नगर – भनसाळी टिव्हिएसचे नवे आधुनिक सर्व सुविधांनी सुसज्ज वर्कशॉपचे उद्घाटन पद्मश्री पुरस्कार प्राप्त अ‍ॅड. उज्वल निकम यांच्या हस्ते दिप प्रज्वलनाव्दारे झाले. यावेळी कंपनीचे सर्व्हिस एरिया मॅनेजर योगेश निकुंभ उपस्थित होते.
यावेळी बोलतांना अ‍ॅड. निकम म्हणाले की, आययुब ही खरोखरच फार सुंदर गाडी असुन अल्पावधीत ती जनमानसात लोकप्रिय झाली आहे. ही इलेट्रिक गाडी असल्याने सामान्यांच्या पेट्रोल खर्चात मोठी बचत झाली असुन यामुळे पर्यावरण देखील चांगले राहते. कंपनीच्या सर्व्हिस मॅनेजर योगश निकुंभ यांनी गाडीची फिचर्सची संपुर्ण माहिती सांगितली. अभिनंदन भनसाळी हे वर्कशॉपबद्दल बोलतांना म्हणाले की, सध्या चाललेल्या ट्रेड व गरजेनुसार सर्व लोकांचा इलेट्रिक वाहनांकडे अधिक कल वाढला आहे. ग्राहकांना अधिक चांगली व तत्पर सेवा देण्यास आम्ही सदैव तत्पर असतो. मात्र आता या आधुनिक व सुसज्ज वर्कशॉप मुळे ग्राहकांना सर्व्हिसिंग किंवा गाडीच्या इतर कामासाठी कमी वेळ लागणार असुन त्यामुळे ग्राहकांच्या वेळेची बचत आणि संपुर्ण समाधान करण्यावर आमचा विशेष प्रयत्न राहणार आहे.
