साहित्य – लसूण-खोबर्याची चटणी, ४ उकडलेले बटाटे, मीठ, १ चमचा लाल तिखट, कोथिंबीर, १/२ चमचा जिरेपूड, हिरवी कोथिंबीर-पुदिना चटणी १/२ वाटी, ब्रेडच्या ६/७ स्लाईस, २ वाट्या डाळीचे पीठ, हळद, १/२ चमचा तिखट, हिंग पाव चमचा, तळण्यासाठी तेल.
कृती – ब्रेडच्या एका स्लाईसला लसूण-खोबर्याची चटणी लावावी. बटाटे सोलून कुस्करावेत. त्यामध्ये मीठ, लाल तिखट, जिरेपूड व कोथिंबीर घालावी व सर्व मिश्रण नीट कालवून घ्यावे. डाळीच्या पिठात हिंग, हळद, मीठ, तिखट घालून पाण्याने भज्यासारखे सरसरीत पीठ भिजवावे. ब्रेडच्या चटणी लावलेल्या स्लाईसवर बटाट्याचे मिश्रण पसरून घ्यावे. दुसर्या स्लाईसला हिरवी चटणी लावून चटणी लावलेली बाजू बटाट्याच्या सारणावर येईल अशी ठेवून किंचित दाबून घ्यावी.
