परवीन शाह यांचे प्रतिपादन; अहमदनगर उर्दू हायस्कूल आणि मिसगर ज्युनियर कॉलेजमध्ये महिला दिन साजरा

नगर – सोशल मीडियाच्या मोहजालात महिला व मुली अडकत असल्याने त्यापासून गंभीर धोके निर्माण झाले आहेत.
अनोळखी व्यक्तीच्या संपर्कात आल्याने त्यांच्या सुरक्षिततेचा प्रश्न निर्माण होतो. महिलांवर अन्याय, अत्याचाराचे घडलेले अनेक गुन्हे हे सोशल मीडियाच्या ओळखीतून झाले असल्याचे पुढे आले आहे. यासाठी मुलींनी सोशल  मीडियापासून लांब राहण्याचे व सावधानता बाळगण्याचे परवीन बशीर शाह यांनी सांगितले.  शहरातील अहमदनगर उर्दू हायस्कूल
आणि मिसगर ज्युनियर कॉलेजमध्ये आंतरराष्ट्रीय महिला दिन साजरा करण्यात आला. सोशल मीडियापासून महिला आणि
मुलींना निर्माण झालेल्या धोयाबद्दल सांगून, समाजात सुरक्षित राहण्यासाठी काळजी घेण्यासंदर्भात मार्गदर्शन करण्यात आले. तर महिला शिक्षकांचा सन्मान करण्यात आला. महिला दिनाच्या कार्यक्रमासाठी प्रमुख  पाहुण्या म्हणून महिला पोलिस परवीन बशीर शाह, शबनम आलेमा, जेबा शेख, शाळेच्या मुख्याध्यापिका रुमाना खान, ऐम इंग्रजी शाळेच्या मुख्याध्यापिका नाजनीन शेख, उर्दू हायस्कूलचे प्र. मुख्याध्यापक मुनव्वर खान उपस्थित होते. शबनम आलेमा यांनी प्रत्येक समाजात
थोर महिला होऊन गेल्या असून, त्यांचा आदर्श समोर ठेऊन वाटचाल करण्याची गरज आहे. हजरत आयशा (रझि), बीबी
फातेमा (रझि) आणि बीबी मरियम (अलै.) यांनी महिलांना धर्माचे योग्य आचरण सांगून, आदर्श जीवन पध्दती सांगितली आहे. त्यांचा आदर्श समोर ठेऊन वाटचाल करण्याचे त्यांनी आवाहन केले.
जेबा शेख यांनी मुलींना शिक्षणाच्या माध्यमातून भवितव्य घडविताना करिअरच्या विविध वाटांची माहिती दिली.  महिला दिन  महिला सशक्तिकरण, शिक्षण, प्रशिक्षण, रोजगार, वेतन, मानधन, राजकारण, विज्ञान आणि इतर क्षेत्रांमध्ये समानतेसाठी आवाज उठवण्याचा दिवस असल्याचे स्पष्ट केले. या कार्यक्रमात नागोरी मुस्लिम मिसगर जमात ट्रस्ट संचलित शाळांमधील शिक्षकांचा सन्मान करण्यात आला. संस्थेचे विश्वस्त रेहान काझी, इनाम खान, वाजिद खान, इफ्तेखार खान यांनी सर्व उपस्थित महिलांना महिला दिनाच्या शुभेच्छा दिल्या. कार्यक्रम यशस्वी करण्यासाठी सर्व शिक्षकांनी परिश्रम
घेतले. सूत्रसंचालन नौशीन खान यांनी केले. आभार फिरदोस खान यांनी मानले.

जिल्हाधिकारी डॉ. पंकज आशिया यांच्याकडे विनायक देशमुख यांची मागणी

नगर – अहिल्यानगर महापालिका क्षेत्रातील एकल महिलांचे सर्वेक्षण करण्यात यावे, अशी मागणी कौशल्य विकास समितीचे सदस्य व भाजपचे विनायक देशमुख यांनी नूतन जिल्हाधिकारी डॉ. पंकज आशिया यांच्याकडे केली. डॉ. पंकज आशिया यांनी अहिल्यानगर जिल्हाधिकारी पदाची सूत्रे हाती घेतल्यानंतर श्री. देशमुख यांनी त्यांची भेट घेऊन त्यांना
शुभेच्छा दिल्या. यावेळी श्री. देशमुख यांनी डॉ. आशिया यांच्याशी प्रामुख्याने जिल्ह्यातील एकल महिलांच्या आर्थिक सक्षमीकरणासाठी प्रस्तावित करण्यात आलेल्या कौशल्य विकास कार्यक्रमाबाबत चर्चा केली.
यावेळी श्री. देशमुख म्हणाले जिल्हा परिषदेचे मुख्य कार्यकारी अधिकारी आशिष येरेकर यांच्या पुढाकाराने जिल्हा
ग्रामीण विकास यंत्रणेच्या माध्यमातून जिल्ह्याच्या ग्रामीण भागातील एकल (विधवा, घटस्फोटीत, परित्यक्त्या)
महिलांचे सर्वेक्षण झाले असून ही संख्या ९६००० पेक्षा जास्त आहे. अद्याप अहिल्यानगर महापालिका क्षेत्रातील एकल महिलांचे सर्वेक्षण बाकी असून हे तातडीने होणे गरजेचे आहे. अशी अपेक्षा श्री. देशमुख यांनी डॉ. आशिया यांचे कडे व्यक्त केली. यासंदर्भात लवकरात लवकर सर्व संबंधितांची बैठक बोलावण्यात येईल, असे जिल्हाधिकारी डॉ. पंकज आशिया यांनी सांगितले. यावेळी आशिष येरेकर व महापालिकेचे आयुक्त यशवंत डांगे हे उपस्थित होते.

परेश बोगावत यांचे प्रतिपादन; मोफत बालरोग तपासणी शिबिराला प्रतिसाद

नगर – सर्वसामान्यांना आधार ठरलेल्या आनंदऋषीजी हॉस्पिटीलचा देशातभरात  नावलौकिक आहे. हॉस्पिटल मध्ये गरजू रुग्णांना माफक दरात वैद्यकिय सेवा उपलब्ध करून देण्यात आली आहे. दरवर्षी विविध शिबीराच्या माध्यमातून हजारो
रुग्णांना आरोग्य सेवा देण्याचे काम जैन सोशल फेडरेशन, डॉटर्स व कर्मचारी सेवाभावी वृत्तीने करत आहेत. सकारात्मक उर्जा देण्याचे काम हॉस्पिटलच्या माध्यमातून होत आहे, असे मत परेश बोगावत यांनी व्यक्त केले.
जैन सोशल फेडरेशन संचिलत श्री आनंदऋषीजी हॉस्पिटल येथे राष्ट्रसंत आचार्य श्री आनंदऋषीजी म.सा.यांच्या ३३ व्या पुण्यस्मृतीनिमित्त बालरोग तपासणी शिबीराचे उद्घाटन परेश बोगावत, संतोष बोगावत, सुनिल बोगावत, अरुणा बोगावत,  प्रणय बोगावत, सुजाता  गावत, पुजा बोगावत, पंकज गांधी, प्रकाश गांधी यांच्या हस्ते झाले. यावेळी संतोष बोथरा, माणकचंद कटारिया, सतिष लोढा, सुभाष मुनोत, डॉ. आशिष भंडारी, तज्ञ डॉ.रुपेश सिकची, डॉ.सोनाली कनसे,
डॉ.वैभवी वंजारे आदी उपस्थित होते.
याप्रसंगी बोलताना सौ. सुजाता बोगावत म्हणाल्या की, आचार्य श्री आनंदऋषीजी म.सा. यांच्या शिकवणीनुसार
गोर गरीबांची सेवा हीच ईश्वर सेवा या विचाराने हॉस्पिटल चांगल्या प्रकारचे उपचार देण्याचे कार्य करत आहेत. महाराष्ट्रात
आनंदऋषीजी हॉस्पिटलचा चांगला नावलौकीक असून येथील विश्वस्त मंडळ व स्टाफ उत्तमरितीने रुग्णांना सेवा देण्याचे कार्य  करत आहे. त्यांच्या या कार्यात आम्हाला योगदान देण्याची संधी मिळत आहे. हे आम्ही आमचे भाग्य समजतो.
कार्यक्रमाचे सुत्रसंचान डॉ.अशिष भंडारी यांनी केले तर आभार सतिष लोढा यांनी मानले. या बालरोग शिबीरात १११ बालकांची तपासणी करण्यात आली.

