नगर – बुरुडगाव रोडवरील नक्षत्र लॉन जवळ भरदिवसा झालेल्या घरफोडीच्या गुन्ह्यातील दोघांना स्थानिक गुन्हे शाखेच्या पथकाने पुणे जिल्ह्यातील वडगाव ब्रुदुक (ता.हवेली) येथे जेरबंद केले आहे. त्यांच्या कडून चोरीतील ८६ हजार ४०० रुपयांचा मुद्देमाल जप्त केला. या बाबतची माहिती अशी की, २८ मार्च रोजी सकाळी ७.३० ते दुपारी ४ वाजण्याच्या दरम्यान राजकुम ारी आयोध्या शर्मा, रा.साई  आनंद अपार्टमेंट, बुरुडगाव रोड) यांचे राहते घराचे कुलूप
अज्ञात चोरटयांनी तोडून घरातील सोने चांदीचे दागीने, दोन मोबाईल व रोख रक्कम चोरुन नेली होती. याबाबत
कोतवाली पोलीस ठाण्यात घरफोडीचा गुन्हा दाखल करण्यात आला होता. या गुन्ह्याचा समांतर तपास करण्याचे आदेश पोलिस अधिक्षक राकेश ओला यांनी स्थानिक गुन्हे शाखेचे पो.नि.दिनेश आहेर यांना दिले होते. त्यानुसार पो.नि. आहेर यांनी स्थानिक गुन्हे शाखेचे पोलीस उप निरीक्षक तुषार धाकराव व पोलीस अंमलदार संदीप पवार, संतोष लोढे, गणेश लोंढे, फुरकान शेख, अमृत आढाव, प्रशांत राठोड, सारीका दरेकर व महादेव भांड यांचे पथक नियुक्त करून
तपास सुरु केला.

आरोपींचा सीसीटीव्ही फुटेज व तांत्रीक विश्लेषणाच्या आधारे तपास करत असताना, त्यांना हा गुन्हा रवि रामकुमार
सोलंकी, (रा.खुर्जा बुलंद शहर, उत्तरप्रदेश) याने त्याचे साथीदारासह केला.असून ते सध्या साई अपार्टमेंट, घुलेनगर, वडगाव बुद्रुक, ता.हवेली, जि.पुणे येथे असल्याची माहिती मिळाली. मिळालेल्या माहितीवरुन पथकाने घुलेनगर, वडगाव बुद्रुक, ता.हवेली, जि.पुणे येथे जाऊन संशयीत आरोपींचा शोध घेऊन रवि सोलंकी व दुष्यंत धिरेस यादव (वय २३, रा. बरसामई, जि.हाथरस, उत्तरप्रदेश) यांना ताब्यात घेतले. त्यांच्याकडे गुन्हयांचे अनुषंगाने विचारपूस केली असता त्यांनी नक्षत्र
लॉन्स शेजारी दिवसा घरफोडी केल्याची माहिती दिली. त्यांच्याकडे गुन्हयातील मुद्देमालाबाबत विचारपूस केली
असता रवि सोलंकी याने गुन्हयात चोरी केलेले दोन मोबाईल व एक घडयाळ हे त्याची पत्नी हिस ठेवण्यासाठी
दिले व गुन्हयातील सोने हे श्री.सिध्दनाथ ज्वेलर्स, वडगाव बुद्रुक यांना दिले असल्याची माहिती दिली. पथकाने
स्नेहा रमेश सिंह यांच्या कडील दोन मोबाईल व एक घडयाळ व वडगाव बुद्रुक, येथील सोनाराकडून ७७ हजार ४०० रूपये
किंमतीची ८.६०० ग्रॅम वजनाची सोन्याची लगड असा एकुण ८६ हजार ४०० रुपये किंमतीचा मुद्देमाल जप्त केला.
ताब्यातील आरोपीस गुन्ह्याचे तपासकामी कोतवाली पोलीस ठाण्यात मुद्देमालासह हजर करण्यात आले.

नगर – सामाजिक व सांस्कृतिक कार्यक्रम अहिल्यानगरमध्ये
झालेच पाहिजे. यासाठीचा जयंत येलुलकरांचा पुढाकार कौतुकास्पद
आहे. यामुळे आपले नगर शहर पुढे जात सामाजिक बांधलकी जपली
जात आहे. असामान्य काम करणार्‍यांना रसिक गौरव पुरस्कार
दिल्याने त्यांच्या कार्याला अधिक प्रेरणा व प्रोत्साहन मिळणार आहे.
रसिक ग्रुपच्या उपक्रमांमुळे अहिल्यानगरची वेगळी ओळख निर्माण
झाली आहे. अशा जयंत येलुलकरांमागे सर्वांनी उभे राहावे, असे
प्रतिपादन विधानपरिषदेचे सभापती प्रा.राम शिंदे यांनी केले.
नुकत्याच गुढीपाडव्यानिमित्त झालेल्या रसिकोत्सव सोहळ्यात
विधानपरिषदेचे सभापती प्रा.राम शिंदे यांच्या हस्ते रसिक ग्रुपच्या
वतीने देण्यात येणारे विविध पुरस्कारांचे समारंभपूर्वक वितरण
झाले. यंदा पुण्याच्या श्रीमंत दगडूशेठ हलवाई गणपती देवस्थानचे
खजिनदार महेश सूर्यवंशी यांना धार्मिक, शैक्षणिक व आरोग्य
क्षेत्रातील योगदानाबद्दल स्व.प्रदीप गांधी स्मृती गौरव पुरस्काराने
सन्मानित करण्यात आले.
आ.संग्राम जगताप यांनी कोट्यावधी रुपयांचा निधी उपलब्ध
करत शहरात मोठ्याप्रमाणात सुरु झालेल्या कामांमुळे शहराच्या
विकासात मोलाची भर घातल्याबद्दल त्यांचा विशेष गौरव पुरस्काराने
सन्मान करण्यात आला.
अहिल्यानगर महानगरपालिकेचे आयुक्त यशवंत डांगे यांनी
महत्त्वपूर्ण निर्णय घेत शहराचा चेहरामोहरा बदलण्यासाठी दिलेल्या
योगदानाबद्दल व शहराच्या सांस्कृतिक क्षेत्राला चालना देत
रखडलेल्या नाट्य संकुलच्या कामास गती दिल्याबद्दल त्यांचाही
विशेष गौरव पुरस्काराने सन्मान करण्यात आला.
यावेळी राजाभाऊ कोठारी, उद्योजक नरेंद्र फिरोदिया, क्रेडाईचे
आशिष पोखरणा, अनिल पोखरणा, अश्विन गांधी, पेमराज बोथरा,
डॉ.प्रकाश कांकरिया, सुनील मुनोत, शशीकांत गुळवे, विजय इंगळे
उपस्थित होते.
आ.संग्राम जगताप म्हणाले, जयंत येलुलकर निस्वार्थी भावनेन
उपक्रम राबवून अहिल्यानगरचा ऐतिहासिक वारसा व संस्कृती जपत
आहे. रसिक ग्रुपच्या या उपक्रमांमुळे शहरात नवे चैतन्य आले आहे.
आपापल्या क्षेत्रात काम करत सामाजिक क्षेत्रातही योगदान देणार्‍यांचे
कौतुक पुरस्काराच्या रूपाने रसिक ग्रुपने केले आहे. या पुरस्कारांनी
माझ्यासह सर्वाना सामाजिक कामासाठी प्रोत्साहन मिळणार आहे
या कार्यक्रमात महाराष्ट्र साहित्य परिषदेचे कार्याध्यक्ष व व्याख्याते
प्रा.मिलिंद जोशी यांचा साहित्य चळवळ वृद्धिंगत करत केलेल्या
उल्लेखनीय कार्याबद्दल त्यांना गौरव पुरस्कार देण्यात आला.
स्थानिक गुन्हे अन्वेषण शाखेचे पोलीस निरीक्षक दिनेश आहेर
यांनी आपले कर्तव्य बजावत अनेक गुन्ह्यांचा शोध लावत गुन्हेगारांवर
वचक ठेवत जिल्ह्यात कायदा व सुव्यवस्था अबाधित राहण्यासाठी
केलेल्या उत्कृष्ट कार्याबद्दल त्यांना गौरव पुरस्कार देण्यात आला.
उत्कृष्ट कल्पना शक्तीने मंडप सजावट करणारे गणेश भूतारे
यांचाही गौरव पुरस्काराने सन्मानित करण्यात आला.
सावेडीच्या जॉगिंग पार्क मधील झाडांची निगा राखत तेथील
सौदर्य वाढवून पर्यावरण क्षेत्रात निरपेक्षपणे काम करणारे जीवन
खरात यांचाही सुप्रभात ग्रुपच्या वतीने सन्मान करण्यात आला.
प्रास्ताविकात जयंत येलूलकर म्हणाले, आपले नगर शहर
सांस्कृतिक शहर म्हणून ओळखले जावे यासाठी गेल्या २२ वर्षांपासून
ग्रुप हा सांस्कृतिक वारसा जपत काम करत आहे. या कामात
अनेकांची साथ मिळत आहे. नगरमध्ये अनेक हिरे आहेत जे आपल्या
कार्यकर्तृत्ववाने नगरचे नावलौकिक वाढवत आहेत. अशांचा गौरव
करून त्यांना अधिक प्रोत्साहन देण्यासाठी रसिक गौरव पुरस्कार देत
आहोत. या वर्षीच्या पुरस्कार्थींनी आपापल्या क्षेत्रात भरोव योगदान
देत अहिल्यानगरचे नाव उंचावले आहे. या पुरस्कार वितरण समारंभांचे
नियोजन ग्रुपचे तेजा पाठक, सुदर्शन कुलकर्णी, निखिल डफळ, समीर
पाठक, प्रशांत अंतापेलू, श्रीकृष्ण बारटक्के, स्नेहल उपाध्ये, प्रसन्न एखे,
बाळकृष्ण गोटीपामुल, तुषार बुगे, मीनाक्षी पाटील, शारदा होशिंग,
ऋषिकेश येलुलकर, ओंकार अंतापेलु आदींनी केले.

