आ. संग्राम जगताप यांचे आवाहन; तपोवन रोड येथील जेनियस ग्लोबल स्कूल या इंग्रजीमाध्यमाच्या स्कूलचे वार्षिक स्नेहसंमेलन उत्साहात

नगर – पूर्व प्राथमिक व प्राथमिक शाळेत मुलांमध्ये संस्काराची रुजवण करुन त्यांच्या भविष्याचा पाया रचला जातो. मुलांचा बौध्दिक विकास लहानपणी झाल्यास भविष्यात ही मुले पुढे जातात. इंग्रजी भाषेचे ज्ञान देतांना मुलांवर हिंदू संस्कृतीप्रमाणे संस्कार रुजविण्याचे आ. संग्राम जगताप यांनी आवाहन केले. तपोवन रोड, कजबे मळा येथील जेनियस ग्लोबल स्कूलचे
वार्षिक स्नेहसंमेलन उत्साहात पार पडले. पूर्व प्राथमिक व प्राथमिकच्या चिमुकल्या
विद्यार्थ्यांनी बहारदार नृत्याविष्कारातून उपस्थितांची मने जिंकली. शाळेच्या आवारात झालेल्या स्नेहसंमेलनात चिमुकल्या विद्यार्थ्यांनी सांस्कृतिक कार्यक्रमातून महाराष्ट्रासह विविध राज्यातील संस्कृतीचे दर्शन घडविले. कोळी नृत्य व महाराष्ट्रातील लावणी सादर करुन कार्यक्रमाची रंगत वाढवली. हिंदी-मराठी गीतांवर वैयक्तिक व समुह नृत्याचे बहारदार सादरीकरण
करण्यात आले. आ. संग्राम जगताप यांच्या अध्यक्षतेखाली झालेल्या स्नेहसंमेलाप्रसंगी यावेळी महाराष्ट्र राज्य प्रदूषण महामंडळ फिल्ड ऑफिसर रविराज पाटील, राष्ट्रवादी ओबीसी सेलचे दक्षिण जिल्हाध्यक्ष इंजि. डी.आर. शेंडगे, जेनियस
एज्युकेशनचे अध्यक्ष बाळासाहेब शेंडगे, सहसंचालक महेंद्र म्हसे, पूजाताई कजबे, शोभाताई दातीर, बाळासाहेब
कजबे, पांडुरंग गवळी, सानप सर, राहुल कजबे, शांताराम कजबे, अक्षय कजबे, जगदीश देशमुख, स्वाती
डोमकावळे, प्रकाश डोमकावळे आदी उपस्थित होते. रविराज पाटील यांनी विविध प्रदुषणांमुळे मानवी,
प्राणी आणि वस्पतीचे जीवन धोयात आले असल्याचे स्पष्ट करुन, विद्यार्थ्यांना प्रदुषणाचे दुष्परिणाम सांगितले.
तर प्रदुषणावर सनियंत्रण मिळवण्यासंदर्भात मार्गदर्शन केले. महेंद्र म्हसे यांनी या इंग्रजी माध्यमाच्या स्कूलमध्ये होणार्‍या
उपक्रमाबद्दल माहिती दिली. यावेळी कला, क्रीडा, शैक्षणिक व विविध स्पर्धेत नैपुण्य मिळवणार्‍या
शाळेतील गुणवंत विद्यार्थ्यांचा व माता पालकाचा पाहुण्यांच्या हस्ते पारितोषिक देऊन गुण गौरव करण्यात आला.
बाळासाहेब शेंडगे यांनी शाळेच्या विविध उपक्रमाची देऊन, वार्षिक अहवाल सादर
केला. तर शाळेचा वाढता
गुणवत्तेचा आलेख मांडला.
विविध हिंदी-मराठी गीतांवर
विद्यार्थ्यांचा सांस्कृतिक कार्यक्रम रंगला होता. विविध
गीतांवर रंगलेल्या सांस्कृतिक कार्यक्रमास उपस्थित
पालक, विद्यार्थी व शिक्षकांनी टाळ्यांच्या कडकडाटात
विद्यार्थ्यांच्या कला गुणांना दाद दिली. सूत्रसंचालन
समृद्धी डोमकावळे व ज्योती म्हसे यांनी केले. महेंद्र म्हसे
यांनी आभार मानले. स्नेहसंमेलन यशस्वी करण्यासाठी
स्कूलच्या समन्वयक ज्योती म्हसे, उषाताई शेंडगे,
अश्विनी शेंडगे, उषा मसुरे, ज्योती शिंदे यांनी परिश्रम
घेतले

हभप अमोल महाराज जाधव यांचे प्रतिपादन; फुलसौंदर मळा येथील अखंड हरिनाम सप्ताहाची सांगता

नगर – अहिल्यानगर ही संताची भुमी
आहे. ज्ञान आणि अध्यात्म या क्षेत्रात अग्रेसर
आहे. आपल्याला उज्वल संस्कृतीचा वारसा
आहे. विविधतेत एकता ही भारताची संस्कृती आहे.
भारतीय संस्कृती पाश्चिमत्य देशाप्रमाणे आधारलेली
नसून, त्यागावर आधारलेली आहे. त्यासाठी सर्वांनी
अध्यात्माचा प्रचार व प्रसार करावा, त्यातुनच
मनुष्याला शांती लाभणार आहे. मनुष्य जन्म हा आपला
व आपल्या कुळाचा उद्धार करण्यासाठी मिळालेला
आहे. या जन्मात आपण सत्कर्म करुन भगवंतांचे
नामस्मरण केले पाहिजे, त्यातुनच आपणास मुक्ती
मिळेल, असे मौलीक विचार हभप अमोल महाराज
जाधव यांनी मांडले.
बुरुडगांव रोड येथील फुलसौंदर मळा येथे
अखंड हरिनाम सप्ताहांतर्गत काल्याची हंडी हभप
अमोल महाराज जाधव यांच्या हस्ते फोडण्यात
आली. याप्रसंगी प्रथम महापौर भगवान फुलसौंदर,
भिंगार बँकेचे संचालक विष्णू फुलसौंदर, नगरसेवक
गणेश कवडे, अनिल बोरुडे, शाम नळकांडे, सुरेश
तिवारी, राजेंद्र फुलसौंदर, गणेश फुलसौंदर, एल.के.
आव्हाड, अनिल ठोकळ, कारभारी सुपेकर, इंजि.अनिल साळूंके,
सुधीर बाफना, संजय चाफे, पुरुषोत्तम चाफे, ऋषिकेश चाफे आदि
उपस्थित होते.
पुढे बोलतांना जाधव महाराज म्हणाले, आजच्या धावपळीच्या
जीवनात मनुष्य एवढा व्यस्त झाला आहे की, आपण कुठे
चाललो, काय करतो याचे भान राहिले नाही; त्यामुळे मनुष्यास
शांती मिळत नाही. मनुष्यास जर समाधान, शांती पाहिजे असेल
तर अध्यात्माशिवाय पर्याय नाही. गेल्या २६ वर्षांपासून भगवान
फुलसौंदर हे सप्ताहाच्या माध्यमातून परिसरातील नागरिकांना हा
मोठा लाभ मिळवून देत आहे. त्यामुळेच सप्ताहातील किर्तने, प्रवचने
ऐकण्यासाठी नागरिकांची मोठी गर्दी होत आहे. राजकीय, सामाजिक
व धार्मिक क्षेत्रातील फुलसौंदर यांचे कार्य उत्तरोत्तर वाढव राहो, असे
ते म्हणाले.
याप्रसंगी भगवान फुलसौंदर म्हणाले, गेल्या २६ वर्षांपासून या
सप्ताहाचे आयोजन करण्यात येत असून, भाविकांचाही त्यास मोठा
प्रतिसाद मिळत असतो. परिसरातील नागरिकांना आध्यात्मिकेतेचा
लाभ व्हावा, यासाठी दरवर्षी महाराष्ट्रातील नामवंत किर्तनकार,
प्रवचनकारांची अमृतवाणीचे पर्वणी देत आहोत. त्याचबरोबर
मंडळाच्यावतीने सामाजिक उपक्रमही राबविले जात असतात. तसेच
वर्षभर मंडळाच्यावतीने वृक्षारोपण, गुणवंतांचा
सत्कार, योग शिबीरे अशा सामाजिक
उपक्रमांचे आयोजन करण्यात येत असते.
याप्रसंगी विष्णू फुलसौंदर म्हणाले, आज
मनुष्य शिकून कितीही मोठा झाला तरी त्याला अनेक
बाबतीत आध्यात्माचा आधार घ्यावा लागतो. प्रगती
करावी परंतु आपली संस्कृती, इतिहास हा जपला
पाहिजे. संत विचार हे आजही आपणास मार्गदर्शक
ठरत आहे. त्यासाठीच गेल्या २६ वर्षांपासून हा
ज्ञानयज्ञ सुरु असल्याचे सांगितले.
याप्रसंगी सामाजिक, राजकीय, शैक्षणिक,
अध्यात्मिक क्षेत्रातील मान्यवरांचा गौरव करण्यात
आला. सप्ताह काळामध्ये संतसेवा केली. त्यांचा
सन्मान करण्यात आला. यावेळी उकृष्ट रांगोळी
काढल्याबद्दल आर्किटकट अपर्णा फुलसोंदर,
पोपट राऊत, राजेंद्र फुलसोंदर, संजय चाफे आणि
पुरुषोत्तम चाफे, दिंडे आदींचा सन्मान करण्यात
आला. काल्याच्या किर्तनानंतर महाप्रसादाचा लाभ
अनेक भाविकांनी घेतला. सप्ताह यशस्वीतेसाठी
महाशिवरात्री उत्सव समिती व वैष्णव मित्र मंडळाच्या
कार्यकर्त्यांनी परिश्रम घेतले.
यावेळी हभप विश्वनाथ राऊत, संभाजी कदम, सचिन जाधव,
सचिन शिंदे, दत्ता कावरे, दत्ता जाधव, परेश लोखंडे, गजानन ससाने,
अशोकराव कानडे, पांडुरंग नन्नवरे, मधुकर शिंदे, बाळासाहेब जाधव,
कुंडलिक गदादे, अनिल इवले, प्रभाकर भांबरे आदींसह भाविक
उपस्थित होते. काल्याचे कीर्तनाचे महाप्रसादाचे संजय चाफे आणि
पुरुषोत्तम चाफे यांच्यावतीने करण्यात आले.
सूत्रसंचालन भास्करराव गायकवाड यांनी केले तर अवधूत
फुलसोंदर यांनी आभार मानले.