डॉटर मिलग्रीड बोरगस यांचे प्रतिपादन; केडगावात रंगला महिलांचा सांस्कृतिक कार्यक्रम, ब्राझील मधून आलेल्या परदेशी पाहुण्याची उपस्थिती

नगर – होमिओपॅथी, अनेकदा म्हणतो की योग्य उपाय, जेव्हा योग्यरित्या लिहून दिला जातो, तेव्हा तो रुग्णाला सौम्य आणि उत्साही पद्धतीने गुण देऊ शकतो, बरे होईपर्यंत आवश्यक बदल रुग्णात आणू शकतो. बरे वाटण्यासाठी तुम्हाला कधी-कधी उपचाराची देखील आवश्यकता नसते. फक्त वातावरणातील बदल तुम्हाला वेगळे समाधान देऊन जाते. परदेशी लोकांसाठी हे आश्चर्यकारक आणि औषधीपूर्ण आहे. इतर देशातून नागरिक भारतात होमिओपॅथी, आयुर्वेद व योग शिकण्यासाठी येतात. मी तुमच्या शहरात डॉ. लंके यांच्याकडे होमिओपॅथी शिकण्यासाठी आले आहे. उपचार फक्त शारीरिक आजारांना बरे करण्यासाठी नव्हे, तर मन आणि आत्म्याला देखील समाधानी करणारे असावे. यासाठी होमिओपॅथी प्रभावी असल्याचे डॉ. मिलग्रीड बोरगस म्हणाल्या. केडगाव येथील कायनेटिक कॉलनीतील गणेश मंदिर परिसरात महिला दिन उत्साहात साजरा करण्यात आला. परिसरातील महिलांच्या कलागुणांना वाव देण्यासाठी विविध सांस्कृतिक कार्यक्रमाचे आयोजन करण्यात आले होते. यामध्ये महिलांनी सांस्कृतिक कार्यक्रमातून आपले कलागुण सादर केले. श्रद्धा रानडे, सुलभा भोसले व सविता मुळे यांच्या पुढाकाराने महिला दिनाच्या कार्यक्रमाचे आयोजन करण्यात आले होते. यामध्ये ब्राझीलमधून  आलेल्या होमिओपॅथी डॉटर मिलग्रीड बोरगस विशेष पाहुण्या म्हणून उपस्थित होत्या. याप्रसंगी प्रमुख पाहुणे म्हणून डॉ. प्रमोद लंके व रक्षा लंके यांच्यासह स्मीता मराठे, स्मिता घोडके, डॉ. शिल्पा इनमुलवार, सुनीता पाटेकर, साधना डागा,
स्नेहा भोसले, सारीका अकोलकर, सुचीता धामणे, स्वाती कुलट, शैला दहिफळे, बेबी काळे, शकुंतला पवळ, सान्वी इनमुलवार आदींसह परिसरातील महिला उपस्थित होत्या.
प्रारंभी दीपप्रज्वलन करुन कार्यक्रमाची सुरुवात झाली. या कार्यक्रमात महिलांनी गीत, भजन, गवळण, लावणी आदींसह विविध सांस्कृतिक कार्यक्रमाचे सादरीकरण केले. उपस्थित महिलांनी टाळ्यांच्या कडकडाटात त्यांना दाद दिली. कार्यक्रमाचे सूत्रसंचालन स्मीता मराठे यांनी केले. स्मीता घोडके यांनी आभार मानले.

नगर – चास येथील सौ.सुंदरबाई माणिक आडसूळ पॉलिटेनिक महाविद्यालयातील. विद्यार्थ्यांनी राज्यस्तरीय पोस्टर प्रेझेंटेशन आणि प्रोजेट स्पर्धेत सहभाग नोंदवून उल्लेखनीय यश संपादन केले आहे. राज्यस्तरीय इनोव्हिजन २०२५ या स्पर्धेचे
आयोजन एस पी आय टी कुरुंद पॉलिटेनिक पारनेर यांच्या वतीने आयोजित करण्यात आले होते. स्पर्धेत विविध पॉलिटेनिक महाविद्यालयां मधून विद्यार्थी या राज्यस्तरीय स्पर्धेत सहभागी झाले होते. सौ.सुंदराबाई माणिक आडसूळ पॉलिटेनिक कॉलेजच्या स्थापत्य विभागातील तृतीय वर्षात शिकणार्‍या प्रतिक्षा शशिकांत चोरमागे हिने स्मार्ट पॅव्हमेंट या विषयावर उत्कृष्ट  सादरीकरण करून प्रथम क्रमांक पटकावला आणि संगणक विभागातील द्वितीय वर्षात शिकणारे सर्वेश मिलिंद कदम, भोजने गायत्री आणि भावसार पायल यांनी ए.आय कंट्रोल प्रोग्राम या विषयावरती सादरीकरण करून कन्सुलेटेड बक्षीस मिळवले. दृष्टिकोन व नाविन्यपूर्ण माहिती त्यांनी सादर केली. या स्पर्धेमुळे विद्यार्थ्यांना आपले ज्ञान व संशोधन क्षमता
सादर करण्याची संधी मिळाली. विद्यार्थ्यांना पोस्टर बनवण्यासाठी सर्व प्राध्यापकांनी विशेष प्रयत्न केले.
या यशाबद्दल संस्थेचे अध्यक्ष अनिरुद्ध आडसूळ, सेक्रेटरी सौ. लीना आडसूळ, खजिनदार परमेश्वर आडसूळ, संचालक कृष्णा आडसूळ, डॉ. प्रदीप पाटील व डॉ. संभाजी पठारे, प्राचार्य रमेश गडाख, प्राचार्य डॉ. धनंजय लांडगे व डॉ. संदेश
वायाळ आणि डॉ. पंडित प्रदीप, सर्व विभाग प्रमुख, प्राध्यापक शिक्षकेतर कर्मचारी व विद्यार्थी यांनी विजेते व सहभागी विद्यार्थ्यांसाठी अभिनंदनाचा वर्षाव आनंदाचा वर्षाव करून त्यांचे कौतुक केले आणि पुढील वाटचालीस शुभेच्छा दिल्या.

नगर – धकाधकीच्या जीवनात प्रत्येकाने आरोग्याची काळजी घेणे आवश्यक आहे. वैद्यकीय व्यवसाय करीत असताना डॉटर्स २४ तास ३६५ दिवस वैद्यकीय सेवा देत असतात. या कार्यात महिला डॉटरांचा सहभाग मोठ्या प्रमाणात आहे. महिला डॉटरांच्या कार्याची दखल घेऊन सावेडी डॉटर असोसिएशनने केलेला उपक्रम कौतुकास्पद आहे, असे प्रतिपादन स्त्रीरोग तज्ञ डॉ. रूपाली नेमाने यांनी केले आहे.  सावेडी येथे जागतिक महिला दिनाचे औचित्य साधून सावेडी डॉटर असोसिएशन व प्रिसिजन डायग्नोस्टिक सेंटर यांच्या संयुक्त विद्यमाने अहिल्यानगर शहरातील २२ महिला डॉटरांचा सन्मान करण्यात आला. यावेळी डॉ.रूपाली नेमाने, डॉ.सुशील नेमाने, सावेडी डॉटर असोसिएशनचे अध्यक्ष डॉ.भगवान कराळे, सचिव डॉ.नितीन झावरे, खजिनदार डॉ.सुरेंद्र खन्ना, होमिओपॅथिक असोसिएशनचे अध्यक्ष डॉ.रणजीत सत्रे आदींच्या हस्ते महिला डॉटरांचा सन्मान करण्यात आला. यावेळी महिला व पुरुष डॉटरांकरिता उत्तम आरोग्यासाठी झुंबा डान्स चे आयोजन करण्यात आले होते. मानसी आडेप यांनी झुम्बा डान्स चे प्रात्यक्षिक करून दाखविले.
सन्मान झालेल्या महिला डॉटरांची नावे पुढील प्रमाणे- डॉ. संजीवनी कराळे, डॉ.योगिता सत्रे, डॉ.अलका घुगे, डॉ.कल्पना ठुबे, डॉ.श्वेता भापकर, डॉ.रश्मी कुलथे, डॉ.ज्योती तांबे, डॉ.मीनाक्षी हरिश्चंद्रे, डॉ.वैशाली महांडुळे, डॉ.पूनम भोजने, डॉ.माधुरी कुलकर्णी, डॉ.पुनम अनुभुले, डॉ.वैशाली राठोड, डॉ.तृप्ती कोठुळे, डॉ.शलाका राऊत, डॉ.दिपाली ढाकणे, डॉ.शिल्पा गायकवाड, डॉ.परिणीता झावरे, डॉ.स्नेहलता खराडे, डॉ.वर्षा सायकड, डॉ.अंजली शिंदे, डॉ. अर्चना सुरपुरीया आदींचा गौरव करण्यात आला. प्रास्ताविक डॉ. रणजीत सत्रे यांनी केले. सूत्रसंचालन कु. रचना सत्रे हिने केले. तर आभार डॉ.सुरेंद्र खन्ना यांनी मानले.

