अग्निहोत्र जयंतीनिमित्त अग्निहोत्र प्रचारक समिती व दत्तनगर वसाहतीच्या संयुक्त सहकार्याने पाईपलाईन रस्ता सावेडीतील दत्त मंदिर प्रांगणात सामुदायिक अग्निहोत्र करण्यात आले आहे

नगर – अग्निहोत्र जयंतीनिमित्त अग्निहोत्र प्रचारक समिती व दत्तनगर वसाहतीच्या संयुक्त सहकार्याने पाईपलाईन रस्ता सावेडीतील दत्त मंदिर प्रांगणात सामुदायिक अग्निहोत्र करण्यात आले आहे, यामध्ये पन्नास अग्निहोत्र सामुदायिक रित्या
प्रज्वलित करून आहुती देण्यात आली. युगप्रवर्तक माधव पोतदार यांच्याद्वारे १९६३ साली प्रथम अग्निहोत्र महायज्ञाला
प्रारंभ झाला. २२ फेब्रुवारी १९६३ ला हजारो वर्षांपूर्वी लुप्त झालेल्या या मूळ विधीला माधवस्वामीजींनी मनुष्यमात्रच्या
कल्याणासाठी पुनरुज्जीवित केले. मध्यप्रदेशची राजधानी भोपाळच्या जवळच असलेल्या बैरागड येथे माधवाश्रम हे
संस्थान आहे. हे संस्थान गेल्या ६० वर्षापासून विश्व कल्याणार्थ केवळ ५ नियमांच्या आधारे निरंतर अग्निहोत्र प्रचार-प्रसाराचे कार्य करत आहे, अशी माहिती अग्निहोत्र प्रचारक सौ. चेतना राजन साळुंके यांनी दिली. त्या पुढे म्हणाल्या, अग्निहोत्राला
सूर्योदय व सूर्यास्ताची केवळ दोन, दोन मिनिटे लागतात. मात्र अग्निहोत्र आपल्या जीवनातील सर्व समस्यांचे एकमेव समाधान
आहे, कारण अग्निहोत्र तुम्हाला थेट निसर्गाशी जोडते. आज प्रदूषणाचा सामना करणे आणि त्यापासून आपले संरक्षण करणे हे प्रत्येकाचे कर्तव्य बनले आहे. ही प्रत्येक कुटुंबाची जबाबदारी आहे. अग्निहोत्र याचे अत्यंत प्रभावी समाधान आहे.
अग्निहोत्र जयंतीनिमित्त अग्निहोत्र प्रचारक समिती यांचे सहकार्याने तत्काळ अग्निहोत्र प्रारंभ करण्यासाठी एक अग्निहोत्र
पात्र, देशी गाईच्या गोवर्‍या, अखंड तांदूळ आणि देशी गाईचे शुद्ध तूप, वेळापत्रक, वेदमंत्र, व २ ग्रंथ असे साहित्य सवलतीच्या दरात उपलब्ध करण्यात आले. नव्याने अग्निहोत्र चालू करू इच्छिणार्‍यांसाठी ही सवलत उपलब्ध
आहे. अधिक माहितीसाठी राजन साळुंके (९४२४६७८५४९, ७०२०८७६०९८) यांच्याशी संपर्क साधावा, असे समितीतर्फे
आवाहन करण्यात आले. याचा लाभ घ्यावा, असे आवाहन करण्यात येत आहे.

नगर – वंडर किड्स स्कूल येथे विज्ञान दिनाचे औचित्य साधून विज्ञान प्रदर्शनाचे आयोजन करण्यात आले. यात विद्यार्थ्यांनी  विविध वैज्ञानिक  संकल्पना प्रभावीपणे सादर केल्या. उद्घाटन डॉ. दमयंती गुंजाळ (स्त्री रोग तज्ञ), लेखिका समिधा
गुंजाळ आणि अविनाश लासेसचे संस्थापक अविनाश जाधव यांच्या हस्ते झाले. या प्रदर्शनात विद्यार्थ्यांनी विविध वैज्ञानिक संकल्पना सादर केल्या असून, सर्जनशील प्रकल्प आणि नवकल्पना यांना प्रतिसाद मिळाला. प्रमुख पाहुण्यांनी विद्यार्थ्यांचे कौतुक करत विज्ञानाच्या माध्यमातून समाजहिताचे नवे शोध घेण्यास प्रवृत्त केले. कार्यक्रमास विद्यार्थी, पालक आणि शिक्षक उपस्थित होते. या कार्यक्रमाला शाळेच्या संस्थापिका मिसेस वैशाली जाधव, प्राचार्या मोनिका दारवेकर, तसेच संपूर्ण  शिक्षकवृंद उपस्थित होता. विद्यार्थ्यांनी पाणीचे स्रोत(Sources of Water), वनस्पतींचा उपयोग (uses of Plants), सौरमंडळ (Solar System), तसेच प्राण्यांची निवासस्थाने (House of Animals) यांसारख्या रोचक प्रकल्पांचे सादरीकरण केले. विद्यार्थ्यांच्या नाविन्यपूर्ण संकल्पनांना उपस्थित पालक आणि शिक्षकांनी प्रतिसाद दिला. अशा उपक्रमांमुळे विद्यार्थ्यांमध्ये वैज्ञानिक दृष्टिकोन विकसित होण्यास मदत होते, असे मत प्राचार्या मोनिका दारवेकर यांनी व्यक्त केले.
कार्यक्रमाच्या यशस्वी आयोजनाबद्दल शाळेच्या संस्थापिका मिसेस वैशाली जाधव यांनी विद्यार्थ्यांचे आणि शिक्षकांचे कौतुक केले. विज्ञानप्रेम वाढवण्यासाठी भविष्यातही अशा प्रदर्शनांचे आयोजन केले जाणार असल्याचे त्यांनी सांगितले.

हभप दुतारे महाराज यांचे प्रतिपादन; आयोध्यानगरीत काल्याचे किर्तनाने महाशिवरात्र उत्सवाची सांगता

नगर – भारतीय संस्कृतीमध्ये प्राचीन प्रार्थना स्वतःचे संरक्षण, चांगले जीवन घडविण्यासाठी नव्हत्या. सर्व प्राचीन प्रार्थना नेहमीच, हे प्रभू मला नष्ट कर म्हणजे मी तुझ्यासारखा होऊ शकेल. अशा होत्या म्हणून शिवरात्री ही ज्या दिवशी असते ती सर्वात काळोखी रात्र आहे. शिव हा संहारक तर दुसरीकडे कृपाळू असा ओळखला जातो. महाशिवरात्र ही शिव शंकराची कृपा ग्रहण करण्यासाठी एक खास रात्र आहे. त्यामुळे महाशिवरात्र तुमच्या आमच्या साठी फक्त जागरणाची रात्र नाही
तर जागृतीची रात्र आहे, असे विवेचन हभप गोरक्षनाथ दुतारे महाराज यांनी काल्याचे कीर्तना मधून केले. सावेडी उपनगरात पाईपलाईन रोडवरील श्रीराम चौकात आयोध्या नगरी येथे श्री महादेव प्रतिष्ठान तर्फे मंदिरात महाशिवरात्र उत्सव साजरा करण्यात आला. उत्सवाची सांगता काला फोडून महाप्रसादाचे वाटप करून करण्यात आली. यावेळी हभप दुतारे महाराज
यांनी शिवरात्रीचे महत्व आध्यात्मिक धार्मिक प्राचीन काळातील महाशिवरात्रीचे वर्णन कीर्तनामधून केले. यावेळी हे भोळ्या शंकरा, तुला आवड बेलाच्या पानाची, मीरा-मोहन यांची गाणी सादर केली. कीर्तनातून महादेवांचे महत्त्व सांगताना त्यांनी वेगवेगळी नावे कशी पडली.त्यांनी जगाच्या कल्याणासाठी स्वतः विष प्राशन केले. समुद्रमंथनातून निघालेले हलाहल प्राशन केले. ते आपल्या कंठात साठविले. त्यामुळे निळकंठ हे नाव पडले अशा खूप कथा आपल्या सर्वांच्या परिचयाच्या आहेत.
असे सांगून काल्याचे महत्व विशद केले. परमार्थात सुख मिळवायचे असेल तर नामस्मरणासारखे साधन नाही. या
नामस्मरणामुळे मनाला मिळणारे समाधान कुठेच मिळत नाही. असे त्यांनी सांगितले. प्रास्ताविकात दिनकरराव
थोरात यांनी महादेव प्रतिष्ठानतर्फे दरवर्षी महाशिवरात्रीचा उत्सव मोठ्या भक्ती भावाने होत असतो. महाशिवरात्रीला परिसरातून शोभायात्रा निघते. शंकर-पार्वती, राधा श्रीकृष्ण, राम-सीता अशा वेशभूषेत छोटी मोठी मुले सहभागी होतात. कार्यक्रमासाठी या भागातील दानशूर व्यक्ती, उद्योजक, रहिवासी सहकार्य करतात. प्रतिष्ठानचे शिवाजीराव लगड, शंतनु पांडव, दिनेश कुलकर्णी, कैलास शेळके, बुरगुल, सर्व कार्यकर्ते परिश्रम घेतात. यामुळे या उत्सवाची शोभा वाढते.
स्थानिक नगरसेवक कायम सहकार्य करत असतात याबद्दल आभार श्री. थोरात यांनी मानले. या काल्याच्या कीर्तनामध्ये हभप गोरक्षनाथ दुतारे यांना तबला वादक हर्षद भावे, संवादिनी वादक गणेश बारगजे, ढोल वादक अजित गुंदेचा, बॅन्जो वादक कुलदीप चव्हाण, पॅड वादक रमेश कार्ले आदींनी साथ दिली