१ मार्च म्हटलं की आदरणीय भानुदास कोतकर साहेब यांचा  वाढदिवस आठवला आणि त्यांच्या विषयी कृतज्ञतेचे विचार मनात न कळत येत गेले त्याच विचारांना शब्दांचे पाठबळ देऊन त्यांच्याविषयी काही मनमोकळेपणाने लिहावे असं वाटल.
त्यांच्या कार्यकर्तृत्वाला शब्दबद्ध करण्याचा एक अल्पसा प्रयत्न हेच माझ्या मते वाढदिवसानिमित्त त्यांचे
अभिष्टचिंतन ठरु शकते. कोतकर साहेब खरोखरच एक कणखर प्रेरणादायी व्यक्तिमत्व आहे. साहेबांच्या नावातच
सर्वश्रेष्ठ अशी निसर्गशक्ति दैवीशक्ति प्राप्त आहे. भानु म्हणजे सुर्य. जी सृष्टीतील सर्वश्रेष्ठ शक्ती आहे व
या शक्तीचा दास म्हणजेच भानुदास. आजपर्यंतच्या त्यांच्या प्रत्येक  कार्यपुर्तीतून निश्चितच ही दैवी शक्ती
दिसून येते. साहेबांचा जन्म केडगांव येथील एका सर्वसामान्य शेतकरी  कुटुंबात झालेला असल्याने सुरुवातीच्या
काळात अनेक संकटांना त्यांना तोंड द्यावे लागले. गरीबीचे चटके बसत होते. अशा परिस्थितीतच ऐरणीवरील घाव सोसीत
तावून सलाखून निघत असतानाच एक कणखर आणि प्रेरणादायी व्यक्तिमत्व घडत गेले. काही माणसे उपजतच
त्यांच्या घराण्यातील वारसानुसार चालत आलेल्या उच्चतेमुळे श्रीमंती व प्रतिष्ठेमुळे मोठेपणा प्राप्त करतात. परंतु काही
माणसे मात्र कुठलाही वारसा घराणेशाही नसताना स्व-कर्तृत्वाने मोठी होतात. कोतकर साहेब हे एक त्याचे मुर्तीमंत
उदाहरण आहे. घरच्या परिस्थितीमुळे त्यांना शिक्षणही अल्पच मिळाले. तथापि भल्याभल्यांना ही मागे टाकतील असे ज्ञान त्यांच्याकडे होते. त्यांच्या प्रगतीची ओळख पाहिली तर अति उच्च विद्याविभूषीत व्यक्तिलाही लाजवेल अशा
प्रकारची प्रगती साहेबांनी केलेली आहे. नेतृत्व, निर्णयक्षमता, उपक्रमशिलता, दुरदृष्टी, सचोटी, अचूकता, वक्तृत्वशैली,
शिक्षणाविषयी जाण, सांस्कृतितेविषयी तळमळ, नियोजन, कोणतेही काम वेळेतच उच्चतम दर्जाचे करण्याचे आग्रह,
तत्परता, हे त्यांच्या व्यक्तिमत्वाचे गुण आहेत. यापूर्वीच्या कालखंडामध्ये . राजकीय क्षेत्रात
काम करत असताना सर्वसामान्यांचा नेता म्हणून साहेबांची ओळख आहे. राजकीय प्रवास केडगांवमध्ये .
सुरु केल्यानंतर केडगांवमधील . व्यक्तींना जणू मोठा भाऊ मिळाला म्हणून लोक त्यांना भाऊ म्हणून ओळखू लागले. सर्वसामान्यांचा नेता म्हणून साहेबांची ओळख आहे. खेड्यापाड्यातील
तळागाळातील कार्यकर्ते घडविण्याचे,
जीवनामध्ये सक्षमपणे उभा करण्याचे
का त्यांनी केले. साहेबांनी १९८७ साली
केडगांव ग्रामपंचायतीचे सरपंच म्हणून
अऔर ३३ प्रभावीपणे कार्य केले. तसेच
शारिरीक व्यायाम नियमितपणे करणे,
पोहणे, सायकलिंग, तालीम याची आवड
असल्याने स्वतःचे शरीर तंदुरुस्त ठेवून
अनेक मल्ल घडविण्याचे काम त्यांनी
केले.
कोतकर साहेब सर्वसामान्यांसाठी
सकाळी उठल्यानंतर १२ ते १६ तास
काम करायचे. त्यांच्यामध्ये प्रचंड
इच्छाशक्ति, प्रामाणिकपणा, स्पष्टोक्ती,
निर्भिडपणा यामुळे साहेब जीवनात
यशस्वी झाले. गरिबीची जाणीव असल्या
कारणाने कायम तळमळ, अनेक
छोटेमोठे कारखाने, शिक्षणसंस्था, कृषी
उत्पन्न बाजार समिती, महानगरपालिका,
पंचायत समिती, जिल्हा परिषद यांच्या
माध्यमातून अनेक तरुणांना रोजगार
उपलब्ध करुन दिला.
कोतकर साहेबांच्या राजकीय
प्रवासामुळे केडगावचा विकास झाला.
केडगांवचा पाणी प्रश्न, रस्ते, ड्रेनेज,
स्ट्रिटलाईट, अनेक समाजोपयोगी
कार्य केल्याने केडगांव विकसित झाले.
केडगांव हे महानगर पालिकेत गेल्यानंतर
कोतकर साहेबांनी नगरसेवक आणि
आपले चिरंजीव संदिप यांना महापौर
असताना केडगांवला
प्रगतीपथावर नेले.
केडगांवचे कोथरूड
करण्याचे स्वप्न
साहेबांचे होते.
त्याच दृष्टीकोनातून
अल्पावधीतच .
केडगांवला विविध
विकास योजना
आणून आज
केडगांव मध्ये
जागेचे दर अनेक
पटीने वाढले आहे.
तसेच केडगांव मध्ये
गोरगरिबांना कर्ज
उपलब्ध होण्यासाठी भैरवनाथ पतसंस्था
स्थापन केली. गोरगरिबांच्या मुलांना
शिक्षण मिळावे यासाठी त्यांच्या मनात
शिक्षणाविषयी तळमळ होती. १९९३
मध्ये भैरवनाथ एज्युकेशन सोसायटीची
स्थापन करुन भाग्योदय माध्यमिक व
उच्च माध्यमिक विद्यालय, केडगांव, तसेच
प्राथमिक विद्यालय, इंग्रजी माध्यमाचे
विद्यालय सुरु करुन ज्ञानदानाचे
पवित्र कार्य चालू आहे. या शिक्षण
संस्थेच्या माध्यमातून शिक्षणांची गंगा
घरोघरी पोहचविण्याचे काम साहेबांच्या
माध्यमातून होत आहे. पंचायत समितीचे
१९९६ साली उपसभापती असताना व
त्यानंतर सभापतीपद मिळाल्यावर नगर
तालुयातील अनेक गावांत विविध
विकास योजना राबविल्या. घरकुल
असतील, रस्ते, बंधारे, पाझरतलाव,
जि.प.शाळा, आणि प्राथमिक आरोग्य
केंद्र या माध्यमातून कार्य केले. तसेच
कृषी उत्पन्न बाजार समिती, अ.नगर येथे
संचालक पद ते सभापती असा प्रवास
केला. आणि कृषी उत्पन्न बाजार समि
तीमध्ये अमूलाग्र बदल घडवून आणला.
केडगांव बायपास येथे ६७ कोटी रुपये
खर्चून नेप्ती उपबाजार समिती सुरुवात
करण्यात आली.
हॉटेल व्यवसाय कसा करावा याचे
मूर्तीमंत उदाहरण कोतकर साहेब आहेत.
१९८१ साली हॉटेल लोकसेवा नावाने
एक छोटासा ढाब्याची सुरवात करुन तेथे
२५ पैशात चपाती, १ रुपयात भाजी,
देण्याचे काम त्यांनी केले. जेवणाची चव
त्यामुळे ग्राहक आकर्षित झाले. लोकांची
सेवा लोकसेवा हा भाऊंचा विचार. हाच
विचार पुढील हॉटेल व्यवसायामध्ये
प्रगतीपथावर घेऊन गेला.
केडगांव, अहमदनगर, पुणे
शहरात खाद्य संस्कृतीमध्ये मानाचा
पुरस्कार प्राप्त करणारे, महाराष्ट्रतील
खाद्य संस्कृतीचे सुपरस्टार हे साहेब
आहेत. क्वॉलिटी, विनम्र सेवा, स्वच्छता
यामुळे संपुर्ण महाराष्ट्राला वेड लावणारे
त्यांचे हॉटेल आहेत.
कोतकर साहेब यांनी आजारावर
मात करुन यशस्वी जीवन जगले आहेत.
आजही साहेबांमध्ये कमालीची शिस्त
आहे. साहेबांचे व्यक्तिमत्व वज्राहून
अधिक कठीन वाटत असले तरीही
त्यांच्या हृदयात मायेचा ओलावा निश्चित
आहे. त्यामुळेच त्यांच्याविषयी मनात एक
आदराची भावना निर्माण झाल्याशिवाय
राहत नाही. साहेबांकडे कुठल्याही
विद्यापीठाची डिग्री नसताना उत्तम
मॅनेजमेंट कसे करावे त्याचे उदाहरण
म्हणजे कोतकर साहेब. पंढरपूर येथे
धार्मिक वारसा टिकवण्यासाठी भैरवनाथ
देवस्थान ट्रस्टच्या माध्यमातून भव्य
वारकरी भवन निर्माण केले. केडगांवमध्ये
अनेक देवालय उभारण्याचे काम केले.
कोतकर साहेबांनी सामाजिक,
राजकीय, शैक्षणिक, धार्मिक, शेती,
उद्योग, व्यवसाय या क्षेत्रातील केलेले
कार्य छायाचित्रासह या पुस्तकामध्ये
आम्ही मांडण्याचा प्रयत्न करीत आहोत.
थोडयात कोतकर साहेबांचे जीवन
चरित्र यामध्ये आपणासाठी प्रकाशित
करीत आहोत. त्यांच्या जीवनातील
दुर्मिळ अशी माहिती व फोटो उपलब्ध
करुन हे पुस्तक तयार करीत आहोत.
आपणास हे नक्कीच आवडेल ही अपेक्षा.
साहेबांच्या जीवनातील अनेक प्रसंगाचे
साक्षिदार आम्ही आहोत. साहेबांविषयी
कृतज्ञतेचा भाव व्यक्त करुन त्यांना
वाढदिवसांच्या शुभेच्छा देऊन म्हणावेसे
वाटते आप जियो हजारो साल, साल के
दिन हो पचास हजार आदरणीय भाऊंना
वाढदिवसाच्या हार्दिक शुभेच्छा..

