केरळच्या पूरग्रस्तांना मदत करा, जॉन अब्राहमन केले नागरिकांना आवाहन

‘केरळमध्ये सध्या जे काही सुरु आहे त्यामुळे तेथील जनजीवन विस्कळीत झालं आहे. तेथील नागरिकांवर ओढावलेलं हे संकट पाहून मला प्रचंड त्रास होत आहे. केरळबरोबर माझ्या बालपणीच्या आठवणी जोडल्या गेल्या आहेत. त्यामुळे माझी साऱ्यांना विनंती आहे की त्यांनी मुख्यमंत्री मदत निधीच्या माध्यमातून या पूरग्रस्त नागरिकांची मदत करावी’, असं आवाहन जॉनने केलं आहे.

केरळमध्ये पावसाच्या थैमानामुळे आतापर्यंत ७२ जणांचा मृत्यू झाला आहे. सध्या केरळमध्ये पूरपरिस्थिती निर्माण झाल्यामुळे राष्ट्रीय आपात्कालीन बचाव दलाच्या आणखी १२ टीमही येथे रवाना करण्यात आल्या आहेत. त्यामुळे येथील नागरिकांचे प्राण वाचविण्याचे प्रयत्न सुरु असून अभिनेता जॉन अब्राहम यानेही येथील नागरिकांना मदत करण्याचे आवाहन केले आहे.