ह.भ.प.संदिप महाराज कळसे यांनी केले कथेचे निरूपण

नगर – तालुयातील इसळक येथे प्रभु श्रीरामचंद्र व देवी सिता माता यांच्या पवित्र पदस्पर्शाने पुणीत झालेल्या तसेच श्री समर्थ सद्गुरू योगिराज हरिहर महाराज व श्री संत गाडगे महाराज यांच्या पदस्पर्शाने पावन झालेल्या पुण्यभूमीत अर्थात श्री
रामलिंगतिर्थ इसळक येथे अखंड शिवनाम महोत्सव तथा ग्रंथराज शिवलिलामृत पारायण व शिवपुराण कथा उत्साहात व भक्तिमय वातावरणात झाली. २० फेब्रुवारीपासून हा कार्यक्रम सुरु होऊन त्याची सांगता झाली. या कार्यक्रमाची
दैनंदिनी पहाटे ४ ते ६ काकडा आरती, स.६ ते ८ श्रींचे रूद्राभिषेक पूजन व विष्णुसहस्रनाम, ८ ते १० ग्रंथराज शिवलिलामृत पारायण, सांय ४ ते ५ हरिहर नाम जप, ५ ते ६ हरिपाठ व आरती, रात्री ७ ते ९ शिवपुराण कथा व नंतर महाप्रसाद
अशी होती. शिवपुराण कथेचे निरूपण निंबळक येथील शांत, सुस्वभावी, अभ्यासू व अत्यंत रसाळ वाणी असलेले ह.भ.प.संदिप महाराज कळसे यांनी केले. कथेतील सर्व प्रसंग विषद करताना भावीक भक्तांना अत्यंत साध्या, सरळ व सोप्या भाषेत व अनेक उदाहरणांसह मनुष्य जीवनात शिव शंभू अर्थात श्री महादेवांचे महत्त्व पटवून देत सर्व अबालवृद्ध स्री- पुरूष भावीक भक्तांना गेली ७ दिवस मंत्रमुग्ध केले. ही कथा श्रवण करण्यासाठी पंचक्रोशीतील स्री-पुरूष भाविक-भक्त
दररोज हजर असत. येथील मंदिरांना विद्युत रोषणाई केली होती. मंदिरांच्या समोर व पायर्‍यांवर हजारो तेल वातींच्या दिव्यांची रोषणाई करण्यात आली होती. महाशिवरात्रीनिमित्त सकाळपासून ते रात्री उशिरापर्यंत पंचक्रोशीतील भाविक-भक्त दर्शनासाठी दाखल होत होते.  या कार्यक्रमाची सांगता ह.भ.प.मल्लिकार्जुन महाराज सुर्यवंशी यांच्या काल्याच्या किर्तनाने
झाली. येणार्‍या भाविकांसाठी चहा, नाष्टा, दोन वेळेस महाप्रसादाची व्यवस्था गावातीलच दानशूर लोकांनी केलेली होती. हा कार्यक्रम हरिहर महाराज संस्थान ट्रस्ट इसळक यांच्या मार्गदर्शनातून तसेच इसळक-निंबळक मधील तरुण वर्ग, स्वयंसेवक, सरपंच व त्यांचे सहकारी,भक्तगण, विद्यार्थी, भजनी मंडळ, समस्त ग्रामस्थ इसळक-निंबळक यांच्या सहकार्यातून चांगल्या पद्धतीने झाला.

अजिंक्य फिटनेस वर्ल्ड (मि एशिया) चे खेळाडू देवदत्त गुंडु, रोहन सकट यांनी बॉडी बिल्डींग स्पर्धेत यश मिळविले.

नगर – अहिल्यानगर येथील स्टेशनरोडवरील  अजिंय फिटनेस वर्ल्ड (मिस्टर एशिया) चे कोच व खेळाडू देवदत्त प्रविण गुंडु याने सुरत (गुजरात) येथे नुकत्याच झालेल्या ओपन एशिया पॉवरलिफ्टिंग चॅम्पियनशिप २०२५ या स्पर्धेमध्ये १०० किलो
वजन गटात उत्कृष्ट खेळ करत रौप्य पदक तसेच इतर गटात ३ ब्रांझ पदक पटकाविले. या स्पर्धेत अशिया खंडातील ४० देशातील खेळाडुंचा सहभाग होता. या यशामुळे देवदत्त प्रविण गुंडु याची मे किंवा जुन २०२५ महिन्यात थायलंड येथे संपन्न होणार्‍या आंतरराष्ट्रीय पॉवर लिफ्टिंग स्पर्धेसाठी निवड झाली असुन तो भारताच्या टीमचे प्रतिनिधित्व करेल. तसेच याच फिटनेस वर्ल्डचा खेळाडू रोहन सकट याने राहूरी येथे झालेल्या राज्यस्तरीय बॉडी बिल्डींग स्पर्धेत ६५ किलो वयोगटात दुसरा क्रमांक पटकावित मानाचा करंडक पटकावला. या दोघांनी विविध पॉवरलिफ्टिंग स्पर्धेत मिळविलेल्या यशाबद्दल त्यांचा सत्कार अजिंय फिटनेस वर्ल्ड (मि एशिया) यांच्या वतीने संचालक अभिजित गायकवाड व लबचे मुख्य मार्गदर्शक
योगिराज पडोळे यांच्या हस्ते करण्यात येऊन पुढील कार्या साठी शुभेच्छा देण्यात आल्या. याप्रसंगी संचालक सुरेश गायकवाड, अजित व प्रशांत गायकवाड, कोच गुलशनसिंग, गणेश साबळे, दिपक दांडगे, रॉबिन भालेराव,
शारुन कांबळे, महिला कोच सुजाता पिले आदी उपस्थित होते. या दोन्हीही खेळाडुंनी याप्रसंगी बोलताना
अजिंय फिटनेस वर्ल्ड मधील आंतरराष्ट्रीय दर्जाची-मशिनरी, उत्कृष्ट मार्गदर्शक, प्रसन्न वातावरण याचे कौतुक केले व या स्पर्धेमध्ये यश मिळविणे यामुळेच शय झाल्याचे त्यांनी सांगितले. संचालक अभिजित गायकवाड यांनी आभार मानले.