नोटीस बजावूनही अतिक्रमण न काढल्याने महानगरपालिकेची कारवाई

नगर – महानगरपालिकेने गेल्या काही दिवसांपासून सुरू केलेल्या अतिक्रमण हटाव मोहिमेअंतर्गत
गुरुवारी अतिक्रमण निर्मूलन विभागाच्या पथकाने मोठी कारवाई करत बेकायदेशीरपणे
बांधण्यात आलेली सहा दुकाने, हॉटेल्स जमीनदोस्त केले. राज चेंबर परिसरात
पोलिस बंदोबस्तात ही कारवाई करण्यात आली. शहरात बेकायदेशीरपणे
साइड मार्जिन न सोडता, पार्किंगसाठी जागा न सोडता, महानगरपालिकेची परवानगी न घेता खासगी जागेत, रस्त्यावर,
रस्त्यालगत बांधकामे करून अतिक्रमणे केली जात आहेत. अशा
अतिक्रमणांवर महानगरपालिकेकडून कारवाया सुरू आहेत. काही
दिवसांपूर्वीच बेकायदेशीरपणे बांधण्यात आलेले पारिजात चौकातील
पत्र्याचे १६ गाळे महानगरपालिकेने जमीनदोस्त केले. त्यानंतर
बालिकाश्रम रस्त्यावरील महानगरपालिकेच्या जागेत असलेली
बांधकामे, गाळे हटवली. दोन दिवसांपूर्वीच मुकुंदनगर परिसरात
रस्त्याला अडथळा ठरणारी, तसेच महानगरपालिकेच्या मोकळ्या जागेत असलेली
अतिक्रमणे जेसीबीच्या साहाय्याने जमीनदोस्त करण्यात आली. त्यानंतर आता महानगरपालिकेने कोठला
परिसरात कारवाई सुरू केली आहे. गुरुवारी राज चेंबरच्या साइड मार्जिनमध्ये बांधण्यात आलेली दुकाने,
हॉटेल्सची बांधकामे कारवाई करून हटवण्यात आली. या बांधकामांना दीड महिन्यांपूर्वी
महानगरपालिकेने नोटिसा बजावल्या होत्या. अतिक्रमणधारकांनी
कोर्टातून स्थगिती मिळवण्याचाही प्रयत्न केला. मात्र, सदर
बांधकामे विनापरवाना असल्याने न्यायालयाने स्थगिती दिली नाही.
त्यामुळे महानगरपालिकेने ही अतिक्रमणे जमीनदोस्त केली आहेत.
महामार्गालगत असलेली व वाहतुकीच्या प्रमुख रस्त्यावर असलेली
अतिक्रमणे हटवण्यात आल्याने नागरिकांकडून कारवाईचे स्वागत
करण्यात येत आहे.

खासदार निलेश लंके; महिला सुरक्षा संदर्भात माळीवाडा व पुणे बसस्थानक परिसराची केली पाहणी

नगर – पुणे येथील स्वारगेट बसस्थानकावर एका युवतीवर एका नराधामाने बलात्कार केला. ही दुर्दैवी घटना महाराष्ट्राला
लाजिरवाणी असून काळीमा फासणारी घटना आहे. शाहू फुले आंबेडकर यांच्या विचाराच्या महाराष्ट्रात महिला सुरक्षित नाही. एसटी महामंडळाचा प्रवास सुरक्षित असून शेतकरी बांधव, गोरगरीब वर्ग लालपरीतून प्रवास करत असतो. मात्र स्वच्छतेचा प्रश्न गंभीर बनलेला आहे. सीसीटीव्ही कॅमेरे बंद अवस्थेत असून फॅन बसण्यासाठी बाकडे नाहीत,
कर्मचारी देखील सुरक्षित नाहीत. राज्यातील कायदा सुव्यवस्था बिघडलेली असून याकडे सरकारला लक्ष
द्यायला वेळ नाही. माजी आरोग्यमंत्र्याचा मुलगा हरवला होता, त्याला एका तासात शोधून देण्याची तत्परता
सरकारने दाखवली. मात्र सर्वसामान्य जनतेचे प्रश्न सोडवण्याकडे अक्षरशा दुर्लक्ष असते. मी राज्य परिवहन
मंडळाकडे मागणी करणार आहे, की प्रत्येक एसटीमध्ये सीसीटीव्ही कॅमेरे बसवावे व त्याचे कंट्रोल डेपोमध्ये ठेवा.
एसटीने प्रवास करणे देखील सुरक्षित राहिले नाही. माता, भगिनी व कॉलेजच्या मुलींची छेड-छाड होण्याचे प्रकार देखील
वाढले असल्याचा गंभीर आरोप खासदार निलेश लंके यांनी केले अहिल्यानगर शहरातील माळीवाडा बसस्थानक व पुणे
बसस्थानकमधील सुरक्षिततेची पाहणी खासदार निलेश लंके यांनी केली. यावेळी त्यांनी वाहक चालक व प्रवाशांशी संवाद साधला. जिल्हा परिषदमधील एका विभागातील अधिकार्‍याने एका महिलेला रात्री ११ वाजेपर्यंत
जिल्हा परिषदमध्ये बसून ठेवण्याचा प्रताप केला. ही निषेधार्थ गोष्ट आहे त्या अधिकार्‍यावर कारवाई करण्याची मागणी मी
केली आहे. अधिकारी व सत्ताधारी यांच्यामध्ये असलेले संबंधामुळे असले प्रकार घडत आहे, असे मत खासदार
निलेश लंके यांनी व्यक्त केले.

स्थानिक गुन्हे शाखेची कारवाई, २ लाख ५८ हजार रुपये किंमतीचे सोन्याचे दागिने हस्तगत

नगर – शेंडी बायपास येथील कसबे
वस्तीवर दरोडा टाकून लुटमार करणार्‍या
दरोडेखोरांच्या टोळीतील तिघांना स्थानिक
गुन्हे शाखेच्या पथकाने नगर तालुयातील भोरवाडी येथे
पकडले आहे. त्यांच्याकडून २ लाख ५८ हजार रुपये
किंमतीचे सोन्याचे दागिने हस्तगत केले. या कारवाईत
नेवासा तालुयातील वांजोळी येथील दरोड्याच्या गुन्ह्याची
ही उकल झाली आहे.
याबाबतची माहिती अशी की, २४ फेब्रुवारी रोजी
रात्री १ वाजण्याच्या सुमारास अशोक लहानु कजबे (रा.
कसबे वस्ती, शेंडी बायपास रोड) हे त्यांचे कुटूंबियासह
घरात झोपलेले असताना ६ ते ७ अज्ञात चोरट्यानी त्यांचे
घराचा दरवाजा तोडून, त्यांचे वडिलांना लाकडी दांडयाने
मारहाण करून, चाकुचा धाक दाखवून घरातील महिलांचे
दागिने जबरीने चोरून नेले. याबाबत एमआयडीसी पोलीस
ठाण्यात दरोडयाचा गुन्हा दाखल करण्यात आला होता.
पोलीस अधिक्षक राकेश ओला यांच्या आदेशाने
या गुन्ह्याचा समांतर तपास स्थानिक गुन्हे शाखेचे पो.नि. दिनेश आहेर यांच्या मार्गदर्शनाखाली पथक
करत होते. या पथकास माहिती मिळाली की, हा गुन्हा तुषार सावंत उर्फ सावत्या भोसले (रा.पिंपळगाव
कौडा, ता.नगर) याने त्याचे साथीदारासह केला असून तो सध्या त्याचा साथीदार विकी संजय काळे
(रा.भोरवाडी, ता.नगर) याचे घरी आहे. या माहिती नुसार पोलीस पथक भोरवाडी येथे विकी काळे याचे
घरी जात असताना पथकाची चाहुल लागताच तीन संशयीत इसम भोरवाडी येथील डोंगराच्या दिशेने
पळून जाऊ लागले.
पोलीस पथकावर आरोपींकडून दगडफेक पोलीस पथकाने त्यांचा पाठलाग केला असता संशयीत इसमांनी पोलीस पथकावर दगडफेक
करण्याचा प्रयत्न केला. पथकाने तीन संशयीत इसमांना ताब्यात घेऊन त्यांचे नाव विचारले असता त्यांनी
तुषार सावंत उर्फ सावत्या भोसले, (वय २७), सुशांत सुरेश भोसले (वय १९, दोघे रा. पिंपळगाव कौडा,
ता.नगर), विकी संजय काळे (वय १८, रा.भोरवाडी, ता.नगर) असे असल्याचे सांगीतले. ताब्यातील
आरोपीकडे गुन्ह्यांच्या अनुषंगाने विचारपुस
केली असता त्यांनी हा गुन्हा साथीदार
अविनाश उर्फ खुडया सावत्या भोसले) रमेश
उर्फ रम्या सावत्या भोसले (दोघे रा.पिंपळगाव कौडा,
ता.नगर), अभिजीत किरण भोसले, तपेश किरण भोसले,
वैभव किरण भोसले (सर्व रा.धानोरा, ता.आष्टी, जि.बीड)
अशांनी मिळून ४ दिवसापुर्वी शेंडी बायपास येथे रात्रीचे
वेळी केला असल्याचे सांगीतले.
बुर्‍हाणनगरच्या सराफाला विकले चोरीचे दागिने
पथकाने ताब्यातील इसमांना गुन्ह्यातील चोरी
केलेल्या मुद्देमालाबाबत विचारपूस केली असता विकी
काळे यांने त्याचे ओळखीचा सोनार विनोद लक्ष्मण बुर्‍हाडे
(रा. बुर्‍हाणनगर, ता.नगर) यास विक्री केलेबाबत माहिती
सांगीतली. सोनार बुर्‍हाडे यांनी आरोपीकडून घेतलेले २
लाख ५८ हजार रूपये किंमतीचे ३० ग्रॅम वजनाचे सोने
हजर केल्याने ते जप्त करण्यात आले.
पथकाने आरोपीकडे आणखी इतर ठिकाणी गुन्हे
केले आहेत काय याबाबत विचारपूस करता तुषार सावंत उर्फ सावत्या भोसले याने वांजोळी शिवार,
ता.नेवासा येथे रात्रीच्या वेळी एका वस्तीवर दरोडा टाकुन मारहाण करून चोरी केली असल्याची माहिती
सांगीतली. ताब्यातील आरोपीना एमआयडीसी पोलीस ठाण्यात मुद्देमालासह हजर करण्यात आले.
ही कारवाई पोलीस निरीक्षक दिनेश आहेर यांच्या पथकातील पोलीस उप निरीक्षक तुषार
धाकराव, अनंत सालगुडे, राजेंद्र वाघ व पोलीस अंमलदार दत्तात्रय हिंगडे, विश्वास बेरड, बापुसाहेब
फोलाणे, हृदय घोडके, गणेश भिंगारदे, संतोष लोढे, ज्ञानेश्वर शिंदे, संदीप दरंदले, राहुल सोळुंके, पंकज
व्यवहारे, सोमनाथ झांबरे, शाहीद शेख, गणेश धोत्रे, अशोक लिपणे, विजय ठोंबरे, किशोर शिरसाठ,
बाळासाहेब गुंजाळ, बाळासाहेब खेडकर, विशाल तनपुरे, रविंद्र घुंगासे, जालींदर माने, आकाश काळे,
भाऊसाहेब काळे, रोहित येमुल, अमोल कोतकर, रोहित मिसाळ, अमृत आढाव, मनोज लातुरकर,
सुनिल मालनकर, रमिजराजा आत्तार, भगवान थोरात, उमाकांत गावडे, महादेव भांड, चंद्रकांत कुसळकर
व महादेव लगड यांनी केली आहे.

