अचानक भीती वाटणं, नैराश्य येणं, अस्वस्थता ही चिंता किंवा काळजीची लक्षणं मानली जातात. वैद्यकीय मदतीसोबतच इतर काही मार्गांनी आपण चिंता, काळजी दूर करू शकतो. अशी लक्षणं सातत्याने दिसत असल्यास काही उपाययोजना करता येतील. एखादी गोष्ट तुम्हाला अस्वस्थ करत आहे हे स्वीकारा. शांत बसा, स्वत:शी बोला. ही परिस्थिती बदलणार आहे, हे मनाला समजावून सांगा. अचानक काळजी वाटू लागली तर त्या ठिकाणाहून किंवा परिस्थितीतून बाहेर पडा. मजेशीर व्हिडिओ बघा. जोक्स वाचा. बाहेर फिरून या. यामुळे बरं वाटेल. मोकळे व्हा. अचानक अस्वस्थता जाणवू लागली तर जवळच्या व्यक्तीला फोन करा. रडल्याने तसंच बोलल्याने तुम्ही मोकळे होऊ शकता.