नगर – सोमवंशीय क्षत्रीय कासार समाजाचे आराध्य दैवत श्री कालिका माता मंदिराची स्थापना ९० वर्षांपूर्वी झाली असून, हे
मंदिर भाविकांचे श्रद्धास्थान आहे. श्री कालिका देवी संस्थान व कालिका महिला युवक मंडळाच्या प्रेरणेने श्री कालिका देवी मूर्ती वज्र, लेप ९० वा वर्धापन दिन, शतचिंडी यज्ञ सोहळा २ ते ६ मार्च पर्यंत विविध धार्मिक कार्यक्रमाने होणार असल्याची माहिती अध्यक्ष संदीप डांगरे यांनी दिली. २ मार्च रोजी सकाळी ९ ते ६ या वेळेत प्रायश्चित्त संकल्प, गणपती पुण्याहवाचंन, पंचांग कर्म व सप्तशती पाठ आरंभ, मंडल व प्रधान पूजन, स्नपन व प्रतिष्ठा विधी, अभिषेक, अग्नी मंथन व स्थापना हवन, सायंपूजन व आरती, ह.भ.प साहिल महाराज पालकर तळेगावकर चाळीसगाव यांचे हरिकीर्तन. ३ मार्च रोजी प्रांत पूजन, अभिषेक पूजन, देवी सहस्र अर्चन, श्री सुक्त हवन, सायंपूजन व आरती, सायंकाळी ७ ते ९ श्री कालिका भजनी मंडळ अहिल्यानगर यांची सुश्राव्य भजन संध्या. ४ मार्च रोजी किशोर शेरवानी यांची माता की चौकी कार्यक्रम. ५ मार्च रोजी प्रधान हवन, कुमारिका पूजन, कुलस्वामिनी आई कालिका मातेच्या चरणी कुंकूमार्चन. ६ मार्च रोजी उत्तरांग हवन, विशेष हवन, बलिदान, पूर्णाहुती, ब्राह्मण पूजन, सायंकाळी ५ ते १० या दरम्यान आईसाहेबांचा पालखी सोहळा, महाआरती व
महाप्रसादाचे आयोजन केले असल्याची माहिती श्री कालिका देवी संस्थान विश्वस्त मंडळ यांच्या वतीने देण्यात आली आहे.
सोमवंशीय क्षत्रिय कासार समाजाचे आराध्य दैवत श्री कालिका माता होय, श्री कालिका माता कासार समाजाच्या श्री कालिका देवी मंदीरात कशी स्थापना झाली याचा एक इतिहास आज असलेली श्री कालिका माताची मुर्ती फार पुरातन
आहे. ही मुर्ती नगरच्या नालेगांव भागात एका झाडाखाली मारुतीच्या मंदिरापुढे होती. यामुतींवर तेलाचे किटण मोठ्याप्रमाणावर साठलेले होते. शनिदेवतेची ही मुर्ती समजुन लोक त्यामुर्तीला तेल वहात असत त्यामुळे मुर्तीस किटण
होते. कै.शंकरराव देवळालकर यांना देवीने स्वप्नात दृष्टांत दिला. मला तुमच्याकडे (समाजाकडे) घेवून जाऊन माझी स्थापना करा. त्यानुसार कै.शंकरराव देवळालकर समाजातील प्रमुख व्यक्तींकडे आणि नालेगांवच्या पाटलांकडे गेले. सदरची मुर्ती पाटलांकडुन घेतली आणि त्या मुर्तीचे सत्यरुप पाहण्यासाठी स्वच्छ करण्यास तांबटाकडे दिली. गरमपाणी सोडा यांच्या सहाय्याने या मुर्तीचे किटण काढण्यात आले. मुर्तीचे सुन्दर स्वरुप दिसताच ही मुर्ती आपणाकडे ठेवावी
असा मोह झाला. तात्काळ या तांबटाची तब्येत बिघडली जुलाब वांत्या सुरु झाल्याने या तांबटाने ही मुर्ती कासार समाजाच्या स्वाधीन केली. श्री कालिका मातेच्या मूर्तीची स्थापना इमारतीमध्ये फाल्गुन शुल तृतीया शके १८५७ मंगळवार दि. २५/०२/१९३६ रोजी दुपारी ११ वाजता विधीपूर्वक यथासांग करण्यात आली. यानंतर मंदिरात नवरात्र महोत्सव, मंगळवारी
धार्मिक भजन, चैत्र उटीचा, महिला मंडळाचे सामुदायीक मकर संक्रांत व चैत्री हळदी कुंकु असे कार्याक्रम होतात. कोजागिरी पौर्णिमा कार्यक्रम इ. समारंभ होतात. कासार समाजाचे व नगरवासियांचे श्री कालिका मंदिर हे एक श्रद्धास्थान आहे. सन १९५५ साली श्री नवरात्र महोत्सव साजरा करण्यासाठी यथासांग शास्त्रोक्त धार्मिक पद्धतीचा अवलंब करुन करावा यासाठी श्री कालिका यै नमः ॥ हा सव्वा कोटी नाम जप करुन महोत्सवास सुरुवात करण्यात आली. आणि सन १९५८ पासुन श्री कालिका मातेस दररोज बदलती वाहन करण्यात येऊ लागले. व ही परंपरा आजही चालु असुन धनंजय वेळापुरे वाहन तयार करतात. वाहनांमध्ये गजराज, अश्व, कमळ, नंदी, सिंह, मयुर, दैत्यवध, उंट, गरुड, हंस, दसर्‍याला अश्वरथ व कोजागीरीला हरिण इ. वाहने करतात. तसेच नवरात्र महोत्सव काळात होम, भंडारा, तसेच समाजातील
विविध मान्यवरांचा सत्कार, महिला व मुलांसाठी विविध कलागुणांचे कार्यक्रम घेतले जातात. तसेच आजही फाल्गुन शुल तृतीयेला श्री कालिका देवी मुर्ती प्रतिष्ठापणाचा वर्धापन दिन साजरा केला जातो व कार्तिक पोर्णिमा दिपोत्सव साजरा केला जातो. अशी माहिती श्री कालिका देवी ट्रस्ट स्वस्थानाने दिली.

नगर – ३५ व्या महाराष्ट्र राज्य पोलीस क्रीडा स्पर्धेत वेटलिफ्टींग क्रीडा प्रकारात १०० किलो वजनी गटात पीएसआय गणेश चोभे यांना सुवर्णपदक मिळाले. ३५ वी महाराष्ट्र राज्य पोलीस क्रीडा स्पर्धा २०२५ ठाणे येथे १९ फेब्रुवारी ते १ मार्चपर्यंत
पार पडली. वेटलिफ्टींग क्रीडा प्रकारामध्ये १०० किलो वजन गटात चोभे यांनी सुवर्णपदक मिळविले. यापूव २०२४ मध्ये ३४ वी क्रीडा स्पर्धा नाशिक येथे पार पडलेल्या स्पर्धेतही वेटलिफ्टींगमध्ये सुवर्णपदक मिळविले होते. २०२३ मध्ये जळगाव येथे कार्यरत असतांना विशेष शौर्य पुरस्काराने सन्मानित करण्यात आले आहे. महाविद्यालयीन जीवनात विविध स्पर्धांमध्ये सहभाग घेऊन त्यांनी अनेक पदके मिळविली आहेत. सध्या नाशिक पोलीस आयुक्तालय येथे ते कार्यरत आहे.

नगर – रोटरी लब ऑफ अहमदनगर प्रियदर्शनी, प्रयास ग्रुप व नम्रता दादी-नानी ग्रुप यांच्या संयुक्त विद्यमाने विशाल एयुप्रेशर, सुझोक आणि वायब्रेशन चिकित्सा शिबिराचे आयोजन करण्यात आले आहे. या शिबिराचा उद्घाटन समारंभ रोटरी लब ऑफ अहमदनगर प्रियदर्शनीच्या अध्यक्ष रो. मिनल बोरा यांच्या हस्ते झाला. हे शिबिर २८ फेब्रुवारी ते
५ मार्च दरम्यान सप्तक सदन, खिस्तगल्ली, अहिल्यानगर येथे भरवण्यात आले असून, सकाळी ८ ते १२ आणि संध्याकाळी ४ ते ८ या वेळेत रुग्णांना सेवा दिली जाणार आहे. शिबिरात राजस्थान, जोधपूर येथील नैसर्गिक उपचार तज्ज्ञ थेरपिस्ट राजेंद्र सारण (ऊ.अ.ढ. ळप अर्ली.) व थेरपिस्ट टी. आर. जाट (ऊ.अ.ढ. ळप अर्ली.) हे सेवा देणार असून, कोणत्याही औषधाविना जुनाट डोकेदुखी, सायटिका, डोळ्यांचे विकार, व्हेरिकोज वेन्स, स्थूलत्व, सांधेदुखी, ब्लडप्रेशर, गॅस, कंबरदुखी, मानसिक तणाव, लकवा, सायनस, बवासीर, हात-पाय बधीर होणे, मधुमेह, सर्व्हायकल स्पॉन्डिलोसिस यांसारख्या विकारांवर उपचार केले जातील. फक्त २००/- नोंदणी शुल्क भरून रुग्णांना ६ दिवस विनामूल्य उपचार मिळणार असून, प्रत्येक रुग्णाला दररोज २० ते २५ मिनिटे चिकित्सा केली जाईल. रो. मिनल बोरा यांनी सांगितले की, समाजातील सर्वसामान्य नागरिकांना सहज आणि परवडणार्‍या दरात आरोग्य सुविधा उपलब्ध करून देण्यासाठी
रोटरी लब सदैव प्रयत्नशील आहे. या शिबिराचा लाभ घेत नागरिकांनी निरोगी जीवनाचा मार्ग स्वीकारावा.
यावेळी विद्या बडवे, अलका मुंदडा, गीता गिल्डा, प्रतिभा धूत, मंजू मुनोत, आरती लोहाडे, देविका रेळे, अरुणा गोयल, मीनल गंधे, मिनल काळे, सुरेखा भोसले, जयश्री पुरोहित, ज्योती गांधी, हीरा शिरपुरे, लिला अग्रवाल, रेखा फिरोदिया, श्रद्धा
उपाध्ये, सुरेखा जंगम आदी महिला उपस्थित होत्या. या शिबिरात सहभागी होण्यासाठी थेरपिस्ट राजेंद्र सारण (९०२४६ ३५०८९), थेरपिस्ट टी. आर. जाट (९६०२० १७८१५) किंवा रो. मिनल बोरा यांच्याशी संपर्क साधावा.
नागरिकांना याचा लाभ घेण्याचे आवाहन सर्व आयोजकांच्या वतीने करण्यात येत आहे.

निखिल वारे पालकमंत्री राधाकृष्ण विखे पाटील यांच्याकडे निवेदनाद्वारे मागणी

नगर – शासनातर्फे अहिल्यानगर मधील गोरगरीब, सामान्य नागरिकांसाठी अंत्योदय योजना सुरू झाली. त्याचा लाभ सर्वांना
मिळत होता. मात्र गेल्या काही महिन्यापासून नवीन लाभार्थी नोंदणीचे काम बंद आहे. अधिक माहिती घेता असे समजले की
अहिल्यानगरचा इष्टांक पूर्ण झालेला आहे. नवीन लाभ धारकांना लाभ मिळवण्यासाठी नोंदणीसाठी वारंवार चकरा मारून देखील नोंदणी होत नाही. रेशन कार्ड ऑनलाइन करण्यासाठी अडचणी येतात. यासाठी आ.संग्राम जगताप यांचा देखील शासन दरबारी पाठपुरावा सुरू आहे. तरी राधाकृष्ण विखे पाटील यांनी पालकमंत्री या नात्याने या विषयात लक्ष घालून पाठपुरावा करावा, जिल्ह्याचा इष्टांक वाढवून द्यावा, अशी मागणी श्री.वारे यांनी केली. अहिल्यानगरचा इष्टांक पूर्ण झालेला असुन जिल्हाधिकारी यांनी देखील शासनाकडे पत्रव्यवहार केलेला आहे. अद्यापपर्यंत शासनाकडून इष्टांक वाढवून आलेला  नाही. असे श्री.वारे यांनी  सांगितले. वाढवून मिळवावा. या विभागाशी, संबंधित मंत्री, अधिकार्‍यांशी बोलून योग्य तो मार्ग
आपण काढावा, असे श्री. वारे म्हणाले

