२० मार्च ते १ एप्रिल या कालावधीत पुतळा उभा राहणार

नगर – विश्वरत्न डॉ.बाबासाहेब आंबेडकर यांच्या पूर्णाकृती पुतळ्याच्या उभारणीचे काम पूर्ण झाले असून ते आता
केवळ पुतळा स्थापनेचा सोहळा पार करण्याचे काम बाकी आहे. यासाठी शहरातील आंबेडकरी
समाज व डॉ. बाबासाहेब आंबेडकर पुतळा समितीच्या वतीने पूर्ण कृती पुतळा अनावरणाबाबत महत्त्वपूर्ण
बैठक मनपा आयुक्त यशवंत डांगे यांच्या उपस्थितीत पार पडली. यावेळी समितीचे अधिकृत
समितीच्या सभासदांची यादी आयुक्तांना सुपूर्द करण्यात आली. यावेळी समितीचे सुरेश बनसोडे,
अजय साळवे, सुमेध गायकवाड, रोहित आव्हाड, संजय कांबळे, किरण दाभाडे, योगेश साठे, सुनील शिंदे, संजय
जगताप, पोपट जाधव, विलास साठे, डी.आर.जाधव, कौशल गायकवाड, विशाल भिंगारदिवे, जीवन कांबळे,
विशाल कांबळे, दीपक अमृत, संजय साळवे, विशाल गायकवाड, चिकू गायकवाड, सिद्धार्थ राजगुरु, सागर
ठोकळ, विजय गायकवाड, दिनेश पंडित, वैभव कांबळे, किरण गायकवाड, वैभव जाधव, विजय गव्हाळे, सिद्धांत
कांबळे, अशोक खंडागळे, प्रवीण ओरे, शांतवण साळवेआदी उपस्थित होते. पुढे आयुक्त यशवंत डांगे यांनी
समितीच्या अधिकृत सभासदांच्या यादीला मान्यता देऊन पूर्णाकृती पुतळा अनावरणासाठी समितीच्या
पदाधिकार्‍यांच्या माध्यमातून सर्व अधिकृत कामे केले जाईल व उत्साहात डॉ. बाबासाहेब आंबेडकर यांचे पूर्णाकृती पुतळ्याचे अनावरण सोहळा २० मार्च ते १ एप्रिल दरम्यान पुतळा बसवण्यात येईल व या अनावरणासाठी
आ. संग्राम जगताप यांच्या मार्गदर्शनाखाली मुख्यमंत्री देवेंद्र फडणवीस, उपमुख्यमंत्री अजित पवार, उपमुख्यमंत्री एकनाथ शिंदे व सर्व मंत्री महोदय तसेच सर्व रिपब्लिकन नेते यांना देखील निमंत्रण देऊन पूर्णाकृती पुतळा अनवरणासाठी
उपस्थित राहण्याचे निमंत्रण देऊन हा सोहळा थाटात करण्यात येणार आहे.

नगर – भिंगार मधील भरबाजारपेठेतील किराणा दुकान चोरट्यांनी रात्रीच्या वेळी फोडून आतील सामनाची उचकापाचक करत दुकानातील ३० हजारांची रोकड, ३० हजार ५०० रुपये किमतीचा सुकामेवा व इतर साहित्य चोरून नेल्याची घटना ११ फेब्रुवारीला रात्री ९ ते १२ फेब्रुवारीला सकाळी ९ या कालावधीत नेहरू मार्केट परिसरात घडली आहे.

याबाबत निलेश पोपटलाल शिंगवी (वय ४०, रा. वसंत बंगला, सौरभ नगर, पंडित हॉस्पिटल जवळ, नागरदेवळे) यांनी भिंगार कॅम्प पोलिस ठाण्यात फिर्याद दिली आहे. फिर्यादी शिंगवी यांचे भिंगार मध्ये नेहरू मार्केट परिसरात शिंगवी प्रोव्हिजन स्टोअर्स नावाचे दुकान आहे. शिंगवी यांनी ११ फेब्रुवारीला रात्री ९ वाजता नेहमीप्रमाणे दुकान बंद करून ते घरी गेले. १२ फेब्रुवारीला सकाळी ते दुकान उघडण्यासाठी आले असता त्यांना दुकानाचे शटर चे कुलूप तोडलेले तसेच शटर उचकटलेले दिसले. त्यांनी आत जावून पाहणी केली असता आत मध्ये सर्वत्र उचका पाचक झाल्याचे दिसले. त्यांनी दुकानात ठेवलेली रोख रक्कम पाहिली असता ती दिसून आली नाही. या शिवाय दुकानातील १२ किलो काजू, १५ किलो बदाम, १० किलो मनुके,५ किलो काळे मनुके, ५ लिटरचे तेलाचे सहा कॅन, अर्धा किलो वजनाचे चहाचे १५ पुडे असा ६० हजार ५०० रुपये किमतीचा ऐवज आढळून आला नाही.

शिंगवी यांनी रात्री दुकान बंद केल्यावर रात्रीच्या सुमारास अज्ञात चोरट्यांनी दुकानाच्या शटरच्या वरील बाजूचा छताचा पत्रा उचकटला. त्यातून आत प्रवेश करत रोकड व साहित्य चोरले. त्यानंतर शटर चे कुलूप तोडत तसेच शटर उचकटत तेथून पोबारा केल्याचे प्रथमदर्शनी दिसून आले. याबाबत त्यांनी भिंगार कॅम्प पोलिसांना माहिती दिली. ही माहिती मिळाल्यावर स.पो.नि. जगदीश मुलगीर, स.फौ. दहिफळे यांच्या सह पोलिस पथकाने घटनास्थळी भेट देवून पाहणी केली.

या बाबत निलेश शिंगवी यांनी दिलेल्या फिर्यादीवरून भिंगार कॅम्प पोलिसांनी अज्ञात चोरट्याविरुद्ध भारतीय न्याय संहिता २०२३ चे कलम ३३४ (१) अन्वये चोरीच्या गुन्ह्याची नोंद केली असून अधिक तपास सहाय्यक फौजदार दहिफळे हे करीत आहे.

महिनाभरापासून भिंगार परिसरात चोऱ्यांचे सत्र

भिंगार शहर आणि परिसरात गेल्या महिना दीड महिन्यापासून चोऱ्यांचे सत्र सुरु आहे. चोरट्यांनी किराणा दुकाने, मेडिकल दुकाने टार्गेट करत चोऱ्या केल्या आहेत. काही चोरीच्या घटना सीसीटीव्ही कॅमेऱ्यात कैदही झाल्या आहेत. मागील महिन्यात ज्या चोऱ्या झाल्या त्याच्या सीसीटीव्ही फुटेज मध्ये आढळून आलेल्या चोरट्यामध्ये साम्य आढळून आलेले आहे. त्यामुळे चोऱ्या करणारी ही टोळी एकच आहे की वेगवेगळ्या टोळ्या आहेत. याचा पोलिसांनी तातडीने छडा लावून या चोरट्यांना जेरबंद करावे अशी मागणी नागरिकांकडून करण्यात येत आहे.

मुख्यमंत्री देवेंद्र अहिल्यानगर फडणवीस यांना शहरातून निवेदन

नगर – अहिल्यानगर महानगरपालिकेच्या आरोग्य विभागाचे सक्तीच्या रजेवर पाठविलेले आरोग्य अधिकारी आणि लेखा व्यवस्थापक यांच्या संगनमताने ३२ लाख रुपये अपहार झाल्यामुळे गुन्हा दाखल करण्यात आला आहे. परंतु या प्रकरणात लक्ष घातले तर असे निदर्शनास येते की कंत्राटी कामगार हा तात्पुरत्या वेतन श्रेणीवर नेमणूक करण्यात येते. कंत्राटी व्यक्तीला अधिकार किती असावा हे पाहणे गरजेचे आहे. हे न पाहता कंत्राटी पद्धतीने भरती केलेले विजय रणदिवे यांना आरोग्य विभागात लेखा व्यवस्थापक असे मुख्यपद देणे तसेच अनेक आर्थिक व्यवहार बाबत अधिकार देणे हे योग्य नाही. त्यामुळे कंत्राटी कामगाराला अधिकारी देणाऱ्या सर्व अधिकारी, आयुक्त, आस्थापना प्रमुख यांची चौकशी होणे गरजेचे आहे. महानगरपालिकेत पाहिले तर अनेक कंत्राटी कामगार आहेत. त्यांना विविध विभागात अधिकारी म्हणून नियुक्त करण्यात आले आहे. त्यामुळे मोठ्या प्रमाणात भ्रष्टाचार होऊन नागरिकांची लूट होत आहे. त्याकरिता या कंत्राटी कामगारांना अभय कोण देते हे पाहणे गरजेचे आहे. अश्या अनेक कंत्राटी कामगारांना अधिकाऱ्यांना आर्थिक अधिकार दिले गेले, सह्यांची परवानगी दिली गेली, अधिकार तपासताना लेखा परीक्षक सुध्दा झोपेत दिसत आहे. त्यामुळे डोळ्यावर पट्टी बांधून नियमबाह्य पद्धतीने अहिल्यानगर महानगरपालिकेचे ऑडिट होते अशी शंका निर्माण होते, असा आरोप नितीन भुतारे यांनी केला आहे. त्या करिता कंत्राटी भरतीच्या लोकांना पदसिद्ध अधिकारी म्हणून कोणत्याही विभागात नियुक्ती करू नये अशी मागणी मुख्यमंत्री देवेंद्र फडणवीस यांना निवेदन देऊन करण्यात आली व सखोल चौकशी करावी, अशी मागणी करण्यात आली आहे. सदर निवेदन हे मुख्यमंत्री, विभागीय आयुक्त नाशिक यांना मेल द्वारे पाठविण्यात आले असल्याचे भुतारे यांनी सांगितले.

शिक्षिकांमध्ये घबराटीचे वातावरण; संरक्षण द्या अन्यथा बोर्डाच्या परीक्षांवर बहिष्कार टाकण्या

नगर बारावीच्या बोर्ड परीक्षांना प्रारंभ झाले असून, यामध्ये पहिल्याच पेपरदरम्यान मंगळवारी (दि.११ फेब्रुवारी) एक गंभीर घटना घडली आहे.

श्री वृद्धेश्वर हायस्कूल, तिसगाव (ता. पाथर्डी) येथे एक गुंडाने पर्यवेक्षकाला चाकूचा धाक दाखवून दमदाटी केली आहे. या घटनेचा माध्यमिक शिक्षक संघटनेच्या वतीने निषेध नोंदवून, जबाबदारीवर असलेल्या शिक्षकांच्या संरक्षणाची जबाबदारी प्रशासनाने घेण्याची मागणी करण्यात आली आहे. यासंदर्भात संघटनेच्या शिष्टमंडळाने पाथर्डीचे तहसीलदार उध्दव नाईक व पाथर्डी पोलीस स्टेशनचे पोलीस सब इन्स्पेक्टर संतोष मुटकुळे यांना निवेदन दिले. यावेळी माध्यमिक शिक्षक संघटनेचे अध्यक्ष आप्पासाहेब शिंदे, अशोक दौंड, डी.सी. फकीर, सुभाष भागवत, भारत गाडेकर, आसिफ पठाण, महिंद्र राजगुरू, आत्माराम दहिफळे, बापूसाहेब कल्हापूरे, एस.आर.

