रिपब्लिकन पार्टी ऑफ इंडिया (गवई) गटाची भूमिका जाहीर नगर – रिपब्लिकन पार्टी ऑफ इंडिया (गवई) गटाचे शहर जिल्हा अध्यक्ष सुशांत म्हस्के यांनी डॉ. सुजय विखे यांना पाठिंबा जाहीर केला आहे. आरपीआय (गवई) चे राष्ट्रीय सरचिटणीस राजेंद्र गवई यांच्या आदेशाने पक्ष न पाहता व्यक्ती म्हणून पाठिंबा दर्शवण्याची भूमिका त्यांनी स्पष्ट केली. पुढे म्हणाले की, आरपीआयच्या पदाधिकारी व कार्यकर्त्यांचा इतर पक्षांनी निवडणुकीत वापर करून घेतलेला आहे. व अनेक निवडणुका काँग्रेस राष्ट्रवादी यांच्या समवेत केलेली आहे. मात्र या सर्वांनी आरपीआयच्या नेत्यांचा वापर केला व निवडणूक पुरते गोड बोलतात. आम्हाला कुठलीही जागा देत नाही असा आरोप करत जोपर्यंत आमची ताकद समजणार नाही तोपर्यंत आमची भूमिका बदलत राहणार असल्याचे सांगून नगर दक्षिण लोकसभा मतदारसंघातील डॉ. सुजय विखे यांना पाठिंबा आरपीआयचे शहर जिल्हा अध्यक्ष सुशांत म्हस्के समवेत अल्पसंख्यांक आघाडी, महिला आघाडी, युवक आघाडीच्या पदाधिकार्‍यांनी पाठिंबा दर्शविला आहे.