उपनेते अजय बोरस्ते यांचे प्रतिपादन; शिवसेना पक्ष सदस्य नोंदणी अभियाना निमित्त अहिल्यानगर पदाधिकारी यांची नियोजनाची बैठक

नगर – एकनाथ शिंदे यांनी मागील अडीच वर्षांमध्ये राज्यात विकासाच्या विविध योजना यशस्वीपणे राबवल्या. जनतेच्या थेट
संपर्कात राहून मुख्यमंत्री काय असतो हे दाखवून दिले, त्यामुळे तेच जनतेच्या मनातील मुख्यमंत्री आहेत. विधानसभेची निवडणूक ही देखील उपमुख्यमंत्री एकनाथ शिंदे यांच्या नेतृत्वाखाली लढवली असल्यामुळेच जनतेने मतदान केले व पुन्हा
राज्यात महायुतीचे सरकार आले आहे. आपण राबवलेल्या योजना जनतेपर्यंत घेऊन जावे त्या माध्यमातून सदस्य
नोंदणी करत पक्षवाढीचे काम करावे. आता लोकसभा विधानसभेची निवडणूक संपली आहे. आता आपल्या निवडणुका
सुरू होणार आहे. यासाठी स्वतःसाठी सदस्य नोंदणी केली पाहिजे, गण-गट व प्रभागात जाऊन सदस्य नोंदणी करावी,
ज्याची सदस्य नोंदणी जास्त होईल त्याचा उपमुख्यमंत्री एकनाथ शिंदे यांच्या हस्ते सत्कार केला जाईल, निवडणूक हे युद्ध
असते त्याची तयारी आत्ताच सुरू करा. आपली लढाई आता मित्रपक्षाबरोबर होऊ शकत. नेत्यांनी बाहेर पडावे शिवसैनिक
नेहमीच रस्त्यावर असतो. शिवसेना हा लोकांमधील पक्ष असून आता भगवी लाट आली असल्याचे प्रतिपादन शिवसेना
उपनेते अजय बोरस्ते यांनी केले. शिवसेना पक्ष सदस्य नोंदणी अभियानानिमित्त अहिल्यानगर पदाधिकारी यांच्या नियोजनाच्या बैठकीत बोलताना अजय बोरस्ते, जिल्हाप्रमुख बाबू टायरवाले, जिल्हाप्रमुख अनिल शिंदे, शहर प्रमुख सचिन जाधव, संभाजी कदम, बाळासाहेब बोराटे, दत्ता जाधव, दत्ता कावरे, प्रशांत गायकवाड, महेश
लोंढे, आप्पा नळकांडे, सुरेश तिवारी, संग्राम कोतकर, दीपक खैरे, महिला जिल्हाप्रमुख मिरा शिंदे, शबनम इनामदार
आदींसह पदाधिकारी उपस्थित होते बाबु टायरवाले म्हणाले की अहिल्यानगर जिल्हा हा भगवामय
करायचा आहे. शिवसेनेला पूर्वीचे गतवैभव निर्माण करून देण्यासाठी पदाधिकार्‍यांनी जोमाने कामाला लागा. उपमुख्यमंत्री
एकनाथ शिंदे यांचे विचार तळागाळापर्यंत घेऊन जाण्याचे काम आपल्या सर्वांना  करायचे आहे. हिंदुहृदयसम्राट बाळासाहेब
ठाकरे यांचा आदर्श अंगीकारून ८० टक्के समाजकारण व २० टक्के राजकारण करायचे आहे. नगर शहरात २५ वर्ष
शिवसेनेचा आमदार होता, मात्र आता नाही. आता आपण सर्वांनी निष्ठावान म्हणून काम केले पाहिजे. अडीच वर्षांपूर्वी
उपमुख्यमंत्री एकनाथ शिंदे यांनी केलेले काम जनतेपर्यंत घेऊन जायचे आहे. पदे घेऊन नुसते बसू नका. पारनेर,
नगर, कोपरगाव, श्रीरामपूर येथील आपल्या हक्काचे आमदार गेले आहेत ते पुन्हा मिळवण्यासाठी काम
करू. भाजप बरोबर युती
नाही असे समजूनच तयारी
करा. निवडणूक झाल्यानंतर
पुन्हा पाहू. समाजातील छोटे
छोटे प्रश्न सोडवले तरी जनता
आपल्या पाठीमागे उभी राहत
असते असे ते म्हणाले.
अनिल शिंदे म्हणाले
की, राज्यात शिवसेना
पक्ष मोठ्या प्रमाणात वाढला
असून तो फक्त एकनाथ शिंदे
यांच्या कामामुळेच वाढला
आहे. नगर शहरामध्ये २५
माजी नगरसेवक शिवसेनेत
आहेत. आता महापालिकेवर
देखील शिवसेनेचा भगवा
फडकवायचा आहे. सभासद
नोंदणी हा पक्ष वाढीसाठी महत्त्वाचा भाग
असून प्रत्येकाने मोठ्या प्रमाणात सभासद
नोंदणी करावी. तालुकावाईज बैठका
घेऊन सदस्य नोंदणी केली जाणार
आहे. शहरात सुमारे ७० हजार सदस्य
नोंदणी केली जाणार असून जिल्ह्यात १
लाख सदस्य नोंदणी केली जाणार आहे.
पक्षातील पदाधिकार्‍यांमधील मतभेद
बाजूला ठेवून शिवसेना वाढीसाठी काम
करावे असे ते म्हणाले.
प्रास्ताविक शहरप्रमुख सचिन
जाधव यांनी केले.
यावेळी संभाजी कदम यांचे भाषण
झाले. माजी नगरसेवक बाळासाहेब बोराटे
यांनी आभार मानले.

घराच्या जिन्यासाठी पश्चिम, नैऋत्य,
मध्य दक्षिण, पश्चिम या दिशा शुभ आहेत.

अखंड मराठा समाज, जिजाऊ ब्रिगेड, वंचित बहुजन आघाडीची निवेदनाद्वारे मागणी 

नगर – राष्ट्रपुरुषांबाबत अवमानकारक वक्तव्य करणाऱ्या नागापूर येथील शिवद्रोही प्रशांत कोरटकर याच्यावर राष्ट्रद्रोहाचा गुन्हा दाखल करून त्याला कठोर शासन करावे अशी मागणी अहिल्यानगर येथील अखंड मराठा समाज, मराठा सेवा संघ प्रणीत जिजाऊ ब्रिगेड तसेच वंचित बहुजन आघाडीच्या शिष्टमंडळाने निवेदनाद्वारे जिल्हा प्रशासनाकडे केली आहे.

तिन्ही संघटनांनी दिलेल्या वेगवेगळ्या निवेदनात म्हंटले आहे की, नागपुर येथील प्रशांत कोरटकर या विक्षिप्त इसमांने इतिहास संशोधक इंद्रजीत सावंत यांच्या सोबत फोनवर झालेल्या संभाषणात राजमाता जिजाऊ, अखंड हिंदुस्तानचे आराध्य दैवत छत्रपती शिवाजी महाराज व स्वराज्य रक्षक छत्रपती संभाजी महाराज यांचेबाबत अतिशय हिनदर्जाचे अवमानकारक तथ्यहीन वक्तव्य केलेले आहे. त्यामुळे शिवद्रोही प्रशांत कोरटकर वर राष्ट्र‌द्रोहाचा गुन्हा दाखल करुन त्यास तात्काळ कठोर शासन करावे आणि त्यावर राष्ट्रद्रोहाचा गुन्हा अहिल्यानगर जिल्हा न्यायालय मध्ये चालवावा अशी मागणी अखंड मराठा समाज व सर्व शिवप्रेमी यांच्यावतीने करत आहोत.