पालवे, व्ही.व्ही. इंगळे, सुभाष भागवत, अजय भंडारी, समाधान आराक, सुरेश मिसाळ, छबुराव फुंदे, सी.एम. कर्डिले, एन.एस. मुथा, मच्छिंद्र बाचकर, सुधाकर सातपुते, डॉ. अनिल पानखडे, अजय शिरसाठ, व्ही.पी. गांधी आदी उपस्थित होते. बारावी बोर्डाच्या पहिल्याच पेपरला शिक्षकांना धमकाविण्याचा प्रकार घडला असताना, शिक्षिकांमध्ये घबराटीचे वातावरण पसरले आहे. पेपर संपल्यानंतर काही गुंडांनी पेपर जमा करणाऱ्या शिक्षकाची गाडी अडवून त्यांना गाडीच्या बाहेर ओढून शिवीगाळ केली आणि जिवे मारण्याची धमकी दिली असल्याचे म्हंटले आहे. यावर्षीच्या बारावीच्या परीक्षेसाठी शिक्षकांची सरमिसळ पद्धतीने नियुक्ती केली आहे. त्यामुळे ओळख नसलेल्या आणि दूरवर असलेल्या ठिकाणी शिक्षकांची नियुक्ती केल्यामुळे त्यांच्या जीविताला धोका निर्माण होईल, अशी परिस्थिती निर्माण झाली आहे. या पार्श्वभूमीवर, माध्यमिक व उच्च माध्यमिक शिक्षक संघटनेने शासनाकडे शिक्षकांना संरक्षण देण्याची मागणी केली आहे. तसेच, अशा घटना सातत्याने घडत राहिल्यास, इयत्ता, दहावी आणि बारावीच्या परीक्षांवर बहिष्कार टाकण्याचा इशारा देण्यात आला आहे. सरमिसळ पद्धतीने अनोळखी शाळेत शिक्षक परीक्षेच्या पर्यवेक्षणासाठी जात आहे. तेथील परिस्थिती व ओळख नसल्याने गाव गुंडांकडून त्यांना धमकाविण्याचे प्रकार घडत आहे. अशा प्रकारामुळे शिक्षकांच्या जीविताला धोका निर्माण झाला असून, काही गंभीर प्रकार घडण्या अगोदरच प्रशासनाने त्यांना संरक्षण द्यावे. अन्यथा बोर्डाच्या परीक्षांवर बहिष्कार टाकला जाणार आहे, असा इशारा माध्यमिक शिक्षक संघटनेचे अध्यक्ष आप्पासाहेब शिंदे यांनी दिला आहे

केडगावच्या अंबिका प्राथमिक विद्यालयाचे स्नेहसंमेलन उत्साहात

माजी सचिव शिवाजीराव भोर यांचे प्रतिपादन नगर रयतच्या बहरलेल्या वटवृक्षाखाली शिक्षणाची गंगा वाहत आहे. या वटवृक्षाच्या छायेत शिक्षणाने अनेकांनी आपले भवितव्य घडविले आहे. पद्मश्री पोपटराव पवार हे देखील श्री अंबिका माध्यमिक विद्यालयाचे माजी विद्यार्थी आहेत. अनेक दिग्गज व्यक्तीमत्व या शाळेतून घडले आहेत. ही शाळा केडगावचे भूषण असून, प्राथमिकला मान्यता मिळाल्याने या परिसरातील लहान विद्यार्थ्यांना गुणवत्तापूर्ण शिक्षण घेता येणार असल्याचे शिवाजीराव भोर यांनी सांगितले. केडगाव देवी येथील रयत शिक्षण संस्थेच्या अंबिका प्राथमिक विद्यालयाचे वार्षिक स्नेहसंमेलन उत्साहात पार पडले. विद्यार्थ्यांनी विविध गीतांवर महाराष्ट्रातील संस्कृतीचे दर्शन घडविले. तर सण-उत्सव, परंपरेचे सांस्कृतिक कार्यक्रमातून सादरीकरण केले. विविध हिंदी मराठी गाण्यावर रंगलेल्या नृत्याने सांस्कृतिक कार्यक्रमात रंग भरला होता. कर्मवीर भाऊराव पाटील व लक्ष्मीबाई भाऊराव पाटील यांच्या प्रतिमांना पुष्पहार अर्पण करुन दीपप्रज्वलनाने कार्यक्रमाचे उद्घाटन झाले. याप्रसंगी रयत शिक्षण संस्थेचे माजी सचिव शिवाजीराव भोर, सुपा पोलीस स्टेशनचे पोलीस निरीक्षक सोमनाथ दिवटे, रयत शिक्षण संस्थेचे जनरल बॉडी सदस्य ज्ञानदेव पांडुळे, उत्तर विभागाचे सहाय्यक विभागीय अधिकारी प्रमोद तोरणे, प्राचार्य तथा विभागीय अधिकारी नवनाथ बोडखे, रावसाहेब सातपुते, प्रशांत कोतकर, रघुनाथ लोंढे, किसन सातपुते, महेश गुंड, पत्रकार रविंद्र देशपांडे, माजी मुख्याध्यापक कृष्णाजी थोरात, महेश ढगे, सिताराम जपकर, बाबासाहेब जगदाळे, बापूसाहेब दिघे, नम्रता ससाणे, प्राथमिक विभाग प्रमुख पुजा गोरे, शुभम गाडे, कांचन झरेकर, शितल गायकवाड, प्रियंका राजदेव, अश्विनी टेमकर, जयश्री भोर, वर्षा शेलार, स्वाती जाधव, रेखा रासकर, कीर्ती पावसे, कविता शेळके, विशाखा जाधव, सुवर्णा घोडके, मदतनीस सविता बुगे, सुवर्णा शिंदे, रेखा शिंदे आदींसह शाळा समिती, स्थानिक सल्लागार समिती, सखी सावित्री समिती, पर्यवेक्षक, सेवक आणि विद्यार्थी व पालक उपस्थित होते. प्रास्ताविकात प्राचार्य तथा विभागीय अधिकारी नवनाथ बोडखे यांनी शाळेच्या विविध उपक्रमाची माहिती देऊन, शाळेचा वाढता गुणवत्तेचा आलेख मांडला. तर शाळेत केडगावच्या पंचक्रोशीतील ५८३ विद्यार्थी प्राथमिक विद्यालयात शिक्षण घेत असल्याचे स्पष्ट केले. ज्ञानदेव पांडुळे म्हणाले की, संस्थेतील विद्यार्थी उंच भरारी घेऊन गुणवत्ता सिद्ध करत आहे. पालकांनी मुलांना वेळ देऊन त्यांच्या सकस आहारावर लक्ष द्यावे. मुलांच्या शिक्षण व आरोग्याबाबत जागृक रहावे लागणार आहे. काही विद्यार्थ्यांना शिक्षणा घेण्यासाठी पैसे नाही, तर काही विद्यार्थी मौजमजेसाठी चार्टर्ड विमान उडवीत आहेत. ही समाजातील विषमता समाज उघड्या डोळ्यांनी बघत आहे. चंगळवादात आपल्या मुलांना शिक्षण व संस्काराची शिदोरी देण्याचे त्यांनी आवाहन केले. गणेश वंदनाने सांस्कृतिक कार्यक्रमाची सुरुवात झाली. कोळी नृत्य व पोतराज नृत्यासह जागरण गोंधळाने कार्यक्रमाची रंगत वाढवली. आंम्ही शिवकन्या या गीतांमधून स्त्री शक्तीचे दर्शन घडविण्यात आले. देशभक्ती व विविध संस्कृतीचे दर्शन घडविणाऱ्या नृत्याच्या बहारदार सादरीकरणाने उपस्थितांची मने जिंकली. चल सर्जा, चल राजा या शेतकरी…, राज आलं, राज आलं…. गीताने उपस्थितांची मने जिंकली. लूंगी डान्स, चंदा चमके, स्कूल चले हम, मला भी जत्रेला येऊ द्या की, जन्म बाईचा बाईचा आदी गीतांवर सांस्कृतिक कार्यक्रम रंगले होते. कार्यक्रमाचे सूत्रसंचालन कांचन झरेकर व प्रियंका राजदेव यांनी केले. आभार प्राथमिक विभाग प्रमुख पुजा गोरे यांनी मानले.

वंचित बहुजन आघाडीची मागणी; शिष्टमंडळाने दिले जिल्हाधिकारी कार्यालयात निवेदन

नगर – मौजे वडगाव गुप्ता (ता. नगर) आणि इतर गावांतील आदिवासी, भटके, विमुक्त, अनुसूचित जाती आणि जमातींतील अतिक्रमणधारकांना कायमस्वरूपी शासनाची जागा देण्याची मागणी वंचित बहुजन आघाडीच्या शिष्टमंडळाने जिल्हाधिकारी कार्यालयात नायब तहसीलदार यांच्याकडे निवेदनाद्वारे केली आहे. शिष्टमंडळाने दिलेल्या निवेदनात म्हटले आहे की, या अतिक्रमण धारकांचे ४० ते ५० वर्षांपासून हे अतिक्रमण सरकारी जागेत कायम असून, त्यांना रेशन कार्ड, लाईट बिल कनेक्शन दिले गेले आहेत. शासनाने त्यांना राहण्यासाठी प्रत्येकी दोन गुंठे जमीन देण्याची मागणी करण्यात आली आहे. याप्रसंगी योगेश साठे (जिल्हाध्यक्ष), हनीफ शेख (शहराध्यक्ष), सुधीर ठोंबे (जिल्हा संघटक), मारुती पाटोळे, रविकिरण जाधव, प्रवीण ओरे, जे.डी. शिरसाठ, अॅड. योगेश गुंजाळ, राजू भिंगारदिवे, पिण्या भोसले, संजय शिंदे, भारत जाधव, तेजस धीवर, अमित केदारी, सोनू भोसले, संजय माळी, अक्षय भोसले, भानुदास सातपुते, साईनाथ चव्हाण, सोमनाथ जाधव, शिवाजी माळी, राजू शिंदे, सुभाष बर्डे, सोनू भोसले, राहुल चव्हाण, लताबाई चव्हाण, कनगर काळे, वैभव लोखंडे, भीमा शिंदे आदींसह पदाधिकारी व कार्यकर्ते उपस्थित होते.

सरकारी जागेवर अनेक वर्षापासून अतिक्रमण करून राहणारे बहुतेक लोक आदिवासी, भटके, विमुक्त, अनुसूचित जाती आणि जमातींतील आहेत. राज्य शासनाने त्यांच्या उदरनिर्वाहासाठी प्रत्येकी दोन गुंठे जमीन दिली आहे. ते एमआयडीसी आणि इतर कामे करून आपली उपजीविका भागवत आहे. प्रशासनाने त्यांना या सरकारी जमिनीवरून काढले तर त्यांच्यावर उपासमारीची वेळ येईल, अशी चिंता वंचित बहुजन आघाडीच्या शिष्टमंडळाने व्यक्त केली आहे. या प्रकरणाचे निराकरण करण्यासाठी शिष्टमंडळाने जिल्हाधिकारी कार्यालयात निवेदन दिले आहे, ज्यात सरकारने संबंधित कुटुंबांना कायमस्वरूपी जागा मोजमाप करुन देण्याची मागणी केली आहे. राज्य शासनाच्या जमिनीवरील आदिवासी, भटके, विमुक्त, अनुसूचित जाती आणि जमातींतील अतिक्रमण धारकांना राज्य शासनाने जागा दिल्याने त्यांच्या कुटुंबीयांचा योग्य पध्दतीने उदरनिर्वाह होवून, ते स्वतःचे व्यवसाय सुरू करू शकतील. यासाठी आदिवासी आणि अनुसूचित जातीचे संरक्षण करण्यासाठी महाराष्ट्र शासनाच्या जमिनीवरील अतिक्रमण धारकांना प्रत्येकी दोन गुंठे जागा कायमस्वरूपी देण्याची मागणी वंचित बहुजन आघाडीच्या वतीने करण्यात आली आहे. तर अतिक्रमण हटविण्याची कारवाई त्वरीत न थांबविल्यास तीव्र आंदोलन करण्याचा इशारा देऊन अतिक्रमण धारकांना एकजुटीने या विरोधात लढा उभारण्याचे आवाहन करण्यात आले आहे.

