असा आहे फॉरबिडन ग्रह

0
68

खगोलशास्त्रज्ञांनी अवकाशात नव्या एक्सोप्लॅनेटचा शोध लावला आहे. सूर्याऐवजी इतर तार्‍यांभोवती फिरत असल्यामुळे त्यांना एक्सोप्लॅनेट असं म्हटलं जातं. काही खास वैशिष्ट्यांमुळे याला फॉरबिडन प्लॅनेट असं नाव देण्यात आलं आहे. एनजीटीएस-4 बी असं या ग्रहाचं शास्त्रीय नाव आहे. या ग्रहावरचं वातावरण खूप उष्ण असल्याचं शास्त्रज्ञांचं म्हणणं आहे. सूर्याच्या अगदी जवळ असणार्‍या बुध ग्रहापेक्षाही फॉरबिडन प्लॅनेटचं तापमान अधिक आहे. मंथली नोटिसेस ऑफ रॉयल ऍस्ट्रॉनॉमिकल सोसायटी नावाच्या जर्नलमध्ये हा शोध प्रकाशित करण्यात आला आहे. हा ग्रह अवकाशातल्या नेपच्युनिअन डेझर्ट नावाने ओळखल्या जाणार्‍या भागात सापडला आहे. या भागात उष्णता आणि किरणोत्सर्गाचं प्रमाण बरंच जास्त असतं.