इरा किड्स प्ले ग्रुपच्या स्नेहसंमेलनाच्या पारितोषिक वितरण समारंभाच्या कार्यक्रमप्रसंगी संजय गाडेकर आदी.
संजय गाडेकर यांचे प्रतिपादन नगर – आपले शालेय शिक्षण पुण्यासारख्या मोठ्या विद्येचे माहेरघर असलेल्या शहरात झाले ईरा किड्समध्ये देखील अशाच प्रकारे मुलांचा शैक्षणिक पाया भक्कम करणारे प्राथमिक शिक्षण दिले जाते त्यामुळे आता एमआयडीसी बोल्हेगाव नंतर ईरा किड्स प्ले ग्रुपने सावेडी मध्ये आपली दुसरी शाळा सुरू करावी, असे गौरवोद्गार अंकिता
फायबर ऑप्टिस आणि रेल वायरचे नगर मधील वितरक उद्योजक संजय गाडेकर यांनी काढले.
बोल्हेगाव येथील इरा किड्स प्ले ग्रुपच्या वार्षिक स्नेहसंमेलन, विविध गुणदर्शन
आणि पारितोषिक वितरण समारंभाच्या कार्यक्रमात प्रमुख अतिथी म्हणून बोलत होते.
यावेळी व्यासपीठावर रामदास साळुंके, शकुंतला साळुंके, संचालक रमेश साळुंके,
मुख्याध्यापिका अर्चना साळुंके, शुद्धायु लाकडी घाणा उद्योग समूहाच्या प्रमुख सौ.
सुवर्णा गाडेकर, प्रसन्न साळुंके, सौ. गौरी साळुंके आदी उपस्थित होते. कार्यक्रमाची
सुरुवात प्रतिमापूजन आणि दीपप्रज्वलनाने झाली.
प्रास्ताविक पर भाषणात अर्चना साळुंके म्हणाल्या की, ईरा किड्स प्ले ग्रुपमध्ये
गुणवत्तापूर्ण शिक्षण दिले जाते. व्यक्तिमत्व विकास आणि स्वयंशिस्त या विषयात प्रत्येक शिक्षक मुलांकडे जातीने लक्ष
घालतो यामुळे प्ले ग्रुप, एलकेजी आणि युकेजी मध्ये शिक्षण घेऊन पुढे प्राथमिक शाळेत जेव्हा विद्यार्थी प्रवेश घेतो तेव्हा
त्याला त्याच्या गुणवत्तेनुसार कधीकधी थेट दुसरीत प्रवेश दिला जातो. कोरोना नंतर शाळेची ही तिसरी बॅच आहे आणि
तिसरे वार्षिक स्नेहसंमेलन आहे पण या कार्यक्रमाला मिळालेला पालक वर्गाचा
प्रतिसाद पाहता ही शाळा आणखी पुढे मुलांना नेईल असा विश्वास आपल्याला वाटतो
असे त्या म्हणाल्या. विद्यार्थ्यांना बक्षीस देऊन त्यांचा गौरव करण्यात आला. यावेळी मुलांनी
भाषणे कविता नाटिका आणि नृत्य सादर करून पालकांची मने जिंकली. राष्ट्रगीताने
कार्यक्रमाची सांगता झाली. सूत्रसंचालन शिक्षिका सुप्रिया बनकर यांनी केले सत्काराची
उत्घोषणा कांचन वाघमारे यांनी केली तर स्कूलच्या वतीने शिक्षकांचे मनोगत वर्षा
राऊत यांनी व्यक्त केले. सांस्कृतिक कार्यक्रमाचे सूत्रसंचालन गौरी साळुंखे यांनी केले.
कार्यक्रम यशस्वी करण्यासाठी सुप्रिया मॅडम, वर्षा मॅडम, कांचन मॅडम, वंदना झिरपे,
दिगंबर झिरपे यांनी परिश्रम घेतले