नगर – स्नेहबंध सोशल फौडेशनचे संस्थापक अध्यक्ष डॉ. उद्धव शिंदे यांना सामाजिक कार्यातील उल्लेखनीय योगदानासाठी बीजमाता पद्मश्री राहिबाई पोपेरे यांच्या हस्ते महाराष्ट्र समाजरत्न पुरस्कार प्रदान करण्यात आला. सावेडी येथील माऊली सभागृहात ज्ञानरचना सोशल फाऊंडेशनच्यावतीने राज्यस्तरीय महाराष्ट्र आयकॉन अॅवार्डचे वितरण करण्यात आले. डॉ. उद्धव शिंदे यांनी फौडेशनच्या माध्यमातून सामाजिक जाण आणि आपण काय देणं लागतो याची जाण मनात ठेवून शिक्षण, आरोग्य, पर्यावरण यावर काम केले. त्यांनी निराधार, वंचित, बेघरांना कपडे, जेवण दिले, गरीब, गरजू विद्यार्थ्यांना शालेय साहित्य दिले, ज्येष्ठांसाठी आरोग्य शिबिर घेतले. त्यांच्या मनात कायम समाजसेवेची ओढ कायम असते, आता ही ओढ म्हणण्यापेक्षा ती त्यांचा पिंडच झाला आहे. त्यांच्या कार्याची दखल घेत त्यांना महाराष्ट्र रत्न पुरस्कार प्रदान करण्यात आला. यावेळी कवयित्री सरोज आल्हाट, स्पर्श संस्थेचे खजिनदार अमोल आल्हाट, स्पर्शच्या अध्यक्ष शीतल साळवे, ज्ञानरचना फौडेशनच्या संचालिका सुप्रिया चौधरी, प्रवीण साळवे, सारिका शेलार उपस्थित होते. सन्मानचिन्ह, सन्मानपत्र असे पुरस्काराचे स्वरूप आहे. डॉ. शिंदे यांनी अनाथ, निराधारांच्या आयुष्यात भरले आनंदाचे रंग डॉ. उद्धव शिंदे आतापर्यंत अनेक अनाथ, निराधारांच्या आयुष्यात विविध भेटवस्तू, सणवाराला मिष्टान्न भोजन देऊ आनंदाचे रंग भरले आहेत. डॉ. शिंदे यांच्या सामाजिक कामांची यादी भलीमोठी आहे. विशेष म्हणजे निःस्वार्थ मनाने केलेले ते काम आहे, म्हणून त्यांचे काम दैदिप्यमान आणि कौतुकास्पद आहे. राज्य व देशपातळीवरील अनेक पुरस्कारांनी त्यांचा गौरव झाला, अशी प्रतिक्रिया ‘मारुतीराव मिसळवाले’चे संचालक अमित खामकर यांनी दिली.

आ.संग्राम जगताप यांचे प्रतिपादन: गादी व माती कुस्ती व महाराष्ट्र केसरी किताब लढत स्पर्धेचे बक्षीस वितरण; पृथ्वीराज मोहोळ यांना दिली महिंद्रा थार गाडी भेट

नगर – शहरासह जिल्ह्यामध्ये चांगले मल्ल घडावे, यासाठी सुसज्ज असे तालीम केंद्र उभे करणार आहे, कुस्ती खेळाच्या माध्यमातून विचारातून प्रेरणा मिळत असते. त्यामुळे चुकीच्या गोष्टी घडत नसतात, प्रेक्षकही चांगले विचार घेत असतात. मोहोळ परिवाराच्या माध्यमातून मानाची गदा दिली जाते. ६७ वी महाराष्ट्र केसरी कुस्ती स्पर्धेचा किताब पृथ्वीराज मोहोळ यांनी मिळवला असून, त्याने आपले कर्तव्य सिद्ध केले. राज्यभरातून आलेल्या पैलवानांची काळजी घेण्याचे काम कुस्तीगीर संघाने केले आणि चांगल्या कुस्त्या झाल्या. जिद्द, चिकाटीच्या जोरावर कुठल्याही क्षेत्रामध्ये यश संपादन करता येत असते. भविष्य काळामध्ये नगर शहरांमध्ये हिंदकेसरी स्पर्धेचे आयोजन केले जाईल. ही स्पर्धा यशस्वी होण्यासाठी सर्वांचे सहकार्य लाभले आहे. यापुढे होणाऱ्या महाराष्ट्र केसरी कुस्ती स्पर्धा उंचीच्या व्हावेत, अशी अपेक्षा राज्य कुस्तीगीर संघाचे उपाध्यक्ष व आ. संग्राम जगताप यांनी केले. महाराष्ट्र कुस्तीगीर संघ व अहिल्यानगर यांच्यावतीने ६७ वी वरिष्ठ गट राज्यस्तरीय गादी व माती कुस्ती स्पर्धा व महाराष्ट्र केसरी किताब लढत स्पर्धेचे बक्षीस वितरण माजी आमदार अरुण जगताप, उपाध्यक्ष व आ. संग्राम जगताप यांच्या हस्ते झाले. यावेळी महाराष्ट्र केसरी पृथ्वीराज मोहोळ, पै. महेंद्र गायकवाड, हिंदकेसरी योगेश दोडके, राज्य कुस्तीगीर संघाचे कार्याध्यक्ष संदीप भोंडवे, माजी उपमहापौर गणेश भोसले, प्रा. माणिकराव विधाते, मार्गदर्शक विलास कथोरे, पै. गुलाब बर्डे, बबन काशीद, अनिल गुंजाळ, संतोष भुजबळ, शिवाजी चव्हाण, शिवाजी कराळे, निखिल वारे, उद्योजक राजेश भंडारी, गणेश गुंडाळ, सत्येन गुंदेचा, सुरेश बनसोडे, काका शेळके, अजय चितळे, युवराज पठारे, संजय ढोणे, देवा शेळके, युवराज करंजुले, निलेश मदने, बाळासाहेब जगताप, वैभव ढाकणे, संतोष ढाकणे, मनीष साठे आदी उपस्थित होते. प्रास्ताविक कार्याध्यक्ष भुजबळ यांनी केले तर निलेश मदने यांनी स्वागत केले आणि उपाध्यक्ष पै. शिवाजी चव्हाण यांनी आभार मानले. ६७ वी महाराष्ट्र केसरी कुस्ती स्पर्धेमधील गादी गटातील विजेत्या पैलवानांना महिंद्रा थार, बुलेट, स्प्लेंडर व सोन्याची अंगठी देण्यात आली. यावेळी ५७ वजन गटामध्ये प्रथम क्रमांक वैभव पाटील, द्वितीय क्रमांक शुभम अचपळे, तृतीय अविराज माने, रोहित पाटील. ६१ वजन किलो गटामध्ये प्रथम क्रमांक अजय कापडे, द्वितीय पुरुषोत्तम विसपुते, तृतीय क्रमांक पवन डोन्नर, पांडुरंग माने. ६५ किलो वजन गटात प्रथम क्रमांक ज्योतिबा आटकळे, द्वितीय क्रमांक मनीष बांगर, तृतीय क्रमांक आकाश नागरे, किरण सत्रे. ७० किलो वजन गटामध्ये प्रथम क्रमांक सौरभपाटील, द्वितीय क्रमांक सत्ताप्पा हिरगुडे. तृतीय क्रमांक विपुल थोरात, विकास करे. ७४ किलो वजन गटामध्ये प्रथम क्रमांक आदर्श पाटील, द्वितीय क्रमांक दयानंद पाटील, तृतीय क्रमांक योगेश्वर तापकीर, धैर्यशील लोंढे. ७९ किलो वजन गटामध्ये प्रथम क्रमांक शुभम मगर, द्वितीय क्रमांक केतन घारे, तृतीय क्रमांक संदीप लटके, सुजित यादव ८६ किलो वजन गटामध्ये प्रथम क्रमांक मुंतजीर सरनोबत, द्वितीय क्रमांक महेश फुलमाळी, तृतीय क्रमांक स्वप्निल काशीद, गौतम शिंदे. ९२ किलो वजन गटांमध्ये प्रथम क्रमांक श्रेयश गाट, द्वितीय क्रमांक अभिजीत भोईर, तृतीय क्रमांक मोईन मुलानी, ऋषिकेश पाटील. ९७ किलो वजन गटांमध्ये प्रथम क्रमांक कालीचरण सोलनकर, द्वितीय क्रमांक बाळू बोडके, तृतीय क्रमांक ऋतुराज शेटके, ओंकार येळभर, आदींचा समावेश आहे, तर महाराष्ट्र केसरी कुस्ती स्पर्धेचा किताब पृथ्वीराज मोहोळ यांना महिंद्रा थार ही गाडी भेट देण्यात आली.

विजेते पैलवान ५७ किलो वजन गटात प्रथम क्रमांक सौरभ इगवे, द्वितीय क्रमांक दिग्विजय पाटील, तृतीय क्रमांक ओंकार निगडे. ६१ किलो वजन गटात प्रथम क्रमांक सुरज अस्वले, द्वितीय क्रमांक स्वरूप जाधव, तृतीय क्रमांक अमोल वालगुडे, ६५ किलो वजन गटात प्रथम क्रमांक सद्दाम शेख, द्वितीय क्रमांक अनिकेत मगर, तृतीय क्रमांक शनिराज निंबाळकर.

७० किलो वजन गटात प्रथम क्रमांक तुशांत, देशमुख द्वितीय क्रमांक निखिल कदम, तृतीय क्रमांक कुलदीप पाटील, ७४ किलो वजन गटात प्रथम क्रमांक अक्षय चव्हाण, द्वितीय क्रमांक निलेश हिरगुडे, तृतीय क्रमांक सौरभ शिंदे. ७९ किलो वजन गटात प्रथम क्रमांक संदेश शिपकुळे, द्वितीय क्रमांक ऋषिकेश शेळके, तृतीय क्रमांक नाथा पवार, ८६ किलो वजन गटात प्रथम क्रमांक चंद्रशेखर गवळी, द्वितीय क्रमांक हनुमंत पुरी, तृतीय क्रमांक सुनील जाधव. ९२ किलो वजन गटामध्ये प्रथम क्रमांक विश्वचरण सोलनकर, द्वितीय क्रमांक श्रीनाथ

गोरे, तृतीय क्रमांक अंगद बुलबुले. ९७ किलो वजन गटांमध्ये प्रथम क्रमांक रोहन पवार, द्वितीय क्रमांक विजय बिचकुले,

तृतीय क्रमांक अर्जुन काळे, १२५ किलो वजन गटामध्ये प्रथम क्रमांकासाठी महाराष्ट्र राज्य कुस्तीगीर संघाकडून कोणतेही नाव आलेले

नाही, द्वितीय क्रमांक साकेत यादव, तृतीय क्रमांक सुहास गोडगे यांना सन्मानित करण्यात आले होते.

