पनीरचे गुलाबजाम
साहित्य : शंभर ग्रॅम पनीर (दोन कप
दुधात अर्धा लिंबू पिळून शंभर ग्रॅम पनीर
होतं) दोनशे ग्रॅम खवा, एक वाटी मैदा, अर्धा
चमचा खायचा सोडा, दोन चमचे बारीक रवा,
चमचाभर तूप, पाच चमचे (पाव वाटीपेक्षाही
थोडी जास्त) पिठीसाखर, तळायला रिफाईंड
तेल.
पाकासाठी – तीन वाट्या साखर, दीड
वाटी पाणी, अर्धा चमचा वेलदोडा पूड.
कृति : पनीर व खवा किसून घ्यावा.
त्यातच तूप, सोडा, पिठीसाखर, मैदा हे सर्व
घालावं. खूप मळून मऊ करावं. मग लहान
लहान गोळे करून मंद आचेवर तळावे.
पाक – साखरेत पाणी घालून उकळी
येऊ द्यावी. उकळी आल्यावर गॅस बारीक
करून पाच मिनिटं पाक उकळू द्यावा व मग
त्यात वेलदोडा पूड घालून त्यात गुलाबजाम
सोडावे व मुरू द्यावे.