नगर – आदर्श व्यापारी मित्र मंडळ व मॉर्निंग क्रिकेट लबतर्फे वाडिया पार्क येथे २३ एप्रिल ते ४ मे दरम्यान भगवान महावीर कप २०२५ टेनिस बॉल क्रिकेट, धावणे, बॅडमिंटन आणि रस्सीखेच स्पर्धेचे आयोजन करण्यात आले आहे. यानिमित्त फॉर्मचे
अनावरण सी.ए मोहन बरमेचा, गिरीश अग्रवाल आणि चेतन बोगावत यांच्या हस्ते करण्यात
आले. यावेळी आदर्श व्यापारी मित्र मंडळाचे संस्थापक माजी नगरसेवक संजय
चोपडा, अध्यक्ष राजेंद्र तातेड, राजेंद्र गांधी, अजय गुगळे, डॉ. सचिन बोरा,
अमित पितळे, लक्ष्मीकांत शेटिया, प्रीतम गुंदेचा, उमेश मंत्री, आनंद पितळे,
वर्धमान मुनोत, राहुल शिंदे, सुयोग लुणिया, मयूर पितळे, सी.ए आनंद गांधी,
प्रीतम पोखरणा, आनंद कटारिया, रुपेश कटारिया, रुपेश भंडारी, सचिन
कटारिया, रितेश बोरा, अतुल शेटीया, आनंद नाहाटा, प्रफुल्ल मुथा, विकास
सुराणा, प्रवीण शिंगवी, अजय कांबळे आदि उपस्थित होते.
सी.ए मोहन बरमेचा म्हणाले की, वाडिया पार्क येथे फ्लड लाईटच्या
प्रकाशात भगवान महावीर क्रिकेट कपचा थरार नगरकरांना पाहण्यासारखा
असतो. यावेळी समाजातील नागरिक उपस्थित राहत खेळाडूंना प्रोत्साहन
देण्याचे काम केले जाते. वाडिया पार्कमध्ये आनंदाचे, उत्साहाचे वातावरण
निर्माण होत असते. तसेच खेळाच्या माध्यमातून एकोपा निर्माण होत असतो.
भगवान महावीर कप स्पर्धा ही नगरकरांसाठी एक पर्वणी असते असे ते
म्हणाले.
गिरीश अग्रवाल म्हणाले की, धका-धकीच्या जीवनामध्ये मनुष्य आपल्या
आरोग्याकडे अक्षरशः दुर्लक्ष करत असतात. मात्र भगवान महावीर कप स्पर्धे
च्या माध्यमातून युवकांमध्ये खेळाची गोडी निर्माण होत असून व्यायामाकडे
आकर्षित केले जाते. त्यामुळे आपले आरोग्य सदृढ व निरोगी राहण्यास मदत
होते असे ते म्हणाले.
चेतन बोगावत म्हणाले की, आदर्श व्यापारी मित्र मंडळ व मॉर्निंग क्रिकेट
लबचे युवक एकत्रित येत शहरात भगवान महावीर कप स्पर्धेच्या माध्यमातून
खेळाडूंना हक्काचे व्यासपीठ निर्माण करून दिले जाते. या माध्यमातून खेळाडू
आपल्या खेळाचे प्रदर्शन करत असतात असे ते म्हणाले.
वाडिया पार्क येथे भगवान महावीर कप उत्साहात होत असतो. यावर्षी
क्रिकेट स्पर्धेबरोबरच ४०० मीटर धावणे, बॅडमिंटन व रस्सीखेच स्पर्धेचे
आयोजन केले आहे. क्रिकेट खेळता येत नसणार्‍यांना इतर स्पर्धेमध्ये भाग
घेता येणार आहे. आय.पी.ए.ल च्या धर्तीवर क्रिकेट स्पर्धेचे आयोजन केले
जात असून, १८ संघ सहभागी होणार आहेत. यामध्ये सुमारे ४०० खेळाडू
खेळणार आहेत. या स्पर्धेमध्ये भगवान महावीर कप हे मानाचे पारितोषिक
असून १ लाख ११ हजार १११ रुपये तसेच दुसरे पारितोषिक ५१ हजार
रुपये तिसरे पारितोषिक ३१ हजार रुपये दिले जाणार आहे. तसेच प्रत्येक
मॅचला (मॅन ऑफ द मॅच) (बेस्ट बॉलर) (बेस्ट फिल्डर) (बेस्ट बॅट्समन)
आदी पुरस्काराने खेळाडूंना सन्मानित केले जाणार आहे. तसेच (मॅन ऑफ
द सिरीज) चा देखील पुरस्कार दिला जाणार असल्याची माहिती मंडळाचे
अध्यक्ष राजेंद्र तातेड यांनी दिली.

नगर – जगतगुरु तुकोबाराय त्रिशतकोत्तर अमृत महोत्सवी सदैह वैकुंठगमन सोहळ्यानिमित्त अखंड हरिनाम सप्ताह व संगीत गाथा पारायण सोहळा १५ एप्रिल ते २३ या कालावधीत नगर तालुयातील अकोळनेर येथे आयोजित करण्यात
आलेला आहे. या सोहळ्याचे ध्वजारोह व मंडप उभारणीचा शुभारंभ ३१ मार्च रोजी सायंकाळी डॉ. सुजय विखे पाटील, आमदार शिवाजी कर्डिले, आमदार संग्राम जगताप, ह.भ.प माऊली महाराज कदम यांच्या हस्ते करण्यात आला.

अकोळनेर (ता. अहिल्यानगर) येथे १५ एप्रिल ते ३ एप्रिल दरम्यान येथे जगद्गुरु तुकोबाराय त्रिशतकोत्तर अमृत महोत्सवी सदेह वैकुंठ गमन सोहळ्याचे आयोजन सरपंच प्रतिक शेळके व ग्रामस्थांनी केले आहे. हा सोहळा श्रीगोंदा, पारनेर, राहुरी, नेवासा, पाथर्डी, शेवगाव, आष्टी या तालुयांच्या सहभागातून पार पडत आहे. या सोहळ्यात ५ हजार गाथा वाचक, ५०० टाळकरी, २५ मृदंग वादक, ५०० गावांचा तुकाराम महाराज अखंड पहारा, एक लक्ष भाविकास पुरणपोळी महाप्रसाद, १०८  युवकांच्या हस्तेच श्रीक्षेत्र देहू ते श्रीक्षेत्र अकोळनेर ज्ञानज्योत आगमन, आठ दिवस जगद्गुरु तुकोबाराय भव्य कृषी प्रदर्शन, श्री बालयोगी भगवान महाराज संगमेश्वर देवस्थान बीड अशा कार्यक्रमाचे आयोजन करण्यात आले. या कार्यक्रमास हरिभक्त परायण श्रीनिवास महाराज, हरिभक्त परायण बंडातात्या कराडकर, हरिभक्त परायण महादेव महाराज राऊत, हरिभक्त परायण महंत भास्करगिरी महाराज, हरिभक्त परायण कान्होबा महाराज देहूकर, हरिभक्त परायण चैतन्य महाराज देगलूरकर, हरिभक्त परायण चंद्रशेखर महाराज देगलूरकर, हरिभक्त परायण जयंत महाराज बोधले, हरिभक्त परायण महाराज ज्ञानेश्वर माऊली कदम या महाराष्ट्रातील नामवंत कीर्तनकारांची कीर्तने होणार आहेत.

पालकमंत्री राधाकृष्ण विखे पाटील यांच्या मार्गदर्शनाखाली होणार असलेल्या या सोहळ्याचे स्वागताध्यक्षडॉ. सुजय विखे पाटील, आमदार शिवाजीराव कर्डिले, आमदार संग्राम जगताप, आमदार काशिनाथ दाते आहेत. तसेच या कार्यक्रमात  प्रमुख पाहुणे म्हणून पद्मश्री अण्णा हजारे व पद्मश्री पोपटराव पवार उपस्थित राहणार आहेत. सात दिवस विविध धार्मिक कार्यक्रमाचे आयोजनही यावेळी करण्यात आले असल्याचे ज्ञानेश्वर माऊली कदम, सरपंच
प्रतिक शेळके यांनी सांगितले.

उद्योजक किरण रांका यांचे प्रतिपादन; दुबिर्णीद्वारे शस्त्रक्रिया तपासणी शिबीर : महिनाभरात ४४४४ रुग्णांची तपासणी

नगर – आनंदऋषीजी हॉस्पिटलध्ये रुग्णांची मानसिकता समजावून घेऊन त्यांच्या आजाराने योग्य ते निदान करून उपचार
केले जातात. रूग्णाचे आरोग्य जपले जाते, असा विश्वास रांका ज्वेलर्सचे किरण रांका यांनी व्यक्त केला.

राष्ट्रसंत आचार्यश्री आनंदऋषीजी म.सा. यांच्या ३३ व्या स्मृतीदिनानिमित्त आयोजित ‘दुबिर्णीव्दारे शस्त्रक्रिया’ या
मोफत आरोग्य तपासणी शिबीराचे उद्घाटन दीपप्रज्वलनाने करण्यात आले. तेव्हा ते बोलत होते. यावेळी सुर्यकांत रांका,
नारंगीबाई शिंगवी, सौ.अनिताताई रांका, सौ.प्रीतम रांका, तज्ञ डॉ. लॅप्रोस्कोपिक सर्जन डॉ.भास्कर जाधव, डॉ.आर.एन.पांडे, डॉ.राहुल कांडेकर, डॉ.रविंद्र मुथा, डॉ. हिरल चौधरी, संतोष बोथरा, सतिष लोढा, माणकचंद
कटारिया, अनिल मेहेर आदि उपस्थित होते. डॉ.आशिष भंडारी यांनी स्वागत केले.

उद्योजक किरण रांका पुढे म्हणाले, जैन सोशल फेडरेशनचे कार्यकर्ते, हॉस्पीटलमधील तज्ज्ञ डॉटर्स, नर्सेस, कर्मचारी या सर्वांचेच आपलेपणाचे सहकार्य रूग्णाला भावते. या शिबिर आयोजनात आमच्या रांका परिवाराला खारीचा वाटा मिळतो, हे आमचे भाग्यच आहे. यापुढेही शिबिराच्या आयोजनात सहभाग देत राहू, अशी ग्वाही देतो.
प्रास्तविक करताना संतोष बोथरा म्हणाले, रुग्णांना जीवनदान देण्याचे कार्य हॉस्पीटलच्या माध्यमातून सुरु आहे. आचार्य श्री आनंदऋषीजी म.सा. यांच्या आशीर्वादाने आणि प्रबुद्ध विचारक आदर्शऋषीजी म.सा. यांच्या मार्गदर्शनाने वैद्यकीय सेवा सुरू आहे. अत्यल्प दरात अद्ययावत मशिनरी व सुविधांसह येथील सेवा दानशूर व्यक्तींच्या योगदानामुळे दिली जात आहे. मागील एक महिन्यापासून सुरु असलेल्या या शिबीरामध्ये ४४४४ रुग्णांची तपासणी करण्यात येऊन आवश्यक त्या रुग्णांवर शस्त्रक्रिया करण्यात आल्या. समाजसेवेचे हे व्रत असेच पुढेही चालू राहिल. यावेळी तज्ञ डॉ.आर.एन.पांडे
म्हणाले, रुग्णांची सेवा आमच्या हातातून घडत आहे, हे आमचे भाग्य आहे. हॉस्पिटलमध्ये अनेक शिबीरे आयोजित करण्यात येतात. या शिबीरात चांगली सेवा  दिली जात असल्याने असंख्य रुग्ण येतात या हॉस्पिटलचा नावलौकीक संपुर्ण जगात आहे. आम्ही डॉटर्स सुद्धा रुग्णांना चांगले मार्गदर्शन करतो. त्यामुळे रुग्णांना एक विश्वास मिळातो. तो संपुर्ण बरा होतो, असे सांगून शिबीरातील शस्त्रक्रियांची त्यांनी माहिती दिली. शिबीरात दुबिर्णीव्दारे शस्त्रक्रिया (बिनाटाका) – लॅप्रोस्कोपी पोटावरील जागेचे, बेंबीचे ऑपरेशन व जांघेतील हार्नियाची शस्त्रक्रिया, पित्ताशय काढणे, स्त्रीयांची गर्भाशयाची पिशवी काढणे (हिस्ट्रोटॉमी), स्टॅपलर, लेझर पाईल्स शस्त्रक्रिया, अ‍ॅपेडिस ऑपरेशन, लॅप्रोस्कोपी स्त्रीयांचे बिजांडपोशावरील गाठी शस्त्रक्रिया, स्त्रीयांचे वंध्यत्वाची तपासणी करीता गर्भनलिकेची ट्युबल पेटेन्सी, लॅप्रोस्पोपी स्त्रीयांचे कुटूंब नियोजन शस्त्रक्रिया तपासणी करुन मार्गदर्शन करण्यात आले. या मोफत तपासणी शिबीरात १२७ जणांची तपासणी केली. सुत्रसंचालन अनिल मेहेर यांनी केले. सतिष लोढा यांनी आभार मानले.