३ लाख ५० हजारांचा मुद्देमाल हस्तगत, स्थानिक गुन्हे शाखेची कारवाई

नगर – नगर शहर परिसरात वाहनांच्या चोर्‍या तसेच चेन स्नॅचिंग करणारा सराईत आरोपी स्थानिक गुन्हे शाखेच्या पथकाने
पकडला असून त्याच्या कडून १० ग्रॅमची सोन्याची चेन, एक चोरीची रिक्षा व एक मोपेड असा ३ लाख ५० हजारांचा मुद्देमाल हस्तगत करण्यात आला आहे. सोन्या उर्फ सुरज शिवाजी शिंदे (वय ३०, रा.टिळक रोड, कानडे प्रेशर पंपाजवळ, अहिल्यानगर) असे या आरोपीचे नाव आहे. तपासात तीन गुन्हे उघडकीस आले आहेत.  शहर परिसरात चेन
स्नॅचिंगच्या घटना वाढत असल्याने स्थानिक गुन्हे शाखेचे पथक २७ फेब्रुवारी रोजी कोतवाली पोलीस स्टेशन हद्दीत
चेन स्नॅचिंग करणार्‍या आरोपींचा शोध घेत असताना पथकाला माहिती मिळाली की, केडगाव येथून लिंक रोडने अहिल्यानगर शहराकडे एक इसम चोरीची रिक्षा विक्री करण्यासाठी येणार आहे. पथकाने मिळालेल्या
माहितीवरून कल्याण रोडला सापळा रचुन संशयीत आरोपी सोन्या उर्फ सुरज शिवाजी शिंदे याला ताब्यात
घेतले. त्याच्या ताब्यातील रिक्षाबाबत विचारपूस केली असता त्याने सदरची रिक्षा ही पुणे येथून चोरून
आणल्याची माहिती दिली. तसेच, आठ ते दहा महिन्यांपूर्वी नगर-पुणे रोडवर स्वीट होम येथून एका महिलेच्या गळ्यातील सोन्याची चेन ओढून नेल्याचे व दोन महिन्यापूर्वी केंडगाव येथून एक मोपेड दुचाकी योगेश संजय रक्ते (रा. एमआयडीसी,
अहिल्यानगर (पसार) याच्या मदतीने चोरी करून ती श्रीसिध्दीविनायक ट्रेडर्स समोरील काटवनात लपवून ठेवल्याची
माहिती दिली. पोलिसांनी मुद्देमाल जप्त केला आहे. कोतवाली पोलिस ठाण्यातील दोन व चाकण पोलीस
ठाण्यातील एक असे तीन गुन्हे उघडकीस आले आहेत. चेन चेन स्नॅचिंग बाबत संगीता पुंडलीक मोरे (रा. आदिशक्ती बंगलो, दातरंगे मळा) यांनी २४ एप्रिल २०२४ रोजी कोतवाली पोलिस ठाण्यात फिर्याद दिलेली होती. तो गुन्हा या आरोपीने केल्याचे समोर आले आहे. सदर कारवाई स्थानिक गुन्हे शाखेचे पो.नि. दिनेश आहेर यांच्या मार्गदर्शनाखाली तपास
पथकातील उपनिरीक्षक अनंत सालगुडे, व पोलीस अंमलदार दत्तात्रय हिंगडे, गणेश धोत्रे, शाहीद शेख, रविंद्र घुंगासे, मेघराज कोल्हे, प्रशांत राठोड, आकाश काळे, भाऊसाहेब काळे, अमोल कोतकर, किशोर शिरसाठ, बाळासाहेब खेडकर, अमृत आढाव, भगवान थोरात व महादेव भांड यांच्या पथकाने केली आहे.

नगर – वादरहित विश्वस्त संस्था निर्माण होण्यासाठी विश्वस्तांमध्ये कायद्याविषयी जनजागृती होणे आवश्यक असल्याचे प्रतिपादन पद्मश्री पोपटराव पवार यांनी केले. सार्वजनिक न्यास नोंदणी कार्यालय, अहिल्यानगर आणि श्री ज्ञानेश्वर विद्यार्थी वसतिगृह ट्रस्ट, सावेडी यांच्या संयुक्त विद्यमाने माऊली सभागृह, झोपडी कॅन्टीन, सावेडी, अहिल्यानगर येथे २८/२/२०२५ रोजी आयोजित विश्वस्तांच्या कार्यशाळेत प्रमुख अतिथि व मार्गदर्शक म्हणून ते बोलत होते. या कार्यक्रमाच्या अध्यक्षस्थानी अहिल्यानगर जिल्हा धर्मादाय उपायुक्त सौ. उषा पाटील होत्या. पुढे बोलताना पद्मश्री पोपटराव पवार ते म्हणाले की, अहिल्यानगर हा विविध प्रमुख देवस्थान तसेच राळेगण सिद्धी, हिवरे बाजार इ. सारख्या आदर्श गावांनी तसेच  सामाजिक क्षेत्रात उल्लेखनीय कार्य करणार्‍या सामाजिक कार्यकर्त्यांनी युक्त असा जिल्हा आहे. देशाला आदर्शदायी अशी व्यक्तिमत्व या जिल्ह्यामध्ये आहेत. विविध सामाजिक चळवळी देखील येथे आहेत. या सर्वांचा आदर्श घेऊन काम करणारे विश्वस्त आपल्याला दिसून येतात, दिवसेंदिवस नवनवीन संस्था, ट्रस्ट नोंदणी होत आहेत, परंतु पुढील कायदेशीर बाबीची माहिती नसल्यामुळे आणि महाराष्ट्र विश्वस्त व्यवस्था अधिनियम १९५० व संस्था नोंदणी अधिनियम १८६० या बाबतीत पुरेशी जनजागृती नसल्यामुळे विश्वस्तांना खूप अडचणींना सामोरे जावे लागते, प्रसंगी दंडात्मक कारवाई तसेच संस्था नोंदणी
रद्द होण्याची नामुष्की देखील ओढवली जाते, यामुळे अशा प्रकारच्या कार्यशाळा वारंवार आयोजित होऊन विश्वस्तांमध्ये
कायदेविषयक साक्षरता निर्माण होणे खूप आवश्यक आहे. तसेच, वेळोवेळी कायदेशीर बाबीची पूर्तता झाली आणि विश्वस्त व्यवस्थेचे व्यवस्थापन पारदर्शक सुरू राहिले म्हणजेच विश्वस्त कायद्याविषयक जागरूक असले तर पुढील वाद टळतील, अशी अपेक्षा त्यांनी व्यक्त केली व आपले अनुभव उपस्थितांसमोर विषद केले. या कायद्याबद्दल पुरेशी माहिती नसल्यामुळे आलेल्या अडचणी देखील त्यांनी सांगितल्यामुळे कायदा माहिती असणे किती आवश्यक आहे, याचे गांभीर्य सर्वांना समजले तसेच सदरच्या कार्यक्रमाच्या आयोजनाबाबत तसेच एकच अधिकारी असताना जिल्ह्याच्या धर्मादाय आयुक्त कार्यालयाची जबाबदारी व्यवस्थित पार पाडल्याबद्दल धर्मादाय उपायुक्त सौ. उषा पाटील यांच्या कामाचे देखील त्यांनी कौतुक केले.
अध्यक्षीय भाषणामध्ये सौ. उषा पाटील यांनी विश्वस्तांनी कायदा माहिती करून घेतल्यास व आपणच तयार करून घेतलेली
घटना, नियम व नियमावली समजून घेऊन त्याप्रमाणे न्यासाचे व्यवस्थापन पाहिल्यास व आवश्यक त्या कागदपत्रासह योग्य
प्रकारे प्रकरण दाखल केल्यास अधिकार्‍यांना देखील प्रकरण लवकर निकाली काढण्यास मदत होते व विश्वस्तांना देखील
कार्यालयात जास्त वेळ चकरा माराव्या लागत नाहीत, सदरील कार्यशाळेमुळे विश्वस्तांना योग्य ती माहिती मिळून पुढील
काम सोपे व सुरळीत होईल अशी अपेक्षा व्यक्त केली. या कार्यशाळेत सहाय्यक धर्मादाय आयुक्त व्ही. डी. शेंडे यांनी संस्था नोंदणी बाबत मार्गदर्शन. पब्लिक ट्रस्ट प्रॅटिशनर असोसिएशनचे अध्यक्ष अ‍ॅड. गौरव मिरीकर यांनी कलम २२ (बदल अर्ज) यावर मार्गदर्शन केले. न्यायिक प्रकरणांच्या कोर्ट फी स्टॅम्प बाबत कार्यालयाच्या अधीक्षक श्रीमती व्ही. पी. सुरकूटला यांनी माहिती दिली. कार्यालयाचे निरीक्षक यू. एम. ढोले यांनी हिशोब पत्रके दाखल करावयाच्या कार्यपद्धती व त्यासंबंधातील इतर माहिती दिली. अ‍ॅड. विजय मुनोत यांनी कलम ४१ बाबत सविस्तर माहिती दिली. स्नेहालयचे गिरीश कुलकर्णी यांनी शासनाचे विविध धोरण आणि संस्थांनी करावयाची पूर्तता यासह सामाजिक क्षेत्रातील अनुभव विश्वस्तासमोर मांडले. प्रास्ताविक धर्मादाय उपायुक्त सौ. यू. एस. पाटील यांनी केले. तर सूत्रसंचालन भार्गव भारदे आणि अ‍ॅड. शीतल रनशूर यांनी केले. या कार्यक्रमामध्ये सौ. यू. एस. पाटील यांनी दोन अधिकार्‍यांच्या जागा रिक्त असतांना कार्यालयाची जबाबदारी
व्यवस्थित पार पडत ६५९ नवीन नोंदणी, ८४ वादाचे प्रकरण, ११८९ विनावादाचे प्रकरण अशी एकूण १९२२ प्रकरण एकाच सन २०२४ सालामध्ये निकाली काढलेली असून विविध देवस्थानच्या विश्वस्तांच्या निवडी देखील पारदर्शकपणे केलेल्या असल्याने पब्लिक ट्रस्ट प्रॅटिशनर असोसिएशनच्या वतीने पद्मश्री पोपटराव पवार यांच्या हस्ते त्यांचा विशेष गौरव करण्यात आला. यावेळी अ‍ॅड. वाबळे राजेंद्र, योगेश मांडोत, संतोष गायकवाड, नदीम सय्यद, वैभव साबळे, गवळी, जायभाय, काळे अर्जुन, दिपनाईक, नजन ई. वकील हजर होते सदरील कार्यक्रमासाठी अहिल्यानगरमधून विविध संस्थांचे प्रतिनिधि विश्वस्त उपस्थित होते. कार्यक्रम यशस्वी होण्यासाठी सार्वजनिक न्यास नोंदणी कार्यालयातील कर्मचारी व पब्लिक ट्रस्ट प्रॅटिशनर असोसिएशनचे सर्व वकील मंडळींनी कष्ट घेतले.

