नगर – शेअर ट्रेडिंगमध्ये पैसे गुंतवणूक केल्यास अधिक नफा मिळवून देण्याचे आमिष दाखवून नगरमधील व्यावसायिकाची १५ लाख ५५ हजार रुपयांची फसवणूक केल्याची घटना समोर आली आहे. याप्रकरणी व्यावसायिक राजीव अनंत सहस्त्रबुध्दे (वय ५३, रा. सिध्दीविनायक सोसायटी, सावेडी) यांनी येथील सायबर पोलीस ठाण्यात फिर्याद दिली आहे. सदरचा प्रकार १८ मार्च २०२४ ते ६ मे २०२४ दरम्यान घडला आहे. अक्षिता बोरा या नावाने व्हॉट्सअप ग्रुपवर असलेल्या एका मोबाईल नंबर धारक व्यक्तीने राजीव सहस्त्रबुध्दे यांच्यासोबत संपर्क केला. शेअर ट्रेडिंगमध्ये गुंतवणूक केल्यास अधिक नफा मिळवून देतो असे सांगून विश्वास संपादन केला. सहस्त्रबुध्दे यांनी त्या व्यक्तीवर विश्वास ठेऊन १५ लाख ५५ हजार रूपयांची गुंतवणूक केली. दरम्यान त्यांना नफा मिळाला नाही व गुंतवणूक केलेली रक्कम देखील परत मिळाली नाही. आपली फसवणूक झाल्याचे लक्षात आल्यानंतर त्यांनी सायबर पोलीस ठाणे गाठून घडलेला प्रकार पोलिसांना सांगितला. या फिर्यादीवरून पोलिसांनी ६० व्हीआयपी इन्स्टॉलेशन अकाऊंट या व्हॉट्सअॅाप ग्रुपवरील अॅूडमीन अक्षिता बोरा नावाने असलेल्या एका मोबाईल नंबर धारक व्यक्तीविरूध्द फसवणुकीसह आयटी अॅाट कलमानुसार गुन्हा दाखल केला आहे. अधिक तपास प्रभारी अधिकारी पोलीस निरीक्षक दिनेश आहेर करत आहेत.