आ. काशीनाथ दाते यांनी घेतला शीरखुर्माचा आस्वाद; गावाच्या विकासासाठी धार्मिक ऐय महत्त्वाचे

नगर – नेप्ती (ता. नगर) येथे मुस्लिम समाजाची रमजान ईद
(ईद-उल-फित्र) उत्साहात साजरी करण्यात आली. गावातील
मुस्लिम बांधवांच्यावतीने ईद मिलन कार्यक्रमाचे आयोजन करण्यात
आले होते. या कार्यक्रमात सर्व हिंदू समाजबांधवांनी सहभागी
होवून मुस्लिम बांधवांना ईदच्या शुभेच्छा दिल्या. या ईद मिलन
कार्यक्रमास आ. काशीनाथ दाते यांनी देखील भेट देऊन ईदच्या
शुभेच्छा दिल्या.
सकाळी शाही मस्जिदच्या मैदानावर मुस्लिम बांधवांनी रमजान
ईदची सामुदायिक नमाज अदा केली. मौलाना मुनीर सय्यद यांच्या
मार्गदर्शनाखाली नमाज पठण करून देशामध्ये शांतता, सुख, समृद्धी
व धार्मिक एकात्मतेसाठी प्रार्थना करण्यात आली. संध्याकाळी
गावात ईद मिलनच्या कार्यक्रमाचे आयोजन करण्यात आले होते.
या कार्यक्रमात सर्व हिंदू-मुस्लिम बांधवांनी एकत्र येऊन धार्मिक
एकात्मतेचे दर्शन घडविले. यावेळी सर्व समाजातील बांधवांनी
शीरखुर्माचा आस्वाद घेतला. रविवारी झालेला गुढी पाडवा व
सोमवारी झालेल्या ईदचा उत्साह गावात दिसून आला. उपस्थितांनी
एकमेकांना भेटून ईदच्या व पाडव्याच्या शुभेच्छा दिल्या.
आ. काशीनाथ दाते म्हणाले की, गावा-गावातील धार्मिक
एकात्मता भारतीय संस्कृतीने जोडली गेलेली आहे. सर्व हिंदू- मुस्लिम
बांधव रमजान ईद असो किंवा दिवाळी एकमेकांच्या सण-उत्सवात
सहभागी होत असतात. गावाच्या विकासासाठी धार्मिक ऐय महत्त्वाचे
आहे. नेप्तीत ईद मिलनच्या कार्यक्रमातून धार्मिक एकात्मतेचा संदेश
दिशादर्शक असल्याचे त्यांनी सांगितले.
यावेळी उद्योजक दिलीप दाते, बापूसाहेब सोनवणे, माजी
उपसरपंच फारुख सय्यद, माजी जिल्हा परिषद सदस्य अरुण
होळकर, माजी सरपंच दिलीप होळकर, दादू चौगुले, रामदास
फुले, प्रा. एकनाथ होले, अंबादास पुंड, अशोक जपकर, मुनीर
सय्यद, गुलाब सय्यद, जमीर सय्यद, जावेद सय्यद, सलीम सय्यद,
बाबूलाल सय्यद, आयुब सय्यद, वाजिद सय्यद, उमर सय्यद,
सिकंदर शेख, नौशाद शेख, आसिफ सय्यद, हुसेन सय्यद, मुक्तार
सय्यद, रमीज सय्यद, परवेज सय्यद, अरबाज सय्यद, नवेद सय्यद,
इम्रान सय्यद, रफिक सय्यद, संतोष चहाळ, सोन्याबापू कानडे,
रऊफ सय्यद, समीर सय्यद, युनूस सय्यद, वसिम सय्यद, कय्यूम
सय्यद आदी उपस्थित होते. कार्यक्रम यशस्वी करण्यासाठी नाले
हैदर यंग पार्टी व दोस्ती तरुण मंडळाच्या कार्यकर्त्यांनी परिश्रम
घेतले.

नगर – ३० मार्च रोजी ब्रेड ऑफ लाईफ बोल
फाऊंडेशन व संत जॉन युवक संघटना यांच्या संयुक्त
विद्यमाने आणि जनकल्याण रक्तकेंद्र नगर यांच्या
सौजन्याने ५१ रक्तदात्यांनी रक्तदान शिबीरामध्ये
सहभाग दर्शविला. उपवास काळ हा मनपरिवर्तनाचा,
सकारात्मक, सामाजिक व सत्कार्यांचा पवित्र काळाचे
औचित्य राखुन समाजातील गरजू व गंभीर आजारांनी
त्रस्त रुग्णांना या शिबीराद्वारे जीवन विस्तारीत
करण्याचा सामाजिक उपक्रम आयोजित केला गेला.
संत जॉन चर्च भिंगारचे प्रमुख धर्मगुरु फादर
विश्वास परेरा (डॉन बॉस्का) यांच्या हस्ते दिपप्रज्वलन
करुन व प्रार्थनेने रक्तदानाच्या शिबीराचे उद्घाटन
करण्यात आले. या प्रसंगी फादर विश्वास परेरा यांनी
परमेश्वराने मानवी जीवनामध्ये दिलेल्या रक्ताचा
उपयोग रक्तदानाने करुन गरजवंत रुग्णांना जीवनदान
द्यावे हा संदेश या प्रसंगी दिला. या प्रसंगी फादर
रिचर्ड डिसीलव्हा डॉन बॉस्को, सावेडी यांनी आपली
उपस्थिती दर्शवुन देवाने माणसाला दिलेल्या भरपूर रक्तदानाद्वारे मानवाने मानवासाठी जीवनदान द्यावे
हा पवित्र हेतु संबोधीत केला. फादर ब्लेझ फर्नांडिस यांनी या प्रसंगी रुग्णांसाठी विशेष प्रार्थना करुन
रक्तदात्यांनी रक्तदानात सहभाग द्यावा म्हणून आवाहन केले.
या प्रसंगी बोल फाऊंडेशनचे संचालक अमित
पाटोळे यांनी संपूर्ण कार्यक्रमाचे सुत्रसंचालन
प्रभावीपणे केले. या रक्तदानाच्या शिबीराचा केंद्रबिंदू
हा मानवधर्म आहे व तो आपण सर्वांनी जपला पाहिजे
असे सचिव सौ. शोभा पाटोळे यांनी प्रतिपादन
केले. जनकल्याण रक्तकेंद्राचे डॉ. मढीकर व डॉ.
झेंडे त्याचप्रमाणे जनसंपर्क अधिकारी सोनाली
खांडरे यांच्या मार्गदर्शनाखाली हे रक्तदान शिबीर
यशस्वीरीत्या पार पडले. सर्व जातीधर्माती युवकांनी
रक्तदान शिबीरात भाग घेतला होता.
५१ रक्तदात्यांनी आपल्या स्वयंस्फूर्तीने व
उत्सफूर्तपणे नांवनोंदणी केली, त्यापैकी ३६ रक्तदाते
रक्तदान करण्यास पात्र ठरले. यावेळी सर्व रक्तदात्यांना
सन्मानचिन्ह, सन्मानपत्र व श्रीफळ देऊ गौरविण्यात
आले.
फाऊंडेशनचे चेअरमन जोसेफ पाटोळे, सचिव
शोभा पाटोळे, संचालक अमित पाटोळे व स्वयंसेवक
नीतीन पाटोळे, आरती नीतीन पाटोळे, अ‍ॅड. पिंटू पाटोळे, काजल पिंटू पाटोळे, अनिकेत पाटोळे,
आदित्य पाटोळे, अंतोन पाटोळे, रुबेन मुदलियार यांचे सहकार्य लाभले. या प्रसंगी संत जॉन युवक
संघटनेतर्फे कुमारी सेरेना अनिल के. बी. हिने मनोगत व्यक्त केले.

नगर – मुख्यमंत्री देवेंद्र फडणवीस व भारतीय जनता पार्टी प्रदेशाध्यक्ष चंद्रशेखर बावनकुळे यांच्या मार्गदर्शनानुसार
अहिल्यानगर शहरात बुथ कमिटी गठण करण्यात येत आहे. प्रभाग क्रमांक ६ भाजपाचा महत्त्वाचा मानला जातो. या प्रभागाने ४ नगरसेवक निवडून देऊन शहराला महापौर पद मिळवून दिले आहे. बुथ कमिट्या पूर्ण करण्यासाठी
रवींद्र बारस्कर, माजी महापौर बाबासाहेब वाकळे, नगरसेविका वंदनाताई ताठे, नगरसेविका पल्लवीताई जाधव यांनी चांगले
काम केले आहे. सावेडी गावात व परिसरात भाजपचे वर्चस्व आहे. तसेच तरुणांचा मोठा सहभाग बुथ कमिट्यामध्ये झालेला दिसत आहे. केंद्र सरकार व राज्य सरकारच्या योजना नागरिकांपर्यंत पोहोचविण्यासाठी बुथ कमिटीचे लाभार्थी प्रमुख महत्त्वाची भूमिका बजावतील. तसेच प्रभाग क्रमांक सहा मधील बुथ कमिटी एक आदर्श निर्माण करेल. येणार्‍या महापालिकेच्या निवडणुकीत भाजपाचा झेंडा फडकेल. प्रभाग क्रमांक सहा भाजपाचा बालेकिल्ला आहे, असे प्रतिपादन प्रभाग क्रमांक ६ चे निरीक्षक तथा प्रदेश सदस्य वसंत लोढा यांनी केले आहे.

सावेडीगाव येथे रवींद्र बारस्कर यांच्या निवासस्थानी बूथ कमिटीची बैठक निरीक्षक बाळासाहेब भुजबळ (ओबीसी मोर्चाचे शहर जिल्हाध्यक्ष) यांच्या अध्यक्षतेखाली पार पडली. याप्रसंगी प्रमुख उपस्थितीत वसंत लोढा हे होते. या बैठकीत  बुथ क्रमांक ७४च्या अध्यक्ष थंगवेल स्वामी- सूचक गणेश विखे, सरचिटणीस राजेश टाके, बूथ क्रमांक ७६चे अध्यक्ष रवींद्र बारस्करय्सूचक अवधूत बारस्कर, सरचिटणीस राम बारस्कर यांची निवड करण्यात आली आहे. तसेच मन की बात प्रमुख,
लाभार्थी प्रमुख, बुथ अध्यक्ष यांच्या नेमणुका करण्यात आल्या आहेत. या नेमणुका निरीक्षक वसंत लोढा, बाळासाहेब भुजबळ यांच्या उपस्थितीत करण्यात आल्या आहेत. यावेळी रवींद्र बारस्कर, श्रीकांत कुलकर्णी, प्रकाश गोसावी, सुरेश चव्हाण, आदित्य करपे, गिरीश वाकळे, राम बारस्कर, अवधूत बारस्कर, जयदीप बारस्कर, गणेश विखे, कृष्णा गडाख, अभिषेक ढोले, आदित्य पाटील, कार्तिक मिश्रा, जितेश मनकानी, अभिषेक करपे आदी उपस्थित होते. बाळासाहेब भुजबळ
म्हणाले, अहिल्यानगर शहरात भाजपमय वातावरण झालेले आहे. या बुथ कमिटीच्या माध्यमातून व्हाट्सअप प्रमुख, मन की
बात प्रमुख, लाभार्थी प्रमुख तसेच बुथ कमिटी अध्यक्ष या नेमणूक होत आहेत. पार्टीने बुथ कमिटीला विशेष महत्त्व दिले
आहे. १८ वर्षावरील मतदारांची नाव नोंदणीचे काम या कमिटीच्या वतीने करण्यात येणार आहे.
या प्रभागामध्ये रवींद्र बारस्कर, बाबासाहेब वाकळे, वंदनाताई ताठे, पल्लवीताई जाधव यांनी कमिट्या पूर्ण करण्यासाठी चांगले काम केले आहे.