डॉ. राजीव चिटगोपेकर यांचे प्रतिपादन; महिला दिनानिमित्त प्रकाश नेत्रालयात नेत्र तपासणी शिबिरात महिलांचा सन्मान

नगर- प्रत्येक महिला समाजाचा आधारस्तंभ आहे. तिच्या सन्मानाशिवाय समाजाची प्रगती शय नाही. म्हणून प्रत्येकाने महिलांचा सन्मान करावा आणि त्यांना समान अधिकार मिळवून देण्यासाठी सर्वांनी प्रयत्नशील असावे. काबाडकष्ट
करून कुटुंबाची जबाबदारी संभाळत असताना स्वतःच्या आरोग्याकडे  मात्र ती दुर्लक्ष करते. महिलांच्या आरोग्य विषयी जनजागृती महत्त्वाची आहे. स्त्री ही सृष्टीची जननी आहे. तिचा सन्मान हा समाजाचा सन्मान असल्याचे प्रतिपादन नेत्र तज्ञ डॉ. राजीव चिटगोपेकर यांनी केले. नगर मनमाड रोडवरील प्रकाश नेत्रालयामध्ये जागतिक महिला दिनानिमित्त डॉ. राजीव चिटगोपेकर यांच्या हस्ते महिलांचा सन्मान करून मोफत नेत्र तपासणी करण्यात आली. या शिबिरामध्ये शंभर महिलांची नेत्र  तपासणी करून त्यांना मोफत औषधोपचार देण्यात आले. याप्रसंगी शगुप्ता शेख, अशोक तोरडमल, बाबासाहेब मोहिते आदींसह महिला उपस्थित होत्या. पुढे बोलताना डॉ. चिटगोपेकर म्हणाले की महिला ह्या कुटुंबाचा कणा आहेत. त्यांनी स्वतःच्या आरोग्याची काळजी घेतली पाहिजे वेळोवेळी आरोग्य तपासणी करून घ्यावी. डोळ्यांची निगा राखण्यासाठी आहारामध्ये हिरवे पालेभाज्यांचा प्रमाण वाढवावे. विविध फळे आणि भाज्यांचा समावेश असावा, विशेषतः गडद पिवळ्या
आणि हिरव्या पालेभाज्या, ज्यामध्ये भरपूर व्हिटॅमिन ए असते – निरोगी दृष्टी राखण्यासाठी संतुलित आहार महत्त्वाचा आहे. तुमचे डोळे तुमच्या सभोवतालच्या वस्तू पाहण्यासाठी आणि जाणवण्यासाठी दिवसरात्र काम करतात. त्यांनाही पुरेशी विश्रांतीची आवश्यकता असते. म्हणूनच, पुरेशी झोप घेणे तुमच्यासाठी आवश्यक आहे. मोबाईलचा अतिवापर टाळावा असे ते म्हणाले.

नगर – वाहनांची अतिशय वर्दळ असलेल्या केडगाव ते सोनेवाडी, अकोळनेर, सारोळा कासार ते घोसपुरी या रस्त्याची गेल्या अनेक दिवसांपासून प्रचंड दुरावस्था झालेली आहे. या रस्त्यावरील खड्डे बुजविण्याचे काम सार्वजनिक बांधकाम विभागाने सुरु केले मात्र ठेकेदाराने ते अर्धवट सोडले असल्याने परिसरातील अनेक गावांतील नागरिकांचे प्रचंड हाल
होत आहेत. या रस्त्याची येत्या ७ दिवसात दुरुस्ती न केल्यास रस्ता रोको करण्याचा इशारा परिसरातील
नागरिकांच्या वतीने देण्यात आला आहे. केडगाव घोसपुरी रस्त्यावर सोनेवाडी बायपास चौकापासून पुढे थेट घोसपुरीपर्यंत ठिकठिकाणी मोठ मोठे खड्डे पडलेले आहेत. या रस्त्यावरून प्रवास करताना वाहन चालकांना
मोठी कसरत करावी लागत आहे. वाहनांचे पार्ट आणि वाहनचालकांची हाडे अक्षरश: खिळखिळे होत आहेत. मात्र या
रस्त्याच्या दुरावस्थेकडे सर्वच लोकप्रतिनिधींचे दुर्लक्ष होत आहे. या रस्त्यावर सोनेवाडी, अकोळनेर भोरवाडी, जाधव वाडी, सारोळा कासार, घोसपुरी, अस्तगाव आदी गावांतील नागरिक प्रवास करत असतात.
याशिवाय अकोळनेर येथील इंडियन ऑईल व भारत पेट्रोलियम या दोन कंपन्यांमधून दररोज शेकडो इंधन टँकरची ये-जा सुरु असते. याशिवाय खडी वाहतूक करणारे ढंपरही दररोज रात्रंदिवस धावत असतात. या अवजड वाहनांच्या वर्दळीमुळे या रस्त्याची प्रचंड दुरवस्था झालेली आहे. त्याचा या परिसरातील गावांमधील नागरिकांना प्रचंड
मनस्ताप सहन करावा लागत आहे.
गेल्या ४-५ वर्षात या रस्त्याच्या दुर्दशेकडे बांधकाम विभागाचे अधिकारी, लोकप्रतिनिधी यांनी कायमच दुर्लक्ष केले आहे. त्यामुळे परिसरातील गावांमधील नागरिकांमध्ये तीव्र संताप व्यक्त होत आहे. या रस्त्याच्या दुरुस्तीचे अर्धवट स्थितीत बंद पडलेले काम तातडीने सुरु करून किमान मोठमोठे खड्डे तरी बुजवावेत, अशी मागणी सार्वजनिक बांधकाम विभागाचे अभियंता सुतार यांच्या कडे निवेदनाद्वारे करण्यात आली आहे. ७ दिवसांत काम मार्गी लागले नाही तर परिसरातील विविध गावांमधील नागरिक रास्ता रोको आंदोलन करतील, असा इशारा माजी जिल्हा परिषद सदस्य संदेश कार्ले, माजी पंचायत
समिती सभापती रामदास भोर, विलास शेडाळे, विठ्ठल हंडोरे, राहुल जाधव, जीवन हजारे, अमोल वाव्हळ, प्रदीप झरेकर, नाना गाढवे, सोमनाथ मेहेत्रे आदींनी दिला आहे.

डॉ.सोनाली वहाडणे यांचे प्रतिपादन; आरोग्याचा जागर करुन महिला दिन साजरा, स्तन आणि सर्वाइकल कॅन्सरचे प्रमाण टाळण्यासाठी महिलांना मार्गदर्शन