जल्ह्यातील बौध्द भिख्कू, उपासक आणि उपासिका होणार सहभागी, रिपाईच्या पदाधिकार्‍यांना सहभागी होण्याचे आवाहन

नगर – जगाला युद्ध नको, बुद्ध हवा! हा संदेश घेऊन महाराष्ट्रातील नाशिक मध्ये २ मार्च रोजी जागतिक बौद्ध धम्म परिषदेचे आयोजन करण्यात आले आहे. हुतात्मा अनंत कान्हेरे गोल्फ लब मैदान येथे
रविवारी सायंकाळी चार वाजता या धम्म परिषदेला प्रारंभ होणार आहे. या परिषदेसाठी भारतासह वेगवेगळ्या देशातील
बौध्द भिख्कू उपस्थित राहणार आहेत. या जागतिक बौद्ध धम्म परिषदेसाठी नगर जिल्ह्यातील रिपब्लिकन पार्टी ऑफ इंडियाचे (आठवले) सर्व पदाधिकारी यांना उपस्थित राहण्याचे आवाहन जिल्हाध्यक्ष सुनिल साळवे यांनी केले आहे.
धम्म परिषदेला केंद्रीय सामाजिक न्याय राज्यमंत्री रामदास आठवले यांच्यासह मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार, मंत्री दादा भुसे, माजी मंत्री छगन भुजबळ, सामाजिक न्याय राज्यमंत्री
संजय शिरसाट, मंत्री गिरीश महाजन, आरपीआयचे राज्य अध्यक्ष राजा सरोदे, सरचिटणीस गौतम
सोनवणे, कार्याध्यक्ष बाबूराव कदम, मुंबई प्रदेशाध्यक्ष सिध्दार्थ कासारे आदींसह अनेक
खासदार, आमदार आणि रिपब्लिकन पक्षाचे राज्यातील सर्व प्रमुख पदाधिकारी उपस्थित राहणार आहेत.
या धम्म परिषदेचे स्वागताध्यक्ष पद आरपीआयचे नाशिक जिल्हाध्यक्ष तथा उत्तर महाराष्ट्र प्रमुख प्रकाश
लोंढे भूषवीत आहे. या जागतिक बौद्ध महापरिषदेसाठी महाराष्ट्रातील सर्व बौद्ध उपासक, उपासिका आणि
भगवान बुद्धांच्या विचारांचा आदर करणारा समुदाय उपस्थित असणार आहे. बौद्ध धम्म परिषदेसाठी
नगर जिल्ह्यातून प्रत्येक तालुयातून आणि गावागावातून बौद्ध उपासक, उपासिका आणि
कार्यकर्ते सहभागी होण्यासाठी नियोजन करण्यात
आले असल्याचे म्हंटले आहे.
या परिषदेसाठी नगर जिल्ह्यातील रिपब्लिकन
पक्षाचे राज्य उपाध्यक्ष तथा संपर्कप्रमुख श्रीकांत
भालेराव, राज्य उपाध्यक्ष विजय वाघचौरे, जिल्हा
कार्याध्यक्ष लॉरेन्स स्वामी, जिल्हा सरचिटणीस
विजय भांबळ, जिल्हाध्यक्ष किरण दाभाडे,
संजय कांबळे यांच्यासह जिल्हा कार्यकारणी व
जिल्ह्यातील सर्व तालुकाध्यक्ष आणि कार्यकर्ते
उपस्थित राहणार आह

नगर – महाराष्ट्र सरकारने १५ मार्च २०२४ शासन निर्णय संच
मान्यता संदर्भांत पारित केला. तो शिक्षक शिक्षकेतर कर्मचार्‍यांना
अन्यायकारक आहे. या संदर्भात संच मान्यता निकष कसे असावेत
याविषयी १८ मार्च २०२४ रोजी महाराष्ट्राचे मुख्यमंत्री व शालेय शिक्षण
मंत्री यांना अभ्यासपूर्ण पत्र आमदार ज. मो. अभ्यंकर दिले होते.
या संच मान्यतेमुळे अनुदानित मराठी शाळा व इतर माध्यमाच्या
शाळांतील शिक्षक शिक्षकेतर कर्मचार्‍यांना देशोधडीला लावणारा
हा शासन निर्णय रद्द करून सुधारित संच मान्यता शासन निर्णय
काढावा या संदर्भात शालेय शिक्षण मंत्री ना. दादाजी भुसे निवेदन
देण्यात आले होते. तरी हा निर्णय रद्द न झाल्याने राज्यातील
शिवसेना (उद्धव बाळासाहेब ठाकरे) गट प्रणित महारष्ट्र राज्य शिक्षक
सेना, अहिल्यानगरच्यावतीने जिल्हा परिषद येथील माध्यमिक
शिक्षण अधिकारी कार्यालयासमोर निदर्शने करण्यात आले. यावेळी
जिल्हाध्यक्ष प्रा.अंबादास शिंदे, जिल्हा कार्याध्यक्ष रावसाहेब म्हस्के,
सचिव उद्धवराव सोनवणे, शहर जिल्हाध्यक्ष पारुनाथ ढोकळे, मंगेश
पालवे, सत्यनाथ शेळके, महेश कुलकर्णी, विनायक आहेर, रामनाथ कर्डिले,
लक्ष्मण सुर्यवंशी, अजिंयदेव गायकवाड, नंदकुमार जाधव, अर्जुन आढाव,
रविंद्र हरिशचंद्रे, नंदकुमार डालिंबकर, राजू पवार, शिवाजी आवारे, योगेश शेटे,
पांढरीनाथ थोरे, चंद्रकांत जोर्वेकर, विलास कोतकर, गणेश पोटभरे आदींसह
जिल्ह्यातील प्रतिनिधी उपस्थित होते.
या जाचक संच मान्यता शासन निर्णयाविरोधात राज्यभर जिल्ह्या
जिल्ह्यातून आंदोलन करण्याचे आदेश महाराष्ट्र राज्य शिक्षक सेना
अध्यक्ष आमदार ज. मो. अभ्यंकर दिले होते. त्यानुसार शिवसेना
(उद्धव बाळासाहेब ठाकरे) गट प्रणित महाराष्ट्र राज्य शिक्षक सेना,
अहिल्यानगरच्यावतीने आंदोलन करण्यात आले.
या आंदोलनात शिक्षक शिक्षकेतर कर्मचारी सहभागी झाले. तसेच
यावेळी सरकारच्या या निर्णयाविरोधात घोषणा देण्यात आले. या
आंदोलनास शिक्षकांची जिल्हास्तरीय समन्वय समितीने पाठिंबा दिला.
याप्रसंगी आप्पासाहेब शिंदे, सुनिल पंडीत, महेंद्र हिंगे, बाबासाहेब
बोडखे आदी उपस्थित होते.
याप्रसंगी बोलताना शिक्षक सेनेचे जिल्हाध्यक्ष प्रा.अंबादास शिंदे
म्हणाले की, शासन शिक्षकांच्या विरोधात वेगवेगळे निर्णय घेवुन शिक्षक
व शिक्षकेतर कर्मचार्‍यांवर अन्याय करत आहेत. या अन्यायाच्या
विरोधात शिक्षक सेना नेहमीच आवाज उठवीत आली आहे. शिक्षक व
शिक्षकेतर कर्मचार्‍यांच्या भविष्यासाठी शिक्षक सेना नेहमीच प्रयत्नशिल
राहते. त्यामुळे शिक्षक आणि शिक्षकेतर कर्मचार्‍यांवर कुठलाही अन्याय होऊ
देणार नाही, असे सांगितले.

