नगर – दरवर्षी अहिल्यानगर येथे श्रीराम भक्त हनुमान सत्संग मंडळ ट्रस्ट, श्रीराम मंदिर, नवीपेठ यांच्या वतीने अखंड ३१ दिवसीय सामूहिक हनुमान चालीसा पठण व भजन संध्या कार्यक्रमाचे आयोजन करण्यात आले आहे. या भजन संध्या कार्यक्रमात बाल हनुमान हर्षद आनेचा उपस्थित असतात.
हर्षद आनेचा बाल हनुमान म्हणून नगर शहराला परीचीत आहे. वयाच्या सातव्या वर्षापासून बाल कलाकार हर्षद आनेचा हनुमानाची मनमोहक व आकर्षक वेशभूषा करून बाल हनुमान म्हणून सेवा देत आहेत. श्री हनुमान चालीसा, रामजी की निकली सवारी, राम लक्ष्मण जानकी जय बोलो हनुमान की, दुनिया चले ना श्रीराम के बिना, अंजनीच्या सुता तुला रामाचं वरदान…, बोल बजरंग बली की जय अशा अनेक संगीतमय भजनांवर नृत्य करून बाल हनुमान हर्षद आनेचा यांनी सर्व नगरकरांना मंत्रमुग्ध केले आहे.
हर्षद आनेचा यांना श्रीराम भक्त हनुमान सत्संग मंडळ ट्रस्टचे अध्यक्ष प्रीतम मुथा, उपाध्यक्ष निखिल शेटीया, मंडळाचे ज्येष्ठ सदस्य अशोक खंडेलवाल, वडील योगेश आनेचा व आई सौ. नंदा आनेचा यांच्याकडून प्रेरणा मिळाली आहे. त्यामुळे बाल हनुमान हर्षद आनेचा यांच्यावर बाल वयातच धार्मिक संस्कार झालेले आहेत. अहिल्यानगर शहरामध्ये बाल हनुमान हर्षद आनेचा आणि श्रीराम भक्त हनुमान सत्संग मंडळ ट्रस्ट यांचा डंका गाजत आहे.
