नगर – वृध्दाने त्याच्या शेतातील आंब्याच्या झाडाला गळफास घेऊन आत्म हत्या केल्याची घटना नगर तालुयातील चिचोंडी पाटील गावच्या शिवारात मंगळवारी (दि. २१) दुपारी घडली. मारूती बालाजी कोकाटे (वय ८० रा. तळेवाडी, चिचोंडी पाटील ता. नगर) असे आत्महत्या केलेल्या वृध्दाचे नाव आहे. याप्रकरणी नगर तालुका पोलीस ठाण्यात आकस्मात मृत्यूची नोंद करण्यात आली आहे. मारूती कोकाटे यांनी त्यांच्याच शेतातील आंब्याच्या झाडाला गळफास घेतल्याचे मंगळवारी (दि. २१) दुपारी उघडकीस आले. त्यांना उपचारासाठी त्यांचा पुतण्या संतोष नामदेव कोकाटे यांनी जिल्हा शासकीय रूग्णालयात दाखल केले. दरम्यान त्यांचा उपचारापूर्वीच मृत्यू झाल्याचे तेथील डॉटरांनी घोषीत केले. याबाबतची माहिती नगर तालुका पोलिसांना देण्यात आली असून पोलिसांनी आकस्मात मृत्यूची नोंद केली आहे. तपास पोलीस अंमलदार सरोदे करत आहेत.
