नगर – सत्तेचा व पदाचा गैरवापर
करून आ.शिवाजी कर्डिले यांनी प्रशासनाला
हाताशी धरून बुर्‍हाणनगर येथील विजय
भगत यांच्या मालकीच्या जागेतील अंबिका सांस्कुतिक
भवन गुरवारी सकाळी जमीनदोस्त केले. तुळजाभवानी
देवीच्या विविध उत्सवासाठी तसेच धार्मिक कार्यक्रम
ांसाठी या सांस्कृतिक भवनाचा वापर आम्ही करत असू.
तिथे रहिवासी खोल्याही होत्या. हे बांधकाम पूर्णपणे
कायदेशीर असून प्रशासनाच्या, ग्रामपंचायची परवानगी
यास आहे. आ.कर्डिले यांच्या सांगण्यावरून ग्रामपंचायत
व जिल्हा प्रशासनास ही बेकायदेशीर प्रशासनास ही
कारवाई करण्यास भाग पाडले आहे. यामध्ये आमचे
करोडो रुपयांचे नुकसान झाले आहे. आ.शिवाजी कर्डिले
हे गेल्या अनेक वर्षांपासून बुर्‍हाणनगरच्या तुळजाभवानी
देवी मंदिराचे पुजारी असलेल्या भगत कुटुंबियांना
मानसिक व राजकीय त्रास देत आहेत. त्यांच्या विरोधात
निवडणुकीत काम केल्यानेच आ.कर्डिले यांनी द्वेषाने
ही बेकायदेशीर कारवाई केली आहे. सत्तेचा व बळाचा
वापर करत ते दादागिरी करत आहेत. अनेकदा त्यांनी
आम्हाला जीवे मारण्याच्या धमयाही दिल्या आहेत.
त्यामुळे कदाचित ते आमचा संतोष देशमुख करतील,
असा गंभीर आरोप बुर्‍हाणनगर येथील तुळजाभवानी
देवी मंदिराचे पुजारी अ‍ॅड.अभिषेक भगत यांनी पत्रकार
परिषदेत केला.
अहिल्यानगर तालुयातील बुर्‍हाणनगर येथील भगत
कुटुंबियांच्या माकालीच्या जगात उभारण्यात आलेल्या
अंबिका सांस्कृतिक भवन उपविभागीय अधिकारी सुधीर
पाटील यांच्या आदेशाने प्राशासकीय यंत्राने मार्फत
गुरवारी सकाळी बुलढोझरच्या सहाय्यने जमीनदोस्त
करण्यात आले. ही कारवाई बेकायदेशीर असल्याचा
आरोप करत अ‍ॅड.विजय भगत, अभिषेक भगत यांनी
माजी राज्यमंत्री प्राजक्त तनपुरे, अंबडचे माजी आमदार
शिवाजी चोथे, माजी सभापती सुभाष झिने यांच्या
उपस्थितीत गुरवारी पत्रकार परिषद घेतली. हे प्रकरण
न्याय प्रविष्ट असताना जिल्हा प्रशासनाने कोणतीही पूर्व
नोटीस न देता बेकायदेशीरपणे ही कारवाई केल्याचा
आरोप अभिषेक भगत यांनी केला.
यावेळी माजी मंत्री प्राजक्त तनपुरे म्हणाले,
आ.शिवाजी कर्डिले यांनी सत्तेचा वापर करून भगत
परिवारावर ही बेकायदेशीरपणे कारवाई केली आहे. देवीचे
पुजारी असलेल्या हिंदू समाजच्या परिवारावर अन्याय
करणे हेच का भाजपाचे हिंदुत्व? प्रत्यक्षात आ.कर्डिले
रहातात त्या घराचाही वरचा मजला बेकायदेशीर आहे.
मग प्रशासनाने अद्याप का नाही त्यांच्या घरावर कारवाई
केली? असा प्रश्न त्यांनी उपस्थित केला. राज्यात
भाजपाकडे असलेल्या पाशवी बहुमता मुळेच भाजपाचे
आमदार सर्वसामान्य व अल्पसंख्याक कुटुंबियांवर अशी
दादागिरी करत बेकायदेशीर कारवाई करत आहेत, असा
आरोप त्यांनी केला.
माजी आमदार शिवाजी चोथे म्हणाले,
आ.कर्डिले व भगत परीवारात बर्‍याच
वर्षांपासून वाद आहेत. ते समजुतीने सोडवण्यासाठी मी
मध्यस्थी केली. पण आ.कर्डिले ऐकायला तयार नाहीत
ते द्वेषाने राजकारण करत भगत कुटुंब उध्वस्त करण्यास
निघाले आहेत. राज्याचे मुख्यमंत्र्यांना त्यांच्या पक्षाच्या
आमदारांचे असे घाणेरडे राजकारण दिसत नाही का ?
या विरोधात लवकरच मी मुख्यमंत्री देवेंद्र फडणवीस व
महसूलमंत्री चंद्रशेखर बावनकुळे यांची भेट घेणार आहे.
यावेळी अभिषेक भगत यांनी २०१३ मध्ये सर्व रीतसर
परवानग्या घेऊनच अंबिका सांकृतिक भवन बांधले असल्याचे
सांगत पूर्णपणे कायदेशीरच आहे. जिल्हा प्रशासनाने
आ.कर्डिलेंच्या दबावामुळे केलेली कारवाई बेकायदेशीर आहे.
अंबिका सांस्कृतिक भवनात आमच्या अनेक महत्वाच्या
वस्तू होत्या. देवी देवतांचे फोटो व मुर्त्या होत्या. या वस्तू
व मुर्त्या काढण्याचाही अवधी प्रशासनाणे आम्हाला दिला
नसल्याने सर्व वस्तूंची मोडतोड व मूर्त्यांची विटंबना झाली
आहे. त्यामुळे आमचे दीड कोटीहून अधिक नुकसान झाले
आहे. अंबिका सांकृतिक भवनाच्या कारवाईची नोटीस
उपविभागीय अधिकारी सुधीर पाटील यांनी १८ फेब्रुवारीलाच
काढली होती. पण अधिकार्‍यांनी ती नोटीस सांकृतिक भवन
पूर्णपणे पडून झाल्यावर गुरवारी सकाळी ११ वाजेच्या सुमारस
आमच्याकडे आणून दिली. याचा अर्थ प्रशानाची हात मिळवणी
या प्रकरणात झाली आहे. या बेकायदेशीर कारवाई विरोधात
मी कोर्टात दाद मागणार असल्याचे अभिषेक भगत यांनी
सांगितल

रेल्वे स्टेशनच्या महानगरपालिका शाळेत पाककृती स्पर्धेचे आयोजन करण्यात आले

नगर – प्रधानमंत्री पोषण शक्ती निर्माण योजनेअंतर्गत महानगरपालिका शाळा क्रमांक ४, रेल्वे स्टेशन, अहिल्यानगर येथे पालकांसाठी पाककला स्पर्धेचे आयोजन करण्यात आले. सदर स्पर्धेतील पाककृतींचे परीक्षण शिल्पा धोपावकर
यांनी केले. स्पर्धेसाठी असणार्‍या निकषाप्रमाणे फोर्टीफाईड तांदूळ, तृणधान्ये, कडधान्ये, विविध पालेभाज्या
यांचा वापर करून नाविन्यपूर्ण पदार्थ पालकांनी बनवले. मिश्र डाळींचे थालीपीठ, दाल खिचडी,
पराठे अशा प्रकारे विविध पौष्टिक पदार्थ बनवले. कार्यक्रमाच्या यशस्वीतेसाठी शाळेचे
मुख्याध्यापक विजय घिगे, मनिषा गिरमकर, मेघना गावडे तसेच सीएसआरडी विद्यालयाचे विद्यार्थी
वैभव सुपेकर, श्रद्धा चव्हाण, नैना पी यांनी योगदान दिले

नगर – नगर – कल्याण या राष्ट्रीय महामार्गावर शहराजवळ असलेल्या ठाणगे पेट्रोल पंपासमोर गेल्या अनेक दिवसांपासून पडलेला एक मोठा खड्डा वाहन चालकांसाठी मृत्यूचा सापळा बनला आहे. हा खड्डा चुकवितांना अनेकदा छोटे-मोठे अपघात घडत आहेत. मात्र राष्ट्रीय महामार्ग प्राधिकरणसह संबधित यंत्रणेचे या अपघातप्रवण खड्ड्याकडे जाणीवपूर्वक दुर्लक्ष होत असल्याने वाहनचालकांमधून तीव्र संताप व्यक्त होत आहे.

हा कल्याण विशाखापट्टणम राष्ट्रीय महामार्ग असल्याने अनेक लांब पल्ल्याची वाहने तसेच अहिल्यानगर शहर व जिल्ह्यातील वाहनांची या महामार्गावर रात्रंदिवस ये जा सुरु असते. दिवसा उजेडी वाहनचालकांना या खड्ड्याचा काहीसा अंदाज येतो, मात्र रात्रीच्या वेळी खड्ड्याचा अंदाज न आल्याने वाहने त्यात आढळून अपघात होत आहेत.

१८ फेब्रुवारी रोजी रात्री अकराच्या सुमारास या जीवघेण्या खड्ड्यामध्ये एक दुचाकी चालक आदळून गंभीर अपघात झाला. खड्ड्याचा अंदाज न आल्याने तो दुचाकी चालक सुमारे २० ते ३० फूट लांब उडून पडला. गंभीर जखमी होऊन रक्तबंबाळ झालेल्या या दुचाकीस्वारास आजूबाजूच्या नागरिकांनी तात्काळ उपचारासाठी नजीकच्या हॉस्पिटलमध्ये दाखल केले.

