ज्ञानेश्वर खुरांगे यांचे प्रतिपादन; एसा आणि पोलाद स्टील जालना यांच्या संयुक्त विद्यमाने स्पोर्ट्स विक २०२५ चे उद्घाटन
नगर – आपले स्वास्थ्य हीच खरी संपत्ती असून त्यासाठी आपण कुठल्या तरी क्रीडा प्रकारच्या माध्यमातून रोज
ग्राउंडवर व्यायाम करणे गरजेचे आहे, हॉकी प्लेअर मेजर ध्यानचंद हे इंजिनिअर होते. तसेच मिल्खा
सिंग, अनिल कुंबळे, जहीर खान असे आर्किटेट आणि इंजिनीअर्स हे सुध्दा देशाचे नाव उज्वल
करण्यात अग्रेसर आहेत. एक चांगला खेळाडू उत्तम आर्किटेट इंजिनीअर्स होऊ शकतो, नेल्सन मंडेला यांनी एक चांगला
खेळाडू जग बदलू शकतो असे सांगितले होते. यावरून खेळात किती ताकद आहे हे आपल्या लक्षात येईल. एसा दरवर्षी आयोजित करत असलेला स्पोर्ट्स विक फक्त सभासदांना नाही तर अहिल्यानगरकरना खेळांचे महत्व पटवून देतात. असे
प्रतिपादन क्रीडा अधीकारी ज्ञानेश्वर खूरांगे यांनी केले एसा आणि पोलाद स्टील जालना यांच्या संयुक्त
विद्यमाने स्पोर्ट्स विक २०२५ चे उद्घाटन ज्ञानेश्वर खुरांगे यांच्या हस्ते झाले. यावेळी एसा अध्यक्ष आदिनाथ
दहिफळे, उपाध्यक्ष विनोद काकडे, सचिव अभिजित
देवी, स्पोर्ट्स कमिटी हेड जितेश सचदेव, पोलाद स्टीलचे
सुशांत गव्हाणे, आदेश गूंगे, अमोल येनगंदुल, यश शहा,
वैभव निमसे, संतोष खांडेकर, अन्वर शेख, अविनाश
कुलकर्णी, सचिन डागा, सुरेश परदेशी, वैशाखी हिरे,
श्वेता मुळे, शुभम खोले यांच्यासह सभासद उपस्थित
होते.
आदिनाथ दहिफळे म्हणाले की आजच्या मोबाईल
युगात मैदानी खेळांकडे मुलांचे दुर्लक्ष होत असून अश्या
उपक्रमाच्या माध्यमातून त्यांना आपण पुन्हा ग्राउंड वर
आणण्यास प्रवृत्त करु शकतो असे ते म्हणाले.
या कार्यक्रमात फक्त ६ वर्ष वय असलेली आणि
वर्ल्ड बुक ऑफ रेकॉर्ड लंडन विजेती योगा गर्ल राजवी
हर्षद मुळे हिने सादर केलेल्या योगाच्या प्रात्यक्षिकांनी
उपस्थितांची मने जिंकली.
उद्घाटन सामन्यात झालेल्या मिनी मॅरेथॉन
स्पर्धेत धनंजय गुंड- प्रथम, उदित हिरे – द्वितीय तर
प्रदिप तांदळे यांनी तृतीय क्रमांक
पटकावला. चेस स्पर्धेत रोशन
गुगळे – प्रथम, भूषण पांडव –
द्वितीय आणि अतुल गांधी यांनी
तृतीय क्रमांक पटकावला. या
कार्यक्रमाचे आयोजक स्पोर्टस
कमिटी सदस्य अविनाश देवी,
झोहेब खान, गौरव मांडगे, ओंकार
म्हसे, प्रमोद भाळवणकर, प्रथमेश
सोनावणे, संकेत पादिर हे काम
पाहत आहेत. उपाध्यक्ष विनोद
काकडे यांनी या स्पोर्ट्स विक
मध्ये जवळपास १५० सभासद
सहभागी झाल्याचे नमूद करून सर्व
सभासदांना या विविध स्पर्धांसाठी
उपस्थित राहण्याचे आवाहन केले.
संस्थेच्या या स्पोर्ट्स विक मध्ये मिनी मॅरेथॉन,
चेस, बॅडमिंटन, कॅरम, फूट बॉल, स्विमिंग, टेबल
टेनिस आणि क्रिकेट अश्या विविध स्पर्धांचे आठवडाभर
आयोजन करण्यात आल्याचे स्पोर्ट्स कमिटी हेड जितेश
सचदेव यांनी नमूद केले.
पोलाद स्टील जालना यांनी या पूर्ण उपक्रमास
प्रायोजकत्व दिले असून कंपनीचे सुशांत गव्हाणे यांनी
या उपक्रमाच्या माध्यमातून सभासदांमधील संबंध आणि
खिलाडूवृत्ती दृढ होत असल्याचे नमूद केले. प्रदिप तांदळे
यांनी सूत्रसंचालन केले तर सचिव अभिजित देवी यांनी
सभासदांचे आभार मानले.