पोलिस व अन्न व औषध प्रशासन विभागाची संयुक्त कारवाई

नगर – एमआयडीसी पोलीस तसेच अन्न व औषध प्रशासन विभागाने संयुक्त कारवाई करून तंबाखूजन्य पदार्थाची विक्री करणाऱ्या चौघांना ताब्यात घेऊन त्यांच्याकडील २ लाख ७६ हजार ८०० रुपयाचा मुद्देमाल जप्त केला. ही कारवाई नगर तालुक्यातील निंबळक येथे १२ फेब्रुवारीला रात्री करण्यात आली आहे. एमआयडीसी पोलीस ठाण्याचे सहाय्यक पोलीस निरीक्षक माणिक चौधरी यांना निंबळकमध्ये तंबाखूजन्य पदार्थांची विक्री होत असल्याची माहिती मिळाली होती. त्यांनी कारवाई साठी अन्न व औषध प्रशासन विभागाच्या पथकाला बोलावून घेत त्यांचे बरोबर निंबळक येथील गजानन पान स्टॉल येथे छापा टाकला. तेथे राजेंद्र शामराव वराट (वय-४२, रा. निंबळक ता. नगर), अमोल धोंडीराम इंगोले (वय २३, रा. घाटसांगवी ता.जि. बीड. हल्ली रा. निंबळक ता. नगर) असे मावा व सुंगधी तंबाखुची विनापरवाना विक्री करताना मिळुन आले. त्यांना विचारणा केली असता ते मालक व कामगार असल्याचे सांगीतले. पोलिसांनी पान स्टॉल मध्ये झडती घेतली असता १२ हजार ३०० रुपये किमतीचा मावा विमल पानमसाला. सुंगधी तंबाखु मिळुन आली. इतर मुद्देमाल साठा कोठे ठेवला याबाबत विचारणा केली असता राजेंद्र वराट यांनी सांगीतले की, त्यांचे नातेवाईक आनंद खैरे यांचे घरात इतर मुद्देमाल लपवुन ठेवला आहे. त्यावरुन खैरे यांचे घराची झडती घेतली असता तेथे आनंद तात्या खैरे (वय २८, रा. निंबळक ता. नगर) व महेश भिमराव घोलप (वय-३२ रा. निंबळक ता. नगर) मिळुन आले. त्यांचे ताब्यात सुंगधी तंबाखु व मावा, पानामसाला मिळुन आला. त्यामुळे राजेंद्र शामराव वराट, आनंद तात्या खैरे, अमोल धोंडीराम इंगोले महेश भिमराव घोलप या चौघांना ताब्यात घेवून त्यांच्या कडून तयार मावा, सुंगधी तंबाखु, तसेच मावा तयार करण्याची साधने असा एकुण २ लाख ७६ हजार ८०० रुपयाचा मुद्देमाल जप्त करण्यात आला. या प्रकरणी एमआयडीसी पोलीस ठाण्यात चौघांविरुद्ध भारतीय न्याय संहिता कलम २२३, २७४, २७५,१२३ (३) (५) सह अन्न सुरक्षा अधिनियम कलम ५९ प्रमाणे गुन्हा दाखल करण्यात आला. ही कारवाई स.पो.नि. निरीक्षक माणिक चौधरी, पोलीस उपनिरीक्षक विनोद परदेशी, पोलीस अंमलदार राजु सुद्रिक, नितीन उगलमुगले, साबीर शेख, नंदकिशोर सांगळे, कावरे, महिला पोलीस अंमलदार सुर्यवंशी, पोलीस अंमलदार बोरुडे, किशोर जाधव, नवनाथ दहिफळे, शेरकर तसेच अन्न व औषध प्रशासन विभागाचे अन्नसुरक्षा अधिकारी राजेश बडे, शुभम भस्मे, सागर सोनार यांचे पथकाने केली आहे

गाडगीळ पटांगणातील भाजी विक्रेत्यांची आमदार संग्राम जगताप यांच्यासमवेत मनपा आयुक्त यशवंत डांगे यांच्याकडे मागणी

नगर अमरधाम समोरून कल्याण विशाखापट्टणम हा राष्ट्रीय महामार्ग जात असून या ठिकाणी मोठ्या संख्येने भाजी विक्रेते रस्त्यावरच ठाण मांडून बसत असून भाजी खरेदीसाठी नागरिक मोठ्या संख्येने रस्त्यावर येतात त्यामुळे या ठिकाणी वाहतूक ठप्प होऊन चक्काजाम होत असतो. तासनतास लोकांना वाहतूक कोंडीच्या समस्याला सामोरे जावे लागते, महापालिकेने भाजी विक्रेत्यांना गाडगीळ पटांगणामध्ये ओटे बांधून व्यवस्था करून दिली असताना देखील भाजीवाले रस्त्यावरच भाजी विक्रीसाठी बसत आहे. सर्व भाजी विक्रेत्यांना आतमध्ये बसावे अन्यथा आम्हीही रस्त्यावर भाजी विक्रीसाठी बसू असा इशारा भाजी विक्रेत्यांनी आयुक्त यशवंत डांगे यांना दिला. यावेळी आयुक्त डांगे यांनी लाईट व स्वच्छता तसेच बसण्याची व्यवस्था करण्याचे व रस्त्यावरील भाजी विक्रेत्यांना भाजी बाजारात बसण्यासाठी कारवाई करण्याचे आदेश दिले

शहरातील गाडगीळ पटांगणमधील भाजी विक्रेत्यांनी आ. संग्राम जगताप यांच्या समवेत आयुक्त यशवंत डांगे यांची भेट घेत रस्त्यावरील भाजी विक्रेत्यांना गाडगीळ पटांगण मध्ये बसवावे, अशी मागणी निवेदनाद्वारे केली. यावेळी संतोष कानडे, अजय विधाते, अक्षय निमसे यांच्यासह भाजी विक्रेते उपस्थित होते.

गाडगीळ पटांगण मधील भाजी बाजारात भाजी विक्रेत्यांना तातडीने सुविधा उपलब्ध करून द्याव्यात तसेच रस्त्यावरील भाजी विक्रेत्यांना आतमध्ये बसवण्याची व्यवस्था करावी, या ठिकाणी अमरधाम असून येथे अंत्यविधी व दशक्रिया विधीसाठी नागरिक मोठ्या संख्येने येत असतात. वाहतूक कोंडीमुळे त्यांना त्रास सहन करावा लागत आहे. तरी रस्त्यावरील भाजीविक्रेत्यांना गाडगीळ पटांगणामध्ये बसण्याची व्यवस्था करावी, अशी मागणी अशी मागणी आयुक्त यांच्याकडे

आ. संग्राम जगताप यांनी केली

पुणे, अहिल्यानगर, नाशिक जिल्ह्यातील विद्यार्थी सहभागी होणार : ‘अभाविप’ची माहिती

नगर सावित्रीबाई फुले पुणे विद्यापीठामध्ये गेल्या अनेक वर्षांपासून विद्यार्थ्यांना गंभीर स्वरूपाच्या समस्या भेडसावत आहेत. परीक्षा आणि निकाल विषयातील समस्या, मूलभूत सुविधांचा प्रश्न, संलग्नित महाविद्यालयांमध्ये असलेले प्रश्न आणि शासन स्तरावरील प्रश्नांमुळे सर्वसामान्य विद्यार्थी यामध्ये भरडला जात आहे. वारंवार निवेदन देऊन व चर्चा करून देखील या समस्या न सुटल्याने अभाविप विविध ६१ मागण्यांच्या पूर्ततेसठी पुणे विद्यापीठाविरोधात १३ फेब्रुवारी रोजी ‘महाआक्रोश मोर्चा’ काढणार आहे.

गेल्या दोन-तीन वर्षांमध्ये पुणे विद्यापीठाच्या परीक्षा विभागाची सुमार कामगिरी बघायला मिळाली आहे. कुठलाही निकाल वेळेत न लागणे, चुकीचे निकाल लागणे, निकाल अचानक बदलून येणे असे अनेक गंभीर प्रकार निदर्शनास आले आहेत. पुनर्मूल्यांकनाच्या विषयात दंडकामध्ये बदल करून विद्यार्थ्यांच्या मूलभूत अधिकारावर गदा आणल्या गेली आहे, शासनाने मुलींसाठी मोफत शिक्षणाची तरतूद केली असताना अनेक महाविद्यालयांनी या योजनेची अंमलबजावणी केलेली नाही, पुणे विद्यापीठ परिसरात शिकणाऱ्या विद्यार्थ्यांना मूलभूत

सोयी सुविधांपासून वंचित ठेवण्यात आले आहे. कमवा आणि शिका ही योजना फक्त नावाला सुरू असून गरजू विद्यार्थ्यांना याचा काहीही उपयोग होत नाही.

अभ्यासक्रमासाठी वार्षिक वेळापत्रक निश्चित नसल्याने विद्यार्थ्यांना अडचणींना सामोरे जावे लागत आहे. बोगस महाविद्यालयांचा सुळसुळाट वाढल्याने अनेक विद्यार्थ्यांची फसवणूक झाल्याचे प्रकार घडलेले निदर्शनास आले आहेत. अशा विविध प्रकारच्या समस्यांना घेऊन अखिल भारतीय विद्यार्थी परिषदेच्या माध्यमातून हजारो विद्यार्थ्यांना घेऊन ‘महाआक्रोश मोर्चा’ काढण्यात येणार आहे.

पुणे, अहिल्यानगर आणि नाशिक जिल्ह्यातील सर्वसाम ान्य विद्यार्थ्यांनी सहभागी व्हावे, असे आवाहन अखिल भारतीय विद्यार्थी परिषद करीत आहे.

विद्यार्थ्यांचे गंभीर प्रश्न असताना देखील विद्यापीठ प्रशासन या प्रश्नांकडे कानाडोळा करीत आहे. आमच्या मागण्या पूर्ण होईपर्यंत लढा सुरू राहील. हा फक्त अभाविप चा मोर्चा नाही तर सर्वसामान्य विद्यार्थ्यांचा मोर्चा आहे, असे अभाविप प. महाराष्ट्राचे प्रदेशमंत्री अथर्व कुलकर्णी यांनी सांगितले आहे.

मोर्चातील प्रमुख मागण्या पुनर्मूल्यांकन पूर्वीच्या पद्धतीने व्हावे. बदललेले निकष तत्काळ रद्द करण्यात यावे,

सत्र परीक्षा निकाल संदर्भातील गोंधळ दूर करून तत्काळ सुधारित निकाल लावण्यात यावे. मुलींना मोफत शिक्षणाच्या योजनेची सर्व महाविद्यालयांमध्ये प्रभावी अंमलबजावणी करावी, विद्यापीठ परिसरात संघटनांच्या आंदोलन, बैठक, उपक्रम, कार्यक्रम संदर्भातील जाचक नियमवली असलेले परिपत्रक मागे घेण्यात यावे

बोगस महाविद्यालयांवर कारवाई करावी

वर्षभराचे वेळापत्रक सुरुवातीला जाहीर करण्यात यावे.

उत्तरपत्रिकेची छायांकित प्रत १०० रुपयात उपलब्ध करावी.

विद्यापीठ परिसरातील प्लेसमेंट सेल सक्रिय करण्यात यावे.

कमवा शिका योजनेचे तास वाढविण्यात यावे. ही योजना सर्व महाविद्यालयांना राबविणे बंधनकारक करण्यात यावी. मानधन ७०/- तास असे असावे.

विद्यापीठाला पूर्णवेळ कुलसचिव आणि डीन यांची नियुक्ती करण्यात यावी,

महाराष्ट्र विद्यापीठ कायद्यानुसार खुल्या महाविद्यालयीन विद्यार्थी परिषद निवडणुका विद्यापीठाने तत्काळ घोषित कराव्या.

अशा विविध ६१ मागण्यांसाठी हा मोर्चा काढण्यात येणार आहे.