रवींद्र बारसकर म्हणाले, वसंत लोढा व बाळासाहेब भुजबळ यांच्या मार्गदर्शनाखाली व युवकांच्या उपस्थितीत
कमिटी करण्यात आली. प्रभाग क्रमांक ६ मध्ये महापौर पद लाभल्याने बाबासाहेब वाकळे यांच्या माध्यमातून प्रभागात मोठ्या प्रमाणात विकास कामे झालेली आहेत. या प्रभागातील तयार झालेल्या बुथ कमिट्या सक्षमपणे काम करून पक्षाला मजबूत करतील. असा विश्वास त्यांनी व्यक्त केला. प्रभाग क्रमांक ६ मध्ये बुथ कमिटीची तिसरी बैठक झाली. यावेळी कार्यकर्ते व पदाधिकारी उपस्थित होते. अवधूत बारस्कर यांनी आभार मानले.

नगर – महापालिकेचा सफाई कर्मचारी हा समाजातील एक
महत्वाचा घटक असून आपण सकाळी घराबाहेर पडतो तेव्हा संपूर्ण
शहराची स्वच्छता झालेली असते, त्यामुळे नगरकरांचे आरोग्य सदृढ,
निरोगी राहत असते महापालिकेचा स्वच्छता अभियानामध्ये नंबर येत
असून त्याचे श्रेय स्वच्छता कर्मचार्‍यांनाच जाते, स्वच्छता कर्मचार्‍यांनी
३०-३५ वर्ष नगरकरांचे आरोग्य जपले, आता सेवानिवृत्तीनंतर
आपल्या आरोग्याकडे लक्ष द्यावे, मनपा कर्मचारी अजय सौदे त्यांची
सफाई कर्मचारी बद्दल असलेली आपुलकी आणि ऋणानुबंध त्यामुळेच
सेवानिवृत्त कर्मचार्‍यांचा सत्कार सोहळ्याचा कार्यक्रम केला, आपण
अनेक वर्ष एकत्रित काम करत असतो आपल्या सुखदुःखामध्ये सामील
होत असतो सेवानिवृत्ती हा सण मनुष्याच्या जीवनातील आठवणीचा
दिवस असतो त्या दिवशी त्यांचा सन्मान होणे गरजेचे असल्याचे
प्रतिपादन मनपा कर्मचारी युनियनचे अध्यक्ष बाबासाहेब मुदगल यांनी
केले.
अहिल्यानगर महानगरपालिका प्रभाग क्रमांक १२ मधील सफाई
कर्मचार्‍यांचा सेवापुर्ती निमित्त सत्कार सोहळा झाला. यावेळी
बाबासाहेब मुदगल, जितेंद्र सारसर, सचिव आनंद वायकर, नंदकुमार नेमाने, बलराज
गायकवाड, बाळासाहेब व्यापारी, सोमनाथ सोनवणे, भरत सारवान, भांगरे, चांदणे, तावरे,
ऋषिकेश वाल्मीक, अनिल वाणे, अजय सोदे, सतीश खुडे, कृष्णालाल बेगी, पृथ्वीराज
तांबोळी, सचिन लोखंडे, शुभम चांदणे, दीपक अडागळे, शाहू वाघमारे, शुभम साठे आदी
उपस्थित होते
प्रभाग क्रमांक १२ मधील स्वच्छता कर्मचारी सेवानिवृत्त असून
कर्मचार्‍यांच्या वतीने सत्कार केला जातो ही बाब कौतुकास्पद आहे,
काम करत असताना एकमेकांमध्ये प्रेम आपुलकी भावना असते,
सेवानिवृत्तीमुळे दररोज भेटणारा कर्मचारी आता भेटणार नाही,
एकमेकांमधील संवाद कमी होईल, सुखदुःखाच्या गोष्टी होणार नाही,
मी देखील सफाई कर्मचारी म्हणून पालिकेत काम केले आहे आणि
प्रभाग अधिकारी म्हणून सेवानिवृत्त झालो आहे, सफाई कर्मचारी यांचा
सेवानिवृत्ती निमित्त सन्मान होणे गरजेचे असल्याचे मत जितेंद्र सारसर
यांनी व्यक्त केले
मनपा प्रभाग क्रमांक १२ मधील इंदू खुडे, विजया वैराळ, सविता
साठे, संदीप सारवान, सुरेश साठे, विद्या चव्हाण, ललिता दिवटे,
कन्हैया चावरे आदी सफाई कर्मचारी सेवानिवृत्त होत असून आम्ही
सर्वांनी एकत्रित काम केले आहे. दररोजच्या साफसफाई बरोबरच
सांगितलेले वाढीव काम देखील हे कर्मचारी करत असत कधीही
कामाचा कंटाळा केला नाही. अनेक वर्ष आम्ही सर्वांनी एकत्रित काम
केले असून त्यांचा सेवानिवृत्तीनिमित्त सत्कार सोहळा झाला असल्याचे मत अजय सौदे यांनी
व्यक्त केले.

नगर – महाराष्ट्र शासनाच्या सांस्कृतिक कार्य संचालनालयाच्यावतीने
आयोजित करण्यात आलेले बालनाट्य प्रशिक्षण शिबीर १७ ते २६ मार्च या १०
दिवसांच्या कालावधीत सावेडी
उपनगरातील माऊली सभागृहाच्या
बेसमेंट हॉल येथे झाले. २७ मार्च
रोजी शिबिराचा समारोप करण्यात
आला. शिबिरात सहभागी झालेल्या
बालशिबिरार्थींना घेऊन माऊली
सभागृहाच्या रंगमंचावर विविध
कला प्रकारांचे बाल शिबिरार्थींनी
सादरीकरण केले. यामध्ये छत्रपती
शिवाजी महाराजांच्या जीवनावर
आधारित ’एक रात्र गडावर’ या
बालनाट्यातील चार प्रवेश सादर
करण्यात आले. यामध्ये माँ
जिजाऊ, छोटे शिवबा, छत्रपती शिवाजी महाराज आणि बाजीप्रभू देशपांडे या
भूमिकांना बालकलाकारांनी न्याय देत उत्तम भूमिका साकारत उपस्थितांची दाद
मिळवली. शिबिरातील सर्वात छोटा विद्यार्थी ध्वज विराज मुनोत याने ’लोहगड’
या गडावर आधारित कथानक सादर केले. राजश्री भणगे हिने नाट्यछटा
सादर केली. ३५ बाल शिबिरार्थींनी सादर केलेले ’फुलपाखरू’ हे बालनाट्य
उपस्थितांच्या दाद मिळविण्यास पात्र ठरले.
अखिल भारतीय मराठी नाट्य परिषदेचे मध्यवर्तीचे नियामक मंडळ सदस्य
क्षितिज झावरे, नाट्यकर्मी अविनाश कराळे, बालरंगभूमी परिषदेचे सचिव प्रसाद
भणगे, श्रिया देशमुख, शिबीर संचालक अनंत जोशी यांच्या हस्ते दीपप्रज्वलन
करून उद्घाटन करण्यात आले.
यावेळी क्षितिज झावरे आणि यांनी मनोगतातून शासनाच्या या उपक्रमाचे
कौतुक करत शिबिरार्थींना या शिबिराचा आपल्या दैनंदिन जीवनात मोठा फायदा
होणार असल्याचे प्रतिपादन केले.
शिबीर संचालक अनंत
जोशी यांनी प्रास्ताविकातून बाल
शिबिरार्थींवर केलेल्या संस्काराचे
महत्व विशद केले. समन्वयक
सागर मेहेत्रे यांनी सूत्रसंचालन
केले तर जालिंदर शिंदे यांनी
आभार मानले.
या शिबिरात अहिल्यानगर
येथील नाट्यकर्मी गणेश लिमकर,
आबा सैंदाणे, शैलेश देशमुख,
श्याम शिंदे, धनंजय सरदेशपांडे,
वैशाली पाटील गोस्वामी, नाना
मोरे, तेजस अतितकर, अनंत जोशी यांनी विविध विषयांवर संस्काराचे धडे
दिले. या उपक्रमासाठीची संकल्पना सांस्कृतिक कार्य आणि माहिती तंत्रज्ञान
मंत्री आशिष शेलार आणि सांस्कृतिक कार्य संचालनालयाचे संचालक विभीषण
चवरे यांची होती.

कर्मचार्‍यांच्या कामकाजाचा घेतला आढावा; बदल्यांबाबत लवकरच निर्णय घेणार; नगररचनातील प्रलंबित फायली तत्काळ निकाली काढण्याचे आदेश