अमोल बागुल यांचे प्रतिपादन
नगर – आपली मातृभाषा मनापासून जपा, असे उद्गार अमोल बागुल यांनी काढले. महात्मा फुले एज्युकेशन
सोसायटीच्या सखाराम मेहेत्रे प्राथमिक विद्यालय आणि केशवराव गाडीलकर हायस्कूल मध्ये मराठी भाषा गौरव
दिन उत्साहात साजरा करण्यात आला. यावेळी प्रमुख पाहुणे म्हणून राष्ट्रपती पुरस्कार विजेते अमोल
सुभाष सुनंदा बागुल हे होते. अमोल बागुल यांनी मराठी भाषेचे महत्व हसत खेळत, गप्पा गोष्टींमधून
विद्यार्थ्यांना समजून सांगितले. मातृ म्हणजेच आई आणि आईची भाषा ही कधीही विसरायची नसते. लहान मूल जसं पहिल्यापासून काही शिकत तसेच मराठी भाषेचे देखील आहे. मराठी भाषेला आपण कधीही विसरू नये तिचा
नेहमी आदर करावा. त्यांनी मुलांच्या मुखातून शब्द कसा निर्माण होतो याविषयी सांगितले आणि
आई विषयी कविता सादर केली. तसेच आपल्या सुमधुर बासरी वादनाने मुलांची मन जिंकली.
यावेळी प्राथमिक व माध्यमिक विद्यालयाचे सर्व शिक्षक, मुख्याध्यापक अनिल गायकवाड उपस्थित
होते. सूत्रसंचालन सौ. जयश्री देशपांडे यांनी केले. श्रीमती मनीषा बोर्ड यांनी आभार मानले.

राष्ट्रीय स्तरावर चमकण्याची संधी; महाराष्ट्रातील तीन खेळाडूंचा समावेश

नगर – अहमदनगर जिल्हा फुटबॉल
असोसिएशनचा खेळाडू भानुदास चंद यांची
एआयएफएफ-फिफा इंडिया टॅलेंट हंट साठी
निवड झाली आहे. महाराष्ट्रातून फक्त तीन खेळाडूंची निवड झाली असून,
त्यामध्ये अहिल्यानगर जिल्ह्यातून भानुदास चंद याचा समावेश आहे. त्याची
झालेली निवड ही जिल्ह्याच्या दृष्टीने अभिमानास्पद आणि फुटबॉलसाठी
यशाचा मोठा टप्पा असल्याचे असोसिएशनच्या वतीने स्पष्ट करण्यात आले
आहे.
भानुदास १ मार्च रोजी भुवनेश्वरला या ट्रायल्ससाठी रवाना होत आहे,
जिथे तो देशभरातील उत्कृष्ट युवा खेळाडूंशी स्पर्धा करणार आहे. तो आठरे पाटील
पब्लिक स्कूलचा विद्यार्थी असून, शाळा प्रशिक्षक संदीप दरंदले यांच्या मार्गदर्शनाखाली
त्याचे फुटबॉल कौशल्य विकसित झाले आहे. तसेच शालेय अध्यक्ष डॉ. अनिल आठरे
यांच्याकडून त्याला खेळासाठी प्रोत्साहन मिळाले आहे. त्याची निवड प्रथम फिरोदिया
शिवाजीयन्स आंतरशालेय फुटबॉल स्पर्धेत झाली, जिथे त्याने आंतर जिल्हा फुटबॉल
स्पर्धेसाठी प्रतिनिधित्व केले.
या स्पर्धेत त्याला एडीएफएच्या सी लायसन्स प्रशिक्षकांकडून प्रशिक्षण मिळाले,
ज्यामुळे त्याचा खेळात आनखी सुधारणा झाली. यानंतर त्याने अहिल्यनगरच्या
संघाकडून आंतरजिल्हा स्पर्धेत खेळताना अप्रतिम कामगिरी केली, ज्यामुळे संघाने
१५ वर्षा आतील आंतर जिल्हा उपांत्य फेरीत
प्रवेश मिळवला. ही कामगिरी सहसा मोठ्या
महानगरांतील संघच करू शकतात, त्यामुळे
भानुदासने नगर जिल्ह्याच्या फुटबॉल क्षेत्रात एक नवा आदर्श निर्माण केला
आहे.
आंतरजिल्हा शिबिरात, त्याला एडीएफएचे सचिव तसेच माजी राष्ट्रीय
व पुणे विद्यापीठाचे खेळाडू रौनप फर्नांडिस यांनी मार्गदर्शन केले. तसेच
राजू पाटोळे, जेव्हिअर स्वामी, व्हिटर जोसेफ, वैभव मनोदिया, खालिद
सय्यद, ऋषिपालसिंह परमार आणि प्रदीप जाधव यांनी त्याला प्रेरणा आणि
प्रशिक्षकांचे पाठबळ दिले.
अहमदनगर जिल्हा फुटबॉल असोसिएशन सतत युवा खेळाडूंना उत्तम संधी
मिळवून देण्यासाठी नियमित फुटबॉल स्पर्धा आणि प्रशिक्षण शिबिरे आयोजित करत
आहे. भानुदास चंद हा राष्ट्रीय स्तरावर यशस्वी होईल आणि फिफाच्या विशेष प्रशिक्षण
कार्यक्रमात स्थान मिळवेल, अशी अपेक्षा जिल्हा फुटबॉल असोसिएशनच्या वतीने
व्यक्त करण्यात आली आहे. जिल्हा फुटबॉल असोसिएशनचे अध्यक्ष नरेंद्र फिरोदिया
आणि वरिष्ठ उपाध्यक्ष मनोज वाळवेकर यांनी भानुदासच्या सुरक्षित प्रवासाची संपूर्ण
जबाबदारी घेतली असून, त्याला या फिफा इंडिया टॅलेंट हंट साठी आवश्यक ती
सर्व मदत उपलब्ध करुन देण्यासाठी पुढाकार घेतला आह

नगर – सीएच्या नगर शाखेने विद्यार्थ्यांच्या पायाभूत सुविधा वाढवण्यासाठी आणि शाश्वततेला प्रोत्साहन देण्यासाठी एक
उल्लेखनीय पाऊल उचलले आहे, ज्यामध्ये अत्याधुनिक सुविधांसह एक प्रगत वाचन कक्ष आणि त्यांच्या
परिसरात सौर ऊर्जा प्रकल्पाचे उद्घाटन केले आहे. सीए विद्यार्थ्यांना आधुनिक शिक्षण वातावरण प्रदान
करण्यासाठी डिझाइन केलेले प्रगत वाचन कक्ष, आयकर गुरु सीए डॉ. गिरीश आहुजा यांच्या हस्ते उद्घाटन झाले. आरामदायी आसनव्यवस्था, वातानुकूलन, समर्पित अभ्यास कक्ष, पॉवर बॅकअप आणि डिजिटल संसाधन केंद्राने सुसज्ज,
ही सुविधा विद्यार्थ्यांना त्यांच्या शैक्षणिक प्रवासात सर्वो त्तम शय सुविधांसह मदत करण्याचा उद्देश ठेवते.
सीए डॉ. आहुजा यांनी भविष्यातील चार्टर्ड अकाउंटंट्स घडवण्यासाठी सुसज्ज अभ्यास जागेच्या भूमिकेवर भर
दिला. शाखेने ऊर्जा कार्यक्षमता आणि पर्यावरणीय जबाबदारीच्या दिशेने एक पाऊल असलेल्या सौर ऊर्जा
प्रकल्पाचे उद्घाटन देखील केले. नगर शाखेच्या माजी अध्यक्षांनी उद्घाटन केले. सौर पॅनेल बसवल्याने वीज
खर्चात लक्षणीय घट होईल आणि हरित ऊर्जा उपायांचा  अवलंब करण्याच्या दृष्टिकोनाला बळकटी मिळेल.
सीए नगर शाखेचे अध्यक्ष सीए सनित मुथा यांनी मान्यवरांचे, माजी अध्यक्षांचे आणि सदस्यांचे त्यांच्या अढळ
पाठिंब्याबद्दल आभार मानले. त्यांनी अधोरेखित केले की अ‍ॅडव्हान्स्ड रीडिंग रूम असणे हे त्यांचे स्वप्न होते जे विद्यार्थ्यांना जागतिक दर्जाचे अभ्यासाचे वातावरण प्रदान  करेल, तर सौर ऊर्जा प्रकल्प शाश्वतता आणि खर्च कार्यक्षमतेच्या
वचनबद्धतेशी सुसंगत आहे. यावेळी व्यवस्थापकीय समिती पदाधिकारी सीए प्रसाद पुराणिक
(उपाध्यक्ष), सीए अभयकुमार कटारिया (सचिव), सीए महेश तिवारी (खजिनदार), सीए
ज्ञानेश्वर काळे व सीए पवनकुमार दरक (माजी अध्यक्ष) तसेच माजी अध्यक्ष सीए मोहन बरमेचा, सीए संजय
देशमुख, सीए अजय मुथा, सीए मिलिंद जांगडा, सीए सुशिल जैन, सीए प्रसाद भंडारी, सीए कुलकर्णी ज्ञानेश,
सीए (डॉ.) परेश बोरा, सीए किरण भंडारी, सीए संदीप देसरडा तसेच सीए, विद्यार्थी उपस्थित होते.