या खड्ड्यामुळे आजवर अनेक छोटे मोठे अपघात झाले असल्याचे स्थानिक नागरिकांनी यावेळी सांगितले. हा खड्डा तात्काळ बुजविण्यात यावा अशी मागणी परिसरातील नागरिक व युवराज शिंदे यांनी केली आहे.

अकोळनेर येथे होत असलेल्या हरिनाम सप्ताह व संगीत गाथा पारायण सोहळ्यानिमित्त सरपंच प्रतिक
शेळके यांना मानाचे श्रीफळ देताना देहू येथील संत तुकाराम महाराज संस्थानचे माजी अध्यक्ष रामदास महाराज
मोरे, विश्वस्त भानुदास महाराज मोरे, वंशज अनिकेत महाराज मोरे, माऊली महाराज कदम

नगर – संतश्रेष्ठ तुकोबांच्या वैकुंठ गमनाला सन २०२४ – २५ दरम्यान ३७५
वर्षे पूर्ण होत आहेत. त्या निमित्ताने संतकवी दासगणू महाराज यांची जन्मभूमी असलेल्या
अहिल्यानगर तालुयातील अकोळनेर गावाला अखंड हरिनाम सप्ताह व संगीत गाथा
पारायण सोहळ्याचा मान मिळाला आहे. या ठिकाणी १६ ते २३ एप्रिल या कालावधीत
हा भव्यदिव्य सोहळा पार पडणार असल्याची माहिती ह.भ.प. ज्ञानेश्वर महाराज कदम
(छोटे माऊली) यांनी दिली.
या सोहळ्याच्या नियोजनाची बैठक अकोळनेर येथे पार पडली यावेळी देहू येथील
संत तुकाराम महाराज संस्थानचे माजी अध्यक्ष रामदास महाराज मोरे, विश्वस्त भानुदास
महाराज मोरे, वंशज अनिकेत महाराज मोरे यांनी अहिल्यानगर जिल्ह्यातील आणि आष्टी
तालुयातील सुमारे १०० गावांमधील भजनी मंडळे, प्रमुख पदाधिकारी यांना मानाचे
श्रीफळ दिले.
श्रीक्षेत्र देहु येथून हेलिकॉप्टरद्वारे आणणार तुकोबारायांच्या पादुका अखंड हरिनाम सप्ताह व संगीत गाथा पारायण सोहळ्याचे विशेष वैशिष्ट्ये सांगताना
माऊली महाराज कदम म्हणाले, या धर्मसोहळ्यास १५ एप्रिल रोजी श्री जगद्गुरु तुकोबाराय
पादुकांच्या रूपाने अहिल्यानगर जिल्ह्यात हेलिकॉप्टरद्वारे श्रीक्षेत्र देहु येथून अकोळनेर
येथे आणण्यात येणार आहे. तसेच श्री क्षेत्र देहू येथून अकोळनेर येथे १०८ तरुणांच्या
हस्ते ज्ञानज्योत आणण्यात येणार आहे. या दिव्य पादुकांच्या स्वागतासाठी मुख्यमंत्री देवेंद्र
फडणवीस, उपमुख्यमंत्री अजित पवार, उपमुख्यमंत्री एकनाथ शिंदे हे उपस्थित राहणार
आहेत. या दिवशी दुपारी ३ ते ५ यावेळेत दिव्य पादुका आणि ज्ञान ज्योत यांची भव्य
शोभायात्रा काढण्यात येणार आहे. यामध्ये ३७५ धर्मध्वजधारी, ३७५ कलश धारी, ३७५
तुळशीधारी, ३७५ कीर्तनकार, ३७५ टाळकरी, ३७५ मृदंगसेवक, ३७५ ब्रम्हवीणाधारी,
३७५ चोपदार असणार आहेत. शोभायात्रेनंतर धर्मध्वजारोहण होणार आहे.
५ हजार वाचकांचे भव्य दिव्य संगीत गाथा पारायण
१६ एप्रिल पासून अखंड हरीनाम सप्ताह व गाथा पारायण सुरु होईल. या काळात
दररोज ५००० वाचकांचा भव्य दिव्य संगीत गाथा पारायण सोहळा संपन्न होणार आहे.
भारतातील प्रमुख चार पिठाचे जगद्गुरु शंकराचार्य यांना या कार्यक्रमासाठी निमंत्रित
करण्यात आले आहे. तसेच राज्यातील मान्यवर देवस्थानचे मठाधिपती यांनाही निमंत्रित
करण्यात आले आहे.
१ लाख भाविकांना पुरणपोळीचे भोजन देणार
अखंड हरिनाम सप्ताहमध्ये ५०० गावांचा २४ तास तुकाराम नावाचा अखंड भजन
पहारा गजर होणार आहे. दररोज ५०० टाळकरी व २५ मृदंग वादक कीर्तन सेवा देणार
आहेत. या काळात दररोज ५० हजार भाविकांना आमटी भाकरीचे अन्नदान करण्याचे
उद्दिष्ट असून २३ एप्रिल रोजी १ लाख भाविकांना पुरणपोळीचे भोजन देण्यात येणार
आहे. श्री जगद्गुरु तुकोबाराय भव्य कृषी प्रदर्शनाचे आयोजन या काळात केले जाणार
आहे. अहिल्यानगर जिल्ह्यात पहिल्यांदाच इतया मोठ्या प्रमाणात हा कार्यक्रम होणार
असल्याने भाविकांनी यात सहभाग नोंदवावा, असे आवाहन श्री जगद्गुरु तुकोबाराय
त्रिशतकोत्तर अमृत महोत्सव सदेह वैकुंठगमन सोहळा समितीच्यावतीने करण्यात आलेले
आहे

जल्ह्यातून २ वर्षांसाठी हद्दपार केलेले असतानाही शहरात शिवजयंती मिरवणुकीत
आलेल्या आरोपीला पकडल्यानंतर त्याच्या समवेत स्थानिक गुन्हे शाखेचे पथक.

नगर – शिवजयंती उत्सव शांततेत व व्यवस्थित
पार पाडण्याच्या दृष्टिकोनातून कोतवाली, तोफखाना,
भिंगार कॅम्प व एमआयडीसी पोलीस ठाण्याच्या हद्दीत प्रवेश
करण्यास मनाई करण्यात आलेली असताना, हद्दपार केलेले
दोघे शिवजयंती मिरवणुकीत फिरताना आढळून आल्याने
पोलिसांनी त्यांना ताब्यात घेतले. ही कारवाई १९ फेब्रुवारी
रोजी रात्री आठ ते साडेआठ वाजण्याच्या दरम्यान आशा
टॉकीज चौक आणि कापड बाजार येथे केली.
शिवजयंती उत्सव शांततेत व व्यवस्थित पार
पाडण्याच्या दृष्टिकोनातून हद्दपार केलेला संकेत सूर्यकांत
जाधव (वय २६, रा. मल्हार चौक, स्टेशन रोड) हा आशा
टॉकीज चौक येथे शिवप्रतिष्ठान स्टेशन रोड या मंडळाच्या
मिरवणुकीमध्ये फिरताना आढळून आल्याने कोतवालीचे
पोलीस निरीक्षक प्रताप दराडे, पो.कॉ. दीपक रोहकले,
तानाजी पवार, सोमनाथ राऊत यांनी त्यास ताब्यात घेतले.
त्यास शहरात प्रवेश केल्याबाबत हद्दपार प्राधिकरण तथा
पोलीस अधीक्षक यांची परवानगी घेतली आहे काय, अशी
विचारणा केली असता तशी कोणतीही परवानगी त्याने
घेतली नसल्याचे त्याने सांगितले.
त्यामुळे याप्रकरणी पोलिसांनी संकेत जाधव यांच्याविरुद्ध
महाराष्ट्र पोलीस अधिनियम १९५१ चे कलम १४२ नुसार गुन्ह्याची
नोंद केली. पुढील कारवाई पोलिस हवालदार संदीप पितळे करीत
आहे
दुसर्‍या कारवाईत स्थानिक गुन्हे शाखेचे पोलीस
निरीक्षक दिनेश आहेर, स.पो.नि. हेमंत थोरात, पोलीस
अंमलदार संदीप पवार, रवींद्र घुंगासे, गणेश लोंढे, गणेश
धोत्रे, शाहिद शेख, पंकज व्यवहारे, जालिंदर माने, सागर
ससाणे, रोहित येमुल, विशाल तनपुरे, महिला पोलीस
अंमलदार भाग्यश्री भिटे, ज्योती शिंदे यांना मिळालेल्या
माहिती नुसार त्यांनी कापडबाजार येथील एम जी रोडवरील
कोहिनूर कापड दुकान समोर हद्दपार असलेला सुनीलसिंग
जीतसिंग जुन्नी (रा. संजय नगर, काटवण खंडोबा, अ.नगर)
यास ताब्यात घेतले.
जिल्ह्यात प्रवेश करण्यासंबंधीची परवानगी घेतली
अगर कसे याबाबत विचारपूस केली असता त्याने माझ्याकडे
कोणतीही परवानगी नसल्याचे सांगितले. पोलिसांनी
त्याच्या हद्दपारीच्या आदेशाबाबत खात्री केली असता त्यास
उपविभागीय दंडाधिकारी नगर भाग यांनी दोन वर्षाकरिता
संपूर्ण नगर जिल्ह्यातून तडीपार करण्यात आल्याचा आदेश
पारित केलेला आहे असे समजले. याप्रकरणी पो. कॉ.
रवींद्र घुंगासे यांनी दिलेल्या फिर्यादीवरून सुनील सिंग जुन्नी
याच्याविरुद्ध म. पो. का. कलम १४२ अन्वये गुन्ह्याची नोंद केली.