नगर – महानगरपालिकेच्या नगररचना विभागासह इतर विभागात आयुक्त तथा प्रशासक यशवंत डांगे यांनी शुक्रवारी अचानक भेट देऊन झाडाझडती घेतली. यावेळी अनेक कर्मचारी जागेवर नसल्याने त्यांना आयुक्तांनी धारेवर धरत
खडेबोल सुनावले. नगररचनासह इतर विभागात अनेक फायली, रेकॉर्ड अस्ताव्यस्त आढळून आले.
यशवंत डांगे यांनी सर्व रेकॉर्ड येत्या आठवडाभरात व्यवस्थित लावण्याच्या, तसेच अनावश्यक व कालबाह्य कागदपत्रे, अर्ज आदी आवश्यकता नसल्यास ते काढून टाकण्याच्या सूचना दिल्या. तसेच, नगररचना विभागातील प्रलंबित फायली तत्काळ मार्गी लावण्याच्या सूचनाही त्यांनी प्रभारी अधिकार्‍यांना दिल्या. नगररचना विभागाच्या कामकाजाबाबत व कर्मचार्‍यांची,
अधिकार्‍यांची अनुपस्थिती, फायली, रेकॉर्ड न सापडणे, फायली  प्रलंबित असणे अशा तक्रारी आमदार संग्राम जगताप यांच्या उपस्थितीत झालेल्या बैठकीत करण्यात आल्या होत्या. त्यामुळे यशवंत डांगे यांनी अचानक विभागात जाऊन तपासणी केली. नगररचना विभागात स्वाती आहिरे यांच्याकडे प्रभारी अधिकारी म्हणून कार्यभार सोपवण्यात आला आहे. ऑनलाईन प्रणालीवर त्यांचा आयडी तत्काळ तयार करावा व सहाय्यक संचालक स्नेहल यादव यांच्याकडे प्रलंबित असलेल्या फायली त्यांच्या आयडीवर ट्रान्सफर कराव्यात. सर्व प्रलंबित फायली नियमानुसार मंजूरी देऊन मार्गी लावाव्यात. ज्यात त्रुटी असतील, त्या पूर्ण करण्याच्या सूचना द्याव्यात. येत्या दहा दिवसांत सर्व फायली निकाली निघतील, अशा
प्रकारे नियोजन करावे, असे यशवंत डांगे यांनी सांगितले. तसेच, विभागात असलेल्या सर्व प्रकारच्या फायली, जुने रेकॉर्ड
व्यवस्थित लावावेत. फायली न सापडल्यास संबंधित कर्मचार्‍यावर जबाबदारी निश्चित करून कठोर
कारवाई करण्यात येईल. बैठकीत दिलेल्या सूचनेनुसार ऑनलाईन पद्धतीने फायली घेऊन त्याला
नियमानुसार मंजूरी द्यावी. बीपीएमएस प्रणालीत येणार्‍या अडचणींबाबत शासनाच्या संबंधित अधिकार्‍याकडे माहिती देऊन त्या दूर करून घेण्यासाठी पाठपुरावा करावा, असेही त्यांनी यावेळी  सांगितले. नगररचना विभागासह इतर
विभागातही यशवंत डांगे यांनी अचानक भेट दिली. कार्यालयीन शिस्त पाळावी, कार्यालयीन वेळेत स्वतःच्या जागेवर थांबून वेळेत कामकाज करावे. हलगर्जीपणा केल्यास कठोर कारवाई केली जाईल, असा इशारा त्यांनी दिला. विभागातील स्वच्छतेबाबत दक्षता घ्यावी. अस्वच्छता दिसल्यास संबंधित विभाग प्रमुखांवर कारवाई करण्यात येईल, असे त्यांनी स्पष्ट केले. येत्या शनिवारी, रविवारी व सोमवारी महानगरपालिकेचे कामकाज सुरू राहणार आहे. त्यामुळे कर्मचारी,
अधिकार्‍यांनी सुट्टी न घेता वेळेत कार्यालयात उपस्थित रहावे, अशा सूचनाही यशवंत डांगे यांनी दिल्या.

राष्ट्रसंत आचार्य सम्राट श्री.आनंदऋषिजी
महाराज यांच्या ३३ व्या पुण्य स्मृतीदिन व १२५ व्या
जन्मोत्सवानिमित्त जैन सोशल फेडरेशनने प्रबुध्द
विचारक आदर्शऋषीजी महाराज यांच्या प्रेरणेने सुरू
केलेली ही भगवान महावीर व्याख्यानमाला गेल्या ३०
वर्षांपासून शहरात वैचारिक प्रबोधन घडवण्याचे मौलिक
कार्य करते आहे.
व्याख्यानमालेचे मुख्य प्रायोजक जयकुंवरबाई
मोतीलाल लोढा यांच्या स्मरणार्थ सौ. मनिषा निखिलेंद्र
लोढा आणि लोढा परिवार हे होते. सौ.मनिषा लोढा,
निखलेंद्र लोढा, सुदर्शन लोढा व सौ. संजना लोढा
यांच्या हस्ते वक्त्यांचे यथोचित सत्कार करण्यात आले.
भगवान महावीर व्याख्यानमाला सुरू झाल्यापासून
वृत्तपत्र प्रसिध्दीची सेवा निष्ठेने करणारे ज्येष्ठ साहित्यिक
पत्रकार मिलिंद चवंडके यांच्या योगदानाचाही गौरव
करण्यात आला. सौ.सरोजताई कटारिया यांचे सुरेख
सूत्रसंचालन व्याख्यानांच्या वैशिष्ट्यांकडे लक्ष वेधणारे
ठरले.
प्रवचनकार प्रा.डॉ.विनोद बाबर (कराड) यांनी
आजच्या व्हॉटसअप, फेसबुक, इन्स्ट्राग्रामच्या जगातील
एकही जण आपल्या अडीअडचणीत – दुःखद प्रसंगात
आपल्या जवळ बसून पाठीवर हात ठेवत आधार देत
नाही की आपण हॉस्पीटलच्या आयसीयूमध्ये उपचार
घेताना आपल्या काळजीने भेटायला येत नाही.
आपल्यासाठी डोळ्यांत पाणी येणारे मोजकेच मित्र आणि
रक्ताचे नातेवाईकच आपले असतात, या वास्तवावर
बोट ठेवले.
युवा वक्ते राहुल गिरी (बीड) यांनी इयत्ता पहिलीय्दुसरीमधील मुले मोबाईल वापरतात ही अभिमानाची
वा कौतुकाची बाब नाही तर मोबाईलमुळे आपली
भावी पिढी विकलांग होणार, हे वास्तव ध्यानी घेऊन
गांभीर्याने विचार करावा, असे आवाहन केले.
लोककवी इंद्रजीत भालेराव (परभणी) यांनी
जळगाव जिल्ह्यातील असोदा येथील बहिणाबाई चौधरी
यांनी निरक्षर असूनही केलेल्या कविता जीवनाचे
वास्तव मांडत आत्मचिंतन करायला लावतात. या
आत्मचिंतनातून जीवनातील आनंदाची प्राप्ती निश्चितच
होते, असे सांगितले.
लेखक प्रो.नितीन लाठे (मुंबई) यांनी आपले
आई-वडिलांशी अतुट नाते कायम असले पाहिजे.
त्यांच्याजवळ जाऊन घट्ट मिठी मारता येईल असे
स्नेहबंध आई-वडिलांशी असले पाहिजेत. आजच्या
पिढीने आई-वडिलांसोबतचे कनेशन सुधारण्याची
आवश्यकता आहे, असे प्रतिपादन केले.
अतुल शहा (मुंबई) यांनी निसर्गाच्या सान्निध्यात
राहून शुध्द शाकाहार केल्यास कोणताही आजार
आपल्याजवळ फिरकूही शकत नाही, हे ठामपणे आणि
स्वानुभवातून सांगितले. स्वस्थ जीवन आणि रोग
मुक्तिचा संदेश देणार्‍या या व्याख्यानाने श्रोते मंत्रमुग्ध
झाले.
अभिनेत्री आई तुळजाभवानी मालिकेतील
अनुभूतीची भूमिका साकारणार्‍या सौ. गौरी थोरात
(खामगांव) यांनी मुलींनो जीवनातील सुख-शांतीय्समाधान मिळवण्याकरिता स्वतःचे घरदार – गाडी
असलेला मुलगा पहाण्यापेक्षा सात्विकतेचे तेज असलेला
कर्तृत्ववान आणि निर्व्यसनी मुलगा पती म्हणून निवडा,
असे जाहिर आवाहन उपवर युवतींना केले. हे आवाहन
उपवर मुलींना मोलाचे प्रबोधन करणारे ठरले.
शंकर महाराज शेवाळे (पुणे) यांनी तुम्ही-आम्ही
रामराज्य निर्माण करावे म्हणून प्रभू श्रीरामच वाट पहात
आहेत. तीर्थंकरानंतर तीर्थंकर झाले नाहीत. रामदास
स्वामी, ज्ञानेश्वर, तुकोबा, शिवाजी महाराज परत
झाले नाहीत. रामराज्य निर्माण करण्यास प्रभू श्रीराम
परत येणार नाहीत तर त्यांचा आदर्श समोर ठेवून
आपल्यालाच रामराज्य निर्माण करावे लागणार आहे,
असे प्रतिपादन केले.
व्याख्यानमालेचा लाभ शहरासह उपनगरातील
स्त्री-पुरूषांनी घेतला. युवतींची संख्या लक्षणीय होती.
व्याख्यानमालेच्या यशस्वीतेसाठी सीमा मुनोत, सपना
कटारीया, सिमरन मुनोत, संतोष गांधी, प्रतिक संचेती
आदींनी परिश्रम घेतले.

दिग्गज कलाकारांच्या उपस्थितीत नगरकरांना मिळणार मराठी हिंदी गाण्यांची, नृत्य व कॉमेडीची मेजवानी

नगर –
गुढीपाडव्यापासून सुरु होणार्‍या मराठी नव वर्षाचे जल्लोषात स्वागत करण्यासाठी शहरात गेल्या २२ वर्षांपासून
रसिक ग्रुपच्या वतीने ‘गुढीपाडवा रसिकोत्सव’ या  सांस्कृतिक सोहळ्याचे आयोजन अहिल्यानगरमध्ये केले जात आहे. यावर्षी होणारा मराठी हिंदी गीतांचा ‘रसिकोत्सव’ सोहळा ३० मार्च रोजी सायंकाळी ६ वाजता सावेडीच्या जॉगिंग
पार्कच्या मैदानावर होणार आहे. गायन, नृत्य, लाईव्ह संगीत, चला हवा येऊ द्या कलाकारांचा विनोदी धमाका अशा बहुरंगी मनोरंजनात्मक कार्यक्रमाची मेजवानी नगरकरांना मिळणार आहे. हा कार्यक्रम सर्वांसाठी मोफत असून सावेडीच्या जॉगिंग पार्कच्या मैदानावर ३० ते ४० हजार प्रेक्षकांची बैठक व्यवस्था करण्यात आली आहे. कार्यक्रमाचे उद्घाटन विधानपरिषदेचे सभापती प्रा.राम शिंदे यांच्या हस्ते होणार असून यावेळी पालकमंत्री राधाकृष्ण विखे व आ.संग्राम जगताप प्रमुख पाहुणे म्हणून उपस्थित रहाणार आहेत, अशी माहिती कार्यक्रमाचे संयोजक व ग्रुपचे अध्यक्ष जयंत येलूलकर यांनी दिली.
या कार्यक्रमासाठी प्रमुख पाहुणे म्हणून जिल्हाधिकारी डॉ.पंकज आशिया, विशेष पोलीस महासंचालक दत्तात्रय
कराळे, जिल्हा पोलीस अधिक्षक राकेश ओला, महानगरपालिकेचे आयुक्त यशवंत डांगे यांच्यासह डॉ.
सुजय विखे, उद्योजक नरेंद्र फिरोदिया, क्रेडाईचे आशिष पोखरणा, अनिल पोखरणा, अश्विन गांधी, श्रीमती छाया
फिरोदिया, आशा फिरोदिया, पेमराज बोथरा, के. के. शेट्टी, राजेश भंडारी, सुनील मुनोत, डॉ.प्रकाश कांकरिया,
डॉ.गोपाल बहुरूपी, शशीकांत गुळवे, माथेरानचे माजी नगराध्यक्ष अजय सावंत, प्रसाद सावंत, विवेक चौधरी
यांच्यासह सर्व प्रशासकीय अधिकारी उपस्थित राहणार आहेत. यावेळी ग्रुपच्या वतीने देण्यात येणार्‍या विविध
पुरस्कारांचे वितरण होणार आहे, अशी माहिती निखील डफळ यांनी दिली.

