सैन्याचे रणगाडे, तोफा, बंदुका अशा वस्तू समुद्राच्या तळाशी पहायला मि ळाल्या तर… खूप गंमत येईल ना? जॉर्डनमध्ये असंच एक संग्रहालय तयार करण्यात आलं आहे. या संग्रहालयात सैन्याचे रणगाडे, हेलिकॉप्टर, बंदुका, बोटी पहायला मिळणार आहेत. विशेष म्हणजे हे संग्रहालय समुद्राच्या तळाशी आहे. या संग्रहालयात सैन्याची 19 उपकरणं पहायला मिळतील. अकाबा किनार्‍यावरून हे संग्रहालय पहायला जाता येईल. लाल समुद्रात 28 मीटर म्हणजे 92 फूट खोल हे संग्रहालय उभारण्यात आलं आहे. फक्त सात दिवसात हे संग्रहालय उभारण्यात आलं. इथे येणार्‍या पर्यटकांना काही तरी धाडसी, वेगळं पाहिल्याचं समाधान मिळावं, समुद्री जीवनासोबतच सैन्याचं वैभव न्याहाळता यावं या उद्देशाने हे संग्रहालय उभारण्यात आलं आहे. हे जगातलं पाण्याखालचं पहिलं मिलिट्री संग्रहालय आहे. पर्यटकांना संग्रहालयात पोहोचवण्यासाठी खास बोटी तयार करण्यात आल्या आहेत. खोल पाण्यात जायचं नसेल तर पर्यटक वरूनच हा नजारा बघू शकतात. यासाठी काचेच्या बोटी तयार करण्यात आल्या आहेत. या बोटींमधून समुद्र तळ न्याहाळता येईल. असं हे अनोखं संग्रहालय जॉर्डनची शान ठरणार आहे.

बिहारमधील सीवान जिल्हामधील एक बाळंतपण सध्या चर्चेचा विषय ठरले आहे. हे बाळंतपण एखाद्या चमत्कारासारखे असल्याचे म्हटले जात आहे. सामान्यपणे एखादी महिला बाळांतीण होते, तेव्हा ती एकाच वेळी दोन किंवा जास्तीत जास्त तीन बाळांना जन्म देते; मात्र सीवानमधील एका महिलेने एकाच वेळी पाच बाळांना जन्म दिला आहे. या महिलेचे नाव पूजा सिंह आहे; मात्र या महिलेने जन्म दिलेल्या पाच बाळांपैकी केवळ दोन बाळे जिवंत असून तीन बाळांचा मृत्यू झाला आहे; मात्र एकाच वेळी एका महिलेने पाच बाळांना जन्म दिल्याचे पाहून डॉक्टरांनाही आश्‍चर्याचा धक्का बसला. सध्या पुजाच्या या बाळांतपणाची चर्चा संपूर्ण बिहारमध्ये सुरू आहे. सीवानमधील हसनपुरा येथील तिलौता रसूलपूर गावाची रहिवाशी आहे.

या माहिलेने सीवानमधील एका खासगी रुग्णालयामध्ये एकाच वेळी पाच बाळांना जन्म दिला; मात्र यापैकी दोन बाळे मृतावस्थेतच गर्भातून बाहेर काढण्यात आली. गर्भाबाहेर काढल्यानंतर तीन बाळे जिवंत होती. त्यापैकी एका बाळाचा नंतर मृत्यू झाला. उर्वरीत दोघांची प्रकृती उत्तम असल्याचे डॉक्टरांनी सांगितले. पुजाने जन्म दिलेल्या बाळांपैकी तीन मुले होती तर दोन मुली होत्या. प्रसुतीच्या वेळी दोन मुलांचा मृत्यू झाला. जन्मानंतर काही दिवसांनी एका मुलीचाही मृत्यू झाला. सध्या पुजाची एक मुलगी आणि मुलगा जिवंत असून त्यांची प्रकृती ठणठणीत आहे. या महिलेने पाच बाळांना जन्म दिल्याची माहिती केवळ डॉक्टर आणि या महिलेच्या नातेवाइकांना होती; मात्र जगलेल्या दोन मुलांच्या नामविधीनंतर यासंदर्भात इतरांना कळवण्यात आले. ही माहिती वार्‍याच्या वेगाने पसरली. सीवान जिल्ह्यासहीत संपूर्ण बिहारमध्ये या बाळंतपणाची चर्चा झाली. सध्या पूजा आपले वडील श्याम बिहारी सिंह यांच्या घरी म्हणजेच स्वत:च्या माहेरी सिसवन येथील नंद मुडा गावातील घरी आहे. अलिकडेच तिला डिस्चार्ज देण्यात आला. सध्या डॉक्टरांनी पूजा आणि दोन्ही बाळांसाठी काही आठवड्यांचा औषधांचा कोर्स दिला आहे. 2021 मध्ये दक्षिण आफ्रिकेमध्ये जून महिन्यात 37 वर्षीय गोसियामी धमारा सिटहोल नावाच्या महिलेने एकाच वेळी दहा बाळांना जन्म दिला होता. यामध्ये सात मुले आणि तीन मुलींचा समावेश होता. या महिलेची नोंद ‘गिनीज बुक ऑफ वर्ल्ड रेकॉर्ड’मध्ये झाली आहे. मे 2021 मध्ये माली येथील एका महिलेने नऊ बाळांना जन्म देण्याचा विक्रम नोंदवला होता. अवघ्या महिन्याभरात गोसियामी धमारा सिटहोलने हा विक्रम स्वत:च्या नावावर केला.