भगवान फुलसौंदर यांचे प्रतिपादन; महाशिवरात्रीनिमित्त फुलसौंदर मळा येथील अखंड हरिनाम सप्ताहास प्रारंभ

नगर – जीवनात आध्यात्माला फार महत्व असून,
सुख-शांतीसाठी भगवंतांचे नामस्मरण करण्यासाठी
अखंड हरिनाम सप्ताह हा महत्वाचा भाग आहे. गेल्या
२६ वर्षांपासून वैष्णव मित्र मंडळाच्यावतीने सातत्याने
शिवरात्रीनिमित्त या उपक्रमातून नागरिकांना लाभ मिळवून
देत आहोत. नामवंत किर्तनकार-प्रवचनकारांच्या
किर्तनाने जीवनाला दिशा मिळत असल्याने या सप्ताहामुळे
मनुष्याच्या जीवनात अनेक अमुलाग्र सकारात्मक बदल
घडत आहेत. त्याचबरोबर धार्मिक कार्याला सामाजिक
कार्याची जोड देत विविध आरोग्य शिबीराच्या माध्यमातून
नागरिकांचे आरोग्य आबाधित राखण्याचा प्रयत्न यानिमित्त
होत आहे. धार्मिक व आरोग्यदायी उपक्रमातून जनसेवेची
संधी आम्हाला गेल्या २६ वर्षांपासून नागरिकांच्या
उत्स्फुर्त प्रतिसादातून मिळत आहे. वर्षानुवर्ष वाढत
चालेला या सप्ताहाचा लौकिक आमचा उत्साह वाढविणारा
ठरत आहे, असे प्रतिपादन प्रथम महापौर भगवान
फुलसौंदर यांनी केले.
महाशिवरात्री उत्सवानिमित्त फुलसौंदर मळा येथे
वैष्णव मित्र मंडळ आयोजित अखंड हरिनाम सप्ताहाचे
उद्घाटन भगवान फुलसौंदर यांच्या हस्ते झाले. याप्रसंगी
भिंगार बँकेचे संचालक विष्णू फुलसौंदर, ह.भ.प.
बालयोगी अमोल महाराज, प्रल्हाद फुलसौंदर, भानुदास
फुलसौंदर, दत्तात्रय फुलसौंदर, बाळासाहेब फुलसौंदर,
इंजि.अनिल साळुंके, राजेंद्र फुलसौंदर, भास्करराव
गायकवाड, एल.के.आव्हाड, अविनाश ठोकळ, रघुनाथ
केदार, जालिंदर वाघ, अविनाश फुलसौंदर, एस.टी.बोरुडे,
सुनिल फुलसौंदर, सचिन लगे, दिपक लोंढे, अवधुत
फुलसौंदर, वैभव गाडीलकर, रामा बनसोडे, महेश शिंदे,
धनंजय फुलसौंदर, अशोक खाडे, यश चौधरी, ओंकार
फुलसौंदर, अशोकराव बाबर, महादु मिसाळ, भरत
फुलसौंदर, प्रसाद फुलसौंदर, कृष्णा फुलसौंदर, विवेक
फुलसौंदर, अक्षय फुलसौंदर आदी उपस्थित होते.
याप्रसंगी विष्णू फुलसौंदर म्हणाले, प्रत्येकजण
आपआपल्या दैनंदिनीत व्यस्त असतांना काही वेळ हा
स्वत:साठी भगवंताच्या भक्तीत घालविण्यासाठी अखंड
हरिनाम सप्ताह उपयुक्त ठरत आहे. त्यामुळेच गेल्या
२६ वर्षांपासून सर्वांच्या सहकार्याने हे अखंड कार्य
सुरु आहे. आणि भगवंतांच्या कृपेने हे कार्य असेच
सुरु ठेवण्याचा आमचा प्रयत्न राहील. या सप्ताहातील
विविध कार्यक्रमांचा सर्वांनी लाभ घेऊन आमचा उत्साह
वाढवावा, असे आवाहन केले.
प्रारंभी प्रतिमा पुजन, ग्रंथपुजन, ध्वजपुजन, विणा
पुजन, तुलसी पुजन, दिपप्रज्वलन आदिंनी या सप्ताहास
प्रारंभ झाला. पारायण व्यासपीठ नेतृत्व अमोल महाराज
जाधव करत आहेत. या सप्ताह काळात ह.भ.प. रामदास
महाराज रक्ताटे, ह.भ.प.हरिदास महाराज पालवे शास्त्री,
ह.भ.प.मच्छिंद्र महाराज राऊत, ह.भ.प.बबन महाराज
बहिरवाल, ह.भ.प.पुंडलिक महाराज जंगले शास्त्री,
ह.भ.प. योगेश महाराज पवार शास्त्री, ह.भ.प.स्वामी
महाराज अमृतानंद सरस्वती आदिंची किर्तन सेवा घडणार
आहे. तसेच बालयोगी ह.भ.प.अमोल महाराज जाधव
यांचे २७ फेब्रुवारी रोजी सकाळी १० वाजता काल्याचे
किर्तनाने समारोप होणार आहे. त्यानंतर महाप्रसादाचे
वाटप होणार आहे.
सप्ताह कालावधीमध्ये बाळासाहेब उबाळे, लक्ष्मणराव
आव्हाड, रघुनाथ केदार, माणिकराव मुंडे, अशोक पालवे,
बाबासाहेब इंगोले, राजेंद्र फुलसौंदर, इंजि.अनिलराव
साळुंके, शिवाजीराव मुळे, ज्ञानेश्वर अहिरराव,
मच्छिंद्रनाथ फुलसौंदर, संजय चाफे, पुरुषोत्तम चाफे
आदींचे या सोहळ्यासाठी सहकार्य मिळत आहे. पारायण
सोहळ्यासाठी सुधाताई फुलसौंदर, आशा फुलसौंदर,
संगिता फुलसौंदर, सुनिता फुलसौंदर, सुरेखा चौरे,
कुसूम काळे, अनुसया फुलसौंदर, प्रभाताई भोग, कविता
चौधरी, वैशाली माने परिश्रम घेतत आहेत.कार्यक्रम
यशस्वीतेसाठी महाशिवरात्री उत्सव समिती व श्री वैष्णव
मित्र मंडळाचे पदाधिकारी, कार्यकर्ते परिश्रम घेत आहेत.

नगर – अरणगाव, दौंड रोड, अहिल्यानगर येथे माऊंट लिटेरा झी स्कूलमध्ये शिवजयंती उत्सव जल्लोषात साजरा करण्यात आला. या प्रसंगी विविध सांस्कृतिक आणि शौर्य प्रदर्शनाच्या कार्यक्रमांचे आयोजन करण्यात आले होते. विद्यार्थ्यांनी पोवाडे, लाठीकाठी प्रात्यक्षिके, ढोल वादन, लेझीम पथक, नृत्य, चित्रकला स्पर्धा, वक्तृत्व स्पर्धा, प्रश्नमंजुषा आणि ढोल-ताशांच्या गजरात मिरवणूक काढून शिवजयंतीचे औचित्य साधले. या कार्यक्रमात विद्यार्थ्यांचा सहभाग पाहायला मिळाला.
प्राचार्या प्रा. शैलजा लोटके यांनी शिवाजी महाराजांच्या जीवनचरित्रावर  भाष्य करताना विद्यार्थ्यांना प्रेरित केले.
शिवाजी महाराजांचे गुण आत्मसात करणे हीच खरी शिवजयंती आहे, असे सांगून त्यांनी विद्यार्थ्यांना शिवचरित्रातून
शिकण्याचे आवाहन केले. यावेळी संस्थेचे अध्यक्ष अ‍ॅड. सुनील लोटके उपस्थित होते. या कार्यक्रमाला पालक आणि
विद्यार्थ्यांनी हजेरी लावली. संपूर्ण शाळेत शिवरायांच्या जयघोषाने उत्साहाचे वातावरण निर्माण झाले होते. कार्यक्रम
यशस्वीरीत्या पार पाडण्यासाठी शिक्षकांनी परिश्रम घेतले.

स्व.वैद्य पंचानन गंगाधरशास्त्री गुणे यांच्या पुण्यतिथीनिमित्त काढण्यात आलेल्या आयुर्वेद ग्रंथ दिंडी सोहळ्यास प्रारंभ करताना संस्थेचे अध्यक्ष अरुण जगताप.

