केडगावातील महिलेच्या खून प्रकरणातील आरोपी सारस दत्तू सुरवसे याला पकडल्यानंतर त्याच्या समवेत कोतवाली पोलिसांचे पथक.
नगर – केडगाव येथे महिलेचा गळा आवळून
खून करणार्या आरोपीला कोतवाली पोलिसांनी
२४ तासाच्या आत कर्जत येथील माळी गल्ली येथे
पकडले आहे. सारस दत्तू सुरवसे (वय ३५) असे
या आरोपीचे नाव असून त्याला २६ फेब्रुवारी रोजी
पकडण्यात आले आहे.
केडगाव येथील संगीता जाधव या महिलेचा
खून झाल्याचा गुन्हा दाखल होताच कोतवाली
पोलिसांनी आरोपीच्या मूळ गावी, जवळचे
नातेवाईक, केडगाव परिसर या ठिकाणी शोध
घेऊन त्याच्या नातेवाईकांचे फोन नंबर प्राप्त
करून घेतले. व त्याचप्रमाणे आरोपीच्या घरावर
साध्या वेशातील पोलिसांनी नजर ठेवली. आरोपी
सुरवसे यांनी माळीवाडा परिसरातील रोडवर
कापड विक्री करणार्या इसमाच्या फोनवरून घरी
फोन केला असल्याचे समजल्याने पोलिसांनी
कापड विक्रेत्याकडून माहिती घेऊन आरोपीचे
कपड्यांविषयी पथकास माहिती दिली. त्याप्रमाणे
आरोपी हा त्याच्या राहते घरी आल्याची माहिती
मिळताच कर्जत पोलीस यांच्या मदतीने सापळा
रचून आरोपीस सुरवसे यास ताब्यात घेतले.
ही कारवाई पोलीस निरीक्षक प्रताप दराडे
यांचे मार्गदर्शन व सूचनेनुसार सहाय्यक पोलीस
निरीक्षक कुणाल सपकाळे, पोलीस अंमलदार
राजेंद्र औटी, योगेश भिंगारदिवे, विशाल दळवी,
संदीप पितळे, सलीम शेख, दीपक रोहोकले,
तानाजी पवार, अभय कदम, अतुल काजळे,
अतुल कदम, सचिन लोळगे, अमोल गाडे, संकेत
धीवर, राम हंडाळ, मोबाईल सेलचे पोलीस
अंमलदार राहुल गुंडू तसेच कर्जत पोलीस ठाण्याचे
पोलीस कॉन्स्टेबल दंदाडे, किरण बोराडे, प्रताप
देवकाते यांनी केली.