कांद्याचे लोणचे
साहित्य – ६ मोठ्या आकाराचे ताजे
कांदे, दीड चमचा हळद, ३ चमचे आमचूर,
दीड चमचा मेथ्या, ३ चमचे बडीशेप, अर्धा
चमचा मोहरीची पावडर, दीड चमचा कलौंजी,
अर्धा चमचा गरम मसाला, चवीनुसार मीठ,
मिरची पूड, तळण्यासाठी शेंगदाणा तेल.
कृति – सर्वप्रथम कांदे सोलून
प्रत्येकाचे ८ तुकडे करा. कढईत तेल तापवून
ते तुकडे साधारण भुरकट होईपर्यंत तळून
घ्या. तळलेले कांदे एका भांड्यात काढून घ्या.
बडीशेप, मेथ्या भाजून भरड वाटून घ्या. आता
मीठासह सर्व मसाले तळा व कांद्यात टाकून
व्यवस्थित मिसळा. कलौंजी व गरम मसालाही
टाका. व्यवस्थित मिसळून थंड झाल्यानंतर
बरणीत भरा. स्वच्छ कापडाने बांधून उन्हात
ठेवा. दुसर्या दिवशी दीड वाटी तेल गरम
करून थंड करा व त्यावर ओता. हे लोणचे
५-६ दिवस खराब होत नाही.
