नगर – भास्कर पांडुरंग हिवाळे एज्युकेशन सोसायटीच्या (बीपीएचईएस) अहमदनगर कॉलेजतर्फे आंतरराष्ट्रीय परिषद
ऑन रिसेंट डिस्कव्हरीज अ‍ॅण्ड इनोव्हेशन्स इन लाइफ सायन्सेस (आयसीआरडीआयएलएसय्२०२५) ही आंतरराष्ट्रीय परिषद १८, १९ सप्टेंबर रोजी आयोजित करण्यात आली. दोन दिवस चाललेल्या या हायब्रिड पद्धतीतील (प्रत्यक्ष आणि ऑनलाईन) परिषदेतील भारतासह परदेशातून ४५० हून अधिक प्रतिनिधी सहभागी झाले.
परिषदेचे उद्घाटन वैज्ञानिक डॉ. भूषण पाटवर्धन यांच्या हस्ते झाले. त्यांनी डॉ. विजय खन्ना
मेमोरियल व्याख्यान देताना औषध शोध व औषधनिर्माण संशोधनातील नव्या प्रवाहांवर विचार मांडले.
आपल्या प्रमुख व्याख्यानात त्यांनी अहमदनगर कॉलेजमधील विद्यार्थी दिवसांच्या आठवणी जागवल्या
आणि पुन्हा या कॅम्पसमध्ये येणे म्हणजे घरी परतल्यासारखे असल्याचे सांगितले. त्यांनी कॉलेजचा
परंपरागत वारसा, दूरदृष्टी असलेले प्राध्यापक आणि आंतरशाखीय शिक्षणसंस्कृती यावर विशेष भर दिला.
डॉक्टर पाटवर्धन यांनी तरुण संशोधकांना नवोन्मेषना नैतिकतेसह पुढे नेण्याचे आवाहन केले तसेच
आधुनिक आण्विक विज्ञानास आयुर्वेदासारख्या पारंपरिक ज्ञानपद्धतींशी जोडण्याचे महत्त्व अधोरेखित
केले.
आयसीआरडीआयएलएस २०२५ मध्ये ३० हून अधिक आमंत्रितांची व्याख्याने झाली. यात डॉ.
जयप्रकाश मुळीयिल (सीएमसी, वेल्लोर), डॉ. मनोहर आर. फुर्टाडो (अमेरिका), प्राध्यापक अरविंद ए.
नाटू (आयआयएसईआर, पुणे), डॉ. सी.के. जॉन (एनसीएल, पुणे), डॉ. शर्मिला बापट (संचालक,
एनसीसीएस, पुणे), डॉ. सुरेंद्र घासकडबी (मॅक्स-एआरआय, पुणे), डॉ. राहुल भांबुरे (एनसीएल,
पुणे), डॉक्टर सौरव मजुमदार (अ‍ॅजाइल बायोसायन्सेस प्रा. लि., अहमदाबाद, गुजरात), डॉक्टर
एस.टी. लोंकार (एन्वोकेअर रिसर्च अँड इंजिनियरिंग प्रा. लि., पुणे), डॉक्टर शुभांगी मुंगरे (नॉर्थईस्टर्न
इलिनॉयिस विद्यापीठ, शिकागो, अमेरिका), डॉ. चित्रा एफ. मनोहर (रोश, अमेरिका), प्राध्यापक पोरुनेलूर
मॅथ्यू (नॉर्थ टेक्सास विद्यापीठ, अमेरिका), डॉ. सुजीत नीरक्कल (बायोअ‍ॅटलांटिस लि., आयर्लंड),
डॉ. शंकर स्वामिनाथन (बॉश,
अमेरिका), डॉक्टर जे.आर.
कुमार व डॉ. शिवराजू (जेएसएस
एएचईआर, मैसूर, कर्नाटक) यांचा
समावेश होता. विविध सत्रांमध्ये
रसायनशास्त्र, जीव रसायनशास्त्र,
आण्विक जीवशास्त्र, जैविक
तंत्रज्ञान, शेती, पर्यावरण विज्ञान,
न्यूट्रास्युटिकल्स व बायोमेडिकल
इनोव्हेशन्स यांसारख्या विषयांचा
समावेश होता.
तरुण संशोधकांना संधी
मिळावी यासाठी त्यांच्या संशोधन
क्षेत्रातील नवीन शोधासाठी प्रत्यक्ष
सादरीकरण व ई-पोस्टर स्पर्धा
आयोजित करण्यात आल्या. निवडलेल्या संशोधकांना त्यांचे संशोधन आंतरराष्ट्रीय दर्जा प्राप्त आंतरराष्ट्रीय
वैज्ञानिक नियतकालिकेत प्रकाशित करण्यासाठी संधी प्राप्त झाली आहे.
या परिषदेच्या यशामागे डॉक्टर भास्कर पांडुरंग हिवाळे शैक्षणिक संस्थेचे अध्यक्ष डॉ. आर. जे.
बार्नबस (अध्यक्ष, बीपीएचईएस) व संस्थेचे सचिव विशाल बार्नबस यांचे दूरदृष्टीपूर्ण नेतृत्व महत्त्वाचे
ठरले.
कन्व्हीनर डॉ. नोएल पार्जे (कार्यवाह प्राचार्य) व आयोजक सचिव डॉ. इवान अरान्हा यांनी
आयोजनाची सूत्रे सांभाळली. १९४७ साली स्थापन झालेले अहमदनगर कॉलेज महाराष्ट्रातील शैक्षणिक
उत्कृष्टता व सामाजिक परिवर्तनाचे दीपस्तंभ ठरले असून जागतिक शैक्षणिक देवाणघेवाणीला प्रोत्साहन
देत आहे.
सांस्कृतिक व पुरस्कार समारंभात उत्कृष्ट संशोधन सादरीकरणांचा गौरव करण्यात आला तसेच
वैज्ञानिक, शिक्षक व विद्यार्थ्यांमधील स्नेहबंध दृढ झाले. शेवटी निरोप सत्रात आरोग्य, शेती व पर्यावरण
क्षेत्रातील जागतिक आव्हानांवर शाश्वत वैज्ञानिक उपायांची गरज अधोरेखित करण्यात आली.
या परिषदेची संकल्पना व प्रेरणा डॉ. मनोहर आर. फुर्टाडो (अमेरिका) व त्यांच्या सायन्स एज्युकेशन
अ‍ॅण्ड रिसर्च इंडिया असोसिएशन ट्रस्ट कडून मिळाली. आयोजक सचिव डॉ. इवान अरान्हा यांनी
आपल्या कार्यसंघासह ही परिषद यशस्वी केली. तसेच डॉ. जॉन बार्नबस पीजी स्कूलच्या माजी
विद्यार्थ्यांनी या परिषदेला पाठिंबा दिला.
