्येने भाग घेत आपल्या आवडीच्या खेळामध्ये चांगले प्रदर्शन दाखविण्याचे काम कर्मचार्‍यांनी केले. कबड्डी स्पर्धेतील विजेता संघ प्रभाग समिती क्रमांक १ सावेडी उपविजेता संघ, शिक्षण विभाग मनपा, क्रिकेट स्पर्धेतील विजेता संघ मुख्य प्रशासकीय कार्यालय मनपा, उपविजेता संघ प्रभाग समिती क्रमांक १ सावेडी, याच बरोबर १०० मीटर, २०० मीटर, गोळा फेक, रिले, बॅडमिंटन, बुद्धिबळ, कॅरम स्पर्धेसह सांस्कृतिक कार्यक्रमाचे पारितोषिक वितरण झाले
असल्याची माहिती क्रीडा अधिकारी फिलिप्स ह्विन्सेंट यांनी दिली. सूत्रसंचालन अनिल लोखंडे यांनी केले. तर मेहर लहारे यांनी आभार मानले.

अरुंद रस्ते आणि वाहनांची वाढलेली संख्या पाहता योग्य नियोजन होणे आवश्यक, राष्ट्रवादी युवक काँग्रेस वाहतूक शाखेला निवेदन

नगर – शहरातील वाढती वाहतुक कोंडी व अपघात टाळण्यासाठी प्रमुख चौका-चौकातील बंद सिग्नल सुरू करून वाहतूक पोलिसांची नेमणूक करण्याची मागणी राष्ट्रवादी युवक काँग्रेसच्या वतीने शहर वाहतूक शाखेकडे करण्यात आली आहे.
आमदार संग्राम जगताप यांच्या मार्गदर्शनाखाली शहर जिल्हाध्यक्ष इंजि. केतन क्षीरसागर यांनी शहर वाहतूक
शाखेचे पोलीस निरीक्षक बाबासाहेब बोरसे यांना निवेदन देऊन शहरातील वाहतूक कोंडी सुरळीत होण्याबाबत
चर्चा केली. यावेळी दीपक वाघ, किरण घुले, ऋषिकेश जगताप, मंगेश शिंदे, राजू मकासरे, रोहित सरना, कृष्णा
शेळके, कुणाल ससाणे, गौरव हरबा, ओंकार मिसाळ, केतन ढवण आदी उपस्थित होते.
शहरात वाहतूक कोंडीची समस्या दिवसेंदिवस वाढत आहे. त्यामुळे शहरातील अपघाताची संख्या देखील
वाढत आहे. शहरातील विविध प्रमुख चौकातील सिग्नल हे बर्‍याचदा बंद असतात, त्यामुळे नागरिकांना विशेषत:
वृद्ध नागरिक, शालेय विद्यार्थी व महिलांना वाहतुकीच्या समस्यांना तोंड द्यावे लागते. प्रमुख चौकात बंद सिग्नल
कार्यान्वीत करुन व वाहतूक पोलिसांची नेमणूक केल्यास वाहतुक कोंडीचा प्रश्न सुटणार असल्याचे निवेदनात म्हटले आहे.
शहर वाहतूक शाखेने बंद सिग्नल यंत्रणा तातडीने सुरु करावी आणि प्रमुख चौकात वाहतूक पोलिसांची नेमणूक करावी, टेनिकल टीमची नेमणुक करुन शहरातील वाहतूक सुरळीत करण्यासाठी नवीन सिग्नल यंत्रणा उभारण्यासाठी पुढाकार घेण्याची मागणी राष्ट्रवादी युवक काँग्रेसच्या वतीने करण्यात आली आहे. शहरातील अरुंद रस्ते आणि वाहनांची वाढलेली संख्या पाहता वाहतूकीचे योग्य नियोजन होणे आवश्यक आहे. अनेक चौकातील सिग्नल बंद अवस्थेत असल्याने
वाहतुक कोंडीचा प्रश्न निर्माण होत आहे. वाहतूकीचे योग्य नियोजन होण्यासाठी शहर वाहतूक शाखेने तातडीने बंद सिग्नल सुरु करुन, नेहमी वाहतूक कोंडी होणार्‍या चौकात वाहतूक पोलिसांची नेमणुक करणे गरजेचे आहे, असे इंजि. केतन क्षीरसागर म्हणाले.