अशा विकृत प्रवृत्ती असणाऱ्या इसमावर कडक कारवाई न झाल्यास जी काही गंभीर परिस्थिती उध्दभवेल त्या सर्व परिस्थितीस राज्य सरकार व अहिल्यानगर जिल्हा प्रशासन जबाबदार राहील याची नोंद घ्यावी. शिवद्रोही प्रशांत कोरटकर यास योग्य ती अदल घडविण्यास अखंड मराठा समाज व शिवप्रेमी समर्थ आहेत असा इशाराही यावेळी देण्यात आला आहे. तर वंचित बहुजन आघाडीने या मागणी बरोबरच पुण्यातील स्वारगेट बस स्थानकात एका बस मध्ये तरुणीवर अत्याचार करणाऱ्या नराधमाला तातडीने अटक करून त्याचा खटला जलदगती न्यायालयात चालवावा व त्याला कठोर शिक्षा व्हावी अशी मागणीही केली आहे. तसेच राज्यात महिलांच्या सुरक्षेसाठी राज्य शासनाने योग्य त्या उपाययोजना करण्याची मागणी केली.

यावेळी अखंड मराठा समाजाच्या शिष्टमंडळात सखाराम गुंजाळ, गोरक्षनाथ दळवी, दीपक खुळे,रामदास सातपुते, प्रशांत काळे, अलका कोरेकर, जिजाऊ ब्रिगेडच्या शिष्टमंडळात जिल्हाध्यक्षा अॅड. स्वाती जाधव व पदाधिकारी तर वंचित बहुजन आघाडीच्या शिष्टमंडळात जिल्हाध्यक्ष योगेश साठे, मारुती पाटोळे, प्रवीण ओरे, अमर निरभवने,विनोद गायकवाड, गणेश राऊत, राजीव भिंगारदिवे, दिलीप साळवे, जे.डी. शिरसाठ आदी उपस्थित होते.

फोटो ओळी – (अखंड मराठा समाज) शिवद्रोही प्रशांत कोरटकर याच्यावर राष्ट्रद्रोहाचा गुन्हा दाखल करावा या मागणीचे निवेदन जिल्हा प्रशासनाला देताना अखंड मराठा समाजाच्या शिष्टमंडळातील सखाराम गुंजाळ, गोरक्षनाथ दळवी, दीपक खुळे,रामदास सातपुते, प्रशांत काळे आदी.

फोटो ओळी – (जिजाऊ ब्रिगेड) शिवद्रोही प्रशांत कोरटकर याच्यावर राष्ट्रद्रोहाचा गुन्हा दाखल करावा या मागणीचे निवेदन जिल्हा प्रशासनाला देताना जिजाऊ ब्रिगेडच्या जिल्हाध्यक्षा अॅड. स्वाती जाधव व पदाधिकारी.

फोटो ओळी – (वंचित बहुजन आघाडी) प्रशांत कोरटकर याच्यावर राष्ट्रद्रोहाचा गुन्हा दाखल करावा तसेच पुण्यातील तरुणीवर अत्याचार करणाऱ्याला तातडीने अटक करावी या मागणीचे निवेदन जिल्हा प्रशासनाला देताना वंचित बहुजन आघाडीचे जिल्हाध्यक्ष योगेश साठे, मारुती पाटोळे, प्रवीण ओरे, अमर निरभवने,विनोद गायकवाड, गणेश राऊत, राजीव भिंगारदिवे, दिलीप साळवे, जे.डी. शिरसाठ आदी

जेसीबी, डंपर, रोड रोलर आडवे लाऊन अधीक्षक अभियंत्याचे कार्यालय आंदोलकांनी अडवले

नगर – विविध शासकीय निधीतून व योजनांची विकासकामे
करणार्‍या ठेकेदारांची हजारो कोटी रुपयांची थकबाकी राज्य
शासनाकडे वर्षानुवर्षे प्रलंबित आहे. ही थकबाकी त्वरित अदा करावी,
या मागणीसाठी बिल्डर्स असोसिएशन ऑफ इंडियाच्या अहिल्यानगर शाखेच्या वतीने २७
फेब्रुवारी रोजी सकाळी सार्वजनिक बांधकाम विभागाच्या अधिक्षक अभियंता कार्यालयावर
धडक मोर्चा काढून मोर्चा काढून धरणे आंदोलन करण्यात आले. सार्वजनिक बांधकाम
विभागाच्या कार्यकारी अभियंता कार्यालयापासून निघालेला हा मोर्चा अधीक्षक अभियंता
कार्यालयात आल्यावर तेथे धरणे आंदोलन करण्यात आले. यावेळी सहभागी सर्व ठेकेदार,
कामगार व कर्मचार्‍यांनी राज्य सरकारच्या निषेधाचे फलक हातात घेत घोषणा लिहिलेल्या
गांधी टोप्या घातल्या होत्या. राज्य शासनाच्या निषेधार्थ घोषणा देण्यात आल्या तसेच ढोल
वाजवून राज्य शासनाच्या असहकार्याचा निषेध करण्यात आला. यावेळी जेसीबी, डंपर,
रोडरोलर आडवे लाऊन अधीक्षक अभियंत्याचे कार्यालय आंदोलकांनी अडवले होते.
बिल्डर्स असोसिएशन ऑफ इंडियाच्या नगर शाखेचे अध्यक्ष दीपक दरे यांच्या
नेतृत्वाखाली जिल्ह्यातून आलेले शासकीय ठेकेदार उपस्थित होते. सार्वजनिक बांधकाम
विभागाच्या अधिक्षक अभियंता भरत बाविस्कर यांना विविध मागण्यांचे निवेदन देण्यात आले.
त्यांनी राज्य शासनाकडे निधीसाठी मागणी केली असून, याबाबत पालकमंत्री राधाकृष्ण विखे
यांच्या बैठकीतही हा मुद्दा उपस्थित करणार असल्याचे सांगितले.
यावेळी संघटनेचे उपाध्यक्ष संजय गुंदेचा, राज्य सेक्रेटरी मिलिंद वायकर, जिल्हा
सेक्रेटरी उदय मुंडे, माजी अध्यक्ष अनिल कोठारी व महेश गुंदेचा, ज्येष्ठ सदस्य दादासाहेब
जगताप, जवाहर मुथा, दादासाहेब थोरात, अनिल तोरडमल, सुनील शिंदे, ईश्वर जंजिरे,
प्रितम भंडारी, बाळासाहेब मुरदारे, किरण पागिरे, शैलेश मेहेर, अनिश सोनीमंडलेचा,
बाळासाहेब कचरे, शिवाजी येवले आदींसह जिल्ह्यातून आलेले शेकडो ठेकेदार व हजारो
कर्मचारी कामगार या धरणे आंदोलनात व मोर्चात सहभागी झाले होते.
दीपक दरे म्हणाले, अहिल्यानगरमधील सर्व ठेकेदारांची गेल्या ३ वर्षांपासून केलेल्या
कामांची कोट्यावधी रुपयांची बिले राज्य शासनाकडे प्रलंबित आहेत. मात्र शासन केवळ
५ ते १० टक्के असा अल्प निधी देत आमची फसवणूक करत आहे. सर्व ठेकेदार मोठ्या
आर्थिक संकटात सापडले असून आमचे कामगारांवरही पगाराअभावी
उपासमारीची वेळ आली असून डांबर, खडी सप्लायरचे देणेही थकले
आहे. याच्या निषेधार्थ आम्ही आज शांततेत धरणे आंदोलन केले
आहे. आमचे प्रलंबित बिले जर त्वरित मिळाली नाहीत तर आम्ही तीव्र आंदोलन करणार
आहोत. या थकबाकीमुळे सुरु असलेल्या विकासकामांना एप्रिल २०२६ पर्यंत शासनाने
कोणताही दंड न आकारता मुदतवाढ द्यावी, अशीही मागणी आम्ही केली आहे.
अनिल कोठारी म्हणाले, शासनाच्या सार्वजनिक बांधकाम विभाग, ग्राम विकास, नगर
विकास खाते, जलसंपदा विभाग अशा सर्वच विभागांमध्ये सुरु असलेल्या विकासकामांचे बिले
गेल्या अनेक वर्षांपासून शासनाकडे प्रलंबित आहेत. सर्व ठेकेदार मोठ्या आर्थिक अडचणीत
सापडेल असून घेतलेल्या कर्जाचे हप्ते थकल्याने बँका आमच्यावर कारवाई करू लागल्या
आहेत. मात्र वारंवार मागणी करूनही शासन आमच्याकडे दुर्लक्ष करीत आहे. याच्या निषेधार्थ
हे राज्यस्तरीय आंदोलन केले आहे. जर या राज्यस्तरीय आंदोलनाची शासनाने त्वरित दखल
घेतली नाहीतर लवकरच आम्ही रास्ता रोको सारखे आंदोलन करणार आहोत तसेच चालू
असलेले सर्व विकासकामे थांबवण्यात येणार आहेत, असा इशारा त्यांनी दिला

केशर गुलाब मंगल कार्यालयात महाशिवरात्री निमित्त द मिस्टीक आय या संस्थेतर्फे भजन संध्या व ध्यान धारणा शिबिराचे आयोजन करण्यात आले होते.

