भुताखेतांबाबत ज्या काल्पनिक गोष्टी असतात त्यामध्ये त्यांच्या उलट्या पावलांचाही समावेश असतो. याचा मतितार्थ इतकाच की, माणसाला पावलं वळवण्यासारखे प्रकार करता येणार नाहीत; मात्र एक महिला असे करू शकते. तिच्याकडील ही कला क्षमता अनेक लोक थक्क होतात. ही महिला आपल्या दोन्ही पावलांना बर्‍याच अंशी मागे फिरवू शकते. याबाबत तिच्या नावाची गिनिज बुकमध्येही नोंद झाली आहे. केल्सी गु्रब असे या महिलेचे नाव. 32 वर्षांची केल्सी न्यू मेक्सिकोमध्ये राहते. ती तिचे पाय 171.4 अंशांपर्यंत मागे फिरवू शकते. केल्सी म्हणाली, माझे पाय खूपच लवचिक आहेत. मात्र, त्याची मलाही जाणीव नव्हती. बहुतेक लोक त्यांचे पाय काही अंशच फिरवण्यात यशस्वी होतात. सुरूवातीला मलाही वाटले की, मी 90 अंशांपर्यंतच असे करू शकेन: मात्र मला ज्यावेळी याबाबतच्या रेकॉर्डबाबत समजले, त्यावेळी मी त्याचा सराव करण्यास सुरूवात केली. अखेर याबाबतचा विक्रम माझ्या नावावर झाला. केल्सीच्या नावे पावले मागे वळवण्याचा विक्रम महिला गटात आहे, तर पुरूष गटात असा विक्रम अमेरिकेच्या आरोन फोर्डच्या नावावर आहे. तो त्याचे पाय 173.03 अंशांपर्यंत फिरवू शकतो. केल्सीला या कौशल्याचा फायदा आणखी एका कामासाठी होतो. आईस स्केटिंगमध्ये तिला हे उपयोगी पडते, असे तिने म्हटले आहे.

एलन मस्क यांनी ‘ट्विटर’ची मालकी घेतल्यापासून या सोशल मीडिया प्लॅटफॉर्मवर अनेक बदल दिसून येत आहेत. आता ट्विवटरचे ब्ल्यू टिकसह व्हेरिफाईड सदस्य ट्विवटर प्लॅटफॉर्मवर 2 तासांपर्यंतचे व्हिडिओ अपलोड करू शकतील. ट्विटरचे सीईओ एलन मस्क यांनी ट्विट करून या नव्या फीचरची माहीती दिली आहे. तथापि, वापरकर्ते कमाल 8 जीबीपर्यंतचेच व्हिडीओ अपलोड करू कशतात. यापूर्वी, हे वापरकर्ते प्लॅटफॉर्मवर 1 तास (जास्तीत जास्त 2 जीबी) पर्यंतचे व्हिडीओ अपलोड करू शकत होते. सामान्य ट्विटर वापरकर्ते (ब्लू टिक नसलेले सदस्य) हे फीचर वापरू शकणार नाहीत. ज्याला ट्विवटरवर दोन तासांपर्यंत व्हिडीओ अपलोड आणि शेअर करायचा असेल, त्याला ट्विटरचे मासिक ब्ल्यू सबस्क्रिप्शन घ्यावे लागेल. नॉन-ब्ल्यू टिक सदस्य सध्या फक्त 140 सेकंद (2 मिनिटे, 20 सेकंद) पर्यंतचे व्हिडीओ ट्विवटरवर अपलोड करू शकतात.

ब्लू सबस्क्रिप्शन सेवेची किंमत भारतातील अँड्रॉईड आणि आयओएस मोबाईल वापरकर्त्यांसाठी दरमहा 900 रूपये आहे. वेब वापरकर्ते 650 रूपये प्रति महिना ब्लू सबस्क्रिप्शन सेवा घेऊ शकतात. मस्क यांना 2023 च्या अखेरीस ट्विटरला आर्थिकदृष्ट्या मजबूत करायचे आहे. महसूल वाढवण्यासाठी त्यांनी ब्लू सबस्क्रिप्शन सेवेत बदल केले आहेत. ट्विटरने गेल्या महिन्यात अक्षर मर्यादा 280 वरून 10,000 पर्यंत वाढवली. म्हणजेच तुम्ही इथे कोणताही अथडळा न येता संपूर्ण लेख लिहू शकता. एवढेच नाही तर आता ट्विटरवर बोल्ड आणि इटालिक असे टेक्स्ट फॉरमॅटिंग देखील वापरता येणार आहे.