एमआयडीसी पोलिसांची कारवाई

नगर – निंबळक (ता. नगर) शिवारात दहशत करणार्‍या टोळीला एमआयडीसी पोलिसांनी मोठ्या शिताफीने जेरबंद केले  आहे. या टोळीतील १२ जणांनी हातात तलवारी, लोखंडी रॉड, लाकडी दांडके घेऊन कोतकर कुटुंबावर खूनी हल्ला केला
होता. याप्रकरणी एमआयडीसी पोलीस ठाण्यात गुन्हा दाखल आहे.
संतोष रघुनाथ धोत्रे (वय २७), मट्टस उर्फ अजय सोमनाथ गुळवे (वय २६), अमोल गोरख आव्हाड (वय २३), विशाल भाऊसाहेब पाटोळे (वय २३), सुधीर प्रदीप दळवी (वय २४), आबा उर्फ राहुल नाथा गोरे (वय ३५), तुषार लहानू
पानसरे (वय १९), अक्षय बाबासाहेब ठुबे (वय २१), यश सुनील सरोदे उर्फ प्रेम (वय १८), सुरज अरविंद भिंगारदिवे उर्फ खंडू (वय २१),  करण गौतम अवताडे (वय २१), शरद जगन  पाटोळे (वय १९) अशी अटक केलेल्या संशयित
आरोपींची नावे आहेत.
सहायक पोलीस निरीक्षक माणिक चौधरी यांच्या मार्गदर्शनाखाली उपनिरीक्षक विनोद परदेशी, उपनिरीक्षक मनोज मोंढे, उपनिरीक्षक विकास जाधव, उपनिरीक्षक देविदास भालेराव, अंमलदार नितीन उगलमुगले, साबीर शेख, राजु सुद्रीक, नंदकिशोर सांगळे, चौधरी, टेमकर यांच्यासह पथकाने ही कामगिरी केली आहे.

नगर – मानसिक व शारीरिक जीवन निरोगी बनविण्यासाठी प्रभावी ठरत असलेल्या होमिओपॅथीचे अद्यावत शिक्षण घेण्यासाठी ब्राझील येथील महिला डॉ. मिलीग्रीड बोरगस या शहरातील होलिस्टिक लासिकल होमिओपॅथी लिनिक अ‍ॅण्ड
रिसर्च सेंटर मध्ये आल्या आहेत. त्या रिसर्च सेंटरचे डॉ. प्रमोद लंके यांच्या मार्गदर्शनाखाली प्रत्यक्ष रुग्ण पाहून उपचार पद्धतीचा अभ्यास करत आहे. डॉ. मिलीग्रीड बोरगस यांना होमिओपॅथी शास्त्राची आवड असल्याने ब्राझीलची राजधानी
असलेल्या ब्रासलिआ शहरात मागील १० वर्षापासून होमिओपॅथीची प्रॅटिस करत आहे. अ‍ॅलोपॅथी उपचाराच्या दुष्परिणामाने नागरिक होमिओपॅथीकडे प्रभावीत होत असताना, होमिओपॅथीचे अद्यावत ज्ञान प्राप्त करण्यासाठी त्या भारतात नुकत्याच आल्या आहेत. तर ग्रीस येथील इंटरनॅशनल अ‍ॅकडमी ऑफ लासिकल होमिओपॅथी स्कूल संलग्न असलेल्या शहरातील
होलिस्टिक लासिकल होमिओपॅथी लिनिक अ‍ॅण्ड रिसर्च सेंटर मध्ये विविध आजारांवर प्रत्यक्ष रुग्णांच्या उपाचर पध्दतीचा अभ्यास करत आहे. डॉ. प्रमोद लंके यांनी आजारांना कायमचे मुळापासून नष्ट करण्यासाठी होमिओपॅथी या प्रभावी
शास्त्राचा उपयोग लोककल्याणासाठी होत आहे. जगभरातील डॉटर होमिओपॅथीकडे आकर्षिले जात असून, अनेक दिग्गज डॉटर होमिओपॅथीद्वारे रुग्णांचे उपचार देखील करत आहे. दुर्धर आजारांच्या रुग्णांना याचा फायदा होत असल्याने परदेशातही मोठ्या संख्येने नागरिक होमिओपॅथीकडे वळत असल्याचे त्यांनी सांगितले.
ब्राझील मधून होमिओपॅथीच्या शिक्षणासाठी  नगर शहरात आलेल्या डॉ. मिलीग्रीड बोरगस यांनी भारतात मोठ्या लोकसंख्येच्या प्रमाणामुळे विविध आजारांचे प्रत्यक्ष अनुभव शिकण्यास मिळत आहे. अनेक गंभीर व जुनाट आजार होमिओपॅथीने बरे होत असल्याने व त्याचे दुष्परिणाम नसल्याने नागरिकांमध्ये जागृती होत आहे. भारतात घेतलेल्या ज्ञानाचा उपयोग ब्राझील मधील रुग्णांसाठी नक्कीच चांगल्या प्रकारे होणार असल्याची भावना त्यांनी व्यक्त केली.