नगर – गुणे आयुर्वेद रुग्णालय व महाविद्यालयाचे संस्थापक स्व.वैद्य पंचानन गंगाधरशास्त्री गुणे यांच्या ७४ व्या पुण्यतिथीनिमित्त गुणे महाविद्यालयातील प्रशिक्षणार्थी डॉटर विद्यार्थ्यांनी व प्राध्यापकांनी टाळ मृदुंगाच्या गजरात वाजत-गाजत
आयुर्वेद पुस्तकांच्या ग्रंथदिंडी सोहळ्याचे आयोजन केले होते. दिंडीच्या पालखीत स्व. गुणेशास्त्रीची प्रतिमा व
यांनी लिहिलेले दुर्मिळ आयुर्वेद ग्रंथ ठेवण्यात आले होते. आयुर्वेद शास्त्र सेवा मंडळाचे अध्यक्ष अरुण जगताप
यांनी स्व.गुणेशास्त्रींच्या समाधीस पुष्पहार अर्पण करून अभिवादन केल्यानंतर ग्रंथ दिंडीस प्रारंभ झाला. यावेळी
डॉटर, विद्यार्थी व विद्यार्थिनी भगवे झेंडे हातात घेऊन वारकर्‍यांच्या वेशात टाळ मृदुंगाचा व विठ्ठल नामाचा
गजर करत होते. यातील विद्यार्थीनी साडी परिधान करुन डोयावर तुळशीवृंदावन घेऊन पारंपरिक वेशभूषेत
दिंडीत सहभागी झाल्या होत्या. या ग्रंथदिंडीमध्ये गुणेशास्त्रींनी लिहिलेल्या औषधी
गुणधर्म शास्त्र, भिषग्विलास, चरक संहिता, सुश्रृत संहिता, वाग्भट संहिता हे जुने व दुर्मिळ आयुर्वेदीय ग्रंथ
दिंडीतील पालखीत ठेवण्यात आले होते. विद्यार्थ्यांनी पारंपारिक वारकर्‍यांची वेशभूषा करुन टाळ-मृदूंगाच्या
गजरात ज्ञानोबा माऊली… तुकाराम महाराजांच्या जयघोषाबरोबरच गुणे शास्त्रींचाही जयघोष करत होते.
ही दिंडी वाजत गाजत ग्रामदैवत श्री विशाल गणेश मंदिरापर्यंत जाऊन पुन्हा महाविद्यालयात आली. गणपती
मंदिर परिसरात व महाविद्यालयाच्या प्रांगणात ग्रंथ दिंडीचे झालेले गोल रिंगण यावेळी रंगले.
यावेळी मंडळाचे सचिव डॉ.विजय भंडारी, सहसचिव सचिन जगताप, संचालक यशवंत सुरकुटला,
ज्ञानदेव पांडूळे, अरविंद शिंदे, वैशाली ससे, ज्ञानेश्वर रासकर, प्राचार्य डॉ.दत्तात्रय लोडे, डॉ.ए.टी.देशमुख,
डॉ.रुपाली म्हसे, डॉ.उत्क्रांती सलगरे, डॉ.नितीन जाधव, डॉ.सुरज ठाकूर, डॉ.समीर होळकर, डॉ.पौर्णिमा
जगताप, माजी प्राचार्य डॉ.अंजली देशमुख व डॉ.प्रमिला नलगे, कार्यालयीन व्यवस्थापिका प्रतिभा भारदे,
योगेश दाणी आदिंसह प्राध्यापक, प्रशिक्षणार्थी वैद्य सहभागी झाले होते.
यावेळी बोलताना अरुण जगताप म्हणाले, कै.
गुणे शास्त्री यांनी १०० वर्षांपूर्वी गोर-गरीब, गरजू
रुग्णांना चांगले आयुर्वेदीक उपचार मिळावे, तसेच
या महाविद्यालयातून तज्ञ वैद्य घडावेत यासाठी
त्याकाळी अत्यंत प्रतिकुल परिस्थितीत व तळमळीने हे
आयुर्वेद रुग्णालय व महाविद्यालय सुरु केले. अत्यल्प
दरात गुणे शास्त्रींनी गोर-गरीब रुग्णांवर दर्जेदार
आयुर्वेद उपचार केले. आजही स्व.गुणेशास्त्रींच्या
विचारावरच हे रुग्णालय व महाविद्यालय काम करत असून,
आम्ही मोठ्या अभिमानाने त्यांचा वारसा पुढे चालवत
आहोत. आजही पूर्वीप्रमाणेच आयुर्वेद महाविद्यालयातून
अत्यंत अल्पदरात सर्व रोगांवर आयुर्वेदीक उपचार केले
जात आहेत. वैद्य गुणेंच्या पुण्यतिथीनिमित्त ग्रंथ दिंडी
काढून महाविद्यालयातील विद्यार्थी, प्राध्यापक वर्गाने
त्यांच्या प्रति आदर व्यक्त केला आहे.

जेएसएस गुरुकुलच्या विद्यार्थ्यांची रंगली मिरवणूक; युद्ध कलेच्या धाडसी थरारक प्रात्यक्षिकाचे सादरीकरण

नगर – जैनाचार्य श्री शिवमुनीजी (जे.एस.एस.) गुरुकुलच्या वतीने छत्रपती शिवाजी महाराज यांच्या
जयंती निमित्ताने केडगाव येथून मिरवणुक काढण्यात आली. या मिरवणुकीत
विद्यार्थ्यांनी लाठी-काठी, तलवारबाजी, दानपट्टा यांसह युद्ध कलेच्या धाडसी
थरारक प्रात्यक्षिक सादर करुन उपस्थितांची मने जिंकली.
केडगाव मधील अंबिकानगर, पाटील कॉलनी आणि केडगाव वेस
येथे विद्यार्थ्यांनी विविध ठिकाणी मर्दानी खेळाचे धाडसी प्रात्यक्षिक सादर केले.
या मिरवणुकीचे अंबिकानगर बस स्टॉप येथे संदीप कोतकर युवा मंचच्या वतीने
स्वागत करण्यात आले. तर मंचच्या वतीने झालेल्या शिवजयंतीच्या कार्यक्रमात शालेय विद्यार्थ्यांनी शिवाजी
महाराजांच्या जन्मापासून ते स्वराज्य निर्माणासाठी गाजवलेले पराक्रमाचा इतिहास नाट्यातून जिवंत केला.
संदीप कोतकर युवा मंचच्या वतीने झालेल्या जयंती उत्सव कार्यक्रमासाठी तानाजी मालुसरे यांचे तेरावे वंशज
कुणाल मालुसरे, मिलिंद एकबोटे, राजेंद्र मोहिते, सचिन भोसले पाटील, संदीप कोतकर युवा मंचचे अध्यक्ष
भूषण गुंड, विद्यालयाचे प्राचार्य आनंद कटारिया निकिता कटारिया, मीरा थोरात, आयोध्या कापरे यांसह विद्यार्थी
पालक आणि केडगाव ग्रामस्थ उपस्थित होते. प्रारंभी छत्रपती शिवाजी महाराजांच्या पुतळ्याच्या
आरतीने अभिवादन करुन कार्यक्रमास सुरुवात  करण्यात आली. शालेय विद्यार्थ्यांनी सादर केलेल्या पूर्वजांच्या
इतिहासाचा पराक्रम पाहून भारावलो.
आयुष्यात पुढे जाताना आपल्या
पूर्वजांचा पराक्रम प्रेरणा देणारा ठरणार
असल्याची भावना तानाजी मालुसरे
यांचे तेरावे वंशज कुणाल मालुसरे यांनी
व्यक्त केली.
प्राचार्य आनंद कटारिया यांनी
म्हणाले फक्त विद्यार्थ्यांना पुस्तकी ज्ञान
न देता त्यांना पराक्रमाचे धडे व संस्कार
देखील शाळेत दिले जात आहे. सर्व
महापुरुषांचे जयंती उत्सव विद्यार्थ्यांमध्ये
त्यांचे विचार रुजवून साजरी होत
असल्याचे त्यांनी सांगितले.
इयत्ता तिसरीच्या वर्गातील
विद्यार्थिनींनी बाळ शिवबा जन्मला गीत
सादर केले. तानाजी मालुसरे यांच्या
पराक्रमावर गड आला, पण सिंह गेला! हे नाटकाचे
सादरीकरण केले. विद्यार्थ्यांच्या कलागुणांना उपस्थित
नागरिकांनी टाळ्यांच्या कडकडाटात दाद दिली.
विद्यार्थ्यांनी जामखेड येथील प्रशिक्षक प्रशिक्षक सुरेश
राऊत व आकाश सर यांच्या मार्गदर्शनाखाली धाडसी
प्रात्यक्षिक सादर केले होते.

