नगर – नगर अर्बन गैर व्यवहार प्रकरणी बँकेचे माजी अध्यक्ष अशोक माधवलाल कटारीया (वय ७२, रा. टाकळी ढोकेश्वर) यांना स्थानिक गुन्हे शाखेच्या पथकाने ताब्यात घेत अटक केल्याची माहिती मिळाली आहे. सोमवारी (दि.२९) पहाटेच्या दरम्यान ही कारवाई केली. माजी संचालक मनेष साठे व अनिल कोठारी या दोघांना नगर अर्बन गैरव्यवहार प्रकरणी अटक केलेली आहे. बँकेचे वरिष्ठ अधिकार्‍यांना मागील आठवड्यात अटक करण्यात आल्यानंतर आता तीन माजी संचालकांना अटक झाली आहे. हा २९२ कोटींचा घोटाळा असून, यामध्ये शंभरहून अधिक आरोपी असल्याची माहिती मिळाली आहे. या प्रकरणी एसआयटी देखील स्थापन केली असून पोलिसांनी तत्कालीन अध्यक्ष व संचालकांवर कारवाई सुरु केली आहे. या प्रकरणाची चौकशी पोलिसांकडून सुरू असताना या गुन्ह्याची व्याप्ती मोठी असल्याने याचे फॉरेन्सिक ऑडिट केले गेले होते. त्यानंतर घोटाळ्यात कोणाचा कसा सहभाग आहे हे स्पष्ट झाले असल्याने तपासला आता वेग आला आहे.
