नगर – राज्य पुरस्कृत एकात्मिक कापुस, सोयाबीन व इतर तेलबिया उत्पादकता वाढ व मुल्यसाखळी विकास योजना अंतर्गत बॅटरी ऑपरेटेड फवारणी पंपासाठी महाडीबीटी पोर्टल वर अर्ज करून मूल्य साखळी विकास योजनेचा जास्तीत जास्त शेतकर्यांनी लाभ घ्यावा, असे आवाहन जिल्हा अधीक्षक कृषी अधिकारी सुधाकर बोराळे यांनी केले. कापूस, सोयाबीन व इतर तेलबिया आधारीत पीक पद्धतीस चालना देवून शेतकर्यांच्या उत्पन्नात वाढ करून कापुस, सोयाबीन व इतर तेलबिया पिकातील मुल्यसाखळीस चालना देणे या उद्देशाने राज्य पुरस्कृत एकात्मिक कापूस आणि सोयाबीन इतर तेलबिया उत्पादकता वाढ व मुल्य साखळी विकासासाठी विशेष कृति योजना सन २०२२-२३ ते २०२४-२५ या तीन वर्षात राबविण्यात येत आहे. या निविष्ठांचा पुरवठा करण्याकरिता लाभार्थ्यांची निवड महाडीबीटी पोर्टलवर केलेल्या ऑनलाईन अर्जातून ऑनलाईन पद्धतीने करण्यात येणार आहे. त्यासाठी महाडीबीटी पोर्टलवर १२ जूनपासून सदर बाबींच्या टाईल्स उपलब्ध करून देण्यात आलेल्या आहेत.
३० जूनपर्यंत अर्ज करण्याचे जिल्हा अधीक्षक कृषी अधिकारी सुधाकर बोराळे यांचे आवाहन
बियाणे, औषधे व खते या टाईल अंतर्गत शेतकर्यांना अर्ज करता येतील. शेतकरी बांधवांनी ारहरवलीं.ारहरीरीहीींर. र्सेीं.ळप या वेबसाईट वर जाऊन अर्ज करावेत व योजनेचा लाभ घ्यावा. अर्ज करण्याचा कालावधी १२ ते ३० जून असून या कालावधीत शेतकर्यांनी अर्ज भरून योजनेचा लाभ घ्यावा असे श्री.बोराळे यांनी सांगितले. सन २०२४-२५ मध्ये योजनेंतर्गत चालु खरीप हंगाममध्ये खालील निविष्ठा पुरविण्यात येणार आहे. १. नैनो यूरिया सोयाबीन, २. नैनो डीएपी सोयाबीन, ३. नैनो युरिया कापूस, ४. नैनो डीएपी कापूस, ५. बैटरी ऑपरेटेड फवारणी पंप, ६. कापूस साठवणूक बैंग ७. मेटाल्डीहाइड सोयाबीन