दिंडीत अवतरले नागा साधू, शंकर-पार्वती; भगवान शंकराचा जयघोष, टाळ-मृदूंगचा निनाद आणि भक्तीमय वातावरणात भाविकांचा सहभाग

नगर – महाशिवरात्री निमित्ताने  केडगाव मध्ये विश्वेश्वर प्रतिष्ठानच्यावतीने आयोजित अखंड हरिनाम सप्ताहाच्या
पार्श्वभूमीवर २७ फेब्रुवारी रोजी हर हर महादेवचा गजर करुन दिंडी प्रदक्षिणा काढण्यात आली. या मिरवणुकीत
अबालवृध्दांसह भाविक व महिला वर्ग मोठ्या संख्येने सहभागी झाल्या होत्या. हातात भगवे ध्वज, टाळ-मृदूंगचा निनाद,
भगवान शिवाच्या स्तुतीसाठी भजन आणि धार्मिक घोषणांच्या गजरात, भक्तीमय
वातावरणात दिंडी प्रदक्षिणा रंगली होती. नागा साधू, शंकर-पार्वतीच्या  वेशभूषेतील चिमुकल्यांनी सर्वांचे लक्ष
वेधले. या दिंडीचे केडगाव पंचक्रोशीतील भाविकांनी ठिकठिकाणी स्वागत केले.
दिंडी मार्गावर महिलांनी आकर्षक रांगोळी रेखाटून, सडा टाकला होता. दिंडीतील
भगवान शिवाच्या रथावर फुले उधळण्यात आली. भगवान शंकराच्या जयघोषाने
परिसर निनादला. मुली व मुलांनी वारकर्‍यांची पारंपारिक वेशभूषा परिधान केली होती. हातात टाळ घेऊन
विद्यार्थ्यांनी जय हरी विठ्ठलाचा घोष केला. दिंडी पाहण्यासाठी केडगाव ग्रामस्थांनी गर्दी केली होती. तर मुलींसह महिलांनी
फुगड्यांचा फेर धरला होता. केडगावच्या उदयनराजे नगर येथे श्री विश्वेश्वर प्रतिष्ठानच्या वतीने महाशिवरात्रीच्या पार्श्वभूमीवर अखंड हरिनाम सप्ताह श्री ग्रंथराज ज्ञानेश्वरी शिवलिलामृत पारायण आणि तपपुर्ती सोहळा सुरु आहे. या निमित्ताने दिंडी
प्रदक्षिणा काढण्यात आली. या दिंडीत शकुंतला पवार, शितल सातपुते, दीपा भांबरे, शितल आजबे, शुभांगी घोडके,
वैष्णवी भुक्कन, मेघा सातपुते, प्रमिला गीते, उर्मिला ढाकणे, शितल खेडकर, धांडे मावशी, विश्वेश्वर प्रतिष्ठानचे अध्यक्ष
गणेश सातपुते, सचिन बडे, सागर सातपुते, महेश वाळके, भूषण गुंड, योगेश कुमठेकर, नितीन आजबे, महेश
घोडके, आंधळे मेजर, पवार सर, मच्छिंद्र भांबरे, जगन्नाथ आंधळे, गोरक्षनाथ कोकाटे, कुंडलिक कोल्हे, भाऊसाहेब
कोल्हे, कैलास भुक्कन, विशाल सकट, शिवा मोडवे, अमित रासकर, कैलास नागरगोजे, दीपक बडे, मयूर भोसले,
गोरख कोतकर आदींसह मराठानगर, वैष्णवनगर, शिवाजीनगर, भूषणनगर, एकनाथनगर, उदयनराजेनगर आदींसह
परिसरातील भाविक उपस्थित होते. मिरवणुकीच्या समाप्तीनंतर भगवान शंकराची आरती करुन प्रसादाचे वाटप
करण्यात आले.

दादाभाऊ कळमकर यांचे प्रतिपादन; लक्ष्मीबाई भाऊराव पाटील माध्यमिक विद्यालयाचे स्नेहसंमेलन उत्साहात, बालविवाह प्रतिबंध व स्त्री जन्माच्या स्वागतासाठी नाटिकेतून प्रबोधन

नगर – विद्यार्थी घडविण्यासाठी शिक्षकांबरोबरच
पालकांचा सहभाग महत्त्वाचा आहे. महिला पालक
विद्यार्थ्यांना चांगले वळण लावू शकतात. गुणवंत विद्यार्थी
घडविण्याचे काम रयत शिक्षण संस्थेत केले जात आहे.
पालक-शिक्षकांनी सातत्याने लक्ष दिल्यास विद्यार्थ्यांचे
उज्वल भवितव्य घडणार आहे. स्नेहसंमेलनातून
विद्यार्थ्यांच्या कलागुणांना वाव मिळून भविष्यातील
कलाकार घडणार असल्याचा विश्वास दादाभाऊ
कळमकर यांनी व्यक्त केला.
रयत शिक्षण संस्थेच्या कापड बाजार येथील
लक्ष्मीबाई भाऊराव पाटील माध्यमिक विद्यालयाचे
वार्षिक स्नेहसंमेलन उत्साहात पार पडले. बालविवाह
प्रतिबंध, स्त्री जन्माचे स्वागत आदी सामाजिक विषयांवर
विद्यार्थ्यांनी स्वतः रेकॉर्ड केलेले नाटकीचे सादरीकरण
केले. सांस्कृतिक कार्यक्रमातून स्त्री शक्तीचे दर्शन
घडविले. गरबा नृत्य, आदिवासी नृत्य आणि महाराष्ट्रासह
दक्षिण भारतातील पारंपारिक गीतांवर नृत्याचे सादरीकरण
करुन उपस्थितांची मने जिंकली.
लक्ष्मीनारायण मंगल कार्यालयात झालेल्या
स्नेहसंमेलनाचे उद्घाटन कर्मवीर भाऊराव व लक्ष्मीबाई
भाऊराव पाटील यांच्या प्रतिमांचे पूजन करुन
दीपप्रज्वलनाने करण्यात आले. रयत शिक्षण संस्थेचे
मॅनेजिंग कौन्सिल सदस्य दादाभाऊ कळमकर यांच्या
अध्यक्षतेखाली झालेल्या कार्यक्रमाप्रसंगी जनरल बॉडी
सदस्य ज्ञानदेवराव पांडुळे, अर्जुनराव पोकळे, सल्लागार
समिती सदस्य माजी प्राचार्य विश्वासराव काळे, माजी
प्राचार्य कैलासराव मोहिते, श्यामराव व्यवहारे, विष्णुपंत
म्हस्के, प्राथमिकचे मुख्याध्यापक शिवाजीराव लंके,
माध्यमिकच्या मुख्याध्यापिका छायाताई काकडे आदींसह
शालेय शिक्षक, शिक्षकेतर कर्मचारी, पालक व विद्यार्थी
उपस्थित होते.
प्रास्ताविकात मुख्याध्यापिका छायाताई काकडे
यांनी शाळेत गुणवत्तापूर्ण शिक्षणासह विद्यार्थ्यांच्या
कलागुणांना वाव देण्यासाठी विविध उपक्रम राबविण्यात
येत आहे. याशिवाय कला, क्रीडा व सांस्कृतिक क्षेत्रात
विद्यार्थ्यांना चालना देण्याचे काम केले जात असल्याचे
त्यांनी स्पष्ट केले.
अर्जुनराव पोकळे यांनी विद्यार्थ्यांचे कलागुण
ओळखून त्या दिशेने पालकांनी प्रोत्साहन द्यावे. शिक्षक-
पालकांनी विद्यार्थ्यांचे कलागुण ओळखणे, हे आजच्या
काळाची गरज निर्माण झाली असल्याचे सांगितले. रयत
शिक्षण संस्थेच्या उत्तर विभाग मध्ये आदर्श विद्यार्थी
पुरस्काराचा मान मिळवणारा शाळेचा इयत्ता दहावी मधील
विद्यार्थी अद्वैत विवेक गहाणडुले व या शैक्षणिक वर्षाची
आदर्श विद्यार्थिनी श्रेया सुजित गोटे यांचा पाहुण्यांच्या
हस्ते विशेष सन्मान करण्यात आला.
गणेश वंदनेने सांस्कृतिक कार्यक्रमाची सुरुवात
झाली. यावेळी विद्यार्थ्यांनी हिंदी-मराठी गीतांवर नृत्याचे
सादरीकरण करुन कार्यक्रमाचा आनंद लुटला. विविध
गाण्यांतून मराठी सणांचे दर्शन घडविण्यात आले. लुंगी
डान्स…, पुष्पा पुष्पा…, मल्हारी… पिंगा ग पोरी पिंगा
या गीतांनी कार्यक्रमाची रंगत वाढवली. आदिवासी
गीतावर युवक-युवतींनी बेभानपणे नृत्य सादर केले.
लाडकी बहिण योजना! या नाटिकेतून विद्यार्थ्यांनी
संपूर्ण सभागृहाला खळखळून हसविले. कार्यक्रमाचे
सूत्रसंचालन प्रदीप पालवे व स्मिता पिसाळ यांनी केले.
आभार ज्ञानदेव पांडुळे यांनी मानले. कार्यक्रम यशस्वी
करण्यासाठी प्रभाकर थोरात, सुनीता लांडगे, अमित
धामणे, मंगेश कारखिले, उमेश विलायते, राजेंद्र देवकर,
श्रीमती नागपुरे, सानप, खेंडके यांचे सहकार्य लाभले.

