साहित्य – 3 वाट्या दिल्ली राईस, दीड वाटी मुगाची डाळ, 1 बटाट्याचे मध्यम काप, हिंग, हळद, 1 वाटी मटार दाणे, 2 कांदे, 2 इंच आलं, तूप, 15-20 लसूण पाकळ्या, मिरच्या, दही, थोडे काजू, बदाम, बेदाणे, जिरे, मीठ, गरम मसाला आणि सुक्या मिरच्या.

कृती – खिचडी करण्याच्या आधी 1 तास अगोदर डाळ व तांदूळ एकत्र करून धुवून ठेवावे. कांदे उभे पातळ चिरावे. पातेल्यात तूप तापवून काजू, बदाम, बेदाणे तळून घ्यावे. त्याच तुपात कांदा तळून घ्यावा. कांदा लालसर कुरकुरीत तळावा. आलं-लसणाची पेस्ट करावी. पातेल्यात तूप तापवून हिंग, जिरे, हळद, सुक्या मिरच्या आणि आलं-लसूण पेस्ट घालून हे सर्व जिन्नस परतावे. त्यात डाळ, तांदूळ, बटाटे, मटार दाणे टाकावेत. ते चांगले परतून तांदळाच्या दुप्पट पाणी घालावे. चवीनुसार त्यात मीठ, गरम मसाला घालून मंद आचेवर खिचडी शिजू द्यावी. खिचडी वाढताना ती गरमागरमच वाढावी.

साहीत्य – 1/4 कप रवा, 1 कप साखर, 3/4 कप ओला नारळ किंवा डेसिकेटेड कोकनट, 2 टे स्पून तूप, 1 टे स्पून फ्रेश क्रीम, 1/2 कप दूध, 1/2 टी स्पून वेलची पावडर, थोडे ड्रायफ्रूट.

कृती – कढईमध्ये तूप गरम करून त्यामध्ये रवा चांगला गुलाबी रंगावर मंद विस्तवावर खमंग भाजून घ्या. मग त्यामध्ये ओला नारळ घालून 5 मिनिटे भाजून घ्या. रवा छान खमंग भाजून झाला की त्यामध्ये साखर घालून दोन मिनिटे गरम करून फ्रेश क्रीम व थोडे दूध घालून मिक्स करून घ्या. मग राहिलेले दूध घालून मिक्स करून साखर विरघळेपर्यंत गरम करून घ्या. साखर विरघळली की त्यामध्ये वेलची पावडर व ड्रायफ्रूट घालून मिक्स करून घ्या. विस्तव बंद करून मिश्रण कोमट झाले की त्याचे लाडू वळून घ्या.