नगर – महाशिवरात्री या पावन दिनी भगवान शिवाची
आराधना केली जाते. शिव आराधनेमध्ये ध्यानाला खूप महत्त्व
आहे. महाशिवरात्रीच्या दिवशी जागरण आणि भजन केल्यास
भगवान शिव प्रसन्न होतात. सध्याच्या धावपळीच्या युगात प्रत्येकाला जीवनात ताणय्तणाव जाणवतो. हा ताणतणाव दूर करण्यासाठी व मन शांती मिळविण्यासाठी ध्यान
धारण्याची आवश्यकता आहे. तसेच आपल्यामध्ये आलेली नकारात्मक ऊर्जा नष्ट
करून सकारात्मक ऊर्जा मिळविण्यासाठी ध्यान धारणेचा चांगला फायदा मिळतो.
आज महाशिवरात्रीच्या पावनदिनी भजन संध्या कार्यक्रमातून भगवान शिवाची आराधना
करून भगवान शिवाशी एकरूप होऊन ध्यान साधनेतून सकारात्मक ऊर्जा प्राप्त
करून मनशांती मिळेल.
केशर गुलाब मंगल कार्यालयात महाशिवरात्री निमित्त द मिस्टीक आय या
संस्थेतर्फे भजन संध्या व ध्यान धारणा शिबिराचे आयोजन करण्यात आले होते.
नटराज पूजन व दिपप्रज्वलन करुन भजन संध्या व ध्यान शिबिराचे
उद्घाटन प्रमुख अतिथी लालचंद मुनोत, सौ. सुकांता मुनोत,
आनंदराम मुनोत, सौ.कमल मुनोत, द मिस्टिक आय च्या संचालिका
साक्षी मुनोत आदींच्या हस्ते करण्यात आले.
यावेळी भजन संध्येत शिवस्तुती, शिवतांडव, ऐ शिव भोले नाथ दिगंबर, ओम
नमः शिवाय हर हर भोले ओम नमः शिवाय, शिव शंभो महादेवा, हरहर गंगे या
भजनसंध्येच्या कार्यक्रमातून शिव आराधना करण्यात आली. यावेळी साधक भजनामध्ये
तल्लीन होऊन मंत्रमुग्ध झाले. भजन संध्येच्या कार्यक्रमात गायक सौ.गौरी सुद्रिक,
डॉ.वैष्णवी कुलकर्णी, शांभवी वळिंबे, राहुल ढोलरे, जीवन दुबे यांनी शिवस्तुती, शिव
तांडव, शिव भजने गायीली. तर यावेळी साथसंगत तबला वादक सुरज शिंदे, किबोर्ड
वादक प्रणव देशपांडे, रमेश कार्ले, गीटार वादक महेश कुलकर्णी व रुतीक देसाई यांनी
साथसंगत दिली. या कार्यक्रमाला अहिल्यानगरच्या नागरिकांनी प्रतिसाद दिला.

नगर – अहमदनगर सीए शाखा आणि विद्यार्थी
शाखेला सर्वोत्कृष्ट शाखा पुरस्कार (लघु श्रेणी)
थखठउ तर्फे प्रदान करण्यात आला आहे. हा
पुरस्कार २०२४-२५ या वर्षासाठी जाहीर करण्यात
आला असून, मुंबईतील सहारा स्टार हॉटेल येथे
आयोजित कार्यक्रमात हा गौरव प्रदान करण्यात
आला. या प्रसंगी शाखा अध्यक्ष सीए सनित मुथा
आणि विद्यार्थी शाखा अध्यक्ष सीए प्रसाद पुराणिक
यांनी ही माहिती दिली.
इन्स्टिट्यूट ऑफ चार्टर्ड अकाउंटंट्स ऑफ
इंडियाच्या (खउअख) पश्चिम विभागात महाराष्ट्र, गुजरात
आणि गोवा या राज्यांचा समावेश होतो. या विभागाच्या
वतीने मागील वर्षभरातील शाखांच्या कामगिरीचे मूल्यमापन करून
उत्कृष्ट शाखा पुरस्कार दिला जातो. पश्चिम विभागाचे निवर्तमान
अध्यक्ष सीए अंकित राठी यांनी अहमदनगर सीए शाखेच्या उल्लेखनीय
कार्याची प्रशंसा करत या पुरस्काराची घोषणा केली.
अहमदनगर सीए शाखेने २०२४-२५ मध्ये सीए सदस्य आणि
विद्यार्थ्यांसाठी विविध शैक्षणिक, व्यावसायिक आणि सांस्कृतिक
उपक्रमांचे आयोजन केले. सीए सदस्यांसाठी तज्ज्ञांचे मार्गदर्शन सत्र,
चर्चासत्रे, परिषदा, तसेच अनेक व्यक्तींच्या भेटी आणि मार्गदर्शन
यांसारखे उपक्रम घेतले गेले.
पद्मश्री पोपटराव पवार, आमदार संग्राम जगताप,
उपजिल्हाधिकारी सुहास मापारी, राजेसाहेब माने, दीपक तावरे,
तसेच सामाजिक कार्यकर्त्या छायाताई फिरोदिया यांनी शाखेला,
आयसीएआयचे अध्यक्ष सीए रणजीतकुमार अग्रवाल आणि उपाध्यक्ष
सीए चरणज्योतसिंग नंदा भेट देऊन मार्गदर्शन केले.
शाखेने विविध विषयांवर सेमिनार्स आणि कार्यशाळांचे आयोजन
केले, ज्यामध्ये जिल्हा उपनिबंधक कार्यालय सोबत सहकारी
संस्था सहकारी बँका आणि पथसंस्था त्यांचे संचालक, अधिकारी
त्यांच्यासाठी दोन दिवसीय प्रशिक्षण, उठएऊअख सोबत ठएठअ
आणि ॠडढ वरील चर्चासत्र, चडचए आणि स्टार्टअप्सवरील संधी,
आयकर, ॠडढ, अख अधिवेशन, शेअर मार्केटवरील कार्यशाळा,
तिरुपती येथे प्रथमच परिषद, तसेच संपूर्ण भारतभरातील ५० हून
अधिक शाळा आणि महाविद्यालयांमध्ये करिअर मार्गदर्शन आणि
गुंतवणूक साक्षरता कार्यक्रम यांचा समावेश होता.
शाखेच्या पायाभूत सुविधांमध्येही महत्त्वपूर्ण सुधारणा करण्यात
आल्या आहेत. नवीन वाचन कक्ष (ठशरवळपस ठेेा) सुरू करून
विद्यार्थ्यांना उत्तम अभ्यासाची सुविधा देण्यात आली
आहे. तसेच, पर्यावरणपूरक दृष्टीकोन ठेवत शाखेत
सौरऊर्जा प्रकल्प बसवण्यात आला आहे.
क्रीडा आणि सांस्कृतिक उपक्रमांच्या, चार्टर्ड
अकाउंटंट्स प्रीमियर लीग (उअझङ) क्रिकेट
स्पर्धा, सांस्कृतिक कार्यक्रम, तसेच सामाजिक
जबाबदारीच्या उपक्रमांतर्गत स्वच्छ भारत अभियान,
रक्तदान शिबिरे, दंतचिकित्सा शिबिरे आणि वंचित
विद्यार्थ्यांना शालेय साहित्य वितरण यांसारख्या
उपक्रमांचे आयोजन करण्यात आले.
या यशामध्ये २०२४-२५ साठीच्या अहमदनगर
सीए शाखेच्या व्यवस्थापकीय समितीचे योगदान
आहे. उपाध्यक्ष सीए प्रसाद पुराणिक, सचिव सीए अभयकुमार
कटारिया, खजिनदार सीए महेश तिवारी, तसेच माजी अध्यक्ष सीए
ज्ञानेश्वर काळे आणि सीए पवनकुमार दरक यांनी शाखेच्या उपक्रमात
मोलाची भूमिका बजावली आहे.
माजी अध्यक्ष सीए मोहन बरमेचा, सीए संजय देशमुख, सीए
अजय मुथा, सीए मिलिंद जांगडा, सीए सुशील जैन, सीए प्रसाद
भंडारी, सीए कुलकर्णी ज्ञानेश, सीए (डॉ.) परेश बोरा, सीए किरण
भंडारी आणि सीए संदीप देसरडा यांनीही मार्गदर्शन करून शाखेच्या
प्रगतीस हातभार लावला. अध्यक्ष सीए सनित मुथा यांनी संपूर्ण
नगर शाखेतील सर्व सीए सदस्य, विद्यार्थी, प्रशासकीय कर्मचारी,
कार्यकारिणी सदस्य, सदस्यांच्या कुटुंबीयांचे, विशेषत: त्यांचे कुटुंब
आणि पत्नी निकिता मुथा यांचे सहकार्याबद्दल आभार मानले.

१ हजार ३१३ अग्नि कुंडचा विक्रम केल्याने रेकॉर्डचे प्रमाणपत्र मठाधिपती अशोक दादा जाधव यांना सुपूत

नगर – केडगाव येथील श्रीमंत सद्गुरु शंकर
शेठ महाराज मठाच्या वतीने मठाधिपती अशोक
दादा जाधव यांच्या नेतृत्वाखाली श्री दत्त महायाग
करण्यासाठी वापरल्या जाणार्‍या जास्तीत जास्त
अग्नि कुंडाचा विक्रम केला १७ नोव्हेंबर २०२४ रोजी
या यज्ञामध्ये एकूण १ हजार ३१३ अग्नि कुंड (हवन
कुंड) वापरण्यात आले असून याची रेकॉर्ड नोंद
करण्यात आली.
मोठ्या उत्साहात १ हजार ३१३ यजमानांच्या
हस्ते श्री दत्त महायागाचे आयोजन केले होते त्यामध्ये
१३ हजार भाविक उपस्थित होते व या महायागाची नोंद
इंडिया बुक ऑफ रेकॉर्ड, एशिया बुक ऑफ रेकॉर्ड व
इंटरनॅशनल बुक ऑफ रेकॉर्डमध्ये नोंद करण्यात आली
होती. त्याचे प्रमाणपत्र आज महाशिवरात्रीच्या दिवशी
देण्यात आले हे प्रमाणपत्र व मेडेल नॅशनल रेकॉर्ड बुक चे
निर्णायक अशोक अडक यांच्या हस्ते मठाधिपती अशोक
दादा जाधव यांना सुपूर्त करण्यात आले.
यावेळी मठाचे सेवेकरी व भाविक उपस्थित
होते. आज महाशिवरात्रीच्या दिवशी मोठ्या प्रमाणावर
महायागाचे आयोजन करण्यात आले होते. यामध्ये
मोठ्या प्रमाणात भाविक उपस्थित होते. व मठाच्या
वतीने सद्गुरू शंकर महाराज जयंती व दत्त जयंती
उत्सव तसेच धार्मिक उत्सव कार्यक्रम मोठ्या उत्साहात
साजरे करण्यात येतात.