बर्‍याच वेळा आपण नेहमी वापरत असलेल्या वस्तूंचीही आपल्याला पुरेशी माहिती नसते. रेफ्रिजरेटर हे किचनमधील सर्वात महत्त्वाच्या अप्लायन्सपैकी एक आहे. उन्हाळ्यात अन्नपदार्थ खराब होण्यापासून रोखण्यासाठी आणि पदार्थ थंड करण्यासाठी याचा वापर केला जातो. आजकाल जवळपास प्रत्येकाच्या घरात फ्रीज दिसतील. गरजेनुसार कंपन्या वेगवेगळ्या क्षमतेचे फ्रीज तयार करतात. घरात वापरल्या जाणार्‍या बहुतेक रेफ्रिजरेटरमध्ये फ्रीजरवरती असल्याचे तुम्ही पाहिले असेलच; पण असे का होते याचा कधी विचार केला आहे का? फ्रीजर फ्रीजच्या तळाशी का ठेवले जात नाही? (काही लोकांना वाटते की फ्रीजर वर ठेवले आहे, जेणेकरून लहान मुले त्यात ठेवलेली आईस्क्रीम बाहेर काढून खाऊ शकणार नाहीत. यामागे एक वैज्ञानिक कारण आहे. फ्रीजमध्ये वरच्या दिशेने का दिलेे जाते ते जाणून घेऊया.

सर्वात आधी, आपण जाणून घेऊया की, गरम हवा हलकी असते आणि थंड हवा जड असते. फ्रीजमधील फ्रीझर कंपार्टमेंटचे तापमान सर्वात कमी राहते. त्यामुळे आजूबाजूची हवाही थंड राहते. आता थंड हवा जड असते. म्हणूनच ती खाली येते आणि खालील गरम हवा किंवा वरीलपेक्षा किंचित जास्त तापमान असलेली हलकी हवा वर जाते. ही गरम हवा वर जाते आणि फ्रीझरवर आदळते आणि पुन्हा थंड होते. तेव्हा ती थंड होते, तेव्हा ती पुन्हा खाली येते आणि खाली असलेली गरम हवा रिप्लेस करून पुऩ्हा वर पाठवते. अशाप्रकारे हे चक्र चालू राहते आणि संपूर्ण फ्रीजमध्ये तापमान योग्य राहते. फ्रीझर खाली ठेवल्यास, जड असलेली थंड हवा तळाशी राहील आणि वरची उबदार हवा वरच्या बाजूला राहिल. या कॉम्बिनेशनमध्ये फ्रीजमध्ये योग्य कूलिंग होत नाही. फ्रीजरवरती ठेवण्याचा एक फायदा म्हणजे फ्रीज बंद केल्यावर, फ्रीजरला टक्कर देऊन हवेचे थंड होऊन खाली येण्याची सायकल चालत राहते. ज्यामुळे फ्रीजमध्ये प्रॉपर कूलिंग बॅलेन्स राहते.

