बॅलेट पेपरवर मतदानाच्या मागणीसाठी नगरमध्ये धोकादर्शक घंटानाद आंदोलन

अहमदनगर- विधानसभेचे मतदान बॅलेट पेपरवर घेण्याची मागणी करत ईव्हीएम आणि निवडणूक आयोगाच्या विरोधात गुरुवारी (दि. 19) येथील हुतात्मा स्मारकात दिवसभर धोकादर्शक घंटानाद आंदोलन करण्यात आले. मतदान यंत्र विरोधी जनआंदोलनाचे जालिंदर चोभे मास्तर यांच्या नेतृत्वाखाली घंटानाद करण्यात आला. निवडणूक आयोगाने ईव्हीएमच्या सहाय्याने मतप्रक्रिया राबवून लोकशाहीला सुरुंग लावला आहे. पंतप्रधान मोदी हे केवळ मुखवटा असून सर्व कारभार संघाचे कार्यकर्ते पाहत आहेत. ईव्हीएमवर मतदान झाले तर देशात हुकूमशाही येईल. त्यामुळे आयोगाच्या विरोधात जनतेच्या न्यायालयात जाणे गरजेचे झाले असे स्पष्ट करत हॉंगकॉंगच्या नागरिकांप्रमाणे लोकतंत्रासाठी आता सर्वांनाच लढावे लागेल. त्यासाठी आंदोलनात सहभागी व्हावे, असे आवाहन चोभे मास्तर यांनी केले आहे.

ई- पेपर  बातम्या   आत्मधन  ज्योतिष  वास्तुशास्त्र  संस्कृती  आरोग्य  गृहिणी  पाककला  सौन्दर्य  मुलांचे विश्व  सुविचार  सामान्य ज्ञान   नोकरी विषयीक   प्रॉपर्टी   अर्थकारण   मनोरंजन   तंत्रज्ञान  क्रिडा  पर्यटन  निधनवार्ता   पोल  प्रश्नमंजुषा