नगर – बदलली जीवनशैली व तणावपूर्ण जीवना मुळे महिलांच्या आरोग्यावर विपरीत परिणाम होत आहे. यामुळे स्तन
आणि सर्वाइकल कॅन्सरचे प्रमाण महिलांमध्ये झपाट्याने वाढत आहे. मानसिक आणि शारीरिक स्वास्थ्य चांगले ठेवण्यासाठी आनंदी राहून नियमीत व्यायामाची गरज आहे. महिलांनी विशेषत: वयाच्या चाळीशीनंतर आरोग्याकडे लक्ष द्यावे. आयुष्याच्या विविध टप्प्यांवर महिलांमध्ये होणारे हार्मोन्स बदल हे आरोग्याशी निगडीत आहे. यासाठी महिलांना
आपल्यामध्ये होणारे बदल देखील ज्ञात असले पाहिजे. निरोगी आरोग्यासाठी योग्य आहाराबरोबर झोप महत्त्वाची असल्याचे डॉ. सोनाली वहाडणे यांनी सांगितले. तर दिवसाची सुरुवात आनंदी पणाने करा, योग्य आहार, व्यायाम, तणावमुक्तीबद्दल मार्गदर्शन केले. ९ ते ४५ वयोगटातील महिलांना अँटी कॅन्सर व्हॅसीन घेण्याचे त्यांनी आवाहन केले.
प्रयास व नम्रता दादी-नानी ग्रुपच्या वतीने आरोग्याचा जागर करुन महिला दिन साजरा करण्यात आला. चाळीशीनंतर महिलांचे आरोग्य या विषयावर मार्गदर्शन करुन महिलांना निरोगी आणि आनंदी जीवन जगण्यासाठी मार्गदर्शन करण्यात आले. महिलांमध्ये वाढत्या स्तन आणि सर्वाइकल कॅन्सरचे प्रमाण टाळण्यासाठी जागृती करण्यात आली. या कार्यक्रम
ासाठी प्रमुख मार्गदर्शक म्हणून डॉ. सोनाली वहाडणे यांच्यासह माउंट लीटरा झी स्कूलच्या प्राचार्या शैलजा लोटके, विद्या कचरे, सुजाता कदम, एकता कदम, सुरेखा भोसले, सुशीला त्रिमुखे, सुरेखा चेमटे, जयाताई गायकवाड, प्रयासच्या संस्थापक अध्यक्षा अलकाताई मुंदडा, विद्या बडवे, सोनी पुरनाळे, अर्चना बोरुडे, सुरेखा जंगम, अरुणा गोयल, अलका वाघ, सुनीता काळे, श्रद्धा उपाध्ये, सविता गांधी, हेमा पडोळे, प्रिया आठरे, अ‍ॅड. दीपिका दंडवते, शकुंतला जाधव,
हिरा शहापुरे, आरती थोरात, आशा गायकवाड, उषा सोनी, लीला अग्रवाल, नीलिमा पवार, रेखा मैड, उषा सोनटक्के, रेखा फिरोदिया, अ‍ॅड. ज्योत्सना कुलकर्णी, मेघना मुनोत आदींसह ग्रुपच्या सदस्या उपस्थित होत्या. प्रास्ताविकात अलका मुंदडा यांनी मागील अनेक वर्षापासून महिला सक्षमीकरण व महिलांच्या आरोग्याच्या दृष्टीकोनाने ग्रुपच्या माध्यमातून सुरु असलेल्या उपक्रमाची माहिती दिली.
प्राचार्या शैलजा लोटके यांनी भावी सक्षम पिढी घडविताना महिलांची भूमिका महत्त्वाची ठरणार असल्याचे स्पष्ट केले. महिलांच्या विविध मनोरंजनात्मक व बौध्दिक खेळाच्या स्पर्धा रंगल्या होत्या. विजेत्या महिलांना बक्षीसे देण्यात आली. दीपा मालू यांनी विविध खेळ घेतले. अश्विनी सावंत यांनी सर्व महिलांना आकर्षक पध्दतीने मोफत नेल आर्ट करून दिले. कार्यक्रमाचे सूत्रसंचालन गौरी जोशी यांनी केले. आभार विद्या बडवे यांनी मानले.

छबीदार छबी मी तोर्‍यात उभी…., देसी गर्ल… गाण्यांवर धरला ठेका

नगर – फुग्यांची कमान व सजावट, रंगीबेरंगी लाईट्स, आई व महिलांची महिमा सांगणारे गाणे व पोवाडा अशा अनोख्या वातावरणात पेमराज सारडा महाविद्यालयात विद्यार्थिनींनी महिला दिन साजरा केला. यानिमित्त आयोजित सोहळ्यात
विद्यार्थिनींसह महिला प्राध्यापकांनीही सहभाग घेत कलागुणांचे सादरीकरण केले. यामध्ये नृत्य, गायन, पोवाडा तसेच लाठीकाठी नृत्य सादर करून उपस्थितांची मने जिंकली. तसेच रॅम्प वॉकवर विद्यार्थिनिंसह प्राध्यापीकांची थीरकली
पावले हे या कार्यक्रमाचे मुख्य आकर्षण ठरले. कायम अभ्यासाच्या ताणतणावात असलेल्या विद्यार्थिनी मात्र महिला दिनाच्या या कार्यक्रमात अगदी मनमोकळ्या पणे सहभागी झाल्या होत्या. विद्यार्थ्यांनी सादर केलेल्या कार्यक्रमांना उपस्थित
विद्यार्थी व प्राध्यापकांनी भरभरून दाद दिली. यात भारतीय व वेस्टर्न परंपरेचे पोशाख परिधान केलेल्या विद्यार्थिनींची पावले रॅम्प वॉकवर थीरकली. रॅम्प वॉक मध्ये महाविद्यालयाच्या प्राचार्य डॉ. माहेश्वरी गावित यांच्यासह महिला प्रध्यापीकांनाही सहभागी होण्याचा मोह आवरला नसल्याने त्यांनीही आनंद घेतला.
प्राचार्य डॉ. माहेश्वरी गावित म्हणाल्या, महाविद्यालयातील वातवरण अत्यंत खेळीमेळीचे असते. त्यामुळे विद्यार्थिनी सर्व उपक्रमांमध्ये मनमोकळेपणाने सहभागी होतात. महिला दिन हा सर्व स्त्रीशक्तीसाठी महत्वाचा दिवस आहे. या
दिवसांचा अनोखा आनंद आज सर्वाना घेता आला आहे.
कार्यक्रमाचे संयोजन सांस्कृतिक विभाग प्रमुख प्रा.सत्यजित पाटील, प्रा.ओमकार भिंगारदिवे, प्रा. प्रसाद बेडेकर यांनी केले. यावेळी क्रांती बोरुडे हिने महिलांचा महिमेचा पोवाडा सादर केला. फरीन सय्यद, महिमा सोनार, कोयल चौधरी व सुहास गेरेंगे यांनी नवे जुने उत्कृष्ट गाणे सादर केले तर उत्कर्षा दगडे हिने पारंपारिक नृत्य सादर केले.

पोलिसांच्या विविध पथकांकडून शोध सुरु, माहिती देण्याचे आवाहन

नगर – नगर शहरातील चितळे रोड वरील दीपक ऑईल डेपो चे मालक दीपक लालसिंग परदेशी (वय ६८, रा. बोल्हेगाव गावठाण, मराठी शाळेजवळ) हे २४ फेब्रुवारी पासून बेपत्ता झालेले आहेत. पोलिसांची विविध पथके त्यांचा कसून शोध घेत आहेत. परंतु अद्यापपर्यंत त्यांचा काहीही तपास लागलेला नसल्याने त्यांचे कुटुंबीय चिंतेत आहेत. दिपक परदेशी हे बोल्हेगांव गावठाण, मराठी शाळा परिसरातून २४ फेब्रुवारी रोजी दुपारी ३ वाजता ते घरातून बेपत्ता झाले आहेत. त्यांचा पुढील कोणताही तपास लागलेला नाही. याबाबत त्यांच्या कुटुंबीयांनी तोफखाना पोलीस स्टेशनमध्ये दिपक लालसिंग परदेशी हे हरवले असल्याची तक्रार दिली आहे. त्यानंतर तोफखाना पोलिसांचे गुन्हे शोध पथक, स्थानिक गुन्हे शाखेचे पथक त्यांचा शोध घेत आहेत. तरी दिपक लालसिंग परदेशी यांच्या बाबत कोणतीही माहिती मिळाल्यास तोफखाना पोलीस स्टेशन अथवा परदेशी यांच्या कुटुंबियांकडे संपर्क साधावा असे आव्हान नगर शहराचे आमदार संग्राम जगताप व परदेशी कुटुंबीयांनी
केलेले आहे. संपर्क साधण्यासाठी तोफखाना पोलीस स्टेशन (०२४१) २४१६११८ तसेच मोबाईल क्र. ८३२९३३७००६, ९२२५४४४४४, ८९९९४४६९४२ पत्ता – दिपक ऑईल डेपो, छाया टॉकिज जवळ, चितळे रोड, अहिल्यानगर येथे संपर्क साधावा असे आवाहन परदेशी कुटुंबीयांच्या वतीने करण्यात आले आहे.