जपानच्या एका कंपनीने जगातील सर्वात महागडे आईस्क्रीम बनवण्याचा विक्रम गिनिज बुकमध्ये नोंदवला आहे. या आइस्क्रीमची किंमत 8 लाख 73 हजार 400 जपानी येन इतकी आहे. भारतीय रूपयांत याची किंमत 5.2 लाख इतकी आहे. असे काय खास आहे या आहे इतकी किंमत जाणून घेऊ या सर्व काही…. जपानच्या आईस्क्रीम ब्रँडने जगातील हे सर्वात महागडे आईस्क्रीम तयार केले आहे. हे आइस्क्रीम विकसित करण्यासाठी या कंपनीला तब्बल दीड वर्ष लागला. या आइसक्रीमला बायकुया असे नाव देण्यात आले आहे. सेलाटोने यासाठी जपानमधील रिवी या रेस्टॉरंटमधील मुख्य शेफ तदायोशी यामदा यांना नेमले होते. यामदा हे कल्पनारम्य फ्यूजन पाककृती बनवण्यासाठी ओळखले जातात. या आईस्क्रीममध्ये ब नि वापरलेले घटक हे या आईस्क्रीमचे सगळ्यात मोठे वैशिष्ट्य असून हेच घटक इतक्या अवाढव्य किंमतीसाठी कारणीभूत ठरले. बायकुया नावाचे सर्वात महागडे आईस्क्रीम बनवणे हे सेलाटोचे एकमेव ध्येय नव्हते. त्यांना आइस्क्रीमच्या स्वरूपात युरोपियन आणि जपानी घटक एकत्र करायचे होते. या आईस्क्रमध्ये इटलीत उगवणारा दुर्मिळा पांढरा ट्रफल, ज्याची किंमत प्रति किलो 2 दशलक्ष जपानी येन इतकी आहे. आईस्क्रीमच्या टेस्टिंग दरम्यान ज्या कर्मचार्‍यांनी याचा आस्वाद घेतला, त्यांनी या आईस्क्रीमविषयी सांगितले की आईस्क्रीम समोर येताच पांढर्‍या ट्रफलचा मजबूत सुगंध तुम्हाला आकर्षित करतो. नंतर त्यामध्ये पारमिगियानो आणि रेगियानो फळाची चव येते.

ब्रिटनच्या वेल्समध्ये एका मेटल डिटेक्टोरिस्टने लोह युगातील भांडी शोधून काढले आहे. तसेच याठिकाणी रोमन काळातील नाणीही सापडली आहेत. मात्र, या खजिन्यातील एक महत्त्वाचा शोध म्हणजे बैलाचे मुख असलेले वैशिष्ट्यपूर्ण बाऊल. हे वाडगे कलाकुसरीच्या दृष्ठीनेही अतिशय सुंदर आहे. या शोधाला खुद्द ब्रिटीश सरकारनेच ‘खजिना’(ट्रेजर) घोषित केले आहे. जॉन मॅथ्युज या माणसाने हा खजिना शोधला. नैऋत्य वेल्समधील मॉनमाऊथशायर या कौंटीमध्ये हा खजिना शोधण्यात आला. हा खजिना खरोखरच अत्यंत सुंदर आहे असे त्याने म्हटले आहे. त्याने हा शोध घेतल्यानंतर त्याने स्थानिक अधिकार्‍यांशी संपर्क साधून तिथे पुढील संशोधन करण्याची विनंती केली. या खजिन्यात इसवी सन पूर्व 750 ते इसवी सन 43 या काळातील अनेक भांड्यांचा समावेश आहे. त्यामध्येच मुठीवर बैलाचे मुख असलेल्या या बाऊलचा समावेश होतो. त्याचे मुख आणि बाकदार शिंगे उठावदार आहेत.

