मंगळभूमीवरील अनेक छायाचित्रे लोकांना भ्रमित करीत असतात. तेथील भूरचना किंवा खडकांमध्ये अनेकांना अनेक गोष्टींचा आभास होत असतो. आताही तेथील एका खडकामध्ये पुस्तकाचा भास होत आहे. उघडलेल्या आणि पाने असलेल्या एखाद्या पुस्तकासारखीच या खडकाची रचना आहे. या छोट्याशा खडकाचे ‘नासा’च्या ‘न्युरिऑसिटी’या रोव्हरने छायाचित्र टिपले आहेे. एखादे जीवाश्मभूत पुस्तक असावे असे एकंदरीत त्याचे रूपडे आहे! क्युरिऑसिटी रोव्हरने या खडकाचे छायाचित्र टिपले होते. त्याच्या मोहिमेतील हा 3800 वा मंगळ दिवस. आपल्या ‘मार्स हँड लेन्स इमेजर’च्या सहाय्याने त्याने हे छायाचित्र टिपले. हा कॅमेरा त्याच्या रोबोटिक भुजेच्या टोकावर बसवलेला आहे. हा खडक असा आहे की त्याला पाहिल्यावर वाटावे एखादे जाडजूड पुस्तक उघडून उपडे ठेवलेले आहे. त्यामधील एक पान अभे आहे असेही वाटावे. मात्र, छायाचित्रात हा खडक जितका मोठा वाटतो तितका तो नाही. तो अवघा 1 इंचाचा आहे. वेगळ्या आकाराचे खडक मंगळावर अनेकवेळा दिसून येत असतात असे ‘नासा’ने म्हटले आहे. मंगळावर एकेकाळी वाहते, द्रवरूप पाणी होते. त्यामधून मागे राहिलेल्या खनिजांपासून असे खडक बनतात. अशी खजिने एके काळी नदीच्या मऊ गाळाखाली दबलेली होती. फेबु्रवारी 2022 मध्ये अशाच एका खडकात फुलाची रचना आढळून आली होती. हा खडक अवघ्या एकासेंटीमीटर रूंदीचा होता.

आजवर एकापेक्षा एक सरस शोध लावणार्‍या अमेरिकेतील के. मशेल्सन या अवलियाने आता चक्क बीअरवर चालणार्‍या बाईकची निर्मिती करत सर्वांनाच आश्‍चर्याचा धक्का दिला आहे. मशेल्सनेने यापूर्वी रॉकेटवर आधारित वॉशरूम आणि जेट संचलित कॉफी पॉटचा शोध लावला आहे. एरवी, सोशल मीडियावर नवनवे आविष्कार पाहायला मिळत असतात. पण, ही भन्नाट कल्पना प्रथमच प्रत्यक्षात साकारली गेली असू शकते. के. मशेल्सन यांनी या नव्या आविष्कारात गॅस संचलित इंजिनऐवजी हिटिंग कॉईलसह 14 गॅलन केग वापरला असून कॉईल बीअर 3000 डिग्रीपर्यंत गरम करत ही बाईक चालवता येते, हे दाखवून दिले आहे. कॉईल बीअर 300 डिग्रीपर्यंत गरम केल्यानंतर नोजलमध्ये सुपर-हिट स्टीम होते आणि यामुळे बाईक सुरू होते. ही मोटरबाईक निश्‍चितपणाने अनोखी असून अशी निर्मिती यापूर्वी कोणीच केली नसल्याने याचा आनंद काही वेगळाच आहे, असे मशेल्सन यांनी म्हटले आहे. गॅसच्या किमती वाढत आहेत आणि मी स्वत: ड्रिंक्स घेत नाही. त्यामुळे मी बीअरचा इथे इंधन म्हणून वापर केला, असे ते गंमतीने म्हणाले. मशेल्सन यांना रॉकेटमन म्हणून ओळखले जाते आणि त्यांनी तयार केलेली ही बाईक अनोखीच आहे. अद्याप ही बाईक रस्त्यावर उतरवलेली नाही. मात्र, काही प्रदर्शनात या बाईकला अव्वल पसंती मिळत राहिली आहेे. ही बाईक240 कि. मी. वेगाने धावू शकते, असा दावा मशेल्सन यांनी केला असून याचे परिक्षण लवकरच ड्रॅग स्ट्रीपवर केले जाणार आहे. त्यानंतर काही ठिकाणी प्रदर्शन केले गेल्यानंतर मशेल्सन यांच्या घरातील संग्रहालयात त्याचा समावेश होईल.

जर्मनीतील एका सेल्टिक थडग्यामध्ये 2300 वर्षांपूर्वीची कात्री तसेच वाकवलेल्या तलवारीचा शोध घेण्यात आला आहे. या थडग्यात पुरातत्त्व संशोधकांना इतरही अनेक वस्तू सापडल्या आहेत. त्यामध्ये चिखलाचा एक भाग, पाते, कमरपट्टा आदींचा समावेश आहे. या थडग्यामध्ये एक पुरूष आणि एका स्त्रीला दफन करण्यात आले होते असे संशोधकांनी म्हटले आहे. युरोपच्या मुख्य भूमित इसवी सनपूर्व तिसर्‍या ते इसवी सनपूर्व दुसर्‍या शतकात सेल्ट लोक राहत होते. हे लोक मृतदेहांचे दहन करून अस्थींचे दफन करीत असत. अशा अस्थींच्या शेजारी त्यांच्या अनेक वस्तू ठेवल्या जात असत. अशाच एका थडग्याचा जर्मनीत शोध घेण्यात आला आहे. त्यामध्ये चांगल्या प्रकारे सुरक्षित राहिलेल्या दोन कात्र्यांचाही समावेश आहे. म्युनिचमधील बेवेरियन स्टेट ऑफिसच्या मार्टिना पॉल या पुरातत्त्व संशोधिकेने याबाबतची माहिती दिली. सध्या जसे अनेक वस्तू कापण्यासाठी कात्री वापरली जाते तशाच या दोन्ही कात्र्या आहेत. याठिकाणी ज्या व्यक्तींचे अवशेष दफन केले आहेत त्या समाजातील संपन्न कुटुंबातील व्यक्ती असाव्यात हे उघडच दिसते. याचे कारण म्हणजे त्यांच्या वापरामध्ये धातूच्या अनेक वस्तूंचा समावेश आहे.