नगर – राष्ट्रीय सुरक्षा दिनाचे औचित्य साधून रोटरी लब ऑफ अहमदनगर प्रियदर्शिनीच्या वतीने मेहर इंग्लिश स्कूल,
आनंदी बाजार, अहिल्यानगर येथे स्वसंरक्षण जागरूकता व्याख्यानाचे आयोजन करण्यात आले. या उपक्रमाला विद्यार्थ्यांचा प्रतिसाद लाभला.
यावेळी ज्युदो, कुस्ती, लाठी काठी या खेळात श्री शिवछत्रपती पुरस्कार विजेत्या व भारतातील पहिल्या आंतरराष्ट्रीय महिला कुस्तीपटू सौ. अंजली देवकरय्वल्लाकट्टी यांनी विद्यार्थ्यांना स्वसंरक्षणाचे महत्त्व, आपत्कालीन परिस्थितीत कसे सामोरे  जायचे, आत्मरक्षणासाठी  आवश्यक तंत्रे व मूलभूत उपाययोजना याबाबत सखोल मार्गदर्शन केले. विद्यार्थ्यांनी या सत्राचा लाभ घेत प्रात्यक्षिकांसह विविध स्वसंरक्षण तंत्रे शिकली, ज्यामुळे त्यांचा आत्मविश्वास वाढला. या कार्यक्रमाला रोटरी लब ऑफ अहमदनगर प्रियदर्शिनीच्या अध्यक्षा रोटरीयन मीनल बोरा, सचिव रोटरीयन स्वाती गुंदेचा, शाळेच्या मुख्याध्यापिका अनुरिता झगडे, विभावरी तांबडे, गीता गिल्डा, डॉ. अश्लेषा भांडारकर तसेच लबच्या सदस्यांनी उपस्थित राहून विद्यार्थ्यांना प्रोत्साहन दिले. या उपक्रमाविषयी बोलताना मिनल बोरा यांनी सांगितले की, आजच्या काळात स्वसंरक्षणाचे शिक्षण ही काळाची गरज आहे. आपल्या विद्यार्थ्यांमध्ये आत्मरक्षणाची जागरूकता निर्माण करून त्यांना सक्षम बनवण्याचा आमचा उद्देश आहे. लब सामाजिक बांधिलकी जोपासत अशा उपक्रमांच्या माध्यमातून महिलांचे व विद्यार्थ्यांचे
सशक्तीकरण करण्यासाठी कायम कटिबद्ध आहे. रोटरीने सामाजिक सुरक्षेसाठी महत्त्वपूर्ण उपक्रम राबवण्याची परंपरा कायम ठेवत, महिलांमध्ये व विद्यार्थ्यांमध्ये स्वसंरक्षणाच्या महत्त्वाची जाणीव निर्माण करण्यासाठी हा उपक्रम यशस्वीपणे पार
पाडला