शेतकरी हितासाठी, समर्थनासाठी आणि न्याय हक्कासाठी ‘रन फॉर फार्मर’ चे शहरात आयोजन; खा. निलेश लंके यांच्या वाढदिवसानिमित्त स्पर्धा

नगर – शेतकरी हितासाठी, समर्थनासाठी आणि न्याय हक्कासाठी रन फॉर फार्मर या टॅगलाईनने बायपास कल्याण रोड येथे खासदार मॅरेथॉन स्पर्धेचे आयोजन करण्यात आले होते. यामध्ये सुमारे दोन हजार धावपटूंनी सहभाग घेतला होता, शेतकर्‍यांच्या सन्मानासाठी आणि आरोग्याच्या अधिकारासाठी १० किलोमीटर, ५ किलोमीटर आणि २.५ किलोमीटर स्पर्धेमध्ये ज्येष्ठ नागरिक, पुरुष, महिला, युवक-युवती मोठ्या संख्येने सहभागी झाले होते. लवकरच मुंबई येथे राज्यस्तरीय महामॅरेथॉन स्पर्धेचे आयोजन करण्यात येणार आहे, खासदार मॅरेथॉन स्पर्धेतून एकतेचा संदेश देण्याचे काम झाले असल्याचे प्रतिपादन खासदार निलेश लंके यांनी केले. निलेश लंके यांच्या वाढदिवसानिमित्त कल्याण रोड बायपास येथे
खासदार मॅरेथॉन स्पर्धा झाली. यावेळी खा. निलेश लंके, माजी महापौर अभिषेक कळमकर, जि.प.चे माजी सभापती बाळासाहेब हराळ, माजी नगरसेवक योगीराज गाडे, बबलू रोहोकले, केशव बेरड, रेवजी नांगरे, बाळासाहेब खिलारी आदी उपस्थित होते. खासदार मॅरेथॉन स्पर्धेमध्ये महिला खुले गटातून सुरेखा मातने या विद्यार्थिनी प्रथम क्रमांक मिळविला असून ती ऊस तोड कामगाराची मुलगी असून तिची आर्थिक परिस्थिती बिकट असल्यामुळे खासदार निलेश लंके प्रतिष्ठानच्या माध्यमातून तिच्या पुढील शिक्षणाला आर्थिक मदत केली जाईल, असे आश्वासन खासदार निलेश लंके यांनी दिले.
पुरुष खुला गटातून प्रथम क्रमांक चांगदेव लाटे, द्वितीय क्रमांक प्रेम काळे, वरिष्ठ पुरुष गटातून प्रथम क्रमांक सूर्यकांत  पारधे, द्वितीय  क्रमांक बाजीराव मोठे, तृतीय क्रमांक राजाराम लगड, महिला खुल्या गटातून प्रथम क्रमांक सुरेखा माने, द्वितीय क्रमांक सई चेमटे, तृतीय क्रमांक केतकी सांगळे, वरिष्ठ महिला गटातून प्रथम क्रमांक कविता
खंडेलवाल, द्वितीय क्रमांक स्वप्नाली पारधे, तृतीय क्रमांक रूपाली खंडेलवाल यांनी मिळविला असून खासदार निलेश लंके यांच्या हस्ते पारितोषिक वितरण करण्यात आले असल्याची माहिती योगीराज गाडे यांनी दिली.

छायाताई फिरोदिया यांचे प्रतिपादन; कै. सौ. इचरजबाई हस्तीमलजी मुनोत उद्योजकता विकास पुरस्काराचे वितरण

नगर – आजचा कार्यक्रम हा स्तुत्य उपक्रम असून अशा कार्यक्रमातून महिलांच्या कार्यकर्तृत्वाची नक्कीच ओळख होते.
आज महिला सर्व क्षेत्रात आघाडीवर आहे आपल्या मुलांना चांगले संस्कार द्या समाजात स्वतःचे स्थान निर्माण करण्याची त्यांना प्रेरणा द्या. समाजात बदल घडवून आणायचा असेल तर आपल्या घरापासून सुरुवात करा हे काम एक आईच करू शकते असे विचार कार्यक्रमाचे प्रमुख पाहुणे शैक्षणिक व सामाजिक कार्यात अग्रेसर असणार्‍या श्रीमती छायाताई फिरोदिया यांनी व्यक्त केले. के.जी. कला व वाणिज्य महाविद्यालयाच्या वतीने कै. सौ. इचरजबाई हस्तीमलजी मुनोत उद्योजकता विकास पुरस्कार ८ मार्च रोजी केशर गुलाब मंगल कार्यालय येथे प्रदान करण्यात आले. यंदाचा पुरस्कार शैक्षणिक व सामाजिक क्षेत्रात अग्रेसर असणार्‍या श्रीमती छायाताई फिरोदिया यांच्या हस्ते प्रा.मेधाताई यशवंत काळे, डॉ. ज्योत्स्ना पांडुरंग डौले, सौ.सविता हेमंत काळे, सौ.आशा बाळासाहेब काठेड या चार कर्तृत्ववान महिलांना त्यांच्या उद्योजकतेच्या  आणि सामाजिक योगदानाच्या सन्मानार्थ दिला गेला. पुरस्कार विजेत्या प्रा. मेधाताई काळे यांनी महिलांच्या आर्थिक
स्वावलंबनासाठी पहिल्या महिला सहकारी बँकेची स्थापना करताना कराव्या लागणार्‍या खडतर कार्याची माहिती देऊन स्त्री ही प्रत्येक क्षेत्रात आघाडीवर असूनही तिच्यावरील अन्याय, अत्याचार वाढत असून महिलांनी मुलांवर चांगले संस्कार करणे  गरजेचे असून  संस्कारातूनच या पिढीला वाचवावे लागेल व चांगले नागरिक घडवावे लागतील असे आपले विचार व्यक्त केले. डॉ.ज्योत्स्ना डौले या स्त्री रोग तज्ञ असून त्यांनी सुरू केलेल्या पहिल्या खतऋ (टेस्ट ट्यूब बेबी सेंटर) विषयी माहिती देऊन समाजात ताण- तणावाचे वातावरण वाढत असून सर्वांनी किमान अर्धा तास योगा आणि मेडिटेशन करणे गरजेचे आहे असे मत त्यांनी व्यक्त केले.
सविता काळे या मूकबधिर विद्यार्थ्यांसाठी कार्यरत असून त्यांना खडू बनवणे, मेणबत्ती तयार करणे आणि फाईल बनवण्याचे प्रशिक्षण देतात. दिव्यांगांना स्वतःच्या पायावर उभे करणे, त्यांच्या क्षमतांचा विकास करणे, त्यांना आत्मनिर्भर करणे हाच ध्यास घेऊन त्यांनी आत्तापर्यंत ३००० दिव्यांग व्यक्तींना आत्मनिर्भर केले आहे अशी त्यांच्या कार्याची
माहिती दिली. सौ.आशा काठेड या उत्कृष्ट स्वयंपाक कौशल्य असलेल्या गृहिणी  असून त्यांनी छोट्या स्तरावर खाद्यपदार्थ तयार करण्याचा व्यवसाय सुरू केला आणि त्याचा विस्तार संपूर्ण महाराष्ट्रभर केला आहे. कार्यक्रमाच्या अध्यक्षस्थानी केशरचंद गुलाबचंद मुनोत सार्वजनिक ट्रस्टचे सचिव लालचंद मुनोत हे होते. केशरचंद गुलाबचंद मुनोत
ट्रस्टचे विश्वस्त संचालक किशोर मुनोत यांनी आपल्या आईच्या कै. सौ.इचरजबाई हस्तीमलजी मुनोत यांच्या कार्यकर्तृत्वाविषयी माहिती सांगून पुरस्कार विजेत्या महिलांच्या कार्यकर्तृत्वाचे कौतुक करून पुढेही या पुरस्काराचे सातत्य ठेवले जाईल अशी माहिती दिली. तर के.जी कला वाणिज्य महाविद्यालयाच्या प्राचार्य प्रा.डॉ.स्वाती
मुनोत यांनी आपल्या प्रास्ताविकेत पुरस्कार विजेत्या महिलांनी केवळ स्वतःच्या यशासाठी नाही तर समाजाच्या प्रगतीसाठी स्वतः ला समर्पित केले आहे त्यांच्या अथक प्रयत्नांचे कौतुक करण्यासाठी त्यांच्या यशाचा हा उत्सव आम्ही साजरा करत आहोत यातून नवीन पिढीला मार्गदर्शन मिळेल अधिकाधिक महिलांना पुढे येण्याची प्रेरणा मिळेल. महिला दिन हा केवळ दिनदर्शिकेवरील तारीख नसून तो लिंग समानता व महिलांच्या सशक्तिकरणाचे महत्त्व अधोरेखित करणारा आहे असे
प्रतिपादन केले.  सूत्रसंचालन प्रा. डॉ. वर्षा कीर्तने यांनी तर आभार प्रा. आरती खेडकर यांनी मानले.
याप्रसंगी सौ.सुजाता मुनोत, प्राचार्य खासेराव शितोळे, कार्यालयीन अधीक्षक संतोष  मुनोत, प्रा. डॉ.प्रशांत खोपटीकर, प्रा. स्नेहल बोरावके, प्रा. सविता चव्हाण, प्रा. डॉ. राहुल थोरात, सौ. अमृता मुळे, सौ.हर्षाली रासकर व विद्यार्थी उपस्थित होते.