तुम्ही आतापर्यंत सर्वात विचित्र किंवा कल्पनाही करता येणार नाही. असा एखादा पदार्थ कधी खाल्लाय का? असा प्रश्‍न केल्यास तुम्ही किमान एखाद्या पदार्थाचे तरी नाव घ्याल. मात्र, एखादा पेसच वाटावा असा गोड पदार्थ तुम्ही कधी खाल्ला नसेल! तसा पदार्थ स्पेनमध्ये मिळतो. ही ‘स्वीट डिश’अनेकांना थक्क करते. खाण्याच्या आवडी-निवडी काळानुरूप बदलल्या. पदार्थ बनवण्याची प्रक्रियाही पूर्णपणे बदलली. यापला जोड मिळाली ती म्हणजे विज्ञानाची कशी? सोशल मीडियावर व्हायरल होणारे काही फोटो आणि व्हिडीओ हे जास्तच स्पष्टपणे सांगताना दिसत आहेत. जु उदाहरणच घ्यायचं झालं, तर हा एक पदार्थ, हा आहे ‘फ्लोटिंग फोम डेझर्ट’ नावावरून यात फेस आहे हे तुमच्या लक्षात आलेच असेल. हा एक गोडाचा पदार्थ आहे हे सुद्धा तुमच्या लक्षता येईल. पण आता या फेसाचे काम काय? विचारात पडलात ना? स्पेनमधील एका प्रतिष्ठित रेस्टॉरंटमध्ये हा पदार्थ मिळतो. सोप्या भाषेत सांगावं तर या गोडाच्या पदार्थांवर तरंगणारा फेस त्याच पदार्थाचा एक भाग आहे. हेलियम आणि मातीच्या ‘डिस्टिलेशन’ प्रक्रियेतून तयार झालेल्या पाण्याचा हा फेस आहे. पदार्थावर जणू काही एक सुगंधी पाऊस पडतोय हे भासवण्यासाठी हा फेसरूपी ढग शेफ मोठ्या मेहनतीने तयार करतात.

आपल्याकडे एकेकाळी काही लोकांच्या दृष्टीने हसणे किंवा विनोद ही थिल्लर बाब समजली जात असे. मात्र, हास्यविनोद, हसणे या गोष्टीही आरोग्यासाठी लाभदायकच आहेत. यामुळे होणार्‍या प्रमुख परिणामांमध्ये तणाव घटणे हा आहे. हास्यविनोदामुळे रोगप्रतिकारक क्षमतेतही वाढ होते असे तज्ज्ञांचे म्हणणे आहे.

मनोचिकित्सक आणि स्टँडअप कॉमेडियन केट निकोल्स म्हणाल्या, तुमला कोणत्या गोष्टींमुळे जास्त हसू येते हे शोधून काढा. लाफ्टर शोमध्ये जा, हसवणार्‍या लोकांच्या सहवासात जा किंवा पसंतीचा कॉमेडी शो पाहा. आपल्या सोशल मीडिया अकाऊंटवरील हास्याच्या मिम्स आणि व्डिडीओला सेव्ह करा आणि गरज भासेल तेव्हा तो पाहा. पेपरडाईन युनिव्हर्सिटीमध्ये क्लिनिकल सायकॉलॉजिस्ट डॉ. स्टीव्हन सल्टेनॉफ 40 वर्षांपासून ह्यूमर पॉवरच्या सहाय्याने लोकांना मदत करत आहेत. त्यांनी सांगितले, गिराश असताना डोळ्यात पाणी येईपर्यंत हसवणार्‍या क्षणांना पुन्हा आठवा. हसवणार्‍या क्षणांची कल्पना मेडिटेशनसारखी असते. यातून तुमच मूड चांगला होतो. ‘द हिलिंग पॉवर ऑफ ह्यूमर’चे लेखक ऍलन क्लेन म्हणाले, चेहर्‍यांवर हास्य खुलवणारी एक गोष्ट दिवसभरात जरूर करायची आहे. असे दररोज सकाळी ठरवा. यातून अनपेक्षित ठिकाणांहून हास्य नक्की मिळेल. तुम्ही जास्त हसू लागल. कॉमेडी क्लास लावणेही फायद्याचे ठरू शकते. कॉमेडियन निकोल म्हणाल्या, भलेही तुम्ही स्वत:ला विनोदी मानत नसले तरी बदलाच्या दिशेने पाऊल पडू शकते. निकोलने महाविद्यालयीन जीवनात कंटाळवाणेपणा दूर करण्यासाठी क्लास सुल केला होता. आज जगभरात त्यांचे कार्यक्रम होतात.