कैरीचा मुरंबा
साहित्य : कैरीची साले काढून, फोडी
कराव्यात. अर्धा किलो फोडी, साखर एक
किलो, वेलची पूड, पाऊण टी स्पून, पाणी
पाऊण कप.
कृती : कैरीच्या फोडी स्वच्छ धुवाव्यात.
काळ्या पडू देऊ नयेत. चाळणीत ठेवून मग
कुकरमध्ये ठेवून, वाफवून घ्याव्यात; निवेपर्यंत
साखरेचा गोळीबंद पाक करावा; त्यात थंड
फोडी घालाव्यात.
मग पाकास दोन उकळ्या आणाव्यात.
आच मंद असावी; मग फोडी काढून घ्याव्यात.
पाक परत गॅसवर ठेवून घट्ट करावा. त्यात
वेलची पूड व फोडी घालाव्यात. थंड झाल्यावर
बाटलीत भरून ठेवाव्यात.