यावर्षीच्या रसिकोत्सवाची अधिक माहिती देताना दिपाली देऊतकर म्हणाल्या, यावर्षी होणार्‍या रसिकोत्सव
कार्यक्रमात राज्यात नावाजलेले दिग्गज कलाकार सहभागी होणार आहेत. यामध्ये पार्श्वगायक मंगेश बोरगावकर, युवा
सिंगर चेतन लोखंडे, पार्श्वगायिका अबोली गीर्‍हे, ‘सुर नवा ध्यास नवा’ फेम राधा खुडे, पार्श्वगायिका जुईली
जोगळेकर व पद्मनाथ गायकवाड आदी दिग्गज गायक उपस्थित राहणार आहेत. तसेच नृत्यांगना ‘तुझ्यात
जीव रंगला’ व ‘वहिनी साहेब फेम’ धनश्री काडगावकर आपली नृत्यकला सादर करणार आहे. या बरोबरच
‘चला हवा येऊ द्या’ फेम विनोदी कलाकार कुशल बद्रिके व हेमांगी कवी हे आपल्या विनोदी सादरीकरणातून हास्याचे
कारंजे उडवणार आहेत. असा हा गायन, ठसकेबाज नृत्य व लाईव्ह संगीतचा मिलाफ असलेल्या कार्यक्रमाचे
संगीत संयोजन पुण्याचे नितीन शिंदे यांचे असून निवेदक मिलिंद कुलकर्णी निवेदन करणार आहेत. त्यांना आर.
व्ही. ग्रुप इव्हेंट सहकार्य करत आहेत. सुदर्शन कुलकर्णी म्हणाले, अहिल्यानगरमध्ये गुढीपाडव्यानिमित्त राज्यातील सर्वत्र मोठा सांस्कृतिक कार्यक्रम रसिक ग्रुप आयोजित करत आहे. या सोहळ्याने नगरची सांस्कृतिक शहर म्हणून राज्यात वेगळी ओळख निर्माण केली आहे. नगरकर वर्षभर या सांस्कृतिक सोहळ्याची वाट पहात असतात. हा कार्यक्रम सायंकाळी
६ वाजता वेळेवर सुरु होणार आहे. सर्व नागरिकांनी या सोहळ्याचा आनंद घेण्यासाठी उपस्थित रहावे, असे
आवाहन केले. या सोहळ्याची तयारी ग्रुपचे तेजा पाठक, समीर पाठक, प्रसन्न एखे, श्रीकृष्ण बारटक्के, प्रशांत अंतापेल्लू,
ऋषिकेश येलुलकर, शारदा होशिंग, स्नेहल उपाध्ये, मीनाक्षी पाटील, हनीफ शेख, बालकृष्ण गोटीपामुल, कार्तिक नायर,
प्रशांत देशपांडे आदी करत आहेत.

नगर – नगरकरांमध्ये पर्यटनाची संस्कृती रूजविणार्‍या ट्रेककॅम्प संस्थेचा वर्धापनदिन इमामपूर येथील खिरणीचा
महादेव ट्रेकमध्ये उत्साहात साजरा करण्यात आला. यावेळी नागरिकांनी निसर्गाशी एकरूप होत पर्यटनाचा आनंद लुटला.
नागरिकांना पर्यटनाची आवड निर्माण व्हावी यासाठी १३ वर्षांपूर्वी विशाल लाहोटी यांनी ट्रेककॅम्प या संस्थेची
स्थापना केली. मात्र, सुरुवातीला पर्यटनाबाबत फारशी उत्सुकता नसल्याने ट्रेकला अल्प प्रतिसाद मिळत असे. त्यानंतर लाहोटी यांनी ट्रेकॅम्पच्या माध्यमातून ‘साद गर्भगिरीला’ हा उपक्रम सुरू केला. त्यास मात्र अबालवृद्धांचा भरभरून प्रतिसाद
मिळत आहे.

वर्धापनदिनानिमित्त रविवारी भल्या पहाटे निसग्रप्रेमी छत्रपती संभाजीनगर रस्त्यावरील हॉटेल महाराजाजवळ जमले. तेथे सर्वांना सूचना देण्यात आल्या. त्यानंतर सर्वजण दुचाकी, चारचाकीवर नगर तालुयातील इमामपूर गावातून डोंगराच्या
कुशीत वसलेल्या खिरणीच्या महादेव मंदिराजवळ पोहोचले. तेथे सर्वांनी एकत्रितपणे व्यायाम केला. नंतर स्वयंसेवकांच्या
मार्गदर्शनाखाली डोंगरात भटकंती करण्याचा आनंद लुटला. डोंगरात  असणारी विविध वनस्पती, फुले आदींबरोबरच नागरिकांनी सेल्फीचा आनंद घेत मनमुराद  फोटो काढले. गरमागरम कॉफी आणि स्वादिष्ट भेळीचा आनंद घेतल्यानंतर केक कापून संस्थेचा वाढदिवस साजरा करण्यात आला. लाहोटी यांनी ट्रेककॅम्प संस्थेचा उद्देश व वाटचालीबाबत
माहिती दिली. नंतर महादेव मंदिरात मनोभावे दर्शन घेऊन सर्वजण नगरकडे परतले.

नगर – न्यू आर्टस् कॉलेज महाविद्यालयातील बीबीए ( इंटरनॅशनल बिजनेस) हा तीन वर्षे पदवी अभ्यासक्रम राबवला जातो या अभ्यासक्रमांतर्गत विद्यार्थ्यांना आंतरराष्ट्रीय व्यापारासंबंधीचे व्यवस्थापन, आयात -निर्यात प्रक्रिया व त्यासाठी लागणारे दस्तऐवज शासकीय मान्यता लायसन्स, परकीय भाषा इत्यादींचा सखोल ज्ञान विद्यार्थ्यांना दिले जाते. जागतिकीकरणामुळे व्यापार्‍याला मोठी चालना मिळालेली आहे. त्यामुळे देशातील लोकांचे राहणीमान वाढलेले आहे प्रत्येक देश आर्थिक दृष्ट्या सक्षम होण्यासाठी प्रयत्न करत आहे त्यातच परकीय प्रत्यक्ष गुंतवणूक (एफ.डी.,आय), जागतिक व्यापारी धोरण इत्यादी
गोष्टींचा समावेश होतो ग्रामीण भागातील विद्यार्थ्यांना भविष्यात कस्टम, उत्पादन शुल्क यासारख्या क्षेत्रात रोजगाराचा
फायदा व्हावा म्हणून केंद्र सरकारच्या भारतातील सर्वात मोठे असलेले बंदर जवाहरलाल नेहरू पोर्ट ट्रस्ट ऑफ इंडिया
नवी मुंबई येथे बीबीए (आय.बी) च्या विद्यार्थ्यांना क्षेत्रभेटीचे नियोजन करण्यात आले होते करण्यात आले होते, अशी
माहिती प्राचार्य डॉ. बाळासाहेब सागडे यांनी सांगितले.
बी.बी.ए. विभागातील विद्यार्थी देशात नव्हे तर परदेशात उच्च स्तरावर चांगले काम करत आहेत. संस्थेच्या
आणि महाविद्यालयाच्या खंबीर पाठिंब्यामुळे बी.बी.ए. विभाग जोमाने प्रगती करत आहे. भविष्यात बी.बी. ए.,,(आय.बी) च्या विद्यार्थ्यांना आंतरराष्ट्रीय स्तरावर उच्च दर्जाचा रोजगार मिळण्यासाठी विभाग प्रयत्न करणार आहे त्यासाठी भविष्यात जवाहर नेहरू पोर्टल ऑफ इंडिया, नवी मुंबई यांच्याशी सामंजस्य करार करण्याचा विभागाचा मानस आहे, असे बी.बी.ए विभागप्रमुख डॉ. मंगेश वाघमारे यांनी सांगितले. जवाहरलाल नेहरू पोर्ट ट्रस्ट ऑफ इंडिया, नवी मुंबई या औद्योगिक क्षेत्र भेटी दरम्यान प्रथम विद्यार्थ्यांना जेएनपीटी  बाबत प्रेसेंटेशन देण्यात आले. यादरम्यान जेनपीटीचे संजय पाटील व प्रशांत नाखवा यांनी विद्यार्थ्यांना आयात- निर्यात याबाबत बंदरावर जाऊन मार्गदर्शन केले. त्यामुळे विद्यार्थ्यांना
भविष्यात स्वतः करियर करण्यासाठी आवड निर्माण झाली.जे.एनपी.टी चे काही कामे आता खाजगी कंपनीकडे देण्यात
आलेले आहेत. विद्यार्थांनी या खाजगी कंपनीच्या संपर्कात रहावे असे आवाहन त्यांनी केले. सदर भेटीचे नियोजन डॉ.
सतीश जगताप आणि डॉ.राहुल थोरात यांनी केले होते. सदर भेटी दरम्यान विभागातील प्रा.अभिजीत सातभाई,
प्रा.नम्रता ठाकर व विद्यार्थांनी सहभाग नोंदवला.

नगर – मौजे लोणी व्यंकनाथ तालुका श्रीगोंदा
जिल्हा अहिल्यानगर येथील आदिवासी पारधी
समाजाचे अनेक वर्षापासून गायरान जमिनीवरचे
अतिक्रमण न हटवता तिथेच कायमस्वरूपी करून
गायरान जमीन नावावर करण्याच्या मागणीसाठी
आदिवासी पारधी समाजाच्यावतीने जिल्हाधिकारी
कारल्यासमोर बोंबाबोंब आंदोलन करण्यात आले
व दुसर्‍या दिवशी सुद्धा आंदोलनाचे दखल घेतली
गेली नाही त्यामुळे चालू करण्यात आले. यावेळी
आदिवासी पारधी समाज संघटनेचे जिल्हाध्यक्ष
अजित भोसले, अध्यक्ष राजेंद्र काळे, छाया भोसले,
संतोष भोसले, अविनाश चव्हाण, मुकेश भोसले,
आसाराम काळे, रामसिंग भोसले, मनमास भोसले,
रेवण भोसले, युवा भोसले, कानू भोसले, तेजस भोसले, नवनाथ भोसले, अविनाश काळे, अक्षय
भोसले, अंकुश काळे आदीसह कुटुंबीय उपस्थित होते.
पुढे नियोजनात म्हटले आहे की, मौजे लोणी व्यंकनाथ येथील रहिवासी असून हे गेली ५०
ते ६० वर्षांपासून गायरान जमीन कसुन खात आहे. त्या जमिनीमध्ये कपाशी, आंब्याचे झाडे, बोर
व अनेक झाडे असुन शेती करत आहे व ही गायरान जमीन ९ कुटुंब मिळून कसत आहे. काही
दिवसांपूर्वी तेथील ग्रामसेवक सरपंच यांनी मिळून एक मुख्यमंत्री सौर कृषी वाहिनी योजना सौर प्लांट
केला व दुसरा सौर प्लांट करण्यासाठी तेथील अतिक्रमण काढण्यासाठी व्यंकनाथ येथील ग्रामसेवक
यांनी अतिक्रमण धारकांना अतिक्रमण काढण्याचे
नोटीस बजावलेले आहे व नोटीस बजावून फार मोठा
अन्याय केलेला असुन ग्रामपंचायतीने जाणीवपूर्वक
आदिवासी पारधी समाजातील लोकांना वेठीस
धरून अतिक्रमण तात्काळ काढण्यासाठी नोटीसा
दिलेल्या आहे हे नोटीस देऊन आदिवासी कुटुंबांना
बेघर करण्यासाठी षडयंत्र रचले असून तेथील
आदिवासी कुटुंब उघड्यावर पडणार आहे. व हे
अतिक्रमण नियमितकुल करण्यासाठी वेळोवेळी
शासन पत्र दिलेले आहे व त्याचे पीक पाहणी करून
सातबारा नावे नोंद करण्यासाठी वेळोवेळी निवेदन
दिलेले आहे. शासनाच्या नियमानुसार व १९९०
च्या परिपत्रकानुसार गायरान जमिनीवरील केलेले
अतिक्रमण नियमानकुल करून ७/१२ व नावे नोंद करण्याचे पारित केलेले असून परिपत्रक महाराष्ट्र
शासनाचे आपणाकडे आलेले आहे. परंतु त्याची कुठल्याही प्रकारची कार्यवाही न केल्यामुळे सदरील
प्रकरण प्रलंबित पडलेले आहे. त्यामुळे आदिवासी पारधी समाजाच्या कुटुंब व त्यांची घरे व मूलबाळ
उघड्यावर न आणता त्यांना सदरील जमीन वहीतीसाठी देऊन त्यांच्या नावे सातबारा नोंद करावी व
शासनाचा जो प्रकल्प मुख्यमंत्री सौर कृषी वाहिनी योजना तातडीने रद्द करण्यात यावी व मौजे लोणी
व्यंकनाथ येथील इतर शासनाची पडीक जमीन वरती प्रकल्प राबविण्यात यावा, या मागणीसाठी
जिल्हाधिकारी कार्यालयासमोर बोंबाबोंब आंदोलन करण्यात आले आहे.

