मक्याचा पुलाव
साहित्य : तीन वाट्या मक्याचे दाणे,
साडेचार वाट्या तांदूळ, आठ हिरव्या मिरच्या,
कढीपत्ता, सहा कांदे, तीन चमचा जिरं,
नारळाचं दूध, ओलं खोबरं (सजावटीसाठी),
कोथिंबीर, सहा चमचे तूप, आठ लवंगा, चार
छोटे दालचिनी तुकडे, सहा मसाला वेलची,
बारा-पंधरा मिरे, हळद, हिंग, मीठ, पाच
सहा तमालपत्र.
कृती : तांदूळ धुऊन निथळत
ठेवावेत. मक्याचे दाणे उकडून घ्यावे. कांदा
उभा चिरावा. मिरच्यांचे बारीक तुकडे करावे.
नारळाचं दूध काढावं. तूप तापवून त्यावर
जिरं, हिंगाची फोडणी करावी. कढीपत्ता,
हळद घालावी. कांदा लालसर परतावा. लवंग,
दालचिनी, मसाला वेलची, मिरे, तमालपत्र
घालून पुन्हा परतावं. त्यावर निम्मे मयाचे
दाणे, तांदूळ घालून परतावं, नारळाचं दूध
घालावं. नंतर मीठ घालून भात शिजू द्यावा.
वाढताना वरून कोथिंबीर, खोबरं, मयाचे
वाफवलेले दाणे, डाळिंबाचे दाणे घालावे.