भगवानदास गुगळे यांचे प्रतिपादन; मोफत नेत्र रोग तपासणी शिबिराला ज्येष्ठांचा प्रतिसाद, ७५० रुग्णांची तपासणी

नगर – व्याधीने ग्रासलेल्या दीन-दुबळ्या रुग्णांना आनंदऋषीजी हॉस्पिटल नवजीवन देण्याचे काम करीत आहे. हॉस्पिटलची आरोग्यसेवा रुग्णांसाठी संजीवनी ठरत आहे. सर्वसामान्य घटकांना याचा लाभ मिळत असून, सेवाभाववृत्तीने
कार्य सुरु आहे. आरोग्य शिबिर घेऊन सर्वसामान्यांना आधार व निरोगी समाजासाठी हे हॉस्पिटल महत्त्वाची भूमिका बजावत आहे. या मानवसेवेच्या कार्यात गुगळे परिवाराच्या वतीने सातत्याने योगदान राहणार असल्याची भावना
भगवानदास गुगळे यांनी केले. राष्ट्रसंत आचार्य श्री आनंदऋषीजी महाराज यांच्या ३३ व्या स्मृतिदिनानिमित्त जैन सोशल फेडरेशन संचालित आनंदऋषीजी हॉस्पिटलच्या नेत्रालय विभागात मोफत नेत्र रोग तपासणी शिबिर पार
पडले. या शिबिराचे उद्घाटन भगवानदास गुगळे व मंगलाताई गुगळे यांच्या हस्ते दीपप्रज्वलनाने झाले. यावेळी ते बोलत होते. याप्रसंगी डॉ. पंकज गुगळे, महेश गुगळे, नेत्र तपासणी चळवळीतील समाजसेवक अशोक शिंगवी, स्मिता गुगळे, सोनल गुगळे, सार्थक गुगळे, समीक्षा गुगळे, रिया गुगळे, सिध्दार्थ गुगळे, संतोष बोथरा, आनंद छाजेड,
माणकचंद कटारिया, अनिल मेहेर, डॉ. अशोक म्हाडिक, डॉ. संदीप राणे, डॉ. प्रकाश कांकरिया, डॉ. प्रतिक कटारिया, डॉ. विशाल तांबे, डॉ. किरण शिंदे आदी उपस्थित होते. अशोक शिंगवी म्हणाले की, जामखेडला आनंदऋषीजी
नेत्रालयाचे व्हिजन सेंटर सुरू आहे. तेथून आलेल्या दृष्टीहीन रुग्ण या आरोग्य मंदिरातून दृष्टी घेऊन जातात. ४० वर्षा पासून जामखेड मध्ये अविरत नेत्र शिबिर घेत असून, शिबिरातील रुग्णांना उपचारासाठी या नेत्रालयात दाखल करुन त्यांना दृष्टी दिली जात आहे. तर एका महिलेला सर्व हॉस्पिटलमध्ये शस्त्रक्रियेनंतर देखील दृष्टी येणार नसल्याचे सांगण्यात आले होते,
मात्र आनंदऋषीजी नेत्रालयात त्या महिलेवर यशस्वी शस्त्रक्रिया करुन तिला नवदृष्टी देण्यात आल्याची माहिती त्यांनी दिली.
सार्थक गुगळे यांनी मानव जात ही एक समान असून, या मानवतेच्या भावनेने आनंदऋषीजी हॉस्पिटल कार्य करत असल्याचे
स्पष्ट केले. रिया गुगळे हिने आरोग्य शिबिरातून सर्व सामान्यांना आधार मिळत आहे. शेवटच्या घटकापर्यंत
आरोग्यसेवेचा लाभ पोहचवून माणुसकीच्या भावनेने उभे राहिलेले हे मानवतेचे कार्य असल्याचे
सांगितले. एका रुग्णाच्या नातेवाईकाने देखील हॉस्पिटल हे मानवतेचे मंदिर झाले असून, येथे सेवाभाव जपला जात असल्याची भावना व्यक्त केली. या शिबिरात ७५० रुग्णांची मोफत नेत्र तपासणी करण्यात आली.
यामधील गरजू रुग्णांवर अल्पदरात मोतीबिंदू, काचबिंदू आदी नेत्र दोषाच्या शस्त्रक्रिया केल्या जाणार आहेत.
कार्यक्रमाचे सूत्रसंचालन आनंद छाजेड यांनी केले. आभार अनिल मेहेर यांनी मानले.

उपायुक्त प्रियंका शिंदे यांचे प्रतिपादन; भाग्योदय माध्यमिक व उच्च माध्यमिक विद्यालयात महिला दिन साजरा

नगर – नगर -महिला दिनानिमित्ताने भाग्योदय विद्यालयाने केडगाव सफाई सेविकांचा केलेला सत्कार कार्यक्रम खूप सुत्य उपक्रम राबविला. शाळेतील मुलींचा सत्कार शाळेतील मुलांनी करायचा आणि मुलींनी जिद्दीने उभे राहायचे. महिलांचा सन्मान  फक्त आजच्या दिवशी करायचा नाही तर वर्षभर आपली आई, बहिण, मैत्रीण यांचा सन्मान करायचा प्रत्येक काम लहान किंवा मोठे नसते. सफाई कामगारांचा सन्मान केला, ही गोष्ट खूप महत्त्वाची आहे मुलींनी शिक्षण घेऊन माझ्यासारखे
अधिकारी होण्याची इच्छा बाळगावी. क्रीडा क्षेत्र सामाजिक क्षेत्र उद्योग क्षेत्र इतर क्षेत्रात आपला ठसा उमठावा. यासाठी मुलींनी संयमाने राहावे व फेसबुक, इंस्टाग्राम यांचे वापर कमी करावा, असे प्रतिपादन अहिल्यानगर महानगरपालिकेच्या उपायुक्त प्रियंका शिंदे यांनी केले.
भाग्योदय माध्यमिक व उच्च माध्यमिक विद्यालयात महिला दिनाचे औचित्याने केडगांव येथील सफाई महिला
सेवकांचा सत्कार करण्यात आला. या कार्यक्रमात प्रमुख पाहुणे प्रियंका शिंदे, प्राचार्य ज्ञानदेव बेरड, मुख्याध्यापक
बन्सी नरवडे, कोतकर बाबासाहेब, गोविंद कदम आदी उपस्थित होते. प्रास्ताविकात श्रीमती केरुळकर यांनी सावित्रीबाई
फुले, झाशीची राणी, जिजामाता, मदर टेरेसा, इंदिरा गांधी या व्यक्तिमत्त्वांचा आदर्श मांडला. कार्यक्रमाचे अध्यक्ष ज्ञानदेव बेरड यांनी आपल्या भारतीय संस्कृतीत स्त्रीला एक महत्त्वपूर्ण स्थान आहे. विद्येसाठी आपण सरस्वतीची पूजा करतो. धनप्राप्तीसाठी आपण लक्ष्मी मातेची पूजा करतो. अशी आपली भारतीय संस्कृती आहे कुठल्याही आर्थिक परिस्थिती
चांगली नसताना केवळ जिद्दीच्या बळावर अहिल्यानगर महानगरपालिकेचे उपायुक्त पदावर काम करणार्‍या
प्रियंकाताई शिंदे यांचा मुलींनी आदर्श घ्यावा. प्राचीन काळी चूल आणि मूल या पलीकडे महिलांचे जीवन नव्हते.
सतीची चाल, बाल विवाह आशा रुढीपरंपरा होत्या. परंतु महात्मा फुले, महर्षी कर्वे यांनी स्त्री शिक्षणाच्या उद्धाराचे
काम केले. महिलांना समाजात मानाचे स्थान दिले. कार्यक्रमाचे सूत्रसंचालन दत्तात्रय पांडुळे यांनी केले.
गोविंद कदम यांनी आभार मानले. कार्यक्रम यशस्वी करण्यासाठी सोपान तोडमल, साहेबराव कार्ले, धनंजय
बारगळ, संतोष काकडे, रुपाली शिंदे, रेणुका गुंड,  कांडेकर गोरक्ष, एकनाथ होले तसेच गणेश गायकवाड,
सुधाकर गायकवाड, बाळू कावरे यांनी प्रयत्न केले. याप्रसंगी विद्यालयातील महिला शिक्षकांचा पाहुण्यांच्या
हस्ते सत्कार करण्यात आला.