नगर – बालरंगभूमी परिषद मध्यवर्तीच्या अध्यक्षा अ‍ॅड. निलम शिर्के- सामंत ह्यांच्या प्रेरणेने येथील बालरंगभूमी परिषद
अहिल्यानगर शाखा आयोजित व कै.परीक्षित कुलकर्णी एज्युकेशन सोसायटी, राहुरी यांच्या वतीने
पिनॅकल लिनिक व डेंटल केअर यांच्या सहकार्याने शिबिरामध्ये मोफत तपासणी केली. बालरंगभूमी
परिषदेच्या या आरोग्य शिबिरास ५२ सभासदांनी प्रतिसाद देत ब्लड-शुगर, बी.पी., वजन, इ.सी.जी, दंत तपासणी
तसेच केस गळणे, त्वचेच्या आजारांवर तपासणी करून घेतली.
या वेळी डॉ.पुष्कराज कुलकर्णी यांनी निरोगी शरीरासाठी दिवसातला किमान १
तास करावयाचे विविध व्यायाम पद्धती व त्यांचे फायदे तर डॉ.प्रियंका कुलकर्णी यांनी
दात व हिरड्यांचे आरोग्य, त्यांची काळजी कशी घ्यावी याबद्दल मार्गदर्शन केले. तसेच
त्वचेचे आरोग्य आणि सौंदर्य यासाठी जीवनसत्त्वांचे महत्त्व यावर डॉ.राजे देशमुख यांनी
प्रश्नोत्तर माहिती देत सभासदांच्या शंकाचे निरसरण केले.
कार्यक्रमाचे सूत्रसंचालन प्रमुख कार्यवाह प्रसाद भणगे यांनी केले. तर आभार
मध्यवर्तीचे कार्यकारणी सदस्य अनंत जोशी यांनी मानले.
यावेळी विद्या जोशी, सोनाली दरेकर,सुजाता पायमोडे, टीना इंगळे, श्रिया
देशमुख, ऋतुजा पाठक, सतीश लोटके, विराज अडगटला, देवीप्रसाद सोहोनी, सागर
अलचेट्टी, प्रशांत सूर्यवंशी, अविनाश बोधले, तेजस अतितकर, राहुल रसाळ, अनिल
जोशी, रघुनाथ सातपुते, महादेव गाडे, मंगेश जोशी, निलेश बागडे, देवीप्रसाद सोहनी
आदी उपस्थित होते. कार्यक्रम यशस्वीतेसाठी अध्यक्षा उर्मिला लोटके यांसह शिबिर
प्रमुख शैलेश देशमुख व तेजा पाठक यांनी प्रयत्न केले.

अँजिओग्राफी ३ हजार, सिटी स्कॅन १२५० रुपयांत, एमआरआय २५०० रुपयात व सवलतीच्या दरात शस्त्रक्रिया