राजाभाऊ कोठारी यांचे प्रतिपादन; शिव मित्र प्रतिष्ठानच्या वतीने महाकुंभ मेळाच्या पवित्र तीर्थाचे पूजन व भाविकांना वाटप

नगर १४४ वर्षांनी आलेल्या महाकुंभ पर्वणीचा हा सोहळा अति दिव्य आहे. ज्यांच्या नशिबात या अति पवित्र पर्वणीचा लाभ होता ते प्रत्यक्ष तेथे जाऊन ती अनुभूती घेतली. पण जे प्रयागराजला जाऊ शकले नाहीत अशांचा विचार करून सुमित वर्मा व त्याच्या मित्रांनी तेथील पवित्र तीर्थ नगरला आणून आदर्शवत काम केले आहे. आजच्या या कलियुगात तरुणांची दिशा भरकटलेली असताना काही तरुण एकत्र येत आदर्शवत काम करतात हे धर्मकार्य कौतुकास्पद आहे. दुसऱ्यांसाठी काहीतरी केल्यावर मानव जन्माचे सार्थक होतं. सुमित वर्माने कायम मानवजातीसाठी काम केले आहे. याचा अभिमान आहे. भविष्यातही असेच धर्मकार्याचे उपक्रम सतत राबवावेत, असे आवाहन राजाभाऊ कोठारी यांनी केले. अहिल्यानगरचे सुमित वर्मा यांच्या मार्गदर्शनाखाली नगरच्या ४२ सहकाऱ्यांनी प्रयागराज या महामुंभ स्थळी जाऊन तेथील पवित्र तीर्थ नगरच्या भाविकांसाठी आणले आहे. नगरच्या शिव मित्र प्रतिष्ठानच्या वतीने गंगा, यमुना व सरस्वती या पवित्र नद्यांच्या संगमाचे पवित्र तीर्थाचे पूजन व भाविकांना तीर्थाचे वाटप बुधवारी सकाळी गंज बाजार येथे राजाभाऊ कोठारी यांच्या हस्ते गंगामैयाच्या जयघोषात झाले. यावेळी तीर्थ घेण्यास भाविक उपस्थित होते. यावेळी

हर हर गंगे… नमामि गंगे…, जय श्रीराम घोषणा देण्यात आल्या. प्रयागराजचे प्रवित्र तीर्थ घेण्यास भाविकांनी मोठी गर्दी केली होती. प्रास्ताविकात सुमित वर्मा म्हणाले, तब्बल १४४ वर्षांनी महाकुंभ मेळाची मोठी पर्वणी आपल्याला मिळाली हे आपले भाग्य आहे. या महाकुंभपर्वात आम्ही नगरहून ४२ जण सामील होण्यासाठी प्रयागराज तीर्थक्षेत्री गेलो होतो. गंगा, यमुना व सरस्वती नद्यांच्या पवित्र संगमात स्नान

केल्यावर संगमाचे पवित्र जल नगरच्या भाविकांसाठी नेण्याचा निर्णय आम्ही घेतला. माझ्याबरोबर असलेल्या प्रत्येकाने ड्रममध्ये पवित्र जल भरून ते ड्रम हातात घेत गर्दीतून १८ किलोमीटरचा पायी प्रवास केला. नगरच्या अनेकांना इच्छा असूनही प्रयागराज तीर्थक्षेत्री जाता आले नाहीये. अशांसाठी व सर्व भाविकांना १४४ वर्षांनी आलेल्या पर्वणीचा लाभ व पुण्य मिळावे यासाठी आपुलकीने हे जल नगरला आणले आहे. प्रयागराज येथून आणलेल्या या गंगेचे राजाभाऊ कोठारी यांच्या हस्ते पूजन करून वाटप केले आहे. राजाभाऊ कोठारी यांच्याकडून धर्म कार्याची प्रेरणा व शिकवण मिळाली आहे. त्यानुसारच धर्मासाठी काम करत आहे. यावेळी प्रयागराजला गेलेले संकेत गुरव, यश मुथ्था, अमित सोनग्रा, आदित्य आनेचा, यश सावेकर, अमित लड्डा, दर्शन मुथ्था, श्रवण बोरा, सिद्धार्थ कांकरिया, संकेत रनसिंग, गौरव कांकरिया, ओम दळवी, अनमोल कांकरिया, आदित्य साके, प्रथम दळवी, कुणाल खंडेलवाल, सार्थक तिवारी, मयंक ‘डेलवाल, जिनेश चंगेडे, मयुर जाधव, सर्वेश चंगेडे, तनिष्क व्यास, शुभम मेहेर, मोहित गांधी, विनायक होनराव, पार्थ ठोकळ, निहांशू चेन्नुर, बाली जोशी, राहुल वर्मा, राहुल मेहेर, सुजित साळुंके, अक्षय भापकर, दर्शन बोरा, प्रीत कांकरिया, ओम पांडे, आशिष चंदेल, अलोक पारख, प्रेम देवळालीकर, ईशान दळवी, जतिन सहदेव, हर्ष कांकरिया, अनिकेत कुल्लळ, राजू थोरात व श्रीपाद डोळसे आदी उपस्थित होते

श्री राधाकृष्णजी महाराज यांचे प्रतिपादन

नगर – भगवान श्रीकृष्ण हेच पती आहेत. त्यांच्याशिवाय अन्य कोणाचा विचारही न करणाऱ्या संत मिराबाईंचे जीवन चरित्र भारतीय महिलांसह युवतींना प्रेरणादायीच आहे, असे श्री राधाकृष्णजी महाराज यांनी सांगितले.

येथील श्री रामकृष्ण सेवा ट्रस्ट व्दारा शहरात प्रथमच आयोजित केलेल्या संत मीराबाई चरित्र कथा सोहळ्याचे द्वितीय पुष्प गुंफताना नवीन टिळक रोडवरील नंदनवन लॉनमध्ये ते बोलत होते.

मीराबाईंच्या जन्मापासूनचे प्रसंग बारकाईने निरूपण करताना श्री राधाकृष्णजी महाराज म्हणाले, बालपणी आईने गिरीधर गोपाल तुझे पती आहेत असे मिराबाईला सांगितले. तेव्हापासून मीराबाई श्रीकृष्णाला पती मानत पतीच्या सानिध्याचा, सेवेचा आनंद घेऊ लागली. मेरे तो गिरीधर गोपाल दुसरो ना कोई हा मीराबाईंचा भावच पुढे दृढ संकल्प होऊन श्रीकृष्ण रूपात मीराबाईला विलीन होण्यास कारणीभूत ठरला. मीराबाईचा विवाह मेवाडचे राजकुमार भोजराज यांच्याशी ठरवला गेला तेव्हाही मीराबाईने माझा विवाह श्रीकृष्णाशी झालेला आहे, असे राजकुमारला स्पष्टपणे सांगते. मी तुझ्या श्रीकृष्ण भक्तीच्या आड येणार नाही असे

भोजराजने सांगितल्यावर लौकीकार्थाने मीराबाईचा विवाह झाला पण भोजराजशी मीराबाई श्रीकृष्णभक्तीत इतकी तल्लीन राहिली की भगवान श्रीकृष्णाला तिला आपल्या हृदयात स्थान द्यावे लागले. आईने सांगितलेल्या पतीशी एकनिष्ठ कसे रहावे? हे मीराबाईंचे चरित्र सांगते. मानवी संबंधासारखे भगवंताशी नाते निर्माण केले तर भगवंताला भक्तास जवळ घ्यावेच लागते.

विवाहासाठी मुलगी पहाताना तिचा सेवाभाव आणि मुलगा पहाताना त्याचा आदरभाव पहावा. विवाह संबंधात धनास प्राधान्य देवू नये. आपल्या घरासाठी कोणती मुलगी योग्य आहे हे महिला नेमकेपणाने सांगू शकतात. प्रत्येक मुलगी मातृत्व भाव घेऊनच जन्म घेते. स्त्रीने डोक्यावर पदर ठेवावा तो कधीही डोक्यावरून पडू देऊ नये या भारतीय परंपरेमागे मोठे शास्त्र आहे. पदर घेणे हे सौभाग्याचे प्रतिक आहे. किमान पूजा-पाठ करताना, मोठ्यांना नमस्कार करताना डोक्यावर पदर घेतला तरच विशेष आशीर्वाद मिळतो.

पतीची कमाई कमी वाटणाऱ्या महिला काम करतात. मला करिअर करायचे. कॅफेबल व्हायचे असे म्हणत नोकरी स्विकारून आई होण्याच्या सुखापासून दूर रहाण्यात आनंद मानतात. आई झाल्याच तर मुलासाठी वेळ देत नाहीत. मुलं सांभाळण्यास बाई ठेवतात. झाशीची राणी लक्ष्मीबाई आपल्या मुलास स्वतः सांभाळत होती. दार्सीकडे मुलाला सोपवत नव्हती. मुलं स्वतः सांभाळण्यातील सुखाचा आनंद आईने घ्यावा. मुलांसाठी प्राधान्याने वेळ द्यावा. शिक्षकांना मुलांकडे ध्यान द्या असे न सांगता आपण मुलांच्या अभ्यासाकडे त्याच्यावर सुसंस्कार करण्याकडे लक्ष द्यावे. बाळाला अंगावरचे दूध पाजताना प्रसन्नपणे पाजले तरच बाळही प्रसन्न रहाते. असे बाळ जीवनभर सर्वांना प्रसन्नता देते. आईच दूध पाजताना रागावलेली, दुःखी असेल तर बाळात आईचा भाव उतरेल. असे बाळ जीवनभर इतरांची मने दुखावत दुःख देत राहिल. बाळाचे उत्तम संगोपन करणे ही आईची एक प्रकारची तपस्याच आहे. बाळाला जन्म देऊन पाळणाधरात किंवा लोकांना सांगण्यासाठी महागड्या होस्टेलला ठेवणे हा आईचा धर्म नाही, असे राधाकृष्णजी महाराजांनी ठणकावून सांगितले.

विमानातील एअर होस्टेस स्वतःचे दुःख बाजूला ठेवून जशी सदैव प्रसन्न रहाते तसे तसे सूनबाईने सदैव प्रसन्न राहिले पाहिजे. आपण समाजाला देशाला आजपर्यंतच्या जीवनात काय दिले? याचे चिंतन जन्मदिनी करावे. मेणबत्या विझवत, केक कापत, सिनेमाची गाणी म्हणत, रात्रीच्या अंधारात जन्मदिन साजरे करू नये. घरातल्यांकडून औक्षण करून घेत मोठ्यांचे आणि मंदिरातील देवांचे आशीर्वाद घेत गोशाळांना चारा व अनाथांना मिष्टान्न भोजन देवून जन्मदिन भारतीय परंपरेप्रमाणे दिवसा साजरा करावा. आपल्या संस्कृतीचा अभिमान बाळगत आपले चारित्र्य जपले पाहिजे. पाश्चात्यांचे अंधानुकरण करत आपले जीवन खराब करून घेऊ नका, असे आवाहन करताना राधाकृष्णजी महाराजांनी हलकेच चिमटे घेत दिलेले दाखले उपस्थितांच्या डोळ्यात झणझणीत अंजन घालणारे ठरले.

शहरासह उपनगरवासियांनी उपस्थित राहून संत मिराबाई चरित्र कथा सोहळ्याचा आनंद लुटला. मिराबाईंचे चरित्र आजच्या काळातही मार्गदर्शन करते अशा प्रतिक्रिया उपस्थितांमधून उमटल्या.

नगर – सरकारने काळ्या बाजारातील गव्हाच्या साठ्यांवर निर्बंध घालण्यासाठी घाऊक, किरकोळ विक्रेत्यांना १० मेट्रिक टनापर्यंत मर्यादा घालून दिली आहे. राज्यातील परवानाधारकांना गव्हाच्या साठ्यांची माहिती शासनाच्या पोर्टलवर सादर करणे बंधनकारक करण्यात आली आहे. यानुसार जिल्हा पुरवठा विभागाकडून गहू साठ्याची तपासणी करत मर्यादेपेक्षा अधिक गव्हाची साठवणूक करणार्‍यांवर कारवाई करण्यात येणार आहे. केंद्र सरकारकडून अधिक गव्हाच्या साठ्यावर निर्बंध लागू करण्यात आले आहेत. येत्या ३१ मार्चपर्यंत हे निर्बंध लागू राहणार आहेत. त्यामुळे परवानाधारकांना गव्हाच्या साठ्याची माहिती शासनाच्या पोर्टलवर सादर करणे आवश्यक आहेत.

यासंदर्भात तपासणी करुन मर्यादेपेक्षा जास्त गव्हाची साठेबाजी करणार्‍यांवर कारवाई करण्याचे आदेश शासनाच्या पुरवठा विभागामार्फत जिल्हा पुरवठा अधिकार्‍यांना देण्यात आले आहेत. त्यानुसार जिल्ह्यात पुरवठा विभागामार्फत गहू साठ्याची तपासणी करण्यात येत आहे. केंद्र शासनाच्या १६ डिसेंबर २०२४ रोजीच्या अधिसूचनेनुसार घाऊक, किरकोळ विक्रेता व प्रोसेसर्सकरिता गव्हाच्या साठ्यावर निर्बंध लागू करण्यात आले आहेत. हे निर्बंध ३१ मार्चपर्यंत लागू राहणार आहेत. त्यानुसार गहू साठा परवानाधारकांनी गहू साठ्याची माहिती शासनाच्या पोर्टलवर ऑनलाईन पद्धतीने घोषित करणे आवश्यक आहे. याबाबतची तपासणी आणि गव्हाच्या साठ्याची पडताळणी जिल्हा पुरवठा विभागाने सुरू केली आहे. यात अधिक साठा असणार्‍यांवर कारवाई करण्यात येणार असल्याचे जिल्हा पुरवठा विभागाकडून सांगण्यात आले.