अन्नाच्या शोधात फिरत असताना माकडाची नजर एका बॅगेवर पडली. बॅगेत आपल्याला खाण्यासाठी काही तरी मि ळेल, या आशेने माकडाने धाव घेतली. यानंतर ती बॅग घेऊन ते जाऊन झाडावर बसले; पण माकडाने बॅग नेताच खाली एकच गदारोळ सुरू झाला. कारण या बॅगेत तब्बल एक लाख रुपये होते. त्यामुळे लखपती झालेल्या या माकडाने सर्वांचे लक्ष वेधून घेतले. उत्तर प्रदेशच्या रामपूर येथे घडलेल्या या घटनेची संपूर्ण शहरात जोरदार चर्चा रंगली. शहाबाद येथे विक्री करारासाठी नोंदणी कार्यालयात एक व्यक्ती आली होती. त्याने स्वतःसोबत एक लाखांची रोख रक्कम आणली होती. रक्कम असलेली बॅग त्याने गाडीलाच लावून ठेवली होती. माकडाने बॅग चोरली, तेव्हा सगळा प्रकार कॅमेर्‍यात कैद झाला. यानंतर सर्वांच्याच पायाखालची जमीन सरकली. शराफत हुसेन हे दिल्लीत वास्तव्याला आहेत. आपली दुचाकी पार्क केल्यानंतर ते एका बाकड्यावर बसून आपली कागदपत्रे तपासत होते. शराफत हुसेन आपल्या कामात व्यग्र असतानाच माकड तिथे आले. तिथे पार्क करण्यात आलेल्या बँगांमध्ये काही सापडते का, हे ते पहात होते. या वेळी हुसेन यांची बॅग त्याच्या हाती लागली. ते बॅग घेऊन पळून गेले. दुसरीकडे शराफत हुसेन यांना याची कल्पनाच नव्हती. हे कळल्यानंतर मात्र घटनास्थळी एकच गदारोळ सुरू झाला. सर्वजण माकडाचा शोध घेऊ लाग- ले. या वेळी माकड एका झाडावर बसले असल्याचे त्यांना दिसले. उपस्थित लोकांनी माकडाकडून बॅग मिळवण्याचा प्रयत्न केला; पण बॅग हाती लागत नव्हती. म ाकडाचा पाठलाग केला असता अखेर हुसेन यांना बॅग मिळवण्यात यश आले. सुदैवाने त्यांचे सर्व पैसे सुरक्षित होते. शहाबादमध्ये माकडांची दहशत वाढली आहे. जिल्हा प्रशासना- ने त्यांना पकडण्यासाठी एक टीम नियुक्त करण्याचा निर्णय घेतला आहे. हे पथक माकडांना पकडून जंगलात सोडून देण्याचे काम करेल. शहाबादचे उपजिल्हाधिकारी अनिल कुमार यांनी सांगितले की, माकडांचा हैदोस कमी करण्याच्या दृष्टीने प्रयत्न केले जाणार आहेत. तालुका पातळी- वर माकडांना पकडून जंगलात सोडून देण्यात येईल, असे ते म्हणाले.