एचआयव्हीग्रस्त रुग्णामध्ये मात्र या दोन पेशींम धील प्रमाण उलटे होते. CD4 पेशींची संख्या कमी होऊ लागते व CD8 पेशींची संख्या वाढू लागते. त्यामुळे CD4 पेशींचे प्रमाण वाढण्याची चिकित्सा करावी लागते. कारण रुग्णांचे मानसिक दौर्बल्य असेल तर व्याधिक्षमत्व कमी होते व आजार वाढीस लागतो. एचआयव्हीग्रस्त रुग्ण वर्षानुवर्षे दैनंदिन आयुष्य जगू शकतो. आणि तेही औषधोपचाराशिवाय. मात्र जेव्हा रक्तातील व्हायरल लोड वाढू लागतो आणि CD4 व CDB पेशींची संख्या कमी होते तेव्हा आम्ही औषधोपचार सुरू करतो. आधुनिक उपचारांमध्ये CD4 CDB पेशींची संख्या बघून रुग्णाला अँटिरेट्रोव्हायरल उपचार सुरू करतात. आयुर्वेदीय पंचकर्म चिकित्सेमध्ये रुग्णाचे मनोबल वाढण्यासाठी शिरोधारा अत्यंत उपयुक्त ठरते. शारीरिक दौर्बल्य कमी करण्यासाठी स्नेहन, घृतपान, पिंडस्वेदन, तिक्तक्षीर बस्ती, मांसरस बस्ती यांचा उपयोग करता येतो. पंचकर्म चिकित्सेबरोबर अभ्यंतरतः रसायन चिकित्सा करता येते. अश्वगंधा, शतावरी, वसंत कुसुमाकर असे व्याधिप्रतिकारशक्ती वाढवणारे सुवर्णकल्प तसेच च्यवनप्राशसारखे अवलेह उपयोगी पडतात. आयुर्वेदीय उपचारांनी आजार पूर्ण बरा होत नसला, तरी शारीरिक व मानसिक बल वाढून CD4 व CDS पेशींची संख्या बरेच दिवस कायम ठेवता येते. CD4 चे प्रमाण वाढलेले दिसते. त्यामुळे रुग्णाची व्याधिप्रतिकारशक्ती, आयुर्मान वाढते व ते चांगल्या पद्धतीचे आयुष्य जगू शकतात, असा आत्मविश्वास येतो.
डॉ. शारदा निर्मळ-महांडुळे
दुर्वांकुर वंध्यत्व निवारण व गर्भसंस्कार सेंटर
अहमदनगर मोबाईल नं- 8793400400