व्यापाऱ्यांनी शासनाच्या आदेशाची अंमलबजावणी करावी

शासनाच्या आदेशानुसार गहू साठा परवानाधारकांनी गहू साठ्याची माहिती शासनाच्या पोर्टलवर ऑनलाइन पद्धतीने सादर करणे आवश्यक आहे. त्या अनुषंगाने जिल्ह्यात गहू साठ्याची तपासणी करण्यात येत आहे. निश्चित करण्यात आलेल्या मर्यादेपेक्षा जास्त साठवणूक केल्याचे आढळून आल्यास संबंधितांनी साठा कमी करावा. त्यानंतरही साठा आढळून आला तर कारवाई करण्यात येणार आहे. त्या अनुषंगाने पुरवठा विभागाचे भरारी पथक गहू साठ्याची तपासणी करत आहे. संबंधीतांनाची शासन आदेशाची अंमलबजावणी करावी. असे आवाहन जिल्हा पुरवठा अधिकारी  हेमा बडे यांनी व्यापाऱ्यांना केले आहे. या संदर्भात त्यांनी मार्केट यार्ड मध्ये सर्व आडते व्यापारी यांची ११ फेब्रुवारी रोजी बैठक घेवून माहिती देत सूचना दिल्या. या बैठकीला व्यापारी प्रतिनिधी गोपाल मणियार,राजेंद्र बोथरा, संतोष बोरा, विश्वनाथ कासट यांच्या सह व्यापारी उपस्थित होते.

डॉक्टर संजीवनी तडेगावकर यांचे प्रतिपादन; शहरात १६ व्या शब्दगंध साहित्य संमेलनाचे उद्घाटन

नगर साहित्याचे अनेक नवनवे प्रवाह आहेत. मात्र, वृतस्थ पद्धतीने लिहिले जाणारे साहित्य चिरकाल टिकते आणि आनंद देते. यण, केवळ पुरस्कारासाठी लिहिले जाणारे साहित्य आजच्या समाज जीवनासाठी घातक आहे, अशी खंत व्यक्त करीत साहित्याच्या प्रयोजनामध्ये, जगण्याच्या प्रयोजनामध्ये आपण वेगळा विचार केला पाहिजे, असे मत सोळाव्या शब्दगंध साहित्य संमेलनाच्या अध्यक्ष डॉ. संजीवनी तडेगावकर यांनी व्यक्त केली.

शब्दगंध साहित्य परिषदेच्या १६ व्या शब्दगंध साहित्य संमेलनाचे डॉ. तेडगावकर, पद्‌श्री पोपटराव पवार, आ. संग्राम जगताप यांच्या हस्ते उद्‌घाटन झाले. याप्रसंगी स्वागत अध्यक्ष राष्ट्रवादी काँग्रेसचे शहर जिल्हाध्यक्ष संपत बारस्कर, माळवेत संमेलनाध्यक्ष पुरुषोत्तम भापकर, महाराष्ट्र साहित्य व संस्कृती मंडळाचे सदस्य डॉ. राजेश गायकवाड, माजी आमदार साहेबराव दरेकर, माजी आमदार लहू कानडे, माजी जिल्हा परिषद देविदास धस, जयंत येलूलकर, ज्ञानदेव पांडुळे, सुनील गोसावी आदी उपस्थित होते. यावेळी साहेबराव दरेकर यांना शब्दगध जीवनगौरव पुरस्कार देवून गौरविण्यात आले. तर, डॉ. सुनीलकुमार सरनाईक यांना कॉ. गोविंदभाई पानसरे स्मृती प्रबोधन पुरस्कार प्रदान करण्यात आला.

जंगलातील सांबराची परोपकाराची गोष्ट सांगून अध्यक्ष डॉ. तोगावकर म्हणाल्या, आज माणूस स्वत पुरता जगत आहे. जंगलातले प्राणी सुद्धा इतरांसाठी जगातात. माणसाने प्राण्याकडून परोपकार शिकला पाहिजे. आपल्या कळपाला वाचवण्यासाठी प्राणी जीव देतात. पण, माणसे घरे लावून घेतात. आजचा काळ अस्थवस्त करणार आहे. राजकारण, सामाजकरण, कौटुंबिक जीवनात सर्वत्र अस्वस्थता आहे. घरामधील स्त्री सुरक्षित नाही, लहान मुली सुरक्षित नाहीत, माणिपूर सारख्या घटना घडतात. आपण त्या पाहतो. त्याला विरोध करीत नाही. हे विचार करायला लावणारे आहे. आज आपण एकमेकांशी मोठ्याने बोलायला घाबरत आहोत एकमेकांकडे संजयाने पाहत आहोत. पूर्वीसारखे आता हेल्दी राजकारण आता राहिले नाही. राजकारण्यांनी काही गोष्टी बिघडवल्या असे म्हणता येईल. साहित्यिकांनी दीन, दुबळ्यांची बाजू मांडली पाहिजे खंबीर भूमिका घेतली पाहिजे. आपण डॉ. बाबासाहेब आंबेडकर, भालचंद्र नेमाडे, डॉ. आ. ह. साजुखे यांचे वारसदार आहोत म्हणून आपण विचार करण्याची गरज आहे. स्वी स्वातंत्र्याविषयी बोलताना त्यांनी चेटकिणीची गोष्ट सांगून स्त्री स्वातंत्र्याचा पुरस्कार केला स्वीला स्वातंत्र्य धा ती संसाराचा बगीचा करते असे त्या म्हणाल्या.

प‌द्मश्री पोपटराव पवार म्हणाले, शब्दगंध साहित्य चळवळ उभी राहताना मी पाहिली आहे. मात्र, या चळवळीला राजकीय पाठबळ असणे आवश्यक आहे. छत्रपती शिवाजी महाराजानी १२ बलुतेदार आणि १८ पगडजातीच्या लोकांना बरोबर घेऊन स्वराज्य निर्माण केले हे आपल्याला साहित्यातून समजते. त्या काळातील परिस्थितीनुसार साहित्य निर्माण होते. संत साहित्य निर्माण झाले. इंग्रज कालखंडात स्वातंत्र्याचा महिमा गाणारे साहित्य निर्माण झाले. साहित्य वाधून माणूस खचत नाही तर उभारी घेतो. साहित्य मानवी जीवनाला प्रेरणा देते नव्याने कृत्रिम बुद्धिमत्तेचा कालखंड येत आहे. तंत्रज्ञानाने माणसाच्या मेंदूतील मेमरी कार्ड काढून घेतले आहे. त्यामुळे आता पर्यावरमचे, मानवी जीवनाचे साहित्य निर्माण करावे लागणार आहे.

आ. संग्राम जगताप म्हणाले, नव्या पिढीला आपल्याला शब्दगंधशी जोडायचे आहे. नवी पिढी याच्याशी जोडली तर ही परंपरा सुरू राहणार आहे. आजच्या काळात डिजीटल युग असून, वाचन संस्कृती तितकीच सिनेकल महत्त्वाची आहे. साहित्य पिदधान् पिद्धया वाचायला मिळते. नवीन पिढी घडविण्यासाठी नवसाहित्यिकांनी पुढे आले पाहिजे. शब्दगंधने अनेक माणसे जोडली. आजच्या घडीला राजकारणी धार्मिक तसेच वेगवेगळे कार्यक्रम आयोजित करतात. मात्र, त्या पाठीमागे त्याचा वेगळाच अजेंडा असतो. पण, साहित्य माणसात देव शोधायला शिकवते. शब्दगंधमुळे चांगली चळवळ निर्माण झाली आहे. या चळवळी निश्चित बाळ देण्याचे काम करू, असे ते म्हणाले.

पुरूषोत्तम भापकर म्हणाले, साहित्यिक संत असतो आणि संत साहित्यिक असतात. साहित्यातून शेतकरी, दीन, दलित, दुबळ्यांचे दिसून येते. साहित्यातून जातीभेद, लिंग भेद दूर करणारे विचार यायला हवे. प्रत्येक माणूस साहित्यिक असू, असतो त्याच्या चिंतनात सदभाव असते. साहित्यामुळे माणूस वाईट गोष्टीपासून बाजूला राहतो. साहित्य आणि साहित्यिकांना पाठबळ देण्याची जबाबदारी शासन, प्रशासन आणि राज्यकत्यांनी घेतली पाहिजे. आजमितीला सहिष्णूतेचे वातावरण निर्माण करणे गरजेचे आहे. आपल्या महाराष्ट्राला संत, महात्म्यांची परंपरा आहे. मात्र, दुर्दैवाने ते आता गटा-गटाने वाटून घेण्याचा प्रयत्न होत आहे. साहित्यिक म्हणून तो प्रयत्न हाणून पाडला पाहिजे.

डॉ. राजेश गायकवाड म्हणाले, शब्दगंध साहित्य संमेलनाकरिता पहिल्या महाराष्ट्र राज्य साहित्य व संस्कृती मंडळाने दोन लाखांचा निधी दिला. त्यासाठी मंडळाकडे प्रयत्न केले. आता मराठी भाषेला अभिजता दर्जा मिळाल्याने येणाऱ्या काळात शब्दगंध साहित्य संमेलनाला पाच लाखाचा निधी मिळणार आहे. दोन लाख राज्य शासनाचे आणि तीन लाख केंद्र शासनाचे असा निधी उपलब्ध होणार आहे. तर, नवलेखकांसाठी खास योजना आखण्यात आली असून, नवलेखकाचे पहिले पुस्तक मोफत प्रकाशित करून देण्यात येणार आहे. तसेच, चरित्र ग्रंथ लिहिणाऱ्याांना अनुदानही दिले जाते. त्यासाठी त्यांनी मंडळाकडे पाठपुरावा करावा,

शब्दगंधचा वटवृक्ष होईल माजी आमदार ट्रेकर

साहेबराव दरेकर म्हणाले, साहित्यमध्ये, अभंगामध्ये आपले मनाचा ओलावा पहायला मिळतो. १२ ते १३ शतकात संत मंडळीने निर्माण केलेल्या साहित्याने जातीभेदाच्या मिती तोडल्या. त्यामुळे भविषाकाळ घडवायचा असेल तर आपल्याला भूतकाळ अभ्यासावा लागेल. गेल्या १६ वर्षापासून शब्दगंध परिवार साहित्य संमेलनाचे आयोजन करीत असून, त्याचा निश्वितच वटवृक्ष होईल, असा आशावाद व्यक्त केला.

