भक्तीगीतांवर भाविकांनी धरला ठेका, महिलांचा रंगला रास गरबा नृत्य
नगर – पंजाबी सनातन धर्मसभेच्या सर्जेपूरा
येथील राधा-कृष्ण मंदिरात नवरात्र उत्सवानिमित्त
माता की चौकीचा कार्यक्रम उत्साहात व भक्तीमय
वातावरणात पार पडला. बबलू दुग्गल जागरण
मंडळाच्या कलाकारांनी देवीचे भक्तीगीत सादर
केले.
याप्रसंगी शीख, पंजाबी समाज बांधवांसह
महिला उपस्थित होत्या. रात्री रंगलेल्या माता की
चौकी कार्यक्रमात विविध भक्ती गीतांमध्ये भाविक
रममाण झाले होते. देवीच्या एकाहून एक सरस
भक्तीगीतांनी वातावरण प्रसन्न बनले होते. चलो
बुलावा आया है!…, भक्त चलो, दरबार चलो….,
दुखीयो के कष्ट निवारी, आज हे जगराता…, मेरी
माँ, मेरी माँ…. आदी गीतांनी भाविक मंत्रमुग्ध
झाले. तर देवीच्या जागरण-गोंधळाच्या गिताने
कार्यक्रमात रंगता आनली. वाद्यांसह भक्तीगीतांवर
बहरलेल्या कार्यक्रमाचा भाविकांनी मनमुराद आनंद
लुटला.
शेवटच्या टप्प्यात महिलांनी रास गरबा नृत्य
केले. तर भाविकांनी भक्तीगीतांवर ठेका धरला
होता. भक्तीमय वातावरणात रंगलेल्या कार्यक्रमाचा
उत्साह शिगेला पोहचला होता. हात उंचावून
भाविकांनी देवी मातेचा जयजयकार केला. देवीच्या
रुपात प्रकट झालेल्या दानी बबलू राजपूत या
चिमुकलीने सर्वांचे लक्ष वेधले. कार्यक्रमाचे योगेश
धुप्पड व धुप्पड परिवाराच्या वतीने देवीची आरती
करण्यात आली. ट्रस्टचे अध्यक्ष राकेश गुप्ता व
सर्व विश्वस्तांच्या मार्गदर्शनाखाली हा कार्यक्रम पार
पडला. भंडार्याने कार्यक्रमाची सांगता झाली.
१ ऑक्टोबर रोजी सकाळी ९:३० वाजता
महिला भजन मंडळीच्या उपस्थितीमध्ये पूर्णाहुति
यज्ञाने उत्सवाची सांगता होणार आहे. तर १
ऑक्टोबरला समाजबांधवांच्या उपस्थितीमध्ये
दसरा सण साजरा केला जाणार आह