साहित्यिक सुभाष सोनवणे यांचे प्रतिपादन; शिशू संगोपन संस्थेत मराठी भाषा गौरव दिन उत्साहात साजरा

नगर – अतंरमनामध्ये चैतन्य, आनंद आणि शांती निर्माण करणारी जगातील एकमेव भाषा म्हणजे आपली माय मराठी
भाषा होय. मराठी भाषेला मोठी परंपरा आहे, आपल्या संतांनी, लेखकांनी मराठी भाषेला समृद्ध केले आहे. अनेक दर्जेदार
लिखाण मराठी भाषेत उपलब्ध आहे. प्रत्येकाला अभिमान वाटवा, अशीही आपली मराठी भाषा आहे, मराठी भाषा अनेक
संत, साहित्यिक, प्रतिभावंतांनी आपल्या लेखणीतून, मराठी भाषेला समृद्ध केले आहे, ही साहित्याची समृद्धी जनसामन्यांपर्यंत पोहचवून ‘मराठी भाषेला’ आणखी समृद्ध करण्याची आपली जबाबदारी आहे, असे प्रतिपादन साहित्यिक तथा कवी सुभाष सोनवणे यांनी केले. शिशू संगोपन संस्थेच्या सविता रमेश फिरोदिया प्रशाला येथे मराठी भाषा गौरव दिन उत्साहात साजरा करण्यात आला. याप्रसंगी कवी वि. वा. शिरवाडकर (कुसुमाग्रज) यांच्या जयंती निमित्त त्यांच्या प्रतिमेचे
पुजन करण्यात आले. यावेळी साहित्यिक सुभाष सोनवणे यांनी विद्यार्थ्यांना मार्गदर्शन केले. याप्रसंगी
साहित्य परिषदेचे अध्यक्ष किशोर मरकड, संस्थेचे अध्यक्ष दिलीप गुंदेचा, उपाध्यक्ष दशरथ खोसे, सचिव
र. धो. कासवा, सहसचिव राजेश झालानी, खजिनदार अ‍ॅड.विजयकुमार मुनोत, माजी प्राचार्य विश्वास काळे,
सिनेट सदस्य शिवाजी साबळे, हिंद सेवा मंडळाचे अध्यक्ष शिरीष मोडक, मनसुखलाल पिपाडा, सचिन
डागा, केंद्र प्रमुख पोपटराव धामणे, बन्सी नन्नवरे, विनोद कटारीया, कांचन गावडे, माध्य.मुख्याध्यपक दत्तात्रय
कसबे, प्राथमिक मुख्याध्यापिका योगिता गांधी आदी उपस्थित होते.
यावेळी किशोर मरकड म्हणाले की, मराठी ही
आपली मायबोली आहे, त्यामुळे आपल्या व्यवहारात
मराठीचा वापर झाला पाहिजे. प्रत्येकाला आपल्या भाषेचा
अभिमान असतो, तसाच अभिमान मराठी माणसानेही
बाळगला पाहिजे. मराठी भाषा गौरव दिनानिमित्त
मराठीचा स्विकार करण्याचा निर्धार प्रत्येकाने करावा,
असे आवाहन यावेळी केले.
यावेळी संस्थेचे अध्यक्ष
दिलीप गुंदेचा म्हणाले की,
आजच्या मोबाईल इंटरनेटच्या
जगात वाचंकाची संख्या कमी
होत आहे. परंतु साहित्य वाचनाने
व्यक्तीच्या जीवनात अमुलाग्र
बदल होतो. त्यासाठी नियमित
वाचन केले पाहिजे. विद्यार्थ्यांनी
करिअरच्या दृष्टीने मराठी
पुस्तकांचे जास्तीत जास्त वाचन
करावे, असे सांगितले.
यावेळी विद्यार्थ्यांनी आणि
शिक्षकांनी मराठी भाषा दिनानिमित्त मराठीतून भाषणे
सादर केली. प्रास्तविकात संस्थेचे उपाध्यक्ष दशरथ
खोसे म्हणाले की, कविवर्य कुसुमाग्रज यांनी महाराष्ट्राच्या
बोली भाषेला एक वेगळा साहित्य प्रकार म्हणून प्रस्थापित
करण्यासाठी मोठे योगदान दिले. मराठी ही शिकण्याची
भाषा व्हावी यासाठी त्यांनी खूप प्रयत्न केले. विद्यार्थ्यांना
या गोष्टींची माहिती व्हावी, यासाठी संस्थेच्यावतीने
आम्ही साहित्यिक क्षेत्रातील विविध मान्यवर बोलवून
त्यांचे मौलिक विचार विद्यार्थ्यांपर्यंत पोहचविण्याचे काम
करत आहोत.
सुत्रसंचालन निलेश आंबेकर यांनी केले. यावेळी
जयश्री कोदे आणि विद्यार्थ्यांनी मराठी कविता आणि
गिते सादर करुन सर्वांची मने जिंकली.

साहित्यिक सुभाष सोनवणे यांचे प्रतिपादन; शिशू संगोपन संस्थेत मराठी भाषा गौरव दिन उत्साहात साजरा

नगर – अतंरमनामध्ये
चैतन्य, आनंद आणि शांती
निर्माण करणारी जगातील एकमेव
भाषा म्हणजे आपली माय मराठी
भाषा होय. मराठी भाषेला मोठी
परंपरा आहे, आपल्या संतांनी,
लेखकांनी मराठी भाषेला समृद्ध
केले आहे. अनेक दर्जेदार
लिखाण मराठी भाषेत उपलब्ध
आहे. प्रत्येकाला अभिमान
वाटवा, अशीही आपली मराठी
भाषा आहे, मराठी भाषा अनेक
संत, साहित्यिक, प्रतिभावंतांनी
आपल्या लेखणीतून, मराठी भाषेला समृद्ध केले आहे,
ही साहित्याची समृद्धी जनसामन्यांपर्यंत पोहचवून ‘मराठी
भाषेला’ आणखी समृद्ध करण्याची आपली जबाबदारी
आहे, असे प्रतिपादन साहित्यिक तथा कवी सुभाष
सोनवणे यांनी केले.
शिशू संगोपन संस्थेच्या सविता रमेश फिरोदिया
प्रशाला येथे मराठी भाषा गौरव दिन उत्साहात साजरा
करण्यात आला. याप्रसंगी कवी वि. वा. शिरवाडकर
(कुसुमाग्रज) यांच्या जयंती निमित्त त्यांच्या प्रतिमेचे
पुजन करण्यात आले. यावेळी साहित्यिक सुभाष
सोनवणे यांनी विद्यार्थ्यांना मार्गदर्शन केले. याप्रसंगी
साहित्य परिषदेचे अध्यक्ष किशोर मरकड, संस्थेचे
अध्यक्ष दिलीप गुंदेचा, उपाध्यक्ष दशरथ खोसे, सचिव
र. धो. कासवा, सहसचिव राजेश झालानी, खजिनदार
अ‍ॅड.विजयकुमार मुनोत, माजी प्राचार्य विश्वास काळे,
सिनेट सदस्य शिवाजी साबळे, हिंद सेवा मंडळाचे
अध्यक्ष शिरीष मोडक, मनसुखलाल पिपाडा, सचिन
डागा, केंद्र प्रमुख पोपटराव धामणे, बन्सी नन्नवरे, विनोद
कटारीया, कांचन गावडे, माध्य.मुख्याध्यपक दत्तात्रय
कसबे, प्राथमिक मुख्याध्यापिका योगिता गांधी आदी
उपस्थित होते.
यावेळी किशोर मरकड म्हणाले की, मराठी ही
आपली मायबोली आहे, त्यामुळे आपल्या व्यवहारात
मराठीचा वापर झाला पाहिजे. प्रत्येकाला आपल्या भाषेचा
अभिमान असतो, तसाच अभिमान मराठी माणसानेही
बाळगला पाहिजे. मराठी भाषा गौरव दिनानिमित्त
मराठीचा स्विकार करण्याचा निर्धार प्रत्येकाने करावा,
असे आवाहन यावेळी केले.
यावेळी संस्थेचे अध्यक्ष
दिलीप गुंदेचा म्हणाले की,
आजच्या मोबाईल इंटरनेटच्या
जगात वाचंकाची संख्या कमी
होत आहे. परंतु साहित्य वाचनाने
व्यक्तीच्या जीवनात अमुलाग्र
बदल होतो. त्यासाठी नियमित
वाचन केले पाहिजे. विद्यार्थ्यांनी
करिअरच्या दृष्टीने मराठी
पुस्तकांचे जास्तीत जास्त वाचन
करावे, असे सांगितले.
यावेळी विद्यार्थ्यांनी आणि
शिक्षकांनी मराठी भाषा दिनानिमित्त मराठीतून भाषणे
सादर केली. प्रास्तविकात संस्थेचे उपाध्यक्ष दशरथ
खोसे म्हणाले की, कविवर्य कुसुमाग्रज यांनी महाराष्ट्राच्या
बोली भाषेला एक वेगळा साहित्य प्रकार म्हणून प्रस्थापित
करण्यासाठी मोठे योगदान दिले. मराठी ही शिकण्याची
भाषा व्हावी यासाठी त्यांनी खूप प्रयत्न केले. विद्यार्थ्यांना
या गोष्टींची माहिती व्हावी, यासाठी संस्थेच्यावतीने
आम्ही साहित्यिक क्षेत्रातील विविध मान्यवर बोलवून
त्यांचे मौलिक विचार विद्यार्थ्यांपर्यंत पोहचविण्याचे काम
करत आहोत.
सुत्रसंचालन निलेश आंबेकर यांनी केले. यावेळी
जयश्री कोदे आणि विद्यार्थ्यांनी मराठी कविता आणि
गिते सादर करुन सर्वांची मने जिंकली.