माणसाला न्याय देण्याची भूमिका साहित्यात संपत बारस्कर

स्वागत अध्यक्ष संपत बारस्कर म्हणाले, तसा साहित्य संमेलनाचा आणि माझा फारसा संबंध आला नाही. मात्र, सोलापूरला झालेले साहित्य संमेलन पाहण्यासाठी गेलो होतो. विद्रोही साहित्य संमेलन आणि अखिल भारतीय मराठी साहित्य संमेलन पाहायला मिळाले, तिथे वाचल तर वाचाल नाही तर हे वाक्य ऐकले. तेव्हापासून वाचनाकडे लक्ष देत आहे. माणसाला माणूस म्हणून न्याय देण्याची देण्याची भूमिका साहित्य घेत असते

नगर – अहिल्यानगर शहरात स्वराज्य रक्षक छत्रपती संभाजी महाराज व महामानव डॉ. बाबासाहेब आंबेडकर यांच्या पुतळ्याचे अनावरण लवकरात लवकर करण्यात यावे व डॉ. बाबासाहेब आंबेडकर यांचा पूर्ण कृती पुतळा जो पुण्याच्या शिल्पकाराच्या गोडाऊनमध्ये बंदिस्त आहे त्यास मुक्त करून नगर शहरात आणून बसवण्यात यावे या मागणीसाठी आंबेडकरी समाजाच्या वतीने मनपा कार्यालयासमोर उपोषण करण्यात आले होते व मनपा आयुक्त यांनी १५ दिवसात पुतळा शहरात येणार असल्याचे लेखी आश्वासन दिले होते मात्र अद्यापही कुठल्याही प्रकारची कारवाई करण्यात आलेली नसून आंबेडकरी समाजाच्या वतीने ज्येष्ठ नेते अशोक गायकवाड व रिपाई नेते विजयराव भांबळ यांच्या नेतृत्वाखाली आयुक्त यशवंत डांगे यांची भेट घेऊन चर्चा करण्यात आली. यावेळी अशोक गायकवाड, रीपाई नेते विजयराव भांबळ, आरपीआय जिल्हा संपर्कप्रमुख रोहित आव्हाड, आरपीआय युवक जिल्हा अध्यक्ष अमित काळे, वंचित बहुजन आघाडी जिल्हाध्यक्ष योगेश साठे, बामसेफचे शिवाजी भोसले, प्रवीण चाबुकस्वार, देविदास धीवर, उत्तमराव साठे, आरपीआय आठवले गटाचे अध्यक्ष चंद्रकांत ठोंबे, आंबेडकर आरपीआयचे शहराध्यक्ष संदीप वाघमारे, वंचित बहुजन आघाडीचे शहराध्यक्ष हनीफ शेख, आरपीआयचे सचिव सुजित घंगाळे, वंचित चे शहर उपाध्यक्ष प्रवीण ओरे, सुरेश पानपाटील, पिनू भोसले, संजय शिंदे, अमोल गायकवाड, सुधीर ठोंबरे, हरीश आल्हाट आदी उपस्थित होते. निवेदनात म्हटले आहे की, अद्यापही डॉ. बाबासाहेब आंबेडकर पूर्ण कृती पुतळा स्थापित करण्यासाठी मुख्य वास्तू विशारद मुंबई यांचे ना हरकत व मंजुरीचे पत्र आद्यापही मनपा प्राप्त करू शकले नाही. तसेच चौथ्याऱ्याचे स्ट्रक्चर डिट देखील केलेले नाही. उपोषण काळात मात्र तातडीने प्रांत नगर व कार्यकारी अभियंता व इतर एनओसी घेतल्या गेले. जिल्हाधिकारी अहिल्यानगर यांचे अध्यक्षतेखाली समितीची बैठक आयोजित केली नाही, पुतळा स्थापित झाल्यावर तेथील अनेक अपूर्ण कामे पूर्ण करण्यास वेळ लागणार आहे. आमदार संग्राम जगताप हे ज्यांच्या हस्ते पुतळ्याचे लोकार्पण १४ एप्रिल च्या आत करतील परंतु महापालिकेच्यास्तरावर जी दिरंगाई चालू आहे त्याचा तीव्र निषेध आंबेडकरी समाजाच्या वतीने करण्यात आला आहे. त्यामूळे लवकरात लवकर पुतळे बसवण्यात यावे अन्यथा २५ फेब्रुवारी रोजी समस्त आंबेडकर समाजाच्या वतीने सामूहिक आत्मदहन करण्यात येणार असल्याचे निवेदनात म्हटले आहे.

शहराच्या सर्व भागातील अतिक्रमणे हटवणार; आयुक्त तथा प्रशासक यशवंत डांगे यांची माहिती

नगर – महानगरपालिका प्रशासनाने गेल्या काही महिन्यांपासून शहरात व उपनगरात सातत्याने अतिक्रमण हटाव मोहीम राबवली आहे. अतिक्रमणधारकांना अतिक्रमणे काढून घेण्यासाठी मुदतही देण्यात आली होती. आता ही मोहीम अधिक तीव्र करण्यात येणार आहे. त्यासाठी महानगरपालिकेने एक महिन्याच्या कारवाईचे नियोजन केले आहे. अतिक्रमण निर्मूलन विभाग व प्रभाग समिती कार्यालयाला नियोजनानुसार कारवाई करण्याचे आदेश देण्यात आल्याची माहिती आयुक्त तथा प्रशासक यशवंत डांगे यांनी दिली.

अतिक्रमणांमुळे रस्त्यावर रहदारीला अडथळा होत आहे. विशेषतः मध्यवर्ती शहरात बाजारपेठ व इतर प्रमुख रस्त्यांवर अतिक्रमणे मोठ्या प्रमाणात होत आहेत. वारंवार कारवाई करूनही अतिक्रमणे पुन्हा केली जात असल्याने आता अतिक्रमण हटाव मोहीम अधिक तीव्र करण्याचा निर्णय प्रशासनाने घेतला आहे. त्यासाठी एक महिनाभर विविध भागात ही कारवाई केली जाणार आहे. या कारवाईत जप्त करण्यात आलेले साहित्य, टपऱ्या, हातगाड्या, फलक व इतर कोणतेही साहित्य यापुढे कोणाही अतिक्रमण धारकाला परत केले जाणार नाही. वारंवार कारवाई करून दंड आकारून सोडण्यात आलेल्या टपऱ्या, हातगाड्या पुन्हा अतिक्रमण करण्यासाठी वापरल्या जात आहेत. त्यामुळे नाईलाजास्तव हा निर्णय घ्यावा लागला आहे. त्यामुळे अतिक्रमण हटाव मोहीम अधिक तीव्र करण्यात येणार असून कारवाईत कोणीही अडथळा आणण्याचा प्रयत्न केल्यास संबंधितांवर फौजदारी कारवाई करण्यात येईल, असा इशारा यशवंत डांगे यांनी दिला आहे.

अतिक्रमण निर्मूलन विभाग व प्रभाग समिती कार्यालयाकडून १० फेब्रुवारी रोजी स्वस्तिक चौक-पुणे बस स्टॅण्ड-छत्रपती शिवाजी महाराज पुतळा मार्केटयार्ड चौक-माळीवाडा वेस ते छत्रपती शिवाजी महाराज पुतळा, ११ फेब्रुवारी रोजी हातमपुरा चौक-जुने जिल्हाधिकारी कार्यालय-जीपीओ चौक अशोका हॉटेल झेंडीगेट परिसर, १२ फेब्रुवारी रोजी माळीवाडा वेस-आशा टॉकीज परिसर भिंगारवाला चौक-एम.जी. रोड-मोचीगल्ली-गंजबाजार परिसर, १३ फेब्रुवारी रोजी माणिक चौक भिंगारवाला चौक-एम. जी. रोड, शहाजीरोड, नविपेठ-बँक रोड-लक्ष्मीबाई कारंजा गांधी मैदान चितळेरोड, १४ दाळमंडई-आडतेबाजार-तेलीखुंट चितळेरोड-नेहरु मार्केट-चौपाटी कारंजा-दिल्लीगेट, १७ फेब्रुवारी रोजी जुना दाणे डबरा मंगलगेट परिसरराज चेंबर कोठला परिसर एस.टी. वर्कशॉप-रामवाडी, १८ फेब्रुवारी रोजी सर्जेपुरा चौक-रंगभवन-लालटाकी परिसर सिव्हील हॉस्पीटल, २० फेब्रुवारी रोजी दिल्लीगेट-सिध्दीबाग-बालिकाश्रमरोड-सावेडीगांव, २१ फेब्रुवारी रोजी टी.व्ही. सेंटर प्रोफेसर कॉलनी-भिस्तबागरोड-भिस्तबागचौक-पाईपलाईनरोड-श्रीरामचौक शिलाविहार-गुलमोहरोड पोलीस चौकी पारिजात चौक-गुलमोहररोड ते भिस्तबाग रोड, २४ फेब्रुवारी रोजी पत्रकारचौक-मनमाड रोड-नागापुर-मनपा हद्दी पर्यंत, २५ फेब्रुवारी रोजी हॉटेल चैतन्य क्लासिक काकासाहेब म्हस्के कॉलेज ते गांधीनगर, २७ फेब्रुवारी रोजी पाईपलाईनरोड-डी मार्ट-बंधनलॉनआठरे पाटील पब्लीक स्कुल तपोवनरोड-भिस्तबाग महाल-नानाचौक-ढवणवस्ती ते जुना पिंपळगांवरोड, २८ फेब्रुवारी रोजी कोठला स्टॅण्ड-डी.एस.पी चौक-छत्रपती संभाजी महाराज रोड-वसंत टेकडी ते इंद्रायणी हॉटेल पर्यंत,

३ मार्च रोजी छत्रपती संभाजी महाराज रोड-फरिस्ट ऑफिस ते बडी मस्जीद पाण्याची टाकी ते मेराज मस्जीद ते राजनगर, गाडे शाळा- टॉपअप पेट्रोल पंप, ४ मार्च रोजी कोठला स्टॅण्ड-जीपीओचौक चांदणी चौक कोठी चौक मार्केट यार्ड चौक छत्रपती शिवाजी महाराज चौक-सक्करचौक-कायनेटीक चौक, ५ मार्च रोजी सक्कर चौक मल्हार चौक रेल्वे स्टेशन परिसर कायनेटीक चौक, ६ मार्च रोजी कायनेटीक चौक-केडगांव-अंबिकानगर बस स्टॉप व केडगांव परिसर, ७ मार्च रोजी छत्रपती शिवाजी महाराज पुतळा चाणक्य चौक-बुरुडगांवरोड-यश पॅलेस हॉटेल-आनंदऋषी हॉस्पीटल चाणक्य चौक महात्मा फुले चौक ते कोठी, १० मार्च रोजी सक्कर चौक-टिळकरोड-आयुर्वेद कॉलेज-अमरधाम नेप्तीनाका कल्याणरोड रेल्वे उड्डाणपुल या नियोजनानुसार कारवाई करण्यात येणार आहे.

सर्व केंद्रांवर ‘वेब कास्टिंग’ मॉनिटरिंग हाय अलर्ट मोडवर चालू, पहिला पेपर मास्टर प्लॅन नुसार सुरळीत

नगर – नगर जिल्ह्यात १०९ केंद्रांवर इयत्ता बारावीच्या विद्यार्थ्यांच्या बोर्डाच्या लेखी परीक्षेला ११ फेब्रुवारी पासून सुरूवात झाली. परीक्षेसाठी जिल्ह्यात  ६३ हजार ६५८ विद्यार्थी आहेत. परीक्षा केंद्रावरील सरसकट शिक्षक, शिक्षकेतर आणि परिचर यांच्या आदला-बदल करण्यास शिक्षक संघटनांनी विरोध केल्यानंतर आता गेल्या पाच वर्षात परीक्षेत गैरप्रकार झालेल्या केंद्रांवरील पर्यवेक्षण यंत्रणेत बदल करण्यात आला आहे. तसेच सर्व परीक्षा केंद्रावर सीसीटीव्ही ची नजर असून गैरप्रकार रोखण्यासाठी प्रथमच सर्व केंद्रांवर ‘वेब कास्टिंग’ करण्यात येत आहे.

परीक्षा शांततेत व कॉपीमुक्त व्हाव्यात, यासाठी जिल्हाधिकारी सिद्धाराम सालीमठ यांनी दक्षता समितीची बैठक घेवून महत्वपूर्ण कारवाईचे निर्देश दिले होते. त्यानुसार प्रत्येक केंद्रावर सीसीटिव्ही कॅमेर्‍याची नजर असणार आहे. शिवाय केंद्राबाहेर गोंधळ घालणार्‍यांवर ड्रोन कॅमेर्‍यांचा वॉच आहे. जिल्हा पोलीस अधीक्षक राकेश ओला तसेच जिल्हा परिषदेचे  मुख्य कार्यकारी अधिकारी आशिष  येरेकर हे वेब कास्टिंग द्वारे परीक्षेचे अपडेट घेत असून महत्त्वपूर्ण सूचना प्रसारित करीत आहेत. संपूर्ण जिल्ह्यातील संवेदनशील व महत्त्वाच्या परीक्षा केंद्रांचे वेब कास्टिंग होत असून जिल्हाधिकारी कार्यालयात वॉर रूमची स्थापना करण्यात आली आहे. ड्रोन कॅमेरा ,सीसीटीव्ही तसेच परीक्षा केंद्रातील वेब कास्टिंग आदी व्हिडिओ फुटेच्या माध्यमातून दक्षता समिती सदस्य वेब कास्टिंगची मॉनिटरिंग हाय अलर्ट मोडवर करत आहेत. काही मिनिटांच्या ठराविक कालांतराने वरिष्ठांना अहवाल सादर करण्यात येत आहे. जिल्हाधिकारी सालीमठ यांनी वार रूमला भेट देऊन महत्त्वाच्या सूचना केल्या आहेत.

