नगर – संपूर्ण जगाला अहिंसा व शांतीचा संदेश देणार्या भगवान महावीर स्वामींचा जन्म कल्याणक (जयंती) १० एप्रिलला साजरी करण्यात येणार आहे. त्यानिमित्त सकल जैन समाजातर्फे सकाळी ७.३० वाजता जैन मंदिर, कापडबाजार येथून शोभायात्रा निघणार आहे. अशी माहिती श्री ॠषभ संभव जिन जैन श्वेतांबर संघाचे मुख्य ट्रस्टी सुभाषलाल झुंबरलाल मुथा यांनी दिली.
ते म्हणाले, या यात्रेच्या सुरूवातीला सनई, नगारा, चौघडा, बॅडपथक, घोडेस्वार, उंट त्यामागे डोयावर मंगल कलश घेतलेल्या लहान मुली, विविध वेशभूषा धारण केलेले लहान मुले, मुली, पांढरे वस्त्र परिधान केलेले पुरुष आणि केशरी, पिवळ्या, लाल साड्या परिधान केलेल्या भगिनी असणार आहेत. भगवान महावीर स्वामींची प्रतिमा असलेले वाहन, रथ व शेवटी अनुकंपा (प्रसाद) ची गाडी रहाणार आहे. ही शोभायात्रा अर्बन बॅक चौक, घुमरे गल्ली, गुजर गल्ली, आदेश्वर जैन मंदिर, लक्ष्मीबाई कारंजा, चितळे रोड, नेता सुभाष चौक, नवीपेठ जैनस्थानक, घासगल्ली, महात्मा गांधी रोड, तेलीखुंट चौक, दाळमंडई कोपरा, आडते बाजार, गंजबाजार, सराफ बाजार, जुना कापड बाजार, पलक ज्वेलर्स दुकाना जवळून खिस्त गल्ली, बुरूड गल्ली, जुनी वसंत टॉकीज रोड, सहकार सभागृह रोड मार्गे धार्मिक परिक्षा बोर्ड, आनंदधाम येथे जाईल. तेथे महाराष्ट्र प्रवर्तक कुंदनॠषीजी म. सा, प्रबुद्ध विचारक आदर्शॠषीजी म. सा, संस्कार प्रेमी अलोकॠषीजी म. सा, आदी ठाणा-३. साध्वी श्री सत्यप्रभाजी म. सा, श्री त्रिशलाकंवरजी म. सा, श्री पुष्पकंवरजी म. सा, श्री विश्वदर्शनाश्रीजी म. सा, श्री दिव्यदर्शनाजी म. सा, श्री विपुलदर्शनाजी म. सा, श्री आराधनाश्रीजी म. सा, श्री अमितज्योतीश्रीजी म. सा, श्री विचलक्षणाजी म. सा, श्री विभक्तीश्रीजी म. सा, श्री उदयप्रभाजी म. सा. आदि ठाणा आदी साधू-साध्वीजींच्या
उपस्थितीत महावीर स्वामींच्या जीवन चरित्रावर जाहीर प्रवचन तथा गुणानुवाद होईल. हा कार्यक्रम झाल्यानंतर सर्वांसाठी गौतम प्रसादाची व्यवस्था करण्यात आली आहे.
दरवर्षी प्रमाणे चौक सजावट स्पर्धेचे आयोजन करण्यात आले आहे. इच्छुकांनी आपली नावे द्यावीत. चौका-चौकात व शोभायात्रा मार्गावर रांगोळी स्पर्धेचे आयोजन केले असून पहिले बक्षीस ११०० रुपये, दुसरे बक्षीस ९०० रुपये, तिसरे बक्षीस ७०० व उत्तेजनार्थ सहा बक्षीसे प्रत्येकी ३०० रुपयांची ठेवण्यात आलेली असून इच्छुकांनी आपली नावे जैन मंदिर, कापडबाजार येथे नोंदवावीत. शोभायात्रेत सुरूवातीपासून शेवटपर्यंत सामील होणारे भक्तांसाठी शहराच्या प्रमुख
मार्गावर तीन ठिकाणी लकी ड्रॉ कुपनचे आयोजन केलेले असून लकी ड्रॉ विनर साठी पहिले बक्षीस ४०० रूपये, दुसरे बक्षीस ३०० रूपये, तिसरे बक्षीस २०० रूपये ठेवण्यात आले आहे. डोयावर कळस (घडा) घेणारे लहान मुलींसाठी बक्षीसे ठेवण्यात आलेली आहेत. शहरातील सर्व बंधू-भगिनींनी व लहान मुला-मुलींनी या मिरवणुकीत सहभागी होऊन शोभायात्रेची शोभा वाढवावी.
