खांडवी

साहित्य – 1 वाटी तांदळाचा रवा, 1 वाटी साखर किंवा गूळ, आले कीस 2, 3 चमचे, 2 वाट्या नारळाचे दूध, पाव चमचा वेलदोड्यांची पूड, तूप, चिमूटभर मीठ, थोडा रोझ इसेन्स किंवा गुलाबपाणी.

कृती – तांदूळ धुऊन कपड्यावर पसरून वाळवावे. नंतर त्यांचा रवा काढावा. तुपावर रवा चांगला भाजून घ्यावा. नारळाच्या दुधात साखर विरघळून घ्यावी. दुधाला उकळी आली की त्यात वाटलेले आले, मीठ व भाजलेला रवा घालावा.

इसेन्स व वेलदोड्यांची पूड घालावी. चांगले ढवळून झाकण ठेवावे. गॅस मंद ठेवावा. नंतर बाजूने थोडे तूप सोडून ढवळावे व तूप लावलेल्या थाळीत घालून थापावे. वरून थोडे ओले खोबरे घालून थापावे. गार झाल्यावर मोठ्या वड्या पाडाव्यात.