जिल्हास्तरीय दक्षता समिती सदस्यांचे ‘लक्ष’

ज्या शाळेत कॉपीचा प्रकार निदर्शनास येईल, त्या शाळेची परीक्षा केंद्रासह मान्यताही रद्द करण्यात येईल, असा सज्जड इशाराही जिल्हाधिकारी सालीमठ यांनी दिला आहे. १० वी व १२ वीची बोर्ड परीक्षेसंदर्भात जिल्हास्तरीय दक्षता समिती सदस्यांनी परीक्षा सुरू होताच विविध पातळ्यांवर काम करायला सुरुवात केली आहे. मुख्य कार्यकारी अधिकारी आशिष येरेकर, माध्यमिक शिक्षणाधिकारी अशोक कडूस, प्राथमिक शिक्षणाधिकारी भास्कर पाटील, बाळासाहेब बुगे (शिक्षणाधिकारी – योजना), पोलिस निरीक्षक खेडकर, आकाश दरेकर, सुरेश ढवळे, श्रीराम थोरात आदी समिती सदस्य जिल्ह्यातील विविध केंद्रांवर नकारात्मक हालचालींवर लक्ष ठेवून आहेत.

गैरमार्गाची प्रकरणे निरंक करण्यासाठी अशा परीक्षा केंद्रावर केंद्रसंचालक, पर्यवेक्षक व परीक्षेशी संबंधित व्यक्तींची नियुक्ती केंद्रावर समाविष्ट असणार्‍या शाळेतील शिक्षक व अन्य कर्मचार्‍यांव्यतिरिक्त इतर अन्य शाळा, उच्च माध्यमिक विद्यालयातील शिक्षक व कर्मचार्‍यांमधून करण्यात येणार आहे, परीक्षा कालावधीत प्रत्येक परीक्षा केंद्रावर पूर्णवेळ बैठे पथक कार्यरत राहणार आहे.

तर परीक्षा केंद्र व शाळेची मान्यता होणार रद्द

कॉपीमुक्त परीक्षेसाठी संवेदनशील केंद्रावर ड्रोन कॅमेरे, गैरप्रकारात सहभागी परीक्षा केंद्राची मान्यता रद्द, गैरप्रकारात सहभागी शाळेची मान्यता रद्द, परीक्षा केंद्रांचे पथकामार्फत वेबकास्टींग मॉनिटरींग, परीक्षा केंद्रावरील बैठे पथकांचे दोन स्तर, मोबाईल अँपच्या माध्यमातून परीक्षा केंद्रांवर वॉच, सर्व परीक्षा केंद्रांवर सी.सी.टी.व्ही. कॅमेरे असणार, जिल्हा आणि तालुकास्तरावरुन विशेष भरारी पथक, संवेदनशिल केंद्रावर जास्त बंदोबस्त, राज्य परीक्षा मंडळाकडून भरारी पथके नियुक्त करण्यात आली असून जिल्हाभरात ही पथके कार्यरत झाली आहेत.

नगर – केडगाव येथील विठ्ठल सातपुते यांनी वंजारी समाजाबद्दल अपशब्द वापरून समाजाच्या भावना दुखावल्या आहे. व्यक्तिगत वादामध्ये समाजाला ओढण्याचे काम केले जाते, वंजारी महिलेला देखील लज्जास्पद बोलून महिलेच्या विशिष्ट भागाला सिगरेटचे चटके देऊन मारहाण करण्याची भाषा वापरली जाते. ही महाराष्ट्राला काळीमा फासणारी गोष्ट आहे, विठ्ठल सातपुते हा गुंड प्रवृत्तीचा व्यक्ती असून तो मोबाईलवर बोलताना म्हणतो की मी आबा सातपुते रांगोळी हॉटेल दिलीप सातपुतेचा भाऊ सगळ्यांचा बाप अशी अरेरावीची भाषा वापरून दमदाटी करून कायद्याचा कुठलाही धाक नसल्याचे दाखवत आहे, समाजामध्ये द्वेष पसरवण्याचे काम या व्यक्तीकडून होत आहे. महाराष्ट्रात सद्यस्थितीला जातीय सलोखा बिघडला असून अशा व्यक्तींपासून आपल्या जिल्ह्यातील कायदा सुव्यवस्था बिघडू शकतो तरी पोलीस प्रशासनाने आबा सातपुते या व्यक्तीवर कडक कारवाई करण्याची मागणी वंजारी समाजाच्या वतीने जिल्हा पोलीस अधीक्षक राकेश ओला यांना निवेदनाद्वारे केले आहे. यावेळी भीमराज आव्हाड, वैभव ढाकणे, कैलास गर्जे, संतोष ढाकणे, राहुल सांगळे, ओंकार आव्हाड, सतीश ढाकणे, रामदास सांगळे, भाऊसाहेब वनवे, संदीप ढाकणे, आकाश जावळे, अजय गीते, विक्रांत पालवे, ओंकार घुले, शुभम आघाव, संकेत दहिफळे, युवराज आव्हाड, अक्षय आघाव, कौस्तुभ गायकवाड, विकास राठोड, योगेश आव्हाड, मल्हारी आव्हाड, तुलसीदास बोडके, संदीप ढाकणे आदी उपस्थित होते. आबा सातपुते यांनी बोलताना भान बाळगले पाहिजे, व्यक्तिगत भांडणांमध्ये समाजाला ओढून जातीवाचक शिवीगाळ करणे योग्य नाही जर त्यांच्यामध्ये गुर्मी असेल तर आम्ही त्यांना धडा शिकवू, यांच्यावर पोलीस प्रशासनाने जर कारवाई केली नाही तर आम्ही समाजाच्या वतीने आंदोलन करणार असल्याचा इशारा भीमराज आव्हाड यांनी दिला. दारूच्या नशेमध्ये टेबलावर बसून वंजारी समाजाबद्दल अपशब्द वापरून समाजाच्या भावना दुखावल्या आहे. आज पोलीस प्रमुख यांची भेट घेऊन त्यांच्यावर कडक कारवाई करण्याची मागणी केली आहे. चितावणीखोर वक्तव्य करून दोन समाजामध्ये ते निर्माण करण्याचे काम आबा सातपुते यांनी केले आहे त्यांना त्यांची जागा दाखवण्याचे काम केले जाईल असा इशारा वैभव ढाकणे यांनी दिला.

सिद्धराम सालीमठ यांचे प्रतिपादन; ऋणानुबंध संस्थेचा राज्यस्तरीय पुरस्कार वितरण सोहळा उत्साहात, सामाजिक क्षेत्रातील उल्लेखनीय कार्य करणाऱ्यांचा सन्मान

नगर – समाजात संवेदना बोथट होत चालल्या असून, निस्वार्थपणे समाजासाठी कार्य करत असलेल्यांचे कार्य पुढे आणण्याची गरज निर्माण झाली आहे. यामुळे समाजाला एक प्रेरणा, दिशा व ऊर्जा मिळणार असल्याचे स्पष्ट करून, जिल्हाधिकारी सिद्धराम सालीमठ यांनी समाजातील संवेदनांची गऋणानुबंध बहुउद्देशीय सामाजिक संस्थेचा २०२३-२४ यावर्षीचा राज्यस्तरीय पुरस्कार वितरण सोहळा शहरातील माऊली सभागृहात पार पडला. या पुरस्कार वितरण सोहळ्याप्रसंगी जिल्हाधिकारी सालीमठ बोलत होते. याप्रसंगी बुलढाणा जिल्हा परिषदेचे मुख्य कार्यकारी अधिकारी गुलाबराव खरात, जंगली महाराज आश्रम ट्रस्टचे अध्यक्ष नंदकुमार सूर्यवंशी, ऋणानुबंध संस्थेचे अध्यक्ष अजित रोकडे, उपाध्यक्ष सारिका रघुवंशी, सचिव प्रशांत बंडगर, सुफी गायक पवन नाईक यांच्यासह अनेक मान्यवर उपस्थित होते. पुढे बोलताना जिल्हाधिकारी सालीमठ यांनी सामाजिक कार्य करणाऱ्यांचा आदर्श समोर ठेवून, समाजातील संवेदना जागृक करण्याचे काम केले गेले पाहिजे. विविध क्षेत्रात सामाजिक कार्य करणाऱ्यांची एक पुस्तिका तयार करून ती सर्वांपर्यंत पोहोचल्यास या कामाची व्याप्ती वाढणार आहे. अनेक सामाजिक कार्यकर्ते कुवत नसताना देखील संघर्षातून सामाजिक कार्य करत आहे, त्यांचे कार्य सर्वांसाठी प्रेरणादायी असल्याचे त्यांनी सांगितले. प्रास्ताविकात अजित रोकडे यांनी विविध क्षेत्रात वैशिष्ट्यपूर्ण आणि वेगळे काम करणाऱ्या व्यक्तींचे काम लोकांसमोर आणून त्यांचा सन्मान करणे व नागरिकांपर्यंत त्यांचे कार्य पोहोचविणे, हा या पुरस्कार सोहळ्यामागील उद्देश्य असल्याचे स्पष्ट केले. कार्यक्रमाच्या प्रारंभी हिंदी-मराठी गीतांची मैफल रंगली होती. यामध्ये शिर्डीवाले साईबाबा, बेखुदी ने सनम, देखा एक ख्वाब, तुमसे मिलकर ऐसा लगा आणि अन्य हिंदी-मराठी गीतांचे सादरीकरण करण्यात आले. रसिक श्रोत्यांनी टाळ्यांच्या कडकडाटात कलाकारांना दाद दिली. कार्यक्रमाची सुरुवात दीपप्रज्वलनाने झाली. उपस्थितांच्या हस्ते विविध क्षेत्रात उल्लेखनीय कार्य करणाऱ्यांचा पुरस्काराने गौरव करण्यात आला. सामाजिक क्षेत्रातील कार्याबद्दल पुणे येथील उद्योजक विजय मोरे, तृतीयपंथीय डॉ. आम्रपाली उर्फ अमित मोहिते, नाशिकचे महंत डॉ. रत्नाकर पवार, संदीप सोनवणे, लातूरचे कृषी क्षेत्रातील कार्य करणारे बाळासाहेब दाताळ, आरोग्य क्षेत्रातील डॉ. दीप्ती साळी, शिक्षण क्षेत्रासाठी शिशु संगोपन संस्थेचे दशरथ खोसे, इतिहास संशोधन आणि संवर्धन कार्यासाठी पत्रकार भूषण देशमुख व मराठी भाषा संवर्धनासाठी तुकाराम जगताप यांना पुरस्कार प्रदान करण्यात आला. तसेच, कृषी व ग्रामीण पत्रकारितेसाठी कै. अशोक तुपे यांना मरणोपरांत पुरस्काराने गौरविण्यात आले. याचबरोबर सामाजिक क्षेत्रात अनेक वर्षापासून योगदान देत असलेले हेल्पिंग हॅन्ड्स फॉर हंगर्स ग्रुप, बालघर प्रकल्पाचे युवराज गुंड, सावली संस्थेचे नितेश बनसोडे आणि श्रीगोंदा येथी पारधी आदिवासी मुलांसाठी संस्था चालवणाऱ्या शुभांगी झेंडे यांना विशेष सन्मानित करण्यात आले. पुरस्कार सोहळ्यानंतर सभागृहात सोडत पद्धतीने भाग्यवान विजेत्यांना पैठणी साडीचे बक्षीस देण्यात आले. सूत्रसंचालन चारुता शिवकुमार यांनी केले. आभार सारिका रघुवंशी यांनी मानले.