नगर – स्वाभिमानी शिक्षक शिक्षकेतर
संघटनेच्या जिल्हा अल्पसंख्यांक सेल प्रमुखपदी
अहमदनगर उर्दू हायस्कूल व मिसगर ज्यूनियर
कॉलेजचे मुनव्वर हुसैन छोटे खान यांची नियुक्ती
करण्यात आली. शिक्षक, शिक्षकेतरांच्या विविध
प्रश्नांवर कार्य करणार्‍या या संघटनेचे जिल्हाध्यक्ष
प्रसाद शिंदे यांच्या मार्गदर्शनाखाली खान यांची
नियुक्ती जाहीर करण्यात आली.

स्वाभिमानी शिक्षक संघटना मुख्याध्यापक
सेलचे जिल्हाप्रमुख अमोल क्षीरसागर म्हणाले की,
शिक्षक, शिक्षकेतर कर्मचार्‍यांच्या विविध प्रश्नांवर
कार्य करणार्‍या या संघटनेत शिक्षक वर्ग जोडले जात
आहे. संघटनेच्या माध्यमातून सर्वांना सामावून घेतले
जाणार असून, सर्वांनी संधी उपलब्ध करून देण्यात
येणार असल्याचे त्यांनी स्पष्ट केले.

मुनव्वर खान यांनी संघटनेच्या माध्यमातून
शिक्षक, शिक्षकेतरांचे प्रश्न सोडविण्याचा प्रयत्न केला
जाणार आहे. तर संघटना वाढीसाठी प्रयत्न करुन
अल्पसंख्यांक शाळेतील विविध प्रश्न व त्याचप्रमाणे
शिक्षकांचे प्रश्न सोडविण्यासाठी प्राधान्यक्रम राहणार
असल्याचे त्यांनी सांगितले.

संघटनेचे संस्थापक के. पी. पाटील यांनी खान
यांना नियुक्तीबद्दल पुढील कार्यास शुभेच्छा दिल्या.
यावेळी जिल्हा उपाध्यक्ष बाबासाहेब गवते, जिल्हा
सरचिटणीस सुनील अंगारखे, उपाध्यक्ष उमेश
भोईटे, संघटन प्रमुख किरण डहाणे, राहुल मोरे,
गणेश शिंदे, संगमनेर तालुका अध्यक्ष किशोर कार्ले,
नगर तालुकाध्यक्ष भारत गोल्हार, उपाध्यक्ष विजय
साळवे, महिला आघाडी उपाध्यक्षा रिबीका क्षेत्रे
आदी उपस्थित होते.

ह.भ.प. गुलाब महाराज खालकर यांचे प्रतिपादन; श्री नर्मदेश्वर महादेव मंदिराच्या ११ वा वर्धापन दिन विविध कार्यक्रम

नगर – पारायण केल्याने तसेच त्याचे श्रवण करण्याने माणसाला मोक्ष मिळण्यास मदत होते हरिनामाचा जप फार महत्वाचा
आहे, देवाला हरिनामाची भूक आहे, किर्तनामध्ये देवाबद्दल प्रेम आपुलकी, भक्ती असायला हवी. संतांचे विचार आजच्या
पिढीकरीता एक आदर्श आहेत. आचार, विचार, उच्चारात भगवंतांच्या नामस्मरणाने एक शक्ती निर्माण होत असते. त्यामुळे
आपल्या दैनंदिनीत भगवंतांचे नामस्मरण करावे. श्री नर्मदेश्वर महादेव मंदिराच्या  स्थापनेपासून या ठिकाणी होत असलेल्या
विविध कार्यक्रमाने धार्मिकता वाढत आहे. ही समाजाच्या दृष्टीने सकारात्मक बाब  असल्याचे प्रतिपादन ह.भ.प. गुलाब महाराज खालकर यांचे केले. नेप्ती येथील श्री नर्मदेश्वर महादेव मंदिराच्या ११ वा वर्धापन दिनानिमित्त ह.भ.प.
गुलाब महाराज खालकर यांचे किर्तन झाले. याप्रसंगी नर्मदेश्वर मित्र मंडळाचे अध्यक्ष बाबासाहेब जाधव, ह.भ.प. संजय महाराज महापुरे, संजय जाधव, दत्ता जाधव, माजी नगरसेविका सुवर्णा जाधव, सुरेश जाधव, आदेश जाधव, लक्ष्मी जाधव, आशा जाधव, मंगल जाधव, मिनाताई सत्रे, आनंद सत्रे, कावेरी सत्रे, पुजा सत्रे, हेमंत जाधव, सुरज जाधव, डॉ.अमोल जाधव, प्राजक्ता जाधव, ऋषि जाधव, रवि जाधव, अतुल जाधव, स्नेहल जाधव, अंजली जाधव, कपिल जाधव, मानसी जाधव, राज जाधव, तनया जाधव, विजय जाधव, गणेश महाराज बडे, सावेरी सत्रे आदि उपस्थित होते. याप्रसंगी बाबासाहेब जाधव म्हणाले, गेल्या ११ वर्षांपुर्वी श्री नर्मदेश्वर मंदिराची सर्वांच्या सहकार्याने निर्मिती झाल्याने
पंचक्रोशितील भाविकांची मोठी सोयी झाली आहे. वर्षभर या ठिकाणी विविध कार्यक्रम होत असल्याने परिसरात भक्तीमय वातावरण निर्माण होत आहे. तसेच अध्यात्मिक कार्यक्रम आम्ही सतत या ठिकाणी राबवित असतो. परंतु यावेळी सामाजिक उपक्रमांच्या माध्यमातून शालेय विद्यार्थ्यांना गणवेशाचे वाटप करण्यात आले. वर्धापन दिनानिमित्त नामवंत किर्तनकार, प्रवचनकारांची सेवा या ठिकाणी होत असल्याने संतांचे विचार यानिमित्त भाविकांच्या कानी पडत आहे.
सकाळी मंदिरात लघुरुद्राभिषेक करण्यात आला. त्यानंतर मंदिर प्रदक्षिणा, दुपारी किर्तन त्यानंतर महाआरती करण्यात
आली. यावेळी आयोजित महाप्रसादाचा लाभ पंचक्रोशितील नागरिकांनी घेतला. नगर शहरातील अनेक मान्यवरांनी या कार्यक्रमास उपस्थिती लावली. यावेळी नेप्ती येथील अपंग शाळेतील विद्यार्थ्यांना गणवेशाचे वाटप
करण्यात आले. या कार्यक्रमास श्री विशाल देवस्थानचे पुजारी संगमनाथ महाराज, ह.भ.प. शेंड महाराज, जि.प.सदस्य माधवराव लामखडे, अरुण होळकर, रामदास फुले, एकनाथ  जपकर, दिलीप होळकर, दादू चौघुले,
भानुदास फुले, सोमनाथ पुंड, देवा होले, वसंत पवार, विलास जपकर, बाळासाहेब बेलेकर, शाहु होले, बाळासाहेब कोल्हे,
तबाजी होळकर, शुभम कोल्हे, कांतीलाल कांडेकर, बंडू जपकर, आनंदा कर्डिले, अंबादास पुंड, सौरभ भुजबळ, अशोक
ठाणगे, जालु भुजबळ, अशोक गवळी, राहुल मुकेश, श्रीधर लोमटे, अरुण नगराळे, भास्कर घोरपडे, हारुक सय्यद, संभाजी कदम, अनिल शिंदे, बाळासाहेब बोराटे, भगवान फुलसौंदर, शाम नळकांडे, संजय शेंडगे, प्रशांत गायकवाड, दिपक खैरे, अनिल बोरुडे, सचिन शिंदे, संपत नलवडे, दत्ता कावरे, संतोष गेनप्पा, विष्णु फुलसौंदर, गणेश बोरुडे, शेखर भुजबळ, अर्जुन बोरुडे, चंद्रकांत गाडळकर, बंटी गुंजाळ, बलभिम  शेळके, दत्ता खैरे, गजानन ससाणे, महेश
भनभने, संतोष चिपाटे, दत्तात्रय गायकवाड, अनंत बोरुडे, मनोज गाडळकर, गारेख  पडोळे, महेंद्र वारुळे, गणेश फुलसौंदर,  सुधीर लांडगे, मगनभाई पटेल, जालिंदर बोरुडे, बाळासाहेब भुजबळ, विक्रम बनकर, रतन कानडे, आकाश नरभवने, के. डी. खानदेशी, अनिल झरप, शिवाजी ससे, पारुनाथ ढोकळे, छबुनाना जाधव, प्रविण ससाणे, शिवाजी जाधव, रघुनाथ चौरे, विशाल पटवेकर, प्रताप भोजणे आदिंसह नेप्ती पंचक्रोशितील ग्रामस्थ उपस्थित होते.
कार्यक्रम यशस्वीतेसाठी नर्मदेश्वर मित्र मंडळ, नेप्ती ग्रामस्थ, नंदनवन मित्र मंडळ, वीर हनुमान वारकरी सेवाभावी प्रतिष्ठान आदिंच्या कार्यकर्त्यांनी परिश्रम घेतले. महाप्रसादाने या कार्यक्रमाची सांगता झाली.

२० तासांनंतर आग विझविण्यात यश, पाणीटंचाईने त्रस्त झालेल्या वन्यप्राण्यांना वणव्याचा मोठा फटका

नगर – नगर तालुयातील वनसंपदेला चालू वर्षी वणव्याने मोठा फटका बसला असल्याचे चित्र असतानाच २७ मार्च रोजी
दुपारी २ वाजेच्या सुमारास इमामपूर घाटातील जंगलाला लागलेल्या वणव्यात शेकडो हेटर वनसंपदा जळून खाक झाली आहे. नगर, नेवासा व राहुरी तालुयातील सीमेवर वणवा लागल्याने तिन्ही तालुयातील वनक्षेत्र तसेच आर्मीचे क्षेत्र जळून खाक झाले आहे. तब्बल २० तासांच्या शर्थीच्या प्रयत्नानंतर हा वणवा विझविण्यास वन विभाग आणि नागरिकांना यश आले.

