स्पायर्स बेड पोटॅटो
साहित्य : ४ उकडलेले बटाटे, २
वाट्या वाफवलेले मटार, १ कांदा, १ टोमॅटो,
थोडी कोथिंबीर बारीक चिरून, आले-लसूण
पेस्ट, ५० ग्रॅम लोणी, अर्धी वाटी दूध, १
चमचा हिरव्या मिरचीची पेस्ट, ६ ब्रेड
स्लाइसचा चुरा, एक चमचा जिरे-मिरे, गरम
मसाला व मीठ.
कृती : बटाटे उकडून, सोलून,
कुस्करून घ्यावेत. त्यात दूध आणि लोणी
फेटून घ्यावे. जिरे-मिरे भरड वाटून त्यात
मिसळावे. मीठ घालावे. ब्रेडचा अर्धा चुरा
मिसळावा. थोड्या तेलावर कांदा, मिरची
टोमॅटो परतून घ्यावे. त्यात आले-लसूण
पेस्ट, कोथिंबीर, मीठ, साखर, चिमूटभर
गरम मसाला घालावा. मटार घालून मिसळून
खाली उतरवावे. आता बेकिंग डिशला लोणी
लावावे. त्यात बटाट्याचा अर्धा गोल थापावा.
वरून उरलेला ब्रेडचा चुरा पसरावा. थोडे
लोणी घालून आणि ओव्हनमध्ये १६० अंश
वर वीस मिनिटे भाजावे.