‘क्लोनिंग’चे तंत्र आता जगभरातील लोकांना ठावूक आहे. ‘डॉली’मेंढीचा क्लोनिंगच्या तंत्राने जन्म जगभर प्रसिद्ध झाले होते. यामध्ये एखाद्या प्राण्याची हुबेहुब ‘कॉपी’असलेला प्राणी जन्माला घालता येऊ शकतो. आता एका तरूणीने आपले ‘एआय क्लोन’बनवले आहे. त्याचा उद्देश अनेक तरूणांशी डेटिंग करून त्या माध्यमातून कमाई करणे हा आहे! या तरूणीचे नाव आहे कॅरिन मार्जोरी. जॉर्जियामधील या तरूणीने आता जगाचे लक्ष वेधून घेतले आहे. आपले ‘एआय क्लोन’ बनवून ती जे काम करीत आहे ते सध्या जगभर चर्चेचा विषय बनलेले आहे. तिने ‘आर्टिफिशियल इंटेलिजन्स’च्या मदतीने आपले एक आभावी क्लोन बनवले आहे. त्याचा वापर करून ती बॉयफ्रेंरड बनवते आणि त्याच्याशी डेट करते. आतापर्यंत ती अशा एक हजार मुलांसमवेत डेट करीत आहे. आपल्या एआय क्लोनच्या माध्यमातून डेटिंग करीत ती प्रतिमिनिट 1 डॉलर म्हणजेच 80 रूपये शुल्क आकारते. कॅरीन मार्जोरीच्या या एआय बॉटने आतापर्यंत 71,610 डॉलर्स म्हणजे 58 लाख रूपयांपेक्षाही अधिक कमाई केली आहे. मार्जोरीचे म्हणणे आहे की ‘एआय साथीदार’हा भविष्यात ऑनलाईन टॉकचा इक अभिन्न हिस्सा बनू शकतो. ‘कॅरिनएआय’च्या यशाने तिची मासिक कमाई 5 दशलक्ष डॉलर्स म्हणजेच सुमारे 41.12 कोटी रूपयांची होऊ शकते. जर तिच्या 1.8 फॉलोअर्सपैकी वीस हजार लोकांनीही लॉगइन केले तर हे सहजशक्य आहे. लोक कॅरिनच्या व्हर्च्युअल क्लोनबरोबर वेळ घालवण्यासाठी ‘कॅरिनएआय’वर साईनअप करीत आहेत. तिचे म्हणणे आहे की जगात एकाकी माणसांची संख्या मोठी आहे. एकाच वेळी एक व्यक्ती अनेकांना सोबत करू शकत नाही. अशावेळी हे काम ‘एआय’करू शकते!

निसर्गाचा एक मनमोहक आविष्कार म्हणजे फुलपाखरं, रंगीबेरंगी, फुलांवरून भिरभिरणारी फुलपाखरं डोळ्यांनान सुखद विसावा देत असतात. आता संशोधकांनी फुलपाखरांचा जगातील सर्वात मोठा वंशवृक्ष बनवला आहे. त्यानुसार सध्याच्या मध्ये आणि उत्तम अमेरिकेतील पतंगांपासून पहिल्यावहिल्या फुलपाखरांचा विकास झाला. तब्बल दहा कोटी वर्षांपूर्वी अशा पद्धतीने तिथे फुलपाखरं विकसित झाली. त्या काळात पृथ्वीवरील सुरूवातीचा एकच खंड असलेला ‘पँजिया’ भंगण्याच्या मार्गावर होता. उत्तर अमेरिका खंड पूर्व आणि पश्‍चिम अशा दोन भागांमध्ये विभाजित झाला. या खंडांच्या पश्‍चिमेकधील भागात फुलपाखरं विकसित झाली. सध्या फुलपाखरांच्या अंदाजे 20 हजार प्रजाती अस्तित्वात आहेत. त्या अंटार्क्टिका वगळता जगातील सर्व खंडांमध्ये आढळतात. यापूर्वीही संशोधकांना फुलपाखरं कधी विकसित झाली याबाबतची माहिती होती; पण ती नेकमी कधी विकसित झाली आणि त्यांचा सुरूवातीच्या काळातील आहार काय होता, हे माहिती नव्हते. फ्लोरिडा म्युझियम ऑफ नॅचरल हिस्ट्री येथील क्युरेटर आणि फुलपाखरांचे अभ्यासक अकितो कावाहारा यांच्या नेतृत्वाखाली संशोधकांच्या एका पथकाने याबाबतचे संशोधन केले. त्यांनी 90 देशांमधील 2300 प्रजातींच्या फुलपाखरांमधील 391 जनुकांची संगती लावून त्यांचा नवा वंशवृक्ष तयार केला. त्यामध्ये सध्याच्या ज्ञात अशा 92 टक्के प्रजातींचा समावेश झालेला आहे. याबाबतच्या संशोधनाची माहिती ‘नेचर इकॉलॉजी अँड इव्होल्युशन’या नियतकालिकाच्या 15 मे रोजी प्रसिद्ध झालेल्या अंकात देण्यात आली आहे.