नगर – आयकॉन पब्लिक स्कूलने
नुकताच आजी-आजोबा दिन उत्साहात
साजरा केला, नातवंडांचे जीवन
घडवण्यात आजी-आजोबा अमूल्य
भूमिका बजावतात. त्यांच्या सन्मानार्थ
हा कार्यक्रम घेण्यात आला. आयकॉन
पब्लिक स्कूलच्या प्री-प्रायमरी
विभागाच्या मुलांसाठी हा कार्यक्रम
घेण्यात आला.
उत्सवाची सुरुवात स्वागताने
झाली, यात विद्यार्थी आणि शिक्षकांनी
आजी-आजोबांप्रती कृतज्ञता व्यक्त
केली. कार्यक्रमाचे वैशिष्ट्य म्हणजे
मुलांनी त्यांच्या आजी-आजोबांची
ओळख करून दिली, त्यांच्या मार्गदर्शन आणि प्रेमाबद्दल
मनापासून बोलले. शाळेने पालकांना बालपणीच्या
आठवणी सांगण्यासाठी आमंत्रित केले, सर्वांना काळाच्या
ओघात एका जुन्या प्रवासात घेऊन गेले.
कार्यक्रमात उत्साहाचा स्पर्श जोडत, ’पासिंग द
पार्सल’ हा एक मजेदार खेळ आयोजित करण्यात आला
होता, ज्यामध्ये आजी-आजोबा आणि मुले दोघांसाठी
परस्परसंवादी प्रश्नांचा समावेश होता. सहभागींनी त्यांच्या
आनंददायी प्रतिक्रिया दिल्याने वर्ग हास्य आणि आनंदाने
भरून गेला.
ग्रुप फोटोने या प्रसंगाची स्मृती टिपली, पिढ्यानपिढ्या
असलेले सुंदर बंध जपले. त्यानंतर जुन्या गाण्यांचा आणि
अंताक्षरीचे एक सत्र झाले. यात आजी-आजोबांनी
उत्साहाने भाग घेतला आणि संगीताच्या माध्यमातून
त्यांच्या सोनेरी आठवणींना उजाळा दिला.
कार्यक्रमाची सांगता आभार मानून आणि अल्पोपहार
देऊन झाली. आयकॉन पब्लिक स्कूल मजबूत कौटुंबिक
मूल्ये जोपासण्याची आणि आजी-आजोबा त्यांच्या
नातवंडांच्या जीवनाचा अविभाज्य भाग राहतील याची
खात्री करण्याची आपली वचनबद्धता कायम ठेवत आहे.
शाळेचा असा ठाम विश्वास आहे की असे उत्सव पिढ्यां-
मधील बंध मजबूत करतात, विद्यार्थ्यांसाठी प्रेमळ आणि
संगोपन करणारे वातावरण तयार करतात. कार्यक्रमाच्या
शेवटी, मुख्याध्यापिका दीपिका नगरवाला यांनी पालक
आणि आजी-आजोबांचे त्यांच्या अतूट प्रेम, पाठिंब्याबद्दल
आणि उपस्थितीबद्दल मनापासून आभार मानले.

नगर – भिंगार शहरात हरदिन मॉर्निंग ग्रुपच्या वतीने स्वच्छता
अभियान राबवून व वृक्षरोपण करून छत्रपती शिवाजी महाराज यांची
साजरी करण्यात आली. भगवान गौतम बुद्ध जॉगिंग पार्कमध्ये ग्रुपच्या
सदस्यांनी १९ फेब्रुवारी रोजी सकाळी हातात झाडू घेऊन संपूर्ण परिसराची स्वच्छता केली. तर छत्रपती
शिवाजी महाराजांना अभिवादन करुन वृक्षारोपण करण्यात आले. यावेळी सर्व नागरिकांना मिठाईचे वाटप
करण्यात आले.
प्रारंभी जॉगिंग पार्कच्या प्रवेशद्वारात शिवाजी महाराजांच्या पुतळ्यास पुष्पहार अर्पण करुन
अभिवादन करण्यात आले. यावेळी उपस्थितांनी शिवाजी महाराजांचा एकच जयघोष केला. याप्रसंगी
ग्रुपचे संस्थापक अध्यक्ष संजय सपकाळ, मेजर दिलीप ठोकळ, सर्वेश सपकाळ, रतन मेहत्रे, दिलीप
गुगळे, सुधीर कपाले, जहीर सय्यद, दीपक अमृत, अरविंद ब्राह्मणे,
दीपकराव धाडगे, ह.भ.प. ज्ञानेश्वर महाराज अनावडे, अभिजीत
सपकाळ, संजय भिंगारदिवे, विकास भिंगारदिवे, अशोक लोंढे, राजू
कांबळे, सरदारसिंग परदेशी, प्रकाश देवळालीकर, शिरीष पोटे, दीपक लिपाणे, कन्हैया परदेशी, अ‍ॅड.
सिध्देश कटारिया, दिपकराव घोडके, जालिंदर अळकुटे, मेजर नवनाथ वेताळ, चुनीलाल झंवर, संजय
ढोणे, नामदेवराव जावळे, अविनाश पोतदार, कुमार धतुरे, प्रवीण परदेशी, योगेश चौधरी, हरिष साळुंके,
अनिल हळगावकर, मंगेश मोकळ, बाळासाहेब झिंजे, दत्तात्रेय लाहुंडे, नवनाथ खराडे, किरण गायकवाड,
चेतन वझगडेकर, संदीप छजलानी, खान सर, कुंडलिकराव ढाकणे, देविदास गोंडाळ, शैलजा पोतदार,
सविता परदेशी, प्रांजली सपकाळ, विशाल भामरे, चंदाताई बेद्रे आदी उपस्थित होते.

महिलेला मत्स्यमारीचा ठेका मिळण्यासाठी सुरु होते उपोषण; नियमांना डावलून व आर्थिक हितसंबंध साधून दुसर्‍या व्यक्तीला ठेका

नगर – जिल्हा परिषद समोर गोळेगाव
(ता. शेवगाव) येथील आदिवासी महिलेला
मत्स्यमारीचा ठेका देण्यापासून डावलण्यात
आल्याने राष्ट्रवादी काँग्रेस (शरद पवार गट)
सामाजिक न्याय विभागाच्या वतीने उपोषण
करण्यात आले होते. सदर महिलेला नियम
ाप्रमाणे मत्स्यमारीचा ठेका मिळण्याबाबत व
संबंधित अधिकार्‍यांच्या चौकशीसाठी उपोषण
सुरु असताना शिवजयंतीच्या दिवशी बुधवारी
(दि.१९ फेब्रुवारी) लेखी पत्र मान्य नसताना
पोलीस प्रशासनाच्या कारवाईची धमकी देवून
उठवून देण्यात आले.
उपोषणाचा तिसरा दिवस असताना जिल्हा
परिषद लघु पाटबंधारे विभागाचे जिल्हा जलसंधारण
अधिकारी यांनी सोमवारी (दि.२४ फेब्रुवारी) मुख्य
कार्यकारी अधिकारी यांच्या दालनात सुनावणी ठेवण्यात
आली असल्याचे लेखी पत्र देऊन उपोषण मागे
घेण्याचे स्पष्ट केले आहे. उपोषणकर्त्यांनी डावलण्यात
आलेला मत्स्यमारीचा ठेका पुन्हा मिळण्याबाबत ठोस
आश्वासन दिले गेले नसल्याने उपोषण सुरु ठेवण्याचा
पवित्रा घेतला होता. मात्र लेखी पत्र घेऊन आलेल्या
संबंधित अधिकार्‍याने उपोषण सोडून या परिसरातून
उठा, अन्यथा पोलीस प्रशासनाच्या कारवाईला सामोरे
जाण्याची धमकी दिल्याने नाईलाजाने उपोणकर्त्यांना
उपोषण मागे घेऊन घरी परतावे लागले.
कुसुम पवार या गोळेगाव (ता. शेवगाव) येथील
रहिवासी असून, गोळेगाव ग्रामपंचायत पाझर तलावावर
२००५ पासून मत्स्यमारी व्यवसाय ठेका पद्धतीने
चालवत होत्या. शेवगाव तालुयातील एका व्यक्तीने
जिल्हा परिषदेच्या जलसंधारण विभागाच्या अधिकार्‍यांशी
आर्थिक हितसंबंध साधून मत्स्यमारीचा ठेका मिळवला
असल्याचा आरोप उपोषणकर्त्या महिलेने केला आहे.
या संदर्भात न्यायालयाच्या आदेशानुसार
दहा किलोमीटरच्या परिसरातील व्यक्तींना
मत्स्यमारी व्यवसायाचे ठेका देण्याचा अधिकार
असताना, सदर ठेका ३० किलोमीटर
अंतरावरच्या संस्थेला दिला गेला आहे, जो
संशयास्पद असल्याचे उपोषणकर्त्यांचे म्हणणे
आहे. उपोषणात कुसुम पवार या आदिवासी
महिलेसह राष्ट्रवादी सामाजिक न्याय विभागाचे
जिल्हा उपाध्यक्ष बाळासाहेब ढवळे, अंकुश
पवार, शरद पवार, वैजीनाथ बर्डे, दादासाहेब
बर्डे, गोकुळ पवार, प्रमिला पवार, कुसूम पवार,
कौसाबाई पवार, केशरबाई पवार आदी सहभागी
झाले होते. लोकशाही मार्गाने न्याय, हक्कासाठी
सर्वांना उपोषण आंदोलन करण्याचा अधिकार आहे. मात्र
जिल्हा परिषद प्रशासनाने लेखी पत्रात ठोस आश्वासन
न देता, सर्वसामान्यांना फौजदारी कारवाईची धमकी
देऊन त्यांचे उपोषण मागे घेण्यास भाग पाडले. शिवाजी
महाराजांच्या जयंतीदिनी प्रशासनाचा हा वाईट अनुभव
आला. अन्याय झालेल्यांना सोमवारी होणार्‍या सुनावणीत
न्याय न मिळाल्यास पुन्हा आंदोलनाचा इशारा राष्ट्रवादी
सामाजिक न्याय विभागाचे जिल्हा उपाध्यक्ष बाळासाहेब
ढवळे यांनी दिला आहे.

