तडीपार आरोपीस अटक

अहमदनगर- नगर जिल्ह्यातून दोन वर्षांकरीता हद्दपार असलेला बिरजा राजू जाधव (वय 22, रा.मकासरे चाळ, कोठी, नगर) यास स्थानिक गुन्हे अन्वेषण शाखेच्या पोलिसांनी कोठी-मार्केटयार्ड जाणार्‍या रोडवर वावरताना शिताफीने पकडले. ही कारवाई शुक्रवारी (दि.16) केली.

नगर जिल्ह्यातून दोन वर्षे तडीपार केलेला बिरजा जाधव हा हद्दपार आदेशाचा भंग करुन कोठी परिसरात फिरत असल्याची माहिती स्थानिक गुन्हे अन्वेषण शाखेच्या पथकाला मिळाली. यावरुन स्थानिक गुन्हे अन्वेषण शाखेच्या पोलिसांनी त्यास कोठी चौक ते मार्केटयार्ड रोडवर शिताफीने अटक केली. बिरजा जाधव यास 27 एप्रिल 2019 रोजी महाराष्ट्र पोलिस कायदा कलम 151 चे कलम 55 नुसार अहमदनगर जिल्हा महसुल स्थळ सीमेच्या हद्दीतून दोन वर्षाकरीता हद्दपार केलेले होते. असे असताना तो कोणतीही परवानगी न घेता हद्दपार आदेशाचा भंग करुन शहरात प्रवेश करुन फिरताना पोलिसांना आढळून आला.

यावरुन पोलिस नाईक संदीप घोडके यांच्या फिर्यादीवरुन कोतवाली पोलिसांनी महाराष्ट्र पोलिस कायदा कलम 142 अन्वये गुन्ह्याची नोंद केली असून पुढील कारवाई कोतवाली पोलिस करीत आहेत.

ई- पेपर  बातम्या   आत्मधन  ज्योतिष  वास्तुशास्त्र  संस्कृती  आरोग्य  गृहिणी  पाककला  सौन्दर्य  मुलांचे विश्व  सुविचार  सामान्य ज्ञान   नोकरी विषयीक   प्रॉपर्टी   अर्थकारण   मनोरंजन   तंत्रज्ञान  क्रिडा  पर्यटन  निधनवार्ता   पोल  प्रश्नमंजुषा