नगर – आचार्य आनंदऋषीजी महाराज यांच्या ३३ व्या पुण्यस्मृतीदिनानिमित्त जैन सोशल फेडरेशन संचलित श्री
आनंदऋषीजी हॉस्पिटल अ‍ॅण्ड हार्ट सर्जरी सेंटर येथे १ ते ३१ मार्च या कालावधीत विविध मोफत आरोग्य तपासणी
शिबिरांचे आयोजन करण्यात आले आहे. राष्ट्रसंत आचार्य आनंदऋषीजी महाराज यांची मानवसेवेची शिकवण व प्रबुध्द
विचारक आदर्शऋषीजी म.सा.यांच्या प्रेरणेतून हे शिबिर घेण्यात येत आहेत. दररोज सकाळी १० ते दुपारी २ या
कालावधीत रूग्ण तपासणी करण्यात येणार आहे. दरवर्षी राबविण्यात येणार्‍या या मोफत आरोग्य तपासणी शिबिराचा
लाभ असंख्य रूग्णांना झाला आहे. आनंदऋषीजी हॉस्पिटलला एन.ए.बी.एच.मान्यता मिळालेली असून, ही मान्यता असलेले अहिल्यानगर जिल्ह्यातील २६० बेडस्चे हे पहिलेच हॉस्पिटल आहे. हॉस्पिटलमधील उच्च दर्जाच्या आरोग्य सेवांचा लाभ
या मोफत शिबिरांतून सर्वसामान्य रूग्णांना होणार आहे. हॉस्पिटलमध्ये एमआरआय तपासणी २५०० रुपये, सर्व
प्रकारचे सिटी स्कॅन १२५० रुपये, सोनोग्राफी कलर प्रिंट व रिपोर्टसह ८०० रुपये, डिजीटल एस रे तपासणी
२५० रुपयात केली जाणार आहे. हॉस्पिटलमध्ये प्रशस्त व अतिप्रगत पॅथॉलॉजी विभाग, आंतरराष्ट्रीय दर्जाची ब्लड
बँक, ३५ डायलेसिस मशिन कक्ष, परिपूर्ण फिजिओथेरपी विभाग आहे. या विविध मोफत आरोग्य तपासणी शिबिराला
१ मार्च रोजी सुरूवात होणार आहे. पहिल्या दिवशी एंडो युरोलॉजीकल (मूत्रपिंड, मूत्रमार्ग, मूत्राशय), स्टोन तपासणी
व शस्त्रक्रिया शिबिर होणार आहे. प्रोस्टेट रोग उपचार, युरेथ्रल स्ट्रीचर रोग व्यवस्थापन, पुरूष वंध्यत्व समुपदेशन,
अंडाशय कर्करोग व्यवस्थापन आदी उपचार केले जातील. रूग्णांवर महात्मा फुले जन आरोग्य योजनेअंतर्गत शस्त्रक्रिया
केल्या जाणार आहेत. शिबिरात मूत्र विकार तज्ज्ञ डॉ. संकेत काळपांडे व डॉ. अमय सांगळे रूग्ण तपासणी व
उपचार मार्गदर्शन करतील. ७ मार्च रोजी प्लॅस्टिक सर्जरी शिबीर होणार आहे.
यात लहान मुलांच्या हाताच्या जन्मजात समस्या, व्यंग, मधुमेहामुळे होणार्‍या जुनाट जखमा, पायाच्या जखमा,
दुभंगलेले ओठ, तुटलेले कान, चेहर्‍यावरील व्रण, तोंड, गाल, ओठ, जीभ, जबडा, सायनस, लाळ ग्रंथीच्या साध्या
व कर्करोगाच्या गाठीचे निदान व उपचार मार्गदर्शन केले जाईल. तिखट आणि मसालेदार खाण्यात अडचण येणे,
तोंडातील व्रण आदी समस्यांवर उपचार केले जाणार आहेत. प्लॅस्टिक सर्जन डॉ.माया मरकड व डॉ. दमाणी आदित्य
शिबिरात तपासणी व उपचार करणार आहेत. ९ मार्च रोजी मोफत नेत्ररोग तपासणी शिबीर होणार
आहे. महावीर भवन येथील आनंदऋषीजी नेत्रालय येथे होणार्या या शिबिरात मोतीबिंदू तपासणी व शस्त्रक्रिया,
रेटिना तपासणी व शस्त्रक्रिया, तिरळेपणा, लहान मुलांचे मोतीबिंदू तपासणी होईल. नेत्रतज्ज्ञ
डॉ.प्रकाश कांकरिया, डॉ.अशोक महाडिक, डॉ.संदीप राणे, डॉ. कटारिया, डॉ. तांबे, डॉ.शिंदे, डॉ.
भराडिया आदी तज्ज्ञ डॉटरांची टीम रूग्ण तपासणी व उपचार करतील. शिबिराच्या नाव नोंदणीसाठी संपर्क
-८६८६४०१५१५. १० मार्च रोजी बालरोग तपासणी शिबीर होणार आहे. यात लहान मुलं, नवजात शिशुंचे आजार आणि तपासणी, लहान मुलांच्या हर्निया, हायड्रोसील, फिमोसिस, ंडिसेंड टेस्टीस इत्यादी शस्त्रक्रिया केल्या जाणार आहेत. बालरोग तज्ज्ञ डॉ. श्रेयस सुरपुरे, डॉ.वैभवी वंजारे, डॉ.सोनाली कणसे, पिडियाट्रीक सर्जन डॉ. रूपेश सिकची रूग्ण
तपासणी करतील. १३ मार्च रोजी मेंदू विकार व मेंदू शस्त्रक्रिया शिबिराचे आयोजन करण्यात आले आहे. यात डोकेदुखी, अपस्मार, पॅरालिसिस, कंबरदुखी, नसांचे विकार, स्नायूंचे विकार, मेंदूतील जंतुसंसर्ग, मेंदूज्वर, स्मृतीभ्रंश इत्यादी आजारांची
तपासणी व उपचार केले जातील. इ.इ.जी, इ.एम. जी, एन.सी.व्ही इत्यादी तपासण्या ५० टक्के सवलतीच्या
दरात केल्या जाणार आहेत. मणयातील चकती सरकणे, झटके येणे, ट्रॉमा सर्जरी, मेंदूतील रक्तस्त्राव, स्लिपडिस
आदी समस्यांवर उपचार शस्त्रक्रिया केल्या जाणार आहेत. मेंदूविकार तज्ज्ञ डॉ.गौतम काळे, डॉ.अद्वैत गिते, न्यूरोसर्जन
डॉ.विशाल भस्मे रूग्ण तपासणी करतील. हॉस्पिटल मध्ये दर महिन्याच्या पहिल्या व तिसर्‍या गुरूवारी डॉ.विशाल
भस्मे उपलब्ध असतात. १६ मार्च रोजी हृदयरोग तपासणी शिबीर होणार आहे. यात ंजिओग्राफी तपासणी ३ हजार रुपयांत केली जाणार आहे. हृदय शस्त्रक्रिया हृदयातील झडप बदलणे, छिद्रे बुजवणे, लहान मुलांच्या हृदयशस्त्रक्रिया व अँजिओप्लास्टी महात्मा फुले जन आरोग्य योजनेंतर्गत मोफत केल्या जाणार आहेत. शिबिरात कार्डियाक सर्जन डॉ.स्वप्नील
कर्णे, डॉ.श्रीरंग रानडे, डॉ.इमरान पटेल, डॉ. देखणे, डॉ. आवस्ती, एम डी मेडिसीन डॉ.वसंत कटारिया, डॉ. चिंधे,
कार्डिओलॉजीस्ट डॉ.राहुल अग्रवाल, डॉ.अमित थोपटे, डॉ .अनिकेत कटारिया, कार्डियाक अनेस्थेटिस्ट डॉ.राहुल
एरंडे, डॉ.विनय छल्लाणी, डॉ.गजेंद्र गिरी, डॉ.रविराज गवळी, डॉ.प्राजक्ता पारधे रूग्ण तपासणी करतील.
१८ मार्च रोजी सवलतीच्या दरात जनरल शस्त्रक्रिया शिबिराचे आयोजन करण्यात आले आहे. पेंडिस व
इंगवायनल हर्निया शस्त्रक्रिया प्रत्येकी १० हजार रुपये, हायड्रोसील शस्त्रक्रिया ४ हजार रुपयांत केली जाणार आहे.
औषध खर्च वेगळा असेल. जनरल सर्जन डॉ. प्रविण मुनोत, डॉ.विवेक भापकर रूग्ण तपासणी करून उपचार मार्गदर्शन करतील. २० मार्च रोजी स्त्रीरोग, गर्भवती महिला आरोग्य तपासणी शिबीर
होणार आहे. यात दुर्बिणीव्दारे कुटुंब नियोजन शस्त्रक्रिया, गर्भाशयाची पिशवी काढण्याची शस्त्रक्रिया, सिझेरियन प्रत्येकी १० हजार रुपयात केले जाईल. गर्भवती मातांची सोनोग्राफी, रक्त, लघवी इत्यादी तपासण्या शिबिरापासून पुढील महिनाभराच्या कालावधीत ५० टक्के सवलतीच्या दरात केल्या जातील. शिबिरातील गर्भवती मातांना बाळंतपणावेळी होणार्‍या फीमध्ये ५० टक्के सवलत देण्यात येणार आहे. या शिबिरात स्त्रीरोग तज्ज्ञ डॉ.रवींद्र मुथा, डॉ.सोनल बोरुडे रूग्ण
तपासणी करतील. २२ मार्च रोजी सर्व रोग निदान शिबिराचे आयोजन करण्यात आले आहे. यात ब्लड प्रेशर, मधुमेह व इतर विविध आकारांची तपासणी व उपचार मार्गदर्शन केले जाईल. तज्ज्ञ डॉ. वसंत कटारिया, डॉ. गजेंद्र गिरी, डॉ.
रविराज गवळी, डॉ.प्राजक्ता पारधे रूग्ण तपासणी करणार आहेत. २४ मार्च रोजी कॅन्सर तपासणी शिबीर होणार आहे. यात घसा, फुफ्फुस, आतडे, तोंडाचा इत्यादी कॅन्सर तपासणी, स्त्रियांचे कॅन्सर तपासणी, स्त्रियांमधील स्तनाच्या कॅन्सरची
तपासणी मॅमोग्राफी मशिनव्दारे करण्यात येईल. स्त्रियांच्या गर्भ पिशवीच्या कॅन्सरच्या तपासणीसाठी सवलतीच्या दरात
पॅपस्मीयर तपासणी केली जाणार आहे. मॅमोग्राफी तपासणी फक्त १०० रुपयात करण्यात येणार आहे. या शिबिरात
कॅन्सर सर्जन डॉ. अनिकेत शिंदे, डॉ. राहुल कांडेकर, कॅन्सर विकार तज्ज्ञ डॉ.लिझा बलसारा, फिजिशियन डॉ. गिरी,
डॉ.गवळी, डॉ. पारधे, सर्जन डॉ.विवेक भापकर, डॉ.प्रविण मुनोत, डॉ. भास्कर जाधव, डॉ. आर.एम. पांडे, स्त्री रोग
तज्ज्ञ डॉ.रवींद्र मुथा, डॉ.सोनल बोरुडे, रेडिओलॉजीस्ट डॉ. मितेश कटारिया, डॉ.भक्ती फलके, डॉ.सोनाली सोलट,
डॉ.निखिता जैन (कटारिया), पॅथॉलॉजी डॉ.मुकुंद उंडे, डॉ. सारिका झरेकर, मायक्रोबायोलॉजीस्ट डॉ.नरेंद्र पाटील रूग्ण
तपासणी व मार्गदर्शन करणार आहेत. २५ मार्च रोजी अस्थिरोग तपासणी, मणके व सांधेबदली शस्त्रक्रिया शिबीर होणार आहे. यात इंपोर्टेड इम्प्लांटसह संपूर्ण गुडघा प्रत्यारोपण, संपूर्ण खुबा प्रत्यारोपण इंपोर्टेड इम्प्लांटसह ६५ हजार रुपयांपुढे केले जाणार आहे. औषध खर्च वेगळा असणार आहे. यासह ए.सी.एल., रि कन्स्ट्रशन व ऑर्थोस्कोपी निदान केले जाणार आहे. महात्मा ज्योतीबा फुले जन आरोग्य योजनोंतर्गत पात्र लाभार्थींच्या शस्त्रक्रिया मोफत केल्या जातील. शिबिरात अस्थिरोग तज्ज्ञ डॉ.विशाल शिंदे, डॉ. रोहन धोत्रे, स्पाईन सर्जन डॉ. अमित सुराणा, डॉ. अक्षय गादिया रुग्ण
तपासणी करणार आहेत. २६ मार्च रोजी किडनी आजार तपासणी शिबिर होणार आहे. यात अंगावर सूज येणे, लघवी कमी अथवा लाल होणे, किडनी जंतू संसर्ग, डायलेसिस रूग्णांची तपासणी व मार्गदर्शन केले जाणार आहे. महात्मा ज्योतीबा फुले
जनआरोग्य योजनेंतर्गत डायलेसिस मोफत केले जाईल. यात नेफ्रोलॉजीस्ट डॉ.गोविंद कासट, डॉ.प्राजक्ता पारधे
रूग्ण तपासणी करतील. २७ मार्च रोजी कान, नाक, घसा व स्पीच थेरपी तपासणी शिबीर होणार आहे. हॉस्पिटल मध्ये ऑडिओमेट्री  सुविधा उपलब्ध आहे. या शिबिरात डॉ.सुकेशिनी गाडेकर, डॉ. अतुल तुपे, वाचा व भाषा उपचार तज्ज्ञ अझर शेख रूग्ण तपासणी करणार आहेत. २९ मार्च रोजी दंतरोग तपासणी व उपचार शिबीर होणार आहे. यात दातांच्या नसावरील उपचार मेटल कॅप १ हजार ते १५०० रूपये रुपये, सिरॅमिक कॅप १५०० ते २५०० रुपये, रुट कॅनल २००० ते ३ हजार रुपये, दातांची कवळी बसवणे ८ ते १४ हजार दरम्यान, दात साफ करणे, दातात सिमेंट भरणे प्रत्येकी ५०० रुपये, दात काढणे आदी उपचार केले जाणार आहेत. दंतरोग तज्ज्ञ डॉ. अपर्णा पवार, डॉ.प्राची गांधी, लहान मुलांचे दंतरोग तज्ज्ञ
डॉ.प्रणव डुंगरवाल, ओरल सर्जन डॉ. स्वराज ठोले, डॉ. मृदुला मुळे शिबीरात उपचार करतील.
३० मार्च रोजी त्वचा रोग तपासणी शिबीर होणार आहे. मुरुम, पांढरे डाग, इसब, गजकर्ण, नायटा, केसांच्या,
नखांच्या समस्या, सोरियासीस, चामखीळ, कुष्ठरोगावरील तपासणी व उपचार करण्यात येतील. त्वचारोग तज्ज्ञ
डॉ.भास्कर पालवे, डॉ.अमित शिंदे रूग्णांची तपासणी व मार्गदर्शन करतील. शिबिराची वेळ सकाळी १० ते २ व
दुपारी ३ ते ५ असणार आहे. ३१ मार्च रोजी शिबिरांची सांगता दुर्बिणीद्वारे बिनटाका
शस्त्रक्रिया शिबिराने होणार आहे. यात लॅप्रोस्कोपीव्दारे
पोटातील, बेंबी, हर्नियाची शस्त्रक्रिया १० हजार रुपये,
पित्ताशय काढणे शस्त्रक्रिया १५ हजार रुपये, स्त्रियांच्या
गर्भाशयाची पिशवी काढणे १० हजार रुपये, स्टॅपलर लेझर
पाईल्स शस्त्रक्रिया १५ हजार रुपये, अपेंडिस शस्त्रक्रिया ४
हजार रुपये, स्त्रीयांचे वंध्यत्व तपासणीसाठी ट्युबल पेटेन्सी
टेस्ट २ हजार रुपये, स्त्रीयांची कुटुंबनियोजन शस्त्रक्रिया ३
हजार रुपयांत केली जाईल. या शस्त्रक्रियांसाठी औषधे,
जाळीचा व इतर खर्च वेगळा असेल. या शिबिरात जनरल व
लॅप्रोस्क्रोपिक सर्जन डॉ.भास्कर जाधव, डॉ. आर.एम. पांडे,
डॉ. राहुल कांडेकर, स्त्रीरोग तज्ज्ञ डॉ.रवींद्र मुथा, डॉ.सोनल
बोरुडे रूग्ण तपासणी करतील.
नाव नोंदणी माहितीसाठी ०२४१-२३२०४७३/७४/७५
यावर संपर्क साधण्याचे आवाहन जैन सोशल
फेडरेशनच्यावतीने करण्यात आले आहे.