जैन बांधवांनी आपल्या घरावर जैन ध्वज लावून घरासमोर रांगोळी काढून हा जयंतीचा कार्यक्रम साजरा करावा, असे आवाहन सकल जैन समाजातर्फे करण्यात आले आहे. चौक सजावट पहिले बक्षीस ३१०० रूपये, दुसरे बक्षीस २१०० रूपये, तिसरे बक्षीस १५०० रूपये तर उत्तेजनार्थ तीन बक्षीस प्रत्येकी ७०० रूपये प्रमाणे देण्यात येतील. या दिवशी जैन सोशल फेडरेशन तर्फे सायंकाळी ७ वाजता भक्ती संध्या कार्यक्रम आनंदधाम येथे आयोजित करण्यात आला आहे. इंदोर येथील गायक प्रणव भाटिया व सोनाली पुराणिक हे भक्ती संध्या सादर करणार आहेत.
या सर्व कार्यक्रमास उपस्थित रहावे, असे आवाहन सुभाष मुथा, ओसवाल पंचायतचे अध्यक्ष नरेंद्र फिरोदिया, श्रावक चे अध्यक्ष हस्तीमल मुनोत, बडीसाजनचे अध्यक्ष प्रेमराज बोहरा, धार्मिक परिक्षा बोर्ड सेक्रेटरी संतोष बोथरा, दिगंबर जैन समाजाचे महावीर बडजाते, नरेंद्र लोहाडे, अॅड संतोष भोसे, संजय महाजन, महावीर गोसावी, जैन गुजराथी समाजाचे अध्यक्ष डॉ. विनयभाई शहा व एच. व्ही. शहा, कमलेशभाई गांधी, मयुरभाई मेहता, भाजप महाराष्ट्र प्रदेश
कार्यकारिणी सदस्य वसंत लोढा, डॉ. प्रकाश कांकरिया, माणिकनगर जैन मंदिराचे अशोक मुथ्था व तलकशीभाई सावला, ऑल इंडिया जैन कॉन्फरन्सचे मा. ट्रस्टी बाबुशेठ बोरा, वात्सल्य संस्था अध्यक्ष अजित बोरा, महावीरनगर श्री संघाचे अध्यक्ष अनिल कटारिया, केडगावचे पोपटलाल शिंगी, आगरकर मळा श्री संघाचे अध्यक्ष अभय कोठारी, उपाध्यक्ष सुरेश पगारिया, विनायकनगर श्री संघाचे अध्यक्ष किशोर पितळे, सावेडी श्री संघाचे अध्यक्ष किशोर गुगळे, जवाहरलाल कटारिया, शांतीलाल बोरा, सिव्हिल हडको जैन मंदिराचे अध्यक्ष प्रफुल्लभाई मेहता, सीए राजेशभाई शहा, सिव्हिल हडको श्री श्रावक
संघाचे अध्यक्ष विजयलाल गुगळे, धार्मिक परिक्षा बोर्ड उपाध्यक्ष आनंदराम मुनोत, अखिल भारतीय जैन कॉन्फरन्सचे उपाध्यक्ष बाबुशेठ लोढा, बोर्ड सेक्रेटरी संतोष गांधी, मर्चंट बॅकेच्या संचालिका मीनाताई मुनोत व प्रमिलाताई बोरा, जैन सोशल फेडरेशनचे सचिन डुंगरवाल, सीए महेश भळगट, अमोल कटारिया, गणेश कांकरिया, अमोल कोठारी, विशाल भंडारी, महावीर कटारिया, सीए अभय कटारिया, श्री जैन ओसवाल पतसंस्थेचे चेअरमन समीर बोरा, अभय पितळे व इतर सर्व पदाधिकारी, कापडबाजार जैन मंदिराचे ट्रस्टी मंडळ, जैन मंदिराचे सिमंधर स्वामी भक्ती मंडळाचे अध्यक्ष व सर्व
पदाधिकारी. भिंगार, केडगाव, सावेडी व सर्व उपनगर व समस्त नगर येथील भारतीय जैन संघटना, जैन सोशल फेडरेशन, जय आनंद फौंडेशन, श्री महावीर प्रतिष्ठान, सकल राजस्थानी युवा मंच, जैन ओसवाल युवक संघ, बडीसाजन ओसवाल युवक संघ व सकल जैन संघाच्या पदाधिकारी यांनी तसेच सर्व मंडळांच्या प्रमुखांनी कार्यक्रमासाठी उपस्थित रहावे, असे आवाहन केले आहे.
जैन ध्वज (झेंडा) जैन मंदिर, कापडबाजार येथे विनामूल्य मिळेल. रांगोळी व चौक सजावट स्पर्धेचे निरीक्षण सौ. शैला गांधी, सौ. संगीता गांधी व सौ. सरोज कटारिया इत्यादी करणार आहेत. चौक सजावट, लकी विनर, रांगोळी स्पर्धा, लहान मुला-मुलींची बक्षीसे आनंदधाममध्ये प्रवचनाच्या वेळी देण्यात येणार असल्याची माहिती सुभाष मुथा यांनी दिली.
