नगर – सरकारी शाळा वाचवा आणि मोफत शिक्षण न्याय व हक्क परिषद अभियान अहिल्यानगर यांच्यावतीने महात्मा ज्योतिबा फुले यांच्या जयंती औचित्य साधून १३ एप्रिल रोजी सायंकाळी ५.३० वाजता माऊली सभागृह, झोपडी
कॅन्टीन जवळ, अहिल्यानगर येथे महाराष्ट्र महाराष्ट्र बाहेर गाजलेले ’मी सावित्री ज्योतिराव फुले’ एकपात्री नाट्य प्रयोग
आयोजित करण्यात आल्याची माहिती सरकारी शाळा वाचवा आणि मोफत शिक्षण न्याय व हक्क परिषदेचे मुख्य
संयोजक सुदाम लगड यांनी दिली. या कार्यक्रमाच्या अध्यक्षस्थानी रेहमत सुलतान फौंडेशन अहिल्यानगरचे अध्यक्ष
युनूसभाई तांबटकर हे असणार आहेत. या कार्यक्रमाचे उद्घाटन विनयकराजं फौंडेशनचे अध्यक्ष उद्योजक विपुल वाखरे पाटील यांच्या हस्ते होणार आहे. कार्यक्रमासाठी प्रमुख उपस्थिती भिंगार अर्बन को ऑफ बँकचे संचालक महेश झोडगे,
सातारा रयत शिक्षण संस्थेचे जनरल बॉडी सदस्य ज्ञानदेव पांडुळे, मार्कंडेय विद्यालयाचे माजी प्राचार्य रावसाहेब क्षेत्रे यांचे
प्रमुख उपस्थिती असणार आहे. या एकपात्री नाट्यप्रयोगास उपस्थित राहण्याचे आवाहन सरकारी शाळा वाचवा आणि मोफत शिक्षण न्याय व हक्क परिषद अभियान अहिल्यानगर यांच्यावतीने करण्यात आले.
