नगर – माजी आमदार अरुण जगताप यांच्यावर पुणे येथील खाजगी रुग्णालयात उपचार सुरू असून, काकांच्या प्रकृतीत
सुधारणा व्हावी. यासाठी भवानीनगर येथील इंद्रप्रस्थ मंगल कार्यालय येथील नागेश्वर मंदिरात ज्ञानेश्वर रासकर, सौ.कल्पना रासकर, ईशान रासकर व रासकर परिवाराच्यावतीने नागेश्वर मंदिरात लघु रुद्राभिषेक व महाआरती करण्यात आली. यावेळी भाविकांनी महादेवाला साकडे घातले. तसेच भगवान श्री नागेश्वराची महाआरती केली. याप्रसंगी सौ.सुवणाताई
सचिन जगताप, संगिता चौरे, प्रा.माणिकराव विधाते, प्रा.अरविंद शिंदे, माजी नगरसेवक प्रकाश भागानगरे, डॉ.विजय भंडारी, राजेंद्र चोपडा, सुमतीलाल कोठारी, पप्पु मुंदडा, राजेंद्र छाजेड, राजु शेटीया, बाळासाहेब धाडिवाल, किशोर डागा, किशोर मुथा, अण्णा आंबेकर, राजु सांगळे, राजू कचरे, डॉ.दत्तात्रय लोडे, डॉ.ठाकूर, डॉ.ए.टी.देशमुख, डॉ.सौ. म्हसे आदी उपस्थित होते.
ज्ञानेश्वर रासकर म्हणाले, इंद्रप्रस्थ मंगल कार्यालय येथील नागेश्वर मंदिर हे महादेवाचे जागृत देवस्थान आहे. सावित्रीबाई फुले नगर परिसरातील भाविकांनी काकांच्या उत्तमआरोग्यासाठी भगवान श्री नागेश्वराला साकडे घातले आहे. यावेळी रासकर परिवारासोबतच काकांचा मित्रपरिवार उपस्थित होता. यावेळी भाविकांनी मनोभावे प्रार्थना केली आहे. परमेश्वर
निश्चितच सर्वांच्या प्रार्थनेला बळ देईन. लवकरच काकांच्या तब्येतीत सुधारणा होऊन नागरिकांच्या सेवेत काका पुन्हा दाखल होतील. असा विश्वास त्यांनी व्यक्त केला.