साहित्ययात्री संमेलनाची इंग्लडच्या ग्लोबल बुक ऑफ एसलन्स मध्ये नोंद

पुणे – बाराशे साहित्यिक व साहित्यप्रेमी एकत्र येऊन
संमेलनानिमित्त प्रवास करणे हा जागतिक विक्रम आहे.
चार साहित्यिक एकत्र आल्यावर चांगले विचार ऐकायला
मिळतात. साहित्य आणि साहित्यिक म्हणजे महाराष्ट्राची
संस्कृती आहे. या संस्कृतीची जपणूक या संमेलनानिमित्ताने
होत आहे, असे प्रतिपादन मराठी भाषा मंत्री उदय सामंत
यांनी केले.
सरहद, पुणे आणि अखिल भारतीय मराठी साहित्य
महामंडळातर्फे दिल्ली येथे ९८ वे अखिल भारतीय मराठी
साहित्य संमेलन आयोजित करण्यात आले आहे. या निमित्त
मराठी साहित्ययात्री संमेलनाचे आयोजन करण्यात आले आहे.
पुणे ते दिल्ली प्रवासादरम्यान हे प्रवासी साहित्य संमेलन होत
आहे. या संमेलनाचे उद्घाटन १९ फेब्रुवारी रोजी मंत्री उदय
सामंत यांच्या उपस्थितीत झाले. यावेळी डॉ. डी. वाय. पाटील
अभिमत विद्यापीठाचे कुलपती डॉ. पी. डी. पाटील, साहित्य
अकादमी पुरस्कार प्राप्त ज्येष्ठ साहित्यिका डॉ. संगीता बर्वे,
ग्लोबल बुक ऑफ एसलन्स, इंग्लडचे उपाध्यक्ष डॉ. दीपक हरके
उपस्थित होते.
यावेळी शिवजयंतीनिमित्त छत्रपती शिवाजी महाराज यांना अभिवादन
करण्यात आले. राष्ट्रगीत आणि महाराष्ट्र गीताच्या सादरीकरणाने रेल्वे
स्टेशन परिसर दुमदुमून गेला होता. पंढरपूर येथून आलेल्या ग्रंथ दिंडीचे
या वेळी स्वागत करण्यात आले. ही दिंडी रेल्वेद्वारे दिल्लीला जाणार
आहे. या मराठी साहित्ययात्री संमेलनादरम्यान उदय सामंत यांनी
रेल्वेतून प्रवास करत साहित्यिक, साहित्यप्रेमी आणि पत्रकारांशी संवाद
साधला. मराठी साहित्ययात्री संमेलनाचे अध्यक्ष शरद तांदळे, कार्यकारी
अध्यक्ष वैभव वाघ, कार्याध्यक्ष शरद गोरे, कार्यवाह सचिन जामगे,
मुख्य समन्वयक अ‍ॅड. अनिश पाडेकर, सोमनाथ चोथे, गणेश बेंद्रे,
निमंत्रक अक्षय बिक्कड उपस्थित होते.
यावेळी उदय सामंत यांनी सांगितले की, या विशेष रेल्वेला महान
सेनानी महादजी शिंदे यांचे नाव दिले हे अभिमानास्पद आहे.
महाराष्ट्रातील नागरिक छत्रपती शिवाजी महाराज व छत्रपती
संभाजी महाराज यांच्या विचारांचा आदर करणारे आहेत.
या संमेलनाच्या निमित्ताने मराठी भाषेला सातासमुद्रापलिकडे
नेण्याचे मोठे कार्य घडत आहे.
डॉ. पी. डी. पाटील म्हणाले, मराठी भाषा साहित्य संमेलन
हे साहित्य आणि संस्कृतीची गौरवशाली परंपरा आहे.
या संमेलनाच्या निमित्ताने छत्रपती शिवाजी महाराज यांनी
महाराष्ट्राला दिलेली शौर्याची शिकवण पुढे नेणार्‍या पराक्रमी
सेनानी महादजी शिंदे यांना वंदन केले जात आहे.
ज्ञानपीठ पुरस्काराने सन्मानित कवी केदारनाथ सिंह
यांच्या ‘केदारनाथ सिंह की पचास कविताएं’ या कविता
संग्रहाचा साहित्य अकादमी पुरस्कारप्राप्त साहित्यिका डॉ.
संगीता बर्वे यांनी मराठीत केलेल्या ‘सर्जनात्मक हस्तक्षेप’
या अनुवादीत पुस्तकाचे मंत्री उदय सामंत आणि डॉ. पी. डी.
पाटील यांच्या हस्ते करण्यात आले.
पुणे ते दिल्ली प्रवासादरम्यान रेल्वेत होणार्‍या मराठी साहित्ययात्री
संमेलनाची ग्लोबल बुक ऑफ द एसलन्स, इंग्लड मध्ये नोंद करण्यात
आली असून ग्लोबल बुक ऑफ एसलन्स, इंग्लडचे उपाध्यक्ष डॉ.
दीपक हरके यांनी आज रेल्वे स्थानकावर झालेल्या उद्घाटन समारंभात
राज्याचे मराठी भाषा मंत्री उदय सामंत व संयोजकांना याविषयीचे
प्रमाणपत्र प्रदान केले.

जुने रेकॉर्ड शोधण्यासाठी होणारा त्रास थांबून दाखले वेळेत मिळणार : यशवंत डांगे

नगर – महानगरपालिकेच्या जन्म व
मृत्यू विभागाकडील जुन्या नोंदी अनेकवेळा
सापडत नाहीत. जुने रेकॉर्ड शोधण्यासाठीही
अडचणी येतात. परिणामी, नागरिकांना वेळेत
दाखले देण्यात अडचणी येतात. नागरिकांना
वारंवार हेलपाटे मारावे लागतात. हा त्रास
थांबण्यासाठी जुन्या नोंदीचे डिजिटलायझेशन
करण्याचे आदेश आयुक्त तथा प्रशासक
यशवंत डांगे यांनी दिले आहेत. तसेच, रेकॉर्ड
विभागातील जन्म व मृत्यू नोंदीसह इतर
रेकॉर्डही स्कॅन करून घ्यावेत, अशा सूचनाही
त्यांनी दिल्या आहेत.
आयुक्त तथा प्रशासक यशवंत डांगे यांनी
जुन्या महानगरपालिकेतील रेकॉर्ड विभागाची पाहणी
केली. तेथील रेकॉर्ड अत्यंत जुने असून काही
कागदपत्रे काळानुरूप जीर्ण होत आहेत. या रेकॉर्डचे
तसेच, जन्म व मृत्यूच्या नोंदी असलेल्या रेकॉर्डचे
स्कॅनिंग करणे गरजेचे आहे. जन्म व मृत्यूच्या जुन्या
नोंदी वेळेत न सापडल्यास नागरिकांना वेळेत दाखले देता येत नाहीत. त्यामुळे नागरिकांना त्रास सहन करावा
लागतो. अनेक कायदेशीर प्रकरणांमध्येही जुने
रेकॉर्ड शोधावे लागते. त्यामुळे या रेकॉर्डचे जतन
करणे आवश्यक आहे. त्याची प्रक्रिया तत्काळ
सुरू करावी, असे निर्देश आयुक्त यशवंत डांगे यांनी
दिले. यावेळी वैद्यकीय आरोग्य अधिकारी डॉ.
सतीश राजूरकर, प्रभाग अधिकारी राकेश कोतकर
उपस्थित होते.
आयुक्त यशवंत डांगे म्हणाले की, जन्म
व मृत्यूच्या दाखल्यांचे वितरण सुरळीत व्हावे,
यासाठी महानगरपालिका प्रशासन प्रयत्न करत
आहे. सर्व प्रभाग कार्यालयात त्या त्या हद्दीतील
दाखले मिळण्यासाठी उपाययोजना करण्यात आल्या
आहेत. नागरिकांना त्रास होऊ नये, यासाठी सर्व
उपाययोजना करण्यात आल्या आहेत. जुन्या नोंदी
शोधण्यात अडचणी येत असल्याने या नोंदीच्या
रेकॉर्डचे स्कॅनिंग करण्यात येऊन डिजिटलायझेशन
करण्याचे नियोजन करण्यात आले आहे. यातून
नागरिकांना होणारा त्रास वाचून, दाखले वेळेत
मिळतील, असा विश्वासही आयुक्त तथा प्रशासक
यशवंत डांगे यांनी व्यक्त केला आहे.

नगर – नगर शहरातील बाजारपेठ परिसरातील अतिक्रमणे महापालिकेच्या अतिक्रमण विरोधी पथकाने १८ फेब्रुवारीला मोठ्या पोलिस बंदोबस्तात हटविली आहेत. त्यामुळे बाजार पेठेतील रस्त्यांनी मोकळा श्वास घेतला. या मोहिमेत महापालिकेने सातत्य ठेवण्याची मागणी बाजारपेठेतील व्यापारी वर्गाने केली आहे.

शहरातील भिंगारवाला चौक, कापड बाजार रोड ते तेली खुंट चौक ते घासगल्ली, कापड बाजार रोड लगत असणारे अतिक्रमणे टपऱ्या, लोखंडी जाळ्या, हातगाड्या हटविण्यात आल्या. घास गल्ली ते नवी पेठ कॉर्नर ते परत घास गल्ली ते मोची गल्ली लाईटच्या खांबावरील जाहिरातीचे व दुकानदारांचे फ्लेक्स बोर्ड हटविण्यात आले. मोची गल्ली, महावीर कॉर्नर, गंज बाजार रोड, भाजी मार्केट, सराफ बाजार रस्ता, दुर्गा सिंग लस्सी रोड लगत असणारे पूजा साहित्य विक्रेत्यांचे लोखंडी टेबल, भिंती लगत असणारे फायबर टेबल खुर्च्या हटविण्यात आल्या.

अतिक्रमण विभाग प्रमुख आदित्य बल्लाळ, उपअभियंता सुरेश इथापे, मुख्यालय क्षेत्रीय अधिकारी रिजवान शेख व नितीन इंगळे यांच्या सह पथकातील कर्मचाऱ्यांनी ही मोहीम राबविली. यावेळी कोतवाली पोलीस स्टेशनकडून पोलिसांचा बंदोबस्त देण्यात आला होता.