नगर, राहुरी व नेवासा तालुयाची सीमा इमामपूर घाट परिसरात आहे. या सीमेवर मोठी वनसंपदा पहावयास मिळते. खोसपुरी, गुंजाळे, इमामपूर, पांढरीपुल या हद्दीतील वनसंपदेला २७ मार्चला लागलेल्या वणव्यात मोठी हानी पोहोचली आहे. आर्मीचे क्षेत्र मोठ्या प्रमाणात जळून खाक झाले आहे तर वन विभागाच्या क्षेत्रालाही मोठी हानी
बसल्याचे पहावयास मिळाले. दिवसभर वणवा भडकत होता.

रात्री उशिरापर्यंत वणव्याने रौद्ररूप धारण केले होते. नगर, राहुरी, नेवासा वनविभागाचे अधिकारी व कर्मचारी वणवा विझवण्यासाठी प्रयत्न करत होते. परंतु वाळलेले गवत व झाडांचा पालापाचोळा यामुळे वणव्याने रौद्ररूप
धारण केले त्यातच कडक ऊन यामुळे वणवा विझविण्यासाठी मोठी अडचण येत होती. औषधी वनस्पती तसेच मोठ्या वृक्षांना देखील वणव्याचा फटका बसला आहे. वन्यप्राणी जीवाच्या आकांताने सैरावैरा धावताना पहावयास मिळाले. यापूर्वी तालुयातील गुंडेगाव, नगर व बीड जिल्ह्याच्या हद्दीतील चिचोंडी पाटील परिसर, इमामपूर, बहिरवाडी, गोरक्षनाथ गड, खोसपुरी या गावांसह विविध गावांमध्ये वनसंपदा वणव्यामुळे नष्ट झाली आहे. चालू वर्षी वणवा लागण्याच्या घटनांमध्ये
मोठ्या प्रमाणात वाढ झाल्याचे दिसून येते. वन विभागाने जाळ रेषा केल्या असल्याचे सांगण्यात येत आहे परंतु काही भागात जाळ रेषाच नसल्याचे नागरिक सांगत आहेत. २७ मार्चला लागलेल्या वनव्यात राहुरी  तालुयातील धुमा डोंगर पूर्णपणे जळून खाक झाला आहे. या परिसरात मोठ्या प्रमाणात वन्यप्राण्यांचा वावर आढळून येतो. तसेच आर्मीचे व वनक्षेत्र देखील मोठे आहे. खिरणीचा महादेव हे धार्मिक स्थळ निसर्गाच्या कुशीतच वसलेले आहे. येथे पर्यटकांची देखील मोठी गर्दी
होत असते. येथील निसर्ग सौंदर्य पर्यटकांना नेहमीच पण होत असते. याच निसर्गसंपदेला लागलेल्या वणव्यामध्ये मोठी हानी झाल्याने नागरिक देखील त्रस्त झाले आहेत. इमामपूर परिसरातील वन्यप्राणी पाण्याच्या शोधात वणवण भटकंती करत
असतानाच लागलेल्या वणव्यामुळे दुष्काळात तेरावा महिना अशी परिस्थिती निर्माण झाली आहे. इमामपूर परिसरात तीव्र पाणीटंचाई निर्माण झाली असून येथील वन्य प्राण्यांसाठी देखील पाण्याची सोय करण्याची गरज आहे. या परिसरात लागलेल्या वणव्यामुळे हरण, रानडुक्कर, काळवीट, ससा, सरपटणारे साप, सरडा, घोरपड, मोर तसेच विविध जातींचे
पक्षी जीवाच्या आकांताने सैरा वैरा धावत होते.
वणवा विझवण्यासाठी नगर, राहुरी, नेवासा येथील वनाधिकारी व कर्मचारी दुपारपासूनच प्रयत्न करत होते. परंतु रात्री उशिरापर्यंत आग आटोयात आणणे शय झाले नाही.राहुरी तालुका वनपाल राजेंद्र रायकर, वनकर्मचारी बबन जाधव, महादेव शेळके, गोरख मोरे, नेवासा तालुका वनरक्षक राहुल शिसोदे, वन कर्मचारी ज्ञानदेव गाडे, नगर तालुका संजय सरोदे यांच्यासह विविध कर्मचारी वणवा विझविण्यासाठी शर्थीचे प्रयत्न करत होते. अखेर २८ मार्चला सकाळी ११
च्या सुमारास ही आग आटोयात आली. आग विझवण्यासाठी वनपरिक्षेत्राधिकारी अविनाश तेलोरे रात्री उशिरापर्यंत घटनास्थळी होते. वनपाल मनेष जाधव, वनमित्र सनी गायकवाड, रुद्रा टिमकरे, अंकुश मोकाटे, आप्पासाहेब
टिमकरे, संकेत जरे संदीप टिमकरे संकेत टिमकरे दिपक आवारे राम मोकाटे भिमराज मोकाटे यांनीही आग विझविण्यासाठी मदत केली. वणवा लागू नये यासाठी काळजी घ्यावी वणवा लागल्यामुळे वनसंपदेचे तसेच वन्य
प्राण्यांचे अतोनात हाल होत असतात. त्यामुळे वणवा लागू नये यासाठी नागरिकांनी देखील काळजी घेणे गरजेचे आहे. वनक्षेत्रालगतचे बांध शेतकर्‍यांनी जाळू नये. तसेच वनक्षेत्रात धूम्रपान, स्वयंपाक करू नये. वणवा लागल्यास वणवा
विझवण्यासाठी स्थानिकांनी वनविभागाला मदत करणे गरजेचे आहे. असे वनपरिक्षेत्र अधिकारी अविनाश तेलोरे यांनी सांगितले

नगर – राष्ट्रसंत आचार्य आनंदऋषीजी महाराज यांनी मानवता धर्माची शिकवण दिली. रक्तदान हे सुद्धा मानवतेचा धर्म
आहे. एखाद्या व्यक्तीला जीवदान देण्याचे पुण्यकर्म रक्तदानामुळे होऊ शकते. भगवंताला मनुष्याकडे हेच
अपेक्षित असते. साधूसंतही हाच उच्च विचार समाजाला देतात. याच विचारानुसार मर्चंट बँक दरवर्षी आचार्यश्रींच्या पुण्यस्मृतीदिनी रक्तदान शिबीर आयोजित करते. रक्तदानाचा हा महायज्ञ अखंड, अविरत चालू ठेवण्याचा प्रामाणिक
प्रयत्न भविष्यातही चालू राहील असे प्रतिपादन अहमदनगर मर्चंट बँकेचे संस्थापक चेअरमन हस्तीमल मुनोत यांनी केले.
राष्ट्रसंत आचार्य आनंदऋषीजी महाराज यांच्या ३३ व्या पुण्यस्मृतीनिमित्त अहमदनगर मर्चंट बँके प्रायोजित आणि धार्मिक
परीक्षा बोर्ड, तिलोक आनंद मानव सेवा केंद्र संयोजित रक्तदान शिबिराचे उद्घाटन आनंदधाम भक्तनिवास येथे चेअरमन हस्तीमल मुनोत यांच्या हस्ते झाले. प्रारंभी आचार्यश्रींच्या प्रतिमेस चंदनाचा हार अर्पण करण्यात आला. याप्रसंगी अलोकऋषीजी म.सा., अमृतमुनीजी म.सा., धार्मिक परीक्षा बोर्डचे अध्यक्ष नेमीचंद चोपडा (पाली, राजस्थान), पारसमल छाजेड (मुंबई), छवरीलाल कांकरिया (पाली, राजस्थान), माजी उपमहापौर गणेश भोसले, माजी नगरसेवक प्रकाश भागानगरे, महिला बालकल्याण समितीचे उपसभापती मीनाताई चोपडा, मानवसेवा समितीचे डॉ. विजय भंडारी, सह मानदमंत्री सागर गांधी, आनंदराम मुनोत, जनकल्याण रक्त केंद्राचे अध्यक्ष अभय मेस्त्री, मर्चंट बँकेचे मुख्य कार्यकारी
अधिकारी व सर्व संचालक आदी उपस्थित होते. यावेळी आ. संग्राम जगताप यांनी रक्तदान शिबिराला भेट देऊन
रक्तदात्यांचे व मर्चंट बँकेचे कौतुक केले.

गणेश भोसले म्हणाले, धार्मिक परीक्षा बोर्ड हा परिसर आमच्या प्रभागातील असल्याने आमदार संग्राम जगताप  यांच्या सहकार्याने या परिसरात चांगली विकास कामे करण्यात आली आहे. याचा  आम्हाला आनंद आहे. दरवर्षीप्रमाणे मर्चंट बँक रक्तदान शिबिराच्या माध्यमातून मोठे योगदान देत आहे. राष्ट्रसंत आचार्य आनंदऋषीजी महाराज यांच्या पुण्यस्मृतीनिमित्त मर्चंट बँक दरवर्षी रक्तदान शिबीर घेऊन मानवसेवेचा आदर्श निर्माण करीत आहे. प्रकाश भागानगरे म्हणाले, मर्चंट बँकेने बँकिंग व्यवसाय करताना नेहमीच सामाजिक बांधिलकी जपली आहे. रक्तदानाचा अखंड महायज्ञ बँकेच्या सेवाभावाची प्रचीती देते. या कार्यासाठी बँकेचा विशेष पुरस्काराने गौरव झाला पाहिजे. आचार्यश्रींचे समाधीस्थळ
स्थळ असलेले आनंदधाम प्रत्येकाने नतमस्तक व्हावे असे तीर्थस्थळ आहे. हा पवित्र परिसर सुशोभित करण्यात आला असून याठिकाणी येणारे सर्व रस्ते प्रशस्त, सुशोभित आणि हरित करण्यात आला आहे.

प्रास्ताविकात डॉ. विजय भंडारी म्हणाले, गेल्या ३२ वर्षांपासून रक्तदान शिबिराचा उपक्रम राबविण्यात येत आहे. दरवर्षी आतापर्यंत ३० हजार रक्तदात्यांनी यात योगदान दिले आहे. २३ हजार पुरूष ७ हजार महिलांनी रक्तदान करून आचार्यंश्रींना अभिप्रेत सेवाकार्यात सहभाग नोंदवला आहे. या शिबिराचा सकाळ पासूनच रक्तदात्यांनी प्रतिसाद देत गर्दी केली होती. आनंदऋषीजी ब्लड बँक नगर व पुणे, जनकल्याण रक्तपेढी, जिल्हा रुग्णालय रक्तपेढी, मनपा रक्तपेढीच्या टीमने रक्तसंकलनाचे काम पाहिले. यावेळी अनेक वर्ष सेवा देणारे रतिलाल बोरा यांचा विशेष सत्कार करण्यात आला. शिबिर यशस्वी होण्यासाठी रमेश पितळे, गौतम बोरा, डॉ.रसिक मुथा, बँकेचा सर्व स्टाफ आदींनी परिश्रम घेतले. आनंदराम मुनोत यांनी आभार मानले