नगर – येथील कवयित्री, मुक्त पत्रकार सरोज आल्हाट यांचा महिलादिनी राज्यस्तरीय नारी सन्मान पुरस्काराने गौरव करण्यात आला. गेल्या अठरा वर्षांपासून सामाजिक तथा साहित्यिक उपक्रम राबविणार्‍या उपदेशक आयोजित राज्यस्तरीय महिला मेळाव्यात आल्हाट यांना पुरस्काराने सन्मानित करण्यात आले. डॉन बॉस्को येथे झालेल्या पुरस्कार वितरण सोहळ्यात उपदेशकचे संस्थापक विक्रम गायकवाड यांच्या हस्ते व मान्यवरांच्या उपस्थितीमध्ये आल्हाट यांना प्रदान करण्यात आला. या वर्षाची जागतिक महिला दिनाची थीम असलेली एसलरेट शन अर्थात फक्त चर्चा न होता वेगाने कृती करा! या विषयावर सरोज आल्हाट यांनी मार्गदर्शन केले. महिलांवर होणार्‍या अत्याचारावर आल्हाट यांनी स्वरचित मदर इंडिया ही कविता सादर केली. या कवितेला उपस्थितांनी टाळ्यांच्या कडकडाटात दाद दिली.

तीव्र स्वरुपाचे आंदोलन करण्याचा महापालिका आयुक्तांना निवेदनाद्वारे दिला इशारा

नगर – शहरातील प्रभाग क्रमांक १५ मधील संपूर्ण आगरकर मळा, रेल्वेस्टेशन परिसर काटवण खंडोबा, कायनेटिक चौक, गायके मळा, पंचशील वाडी, इंगळे वस्ती हे परिसर व सर्व टाकी वरील मेन लाईन वरील पाणी पुरवठा विस्कळीत झाला आहे. आम्ही वारंवार प्रशासनाला कळवून सुद्धा काही सुधारणा झाली नाही. पाण्याची टाकी वेळेवर भरत नाही.
त्यामुळे नागरिकास पाणी मिळत नाही गेल्या १ ते २ महिन्यापासून सांगून देखील काही सुविधा होत
नाही तरी याची दखल घेऊन पाण्याच्या आवक मध्ये वाढ करण्यात यावी अन्यथा महानगरपालिकेत
उपोषण करण्याचा इशारा नागरिकांनी दिला आहे. प्रभाग क्र.१५ मधील आगरकर मळा
भागातील नागरीकांच्या वतीने पाणी पुरवठा सुरळीत करण्यात यावा, यासाठी मनपा आयुक्त यशवंत डांगे
यांना निवदेन त्यांच्याशी चर्चा करण्यात आली. याप्रसंगी माजी नगरसेवक अनिल शिंदे, दत्ता
जाधव, प्रशांत गायकवाड, दिपक खैरे यांच्यासह परिसरातील नागरीक उपस्थित होते.
मनपा एकीकडे पाणीपट्टीची भरमसाठ वाढ करते, तर दुसरीकडे नागरीकांना पाण्यावाचून
वंचित ठेवते. नागरीकांना आधीच दिवसाआड पाणी आणि त्यातही कमी दाबाने पुरवठा होतो. त्यामुळे
नागरीकांना पाण्यासाठी वनवन भटकंती करावी लागते. तरी यामध्ये सुधारणा होणे गरजचे आहे .
अन्यथा नागरीकांसह मनपामध्ये तीव्र स्वरुपाचे आंदोलन करण्यात येणार असल्याचे दत्ता जाधव
यांनी सांगितले. यावेळी बोलताना नगरसेवक अनिल शिंदे म्हणाले की, सर्वत्र उन्हामुळे पाण्याची कमतरता
वाढू लागली. नागरीकांना पाण्यासाठी वनवन करावी लागत आहे. या अगोदर सुध्दा मनपाच्या
पाणी पुरवठा विभागास आम्ही सांगितले होते की, या भागातील नागरीकांना पाणी पुरवठा हा कमी
प्रमाणात व अपुर्‍या दाबाने तर काही भागांमध्ये पाणी पुरवठा होतच नाही. त्यामुळे नागरीकांच्या रोषाला
सामोरे जावून आम्हा नगरसेवकांना उत्तरे द्यावी लागतात आणि प्रशासनाचे कोणीही या भागाकडे
लक्ष देत नाही. नागरीकांचा जर उद्रेक झाला तर त्याची सर्व जबाबदारी मनपा प्रशासनावर राहिल,
असा इशाराही त्यांनी निवेदनाद्वारे दिला आहे.

सचिवपदी सीए महेश तिवारी तर खजिनदारपदी सीए महेश भळगट; अहमदनगर सीए शाखेच्या नविन कार्यकारिणीचा पदग्रहण समारंभ

नगर – अहमदनगर सीए शाखेच्या २०२५-२९ सालाकरिता व्यवस्थापकीय समितीच्या सभासदांसाठी निवडणूक नुकतीच झाली. यात नवनिर्वाचित सभासदांमधून सन २०२५-२६ या वर्षासाठी पदाधिकार्‍यांची निवड करण्यात आली.

शाखेचे मावळते अध्यक्ष सीए सनित मुथा यांच्या अध्यक्षतेखाली झालेल्या बैठकीत खालीलप्रमाणे पदाधिकार्‍यांची निवड करण्यात आली. अध्यक्ष – सीए प्रसाद पुराणिक, उपाध्यक्ष व विकासा अध्यक्ष – सीए अभयकुमार कटारिया, सचिव – सीए महेश  तिवारी, खजिनदार – सीए महेश भळगट, सभासद – सीए सुनंदा रच्चा, सीए चांसी आगरवाल.

सीए प्रसाद पुराणिक हे मावळते उपाध्यक्ष असून, एकमताने त्यांची अध्यक्षपदी निवड करण्यात आली. सीए अभयकुमार कटारिया यांची उपाध्यक्ष पदाबरोबरच सीए विद्यार्थी शाखेच्या (थखउअडअ) अध्यक्षपदीही निवड करण्यात आली. सर्व नूतन पदाधिकार्‍यांचा पदग्रण समारंभ ७ मार्च रोजी सीए भवन येथे पार पडला. या कार्यक्रमाला आयसीएआयचे सेंट्रल कौन्सिल मेंबर सीए मंगेश किनरे उपस्थित होते.
प्रथम मावळते अध्यक्ष सीए सनित मुथा यांनी स्वागत करून नूतन पदाधिकार्‍यांची घोषणा केली. यावेळी त्यांनी आपले मनोगत व्यक्त करताना नगर सीए शाखेच्या आपल्या प्रवासात सहभागी सर्वांविषयी कृतज्ञता व्यक्त केली.
नूतन अध्यक्ष सीए प्रसाद पुराणिक यांनी निवडीबद्दल आभार मानून ध्येय, धोरण व येत्या वर्षातील उपक्रमाविषयी माहिती दिली.
नूतन उपाध्यक्ष सीए अभयकुमार कटारिया यांनी विद्यार्थी शाखेचे नूतन अध्यक्ष म्हणून उपक्रमाविषयी माहिती दिली.
तसेच सचिव सीए महेश तिवारी व खजिनदार सीए महेश भळगट, सभासद सीए सुनंदा रच्चा व चांसी आगरवाल यांनीही मनोगत व्यक्त केले.
कार्यक्रमाचे अध्यक्ष सीए मंगेश किनरे यांनी बोलताना प्रथम सर्व नूतन पदाधिकार्‍यांचे अभिनंदन केले. तसेच नगर सीए शाखेला व विद्यार्थी शाखेला सन २०२४-२५ साठी उत्कृष्ठ शाखेचा प्रथम पुरस्कार मिळाल्याबद्दल नगर शाखेचेही अभिनंदन केले. नूतन पदाधिकार्‍यांना अधिक कार्यक्षमतेने व प्रभावी काम करण्यासंदर्भात मार्गदर्शन केले. यावेळी नगर शाखेचे माजी अध्यक्ष सीए मोहन बरमेचा, सीए आयपी अजय मुथा  व सीए ज्ञानेश कुलकर्णी यांची भाषण झाले. कार्यक्रमाला माजी अध्यक्ष सीए संजय देशमुख, सीए मिलिंद जांगडा, सीए सुशील जैन, सीए प्रसाद भंडारी, सीए (डॉ.) परेश बोरा, सीए संदीप देसरडा, सीए पवनकुमार दरक, सीए ज्ञानेश्वर काळे तसेच इतर सीए सभासद आदी उपस्थित होते.
उपाध्यक्ष सीए अभयकुमार कटारिया यांनी आभार मानले तर सीए शतानंद कळेढोणकर यांनी कार्यक्रमाचे सूत्रसंचालन केल