उद्योजकांची जिल्हा पोलीस अधिक्षकांकडे निवेदनाद्वारे मागणी

नगर : नागापूर एम.आय.डी.सी मध्ये राजरोजपणे अवैद्य धंदे सुरू असून गुन्हेगारी प्रवृत्तीचे लोक व अल्पवयीन मुले वेगवेगळ्या प्रकारचे व्यसन करून खंडणी, चोरी, मारहाण करत दहशत निर्माण करतात. त्यामुळे उद्योजकांमध्ये भीतीचे वातावरण निर्माण झाले आहे, हे असेच चालू राहिले तर उद्योग धंदे बंद पडण्याचा धोका वाढला असल्याने याबाबत तातडीने उपाययोजना करण्याची मागणी आ.संग्राम जगताप यांच्या समवेत उद्योजकांनी जिल्हा पोलिस अधिक्षक राकेश ओला यांच्या कडे केली आहे.

यावेळी आ. संग्राम जगताप, उद्योजकांच्या आमी संघटनेचे अध्यक्ष जयद्रथ खाकाळ, उपाध्यक्ष महेश इंदानी, राजेंद्र कटारिया, सचिव सागर निंबाळकर, चिन्मय सुखटणकर, सुमित लोढा, पुरुषोत्तम बुरा, दौलत शिंदे, दिलीप अकोलकर, गोकुळ हांडे, रोहन गांधी, सचिन पाठक, दीपक नागरगोजे आदीसह उद्योजक मोठ्या संख्येने उपस्थित होते

यावेळी संघटनेने दिलेल्या निवेदनात म्हंटले आहे की, एमआयडीसी परिसरात चौका चौकात अवैद्य धंदे वाढलेत गांजा, मटका, गावठी दारू विक्री मोठ्या प्रमाणात चालत आहे यामुळे उद्योजक व महिला कामगारांचा सुरक्षिततेचा प्रश्न निर्माण झाला आहे. तरी यावर पोलीस प्रशासनाने तातडीने कारवाई करून गुन्हेगारांच्या मुस्क्या आवळाव्यात, तसेच सन फार्मा व सह्याद्री चौकात कायम वाहतूक कोंडी होत असल्यामुळे तिथे ट्राफिक पोलिसाची नेमणूक करावी, तसेच रात्रीच्या वेळी पोलिसांची गस्त वाढवावी याचबरोबर एल ब्लॉक मध्ये पोलीस चौकी उभी करण्याची मागणी उद्योजकांनी जिल्हा पोलीस अधिक्षक राकेक्ष ओला यांच्याकडे केली आहे.

अवैध धंद्यांमुळे गुन्हेगारी वाढली

एम.आय.डी.सी परिसरामध्ये अवैद्य धंद्यांचे प्रमाण मोठ्या प्रमाणात वाढले असल्यामुळे गुन्हेगारी देखील वाढली आहे. कामगारांमध्ये भांडणे होत असून थेट उद्योजकांनाच मारहाण, दमबाजी केली जाते. पगाराच्या दिवशी पाळत ठेवून चोऱ्या केल्या जातात यावर पोलिसांनी कडक कारवाई करावी अशी मागणी एमआयडीसीतील उद्योजकांनी केली.

पोलिसांनी कडक कारवाईची मोहीम सुरु करावी

क्लासिक हॉटेल ते गांधीनगर पर्यंतच्या रस्त्यावर राजरोजपणे अवैद्य धंदे सुरू असून अल्पवयीन मुले व्यसन करून त्यांच्याकडून गुन्हे घडत आहेत. उद्योजक हा आपल्या देशाचा आर्थिक कणा असून त्यांना व्यवसायासाठी सुरक्षित वातावरण निर्माण करून देणे ही आपली जबाबदारी आहे पोलीस प्रशासनाने कडक कारवाईची मोहीम हाती घेऊन गुन्हेगारांवर वचक निर्माण करावी अशी मागणी आमदार संग्राम जगताप यांनी केली.

नगर – आजमीतिला अहिल्यानगर
महापालिकेला सुमारे ४९६ कोटी रुपयांची देणी
आहेत. सद्यस्थितीत तातडीने २०४ कोटी थकीत
असल्याने मनपा आर्थिकदृष्ट्या प्रचंड अडचणीत आहे. अनेक देणे
देण्याबरोबरच विविध शासकीय योजनेचा स्वहिस्सा भरण्यासाठी सुद्धा
महापालिकेमध्ये छदाम नाही. या मुद्द्यांवरून लक्ष भरकटविण्यासाठी
शहराचे लोकप्रतिनिधी हे वेगवेगळी विधानं करीत आहेत. आम्ही हिंदू
आहोत. यापूर्वी मनपावर शिवसेनेसारख्या खर्‍या हिंदुत्ववादी पक्षाची सत्ता
होती. लोकप्रतिनिधी स्वतः दोन वेळा महापौर होते. मग त्यावेळी हिंदू
धर्म विचारांची सत्ता नव्हती तर अन्य कोणत्या विचारांची होती का, असा
सवाल किरण काळे यांनी केला आहे.
केंद्र व राज्यामध्ये हिंदू धर्माचे संरक्षण करणारी सत्ता आहे. आता
पुढील काळात होणार्‍या निवडणुकीत अहिल्यानगर मनपावर देखील हिंदू
धर्म विचाराची सत्ता बसवणार असल्याचे शहर लोकप्रतिनिधी म्हणाले
होते. काळे म्हणाले की, शहरामध्ये हिंदूंना अनेक अडीअडचणींना सामोरे जावे लागत
आहे. हिंदू व्यापारी, हिंदू उद्योजक, हिंदू फेरीवाले, हिंदू युवक, हिंदू व्यावसायिक,
हिंदू महिला, समस्त हिंदूंना मनपाच्या गलथान कारभारामुळे अनेक गोष्टींचा त्रास होत
आहे.
मनपा साधे वीज बिल भरू शकत नाही. त्यामुळे वीज पुरवठा खंडित करण्याचा
इशारा मनपाला दिला गेला आहे. तब्बल अकरा कोटी न भरल्यास पाटबंधारे विभागाने
शहराचा पाणीपुरवठा बंद करण्याचा इशारा दिला आहे. जर पाणी बंद झाले तर आमच्या
लाडया हिंदू बहिणींनी हांडे घेऊन पाण्याला कुठ जायचं? शहरात ठिकठिकाणी
खांदून ठेवलं आहे. नियोजनशून्य कारभार सुरू आहे. त्या रस्त्यांच्या कामासाठी
लागणारी स्वहिश्याची रक्कम भरण्यासाठीची दमडी सुद्धा मनपाकडे नाही. भ्रष्टाचाराने
बरबटलेल्या मनपाच्या तिजोरीत खडखडाट असल्यामुळे मनपाचे प्रस्तावित रुग्णालय
रखडले आहे. नाट्यगृहाचा सांगाडा तसाच पडला आहे. फोटोसेशन करून कामाला
सुरुवात करू असं आश्वासन देऊन तुम्ही नगरकरांची बोळवण करत आहात.
काळे पुढे म्हणाले की, अमृत गटार योजना,
अमृत पाणी योजना, फेज टू पाणी योजना,
सौर ऊर्जा प्रकल्प, शहरातील सुमारे २४ प्रमुख
रस्ते, नगरोत्थान जिल्हा योजनेतील तीन रस्ते या सगळ्या कामासाठी
लागणारी स्वहिश्याची रक्कम देण्याची मनपाची स्थिती नाही. राज्यात,
देशात आणि शहरात सर्व सत्तेची सूत्र, रिमोट कंट्रोल हा तुमच्याच हातात
असून देखील तुम्ही रोज बोंबा मारता. लोकांचे प्रश्न सोडवण्यासाठी तुम्ही
बिनकामाचे झाले आहात. तुमचा अकार्यक्षमपणा झाकण्यासाठी तुम्ही
त्याला वेगळा रंग देण्याचा प्रयत्न करता हे नगरकरांना चांगलं ठाऊक
आहे असे काळे म्हणाले.
अन्यथा जागा दाखवून देऊ शहरातील हिंदूंना असंख्य समस्यांना सामोरे जावे लागत आहे.
सत्तेच्या माध्यमातून प्रश्नांची सोडवणूक करण्याची तुमची जबाबदारी आहे.
बाजारपेठेमध्ये व्यापार्‍यांना अनंत अडचणी आहेत. त्याबाबत त्यांनी मनपाकडे मागण्या
केल्या आहेत. हिंदूंच्या नावाने दिशाभूल करणारी भाषणबाजी करून मूळ प्रश्नांना बगल
दिली जात असल्यामुळे हिंदूंवर अन्याय होत आहे. हिंदूंवर होणारा हा अन्याय आम्ही
खपवून घेणार नाही. हिंदूंना होणारा त्रास थांबला नाही तर दिशाभूल करणार्‍यांना त्यांची
जागा दाखवून देऊ, असा इशारा किरण काळे यांनी दिला आहे.
भ्रष्ट अधिकार्‍यांची पाठराखण तर प्रामाणिक लोकांना त्रास
मनपात आरोग्य विभागात झालेली आर्थिक अनियमितता आणि त्यातून झालेला
भ्रष्टाचार उघड झाला आहे. मनपात भ्रष्टाचार करणार्‍या अधिकारी, कर्मचार्‍यांची
पाठराखण सत्ताधारी करतात. तर प्रामाणिकपणे काम करणार्‍या अधिकारी,
कर्मचार्‍यांना मात्र त्रास दिला जातो. त्यांच्या विरोधात खोटी नाटी आंदोलन केली
जातात. त्यांच्यावर नको ते आरोप करून त्यांच्यावर बदली करून घेण्यासाठी दबाव
आणला जातो. इथून पुढच्या काळामध्ये आम्ही भ्रष्टाचार्‍यांच्या मानगुटीवर बसू आणि
प्रामाणिकपणे काम करणार्‍यांच्या पाठीशी उभे राहू असे किरण काळे म्हणाले.

