‘ट्विवटर’… ‘दोन पाऊल पुढे

0
70

एलन मस्क यांनी ‘ट्विटर’ची मालकी घेतल्यापासून या सोशल मीडिया प्लॅटफॉर्मवर अनेक बदल दिसून येत आहेत. आता ट्विवटरचे ब्ल्यू टिकसह व्हेरिफाईड सदस्य ट्विवटर प्लॅटफॉर्मवर 2 तासांपर्यंतचे व्हिडिओ अपलोड करू शकतील. ट्विटरचे सीईओ एलन मस्क यांनी ट्विट करून या नव्या फीचरची माहीती दिली आहे. तथापि, वापरकर्ते कमाल 8 जीबीपर्यंतचेच व्हिडीओ अपलोड करू कशतात. यापूर्वी, हे वापरकर्ते प्लॅटफॉर्मवर 1 तास (जास्तीत जास्त 2 जीबी) पर्यंतचे व्हिडीओ अपलोड करू शकत होते. सामान्य ट्विटर वापरकर्ते (ब्लू टिक नसलेले सदस्य) हे फीचर वापरू शकणार नाहीत. ज्याला ट्विवटरवर दोन तासांपर्यंत व्हिडीओ अपलोड आणि शेअर करायचा असेल, त्याला ट्विटरचे मासिक ब्ल्यू सबस्क्रिप्शन घ्यावे लागेल. नॉन-ब्ल्यू टिक सदस्य सध्या फक्त 140 सेकंद (2 मिनिटे, 20 सेकंद) पर्यंतचे व्हिडीओ ट्विवटरवर अपलोड करू शकतात.

ब्लू सबस्क्रिप्शन सेवेची किंमत भारतातील अँड्रॉईड आणि आयओएस मोबाईल वापरकर्त्यांसाठी दरमहा 900 रूपये आहे. वेब वापरकर्ते 650 रूपये प्रति महिना ब्लू सबस्क्रिप्शन सेवा घेऊ शकतात. मस्क यांना 2023 च्या अखेरीस ट्विटरला आर्थिकदृष्ट्या मजबूत करायचे आहे. महसूल वाढवण्यासाठी त्यांनी ब्लू सबस्क्रिप्शन सेवेत बदल केले आहेत. ट्विटरने गेल्या महिन्यात अक्षर मर्यादा 280 वरून 10,000 पर्यंत वाढवली. म्हणजेच तुम्ही इथे कोणताही अथडळा न येता संपूर्ण लेख लिहू शकता. एवढेच नाही तर आता ट्विटरवर बोल्ड आणि इटालिक असे टेक्स्ट फॉरमॅटिंग देखील वापरता येणार आहे.