नगर – धारदार तलवार घेऊन फिरणार्‍या एकास भिंगार कॅम्प पोलीसांनी शिताफीने पकडून त्याच्याकडील धारदार तलवार  जप्त करुन त्यास ताब्यात घेतले. ही कारवाई ८ मार्च रोजी भुईकोट किल्ल्याजवळ नगर लबकडे जाणारे रोडवर केली.
फूरकान अन्वर कुरेशी (वय २५ रा नागरदेवळे फाटा, ता. नगर) असे पकडण्यात आलेल्याचे नाव आहे.
याबाबत समजलेली माहिती अशी की, भिंगार कॅम्प पोलीस ठाण्याचे पोलीस अंमलदार दिपक शिंदे यांना मिळालेल्या माहितीवरुन स.पो.नि. जगदीश मुलगीर यांनी पोलीस पथकास तत्काळ कारवाई करण्याचे आदेश दिले. पथकातील अंमलदार यांनी माहिती मिळालेल्या ठिकाणी जाऊन सापळा लावला असता काही वेळात माहिती प्रमाणे एकजण नगर लबकडे पायी येताना दिसला. त्यास पोलिसांची चाहूल लागताच तो पळून जाण्याचे तयारीत असताना त्यास जागीच पकडून त्याची झडती घेतली असता त्याचे कंबरेला लावलेली धारदार तलवार मिळून आल्याने त्यास त्याचे नाव विचारले असता त्याने फूरकान अन्वर कुरेशी असे सांगितले. पोलिसांनी त्यास तलवारीसह ताब्यात घेतले.
या प्रकरणी भिंगार कॅम्प पोलीस ठाण्यात फूरकान कुरेशी याच्याविरुद्ध भारतीय हत्यार कायदा कलम ४/२५ प्रमाणे दाखल करण्यात आला. ही कारवाई भिंगार कॅम्प पोलीस ठाण्याचे सहाय्यक पोलीस निरीक्षक जगदीश मुलगीर
यांच्या सूचनेनुसार पोलीस अंमलदार कैलास सोनार, दिपक शिंदे, विलास गारुडकर, रवी टकले, पांडुरंग बारगजे, अंकुश कासार, कैलास शिरसाठ, समीर शेख यांनी केली

रामेश्वर ढाकणे यांचे प्रतिपादन; मुख्य डाकघर मध्ये महिला दिनानिमित्त होम मिनिस्टरचा रंगला कार्यक्रम; पोस्टल महिला कर्मचार्‍यांनी लुटला आनंद

नगर – योग्य संस्कार व संस्कृतीचा अवलंब करून आज समाजात वावरणार्‍या महिला आज उच्च पदावरती काम करत आहेत, जागतिक महिला दिनानिमित्त त्यांचा देश सेवा करणार्‍या सर्व महिला कर्मचार्‍यांच्या योग्य तो सन्मान करणे हे आपले
कर्तव्य आहे असे प्रतिपादन अहिल्यानगर पोस्टल सोसायटीचे चेअरमन रामेश्वर
ढाकणे यांनी व्यक्त केले.
अहिल्यानगर मुख्य डाकघर येथे महिला दिनानिमित्त होम मिनिस्टरचा कार्यक्रम रंगला होता. विविध स्पर्धेने होम मिनिस्टरच्या कार्यक्रमात महिला कर्मचार्‍यांमध्ये उत्साह संचारला होता. सर्व महिलांनी या कार्यक्रमात एकत्र येऊन स्त्री
शक्तीचा जागर केला. अहिल्यानगर वरिष्ठ डाक अधीक्षक हेमंत खडकीकर यांच्या अध्यक्षतेखाली हा कार्यक्रम पार पडला.
तसेच युनियनचे सेक्रेटरी प्रमोद कदम व सलीम शेख यांनी सर्व महिलांचा पुष्पगुच्छ देऊन सन्मान केला. खासदार निलेश लंके यांनी फोनवरून महिला दिनाच्या शुभेच्छा देत, महिला कर्मचार्‍यांसाठी होम मिनिस्टरचा कार्यक्रम घेतल्याबद्दल कौतुक केले. वेगवेगळ्या उखाण्यांसहित महिलांच्या वारीने या होम मिनिस्टरच्या कार्यक्रमास प्रारंभ झाला. यामध्ये रिंग
फेकणे, फुगे उडवणे आणि नाव घेणे यांसारखे खेळ खेळले गेले. राजेंद्र टाक यांनी विविध स्पर्धा घेतल्या. रंगलेला
हा खेळ पैठणीच्या कार्यक्रमात विविध स्पर्धेचा सामना करीत महिलांनी मनोरंजनात्मक खेळाचा आनंद लुटला.
कार्यक्रमात सहभागी झालेल्या महिलांना आकर्षक बक्षिसे प्रदान करण्यात आली. यामध्ये प्रथम क्रमांकाची पैठणी
साडीचे बक्षीस श्रीमती ऋतुजा कराळे यांनी पटकाविले. तसेच द्वितीय क्रमांकाचे बक्षीस नीलिमा शुक्रे व प्रश्नमंजुषा
या स्पर्धेमध्ये विविध महिलांना आकर्षक बक्षीसे देण्यात आली. या कार्यक्रमासाठी सर्व पोस्टल महिलां
कर्मचार्‍यांचा प्रतिसाद लाभला. आगळावेगळा कार्यक्रम पोस्टल विभागामध्ये आयोजित निवृत्त महिलांसाठी हा
एक मनोरंजनात्मक कार्यक्रम ठरला. हेमंत खडकीकर म्हणाले की, प्रत्येक महिलेमध्ये विविध सुप्त कलागुण असतात. पण संसाराच्या जबाबदार्‍या पेलविताना तिच्यामध्ये असलेले कलागुण कोमजतात. या कार्यक्रमातून तिच्या कलागुण वाव देण्याचा प्रयत्न करण्यात आला असल्याचे त्यांनी सांगितले. कुटुंब, नोकरी आणि विविध क्षेत्रात गुंतलेल्या महिलांना थोडा वेळ स्वतःसाठी मिळावा या उद्देशाने या कार्यक्रमाची रुपरेषा आखण्यात आल्याचे प्रमोद कदम यांनी स्पष्ट केले.
तसेच या कार्यक्रमांमध्ये स्त्री शक्तीचा संदेश देण्यासाठी नृत्य सादर करण्यात आले. प्रास्तविक प्रफुल्ल कुमार काळे यांनी केले. आभार गणेश केसकर यांनी मानले. यासाठी पोस्टल कर्मचारी शुभांगी मांडगे, सपना चिलवर, रूपाली निसाळ, अश्विनी फुलकर, मोनाली हिंगे, अर्चना लांडे, सीमा कचरे, नीलिमा शेकटकर, ज्योती कांबळे, संयुक्ता पोळ, नमिता देशपांडे, स्मिता साखरे, शुभांगी सस्कर, स्मिता कुलांगे, शरद नऊसुपे, अजय आगळे, दत्तात्रय जासुद, रामराव धस,
अजय खेडकर, सुखदेव पालवे, सागर कळगुंडे, संदीप मिसाळ, राजेंद्र गवते, संजय परभने, सुनील कुलकर्णी,
शिवाजी कांबळे, विजय चाबुकस्वार, नितीन खेडकर, महेश टकले उपस्थित होते