नगर – शिवजयंतीनिमित्त काढण्यात
येणार्‍या मिरवणुकीमध्ये डीजेच्या आवाजावर
मर्यादा ठेवावी. मिरवणुकीत लेझर शोचा
वापर करू नये. कुठलीही विटंबना होईल,
अशी कृती करू नये. आक्षेपार्ह घोषणांचे
पोस्टर्स, बॅनर्स लावू नयेत. अन्यथा संबंधित
संघटना, मंडळांवर कठोर कारवाई केली
जाईल, असा इशारा पोलिस उपअधीक्षक
अमोल भारती यांनी शिवजयंती उत्सवात
सहभागी होणार्‍या संघटना व मंडळांना दिला
आहे. मिरवणुकीवर पोलिस ड्रोन कॅमेर्‍याद्वारे
नजर ठेवणार आहेत.
१९ फेब्रुवारीला शिवजयंती निमित्त
शहरातून मिरवणूक काढण्यात येणार आहे. या पार्श्वभूमीवर उपअधीक्षक अमोल भारती यांनी १७
फेब्रुवारीला सायंकाळी कोतवाली पोलिस ठाण्यात शिवजयंती उत्सवात सहभागी
होणार्‍या संघटना व मंडळांची बैठक घेतली. यावेळी उत्सव शांततेत व उत्साहात पार
पाडण्याचे आवाहन पोलिस प्रशासनाच्या वतीने करण्यात आले.
मिरवणूक काळात डीजेच्या आवाजाची मर्यादा पाळावी. ध्वनी प्रदूषण केल्यास
संबंधितांवर कारवाई केली जाईल. तसेच
मिरवणुकीवेळी लेझर शोचा वापर करू नये.
कोणत्याही धार्मिक स्थळांची विटंबना होईल,
अशी कृती करू नये. आक्षेपार्ह गाणी वाजवू
नयेत. भावना दुखावणार्‍या आक्षेपार्ह घोषणांचे
पोस्टर्स, बॅनर्स लावू नयेत. अन्यथा संबंधित
संघटना अथवा मंडळाच्या प्रतिनिधींवर
कठोर कारवाई करण्यात येईल, असा इशारा
उपअधीक्षक भारती यांनी यावेळी दिला.
यावेळी कोतवाली पोलिस ठाण्याचे निरीक्षक
प्रताप दराडे, तोफखाना पोलिस ठाण्याचे
निरीक्षक आनंद कोकरे आदी उपस्थित
होते.
२५० पोलिस बंदोबस्तासाठी तैनात
शहरातून शिवजयंती मिरवणूक काढण्यासाठी ५ मंडळांनी पोलिसांकडे परवानगी
मागितलेली असून या मिरवणुकीसाठी २ पोलिस उपअधीक्षक, ६ पोलिस निरीक्षक,
२२ पोलिस उपनिरीक्षक यांच्या सह २५० पोलिस कर्मचार्‍यांचा बंदोबस्त तैनात
करण्यात येणार आहे.

नगर – श्रुती संगीत निकेतन या संस्थेला १०
वर्षे पूर्ण झाल्याबद्दल आयोजित दोन दिवसीय शास्त्रीय
संगीताच्या महोत्सवात बहारदार गायन आणि वादन
सादर झाले आणि दशकपूर्ती वर्षाची दिमाखदार
सांगता झाली. पहिल्या दिवशी अहिल्यानगर येथील
विख्यात तबला वादक शेखर दरवडे यांनी स्वतंत्र
तबला वादन सादर केले. त्यांनी सादर केलेल्या
तिनतालात पेशकार, घराणेदार कायदे, रेले, तुकडे,
स्तुती परण प्रभावीपणे सादर केले. त्यांना उचित
अशी लेहरा साथ किरण जोशी यांनी केली. पहिल्या
दिवशी उत्तरार्धात नगर येथीलच विख्यात संतूर वादक ज्ञानेश्वर दुधाडे यांनी आपली
कला सादर केली. पटदीप रागात आलाप जोड झाला आणि गत अशा पारंपरिक पद्धतीने
त्यांनी केलेले वादन रसिकांची विशेष दाद घेऊन गेले. नंतर त्यांनी पहाडी रागातील
लोकधून सादर केली. त्यांना तबल्यावर शेखर दरवडे यांनी समर्पक साथसंगत केली.
द्वितीय दिवसाची सुरूवात प्रा.निलेश खळीकर यांनी राग पुरिया गाऊन केली.
नंतर त्यांनी राग कलावती सादर केला. त्यांनी गायलेली सरगम आणि ताना रसिकांची
विशेष दाद घेऊन गेली.
महोत्सवाची सांगता डॉ.रुचिरा केदार यांच्या
गायनाने झाली. त्यांनी बसंती केदार या अनवट
रागाने सुरुवात केली. पारंपारिक अतर सुगंध हा
ख्याल त्यांनी अतिशय रंगतदारपणे सादर केला.
पिया कर धर देखो ही बंदिशीची ठुमरी आणि या
जादू डाला हा दादरा गीतप्रकार खास बनारस ढंगाने
त्यांनी पेश केला. त्यांना तबल्यावर शेखर दरवडे
आणि हार्मोनियम वर मकरंद खरवंडीकर यांनी समर्थ
आणि समर्पक साथसंगत केली. स्नेहल उपाध्ये यांनी
समायोचित निवेदन केले. याप्रसंगी विविध संगीत
परीक्षांमध्ये प्रथम आल्याबद्दल अन्वय परदेशी, शार्दुल खोल्लम, शौनक कुलकर्णी, गौरी
बिडकर, डॉ. हृषिकेश कुलकर्णी यांचा सत्कार करण्यात आला.
कार्यक्रमाच्या यशस्वितेसाठी डॉ.धनश्री खरवंडीकर, महेश खोपटीकर, वेदांत
कुलकर्णी, भार्गव देशपांडे, गंधार कुलकर्णी, सुपर्ण प्रताप, शौनक कुलकर्णी यांनी
परिश्रम घेतले. या महोत्सवाला डॉ. हेमंत नाईक, अविनाश कुलकर्णी, कुमुदिनी
बोपर्डीकर, अशोक गांधी, भूषण भणगे, लक्ष्मणराव डहाळे, रवींद्र मुळे,मनीषा मुळे,
श्रीराम तांबोळी, दीपक शर्मा आदी उपस्थित होते.

सुनिल शिंदे यांचे प्रतिपादन, क्रांतिवीर लहुजी वस्ताद साळवे यांच्या पुण्यतिथी निमित्त अभिवादन, राज्यव्यापी अधिवेशनाच्या पोस्टरचे अनावरण

नगर – क्रांतिवीर लहुजी वस्ताद साळवे यांच्या पुण्यतिथी निमित्त लहुजी शक्ती सेनेच्या वतीने सिद्धार्थनगर येथील
त्यांच्या पुतळ्यास पुष्पहार अर्पण करून अभिवादन करण्यात आले. तर लहुजी शक्ती सेनेच्या
वतीने पुणे येथील दशभूजा मैदानावर १ मार्च रोजी होणार्‍या लहूजी शक्तीच्या राज्यव्यापी
अधिवेशनाच्या पार्श्वभूमीवर पोस्टरचे अनावरण करुन सर्व मातंग समाज बांधवांना सहभागी
होण्याचे आवाहन करण्यात आले. या अभिवादन कार्यक्रमाप्रसंगी लहुजी शक्ती सेनेचे जिल्हाध्यक्ष सुनील शिंदे,
कार्याध्यक्ष राजाराम काळे, पाथर्डी तालुका अध्यक्ष सिताराम शिरसाठ, जयवंत गायकवाड,
सुनील सकट, किरण कनगरे आदी उपस्थित होते. जिल्हाध्यक्ष सुनील शिंदे यांनी सांगितले की, ४० वर्षांनंतर
मातंग समाजाचे अधिवेशन पुणे येथे आयोजित करण्यात आले आहे. हे अधिवेशन १ मार्च रोजी संघटनेचे संस्थापक
अध्यक्ष विष्णू कसबे यांच्या मार्गदर्शनाखाली होणार आहे. या अधिवेशनाला मुख्यमंत्री
देवेंद्र फडणवीस, उपमुख्यमंत्री अजित पवार आणि एकनाथ शिंदे उपस्थित राहणार आहेत.
या अधिवेशनाच्या माध्यमातून राज्य सरकारकडे सर्वोच्च न्यायालयाच्या निर्देशानुसार
आरक्षणाची अ, ब, क, ड प्रमाणे वर्गवारीची अंमलबजावणी करण्याची मागणी केली जाणार
आहे. वर्गवारी आरक्षणासाठी  संघटनेने सातत्याने आंदोलन, उपोषण व न्यायालयीन मार्गाने
लढा यशस्वी केला आहे. त्याला अंतिम यश येण्यासाठी पाठपुरावा सुरु असल्याची माहिती त्यांनी
दिली.